#World_Health
Published 15 February 2025

▪️ ဖရုံစေ့တွေက အာဟာရဓာတ် အလွန်မြင့်မားကာ ပရိုတိန်း၊ မဂ္ဂနီဆီယံ၊ ဇင့်၊ သံဓာတ်တို့ အလွန်ကြွယ်ဝပါတယ်။

▪️ ဓာတ်တိုးဆန့်ကျင်ပစ္စည်းများလည်း ပါဝင်တာကြောင့် ရောင်ရမ်းခြင်းကို တိုက်ဖျက်ပေးပြီး နာတာရှည်ရောဂါများမှ ကာကွယ်ပေးပါတယ်။

▪️ ဖရုံစေ့ကို ထမင်းစားဇွန်းတစ်ဇွန်းခန့် နေ့စဉ်စားပေးခြင်းဖြင့် ကျန်းမာရေးကို အထောက်အကူ ဖြစ်စေမှာပါ။

▪️ ဒီအတွက် ဖရုံစေ့နေ့စဉ်စားခြင်းရဲ့ အကျိုးကျေးဇူးများကို ဖော်ပြလိုက်ပါတယ်။

(၁) ထရစ်ပ်တိုဖန် အမိုင်နိုအက်ဆစ် ပါဝင်ခြင်းကြောင့် ဆယ်ရိုတိုနင်ပမာဏ များစေပြီး အိပ်စက်မှုကို အထောက်အကူ ပြုပါတယ်။

(၂) မဂ္ဂနီဆီယံ အထူးကြွယ်ဝစွာ ပါဝင်သဖြင့် နှလုံးကျန်းမာရေး၊ အရိုးကျန်းမာရေး၊ သွေးတွင်းသကြားဓာတ်တို့အတွက် အကျိုးပြုကာ သွေးပေါင်ချိန် ထိန်းညှိပေးပါတယ်။

(၃) ဗိုက်တာမင်-အီးနဲ့ ကယ်ရိုတီနွိုက်တို့က ရောင်ရမ်းခြင်းကို ဆန့်ကျင်ပေးပြီး ဓာတ်တိုးပျက်စီးခြင်းမှ ဆဲလ်များကို ကာကွယ်ပေးကာ အသက်ရှည်စေပါတယ်။

(၄) အမျှင်ဓာတ်ကြွယ်ဝတာကြောင့် အစာခြေခြင်းကို ကူညီပေးပြီး ဝမ်းချုပ်ခြင်းမှ ကာကွယ်ပေးကာ အူလမ်းကြောင်းကျန်းမာရေးကို ထောက်ကူပေးပါတယ်။

(၅) ဖရုံစေ့က သွေးတွင်းသကြားဓာတ် ထိန်းချုပ်ပေးတယ်လို့ အချို့လေ့လာချက်တွေမှာ ယူဆထားပါတယ်။

(၆) ကျန်းမာရေးနဲ့ ညီညွတ်သောအဆီ၊ အမျှင်၊ ဓာတ်တိုးဆန့်ကျင်ပစ္စည်းများ ပေါင်းစပ်လိုက်ကာ မကောင်းတဲ့ ကိုလက်စ်ထရောလ် လျော့ကျစေပြီး နှလုံးကျန်းမာရေးကို ထောက်ပံ့ပေးပါတယ်။

(၇) ဖရုံစေ့ထဲမှဦပါတဲ့ အဆီတွေနဲ့ ဗိုက်တာမင်တွေက အရေပြားအစိုဓာတ်ကို ကူညီပေးပြီး ဆံကေသာကျန်းမာရေး ကောင်းမွန်စေပါတယ်။

#Source: DoctorNDTV

လုပ်ငန်းကဏ္ဍတွေမှာ AI သို့ ပြောင်းလဲအသုံးပြုလာတာတွေက ဖိလစ်ပိုင်လုပ်သားများကို သက်ရောက်နေပြီး အလုပ်အကိုင်ဖူလုံရေးပြဿနာ ဖြေရှင်းပေးဖို့အတွက် ပေါ်လစီပြောင်းလဲရန် တောင်းဆိုလာကြပါတယ်။
#Asia_Industry
Published  14 February 2025
#AIစနစ်တိုးတက်ကျင့်သုံး #ဖိလစ်ပိုင်မှပြင်ပလုပ်သားရင်းမြစ်လုပ်ငန်း
#YMG #Yangon_Times #Yangon_Media_Group

#Daily_News
Published  14 February 2025

၁။ ကျပ်၁၅ ဘီလျံကျော်အသုံးပြု၍ နေပြည်တော် ရေပန်းဥယျာဉ်ကို အဆင့်မြှင့်တင်နေ

၂။ မြန်မာ-ကိုရီးယား ချစ်ကြည်ရေး (ဒလ)တံတား တည်ဆောက်မှု ၈၀ရာခိုင်နှုန်းခန့်ပြီးစီး

၃။ အထည်ပျက်ရောင်းချသူများနှင့် လုပ်ကွက်များမှဝင်ရောက်နေ၍ ရွှေကုန်ကြမ်းပေါလာ

၄။ AI စနစ်တိုးတက်ကျင့်သုံးလာသည်နှင့်အညီ ဖိလစ်ပိုင်မှ ပြင်ပလုပ်သားရင်းမြစ်လုပ်ငန်းကဏ္ဍထိခိုက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နေပြည်တော်အပါအဝင် တိုင်းနဲ့ပြည်နယ်အသီးသီးက MSME လုပ်ငန်းရှင်တွေ အနေနဲ့လုပ်ငန်းတိုးချဲ့တာ၊ စက်ပစ္စည်းနဲ့ ကုန်ကြမ်းဝယ်ယူလိုပါက
ချေးငွေတွေ လျှောက်ထားနိုင်တယ်လို့ MSME ဖွံ့ဖြိုးတိုးတက်ရေး ရန်ပုံငွေစီမံခန့်ခွဲမှုအဖွဲ့က အသိပေးထားပါတယ်။
#Local_News
Published  14 February 2025
#MSMEလုပ်ငန်းရှင် #ချေးငွေလျှောက်ထားနိုင်
#YMG/NN #Yangon_Times

လက်ရှိ ရွှေဈေးမြင့်တက်နေတဲ့ အချိန်ဖြစ်တာကြောင့် ဈေးကွက်အတွင်း အထည်ပျက်ရောင်းချသူများနေတဲ့အပြင်  ရွှေလုပ်ကွက်တွေက ကုန်ကြမ်းတွေဝင်နေတာကြောင့် ရွှေကုန်ကြမ်းပေါလာတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်းကသိရပါတယ်။
#Local_News
Published  14 February 2025
#အထည်ပျက်ရောင်းချသူများ #ရွှေကုန်ကြမ်းပေါလာ
#YMG/NN #Yangon_Times

မြန်မာ-ကိုရီးယား ချစ်ကြည်ရေး (ဒလ)တံတားတည်ဆောက်မှု ၈၀ရာခိုင်နှုန်းခန့်ပြီးစီးနေပြီဖြစ်တယ်လို့ ဆောက်လုပ်ရေးဝန်ကြီးဌာန၊ တံတားဦးစီးဌာနမှ သိရပါတယ်။
#Local_News
Published  14 February 2025
#မြန်မာ-ကိုရီးယား #(ဒလ)တံတား
#YMG/SW #Yangon_Times

နေပြည်တော်ရှိ ရေပန်းဥယျာဉ်ကို Royal Gardenအဖြစ် အဆင့်မြင့်တင်ဆောင်ရွက်နေရာမှာ ငွေကျပ် ၁၅ဘီလျံကျော်အကုန်အကျခံဆောင်ရွက်နေတယ်လို့ သိရပါတယ်။
#Local_News
Published  14 February 2025
#ရေပန်းဥယျာဉ်ကိုအဆင့်မြှင့်တင် #ကျပ်၁၅ဘီလျံ‌ကျော်အသုံးပြု
#YMG/SW #Yangon_Times

#Local_News
Published 14 February 2025

▪️ တရုတ်နှင့်ထိုင်းငွေကြေးများဖြစ်သည့် ယွမ်နှင့်ဘတ် ၁၁သိန်းကျော် ကိုမြန်မာနိုင်ငံတော် ဗဟိုဘဏ် မှ ယမာန်နေ့က ထုတ်ရောင်းလိုက်ကြောင်းသိရသည်။

▪️ ထိုသို့ရောင်းချရာတွင် ငွေလဲနှုန်း ၅၄၂ ကျပ်ဖြင့်  တရုတ်ယွမ် ၅၄၈,၄၂၈ ကို မြန်မာနိုင်ငံတော်ဗဟိုဘဏ်က ဖေဖော်ဝါရီလ (၁၃) ရက်နေ့တွင်  ထုတ်ရောင်းခဲ့ခြင်းဖြစ်သည်။

▪️ ထို့အပြင် ငွေလဲနှုန်း ၁၃၁ ဒသမ ၅ ကျပ်ဖြင့်  ထိုင်းဘတ် ၅၉၇,၅၂၈ ကိုလည်း ရောင်းပေးခဲ့ကြောင်း သိရသည်။

▪️ ထို့အပြင် AD လိုင်စင်ရဘဏ်များနှင့်  လုပ်ငန်းရှင်များအကြား အမေရိကန်ဒေါ်လာ ၁၃.၃၁၈ သန်း၊ တရုတ်ယွမ် ၉၄၅,၅၈၆၊ ထိုင်းဘတ် ၁၃.၄၁၃ သန်းနှင့် အိန္ဒိယရူပီး ၄.၃၄၂ သန်း အလွှဲအပြောင်းရှိခဲ့ကြောင်း သိရသည်။

#YMG/NN #Yangon_Times

#World_News
Published 14 February 2025

▪️ အမေရိကန်သမ္မတ ဒေါ်နယ်ထရမ့်က အမေရိကန် နိုင်ငံခြားရေးသံတမန်အဖွဲ့ကို မွမ်းမံပြင်ဆင်ဖို့ ကြိုးပမ်းနေရာမှာ ထရမ့်အစိုးရအုပ်ချုပ်ရေးအဖွဲ့က ကမ္ဘာတဝှမ်းမှ အမေရိကန်သံရုံးများကို ဝန်ထမ်းလျှော့ချရန် ပြင်ဆင်ထားဖို့ ပြောကြားထားကြောင်း သတင်းနီးစပ်သူ ၃ ခုက ရိုက်တာသတင်းဌာနထံ ကြာသပတေးနေ့က ပြောခဲ့ပါတယ်။

▪️ သံရုံးတွေအနေနဲ့ အမေရိကန်နိုင်ငံသား ဝန်ထမ်းရော သက်ဆိုင်ရာနိုင်ငံမှ ဝန်ထမ်းမှာပါ ၁၀ ရာခိုင်နှုန်းစီ လျှော့ချသွားဖို့ မှာကြားခံထားရကာ ဝန်ထမ်းအင်အားစာရင်းကို နိုင်ငံခြားရေးဌာနသို့ သောကြာနေ့အမီ ပို့ပေးရမှာဖြစ်ပြီး အဲဒီနောက် ဆက်လက်လုပ်ဆောင်သွားမှာ ဖြစ်ပါတယ်။

▪️ အမေရိကန်သံရုံးတွေမှာက သံတမန်တွေရော ပြည်တွင်းဝန်ထမ်းတွေပါ အလုပ်ခန့်အပ်ထားပြီး သံရုံးဝန်ထမ်းအများစုက အိမ်ရှင်နိုင်ငံမှဖြစ်ကြောင်း အမေရိကန် သံတမန်ရေးရာ အမျိုးသားပြတိုက်က ဆိုပါတယ်။

▪️ အမေရိကန် နိုင်ငံခြားရေးဌာနမှ ဒီမိုကရေစီဗျူရို၊ လူ့အခွင့်အရေးနှင့် အလုပ်သမားရေးရာတို့ရှိ ကန်ထရိုက် ၆၀ ခန့်ကို လတ်တလော ရက်သတ္တပတ်များအတွင်း အဆုံးသတ်လိုက်ပြီး အခြားဗျူရိုတွေမှာလည်း နောက်ထပ်ဖြတ်တောက်လျှော့ချမှုများ ရှိလာနိုင်သေးတယ်လို့ အမေရိကန်အရာရှိတစ်ဦးက ပြောပါတယ်။

▪️ အမေရိကန်သံရုံးတွေကို ဝန်ထမ်းလျှော့ချရန် စတင်စီစဉ်ဖို့ ပြောလိုက်တဲ့အကြောင်းကို ABC News သတင်းဌာနက အရင်ဆုံးဖော်ပြခဲ့တာ ဖြစ်ပါတယ်။

▪️ ထရမ့်က နိုင်ငံခြားရေး သံတမန်အဖွဲ့ကို ပြင်ဆင်မွမ်းမံဖို့ ကြိုးစားနေရာမှာ သူ့ရဲ့ နိုင်ငံခြားရေးမူဝါဒ လမ်းစဉ်အတိုင်း ယုံကြည်ထိရောက်စွာ အကောင်အထည်ဖော်ရေးအတွက် နိုင်ငံခြားရေးဌာနဝန်ကြီး မာကိုရူဘီယိုကို အမိန့်ထုတ်ပြန်ညွှန်ကြားထားပါတယ်။

▪️ ထရမ့်ဟာ သစ္စာမစောင့်သိဘူးလို့ ယူဆရတဲ့ ဗျူရိုကရက်တွေကို အလုပ်ထုတ်ပစ်ပြီး သန့်ရှင်းသွားမယ်လို့ အကြိမ်ကြိမ်ဆိုထားပါတယ်။

▪️ ထရမ့်ဟာ ဇန်နဝါရီ ၂၀ ရက်နေ့ သမ္မတတာဝန်ယူတဲ့နေ့ကစပြီး 'အမေရိကသာ ပထမ'ဆိုတဲ့ သူ့ရဲ့မူဝါဒများအတိုင်း လုပ်ဆောင်နေတာ ဖြစ်ပါတယ်။

#Source: Reuters

#Local_News
Published 14 February 2025

▪️ မြောက်ဉက္ကလာပမြို့နယ်၊ အောင်မင်္ဂလာအဝေးပြေးအနီးရှိ  သီရိရတနာစျေး၌ မီးလောင်မှုတစ်ခု ယနေ့မနက် အစောပိုင်း၌ ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှသိရသည်။

▪️ ဖြစ်စဉ်မှာ ဖေဖော်ဝါရီ  ၁၄ ရက်နေ့၊ မနက်၃နာရီ  ၅၀မိနစ် အချိန်ခန့်က  ရန်ကုန်တိုင်းဒေသကြီး၊ မြောက်ဉက္ကလာပမြို့နယ်၊  သီရိရတနာဈေးတွင် မီးလောင်မှုဖြစ်ပွားခဲ့ကြောင်းသိရသည်။

▪️ "အောင်မင်္ဂလာအဝေးပြေးမရောက်ခင် တမှတ်တိုင် စိုက်ပျိုးရေးမှတ်တိုင် အနောက်ကသီရိရတနာစျေးဝန်းမှာ  မီးလောင်တာပါ ၊  မီးလောင်အချိန်သိပ် မကြာဘူး "ဟု ဒေသခံတစ်ဦးကပြောသည်။

▪️ အဆိုပါ  သတင်းရရှိသဖြင့်  မြောက်ဉက္ကလာပမြို့နယ်မီးသတ်စခန်းမှ မီးသတ်ယာဉ်များထွက်ခွာငြိမ်းသတ်ခဲ့ရာ၄ နာရီ၁၀ မိနစ်အချိန်၌  မီးထိန်းနိုင်ခဲ့ပြီး ၄နာရီ ၁၃မိနစ် အချိန်၌  မီးငြိမ်းနိုင်ခဲ့‌ကြောင်း သိရသည်။

▪️ မီးလောင်မှုဖြစ်စဉ်နှင့်ပျက်စီးဆုံးရှုံးမှုတန်ဖိုးများအားဆက်လက်စုံစမ်းနေကြောင်းသိရသည်။

#YMG/NN #Yangon_Times

#Local_News
Published 14 February 2025

▪️ ဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်းလိုင်စင်နှင့် ပတ်သက်၍ သတ်မှတ်ကာလအတွင်း လုပ်ငန်းလိုင်စင်များကို လျှောက်ထားရန်နှင့် လျှောက်ထားခြင်း မရှိ(မရှိ)သောသူများသည် အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ ၅ နှင့်အညီ အရေးယူခြင်း ခံရမည်ဖြစ်ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနက ထပ်မံအသိပေး ကြေညာထားသည်။

▪️ "လိုင်စင်က လျှောက်တော့ လျှောက်နေကြပါတယ်။ လုပ်ဆောင်ရမယ့် စာရွက်စာတမ်းများတော့ တချို့ကြန့်ကြာနေတာလေးတွေတော့ရှိပါတယ်" ဟု ရန်ကုန်တိုင်းဒေသကြီးရွှေလုပ်ငန်းရှင်များအသင်းမှ တာဝန်ရှိသူတစ်ဦးကပြောသည်။

▪️ ဓာတ်သတ္တု(ရွှေ) ရောင်းဝယ်ခြင်း ဝန်ဆောင်မှုလုပ်ငန်းလိုင်စင်ကို ၁၈-၁၁-၂၀၂၄ ရက်နေ့မှ ၁၇-၂-၂၀၂၅ ရက်နေ့အထိ (၃)လအတွင်း နောက်ဆုံး လျှောက်ထားရမည့်ရက်သည် ပြည့်မြောက်တော့မည်ဖြစ်သဖြင့် သတ်မှတ်ကာလအတွင်း လုပ်ငန်းလိုင်စင်များကို လျှောက်ထားရန်နှင့် လျှောက်ထားခြင်း မရှိ(မရှိ)သောသူများသည် အရေးကြီးကုန်စည်နှင့် ဝန်ဆောင်မှုဥပဒေ ပုဒ်မ ၅ နှင့်အညီ အရေးယူခြင်းခံရမည်ဖြစ်ကြောင်း သိရသည်။

▪️ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနအနေဖြင့်ဓာတ်သတ္တု(ရွှေ) ရောင်းဝယ်ခြင်းဝန်ဆောင်မှုလုပ်ငန်း လုပ်ကိုင်ဆောင်ရွက်လိုသူများအား လုပ်ငန်းလိုင်စင် လျှောက်ထားမှုကို ၁၈-၁၁-၂၀၂၄ ရက်နေ့မှ စတင်လျှောက်ထားရန် ၇-၁၁-၂ဝ၂၄ ရက်နေ့ထုတ် သတင်းစာများတွင် ကြေညာထားရှိပြီး ဖြစ်သောကြောင့် အဆိုပါလျှောက်ထားမှုများကို ၁၇-၂-၂၀၂၅ ရက်နေ့ထိ (၃)လအတွင်း နောက်ဆုံးထား လျှောက်ထားရန်နှင့် လျှောက်ထားခြင်း မရှိ(မရှိ)သောသူများသည် အရေးကြီးကုန်စည်နှင့် ဝန်ဆောင်မှုဥပဒေပုဒ်မ ၅ နှင့်အညီ အရေးယူခြင်းခံရမည်ဖြစ်ကြောင်း ၁၁-၁၂-၂၀၂၄ ရက်နေ့ထုတ် သတင်းစာများတွင် အသိပေးကြေညာခဲ့ပြီးဖြစ်ကြောင်း သိရသည်။

#YMG/SW #Yangon_Times

#Local_News
Published 14 February 2025

▪️ ရုပ်ရှင်သရုပ်ဆောင် ဒေါ်မြင့်မြင့်ခိုင်(ခ) ဒေါ်မြင့်မြင့်ကြူ ၏  KBZ bank Special account Mobile banking မှ သိန်း ၁၂၀ ကျော် ကို ၁၂.၂.၂၀၂၅ မနက် ၁၁:၃၀ တွင်  အကောင့်ဟက်ခံရပြီး တခြားအကောင့်ထဲသို့ လွှဲသွင်းခံလိုက်ရကြောင်း သိရသည်။

▪️ ရုပ်ရှင်သရုပ်ဆောင်ဒေါ်မြင့်မြင့်ခိုင်၏ သမီးဖြစ်သူက ဖူးမေမေ ရုပ်ရှင်သရုပ်ဆောင် ဒေါ်မြင့်မြင့်ခိုင် (ခ) ဒေါ်မြင့်မြင့် ကြူ ရဲ့ **(Kpay မဟုတ်!!) KBZ bank Special account Mobile banking** က နေ မှ သိန်း ၁၂၀ ကျော် ကို ၁၂.၂.၂၀၂၅ မနက် ၁၁:၃၀ မှာ အကောင့်ဟက်ခံလိုက်ရပြီးတခြားအကောင့်ထဲကိုလွှဲသွင်းခံလိုက်ရပါတယ်ရှင်! OTP ကုတ်ကို MPT SIM card ထဲကျလာတဲ့ အချိန်မှာတော့ ဖူးမေမေက ဆေးခန်းမှာရှိနေခဲ့ပီး message ကို အဲ့အချိန်နဲ့ သိပ်မကြာခင်အိမ်ပြန်ရောက်တဲ့အချိန်တွေ့လိုက်တဲ့အချိန်မှာ ဘဏ်အကောင့်ထဲဝင်စစ်ကြည့်တော့သိန်း ၁၂၁ သိန်း ၉ သောင်း ၄ ထောင်က ဖူးတို့လုံးဝမသိတဲ့အကောင့်တခုထဲလွှဲထားပါတယ်! သိသိချင်း ကျန်ငွေ တွေကိုတော့ ဖူးအကောင့်ထဲအမြန်လွှဲခဲ့လို့ သိန်း၁၂၀ ကျော်ပါသွားတယ်ပဲမှတ်ပါတယ်။

▪️ မေမေက KBZ bank မှာ လွန်ခဲ့တဲ့တလကမှ လုပ်ငန်းသုံးကိစ္စလေးရှိလို့ Special အကောင့် ဖွင့်ထားတာပါ! တလ မပြည့်ခင်ဒီလိုဖြစ်တာကိုခံလိုက်ရပါတယ်ရှင်! သတင်းတွေကြားနေကျမို့ သတိကြီးကြီးထားနေရင်း နဲ့မှဖြစ်လို့ စိတ်မကောင်းဖြစ်ရပါတယ်! Kpay နဲ့ အဲ့ဒီအကောင့်ကိုလဲလုံးဝ Link မလုပ်ထားပါ! OTP လဲဘယ်သူမှမပေးပါ! ပိုသေချာတာက အကောင့်အသစ်မို့ အဲ့ထဲက Transactions ဆိုတာက ဖူးအကောင့်တခုထဲကိုပဲလွှဲထားတာဖြစ်တဲ့အတွက် အဲ့ဒီ transaction အသစ် က အရမ်းကို သိသာပါတယ်!! Facebook တောင်မေမေက သိပ်မသုံးတဲ့သူမို့ ဘာLink မှလဲ မနှိပ်မိပါဘူးရှင်!

▪️ ဖူးတို့ သိန်း၁၂၀ ကျော်ပါသွားတာသိရခြင်းခြင်း call center ကိုလဲဆက်သွယ်ခဲ့ပါတယ်! ဘဏ်သွားမယ်လုပ်ပေမယ့် ဘဏ်ပိတ်ရက်မို့ ဘဏ်ကဒီနေ့ ၁၃ ရက်နေ့ မှာ ရုံးချုပ်ကိုသွားခဲ့ပါတယ်!! Fraud case ကိုလွှဲပေးမယ်ပဲပြောခဲ့ပါတယ်.ရဲစခန်းမှာအမှုဖွင့်ရမယ်ပြောပါတယ်! ရဲစခန်းလဲသွားခဲ့ပါတယ်ရှင်! ဖူးတို့ရဲ့ အားနည်းချက်တခုကတော့ ရဲစခန်းမှ ပြစ်မှုဖွင့်ပါလို့ပြောပေမယ့် မေမေ့ဖုန်းက လုပ်ငန်းကိစ္စတွေ ရှိနေတဲ့အတွက်အမှုဖွင့်ရင် ဖုန်းပေးလိုက်ရပြီး ကြာနိုင်လို့မဖွင့်ခဲ့လိုက်ရတာကြောင့် အခုပိုက်ဆံသိန်း၁၂၀ ကျော်ကဆုံးပြီလို့ပဲသတ်မှတ်လိုက်ရတော့မယ်အခြေနေရှိပါတယ်! မေမေကလဲ အသက်ကြီး သူဖြစ်တဲ့ သူ မို့ ရေရှည် ကိစ္စတွေမဖြေရှင်းနိုင်တာတကြောင်းမို့ စောင့်ကြည့်ရမှာပါရှင့် ဟု ၎င်း၏ လူမှုကွန်ရက်တွင် ရေးသားထားသည်။

▪️ ပြီးခဲ့သည့် လပိုင်းက KBZ pay မှတဆင့်အကောင့်ဟက်ကာ ငွေကြေးခိုးယူခံရမှုများရှိခဲ့ခြင်းကြောင့် KBZ ဘဏ်က နည်းပညာပိုင်းပြင်ဆင်ဆောင်ရွက်ခြင်းနှင့် ငွေကြေးခိုးယူလွဲပြောင်းခံရသူများကို ငွေကြေးပြန်လည်စိုက်ထုတ်ပေးခြင်းတို့ကို ဆောင်ရွက်ပေးခဲ့ကြောင်း သိရသည်။

#YMG/SW #Yangon_Times