(၈) ကြိမ်မြောက် သီတဂူစက္ခုဒါန- သီတဂူ မျက်စိအလှူတော်အတွက် စာရင်းပေးသွင်းနိုင်ပြီလို့ သီတဂူစက္ခုဒါနဆေးရုံ(ရန်ကုန်)က သိရပါတယ်။
#Local_News
Published 05 September 2024
#သီတဂူစက္ခုဒါန #မျက်စိအလှူတော်
#YMG/NN #Yangon_Times

ထိုင်းဘုရင့်ဖလားပိုက်ကျော်ခြင်းပြိုင်ပွဲမှာ မြန်မာအမျိုးသားလက်ရွေးစင်အသင်းနဲ့ မြန်မာအမျိုး သမီးလက်ရွေးစင်အသင်းတို့ဟာ ငွေတံဆိပ်တစ်ဆု၊ ကြေးတံဆိပ်တစ်ဆုရရှိနေတယ်လို့ မြန်မာနိုင်ငံပိုက်ကျော်ခြင်းအဖွဲ့ချုပ်မှ သိရပါတယ်။
#Local_News
Published 05 September 2024
#ဖလားပိုက်ကျော်ခြင်းပြိုင်ပွဲ #မြန်မာမှငွေတစ်ဆု၊ကြေးတစ်ဆုရ
#YMG/tthl #Yangon_Times

#World_News
Published 05 September 2024

▪️ အမေရိကန် ဂျော်ဂျီယာ အထက်တန်းကျောင်းတစ်ကျောင်းမှာ ဗုဒ္ဓဟူးနေ့က အသက် ၁၄ နှစ်အရွယ် ယောကျ်ားလေးတစ်ဦးမှ သေနတ်ပစ်ခတ်မှုကြောင့် ကျောင်းသား ၂ ဦးနဲ့ ကျောင်းဆရာမ ၂ ဦးသေဆုံးခဲ့ကာ ၉ ဦးဒဏ်ရာရရှိခဲ့ပါတယ်။

▪️ ဒါဟာ အမေရိကန်မှာ ယခုပညာသင်နှစ်အတွင်း ပထမဆုံးအကြိမ် ကျောင်းဝင်းအတွင်း အစုလိုက်ပစ်သတ်ခြင်း ဖြစ်လာပါတယ်။

▪️ ဂျော်ဂျီယာ ဝင်ဒါရှိ အက်ပလာချီအထက်တန်းကျောင်းမှာ ပစ်ခတ်မှုဖြစ်ပွားပြီးနောက် ခဏအတွင်းမှာပဲ တရားခံကို ဖမ်းဆီးခေါ်ဆောင်သွားတယ်လို့ စုံစမ်းရေးတွေက ပြောပါတယ်။

▪️ ထိုတရားခံဟာ ယမန်နှစ်က စာသင်ကျောင်းပစ်ခတ်မှုတစ်ခုနဲ့ ပတ်သက်ပြီး အွန်လိုင်းကနေ ခြိမ်းခြောက်ခဲ့တဲ့အတွက် ရဲတပ်ဖွဲ့က မေးမြန်းခဲ့ပါသေးတယ်။

▪️ တရားခံဟာ အသက် ၁၄ နှစ်အရွယ် ကော့ဂရေးဖြစ်ပြီး အရွယ်ရောက်ပြီးသူ တစ်ဦးအနေဖြင့် စွဲချက်တင်ခံရမှာဖြစ်တယ်လို့ ဂျော်ဂျီယာ အစိုးရစုံစမ်းစစ်ဆေးရေး ညွှန်ကြားရေးမှူး ခရစ္စဟိုဆေးက ပြောသွားပါတယ်။

▪️ သေနတ်သမားဟာ AR ပုံစံလက်နက် မောင်းပြန်အော်တိုရိုင်ဖယ် ကိုင်ဆောင်ခဲ့ကာ ကျောင်းမှ တာဝန်ကျသူများက အလျင်အမြန် သွားရောက်ရင်ဆိုင်ခဲ့ရာမှာ တရားခံကို ချက်ချင်းဖမ်းမိပြီး အညံ့ခံခဲ့ပါတယ်။

▪️ ဖမ်းဆီးပြီးနောက် စုံစမ်းရေးတွေနဲ့ ပြောဆိုရာမှာ တရားခံက တစ်ဦးတည်း ပြုလုပ်တယ်လို့ ယူဆရပေမယ့် ဘာကြောင့် ဒီလိုလုပ်ရလဲဆိုတာကိုတော့ မဖော်ပြပါဘူး။

▪️ သေဆုံးသွားတဲ့ အသက် ၁၄ နှစ်အရွယ် ကျောင်းသားတွေဟာ မေဆန်ရှာမာဟွန်းနဲ့ ခရစ်ရှန်အန်ဂူလိုတို့ဖြစ်ပြီး ဆရာတွေကတော့ အသက် ၃၉ နှစ်ရှိ ရစ်ချတ်အက်စ်ပင်ဝေါလ်နဲ့ အသက် ၅၃ နှစ်ရှိ ခရစ္စတီနာအိုင်ရီမီတို့ဖြစ်ကာ ဆေးရုံတက်လိုက်ရတဲ့ ၉ ဦးစလုံးက ပြန်လည်သက်သာလာမယ်လို့ မျှော်လင့်ရကြောင်း စုံစမ်းရေးမှူးစမစ်က သတင်းထောက်တွေကို ပြောပြပါတယ်။

▪️ ၂၀၂၃ ခုနှစ်တုန်းက ကျောင်းတွင်းပစ်ခတ်မှု ကျူးလွန်ရန် အွန်လိုင်းမှ ခြိမ်းခြောက်မှုတွေကို စစ်ဆေးခဲ့ရာမှာ အသက် ၁၃ နှစ်အရွယ် သံသရာရှိသူနဲ့ သူ့အဖေတို့ကို ဒေသခံရဲတပ်ဖွဲ့က မေးမြန်းခဲ့တယ်လို့ အစိုးရစုံစမ်းစစ်ဆေးရေးက ထုတ်ပြန်ခဲ့ပါတယ်။

▪️ အဖေဖြစ်သူက အိမ်မှာ အမဲလိုက်သေနတ်တွေရှိပြီး သံသယရှိသူက ဒီသေနတ်တွေကို ကြီးကြပ်မှုမရှိဘဲ အသုံးမပြုစေကြောင်း၊ အွန်လိုင်းကနေ ခြိမ်းခြောက်မှုမျိုး မလုပ်ဘူးလို့ ငြင်းဆိုခဲ့ကြောင်း၊ ဂျက်ဆန်ကောင်တီက တရားခံကို ဆက်လက်စောင့်ကြည့်ရန် ကျောင်းများကို သတိပေးခဲ့ကြောင်း FBI က ပြောပါတယ်။

▪️ ဝင်ဒါမြို့မှ လူတွေက ဗုဒ္ဓဟူးနေ့ညမှာ ပန်းခြံတစ်ခုအတွင်း ဆုတောင်းပွဲ ပြုလုပ်ခဲ့ကြပါတယ်။ ပစ်ခတ်မှုနဲ့ ပတ်သက်ပြီး သမ္မတဂျိုးဘိုင်ဒင်က အစိုးရအဖွဲ့နဲ့ အရာရှိတွေ ပူးပေါင်းကာ အချက်အလက်များ ထပ်မံစုဆောင်းသွားမှာ ဖြစ်ကြောင်း၊ သေဆုံးသွားသူတွေအတွက် ဝမ်းနည်းပူဆွေးရကြောင်း၊ သေနတ်ဘေးကင်းစွာ အသုံးပြုရေးဥပဒေကို ထုတ်ပြန်သွားဖို့ ရီပတ်ဘလစ်ကန်တွေနဲ့ ဒီမိုကရက်တွေကို တောင်းဆိုလိုက်ပါတယ်။

▪️ အမေရိကန်မှာ ပြီးခဲ့တဲ့ ဆယ်စုနှစ် ၂ ခုအတွင်း ကျောင်းတွေနဲ့ ကောလိပ်တွေမှာ သေနတ်ပစ်ခတ်မှုပေါင်း ရာနဲ့ချီဖြစ်ပွားခဲ့ပြီး ၂၀၀၇ ခုနှစ်က ဗာဂျီးနီးယားတက်ခ်မှာ အယောက် ၃၀ သေဆုံးခဲ့ခြင်းက အများဆုံးဖြစ်ခဲ့ပါတယ်။

▪️ လက်နက်ထိန်းသိမ်း ကိုင်ဆောင်ခွင့် အခြေခံဥပဒေနဲ့ ပတ်သက်ပြီး နိုင်ငံအတွင်း အငြင်းပွားနေကြဆဲ ဖြစ်ပါတယ်။

#Source: Reuters

#Local_News
Published 5 September 2024

▪️ ကိုရီးယားဘာသာအရည်အချင်းစစ် အထူးသီးသန့် Special EPS စာမေးပွဲ ‌အောက်တိုဘာလ အတွင်းကျင်းပသွားမည်ဖြစ်ကြောင်း အစိုးရပြည်ပအလုပ်အကိုင်အေဂျင်စီ (POEA)မှ သိရသည်။

▪️ တောင်ကိုရီးယားနိုင်ငံမှာ သုံးနှစ်နှင့်အထက်လုပ်ကိုင်ခဲ့ကာ မြန်မာနိုင်ငံသို့ ပြန်လည်ရောက်ရှိနေသူများအတွက် ရည်ရွယ်ကျင်းပခြင်းဖြစ်ကြောင်း  သိရသည်။

▪️ အဆိုပါ Special EPS စာမေးပွဲဖြေဆိုခွင့်ရှိသူများ၏  ဝင်ခွင့်စာရင်းကို စက်တင်ဘာလ ၉ ရက်နှင့် ၁၀ ရက်မှာ လက်ခံသွားမည်ဖြစ်ပြီး အောက်တိုဘာလ ၁ ရက်မှ ၄ ရက်အထိစာမေးပွဲကို ကျင်းပပေးသွားမည်ဖြစ်ကာ ၈ ရက်တွင် အောင်စာရင်းထုတ်ပြန်ပေးသွားမည်ဖြစ်ကြောင်း သိရသည်။

▪️ လတ်တလောတွင် ကိုရီးယားနိုင်ငံတွင် နောက်တစ်ကြိမ်သွားရောက် အလုပ်လုပ်ကိုင်နိုင်စေရန် သီးသန့်ပြုလုပ်ပေးခဲ့သည့်  အရည်အချင်းစစ် အထူးသီးသန့် စာမေးပွဲ‌တွင်  ဝင်ရောက်ဖြေဆိုခွင့်ရှိသူ  ၆,၀၁၁ ဦးရှိ ကြောင်း POEAမှ ထုတ်ပြန်ထားသည်။

#YMG/NN #Yangon_Times

#Local_News
Published 5 September 2024

▪️ နှစ်နှစ်ခွဲကျော်ကာလကာလအတွင်း တရုတ်ပြည်သူ့သမ္မတနိုင်ငံ၊ ကုန်ပစ္စည်းအရည်အသွေးကြီးကြပ်ရေး၊ အကောက်ခွန်အထွေထွေအုပ်ချုပ်ရေးအာဏာပိုင်အဖွဲ့ (General Administration of Customs of the People’s Republic of China- GACC) တွင် မှတ်ပုံတင်လျှောက်ထားပြီးသည့် ကုမ္ပဏီ ၁၆၀၀ ကျော်ရှိကြောင်း  စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

▪️ ပြီးခဲ့သည့်  ၂၀၂၁ ခုနှစ် ဒီဇင်ဘာလမှ  ၂၀၂၄ခုနှစ်  စက်တင်ဘာလ ၂ ရက်နေ့အထိ နှစ်နှစ်ခွဲကျော် ကာလအတွင်း တရုတ်နိုင်ငံ GACC ၌  မှတ်ပုံတင်သည့်  မြန်မာကုမ္ပဏီ ၁၆၀၈ ခုအထိ ရှိ ခြင်းဖြစ်ကြောင်း သိရသည်။

▪️ ၂၀၂၂ ခုနှစ် ဇန်နဝါရီ ၁ ရက်မှစတင်၍  မြန်မာနိုင်ငံမှ တရုတ်နိုင်ငံသို့  စားသောက်ကုန် တင်ပို့သည့်  ကုမ္ပဏီများအနေဖြင့်  တရုတ်၊ အကောက်ခွန် အထွေထွေအုပ်ချုပ်မှု အာဏာပိုင်အဖွဲ့ (GACC) တွင် မှတ်ပုံတင်ပြီးမှသာ တင်ပို့ခွင့်ရခြင်းဖြစ်သည်။

▪️ ထို့ကြောင့် ၂၀၂၁ ခုနှစ် ဒီဇင်ဘာ ၁ ရက်မှ စတင်၍  မြန်မာကုမ္ပဏီများ GACC တွင်  မှတ်ပုံတင်နေခြင်းဖြစ်ကာ လက်ရှိအချိန်ထိ စိုက်ပျိုးရေးဦးစီးဌာန မှ  ကုမ္ပဏီ ၁၄၄၇ ခု၊ ငါးလုပ်ငန်းဦးစီးဌာနမှ  ကုမ္ပဏီနှင့် စက်ရုံ ၁၃၈ ခု၊ မွေးမြူရေးနှင့် ကုသရေးဦးစီးဌာနမှ  ကုမ္ပဏီ ၁၄ ခုနှင့်  အစားအသောက်နှင့်  ဆေးဝါးကွပ်ကဲရေးဦးစီးဌာနမှ  ကုမ္ပဏီ ၉ ခုတို့ မှတ်ပုံတင်ထားခြင်းဖြစ်‌ ကြောင်းသိရသည်။

▪️ အဆိုပါ ကုမ္ပဏီများမှ လျှောက်ထားသည့် မှတ်ပုံတင်လျှောက်လွှာစုစုပေါင်း ၃၂၅၃ ခုအထိ ရှိခြင်းဖြစ်ကြောင်း သိရသည်။

▪️ မြန်မာနိုင်ငံမှ  တရုတ်နိုင်ငံသို့ကုန်များ တင်ပို့ရာတွင် မှတ်ပုံတင်ရမည့် ကုန်စည်အမျိုးအစား၁၈ ခုထဲတွင် အသား၊ ရေထွက်ကုန်၊ နို့ထွက်ပစ္စည်း၊ ပဲမျိုးစုံနှင့် သစ်သီးခြောက်များပါဝင်ကြောင်း သိရသည်။

#YMG/NN #Yangon_Times

#World_Science
Published 05 September 2024

▪️ အသံစနစ်စက်တွေ အသုံးပြုပြီး ခွေးတွေစကားပြောနိုင်အောင် လေ့ကျင့်ပေးနေတဲ့ ဗီဒီယိုတွေ ဆိုရှယ်မီဒီယာပေါ်မှာ ပျံ့နှံ့နေပါတယ်။

▪️ လူအများက ဒီဗီဒီယိုတွေကို ကြည့်ပြီး အံ့ဩကုန်ကြသလို ခွေးတွေနဲ့ တကယ်ပဲ ပြောဆိုနိုင်လားဆိုတာ သိချင်နေကြပါတယ်။

▪️ ကယ်လီဖိုးနီးယား ဆန်ဒီယေဂိုမှ သုတေသီများ ဖော်ပြရာမှာ လူတွေဟာ အသံစက်ခလုတ်တွေ အသုံးပြုပြီး ခွေးတွေကို လေ့ကျင့်တဲ့အခါ အချို့စကားလုံးတွေကို နားလည်နိုင်ပြီး ကိုက်ညီတဲ့ တုန့်ပြန်မှုတွေ ပြုလုပ်တတ်ကြပါတယ်။

▪️ ဒီသုတေသနဟာ မတူညီတဲ့ သတ္တဝါတွေကြား ဆက်သွယ်ပြောဆိုမှုကို လေ့လာတဲ့ခြေလှမ်းတစ်ခု ဖြစ်တယ်လို့ တွဲဖက်ပရော်ဖက်ဆာ ဖက်ဒရစ်ကိုရိုဆာနိုက ပြောပါတယ်။

▪️ လေ့လာချက်အရ ခွေးတွေဟာ သူတို့ပိုင်ရှင်တွေရဲ့ ကိုယ်ဟန်လှုပ်ရှားပုံကို အကဲခတ်ရုံသာမက ပြောလိုက်တဲ့ စကားတွေကိုလည်း နားလည်ဖို့ ကြိုးစားနေပါတယ်။

▪️ ဒါဟာ အရေးကြီးပြီး စကားလုံးတွေက ခွေးတွေအတွက် အရေးပါတဲ့အပြင် တုန့်ပြန်တဲ့သဘောလည်း ပတ်သက်နေပါတယ်လို့ ဆိုပါတယ်။

▪️ ပထမဆုံး စမ်းသပ်မှုမှာ အိမ်မွေးခွေး ၃၀ ကို နိုင်ငံအနှံ့ လည်ပတ်စေပြီး အသံစက်ခလုတ်တွေကို တုန့်ပြန်ပုံတွေကို စမ်းသပ်ခဲ့ပါတယ်။

▪️ ဒုတိယစမ်းသပ်ချက်မှာတော့ ခွေးပိုင်ရှင် ၂၉ ဦးက အိမ်မှာပဲ လမ်းညွှန်ချက်များအတိုင်း စမ်းသပ်ခဲ့ကြပါတယ်။

▪️ ဒီလေ့လာချက်ဟာ အပေါ်ယံသာ ရှိသေးကြောင်း၊ ခွေးတွေက ခလုတ်တွေကို ဘယ်လိုအသုံးပြုကြလဲ၊ ခလုတ်နှိပ်တာတွေရဲ့ နောက်ကွယ်က အဓိပ္ပာယ်တွေကိုလည်း နောင်အခါ လေ့လာသွားမှာ ဖြစ်ကြောင်း၊ သူတို့ရဲ့အိမ်မှာပဲ စမ်းသပ်စေတာက ဂေဟစနစ်အရ ပိုမိုနားလည်နိုင်စွမ်းရှိစေရန် ဖြစ်ကြောင်း ပြောသွားပါတယ်။

#Source: WION

#World_Health
Published 05 September 2024

▪️ အိန္ဒိယ ဘာရက်ဘိုင်အိုတက်ခ် ကုမ္ပဏီမှ ထုတ်လုပ်တဲ့ ကာလဝမ်းရောဂါ ကာကွယ်ဆေးသောက်ဆေးဟာ နောက်ဆုံးအဆင့် စမ်းသပ်မှု ပြီးမြောက်ခဲ့ပြီဖြစ်ပြီး တစ်ကမ္ဘာလုံးမှာ ဖြန့်ချိရန် စီစဉ်ထားကြောင်း၊ ရောဂါပျံ့ပွားနေချိန် ကုသမှုနည်းပါးနေချိန်မှာ တစ်နှစ်ကို ဆေးပေါင်းသန်း ၂၀၀ အထိ ထုတ်လုပ်ရန် ရည်မှန်းထားကြောင်း အင်္ဂါနေ့က ပြောပါတယ်။

▪️ ဟေးလ်ချောလ်လို့ အမည်ထားတဲ့ ကာကွယ်ဆေးကို အိန္ဒိယဆေးဝါးကွပ်ကဲရေးက အသိအမှတ်ပြုလိုက်ကာ ယူနီဆက်ဖ်လို အဖွဲ့အစည်းတွေကို ရောင်းချရန်အတွက် WHO အသိအမှတ်ပြုရရှိရန် လျှောက်ထားသွားမယ်လို့ ဘာရက်ဘိုင်အိုတက်ခ်က ပြောပါတယ်။

▪️ ယင်းတို့အနေနဲ့ WHO အသိအမှတ်ပြုထားတဲ့ တစ်ခုတည်းသော ကာလဝမ်းကာကွယ်ဆေး ထုတ်လုပ်သူ တောင်ကိုရီးယားမှ ယူဘိုင်အိုလော့ဂျစ်ကုမ္ပဏီနဲ့ ယှဉ်ပြိုင်သွားရဖွယ် ရှိပါတယ်။

▪️ "အရင်ဆုံး အခြေအနေ ဆိုးရွားနေတဲ့ အာဖရိကတိုက်ကို ကူညီသွားဖို့ ရည်ရွယ်ထားပါတယ်။ အာဖရိကနိုင်ငံ တစ်ခုခုက ဒီကကုန်ကြမ်းယူပြီး အဲဒီမှာ နောက်ဆုံးပိတ် ထုတ်လုပ်ချင်တယ်ဆိုရင် ခွင့်ပြုသွားမှာပါ" လို့ ပြောပါတယ်။

▪️ ဘာရက်ဘိုင်အိုတက်ခ်က ဟိုက်ဒရာဘက်ဒ်စက်ရုံကနေ နှစ်စဉ် ကာကွယ်ဆေး ၄၅ သန်းကို စတင်ထုတ်လုပ်သွားမှာဖြစ်ပြီး နောက်စက်ရုံတစ်ခုကနေ သန်း ၂၀၀ အထိ ထုတ်လုပ်သွားဖို့ကို ခွင့်ပြုချက် စောင့်ဆိုင်းနေပါတယ်။

▪️ ဟေးလ်ချောလ်ကာကွယ်ဆေး ထုတ်လုပ်ဖို့အတွက် စက်ရုံတွေမှာ ဒေါ်လာသန်း ၁၀၀ အကုန်အကျခံခဲ့တယ်လို့ သတင်းရင်းမြစ်တစ်ခုက ပြောပါတယ်။

▪️ နောက်ဆုံးစမ်းသပ်အဆင့်မှာ အိန္ဒိယမှ စမ်းသပ်ပါဝင်သူ ၃၆၀၀ ခန့်ရှိခဲ့ပြီး ကာကွယ်ဆေးက ဘေးကင်းစိတ်ချရကာ လက်ရှိ ပါးစပ်မှပေးရတဲ့ ကာကွယ်ဆေးတွေထက် မနိမ့်ကျကြောင်း တွေ့ရှိခဲ့တယ်လို့ ဆိုပါတယ်။

▪️ WHO ရဲ့ အရည်အသွေးမီဖို့ဆိုရင် ထိရောက်မှု၊ စိတ်ချရမှု၊ ထုတ်လုပ်မှုပုံစံများ အထောက်အထားတွေအပေါ် မူတည်ပါတယ်။

▪️ ယခုနှစ် ပထမဆုံး ၆ လအတွင်း ကာလဝမ်းရောဂါ ဖြစ်ပွားသူ ၂၄၉၇၉၃ ရှိခဲ့ပြီး ၂၁၃၇ ဦး သေဆုံးခဲ့တယ်လို့ သိရပါတယ်။

▪️ ဒီအတွက် WHO က သောက်ဆေးကာကွယ်ဆေးပေါင်း ၁၀၂ သန်းထုတ်လုပ်ဖို့ကို တောင်းဆိုလာပါတယ်။

▪️ တစ်နှစ်ကို ကာကွယ်ဆေး သန်း ၄၀ ခန့် ပြတ်လပ်နေကာ ဒီအတွက် ဟေးလ်ချောလ်ကို ထုတ်လုပ်တာဖြစ်တယ်လို့ ဘာရက်ဘိုင်အိုတက်ခ်က ပြောပါတယ်။

▪️ စင်္ကာပူ ဟေးလ်မန်ဓာတ်ခွဲခန်းကုမ္ပဏီ လိုင်စင်ခွင့်ပြုချက်ဖြင့် ဒီကာကွယ်ဆေးကို ထုတ်လုပ်တာဖြစ်ပြီး ၁၄ ရက်ခြားဖြင့် နှစ်ကြိမ်သောက်ရမှာဖြစ်ပါတယ်။

#Source: Reuters

ဓားစာခံလွတ်မြောက်ရေးကိစ္စ မလုပ်ဆောင်နိုင်ခဲ့သည့် အစ္စရေးလ်အစိုးရအား ပြည်သူအမြောက်အများဆန္ဒပြ

ဂါဇာကမ်းမြောင်မှာ ဟားမတ်စ်တို့ ဖမ်းဆီးထားတဲ့ ဓားစာခံများ ဘေးကင်းစွာ လွတ်မြောက်ရေးကို မလုပ်ဆောင်နိုင်ခဲ့တဲ့ အစ္စရေးလ်အစိုးရကို ဝေဖန်ဖို့အတွက် တနင်္ဂနွေနေ့က ပြည်သူအများ စုဝေးခဲ့ကြပါတယ်။
#World_News
Published 04 September 2024
#ဓားစာခံလွတ်မြောက်ရေးကိစ္စ #ပြည်သူများဆန္ဒပြ
#YMG #Yangon_Times #Yangon_Media_Group

#Daily_News
Published 04 September 2024

၁။ 'အာရှယူ-၂၀ ခြေစစ်ပွဲ'ကန်ရန် မြန်မာ့လက်‌ရွေးစင်ယူ-၂၀အသင်းထိုင်း၌ခြေစမ်းပွဲ(၃)ပွဲကန်မည်

၂။ စက်သုံးဆီ မှောင်ခိုဈေးကွက်မဖြစ်ရန်  စမတ်ကတ်ဖြင့်ရောင်းချပေးရန်စီစဉ်နေ

၃။ အင်းလေးဖောင်တော်ဦးဘုရား ဒေသစာရီကြွချီအပူဇော်ခံမည်

၄။ ဓားစာခံလွတ်မြောက်ရေးကိစ္စ မလုပ်ဆောင်နိုင်ခဲ့သည့် အစ္စရေးလ်အစိုးရအား ပြည်သူအမြောက်အများဆန္ဒပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပူတာအိုသို့လမ်းတွေပြန်ပွင့်လာသော်လည်း ခရီးသွားတွေမလာနိုင်သေးသလို ကုန်ဈေးနှုန်းတွေလည်းပြန်မကျသေးဘူးလို့ သိရပါတယ်။
#Local_News
Published 04 September 2024
#ပူတာအို #ခရီးသွားများမလာ
#YMG/tthl #Yangon_Times

ရှမ်းပြည်နယ်တောင်ပိုင်း၊ ညောင်ရွှေမြို့နယ် သာလေးကျေးရွာအုပ်စု နမ့်ဟူးရွာရှိ အင်းလေး ဖောင်တော်ဦး မြတ်စွာဘုရား ရုပ်ရှင်တော်မြတ်များ အင်း‌လေးဒေသ ၂၁ ဌာနသို့လာမယ့်အောက်တိုဘာလအတွင်းမှာ ‌ဒေသစာရီကြွချီအပူဇော်ခံသွားမယ်လို့ သိရပါတယ်။
#Local_News
Published 04 September 2024
#အင်းလေးဖောင်တော်ဦး #ဒေသစာရီကြွချီအပူဇော်ခံ
#YMG/NN #Yangon_Times

စက်သုံးဆီ လိုအပ်တာထက်အကြိမ်ကြိမ်ဝယ်ယူပြီး မှောင်ခိုဈေးကွက်မဖြစ်ပေါ်စေဖို့ စက်သုံးဆီအရောင်းဆိုင်တွေကနေ ဝယ်ယူသူတွေစမတ်ကတ်နဲ့ ဆီရောင်းချပေးဖို့ စီစဉ်နေတယ်လို့ စက်သုံးဆီလုပ်ငန်းရှင်အသိုင်းအဝိုင်းကနေ သိရပါတယ်။
#Local_News
Published 04 September 2024
#မှောင်ခိုဈေးကွက်မဖြစ်ရန် #စမတ်ကတ်ဖြင့်ရောင်းချ
#YMG/NN #Yangon_Times