#World_Science
Published 27 March 2025

▪️ အေးခဲခြင်းဆိုတာဟာ အရည်ကနေ အခဲအဖြစ် အသွင်ပြောင်းသွားတဲ့ ဖြစ်စဉ်လို့ သိထားကြပေမယ့် အီတလီသိပ္ပံပညာရှင်အဖွဲ့ကတော့ အလင်းရောင်ကို အေးခဲနိုင်ခဲ့ပါတယ်။

▪️ ဒီအဖွဲ့မှာ နာနိုနည်းပညာရှင်များနဲ့ ရူပဗေဒပညာရှင်များ ပါဝင်ကာ အလင်းရောင်ကို အလွန်ခဲတဲ့ပုံစံမျိုး ပြုလုပ်နိုင်ခဲ့ကြပါတယ်။

▪️ အလွန်ခဲ့တဲ့အရာတွေဆိုတာ အစီအစဉ်တကျ ဖွဲ့စည်းမှုနဲ့ ပွတ်တိုက်အားမဲ့ အရည်များစီးဆင်းမှုတို့ ပေါင်းစပ်ထားတဲ့ အခြေအနေတစ်ခု ဖြစ်ပါတယ်။

▪️ အလွန်အေးခဲတဲ့အက်တမ်များ စုခဲသွားတာဖြစ်ပြီး ဖိုတွန်များအသုံးပြုထားတာ ဖြစ်ပါတယ်။

▪️ သာမန်အေးခဲခြင်းက အရည်အပူချိန် အေးခဲမှတ်အထိ ကျဆင်းသွားပြီးတော့ မော်လီကျူးများ နှေးသွားကာ အစိုင်အခဲပုံစံ ဖြစ်သွားကြပါတယ်။

▪️ အပူချိန်က လုံးဝသုညနားကပ်သွားတဲ့အခါ အက်တမ်တွေရဲ့ ကွမ်တမ်သဘာဝလှုပ်ရှားမှုများ ပေါင်းစည်းသွားပြီး ထူးခြားဆန်းပြားတဲ့အဆင့်တွေဆီ ရောက်သွားတယ်လို့ သုတေသီများ ရှင်းပြပါတယ်။

▪️ ဖိုတွန်တွေကိုလည်း အလွန်ခဲသွားတဲ့ပုံစံ လုပ်နိုင်မလားဆိုတာကို လေ့လာခဲ့ကြပါတယ်။

▪️ အရည်အေးခဲတဲ့ အခြေအနေဟာ အမှုန်အပိုင်းအစ အများအပြားဟာ တပြိုင်တည်း ကွမ်တမ်စွမ်းအင် အနည်းဆုံးအခြေအနေ ဖြစ်ပျက်ပြီး BECဖြစ်စဉ်လို့ ရှင်းပြပါတယ်။

▪️ BECမှာ အပူချိန်အတော်လေးနိမ့်ပြီး အမှုန်အစုအဖွဲ့က တစ်သားတည်းအဖြစ် ဆောင်ရွက်ကြပါတယ်။

▪️ ဖိုတွန်အရေအတွက် မြင့်တက်လာတဲ့အခါ ဖိုတွန်တွေအတွဲလိုက် စုကပ်သွားပြီး စွမ်းအင်လျော့နည်းသွားစေပါတယ်။

▪️ အလွန်ခဲတဲ့အခြေအနေ ထွက်ပေါ်လာပြီး စနစ်ထဲက ဖိုတွန်သိပ်သည်းခြင်း ချိန်ညှိသွားပြီးတော့ အလွန်ခဲတဲ့အခြေအနေပုံစံမျိုး ဖြစ်လာပါတယ်။

#Source: WION

BMW AGရဲ့ စီအီးအို စီမံခန့်ခွဲရေးဘုတ်အဖွဲ့ဥက္ကဌ အိုလီဗာဇစ်ပ်က တရုတ်ထောက်ပံ့ရေးကွင်းဆက်များနဲ့ ထဲထဲဝင်ဝင် ပူးပေါင်းမှုအကြောင်း အလေးပေးပြောခဲ့ကာ တရုတ်ဈေးကွက်မှာ ဆက်လက်ရင်းနှီးမြှုပ်နှံဖို့ကို တနင်္ဂနွေနေ့က ထပ်မံအတည်ပြုပြောသွားပါတယ်။
#World_Industry
Published 26 March 2025
#BMWစီအီးအို #အိုလီဗာဇစ်ပ်
#YMG #Yangon_Times #Yangon_Media_Group

#Daily_News

Published 26 March 2025

၁။ နေပြည်တော်လမ်းလျှောက်သင်္ကြန်တွင် သနပ်ခါးသင်္ကြန် ထည့်သွင်းကျင်းပမည်

၂။ ရန်ကုန်တိုင်း၌ ပဲမျိုးစုံ ဧကငါးသိန်းခန့်အထိ စိုက်ပျိုးထား

၃။ တစ်နှစ်အတွင်း ကျွမ်းကျင်လုပ်သားပေါင်း သုံးသောင်းခန့်အား အသိအမှတ်ပြုလက်မှတ်များထုတ်ပေးခဲ့

၄။ တရုတ်ကားဈေးကွက်၌ဆက်လက်ရင်းနှီးမြှုပ်နှံသွားရန် BMW စီအီးအိုပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာနိုင်ငံမှ ယွန်းထည်၊ ဝါးအနုပညာ၊ ဝါးဒီဇိုင်းနဲ့ ဆောက်လုပ်ရေး၊ ချည်ထုတ်ကုန်အစရှိတာတွေကို STYLE Bangkok 2025 ပြပွဲမှာ ပါဝင်ပြသသွားမယ်လို့ သိရပါတယ်။
#Local_News 
Published 26 March 2025
#ဝါးထုတ်ကုန် #STYLE_Bangkok_2025
#YMG/SW #Yangon_Times

#Local_News
Published 26 March 2025

▪️ ညောင်ဦးမြို့ မြင်းကပါကျေးရွာရှိ မနုဟာမင်းကြီးတည်ထားကိုးကွယ်ခဲ့သော မနုဟာဘုရားကြီးကို ရွှေသင်္ကန်းကပ်လှူပူဇော်မည်ဖြစ်ကြောင်း မနုဟာဘုရားကြီး ဘဏ္ဍာတော်ထိန်းဂေါပကအဖွဲ့ထံက သိရသည်။

▪️ ထိုသို့ရွှေသင်္ကန်းကပ်လှူပူဇော်ရာတွင် မနုဟာဘုရားကြီး ထီးတော်နှင့်အရံစေတီများကိုကပ်လှူပူဇော်သွားမည် ဖြစ်ရာမနုဟာဘုရားကြီး ထီတော်နှင့်အရံစေတီ ၂၇ ဆူရွှေသင်္ကန်းကပ်လှူပူဇော်နိုင်ရေး လုပ်ငန်းညှိနှိုင်း အစည်းအဝေးကို ယမန်နေ့က ပြုလုပ်ခဲ့ကြောင်း သိရသည်။

▪️ အစည်းအဝေးတွင် ညောင်ဦးခရိုင်စီမံအုပ်ချုပ်ရေးအဖွဲ့ဥက္ကဌ ဦးကျော်မင်းညိုက မနုဟာဘုရားကြီးရွှေသင်္ကန်း မကပ်လှူမှီ ရွှေမိုက်ထုတ်လေမိုက်တင်ဒါခေါ်ယူနိုင်ရေး လေလံစည်းကမ်းချက်များနှင့်အညီ နိုင်ငံပိုင်သတင်းစာများတွင် လေလံစည်းကမ်းချက်များနှင့် အညီခေါ်ယူနိုင်ရေးနှင့်သတ်မှတ်ရက် အတွင်းပြီးစီးနိုင်ရေး အမှာစကားပြောကြားခဲ့‌ကြောင်း သိရသည်။

#YMG/SW #Yangon_Times

#World_News
Published 26 March 2025

▪️ အမေရိကန်ဟာ ပင်လယ်ပြင်တိုက်ခိုက်မှုတွေနဲ့ စွမ်းအင်ဆိုင်ရာ ပစ်မှတ်များအပေါ် တိုက်ခိုက်မှုတွေကို ရပ်တန့်ဖို့ ယူကရိန်း၊ ရုရှားတို့နဲ့ သီးခြားသဘောတူညီချက်တွေ အင်္ဂါနေ့က ရရှိခဲ့ပြီဖြစ်ပြီး ရုရှားအပေါ် ချမှတ်ထားတဲ့ ဒဏ်ခတ်ပိတ်ဆို့မှုအချို့ကို ရုပ်သိမ်းဖို့ သဘောတူလိုက်ပါတယ်။

▪️ ပင်လယ်နက် ရေကြောင်းလုံခြုံရေး သဘောတူညီမှုတွေ ဘယ်အချိန် ဘယ်လိုစတင်မလဲ သေချာမသိရပေမယ့် သမ္မတဒေါ်နယ်ထရမ့် တာဝန်ယူချိန်ကစပြီးနောက် နှစ်ဖက်စလုံးမှ ပထမဆုံးတရားဝင် သဘောတူညီလာကြတာ ဖြစ်ပါတယ်။

▪️ အမေရိကန်နဲ့ ရုရှားသဘောတူညီချက်က ယူကရိန်းထက် ခရီးပိုရောက်နေပြီး အမေရိကန်က ရုရှားလယ်ယာစိုက်ပျိုးရေးနဲ့ မြေဩဇာတင်ပို့မှုများအပေါ် ချမှတ်ထားတဲ့ နိုင်ငံတကာ ဒဏ်ခတ်ပိတ်ဆို့မှုတွေကို ဖယ်ရှားပေးဖို့ ကြိုးပမ်းသွားမယ်လို့ ကတိပြုလိုက်ပါတယ်။

▪️ အမေရိကန်ဘက်မှ ထုတ်ပြန်ပြီးမကြာခင်မှာပဲ ရုရှားတို့က ယင်းတို့ဘဏ်အချို့နဲ့ နိုင်ငံတကာ ဘဏ္ဍာရေးစနစ်တွေကြား ချိတ်ဆက်မှုတွေ ပြန်လည်မရမချင်း ပင်လယ်နက်သဘောတူညီမှု အကျုံးဝင်မှာမဟုတ်ဘူးလို့ ပြောလိုက်ပါတယ်။

▪️ ယူကရိန်းသမ္မတ ဗိုလိုဒီမာဇယ်လန်စကီကတော့ ငြိမ်းချမ်းရေး သဘောတူညီချက်မှာ စတင်အသက်ဝင်ဖို့အတွက် ဒဏ်ခတ်ပိတ်ဆို့မှု လျှော့ချတာတွေ မလိုအပ်ဘူးလို့ ဆိုလိုက်ကာ ရုရှားတို့က သဘောတူညီချက်တွေကို ခြယ်လှယ်ဖို့ ကြိုးစားနေတယ်လို့ ပြောခဲ့ပါတယ်။

▪️ "ရုရှားတို့ဟာ သဘောတူညီချက်တွေကို ထင်ယောင်ထင်မှားဖြစ်အောင် လုပ်နေပြီး ကြားဝင်စေ့စပ်သူတွေရော တစ်ကမ္ဘာလုံးကိုပါ လှည့်ဖျားနေတယ်" လို့ ဇယ်လန်စကီက ပြောသွားပါတယ်။

▪️ ရုရှားနိုင်ငံခြားရေးဝန်ကြီး ဆာဂေးလက်ဗ်ရော့ဗ်က "ရှင်းလင်းတဲ့ အာမခံချက်တွေ လိုပါလိမ့်မယ်။ အရင်က ယူကရိန်းနဲ့ သဘောတူညီချက်ယူရာမှာ စိတ်ပျက်စရာ ဖြစ်ခဲ့တာကြောင့် အမေရိကန်ကနေ ဇယ်လန်စကီကို ညွှန်ကြားလို့ဖြစ်လာတဲ့ အရာကသာ အာမခံချက်ဖြစ်နိုင်ပါတယ်" လို့ ပြောပါတယ်။

▪️ ရုရှားအနေနဲ့ သဘောတူညီချက်တွေကို ချိုးဖောက်ပါက ရုရှားအပေါ် နောက်ထပ်ဒဏ်ခတ်ပိတ်ဆို့မှုများ ချမှတ်ရန်နဲ့ ယူကရိန်းကို လက်နက်တွေ ထပ်ပြီးထောက်ပံ့ရန် ထရမ့်ကို တောင်းဆိုသွားမယ်လို့ ဇယ်လန်စကီ ပြောပါတယ်။

#Source: Reuters

မြန်မာနိုင်ငံလုပ်သားများ ကျွမ်းကျင်မှုစံသတ်မှတ်ပြဌာန်းရေးအဖွဲ့အနေနဲ့ ၂၀၁၄ ခုနှစ်မှ ၂၀၂၅ ခုနှစ် ဖေဖော်ဝါရီလအထိ တစ်နှစ်တာကာလအတွင်းကျွမ်းကျင်လုပ်သားပေါင်း သုံးသောင်းခန့်ကို အသိအမှတ်ပြုလက်မှတ်တွေ ထုတ်ပေးခဲ့တယ်လို့ သိရပါတယ်။
#Local_News 
Published 26 March 2025
#ကျွမ်းကျင်လုပ်သား #အသိအမှတ်ပြုလက်မှတ်ထုတ်ပေး
#YMG/SW #Yangon_Times

ရန်ကုန်တိုင်း‌ဒေသကြီးအတွင်း၌ အခု၂၀၂၄-၂၀၂၅ ခုနှစ်အတွက် ပဲမျိုးစုံ ဧက ငါးသိန်းအထိ စိုက်ပျိုးထားပြီး လျာထားချက်ထက်ပိုမို စိုက်ပျိုးထားနိုင်တယ်လို့ တိုင်းဒေသကြီးစိုက်ပျိုးရေးဦးစီးဌာနက  သိရပါတယ်။
#Local_News 
Published 26 March 2025
#ပဲမျိုးစုံဧကငါးသိန် #တိုင်းဒေသကြီးစိုက်ပျိုးရေးဦးစီးဌာန
#YMG/NN #Yangon_Times

အခုနှစ်နေပြည်တော်မှာ ပြုလုပ်မယ့် လမ်းလျှောက်သင်္ကြန်မှာသနပ်ခါးသင်္ကြန်ကိုပါ ထည့်သွင်း ကျင်းပသွားမယ်လို့ နေပြည်တော်လမ်းလျှောက်သင်္ကြန် ကျင်းပရေးကော်မတီက သိရပါတယ်။
#Local_News 
Published 26 March 2025
#နေပြည်တော်လမ်းလျှောက်သင်္ကြန် #သနပ်ခါးသင်္ကြန်ထည့်သွင်းကျင်းပ
#YMG/NN #Yangon_Times

#Local_News
Published 26 March 2025
 
▪️ ပဲခူးတိုင်းဒေသကြီး ပြည်မြို့လွတ်လပ်ရေးကျောက်တိုင်ကွင်းနှင့် မြို့နယ်အားကစားကွင်းအတွင်း၌ 'သနပ်ခါးအလှ မြန်မာကအစ၊ ခြင်းလုံးအစ သရေခေတ္တရာက'ခေါင်းစဥ်ဖြင့် ဈေးရောင်းပွဲတော်နှင့် ပျော်ပွဲရွှင်ပွဲများကို မတ်၂၅ ရက်မှ ၃၁ ရက်အထိ (၇) ရက်တိုင်တိုင်ကျင်းပလျှက်ရှိကြောင်း သိရသည်။

▪️ ရိုးရာအားကစားနှင့် ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ကကြီးမှူး၍ ' သနပ်ခါးအလှ မြန်မာကအစ၊ ခြင်းလုံးအစသရေခေတ္တရာက' ဟူသော ခေါင်းစဥ်ဖြင့် ဈေးရောင်းပွဲတော်နှင့် ပျော်ပွဲရွှင်ပွဲများကို ကျင်းပနေခြင်းဖြစ်သည်။

▪️ အဆိုပါပွဲ ပထမနေ့၌  မြန်မာ့သနပ်ခါးအလှသမိုင်း‌ကြောင်းနှင့် သနပ်ခါးပင်၏ ဆေးဘက်ဝင်ပုံအကြောင်း၊ ရိုးရာတပင်တိုင်ခြင်းအလှခတ်‌ဖျော်ဖြေမှုများ၊ သနပ်ခါးအလှလိမ်းချယ်ပြိုင်ပွဲကို ကျင်းပခဲ့ကာဆုများချီးမြှင့်ပေးအပ်ခဲ့ကြသည်။

▪️ အဆိုပါပွဲတော်ရက်အတွင်း ရိုးရာခြင်းအလှခတ်ပွဲနှင့် ပြည်မြို့ရှိ ဌာနဆိုင်ရာများ၊ လူမှုအဖွဲ့အစည်းများနှင့် တက္ကသိုလ်ဒီဂရီကောလိပ်များမှ ပြိုင်ပွဲဝင်လှပျိုဖြူများ၏ အဖွဲ့အလိုက် သနပ်ခါးလိမ်းချယ်ပြိုင်ပွဲများ၊ အနုပညာရှင်များ၏ ဖျော်ဖြေမှုများကို အခမဲ့ကြည့်ရှုအားပေးနိုင်မည်ဖြစ်ကာ ဒေသထွက် ထုတ်ကုန်အရောင်းဆိုင်များနှင့် ပွဲဈေးဆိုင်တန်းများ၊ ချား/ရဟတ်၊ အပျော်စီးလှေနှင့် ကလေးကစားကွင်းများဖြင့် ပျော်ပွဲရွှင်ပွဲများကိုလည်း စည်ကားသိုက်မြိုက်စွာကျင်းပသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 26 March 2025

▪️ ယခုအပတ်အတွင်း၌ တစ်စိတ်တစ်ပိုင်း နေကြတ်မှု ဖြစ်ပွားမည် ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

▪️ ၂၀၂၅ ခုနှစ်၊ မတ်လ ၂၉ ရက်နေ့၊ မြန်မာစံတော်ချိန် ၃နာရီ၂၀မိနစ်မှ ၇နာရီ ၁၅မိနစ်အချိန် အတွင်း တစ်စိတ်တစ်ပိုင်း နေကြတ်ခြင်းဖြစ်စဉ် ဖြစ်ပေါ်နိုင်ကြောင်း သိရသည်။

▪️ အဆိုပါ တစ်စိတ်တစ်ပိုင်းနေကြတ်ခြင်းဖြစ်စဉ်ကို ဥရောပတိုက်၊ အာရှတိုက်မြောက်ပိုင်း၊ အာဖရိကတိုက် အနောက်မြောက်ပိုင်းနှင့်  မြောက်အမေရိကတိုက်ဒေသများရှိ နိုင်ငံအသီးသီးတို့မှ မြင်တွေ့နိုင်နည်ဖြစ်ကြောင်း သိရသည်။

#YMG/NN #Yangon_Times

#World_Health
Published 26 March 2025

▪️ ဝိုင်နီက ဝိုင်ဖြူထက် ကျန်းမာရေးအရ ပိုကောင်းတယ်လို့ သိထားကြပါတယ်။

▪️ ဒါဟာ ဝိုင်နီမှာက စွမ်းအားမြင့် ဓာတ်တိုးဆန့်ကျင်ပစ္စည်း ရက်စ်ဗရာထရိုလ် ကြွယ်ဝတာကြောင့် ရောင်ရမ်းခြင်းနဲ့ ကင်ဆာ၊ နှလုံးရောဂါတို့ ဖြစ်နိုင်ခြေကို လျှော့ချနိုင်တာ ဖြစ်ပါတယ်။

▪️ ဝိုင်ဖြူက ကယ်လိုရီပါဝင်မှု နည်းပါးပြီး အစားအသောက် ထိန်းသိမ်းရာမှ ပိုသင့်တော်ပြီးတော့ ဝိုင်နီကတော့ ရေရှည်ကျန်းမာရေးအတွက် ပိုမိုကောင်းမွန်တယ်လို့ သတ်မှတ်ကြကြောင်း သက်ရှည်ကျန်းမာရေး ပညာရှင် ဒန်ဘတ်နာက ဆိုပါတယ်။

▪️ လူပေါင်း ၉၆,၀၀၀ နီးပါးပါဝင်တဲ့ လေ့လာချက်ပြုလုပ်ရာမှာ ဝိုင်နီဝိုင်ဖြူ သောက်သုံးခြင်းနဲ့ ကင်ဆာဖြစ်နိုင်ခြေတို့ကြား ဆက်စပ်မှု ကွာခြားချက်မရှိဘူးလို့ ဆန်းစစ်တွေ့ရှိလာပါတယ်။

▪️ ဖြစ်နိုင်ခြေရှိတာက ဝိုင်ဖြူသောက်ခြင်းက အရေပြားကင်ဆာ ဖြစ်နိုင်ခြေများစေတာနဲ့ ဆက်စပ်နေပါတယ်။

▪️ ဒါဟာ ဝိုင်ဖြူကို နေ့ခင်းဘက်တွေမှာ အပြင်ဖက်နေရာတွေမှာထိုင်ရင်း သောက်တတ်ကြတာကြောင့် အရေပြားကင်ဆာဖြစ်နိုင်ခြေ များတာဖြစ်နိုင်ပါတယ်။

▪️ ဝိုင်နီရဲ့ အကျိုးကျေးဇူးတွေကို လေ့လာရာမှာတော့ အူလမ်းကြောင်း ကျန်းမာရေး၊ နုပျိုတဲ့အရေပြား၊ မျိုးပွားနိုင်စွမ်းမြင့်မားခြင်းတို့နဲ့ ဆက်စပ်နေပါတယ်။

▪️ ဝိုင်နီက နှလုံးကျန်းမာရေးအတွက် ကောင်းတယ်လို့ ဆိုကြပေမယ့် ပြီးခဲ့တဲ့ နှစ် ၂၀ အတွင်း အငြင်းပွားနေကြဆဲဖြစ်ပါတယ်။

▪️ လေ့လာချက်တွေအရ အနည်းငယ်သောက်သုံးခြင်းက ကျန်းမာရေးအတွက် ကောင်းတယ်ဆိုတာပဲ ဖြစ်တယ်လို့ ယူစီဆန်ဖရန်ဆစ္စကို သူနာပြုကျောင်းမှ ကိုင်းဖီလ်မိုးက ပြောသွားပါတယ်။

▪️ အယ်လ်ကိုဟောကို သာမန်ပမာဏ သောက်သုံးရင်တောင် ကင်ဆာဖြစ်နိုင်ခြေများစေတယ်လို့ သုတေသနအဖွဲ့တစ်ခုက ပြောထားပါတယ်။

#Source: New York Post