ရန်ကုန်တိုင်းဒေသကြီးမှာ အခုနှစ်မိုးရာသီအတွင်း မိုးမြေပဲနဲ့ဖူးစားပြောင်းအပါအဝင်ဟင်းသီးဟင်းရွက်သီးနှံ ဧကနှစ်သောင်းခွဲခန့်စိုက်ပျိုးဖို့လျာထားတယ်လို့ တိုင်းဒေသကြီး စိုက်ပျိုးရေးဦးစီးဌာနက သိရပါတယ်။
#Local_News
Published 08 September 2024
#ဟင်းသီးဟင်းရွက် #မိုးမြေပဲနှင့်ဖူးစားပြောင်း
#YMG/NN #Yangon_Times

#Local_News
Published 7 September 2024

▪️ “Blue Pansy”လိပ်ပြာပုံ ၂၀၀ ကျပ်တန် စာပို့တံဆိပ်ခေါင်းသစ် ရောင်းချပေးသွားမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန မြန်မာ့စာတိုက်လုပ်ငန်းမှ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ သိရသည်။

▪️ ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာ့စာတိုက်လုပ်ငန်းမှ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏  မြန်မာနိုင်ငံတွင် တွေ့ရှိရသော လိပ်ပြာမျိုးစိတ်အဖြစ် မှတ်တမ်းတင်သဘောထား မှတ်ချက်ပြုထားသည့်  “Blue Pansy” လိပ်ပြာပုံ ၂၀၀ ကျပ်တန် စာပို့တံဆိပ်ခေါင်းသစ်တစ်မျိုးအား ၂ဝ၂၄ ခုနှစ်၊ စက်တင်ဘာလ ၉ ရက်၊ မြန်မာသက္ကရာဇ် ၁၃၈၆ ခုနှစ်၊ တော်သလင်းလဆန်း ၇ ရက်(တနင်္လာနေ့) နံနက် ၉ နာရီခွဲမှ စတင်ပြီး နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့် တိုင်းဒေသကြီး/ ပြည်နယ်များရှိ စာတိုက်ကြီးများတွင် တစ်ပြိုင်တည်း ရောင်းချပေးသွားမည်ဖြစ်ကြောင်း သိရသည်။

▪️ ထို့အပြင် အထူးအစီအစဉ်တစ်ရပ်အနေဖြင့် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက် ကြီးတို့တွင် ၂ဝ၂၄ ခုနှစ်၊ စက်တင်ဘာလ ၉ ရက်တွင် ဝယ်ယူသော စာပို့တံဆိပ်ခေါင်းများပေါ်တွင် နေ့စွဲအမှတ်အသား တံဆိပ်ရိုက်နှိပ်ပေးသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 7 September 2024

▪️ မြန်မာနိုင်ငံတော်ဗဟိုဘဏ်က ယခုစက်တင်ဘာလသုံးရက်တာအတွင်း  ကန်ဒေါ်လာ ၁၂ ဒသမ ၅ သန်း နှင့်ထိုင်းဘတ်သန်း ၈၀ကိုထုတ်ရောင်းပေးခဲ့ကြောင်း သိရသည်။

▪️ ဗဟိုဘဏ်သည်  သုံးရက်တာအတွင်း Online Trading Platform မှ တစ်ဆင့် ရောင်းချပေးခဲ့ခြင်းဖြစ်သည်။

▪️ ထိုသို့ရောင်းချပေးရာတွင်  စက်တင်ဘာလ ၄ ရက်နေ့တွင်  အမေရိကန်ဒေါ်လာ ၁၂ ဒသမ ၄ သန်းကျော်၊ စက်တင်ဘာလ ၅ ရက်တွင်  အမေရိကန်ဒေါ်လာ ၉၀၀၀၀ နှင့်  စက်တင်ဘာလ ၆ ရက်နေ့တွင်  အမေရိကန်ဒေါ်လာ ၁သိန်းရောင်းချခဲ့ကြောင်း သိရသည်။

▪️ ထို့အပြင် စက်တင်ဘာလ ၄ ရက်နေ့၌  ထိုင်းဘတ်သန်း ၈၀ ကိုလည်း ဗဟိုဘဏ်မှ  ရောင်းချပေးခဲ့ကြောင်း သိရသည်။

▪️ အဆိုပါ နိုင်ငံခြားငွေများကို ဗဟိုဘဏ်၊ AD လိုင်စင်ရ ဘဏ်များနှင့်  ပို့ကုန်သွင်းကုန် လုပ်ငန်းရှင်များ ပါဝင်သည့်  FX Market Online Trading Platform များမှ တစ်ဆင့် ရောင်းချပေးခဲ့ခြင်း ဖြစ်ကြောင်း၊ ယင်းနိုင်ငံခြားငွေများအား   အမေရိကန်တစ်ဒေါ်လာလျှင်ဘ ကျပ် ၃၅၀၀ ကျော် ဝန်းကျင်ဖြင့် ရောင်းချပေးခဲ့ခြင်းဖြစ်‌ကြောင်း သိရသည်။

#YMG/NN #Yangon_Times

မုန်တိုင်းငယ်နဲ့ တိုင်ဖွန်းမုန်တိုင်းအရှိန်ကြောင့် ဧရာဝတီ၊ တနင်္သာရီ၊ မွန်၊ ကရင်ဒေသ(၄)ခုမိုးကြီးဖို့ရှိပြီးဒေသ(၆)ခု မိုးပိုလာဖို့ရှိတယ်လို့ သိရပါတယ်။
#Local_News
Published 07 September 2024
#တိုင်ဖွန်းမုန်တိုင်း #ဒေသ(၆)ခုမိုးပိုလာ
#YMG/tthl #Yangon_Times

အခုနှစ်သီတင်းကျွတ်ပိတ်ရက်(၅)ရက်ဆက်တိုက်ရှိနေတဲ့အတွက် ကျိုက်ထီးရိုးသို့ဘုရားဖူးတွေ ပိုမိုဝင်ရောက်လာဖို့ရှိတယ်လို့ ကျိုက်ထီးရိုးစေတီတော်ဂေါပကအဖွဲ့ထံမှ သိရပါတယ်။
#Local_News
Published 07 September 2024
#သီတင်းကျွတ်ပိတ်ရက်(၅)ရက် #ကျိုက်ထီးရိုး
#YMG/tthl #Yangon_Times

ရန်ကုန်ဈေးကွက်အတွက် စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီရဲ့ ဒီကနေ့ထုတ်ပြန်ချက်အရ စက်သုံးဆီဈေးနှုန်းများဆက်တက်ပြီး အောက်တိန်း 92 တစ်လီတာကို  ကျပ်၃၂၀၀ကျော်အထိရှိလာတယ်လို့ သိရပါတယ်။
#Local_News
Published 07 September 2024
#စက်သုံးဆီဈေးနှုန်းတက် #92တစ်လီတာကျပ်၃၂၀၀ကျော်
#YMG/NN #Yangon_Times

၆ စက်တင်ဘာ ၂၀၂၄

ခေတ်မီဖွံဖြိုးတိုးတက်ရေးသို့သွားရာလမ်းမှာ ဘယ်နိုင်ငံကမှ နောက်မှာကျန်ရစ်မနေသင့်ဘူးလို့ တရုတ်သမ္မတ ရှီကျင့်ဖျင်က စက်တင်ဘာ ၅ ရက်က ဘေဂျင်းမြို့တော်မှာကျင်းပတဲ့ တရုတ်-အာဖရိကပူးပေါင်းဆောင်ရွက် ရေးဖိုရမ်ရဲ့ ၂၀၂၄ထိပ်သီးအစည်းအဝေးမှာ ပြောကြားခဲ့ပါတယ်။ တောင်ကမ္ဘာရဲ့ခေတ်မီဖွံ့ဖြိုးတိုးတက်ရေးကို တရုတ် နှင့်အာဖရိကတို့ အတူတကွ ပူးပေါင်းအားထုတ်ကြဖို့လည်း သူကတောင်းဆိုလိုက်ပါတယ်။

Source CCTV+

#World_Science
Published 07 September 2024

▪️ အာဖဂန်နစ္စတန်နဲ့ ကူဝိတ်တို့ရှိ အမေရိကန်စစ်တပ်တို့မှာ တာဝန်ထမ်းဆောင်ခဲ့သလို အကြမ်းဖက် တိုက်ဖျက်ရေးလုပ်ငန်းတွေမှာ ပါဝင်ခဲ့တဲ့ အမေရိကန် ထောက်လှမ်းရေး အရာရှိဟောင်း လူးဝစ္စအယ်လီဇွန်ဒိုက ဂြိုဟ်သားတွေဟာ ကမ္ဘာပေါ်မှာ ပုန်းကွယ်နေကြပြီး လူသားထုကို ခြိမ်းခြောက်နေတယ်လို့ ဆိုလိုက်ပါတယ်။

▪️ မယ်ရီလန်းရှိ မိသားစုနေအိမ်အနီး လေထဲမှာ အစိမ်းရောင်လုံးလေး လင်းနေတာကို သူ့ရဲ့ကလေးတွေ တွေ့ရှိတယ်လို့ ပြောတဲ့အချိန်မှာ အရာရှိဟောင်း ကျောချမ်းခဲ့ရတယ်လို့ ဆိုလိုက်ပါတယ်။

▪️ ဒီအလုံးဟာ ကြောက်မက်ဖွယ် အစိမ်းရောင်ဖြင့် ကြည်နေပြီး တစ်ခုတစ်ခုဖြင့် ထိန်းချုပ်နေသလို ပုံစံမျိုးဖြစ်တယ်လို့ အယ်လီဇွန်ဒိုက ပြောပါတယ်။

▪️ သူကိုယ်တိုင်လည်း ဘက်စ်ကတ်ဘောလုံး အရွယ်ရှိတဲ့ အစိမ်းရောင်တောက်တောက် အရာတစ်ခုဟာ မီးဖိုချောင်ကနေ အိပ်ခန်းသို့ ဖြည်းဖြည်းချင်း မျောရွေ့သွားပြီး ရုတ်တရက် ပျောက်သွားတယ်လို့ ပြောပါတယ်။

▪️ အမေရိကန် အစိုးရကလည်း ကမ္ဘာပေါ်မှာ ဂြိုဟ်သားတွေ တည်ရှိတာကို သိရှိထားပေမယ့် ယင်းတို့ဟာ ပုန်းကွယ်နေကြတယ်လို့ ဆိုပါတယ်။

▪️ အယ်လီဇွန်ဒိုဟာ ဂြိုဟ်သားတွေကို အမှန်တကယ် လိုက်ရှာခဲ့ဖူးတဲ့ စစ်ထောက်လှမ်းရေး အရာရှိဟောင်း ဖြစ်ခဲ့တာကြောင့် သူ့ရဲ့ထွက်ဆိုချက်တွေက စိတ်ဝင်စားစရာ ဖြစ်ပါတယ်။

▪️ ကမ္ဘာမြေပေါ်က ကုန်းပြင်နေရာတွေမှာ ဂြိုဟ်သားတွေ ပုန်းကွယ်နေတဲ့ အထောက်အထားတွေ ရှိထားပေမယ့် အများပြည်သူ ကြောက်လန့်မှာ စိုးတဲ့အတွက် ပင်တဂွန်အရာရှိများက လျှို့ဝှက်ထိန်းသိမ်းထားတယ်လို့ ပြောပါတယ်။

▪️ ဒီပစ္စည်းတွေက လူတွေလုပ်တာ မဟုတ်သလို လျှို့ဝှက်ထောက်လှမ်းခြင်းကို လူသားတွေပဲ လုပ်တတ်တာ မဟုတ်ဘူးလို့ ပြောသွားပါတယ်။

▪️ ဂြိုဟ်သားယာဉ်တွေဟာ ဒုတိယကမ္ဘာစစ် ပြီးကတည်းက လှုပ်ရှားနေကြပြီး လူသားတွေရဲ့ ရူပဗေဒ အသိပညာတွေကို ဆန့်ကျင်နိုင်တဲ့ အစွမ်းရှိပါတယ်။

▪️ ဒီအရာတွေဟာ လုံခြုံရေးကို အလွန်ခြိမ်းခြောက်နေသလို အဆိုးဆုံးအနေနဲ့ လူသားထုကို ခြိမ်းခြောက်လာနိုင်တယ်လို့ ပြောသွားပါတယ်။

#Source: WION

#World_Health
Published 07 September 2024

▪️ သုတေသနအသစ်အရ အလုပ်ပိတ်ရက်တွေမှာ ပိုမိုအိပ်စက်တဲ့သူတွေက နှလုံးရောဂါ ဖြစ်နိုင်ခြေ ၂၀ ရာခိုင်နှုန်းအထိ လျှော့ချနိုင်တယ်လို့ တွေ့ရှိထားပါတယ်။

▪️ ကြားရက်တွေမှာ အိပ်ရေးပျက်ထားတာကို အလုပ်နားရက်တွေမှာ ဖြည့်စွက်အိပ်စက်ခြင်းက နှလုံးရောဂါ ဖြစ်နိုင်ခြေ လျော့နည်းခြင်းနဲ့ ဆက်စပ်နေတယ်လို့ ပေကျင်း ဖုဝေဆေးရုံမှ ဦးဆောင်သုတေသီ ယန်ကျွန်ဆောင်းက ပြောပါတယ်။

▪️ ကြားရက်တွေမှာ အိပ်ရေးမဝတဲ့သူတွေမှာ ဒီရလဒ်က ပိုပြီးသိသာပါတယ်။

▪️ ဗြိတိန်ပြည်ထောင်စုမှ နေထိုင်သူ ၉၀၉၀၀ ခန့်ရဲ့ အချက်အလက်တွေကို ဆန်းစစ်ရာမှာ ၂၂ ရာခိုင်နှုန်း နီးပါးလောက်က တစ်ညကို အိပ်ချိန် ၇ နာရီအောက်သာရှိပြီး အိပ်ရေးပျက်တဲ့သူတွေလို့ သတ်မှတ်ပါတယ်။

▪️ ဒီနောက် ထိုသူတွေရဲ့ ဆေးရုံတက်မှတ်တမ်းနဲ့ နှလုံးရောဂါကြောင့် သေဆုံးမှုမှတ်တမ်းတွေကို ၁၄ နှစ်နီးပါးတိုင်အောင် စောင့်ကြည့်ခဲ့ကြပါတယ်။

▪️ ထိုအခါမှာ အိပ်ရေးပျက်သူတွေမှာ အတိုးချအိပ်စက်ချိန် အများဆုံးရှိသူတွေက နှလုံးရောဂါ ဖြစ်နိုင်ခြေ ၂၀ ရာခိုင်နှုန်း လျော့နည်းခဲ့ပါတယ်။

▪️ အိပ်ရေးပျက်ခြင်းကြောင့် နှလုံးသွေးကြောရောဂါများ၊ သွေးတိုး၊ ဆီးချို၊ အဝလွန်ခြင်းတို့နဲ့ ဆက်စပ်နေကာ အလုပ်နားရက်တွေမှာ အတိုးချအိပ်ခြင်းက ကြားရက်တွေမှာ အိပ်ရေးပျက်ထားခြင်းရဲ့ သက်ရောက်မှုတွေကို တစ်စိတ်တစ်ပိုင်း လျှော့ချပေးနိုင်တယ်လို့ ဖော်ပြထားပါတယ်။

▪️ အရွယ်ရောက်သူများအနေနဲ့ တစ်ညကို ၇ နာရီမှ ၉ နာရီလောက်အထိ အိပ်စက်ဖို့ ပညာရှင်များ အကြံပြုထားပါတယ်။

#Source: New York Post

ယီမင်မှာ တစ်လလောက် အကြီးအကျယ်မိုးရွာသွန်းပြီး ရေလျှံနေတာကြောင့် ဆာနာသမိုင်းဝင်မြို့ဟောင်းမှာ အစိတ်အပိုင်းအချို့ ပျက်စီးကုန်ပြီး ဘာမှမလုပ်ဘဲထားပါက ဒီထက်ပိုပြီး ပျက်စီးလာမှာကို စိုးရိမ်လာရပါတယ်။
#World_News
Published 06 September 2024
#ယီမင်ရှိသမိုင်းဝင်အဆောက်အအုံ #အဆောက်အအုံများပျက်စီး
#YMG #Yangon_Times #Yangon_Media_Group

#Daily_News
Published 06 September 2024

၁။ ပေါ်ဆန်းနှင့် ဧည့်မထဆန်များအား တစ်နိုင်ငံလုံးရှိ ဆန်ဆိုင်များတွင်သတ်မှတ်ရည်ညွှန်းဈေးဖြင့် ရောင်းချပေးနေ

၂။ မလေးရှားသို့ သိုးနှင့်ဆိတ်အရှင်များတင်ပို့ ရန်စီစဉ်နေပြီး မွေးမြူသူများ အဆင်ပြေနိုင်

၃။ တိုင်ဖွန်းမုန်တိုင်းအပြင် လေဖိအားနည်းရပ်ဝန်းလည်းထပ်ဖြစ်လာ၍ ဒေသ(၁၁)ခု၌ မိုးသက်လေပြင်းတိုက်ခတ်ပြီးမိုးကြီးမည်

၄။ မိုးသည်းထန်စွာရွာသွန်းခြင်းကြောင့် ယီမင်ရှိသမိုင်းဝင်အဆောက်အအုံများပျက်စီး... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မျောက်ကျောက်သံသယလူနာတွေ့ရတယ်ဆိုတာ ကောလဟာလသာဖြစ်ပြီး စက်တင်ဘာလ(၆)ရက်အထိတော့ မျောက်ကျောက် သံသယလူနာမတွေ့ရသေးဘူးလို့ ကျန်းမာရေးဝန်ကြီးဌာနမှ သိရပါတယ်။
#Local_News
Published 06 September 2024
#မျောက်ကျောက်သံသယလူနာ #ကျန်းမာရေးဝန်ကြီးဌာန
#YMG/tthl #Yangon_Times