မြန်မာ့လက်‌ရွေးစင်ယူ-၂၀အသင်း ဟာ 'အာရှယူ-၂၀ ခြေစစ်ပွဲ'ကန်ဖို့ ထိုင်းမှာခြေစမ်းပွဲ (၃)ပွဲ ကန်ဖို့ရှိတယ်လို့ သိရပါတယ်။
#Local_News
Published 04 September 2024
#မြန်မာ့လက်‌ရွေးစင်ယူ-၂၀ #ထိုင်း၌ခြေစမ်းပွဲ(၃)ပွဲကန်
#YMG/tthl #Yangon_Times

#Local_News
Published 4 September 2024

မြန်မာနိုင်ငံမှလိုအပ်သည့် ဆေးဝါးပစ္စည်းများကိုပြည်ပနိုင်ငံများမှ တင်သွင်းလျှက်ရှိရာ ပင်လယ်ရေကြောင်းမှ အဓိကတင်သွင်းလျှက်ရှိကြောင်း စီးပွား‌ရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

အဆိုပါကဲ့သို့ ပင်လယ်ရေကြောင်းမှ တင်သွင်းရာတွင် တရုတ်၊ အိန္ဒိယ၊ ပါကစ္စတန်၊ ဘင်္ဂလားဒေ့ရှ်၊ ထိုင်း၊ အင်ဒိုနီးရှား၊ ဂျာမနီ၊ ဘရာဇီး၊ ဩစတြေးလျ၊ အာဂျင်တီးနား၊ ဆိုက်ပရက်စ်နိုင်ငံတို့မှ အဓိကတင်သွင်းနေခြင်းဖြစ်ကာ ဩဂုတ်လ ၁ ရက်မှ ၂၃ ရက်အထိ သုံးပတ်ကျော်အတွင်းပင်လယ်ရေကြောင်းမှ ဒေါ်လာ ၄၆ ဒသမ ၈၈၀ သန်းရှိ ဆေးဝါးပစ္စည်းများ တန်ချိန် ၁၇၀၀ ကိုတင်သွင်းထားခြင်းဖြစ်ကြောင်း သိရသည်။

ထို့အပြင်  နယ်စပ်မှတင်သွင်းမှုတွင် ထိုင်းနိုင်ငံမှ အဓိကတင်သွင်းနေခြင်းဖြစ်ပြီး ဒေါ်လာ ၀ ဒသမ ၂၈၆ သန်းရှိ ဆေးဝါးပစ္စည်းများတန်ချိန် ၂၀ ကိုတင်သွင်းထားခြင်းဖြစ်ကြောင်း သိရသည်။

#YMG/NN #Yangon_Times

#Local_News
Published 4 September 2024

▪️ ရန်ကုန်စတော့အိပ်ချိန်း၏ စာရင်းဝင်ကုမ္ပဏီတစ်ခုဖြစ်သော မြန်မာအက်ဂရိုအိတ်(စ်)ချိန်း အများနှင့်သက်ဆိုင်သော ကုမ္ပဏီလီမိတက်၏၂၀၂၃-၂၀၂၄ ဘဏ္ဍာ‌ရေးနှစ်အတွက် အမြတ်ဝေစုခံစားခွင့်ရှိသည့် အစုရှယ်ယာများအတွက်အမြတ်ဝေစုများအား ယခုရက်ပိုင်းအတွင်း ထုတ်ပေးသွားမည်ဖြစ်ကြောင်း သိရသည်။

▪️ အဆိုပါ  မြန်မာအက်ဂရိုအိတ်(စ်)ချိန်း အများနှင့်သက်ဆိုင်သော ကုမ္ပဏီလီမိတက်၏ ဩဂုတ် ၂၃ရက်နေ့တွင် ကျင်းပ သည့် (၅/၂၀၂၃-၂၀၂၄) ဒါရိုက်တာအဖွဲ့အစည်းအ‌ဝေးမှ ၂၀၂၃-၂၀၂၄ ဘဏ္ဍာ‌ရေးနှစ်အတွက် အစုရှယ်ယာတစ်စုလျှင် အမြတ်ဝေစု (Dividend) ၂၀၀ ကျပ်နှုန်း ဖြင့် ၂၀၂၄ ခုနှစ် စက်တင်ဘာလ (၆) ရက်နေ့မှ စတင်၍ခွဲဝေပေးရန် ဆုံးဖြတ်ခဲ့ကြခြင်းဖြစ်ရာ ဩဂုတ် (၂၇) ရက်နေ့တွင် ကျင်းပပြုလုပ်သည့် အဌမအကြိမ်မြောက် နှစ်ပတ်လည်အထွေထွေ အစည်းအဝေးမှလည်း အစုရှယ်ယာရှင်များထံ အသိပေးကြေညာခဲ့ပြီး ဖြစ်ကြောင်း သိရသည်။

▪️ ထို့အပြင်  ၂၀၂၄ ခုနှစ် ဇူလိုင်လ (၂၅)ရက် (YSX Record Date) ရှိ အစုရှယ်ယာရှင်စာရင်းအရ ၂၀၂၃-၂၀၂၄ ဘဏ္ဍာ‌နှစ်အတွက် အမြတ်ဝေစု (Dividend) ခံစားခွင့်ရှိသော အစုရှယ်ယာရှင်များ၏ အမြတ်ဝေစုများကို    ငွေချေးသက်သေခံလက်မှတ်စာရင်းဖွင့်လှစ်ထားသော အစုရှယ်ယာရှင်များ ၊ငွေချေးသက်သေခံလက်မှတ်စာရင်းဖွင့်လှစ်ထားသော အစုရှယ်ယာရှင်များအတွက် အစုရှယ်ယာရှင်များ စာရင်းဖွင့်လှစ်ထားသည့် ငွေချေးသက်သေခံလက်မှတ်ကုမ္ပဏီများ၏ ဘဏ်အကောင့်များသို့ တိုက်ရိုက်လွှဲပြောင်းပေးမည် ဖြစ်သည်။

▪️ အဆိုပါအစုရှယ်ယာရှင်များ ၀ယ်ယူထားသော 3rd Right Issue ရှယ်ယာများ DEMAT မလုပ်ရသေးပါကလည်း အဆိုပါ ရှယ်ယာများအတွက် ရရှိမည့် အမြတ်‌ဝေစုများကိုပါ တပေါင်းတည်း လွှဲပြောင်းပေးသွားမည် ဖြစ်သည်။

▪️ ငွေချေးသက်သေခံလက်မှတ်စာရင်းဖွင့်လှစ်ထားခြင်းမရှိသော အစုရှယ်ယာရှင်များ ငွေချေးသက်သေခံလက်မှတ်စာရင်းဖွင့်လှစ်ထားခြင်းမရှိသေးသော အစုရှယ်ယာရှင်များအနေဖြင့် အမြတ်‌ဝေစုထုတ်ပေးရန် အောက်ပါအချက်အလက်များ အပြည်အစုံကို ထင်ရှားစွာ ဓါတ်ပုံရိုက်၍ အစုရှယ်ယာရှင်၏ အီးမေး(သို့မဟုတ်)ဖုန်း Viber ဖြင့် MAEX ရှယ်ယာဌာနEmail  This email address is being protected from spambots. You need JavaScript enabled to view it. သို့မဟုတ် Viber ဖုန်းနံပါတ် 09889955485 နှင့် 09883016868 သို့ ပေးပို့တောင်းခံရမည်ဖြစ်ကြောင်း သိရသည်။

▪️ ယင်းအပြင် အစုရှယ်ယာရှင်ပိုင်ဆိုင်မှတ်တမ်း Share Certificate (ရှေ့/နောက်) ၊ အစုရှယ်ယာရှင်၏ မှတ်ပုံတင် (ရှေ့/နောက်)၊ အမြတ်ဝေစုလွှဲပေးမည့် ဘဏ်စာရင်း(သို့) Pay နံပါတ်/အမည် အစုရှယ်ယာရှင်များ ပေးပို့သော ဘဏ်စာရင်းအမှတ် (သို့) Pay နံပါတ်သို့သာ အမြတ်‌ဝေစုများ လွှဲပြောင်းပေးသွားမည် ဖြစ်ကြောင်း၊ အစုရှယ်ယာအနည်းစုပိုင်ဆိုင်သည့် အစုရှင်များအဆင်ပြေစေရန်အတွက် အစုရှယ်ယာ ၁ စု မှ ၁ဝဝဝဝ စုထိ ပိုင်ဆိုင်သော အစုရှယ်ယာရှင်များအနေဖြင့် ငွေသားထုတ်ယူလိုပါက MAEX ရုံးချုပ်တွင်လည်း ရှယ်ယာရှင်ပိုင်ဆိုင်မှု မှတ်တမ်း Share Certificate (မူရင်းနှင့် မိတ္တူ)၊ အစုရှယ်ယာရှင်၏ မှတ်ပုံတင် (မူရင်းနှင့် မိတ္တူ) တို့နှင့်အတူ ရုံးချိန်အတွင်း အစုရှယ်ယာရှင်ကိုယ်တိုင် လာရောက်ထုတ်ယူနိုင်ကြောင်း သိရသည်။

#YMG/NN #Yangon_Times

#World_News
Published 04 September 2024

▪️ လက်နက်ထုတ်လုပ်ရေး တာဝန်ရှိသူ ယူကရိန်းဝန်ကြီးဟာ အခြားကာကွယ်ရေး ကဏ္ဍမှာ ပါဝင်ဖို့အတွက် အင်္ဂါနေ့က ရာထူးမှ နုတ်ထွက်ခဲ့သလို ရုရှားနဲ့စစ်ပွဲ အရေးကြီးတဲ့အချိန်မှာ အစိုးရနေရာ ပြန်လည်ဖွဲ့စည်းမှုအတွင်း အခြားဝန်ကြီး ၄ ဦးဟာလည်း အနားယူခဲ့ပါတယ်။

▪️ ယခုနှစ် အစောပိုင်းက ရာထူးမှထုတ်ပယ်ခဲ့ကြပြီးနောက် ဗျူဟာမြောက် စက်မှုဝန်ကြီး အိုလက်ဆန်ဒါကာမီရှင်၊ လက်ထောက်ဝန်ကြီးချုပ် အိုလာစတီဖာနီရှီနာ၊ တရားရေးဝန်ကြီး၊ သဘာဝပတ်ဝန်းကျင်ဝန်ကြီး၊ ပြန်လည်နေရာချထားရေးဝန်ကြီးတို့ နုတ်ထွက်ကုန်ကြကာ ဝန်ကြီးအဖွဲ့ရဲ့ ၃ ပုံ ၁ ပုံကျော် လစ်လပ်သွားပါတယ်။

▪️ ယခုလအတွင်း သမ္မတ ဗိုလိုဒီမီယာဇယ်လန်စကီ အမေရိကန်သို့ မသွားရောက်ခင်မှာ ဒီနေရာတွေကို ဖြည့်ဆည်းသွားမှာဖြစ်ပါတယ်။

▪️ "ဆောင်းဦးအချိန်က ယူကရိန်းအတွက် အလွန်အရေးကြီးပါတယ်။ ကျွန်ုပ်တို့အားလုံး အလိုရှိတဲ့အရာတွေ ရယူနိုင်ဖို့ တိုင်းပြည်ရေးရာ အဖွဲ့အစည်းတွေ ဖွဲ့စည်းသင့်ပါတယ်" လို့ ဇယ်လန်စကီက မိန့်ခွန်းပြောသွားပါတယ်။

▪️ ဒီအတွက် အစိုးရအဖွဲ့ အချို့နေရာတွေကို အားဖြည့်တင်းပြီး ပြောင်းလဲမှုများ ပြုလုပ်ရန် စီစဉ်ထားကြောင်း၊ သမ္မတရုံးအတွင်းမှာလည်း ပြောင်းလဲမှုတွေ ရှိမှာဖြစ်ကြောင်း ပြောပါတယ်။

▪️ ဒါ့အပြင် စီးပွားရေးအပိုင်းမှာ ထမ်းဆောင်နေတဲ့ လက်ထောက် ကာကွယ်ရေးဦးစီးချုပ်တွေထဲက ရိုစတီစလက်ဗ်ရှာမာကိုလည်း ထုတ်ပယ်လိုက်ကြောင်း သမ္မတရုံးဝက်ဘ်ဆိုက်မှာ ထုတ်ပြန်တဲ့ အမိန့်တစ်ရပ်အရ သိရပါတယ်။

▪️ ဇယ်လန်စကီပါတီအဖွဲ့မှ အကြီးတန်းလွှတ်တော်အမတ် ဒေးဗစ်အာရက်ခါမီယာက ဝန်ကြီးတဝက်ကျော်လောက် ပြောင်းလဲနိုင်ကာ အစိုးရပြန်လည်ဖွဲ့စည်းမှုကြီး ဖြစ်လာလိမ့်မယ်လို့ ပြောပါတယ်။

▪️ မနက်ဖြန်ဟာ ရာထူးတွေကနေ ထုတ်ပယ်မယ့်နေ့ဖြစ်ပြီး နောက်တစ်နေ့ကတော့ ရာထူးခန့်အပ်မယ့်နေ့ ဖြစ်လာမှာပါ။

▪️ ဥရောပသမဂ္ဂနဲ့ နေတိုးမဟာမိတ်အဖွဲ့တို့မှာ ယူကရိန်းပူးပေါင်းရေးအတွက် ကြိုးပမ်းဆောင်ရွက်နေတဲ့ စတီဖာနီရှီနာကို တာဝန်ပိုကြီးတဲ့ ဝန်ကြီးဌာနအကြီးအကဲအဖြစ် တွေ့ရနိုင်ပြီး သူမရဲ့ တာဝန်ဟောင်းနဲ့ တရားရေးဝန်ကြီးဌာနတို့ရဲ့ကဏ္ဍတို့ကို ပူးတွဲလုပ်ကိုင်ရဖွယ်ရှိပါတယ်။

▪️ ကာမီရှင်ကတော့ ယူကရိန်းထက် အင်အားများစွာသာလွန်တဲ့ ရုရှားနဲ့ တိုက်ခိုက်ဖို့ ဒရုန်းတွေ၊ တာဝေးပစ်ဒုံးကျည်တွေ အပါအဝင် ကာကွယ်ရေးလက်နက် ထုတ်လုပ်မှုမှန်သမျှ တိုးမြှင့်ရာမှာ ဦးဆောင်လုပ်ကိုင်နေပါတယ်။

▪️ အစိုးရအဖွဲ့မှာ တက်သစ်စအဖြစ် သတ်မှတ်ခံထားရတဲ့ အသက် ၄၀ အရွယ် ကာမီရှင်က ကာကွယ်ရေးကဏ္ဍမှာ ဆက်လက်လုပ်ကိုင်မှာ ဖြစ်ပေမယ့် ကဏ္ဍကွဲပြားသွားတယ်လို့ တယ်လီဂရမ်မှာ ဖော်ပြထားပါတယ်။

▪️ ကာကွယ်ရေးလက်နက် ထုတ်လုပ်မှုပိုင်းမှာ ကာမီရှင် ဦးဆောင်လာပြီးနောက် ယူကရိန်းဟာ တာဝေးပစ်ဒရုန်းတွေ ထောင်နဲ့ချီ ထုတ်လုပ်နိုင်ခဲ့ပါတယ်။

▪️ ဥပဒေပြုအမတ်တွေနဲ့ နိုင်ငံရေးသုံးသပ်သူတွေဟာ အစိုးရအဖွဲ့အတွင်း အဓိကပြောင်းလဲမှုတွေ ဖြစ်လာမယ်လို့ ခန့်မှန်းခဲ့ပါတယ်။

▪️ ယခုနှစ်အစောပိုင်းက ဝန်ကြီးတွေ ရာထူးမှ နုတ်ထွက် ထုတ်ပယ်သူတွေ ရှိခဲ့ပြီး အနည်းဆုံးကဏ္ဍ ၅ ခုလောက် လစ်လပ်နေခဲ့ပါတယ်။

#Source: Reuters

#Local_News
Published 04 September 2024

▪️ တရုတ်နိုင်ငံ၊ ပေကျင်းမြို့မှ ပေကျင်းဗုဒ္ဓဘာသာကိုယ်စားလှယ်အဖွဲ့ဝင်များ အနေဖြင့်ရန်ကုန်တိုင်းနှင့် ပဲခူးတိုင်းသို့လေ့လာရေးခရီးသွားမည်ဖြစ်ကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်။

▪️ ပေကျင်းဗုဒ္ဓဘာသာကိုယ်စားလှယ်အဖွဲ့ဝင်များသည် ပေကျင်း Yonghe Temple၊ Guanghua Temple၊ Buddhist Lodge၊ Tanzhe Temple၊ Youshengjiao Temple စသည်တို့မှ လာရောက်ခဲ့ကြပြီး စက်တင်ဘာလ ၃ ရက်နေ့မှ ၆ ရက်နေ့အထိ မြန်မာနိုင်ငံ ရန်ကုန်တိုင်း၊ ပဲခူးတိုင်းတို့တွင် လေ့လာရေးခရီးသွားရောက်ကာဒေသခံ ဗုဒ္ဓဘာသာကျောင်းတိုက်နှင့် ပညာသင်ကောလိပ်များကြား ချစ်ကြည်ရင်းနှီးစွာ ကူလူးဖလှယ်သွားမည်ဖြစ်သည်ဟုဆိုသည်။

▪️ ပေကျင်းမြို့ ဗုဒ္ဓဘာသာအသင်းဥက္ကဋ္ဌနှင့် Yonghe Temple ကျောင်းထိုင်ဆရာတော် Lama Hu Xuefeng သည် ပေကျင်းဗုဒ္ဓဘာသာကိုယ်စားလှယ်အဖွဲ့အား ဦးဆောင်၍ စက်တင်ဘာလ ၃ ရက်နေ့၌ မြန်မာနိုင်ငံသို့ လာရောက်ခဲ့ပြီး မြန်မာနိုင်ငံဆိုင်ရာ တရုတ်သံအမတ်ကြီး Ms. Ma Jia မှကိုယ်စားလှယ်အဖွဲ့အား တွေ့ဆုံခဲ့သည်။ 

▪️ တွေ့ဆုံစဉ် နှစ်ဦးနှစ်ဖက်မှ တရုတ်-မြန်မာ ဗုဒ္ဓဘာသာအစဉ်အလာ တရားဓမ္မချစ်ကြည်မှု ခိုင်မြဲရေး၊ နှစ်နိုင်ငံပြည်သူအချင်းချင်း စိတ်နှလုံးနီးစပ်မှုမြှင့်တင်ခြင်းဆိုင်ရာ ကိစ္စရပ်များကို အမြင်ချင်းဖလှယ်ခဲ့ကြပြီး သံမှူး Mr. Li Qianguo စသည့်သက်ဆိုင်သူများ အဆိုပါအခမ်းအနားသို့ တက်ရောက်ခဲ့ကြောင်း သိရသည်။

#YMG/tthl #Yangon_Times

#World_News
Published 04 September 2024

▪️ စလော့ရောဂါလို့ခေါ်တဲ့ ရှားပါးဗိုင်းရပ်စ်တစ်မျိုးကို ကျူးဘားကနေ အမေရိကန်သို့ ပြန်ရောက်လာတဲ့ ခရီးသည် ၂၁ ဦးမှာ တွေ့ရှိခဲ့တယ်လို့ အမေရိကန် CDC မှ ထုတ်ပြန်ထားပါတယ်။

▪️ တောင်အမေရိက စလော့ကောင်တွေမှာ စတင်တွေ့ရှိခဲ့တာကြောင့် စလော့ရောဂါလို့ အမည်ပေးထားပြီး ကျန်းမာရေး ခြိမ်းခြောက်လာနိုင်တယ်လို့ ကျွမ်းကျင်သူများ ဆိုပါတယ်။

▪️ တရားဝင်အားဖြင့် အော်ရိုပေါ့ချ် ရောဂါလို့ခေါ်တဲ့ ဗိုင်းရပ်စ်ကြောင့် ဘရာဇီးလ်မှ အသက် ၂၀ ဝန်းကျင် မိန်းကလေး ၂ ဦး အသက်ဆုံးပါးထားပါတယ်။

▪️ ခြင်မှတဆင့် ကူးစက်လာတယ်လို့ ယူဆထားကာ အခုဆိုရင် ဥရောပမှာ ရောဂါတွေ့ရှိသူ ၁၉ ဦးရှိပြီး စပိန်မှာ ၁၂ ယောက်၊ အီတလီမှာ ၅ ယောက်၊ ဂျာမနီမှာ ၂ ယောက်ဖြစ်ပါတယ်။

▪️ ရောဂါရှိတဲ့ စလော့ကောင်၊ မျောက်၊ ငှက်တို့ဆီက သွေးစုပ်ယူထားတဲ့ ခြင်တွေ ကိုက်တာကြောင့် ဗိုင်းရပ်စ်က အဓိကကူးစက်ပါတယ်။

▪️ သွေးလွန်တုပ်ကွေးနဲ့ ဆင်တူတာတွေရှိပြီး ကိုယ်ဝန်ဆောင် အမျိုးသမီးတွေမှာ အဓိကကူးစက်တတ်ပါတယ်။

▪️ ရောဂါလက္ခဏာအနေနဲ့ ဖျားနာခြင်း၊ ခေါင်းကိုက်ခြင်း၊ ကြွက်သားနာခြင်း၊ မူးဝေအော့အန်ခြင်း၊ ချမ်းတုန်ခြင်း၊ အလင်းရောင် အထိမခံနိုင်ခြင်းတို့ ဖြစ်ပါတယ်။

▪️ ဆိုးရွားလာရင်တော့ ဦးနှောက်အမြှေးရောင်ခြင်းအထိ ဖြစ်တတ်ကာ လူအများစုကတော့ ရောဂါကြာရှည်မဖြစ်ဘဲ သက်သာကြပါတယ်။

▪️ ဒါပေမဲ့ ကိုယ်ဝန်ထဲက သန္ဓေသားတွေအတွက် အန္တရာယ်ရှိနိုင်ပြီး ကလေးအသေမွေးခြင်း၊ ကိုယ်ဝန်ပျက်ခြင်း၊ မွေးတဲ့အခါ ကိုယ်လက်အင်္ဂါချို့ယွင်းခြင်းတို့ ဖြစ်တတ်ပါတယ်။

▪️ လက်ရှိမှာ ထိုရောဂါအတွက် ကုသဆေး ကာကွယ်ဆေးမရှိပါဘူး။

▪️ လက်ရှိမှာ ကူးစက်နေတဲ့ ဗိုင်းရပ်စ်မျိုးနွယ်အကြောင်း သိပ်ပြီးမသိကြရသေးပါဘူး။

▪️ မိခင်ကနေ ကလေးကို ကူးစက်နိုင်ခြေ ရှိမရှိကိုတော့ ဘရာဇီးလ်မှာ လေ့လာနေဆဲဖြစ်ပါတယ်။

▪️ ဦးခေါင်းသေး အခြေအနေဖြစ်နေတဲ့ မွေးကင်းစကလေး ၄ ဦးကို စမ်းသပ်ရာမှာ အောရိုပေါ့ချ်ဗိုင်းရပ်စ်ကို ဆန့်ကျင်တဲ့ ပဋိပစ္စည်းတွေ တွေ့ရှိထားပါတယ်။

▪️ ဗိုင်းရပ်စ်ကူးစက်ထားတဲ့ အမျိုးသမီးတစ်ဦး ဇွန်လက ကလေးအသေမွေးထားသလို နောက်တစ်ဦးကတော့ ကိုယ်ဝန်ပျက်ကျခဲ့ပါတယ်။

#Source: India Today

#Local_News
Published_4 Sept 2024

 ▪️ ရှမ်းပြည်နယ်အတွင်းရှိဆေးရုံများအနက် လိုအပ်ချက်ရှိသည့် ဆေးရုံများကို အဆင့်မြှင့်တင်မှုများနှင့် တိုးချဲ့မှုများဆောင်ရွက်ပေးရန် နစကဥက္ကဌက ပြောသည်။

▪️ ရှမ်းပြည်နယ်(တောင်ပိုင်း)၊ တောင်ကြီးမြို့ရှိ စဝ်စံထွန်းပြည်သူ့ ဆေးရုံကြီးသို့ ယနေ့ စက်တင်ဘာလ ၃ ရက် တွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် လိုက်ပါလာသည့်အဖွဲဝင်များ သွားရောက်ကြည့်ရှုစစ်ဆေးစဉ် အထက်ပါအတိုင်း ပြောကြားခဲ့ခြင်း ဖြစ်သည်။

▪️ အဆိုပါစဝ်စံထွန်းပြည်သူ့ဆေးရုံကြီးတွင်လိုအပ်သည့်စက်ကိရိယာများဖြည့်ဆည်းရန်၊ဆေးရုံတိုးချဲ့တည်ဆောက်မည့်မြေနေရာများကိုလည်း စဉ်းစားဆောင်ရွက်ရန်၊ ကျန်းမာရေးဝန်ထမ်းများ၏ နေအိမ်များထည့်သွင်းတည်ဆောက်ပေးထားရန်နှင့် လိုအပ်သည့်ပါရဂူများခန့်အပ်တာဝန်ပေးရန်တို့ကိုနစကဥက္ကဌက ပြောကြားခဲ့ခြင်းဖြစ်ကြောင်း သိရသည်။

▪️ ရှမ်းပြည်နယ်အတွင်းရှိဆေးရုံများထဲမှ အဆင့်မြှင့်တင်မှုများနှင့်တိုးချဲ့မှုများဆောင်ရွက်ပေး ရန်လိုသောဆေးရုံ များကိုဆောင်ရွက်ရာတွင်လည်း နယ်မြေအတွင်းနေထိုင်သည့်ပြည်သူများ၏လူဦးရေကို တွက်ချက်၍ ဆောင်ရွက်ပေးရန်နစက ဥက္ကဌက ပြောကြားခဲ့ကြောင်း သိရသည်။

▪️ ဆေးရုံများကိုပြည်သူများအတွက် အားကိုးဖွယ်ရာ ဖြစ်အောင်ဆောင်ရွက်ကြရန်၊ ပြောဆို ဆက်ဆံမှုမှအစ ကုသစောင့်ရှောက်မှု အပိုင်းများတွင်ပါ စနစ်တကျရှိရန်၊ သန့်ရှင်းသပ်ရပ်နေရန်၊ အညစ်အကြေးစွန့်သည့် စနစ်များကိုလည်း အနံအသက်များကင်းရှင်းစေရေးဆောင်ရွက်ရန် ၊ ကျန်းမာရေးဝန်ထမ်းများ ဝတ်စားဆင်ယင်မှုများ ကောင်းမွန်နေရန်၊ ဆေးရုံသို့လာရောက်ကုသသူများဆေးရုံသို့လာရောက်ချိန်တွင် အားကိုးသည့် စိတ်များဖြစ်ပေါ်အောင်ဆောင်ရွက်ရန်၊ ဆေးရုံ တက်ပြည်သူများ ကျန်းမာရေးနှင့်ညီညွတ်သည့် အစာအာ ဟာရများရရှိစေရေး စီမံ ဆောင်ရွက်ပေးရန်စသည်ဖြင့်လည်း နစက ဥက္ကဌကမှာကြားခဲ့ကြောင်း သိရသည်။

▪️ စဝ်စံထွန်းဆေးရုံကြီးကို ၁၉၅၇ ခုနှစ်တွင် ဝန်ထမ်းတပ်မဟာ အမှတ်(၁) (Rehabilitation Brigade No.1)မှ တပ်ရင်းမှူး ဗိုလ်မှူးချုပ် မောင်လွင် (B.Sc Engineering)က ဦးဆောင်၍ ရုရှား-မြန်မာချစ်ကြည် ရေးအ တွက် ရည်ရွယ်ကာ ဆိုဗီယက်ပြည်ထောင်စုနိုင်ငံ၏ စီးပွားရေးနှင့် ကျွမ်းကျင်သူပူးပေါင်းဆောင်ရွက်မှုဖြင့် တည် ဆောက်ခဲ့ခြင်းဖြစ်ကြောင်း၊ အဆောက်အဦအားလုံးအတွက် ငွေကျပ်သိန်း ၄၀ ကုန်ကျခဲ့ပြီး ၁၉၆၁ ခုနှစ်၊ ဇွန်လတွင် စတင်ဖွင့်လှစ်ခဲ့ ကြောင်း၊ ပထမဦးဆုံး ဆေးရုံအုပ်ကြီးအဖြစ်တာဝန်ထမ်းဆောင်ခဲ့သူမှာ ဒေါက်တာ စဝ်နော်ခမ်း ဖြစ်ပြီး ရှမ်းပြည်နယ်တွင် တစ်ခုတည်းသောဆေးရုံကြီးဖြစ်ခဲ့ကြောင်း၊ စတင်ဖွင့်လှစ်ခဲ့ချိန်တွင် ခုတင်-၂၀၀ ဆံ့ဆေးရုံဖြစ်သော်လည်း ၂၀၁၅ ခုနှစ် ဒီဇင်ဘာလ ၁၆ ရက်တွင် ခုတင်-၅၀၀ ဆံ့ဆေးရုံကြီးအဖြစ် တိုးမြှင့်သတ်မှတ်ခဲ့ခြင်းဖြစ်ကြောင်း သိရသည်။

#Yangon_Times/PP

#Local_News
Published_4 Sept 2024

▪️ MNDAA ၊TNLA နှင့် AA အဖွဲ့တို့ နှင့်ဆက်နွယ်နေသူများလည်း အကြမ်းဖက်အားပေးသူများဖြစ်ဟုနစက ဥက္ကဌက အရှေ့ပိုင်းတိုင်းစစ်ဌာနချုပ်အတွင်း နယ်မြေတည်ငြိမ်အေးချမ်းရေး ဆိုင်ရာဆောင်ရွက်ထားရှိမှုများကို သွားရောက်စစ်ဆေးသည့်ယနေ့ စက်တင်ဘာလ ၃ ရက်တွင် ပြောကြားခဲ့သည်။

▪️ စက်တင်ဘာလ ၂ ရက်တွင် MNDAA လက်နက်ကိုင်သောင်ကျန်းသူအဖွဲ့၊ TNLA လက်နက်ကိုင်သောင်းကျန်းသူအဖွဲ့နှင့် AA လက်နက်ကိုင်အဖွဲ့တို့ကိုနိုင်ငံတော်မှအကြမ်းဖက်အုပ်စုအဖြစ်ကြေညာခဲ့ပြီးဖြစ်သောကြောင့် ၎င်းတို့နှင့်ဆက်နွယ်နေသူများ အနေဖြင့်လည်း အကြမ်းဖက်မှုများကိုအားပေးနေကြသူများပင်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကဆိုသည်။

▪️ နစက ဥက္ကဌက ပြည်သူများ၏ အသက်အိုးအိမ်စည်းစိမ်များလုံခြုံရေးအတွက် နယ်မြေတည်ငြိမ်အေးချမ်း ရေး လုပ်ငန်းများကို စနစ်တကျဆောင်ရွက်နေရန်၊နယ်မြေတည်ငြိမ်အေးချမ်းရေးနှင့်လုံခြုံရေးလုပ်ငန်းများကို ဆောင် ရွက်ရာတွင် လုံခြုံရေးနှင့်ပတ်သက်သည့်သတင်းများစဉ်ဆက်မပြတ်ရယူတည်ဆောက်ဆောင်ရွက်ရန် ၊အများ ပြည်သူသွားလာလျက်ရှိသည့်လမ်းတံတားများထိခိုက်ပျက်စီးမှုမရှိအောင် ဆောင်ရွက်နေရန်၊နယ်မြေဖွံ့ဖြိုးတိုး တက်ရေးဆောင်ရွက်ပေးရန်၊ပအိုဝ်းကိုယ်ပိုင်အုပ်ချုပ်ခွင့်ရဒေသအနေဖြင့် ယခင်ကတည်းကပင် ငြိမ်းချမ်းရေး ရယူခဲ့ပြီး ဒေသတည်ငြိမ်အေးချမ်းမှုများကို နိုင်ငံတော်၊တပ်မတော်နှင့်လက်တွဲဆောင်ရွက်နေခြင်းဖြစ်၍ ၎င်းတို့၏ ဒေသများအတွင်းအကြမ်း ဖက်သမားများ ဝင်ရောက်လှုပ်ရှားမှုများကြောင့် နယ်မြေမငြိမ်မသက်မှုများ မဖြစ်စေရေး ဆောင်ရွက်ရန်လည်း မှာကြားခဲ့ကြောင်း သိရသည်။

▪️ အရှေ့ပိုင်းတိုင်းစစ်ဌာနချုပ်၊တိုင်းမှူး ဗိုလ်ချုပ် ဇော်မင်းလတ် က အရှေ့ပိုင်းတိုင်းစစ် ဌာနချုပ် နယ်မြေအတွင်း တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်(ဌာနေ)အဖွဲ့ဝင်များ ပူးပေါင်း၍ နယ်မြေ လုံခြုံ ရေးနှင့် လမ်းတံတားများ လုံခြုံရေးအတွက် ဆောင်ရွက်လျက်ရှိကြောင်း၊ KNPP ၊ KNDF အဖွဲ့နှင့် PDF အမည်ခံ အကြမ်းဖက်သမားများ၏တိုက်ခိုက်မှုကြောင့် ထိခိုက်ပျက်စီးမှု များ ဖြစ်ပေါ်ခဲ့ သည့် လွိုင်ကော်မြို့နှင့် အခြားမြို့ များကို ပြန်လည်ထူထောင်ရေး လုပ်ငန်းများ ဆောင်ရွက်ပေးနေမှု၊ နယ်မြေ လုံခြုံရေးလုပ်ငန်းများဆောင် ရွက် စဉ် PDF အမည်ခံအကြမ်းသမားများထံမှ လက်နက်ခဲယမ်းများသိမ်းဆည်းရမိမှုနှင့် PDF များ အမည်ခံအ ကြမ်းဖက်သမားများ အလင်းဝင်ရောက်လာမှု၊ တရားမဝင်သစ်များ ဖမ်းဆီး ရမိမှု အခြေအနေများ ကို နစက ဥက္ကဌအား ရှင်းပြခဲ့ကြောင်းလည်း သိရသည်။

#Yangon_Times/PP

#World_Health
Published 04 September 2024

▪️ လည်ပင်းတဝိုက်က ကြွက်သားတွေ တင်းကြပ်လာတဲ့အခါ လည်ပင်းတောင့်တင်းလာပြီး ဦးခေါင်းလှုပ်ရှားရာမှာ ခက်ခဲနာကျင်ရပါတယ်။

▪️ ဒါဟာ အနေအထား မမှန်ခြင်း၊ ဖိစီးမှု၊ အိပ်တဲ့အခါ ပုံစံမကျခြင်းတို့ကြောင့် အဖြစ်များပါတယ်။
ဒါပေမဲ့ များသောအားဖြင့် သူ့အလိုလို ပျောက်သွားတတ်သလို သက်သာစေမယ့် နည်းလမ်းတွေလည်း ရှိပါတယ်။

▪️ လည်ပင်းတောင့်တင်းခြင်း ဖြစ်စေတဲ့ အကြောင်းအရင်းတွေကတော့..

▪️ (၁) အနေအထားမမှန်ခြင်း - အလုပ်စားပွဲမှာ ကြာရှည်ထိုင်ခြင်း၊ ဖုန်းကြာရှည်အသုံးပြုခြင်းတို့ကြောင့် အနေအထား မမှန်တဲ့အခါ လည်ပင်း တောင့်တင်းနိုင်ပါတယ်။

▪️ (၂) အိပ်စက်ပုံစံ - အိပ်တဲ့အခါ ခေါင်းအုံးနိမ့်လွန်းခြင်း မြင့်လွန်းခြင်းတို့ကြောင့် လည်ပင်းအနေအထား မမှန်ဘဲ ကြွက်သားတောင့်တင်းနိုင်ပါတယ်။

▪️ (၃) ဖိစီးမှုနှင့်ဖိအားများခြင်း - ဖိစီးမှုကြောင့် လည်ပင်းနဲ့ ပခုံးတို့မှာ ကြွက်သားဖိအားများကာ တောင့်တင်းစေပါတယ်။

▪️ (၄) ရုတ်တရက်လှုပ်ရှားခြင်း - လည်ပင်ကို ရုတ်တရက် လှည့်တာမျိုးက ကြွက်သားဒဏ်ဖြစ်စေပါတယ်။

▪️ (၅) ထိခိုက်ဒဏ်ရာ - ကားမတော်တဆမှုလိုမျိုး ထိခိုက်ခြင်းကြောင့် လည်ပင်းကြွက်သားနဲ့ အရွတ်တွေ ထိခိုက်စေကာ တောင့်တင်းစေနိုင်ပါတယ်။

▪️ (၆) အရိုးနုပြားကျွံခြင်း - လည်ပင်းရိုးထဲက ထောက်ပံ့အဆစ် ကျွံလာပြီး အာရုံကြောတွေကို ဖိမိကာ လည်ပင်းတောင့်တင်း နာကျင်စေပါတယ်။

▪️ (၇) အဆစ်ရောင်ခြင်း - အဆင်ရောင်ခြင်းလို ရောဂါအနေအထားကြောင့် လည်ပင်းအဆစ်များ ရောင်ရမ်းတောင့်တင်းစေပါတယ်။

▪️ (၈) ကြွက်သားဒဏ်ဖြစ်ခြင်း - အလေးအပင် မ'ခြင်းလိုမျိုး လည်ပင်းကြွက်သားတွေ အလုပ်ဝန်ပိတဲ့အခါ လည်ပင်းတောင့်တင်းစေပါတယ်။

▪️ (၉) လည်ပင်းအဆစ်ဆုတ်ယုတ်လာခြင်း - အသက်အရွယ်ကြောင့် လည်ပင်အဆစ်တွေ အရိုးနုတွေ ယုတ်လျော့ထိပါးလာကာ လည်ပင်းတောင့်တင်းနိုင်ပါတယ်။

▪️ (၁၀) ရောဂါဝင်ရောက်ခြင်း - ဦးနှောက်အမြှေးရောင်ခြင်းလိုမျိုး ရောဂါတွေမှာ လည်ပင်းကြွက်သားများ ရောင်ရမ်းလာပြီး တောင့်တင်းတတ်ပါတယ်။

▪️ လည်ပင်းတောင့်တင်းခြင်းကို သက်သာစေမယ့် နည်းလမ်းတွေအနေနဲ့ လည်ပင်းအနားပေးခြင်း၊ ရေနွေးဖြင့်ရေချိုးခြင်း၊ ရေနွေးအိတ်ကပ်ခြင်း၊ ရေခဲကပ်ခြင်း၊ ကွန်ပျူတာဖြင့် အလုပ်လုပ်တဲ့အခါ ဖန်သားပြင်ကို မျက်လုံးနဲ့ တတန်းတည်းထားခြင်း၊ အိပ်တဲ့အခါ လည်ပင်းနဲ့ ကျောရိုးမ အလိုက်သင့်ဖြစ်အောင်နေခြင်း၊ ငြင်သာစွာ နှိပ်နယ်ခြင်း၊ ရေများများသောက်ခြင်းဖြင့် အရိုးနုအဆစ်များ ကောင်းမွန်စေခြင်း၊ ယောဂ တရားကျင့်ခြင်းတို့ ပြုလုပ်နိုင်ပါတယ်။

#Source: DoctorNDTV

Published_3 Sept 2024
တပ်မတော်အနေဖြင့် နိုင်ငံတော်၏အချုပ်အခြာအာဏာကိုမဖြစ်မနေကာကွယ်စောင့်ရှောက်သွားမည်ဖြစ်ပြီး အ ဆိုပါလက်နက်ကိုင်အကြမ်းဖက်သောင်းကျန်းသူများ၏သတင်းရရှိမှုနှင့် အခြေအနေအရပ်ရပ်အပေါ်မူတည်၍ လိုအပ်သလိုတုန့်ပြန်ဆောင်ရွက်သွားမည်ဖြစ်သဖြင့် ၎င်းတို့အဓမ္မဝင်ရောက်နေထိုင်လျက်ရှိသည့် မြို့၊ ရွာများရှိ ပြည်သူများအနေဖြင့် ၎င်းတို့၏အသုံးချမှုမခံရစေရေးနှင့် ဘေး ကင်းလုံခြုံမှုရှိစေရေးတို့အတွက် သတိပြုကြရန် လိုအပ်ကြောင်း နစက ဥက္ကဌက ပြောသည်။
ယနေ့ စက်တင်ဘာလ ၃ ရက်နံနက်ပိုင်းတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က ရှမ်းပြည်နယ်အစိုးရအဖွဲ့ဝင်များ၊ ပြည်နယ် နှင့်ခရိုင်အဆင့်ဌာနဆိုင်ရာတာ ဝန်ရှိသူများအား တောင်ကြီးမြို့၊မြို့တော်ခန်းမ၌တွေ့ဆုံ အမှာစကား ပြောကြားစဉ်အထက်ပါအတိုင်း ပြောကြား ခဲ့ခြင်းဖြစ်သည်။
အချို့တိုင်းရင်းသားလက်နက်ကိုင်အဖွဲ့များအနေဖြင့် နိုင်ငံတော်တွင် နိုင်ငံရေးအရအကြပ်အတည်း များဖြစ် ပေါ်နေမှုကိုအခွင့်ကောင်းရယူ၍ နယ်မြေချဲ့ထွင်ရန် ကြိုးပမ်းဆောင်ရွက်မှုများကို ကြုံတွေ့လာခဲ့ရကြောင်း၊ ၎င်းတို့ အကြမ်းဖက်လုပ်ရပ်များကြောင့် ဒေသခံပြည်သူများအနေဖြင့် နေရပ်ဒေသများနှင့် နေအိမ် စည်းစိမ် များကို စွန့်ခွာပြီး အခြားဘေးလွတ်ရာဒေသများတွင် ယာယီသွားရောက်ခိုလှုံ နေကြရကြောင်းလည်း ယင်းကဆို သည်။
လက်ရှိအချိန်တွင် အဆိုပါ လက်နက်ကိုင်အကြမ်းဖက်သောင်းကျန်းသူများ အဓမ္မဝင်ရောက်နေထိုင်နေသည့် မြို့၊ရွာများ၌တပ်မတော်၏ တန်ပြန်ထိုးစစ်ဆင်မှုများကို ကာကွယ်ရန်အတွက် ပြည်သူတို့၏ နေအိမ်အဆောက် အဦများ၊အရပ်ဘက်အုပ်ချုပ်မှုဆိုင်ရာအဆောက်အဦများကိုအသုံးပြုခြင်း၊အပြစ်မဲ့ပြည်သူလူထုတို့ကိုလူသားတံ တိုင်းအဖြစ်အသုံးပြုနိုင်ရေး ယာယီနေရပ်စွန့်ခွာနေရသူများကိုပြန်လည်နေထိုင်ရန် ဆွဲဆောင်စည်းရုံးခြင်း၊ အတင်း အဓမ္မလူသစ်စုဆောင်းခြင်းများ ကိုလုပ်ဆောင်လျက်ရှိကြောင်းလည်း သိရသည်။
ယင်းအပြင်လုံခြုံရေးနှင့်ပတ်သက်၍ ဒေသအတွက်ကောင်းရာကောင်းကျိုးဆောင်ရွက်မည့် သူများ၊ ရဲတပ်ဖွဲ့ ဝင် များ၊ အုပ်ချုပ်ရေးအဖွဲ့များပူးပေါင်း၍ ပြည်သူ့လုံခြုံရေးစနစ် ကိုဆောင်ရွက်သွားရမည်ဖြစ်ကြောင်း၊ အဆင့် ဆင့် သတင်းပေးသည့်စနစ်ကို ဖော်ဆောင် ခြင်းအားဖြင့် ရပ်ကွက်အလိုက်၊ ကျေးရွာအလိုက် တည်ငြိမ်အေး ချမ်းမှု ကို တည်ဆောက် နိုင်မည်ဖြစ်ကြောင်း၊ ပြည်သူများတစ်ဦးချင်းနှင့် သက်ဆိုင်ရာလုံခြုံရေးတာဝန်ရှိသူများ လုံခြုံ ရေးအသိတရားဖြင့် ပူးပေါင်းဆောင်ရွက်သွားမည်ဆိုပါက လုံခြုံရေးအတွက် များစွာအထောက် အကူပြု မည်ဖြစ် ကြောင်းလည်း ၎င်းက ပြောကြားခဲ့ကြောင်း သိရသည်။

Yangon_Times/PP

တရုတ်မီဒီယာဂရု (CMG)မှ ထုတ်လွှင့်တဲ့ မှတ်တမ်းအစီအစဉ်တစ်ခုမှာ တရုတ်ပြည် ရှန်ပင်ကျောင်မှ သန္တာကျောက်တန်းများ ပျက်စီးရတဲ့ နောက်ကွယ်က အကြောင်းအရင်းကို တရုတ်သိပ္ပံပညာရှင်များ ထုတ်ဖော်ခဲ့ကြပုံကို ဖော်ပြထားပါတယ်။
#World_Nature
Published 03 September 2024
#ရှန်ပင်ကျောင်သာ #မှတ်တမ်းရုပ်ရှင်ရိုက်ကူး
#YMG #Yangon_Times #Yangon_Media_Group

#Daily_News
Published 03 September 2024

၁။ မြန်မာမီးသတ်တပ်ဖွဲ့ 'အပြည်ပြည်‌ဆိုင်ရာ မော်တော်ယာဉ်မတော်တဆမှု ကယ်ဆယ်ရေးပြိုင်ပွဲ'၌ ပါဝင်ယှဉ်ပြိုင်မည်

၂။ ကမ္ဘာ့ရွှေဈေးတစ်ရက်တည်း(၁၆)ဒေါ်လာပြန်ကျ၍ မြန်မာ့ရွှေဈေးလည်း(၂)သောင်းကျော်ပြန်ကျ

၃။ ၈ လ အတွင်း YBS ယာဉ်မတော်တဆမှုကြောင့်‌ေ-သဆုံးသူ ၃၀အထိရှိလာ

၄။ ရှန်ပင်ကျောင်သာစကားပြောတတ်လျှင် အကြောင်းမှတ်တမ်းရုပ်ရှင် ရိုက်ကူးထုတ်လွှင့်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group