တိုင်ဖွန်းမုန်တိုင်းအပြင် လေဖိအားနည်းရပ်ဝန်းလည်းထပ်ဖြစ်လာလို့ စက်တင်ဘာလ (၈)ရက်မှ  စက်တင်ဘာလ(၁၂)ရက်အတွင်းဒေသ(၁၁)ခုမှာ  မိုးသက်လေပြင်းတိုက်ခတ်ပြီး မိုးကြီးနိုင်တယ်လို့ သိရပါတယ်။
#Local_News
Published 06 September 2024
#တိုင်ဖွန်းမုန်တိုင်း #လေဖိအားနည်းရပ်ဝန်း
#YMG/tthl #Yangon_Times

မလေးရှားသို့ သိုးနှင့်ဆိတ်အရှင်များတင်ပို့ရန်စီစဉ်နေပြီး မွေးမြူသူတွေအဆင်ပြေနိုင်တယ်လို့ သိုး၊ ဆိတ်မွေးမြူသူတွေထံက သိရပါတယ်။
#Local_News
Published 06 September 2024
#သိုးနှင့်ဆိတ် #မလေးရှားသို့တင်ပို့
#YMG/NN #Yangon_Times

ပေါ်ဆန်းနဲ့ ဧည့်မထဆန်‌တွေကို တစ်နိုင်ငံလုံးရှိ ဆန်ဆိုင်တွေမှာ သတ်မှတ်ရည်ညွှန်းဈေးနဲ့ ရောင်းချပေးနေတယ်လို့ မြန်မာနိုင်ငံဆန်စပါးအသင်းချုပ်က ထုတ်ပြန်ထားပါတယ်။
#Local_News
Published 06 September 2024
#ပေါ်ဆန်းနှင့်ဧည့်မထဆန် #သတ်မှတ်ရည်ညွှန်းဈေး
#YMG/NN #Yangon_Times

#Local_News
Published 6 September 2024

▪️ ဒဂုံမြို့သစ်(အရှေ့ပိုင်း)မြို့နယ်၌  ယာဉ်တိုက်မှုဖြစ်ပွားပြီး အမျိုးသားတစ်ဦး ‌ေ-သဆုံးမှုတစ်ခု ယမန်နေ့ညကဖြစ်ပွားခဲ့ကြောင်း မြန်မာနိုင်ငံမီးသတ် ဦးစီးဌာနမှ သိရသည်။

▪️ စက်တင်ဘာ ၅ ရက်နေ့၊ည ၁၁နာရီ ၃၈ မိနစ်အချိန်ခန့်က  ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်၊ (၁၃)ရပ်ကွက်၊ အမှတ်(၂)လမ်းတွင် ယာဉ်တိုက်မှုဖြစ်ပွားပြီး လူညပ်နေကြောင်း သိရသည်။

▪️ အဆိုပါ သတင်းရရှိသဖြင့် ဒဂုံမြို့သစ်(အရှေ့ပိုင်း)မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ ယင်းဖြစ်စဉ်ကြောင့် ယာဉ်ပေါ်ပါ အမျိုးသားတစ် ဦး (သေဆုံး)  အား ရှင်သန်ခွင့်အသင်း သူနာတင်ယာဉ်ဖြင့် မြောက်ဥက္ကလာပမြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့
ကြောင်း သိရသည်။

#YMG/NN #Yangon_Times

#Local_News
Published 6 September 2024

ရန်ကုန်ရွှေ ရည်ညွှန်းဈေးတစ်ရက်အတွင်း ကျပ်ခြောက်သောင်းကျော်အထိမြင့်တက်လာကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းမှ သိရသည်။

ကမ္ဘာ့ရွှေဈေးကလည်း တစ်ရက်တာအတွင်း တစ်အောင်စကို ၃၁,ဒေါ်လာအထိမြင့်တက်လာပြီး အခေါက်ရွှေတစ်ကျပ်သားကို ကျပ် ၆၂,၅၃၂အထိမြင့်တက်လာကြောင်း သိရသည်။

ယနေ့တွင် ရန်ကုန်တိုင်းဒေသကြီး ရွှေလုပ်ငန်းရှင်များအသင်း၏ ရွှေရည်ညွန်းဈေးမှာ အခေါက်ရွှေတစ်ကျပ်သားလျှင် ၅,၀၇၇,၁၇၁ အထိ ဈေးနှုန်းရှိနေပြီး ကမ္ဘာ့ရွှေဈေး တစ်အောင်စလျှင် ၂၅၁၇ ဒေါ်လာအထိဈေးနှုန်း မြင့်တက်နေကြောင်း သိရသည်။

#YMG/NN #Yangon_Times

#World_News
Published 06 September 2024

▪️ ဒေါ်နယ်ထရမ့်ဟာ ရွေးကောက်ပွဲမှာ သမ္မတအဖြစ် ရွေးချယ်ခံရပါက အစိုးရအသုံးစရိတ် စာရင်းစစ်ခြင်းကို ဦးဆောင်ဖို့နဲ့ ပြုပြင်ပြောင်းလဲရေးကြီး အကောင်အထည်ဖော်ဖို့ ဘီလျံနာသူဌေး အီလွန်မက်စ်ကို ခန့်အပ်သွားမယ်လို့ ကြာသပတေးနေ့က ကြေညာလိုက်ပါတယ်။

▪️ ဖန်တီးသွားမယ့် အစိုးရရဲ့စွမ်းဆောင်ရေးကော်မရှင်ကို ဖက်ဒရယ်အစိုးရ တစ်ခုလုံးရဲ့ ဘဏ္ဍာရေးနဲ့ စွမ်းဆောင်ရည် စာရင်းစစ်တာဝန်များ ပေးအပ်သွားမှာဖြစ်ကာ တက်စ်လာစီအီးအို မက်စ်ကိုတော့ အကြီးအကဲအဖြစ် ခန့်အပ်သွားမယ်လို့ ထရမ့်က ပြောပါတယ်။

▪️ တစ်ခါတရံမှာ စိတ်ကူးယဉ်ဆန်လွန်းတဲ့ ထရမ့်က ဒီလိုနည်းလမ်းဟာ ဒေါ်လာ ထရီလီယံနဲ့ချီပြီး သက်သာစေနိုင်တယ်လို့ နယူးယော့ခ်စီးပွားရေးကလပ်ကို ပြောပြခဲ့ပါတယ်။

▪️ ဒီကော်မရှင်ဟာ လိမ်လည်မှုနဲ့ ငွေပေးချေမှု မမှန်မကန်ခြင်းများကို ၆ လအတွင်း လုံးဝဖယ်ရှားနိုင်မယ့် အစီအစဉ် ဖန်တီးနိုင်လိမ့်မယ်လို့ ပြောသွားပါတယ်။

▪️ ယခင်က ဒီမိုကရက်တစ် ကိုယ်စားလှယ်လောင်းတွေကို မဲပေးခဲ့တဲ့ မက်စ်က ပြီးခဲ့တဲ့ဇူလိုင်လ စည်းရုံးရေးပွဲတစ်ခုမှာ ထရမ့်ကို သေနတ်သမားတစ်ဦး လုပ်ကြံရန် ကြိုးပမ်းခဲ့ပြီးနောက်မှာ ထရမ့်ကို ထောက်ပံ့လာခဲ့ပါတယ်။

▪️ အီလွန်မက်စ်ကတော့ စည်းကမ်းထိန်းသိမ်းရေးများနဲ့ ငြိဖူးတဲ့ သမိုင်းကြောင်း ရှိထားပါတယ်။
ယင်းရဲ့ အလိုအလျောက် မောင်းနှင်နည်းပညာ အစီအစဉ်တွေကို အစိုးရအေဂျင်စီတွေက စောင့်ကြည့်နေကြပါတယ်။

▪️ မက်စ်ကို ရာထူးခန့်အပ်ဖို့ ထရမ့်ကမ်းလှမ်းနေတာဟာ အကျိုးစီးပွား ပဋိပက္ခရှိနိုင်လားဆိုတာ သိရဖို့ စောနေသေးတယ်လို့ ပြည်သူ့တာဝန်နှင့် ကျင့်ဝတ်အဖွဲ့အစည်းမှ ပြောရေးဆိုခွင့်ရှိသူ ဂျော်ဒန်လီဘိုဝစ်ဇ်က ပြောသွားပါတယ်။

▪️ ဒါပေမဲ့ မက်စ်အနေနဲ့ သူ့စီးပွားရေးတွေကို တိုက်ရိုက်သက်ရောက်လာနိုင်မယ့် နိုင်ငံရေးလွှမ်းမိုးမှုတွေကနေ ရှောင်ရှားသင့်တယ်လို့ ပြောပါတယ်။

▪️ ဒါ့အပြင် အမေရိကန် စည်းမျဉ်းများအရ မက်စ်ဟာ သူ့ရဲ့ဘဏ္ဍာရေး ပိုင်ဆိုင်မှုများကို ချပြဖို့လိုနိုင်တယ်လို့လည်း လီဘိုဝစ်ဇ်က ထင်မြင်နေပါတယ်။

#Source: Barron's

#World_Science
Published 06 September 2024

▪️ ဟိမဝန္တာတောင်တွေမှာ ရှေးဟောင်းဗိုင်းရပ်စ်ပေါင်း ၁၇၀၀ နီးပါး ဖုံးကွယ်တည်ရှိနေတယ်လို့ လေ့လာချက်အသစ်မှာ တွေ့ရှိထားပါတယ်။

▪️ ထိုထဲက ၄ ပုံ ၃ ပုံလောက်ဟာ သိပ္ပံနည်းအရ မသိရှိထားဘူးလို့ ဖော်ပြထားပါတယ်။

▪️ ပင်လယ်ရေမျက်နှာပြင်ထက် ၄ မိုင်နီးပါးလောက်ရှိတဲ့ တိဘက်ကုန်းပြင်မြင့်ပေါ်က ဂူလီယာရေခဲပြင်အူတိုင်တွေထဲမှာ အေးခဲနေတဲ့ ဗိုင်းရပ်စ်ဒီအင်န်အေ အစအနတွေကို သိပ္ပံပညာရှင်များ လေ့လာခဲ့ကြပါတယ်။

▪️ အခုဆိုရင် ရာသီဥတု ပြောင်းလဲမှုတွေကြား ဗိုင်းရပ်စ်တွေ လိုက်လျောညီထွေရှိအောင် ဘယ်လိုလုပ်ခဲ့လဲဆိုတာနဲ့ လာမယ့်နှစ်တွေမှာ ဗိုင်းရပ်စ်တွေ ဘယ်လိုပြောင်းလဲသွားနိုင်လဲ ဆိုတာတွေကို နားလည်ဖို့ လေ့လာနေပါတယ်။

▪️ ရေခဲပြင်မှ ရေခဲတွေက အလွန်တန်ဖိုးရှိတာကြောင့် ဗိုင်းရပ်စ်ပိုးမွှားတွေ သုတေသနအတွက် လိုအပ်တဲ့ အရာတွေကို မရတတ်ဘူးလို့ သုတေသနပြုစုသူ ကျိဖင်ကျောင်က ဖော်ပြထားပါတယ်။

▪️ ရာသီဥတု ပြောင်းလဲတဲ့အခါ အပူချိန်တက်လာပြီး ရေခဲအရည်ပျော်လာသဖြင့် ရေခဲထဲက အချက်အလက်တွေ ပျက်စီးလာနိုင်ကာ ဟိမဝန္တာ၊ အဲ့ပ်စ်၊ အန်ဒေးစ်တို့ရှိ ရေခဲပြင်အချို့တို့ဟာ ရေခဲဆုံးရှုံးမှုနှုန်း မြင့်မားနေပါတယ်။

▪️ တောင်တန်းထိပ် ရေခဲတောင်တွေနဲ့ သူတို့ရဲ့ သမိုင်းကြောင်းတွေဟာ အလွန်လျင်မြန်စွာ ပျောက်ကွယ်နေတယ်လို့ အိုဟိုင်ယိုပြည်နယ်တက္ကသိုလ်မှ ရှေးဟောင်းရာသီဥတု ပညာရှင် လွန်နီသွမ်ဆင်က ပြောပါတယ်။

▪️ ဒါကြောင့် လုံးဝမပျောက်ကွယ်ခင်မှာ သိပ္ပံပညာရှင်တွေက ရှာဖွေဖို့ ကြိုးပမ်းနေတာ ဖြစ်ပါတယ်။
လေ့လာချက်အရ ဗိုင်းရပ်စ်တွေဟာ ပြီးခဲ့တဲ့ နှစ်ပေါင်း ၄၁၀၀၀ ကျော်အတွင်း အပူအအေးစက်ဝန်း ၃ ခုအချိန်မှ ဖြစ်တယ်လို့ ဆိုပါတယ်။

▪️ ရေခဲပြင်တွေ အရည်ပျော်လာပြီး ရှေးဟောင်းဗိုင်းရပ်စ်တွေ လူသားတွေထံ ကူးစက်မှာကို စိုးရိမ်နေကြပါတယ်။

▪️ အချို့သော ဗိုင်းရပ်စ်တွေဟာလည်း အခြားနေရာတွေကနေ ရောက်ရှိလာကြတယ်လို့ ယူဆနေကြပါတယ်။

#Source: WION

#World_Health
Published 06 September 2024

▪️ ရေငွေ့ ထိန်းစက်က အိမ်ထဲမှာ လေထုကို စိုစွတ်စေပြီး စိုထိုင်းမှုကို ထိန်းသိမ်းပေးပါတယ်။
ခြောက်သွေ့တဲ့ ဥတုအချိန်နဲ့ ဆောင်းရာသီချိန်တို့မှာ အိမ်ထဲကလေတွေ ခြောက်သွေ့လာတတ်ပါတယ်။

▪️ ဒီအခါမှာ စိုထိုင်းမှုထိန်းစက်က ခြောက်သွေ့ခြင်းကြောင့်ဖြစ်တဲ့ ပြဿနာတွေကို ကာကွယ်ပေးပါတယ်။

▪️ ဒါကြောင့် စိုထိုင်းမှုထိန်းစက် ထားရှိခြင်းဖြင့် ရနိုင်တဲ့ ကျန်းမာရေးအကျိုးကျေးဇူးတွေကို ဖော်ပြလိုက်ပါတယ်။

▪️ (၁) လေထဲက စိုထိုင်းမှုကို အကောင်းဆုံး ထိန်းသိမ်းပေးတာကြောင့် အရေပြား ခြောက်သွေ့ခြင်းမှ ကာကွယ်ပေးပါတယ်။

▪️ (၂) စိုထိုင်းမှုထိန်းစက်က အသက်ရှူလမ်းကြောင်းကို စိုစွတ်စေကာ လည်ချောင်းယားယံခြင်း၊ အသက်ရှူကြပ်ခြင်းတို့ကို ကူညီပေးပါတယ်။

▪️ (၃) ခြောက်သွေ့လေကြောင့် ဖြစ်တတ်တဲ့ မျက်လုံးယားယံခြင်း၊ နှာစေးခြင်း၊ နှာခေခြင်းစတဲ့ လက္ခဏာများကို လျော့ကျစေပါတယ်။

▪️ (၄) အသက်ရှူလမ်းကြောင်းကို စိုစွတ်စေတာကြောင့် ချွဲမထစေဘဲ အအေးမိလက္ခဏာများကို သက်သာစေပါတယ်။

▪️ (၅) ခြောက်သွေ့လေကြောင့် နှာခေါင်းသွေးလျှံခြင်း ဖြစ်တတ်တဲ့သူတွေမှာ နှာခေါင်းတွင်းတစ်ရှူးများ စိုစွတ်စေကာ သွေးလျှံခြင်းမှ ကာကွယ်ပေးပါတယ်။

▪️ (၆) လေခြောက်သွေ့ပါက လည်ချောင်းခြောက်ခြင်း၊ ချောင်းဆိုးခြင်းတို့ ဖြစ်နိုင်ပြီး စိုထိုင်းမှုထိန်းစက်ကတော့ အသက်ရှူရ လွယ်ကူစေတဲ့အတွက် နှစ်ခြိုက်စွာ အိပ်ပျော်စေပါတယ်။

▪️ (၇) လေခြောက်သွေ့ပါက အသံကြိုးတွေ ထိခိုက်စေကာ ထွက်လာတဲ့အသံကို ပျက်စီးစေကာ စိုထိုင်းမှုထိန်းဆဖြင့် အသံကြိုးတွေ ရေဓာတ်ရစေပြီး ထိခိုက်ခြင်းမှ ကာကွယ်ပေးပါတယ်။

▪️ (၈) အိမ်မှာစိုက်တဲ့ အပင်တွေလည်း သန့်စင်တဲ့လေ လိုအပ်တာကြောင့် စိုထိုင်းမှုထိန်းစက်က ထိုအပင်တွေကို စိုစွတ်စေပြီး ခြောက်သွေ့ခြင်းမှ ကာကွယ်ပေးပါတယ်။

#Source: DoctorNDTV

နိုင်ဂျီးရီးယားမှ စက်ဆရာတစ်ဦးဟာ စွန့်ပစ်ထားတဲ့ သံတိုသံစတွေကိုအသုံးပြုပြီး စိတ်ကြိုက်ဖန်တီးထားတဲ့ မော်တော်ဆိုင်ကယ်တွေထုတ်လုပ်လိုက်ပြီး သူ့ရဲ့ဖန်တီးမှုပိုင်းတွေက တင်သွင်းတဲ့ဆိုင်ကယ်တွေ လွှမ်းမိုးနေတာကို စိန်ခေါ်လာနိုင်ပါတယ်။
#World_Development
Published 05 September 2024
#စွန့်ပစ်သံတိုသံစ #မော်တော်ဆိုင်ကယ်ဖန်တီး
#YMG #Yangon_Times #Yangon_Media_Group

#Daily_News
Published 05 September 2024

၁။ ထိုင်းဘုရင့်ဖလားပိုက်ကျော်ခြင်းပြိုင်ပွဲတွင် မြန်မာမှငွေတစ်ဆု၊ ကြေးတစ်ဆုရရှိနေ

၂။ (၈) ကြိမ်မြောက် သီတဂူစက္ခုဒါန-သီတဂူမျက်စိ အလှူတော်အတွက် စာရင်းပေးသွင်းနိုင်

၃။ ကျိုက်ထီးရိုးသို့ တစ်လအတွင်းပြည်တွင်းပြည်ပခရီးသွား(၂၀၀၀)နီးပါးဝင်ရောက်

၄။ နိုင်ဂျီးရီးယားစက်ဆရာ စွန့်ပစ်သံတိုသံစဖြင့် မော်တော်ဆိုင်ကယ်များကိုကိုယ်ပိုင်ဖန်တီးထုတ်လုပ်ပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခုနှစ်ဩဂုတ်လအတွင်း ပြည်ပနိုင်ငံတွေကို  ဒေါ်လာသန်း၁၀၀ကျော်တန်ဖိုးရှိ ပဲမျိုးစုံတန်ချိန် ၁ သိန်းကျော် တင်ပို့ထားတယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနရဲ့ စာရင်းတွေအရ သိရပါတယ်။
#Local_News
Published 05 September 2024
#ပဲမျိုးစုံတင်ပို့ #ပြည်ပနိုင်ငံ
#YMG/NN #Yangon_Times

ကျိုက်ထီးရိုးစေတီတော်သို့ သြဂုတ်လအတွင်း ပြည်တွင်းပြည်ပခရီးသွား(၂၀၀၀)နီးပါးဝင်ရောက်ခဲ့ပြီး အခုစက်တင်ဘာလထဲမှာလည်း တစ်ရက်ကို(၁၀၀)ဦးခန့်ဝင်ရောက်တယ်လို့ သိရပါတယ်။
#Local_News
Published 05 September 2024
#ကျိုက်ထီးရိုး #ခရီးသွား(၂၀၀၀)နီးပါးဝင်ရောက်
#YMG/tthl #Yangon_Times