#World_Health
Published 13 February 2025

▪️ အစာစားတာ ကြာသွားပြီးနောက် သွေးတွင်းသကြားဓာတ် အတော်လေး ကျဆင်းတတ်တဲ့သူတွေဟာ ပိုမိုဆာလောင်မှု ခံစားရတတ်ပြီး အခြားသူတွေထက် ကယ်လိုရီတွေ အများကြီးပိုပြီး စားသုံးမိတတ်ကြတယ်လို့ သုတေသနအသစ်မှာ တွေ့ရပါတယ်။

▪️ ကင်းစ်ကောလိပ်လန်ဒန်နဲ့ ZOE ကျန်းမာရေးသိပ္ပံကုမ္ပဏီတို့မှ သုတေသနအဖွဲ့က လူတွေဟာ ကယ်လိုရီထိန်းချုပ်ပြီး စားသောက်နေတာတောင် ကိုယ်အလေးချိန်ချဖို့ ခက်ခဲနေတဲ့ အကြောင်းအရင်းကို တွေ့ရှိခဲ့ကြပါတယ်။

▪️ လူပေါင်း ၁၀၇၀ သာမန်နံနက်စာစားပြီးနောက် သွေးတွင်းသကြားဓာတ် တုံ့ပြန်မှုနဲ့ ကျန်းမာရေး အခြားအချက်အလက်များအကြောင်း စုဆောင်းခဲ့ကြပါတယ်။

▪️ ကာဗိုဟိုက်ဒရိတ်၊ ပရိုတိန်း၊ အဆီ၊ အမျှင်ဓာတ်တို့ပါဝင်တဲ့ ကယ်လိုရီများအတိုင်း စံနှုန်းအခြေခံထားပြီး အစာမရှိချိန် သွေးတွင်းသကြားဓာတ် တုံ့ပြန်စမ်းသပ်မှု ပြုလုပ်ခဲ့ကြပါတယ်။

▪️ တစ်နေ့တာအတွင်း သွေးတွင်းသကြားဓာတ် တိုင်းတာဖို့ CGMကိရိယာအပြင် လှုပ်ရှားမှုနဲ့ အိပ်စက်မှုတို့ကို စောင့်ကြည့်ဖို့ ကိရိယာလည်း တပ်ဆင်တိုင်းတာခဲ့ပါတယ်။

▪️ ဘယ်အချိန် ဘာစားတယ်ဆိုတာအပြင် ဆာလောင်စိတ်နဲ့ နိုးကြားစိတ်တို့ကိုလည်း တိုင်းတာမှတ်သားခဲ့ကြပါတယ်။

▪️ ဆန်းစစ်ချက်များအရ အချို့လူတွေမှာ သကြားဓာတ်အမြင့်ဆုံးရောက်ပြီး ၂-၄ နာရီအတွင်း သိသိသာသာ ကျဆင်းသွားပါတယ်။

▪️ သကြားဓာတ် မြန်မြန်ကျဆင်းသူတွေမှာ ဆာလောင်စိတ် ၉ ရာခိုင်နှုန်း မြင့်တက်သွားပြီး တခြားသူတွေထက် နာရီဝက်လောက်စောပြီး ထပ်စားတတ်ကြပါတယ်။

▪️ သကြားဓာတ် အများအပြားကျဆင်းသူတွေက နံနက်စာစားပြီး ၃-၄ နာရီအတွင်း ၇၅ ကယ်လိုရီပိုမိုစားသုံးကြပြီး တစ်နေ့တာလုံးမှာ ၃၁၂ ကယ်လိုရီ ပိုစားဖြစ်ကြကာ တစ်နှစ်လုံးစာအနေနဲ့ ပေါင် ၂၀ လောက် တိုးလာနိုင်ပါတယ်။

▪️ ယခင်တည်းက သွေးတွင်းသကြားဓာတ်က ဆာလောင်စိတ်ကို ထိန်းချုပ်ရာမှာ အရေးပါတယ်လို့ တွေ့ရှိထားတာဖြစ်ကြောင်း ကင်းစ်ကောလိပ်လန်ဒန်မှ ဒေါက်တာ ဆာရာဘယ်ရီက ပြောသွားပါတယ်။

▪️ ဒီစမ်းသပ်ချက်တွေက အသက်အရွယ်၊ ကိုယ်အလေးချိန်၊ BMIတို့ကြား ပတ်သက်မှုမရှိဘူးလို့ ဆိုပါတယ်။

#Source: DoctorNDTV

#World_Health
Published 13 February 2025

▪️ အိပ်စက်တဲ့အခါ အိပ်မက်အဆင့်ရောက်ရှိရန် ကြာမြင့်တဲ့သူတွေက ဒီမန်ရှာရောဂါ ဖြစ်နိုင်ခြေ ပိုများတယ်လို့ လေ့လာချက်တစ်ခုမှာ ယူဆနေကြပါတယ်။

▪️ REMလို့ခေါ်တဲ့ အိပ်မက်အဆင့်ရောက်ရှိရန် ကြာမြင့်သူတွေမှာ မှတ်ဉာဏ်ပေါင်းစည်းနိုင်စွမ်းနဲ့ စိတ်ခံစားချက် ထိန်းချုပ်မှုတို့မှာ နှောင့်ယှက်စေတယ်လို့ သိပ္ပံပညာရှင်များ ဆိုပါတယ်။

▪️ အိပ်စက်မှု အရည်အသွေးနဲ့ အချိန်ပမာဏတို့က အယ်လ်ဇိုင်းမားရောဂါ ဖြစ်နိုင်ခြေအပေါ် သက်ရောက်နေတယ်ဆိုတာ လေ့လာချက်တွေမှာ တွေ့ရှိလာကြပါတယ်။

▪️ အိပ်စက်မှုအဆင့် ၄ ဆင့်ပြီးမြောက်ဖို့ မိနစ် ၉၀ ခန့်ကြာမြင့်တတ်ပြီး အသက်အရွယ်အလိုက် ပိုမိုကြာမြင့်နိုင်ပါတယ်။

▪️ REMအိပ်စက်မှုအတွင်း ဦးနှောက်က စိတ်ခံစားချက်အရ ဖြစ်လာတဲ့ မှတ်ဉာဏ်တွေကို လုပ်ဆောင်ကာ ရေရှည်သိုလှောင်မှုအဖြစ် သိမ်းဆည်းပေးပါတယ်။

▪️ REMအိပ်စက်မှုအဆင့် နှောင့်နှေးတဲ့အခါ အဆိုပါဖြစ်စဉ် အနှောင့်အယှက် ဖြစ်စေပြီး မှတ်ဉာဏ်တွေ ပေါင်းစည်းနိုင်စွမ်း ထိခိုက်စေတယ်လို့ ကယ်လီဖိုးနီးယားတက္ကသိုလ်မှ ပရော်ဖက်ဆာ ယွဲ့လန်က ဆိုပါတယ်။

▪️ ပေကျင်းရှိ တရုတ်-ဂျပန် ချစ်ကြည်ရေးဆေးရုံ အာရုံကြောရောဂါဆောင်မှ ပျမ်းမျှအသက် ၇၀ ရှိတဲ့ လူ ၁၂၈ ဦးကို သုတေသီများ လေ့လာခဲ့ကြပါတယ်။

▪️ လူနာတဝက်ခန့်က အယ်လ်ဇိုင်းမားရောဂါရှိပြီး ၃ ပုံ ၁ ပုံလောက်က အယ်လ်ဇိုင်းမားရှေ့ပြေးလက္ခဏာများ ဖြစ်နေပါတယ်။

▪️ ဆေးခန်းမှာ ညအိပ်ခိုင်းပြီး ယင်းတို့ရဲ့ ဦးနှောက်လှိုင်း လှုပ်ရှားမှုတွေ၊ မျက်လုံးရွေ့လျားပုံတွေ၊ နှလုံးခုန်နှုန်း၊ အသက်ရှူနှုန်းတို့ကို တိုင်းတာခဲ့ကြပါတယ်။

▪️ REMအဆင့်ကို စောစီးစွာရောက်တဲ့အဖွဲ့က အိပ်ပျော်ပြီးနောက် ၉၈ မိနစ်အတွင်း ရောက်ရှိပြီး နောက်အဖွဲ့ကတော့ ၁၉၃ မိနစ်နောက်ပိုင်းမှ REMကို ရောက်ရှိခဲ့ပါတယ်။

▪️ အယ်လ်ဇိုင်းမားရှိတဲ့သူတွေက REMအဆင့်ကို နောက်ကျမှ ရောက်ရှိတာများတယ်လို့ ဖော်ပြခဲ့ကြပါတယ်။

▪️ အနာဂတ်မှာ အိပ်စက်မှုပုံစံကို သက်ရောက်စေတဲ့ ဆေးဝါးတွေအကြောင်းကိုလည်း လေ့လာသင့်တယ်လို့ ယွဲ့လန်က ပြောပါတယ်။

▪️ မယ်လတိုနင်ဓာတ်က REMအိပ်စက်မှုအဆင့်ကို အားပေးနိုင်တယ်လို့ ကြွက်တွေနဲ့ စမ်းသပ်ချက်မှာ တွေ့ရပါတယ်။

▪️ ဒါကြောင့် အယ်လ်ဇိုင်းမားဖြစ်မှာ စိုးရိမ်တဲ့သူတွေအနေနဲ့ REMအဆင့်သို့ အလွယ်တကူ ရောက်ရှိနိုင်စေမယ့် အိပ်စက်မှုအလေ့အထတွေ ကျင့်သုံးသင့်တယ်လို့ သုတေသနအဖွဲ့က ပြောထားပါတယ်။

#Source: New York Post

၁၂ ဖေဖော်ဝါရီ ၂၀၂၅

ဆယ်အိမ်တန်းကမ်းခြေသို့ လာရောက်လည်ပတ်သူတွေ ယခင်ကထက် များလာပါတယ်။ရခိုင်ပြည်နယ်က ငပလီနှင့် ဧရာဝတီတိုင်းဒေသကြီးက ချောင်းသာနှင့် ငွေဆောင်ကမ်းခြေများသို့ သွားရောက်လည်ပတ်သူတွေ နည်းပါးလာပြီးနောက် ဆယ်အိမ်တန်းကိုလူအလာများလာတာပါ။

ရန်ကုန်တိုင်းဒေသကြီး ကွမ်းခြံကုန်းမြို့နယ်ဆယ်အိမ်တန်းကျေးရွာကို ဖြတ်သန်းပြီး ဆယ်အိမ်တန်း  ကျေးရွာနှင့် အလယ်ရွာကျေးရွာကြားတွင် ဆယ်အိမ်တန်းကမ်းခြေတည်ရှိပါတယ်။

ရန်ကုန်တစ်ဖက်ကမ်း ဒလမြို့နယ် နှင့် လှိုင်သာယာ တို့မှ မော်တော်ယာဉ်ဖြင့်  ဆယ်အိမ်တန်း ကမ်းခြေ သို့ နှစ်နာရီခွဲနှင့် ရောက်ရှိနိုင်ပြီး ကွမ်းခြံကုန်းမြို့ထဲမှ မိုင် ၂၀ ခန့်သာ ကွာဝေးပါတယ်၊

#mnm/ymg

တရုတ်နိုင်ငံအမျိုးသားလူဝင်မှုကြီးကြပ်ရေး စီမံခန့်ခွဲရေး(NIA)က အရှေ့တောင်အာရှ အာဆီယံ ၁၀ နိုင်ငံမှ ဧည့်ခရီးသွားအဖွဲ့များကို ဗီဇာကင်းလွတ်ခွင့်ဖြင့် ယူနန်ပြည်နယ်ရှိ ဆစ်ဆောင်ပနားထိုင် ကိုယ်ပိုင်အုပ်ချုပ်ခွင့်ရစီရင်စုရဲ့ နာမည်ကျော်ရှုခင်းနေရာတွေသို့ ဝင်ရောက်ခွင့်ပြုသွားမယ်လို့ တနင်္လာနေ့က ကြေညာလိုက်ပါတယ်။
#Asia_Travel
Published  12 February 2025
#တရုတ်ပြည်ယူနန်ရှိဆစ်ဆောင်ပနား #ဗီဇာကင်းလွတ်ခွင့်ရရှိ
#YMG #Yangon_Times #Yangon_Media_Group

#Daily_News
Published  12 February 2025

၁။ မသန်စွမ်းသူများ ဘဝအမှီခိုကင်းစွာရပ်တည်နိုင်ရေးဆောင်ရွက်ရန်လက်မှတ်ရေးထိုး

၂။ တိုင်းရင်းသားဈေးပွဲတော်နှင့် “သွေးချင်းစုံလင် သနပ်ခါးသဘင်”ပြိုင်ပွဲ ကျင်းပနေ

၃။ ပြည်ပသို့ ဒေါ်လာသန်းတစ်ထောင်ကျော်တန်ဖိုးရှိ ဆန်နှင့်ဆန်ကွဲတန်ချိန် ၂သန်းကျော်တင်ပို့ထား

၄။ အာဆီယံနိုင်ငံများမှ ခရီးသွားဧည့်သည်များ တရုတ်ပြည်ယူနန်ရှိဆစ်ဆောင်ပနားသို့လာရောက်လည်ပတ်ပါက ဗီဇာကင်းလွတ်ခွင့်ဖြင့် ဝင်ရောက်ခွင့်ရရှိမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြောက်ဒဂုံမြို့နယ်ရှိ (အကယ်ဒမီ) ရွှေသန့်စင်ခန်းကနေ တစ်ကျပ်သားကို 16.329325 gram စံနှုန်းနဲ့ ဒီဇိုင်းအသစ်ကို ဒီကနေ့မှာ စတင်ထုတ်လုပ်ခဲ့တယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များ အသင်းက သိရပါတယ်။
#Local_News
Published  12 February 2025
#(အကယ်ဒမီ)ရွှေသန့်စင်ခန်း #ဒီဇိုင်းအသစ်စတင်
#YMG/NN #Yangon_Times

အခုဘဏ္ဍာနှစ် ၁၀လတာအတွင်း ပြည်ပဝယ်လက်နိုင်ငံတွေကို အမေရိကန် ဒေါ်လာသန်းတစ်ထောင်ကျော် တန်ဖိုးရှိတဲ့ ဆန်နဲ့ ဆန်ကွဲတန်ချိန် ၂ဒသမ၂သန်း ကျော်အထိ တင်ပို့ထားတယ်လို့ မြန်မာနိုင်ငံဆန်စပါးအသင်းချုပ်ကနေ သိရပါတယ်။
#Local_News
Published  12 February 2025
#ဆန်နှင့်ဆန်ကွဲတင်ပို့ #မြန်မာနိုင်ငံဆန်စပါးအသင်းချုပ်
#YMG/NN #Yangon_Times

တိုင်းရင်းသားဈေးပွဲတော်နဲ့ သနပ်ခါးဈေးပွဲတော် အပါအဝင်“သွေးချင်းစုံလင် သနပ်ခါးသဘင်” သရုပ်ဖော် ပြိုင်ပွဲကို ရန်ကုန်မြို့၊ အင်းလျားလမ်းက စိမ်းလမ်းစိုပြေဥယျာဥ်မှာ သုံးရက်တိုင်တိုင်ကျင်းပနေပါတယ်။
#Local_News
Published  12 February 2025
#တိုင်းရင်းသားဈေးပွဲတော် #သွေးချင်းစုံလင် သနပ်ခါးသဘင်
#YMG/NN #Yangon_Times

မသန်စွမ်းသူများဘဝအမှီခိုကင်းစွာရပ်တည်နိုင်ရေးနဲ့ ဖွံ့ဖြိုးတိုးတက်ရေးအတွက် ရည်ရွယ်ပြီး ရွှေမင်းသားဖောင်ဒေးရှင်း(မြန်မာ)နဲ့ LOLC Myanmar Microfinance တို့ ပူးပေါင်းဆောင်ရွက်မှု လက်မှတ်ရေးထိုးခြင်းအခမ်းအနားကို ယမန့်နေ့က ပြုလုပ်ခဲ့ပါတယ်။
#Local_News
Published  12 February 2025
#မသန်စွမ်းသူများ #ရွှေမင်းသားဖောင်ဒေးရှင်း(မြန်မာ)
#YMG/NN #Yangon_Times

#Local_News
Published 12 February 2025

▪️ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှ ကြီးမှူးကျင်းပသည့် (၁၇)ကြိမ်မြောက် မြန်မာ့ရိုးရာထမနဲထိုးပြိုင်ပွဲတွင်အသင်းပေါင်း၃၂သင်းဝင်ရောက်ယှဉ်ပြိုင် ခဲ့ရာလုပ်ငန်းမြို့ပြဌာနမှ  ပထမဆုကို ဆွတ်ခူးရရှိခဲ့ကြောင်း သိရသည်။

▪️ အဆိုပါ မြန်မာ့ရိုးရာထမနဲထိုးပြိုင်ပွဲအခမ်းအနားကို ဖေဖော်ဝါရီ ၁၁ ရက်၊ ညနေ ၄ နာရီအချိန်က ရွှေတိဂုံစေတီတော်အရှေ့ဘက်အောက်ပစ္စယာရှိ ထန်းပင်ကုန်းကွင်း၌ ကျင်းပခဲ့ခြင်းဖြစ်ပြီး အခမ်းအနားသို့ ရန်ကုန်တိုင်းဒေသကြီး၀န်ကြီးချုပ် ဦးစိုးသိန်း တက်ရောက်ခဲ့ကြောင်း သိရသည်။

▪️ ယင်းပြိုင်ပွဲတွင် ပထမဆုရရှိသည့် လုပ်ငန်းမြို့ပြဌာနကို ကျပ် (၁၀)သိန်း၊ ဒုတိယဆုရရှိသည့် ဓါတ်ပုံကန်ထရိုက်လုပ်ငန်းအဖွဲ့ကို ကျပ်(၇)သိန်း၊ တတိယဆုရရှိသည့် ဝန်ထမ်းရေးရာနှင့်မှတ်တမ်းဌာနကို ကျပ်(၆)သိန်း၊ စတုတ္တဆုရရှိသည့် မေတ္တာပါရမီအသင်းကို ကျပ်(၅)သိန်း၊ ပဥ္စမဆုရရှိသည့် အထက်ပစ္စယံအသင်းကို ကျပ်(၄)သိန်းအပြင် နှစ်သိမ့်ဆုရရှိကြသည့် ပေါင်းမြက်သန့်ရှင်းရေးအသင်း၊ ပြတိုက်ပြခန်းဌာန၊ ဥပဒေရုံးများဆိုင်ရာဝတ်အသင်းနှင့် စီမံအုပ်ချုပ်ရေးဌာနတို့ကို ကျပ်(၃)သိန်းစီ အသီးသီးပေးအပ်ချီးမြှင့်ခဲ့ကြောင်း သိရသည်။ 

▪️ ထို့အပြင် ပြိုင်ပွဲမှရရှိလာသည့်ထမနဲများကို ယနေ့ ဖေဖော်ဝါရီ ၁၂ ရက် (တပို့တွဲလပြည့်နေ့)တွင် မြတ်စွာဘုရားနှင့်သံဃာတော်များအားအရုဏ်ဆွမ်းဆက်ကပ်ပြီး၊ ဘုရားအမှူးပြုသောသံဃာတော် ၆၄ ပါးအား ထမနဲဆွမ်းတော်ကြီးလောင်းလှူခြင်း၊အလှူရှင်များအားဒါနပြုခြင်းနှင့်ခုနစ်ရက်သားသမီးများအားဝေငှကုသိုလ်ပြုခြင်းတို့ပြုလုပ်ခဲ့ကြောင်း သိရသည်။

#YMG/NN #Yangon_Times

#World_Health
Published 12 February 2025

▪️ တရုတ်ရိုးရာဆေးတွေမှာ ရာစုနှစ်တွေကြာအောင် အသုံးပြုနေတဲ့ မက်မွန်စေးဟာ အခုဆိုရင် အချက်အပြုတ်၊ အလှအပနဲ့ ကျန်းမာရေးအပိုင်းတွေမှာပါ အကျိုးကျေးဇူးရှိနေပါတယ်။

▪️ အဓိကပါဝင်ပစ္စည်းက မက်မွန်မှထုတ်တဲ့ အစေးဖြစ်ပြီး ပြင်ပဖိစီးမှုဒဏ်တွေကြောင့်ဖြစ်တဲ့ ထိခိုက်မှုတွေကို သက်သာအောင် တရုတ်မက်မွန်ပင်များ အသုံးပြုကြတာ ဖြစ်ပါတယ်။

▪️ ထိုအစေးတွေ မာကျောသွားတဲ့အခါ ပယင်းရောင်ကျောက်များ ဖြစ်သွားကြပါတယ်။

▪️ ကော်လာဂျင်၊ အမိုင်နိုအက်ဆစ်၊ ဂလက်တို့စ်၊ ရမ်နို့စ်တို့ပါဝင်ပြီး တရုတ်တိုင်းရင်းဆေးလောကမှာ ဖိစီးမှု၊ ရေဓာတ်ခန်းခြောက်ခြင်းကနေစလို့ ဆီးလမ်းကြောင်း ရောဂါပိုးဝင်ခြင်းအထိ ရောဂါအမျိုးမျိုးကုသရာမှာ အသုံးပြုပါတယ်။

▪️ ယနေ့ဆိုရင် မက်မွန်စေးကို မျက်နှာကပ်ခွာများ၊ လိုးရှင်းများ၊ ဆီရမ်များမှာပါ အသုံးပြုလာကြပြီး ကော်လာဂျင်ထုတ်လုပ်မှုက အသက်အရွယ် အိုမင်းခြင်းလက္ခဏာများကို သက်သာဖို့ သုံးလာကြပါတယ်။

▪️ အသက်ကြီးလာတာနဲ့အမျှ ကော်လာဂျင်ထုတ်လုပ်မှု လျော့နည်းလာပြီး ပါးရေတွန့်ခြင်း၊ အရေးကြောင်းပေါ်ခြင်း၊ ဆံပင်ပါးခြင်း၊ လက်သည်းကြွပ်ဆတ်ခြင်း၊ အရိုးအားနည်းခြင်းတို့ ဖြစ်နိုင်ပါတယ်။

▪️ မက်မွန်စေးမှာပါတဲ့ ပိုလီဆက်ခရိုက်ကလည်း အရေပြားအိုမင်းရင့်ရော်ခြင်းနဲ့ ဓာတ်တိုးပျက်စီးခြင်းကို ဖြစ်စေတဲ့ ခရမ်းလွန်ရောင်ခြည် ထိတွေ့ခြင်းမှ ဘေးအန္တရာယ်ကို ကာကွယ်ပေးနိုင်တယ်လို့ တွေ့ရှိထားပါတယ်။

▪️ အိုမင်းဆန့်ကျင်အာနိသင်အပြင် သွေးတွင်းသကြားဓာတ် ထိန်းညှိခြင်း၊ ရောင်ရမ်းမှု လျှော့ချခြင်း၊ အူလမ်းကြောင်း ကျန်းမာရေး တိုးတက်ခြင်းတို့ ပေးစွမ်းနိုင်ပါသေးတယ်။

▪️ အစားအစာအကြောင်း ရေးသားသူ ဂျက်စီကာတွမ်က မက်မွန်စေးကို ဘယ်လိုပြင်ဆင်ရမလဲဆိုတာ TikTokမှာ ဖော်ပြသွားပါတယ်။

▪️ မက်မွန်စေးခြောက်တွေကို ဝယ်ယူပြီး အခန်းအပူချိန်မှာ ၂၄ နာရီကြာအောင် ရေစိမ်ထားရပါမယ်။

▪️ ရေဓာတ်ရသွားတဲ့အခါ အစေးတွေက ၃-၄ဆလောက်အထိ ပွလာပါတယ်။
ဒီနောက် ရေစစ်လိုက်ရင် ဂျယ်လီလိုမျိုး ပျော့ပြောင်းသွားမှာဖြစ်ပြီး စားသုံးနိုင်ပြီ ဖြစ်ပါတယ်။

#Source: New York Post

#World_Science
Published 12 February 2025

▪️ လွန်ခဲ့တဲ့ နှစ်ပေါင်းသန်း ၄၈၀ ကျော်လောက်မှာဆိုရင် ရေဘဝဲတွေက တိရိစ္ဆာန်တွေကြားမှာ သက်တမ်းအရင့်ဆုံး အထီးအမခွဲခြား ခရိုမိုဆုန်းတွေ ပိုင်ဆိုင်ခဲ့ဖွယ်ရှိတယ်လို့ အံ့အားသင့်ဖွယ် လေ့လာချက်တစ်ခုမှာ တွေ့ရှိထားပါတယ်။

▪️ လက်တံများစွာပါတဲ့ ဆက်ဖလိုပေါ့ဒ်မျိုးနွယ်တွေမှာ အထီးအမခွဲခြား ခရိုမိုဆုန်းတွေရဲ့ ပထမဆုံး မျိုးဗီဇအထောက်အထားကို အော်ရီဂွန်တက္ကသိုလ်မှ သုတေသီများ လေ့လာဖော်ပြခဲ့ကြပါတယ်။

▪️ ဒီမတိုင်ခင်အထိ ရေဘဝဲတွေမှာ အထီးအမခွဲခြား ခရိုမိုဆုန်းတွေ ရှိမရှိတောင် မသေချာခဲ့ပါဘူး။

▪️ ဥဥတဲ့သတ္တဝါတွေနဲ့ သုတ်ပိုးထုတ်တဲ့ သတ္တဝါတွေကို ခွဲခြားစောင့်ကြည့်ခဲ့ရတာ ဖြစ်ပါတယ်။

▪️ သုတေသီအချို့ဆိုရင် ရေဘဝဲလို မျိုးနွယ်တွေဟာ ငါးတွေနဲ့ တွားသွားသတ္တဝါတွေလိုမျိုး ပတ်ဝန်းကျင် အခြေအနေများပေါ် အခြေခံကာ အထီးအမခွဲခြားကြတယ်လို့တောင် သုံးသပ်နေကြပါတယ်။

▪️ မျိုးဗီဇအချက်အလက် အပြည့်အစုံ ပထမဆုံးတွေ့ထားတဲ့ ကယ်လီဖိုးနီးယား အစက်ပြောက် ၂ ခုရေဘဝဲမျိုးမှာ မျိုးဗီဇချိတ်ဆက်လေ့လာခြင်းဖြင့် အထီးနဲ့ အမခွဲခြားနိုင်တဲ့ ခရိုမိုဆုန်း-၁၇ကို ထင်ရှားစွာ တွေ့ခဲ့ကြပါတယ်။

▪️ ရေဘဝဲမတွေက အဆိုပါခရိုမိုဆုန်း တစ်ခုသာပိုင်ဆိုင်ပြီး အထီးတွေကတော့ Zနှစ်ခုတစ်စုံ ပိုင်ဆိုင်ပါတယ်။

▪️ ဆက်ဖလိုပေါ့ဒ်မျိုးစိတ် အမျိုးမျိုးဖြင့် စမ်းသပ်ခဲ့ကြရာမှာ အဆိုပါ Zခရိုမိုဆုန်းစနစ်က ဆင့်ကဲပြောင်းလဲရာ မျိုးရိုးမှာ အတော်လေးဆက်စပ်နေတာ သေချာတွေ့ရှိခဲ့ကြပါတယ်။

▪️ ဒါကြောင့် ဆက်ဖလိုပေါ့ဒ်တွေဟာ သတ္တဝါလောကမှာ သက်တမ်းအကြာဆုံး အထီးအမခွဲခြား ခရိုမိုဆုန်းတွေ ပိုင်ဆိုင်ဖွယ်ရှိပြီး နှစ်ပေါင်းသန်း ၄၅၀ လောက်သက်တမ်းရှိတဲ့ အင်းဆက်များထက်ပင် ပိုနိုင်တယ်လို့ ယူဆနေကြပါတယ်။

#Source: WION