ဒီကနေ့မှာ ရွှေပြင်ပပေါက်ဈေးနှုန်းအ‌ခေါက်ရွှေတစ်ကျပ်သားကိုကျပ် ၆၄သိန်းအထိရှိလာပြီး တစ်ပတ်တာအတွင်း အခေါက်ရွှေတစ်ကျပ်သားကို ကျပ် ၈ သိန်းအထိ ကျဆင်းလာတယ်လို့ ရွှေလုပ်ငန်းအသိုင်းအဝိုင်းက သိရပါတယ်။
#Local_News
Published 10 September 2024
#ရွှေပြင်ပပေါက်ဈေး #ရွှေဈေးကျဆင်း
#YMG/NN #Yangon_Times

မြဝတီမြို့မှာ သောင်ရင်းမြစ်ရေမြင့်တက်နေပြီး မိုးဆက်လက်ရွာသွန်းပါက ဒီကနေ့ညနေပိုင်းမှာ မြစ်နဲ့နီးတဲ့နေအိမ်အားလုံးရေမြုပ်သွားနိုင်သလို မဒေါက်မြို့မှာလည်းစစ်တောင်းမြစ်ရေတက်နေတယ်လို့ သိရပါတယ်။
#Local_News
Published 10 September 2024
#သောင်ရင်းမြစ်ရေကြီး #စစ်တောင်းမြစ်ရေတက်
#YMG/tthl #Yangon_Times

#World_News
Published 10 September 2024

▪️ မြောက်ကိုရီးယားဟာ အခုဆိုရင် နျူကလီးယားတပ် တည်ဆောက်ရေးမူဝါဒတစ်ခုကို ကျင့်သုံးနေကာ တိုင်းပြည်ရဲ့ နျူကလီးယား လက်နက်အရေအတွက် တိုးမြှင့်သွားမယ်လို့ ခေါင်းဆောင် ကင်မ်ဂျုံအန်းက ပြောကြားလိုက်ကြောင်း KCNA သတင်းဌာနက အင်္ဂါနေ့မှာ ဖော်ပြထားပါတယ်။

▪️ တနင်္လာနေ့မှာ ကျရောက်တဲ့ မြောက်ကိုရီးယား တည်ထောင်ခြင်း နှစ်ပတ်လည်မြောက်နေ့ မိန့်ခွန်းပြောရာမှာ ကင်မ်ဂျုံအန်းက နိုင်ငံအနေနဲ့ လုံခြုံရေးရပိုင်ခွင့်အတိုင်း အချိန်မရွေး အသုံးပြုရန် နျူကလီးယား စွမ်းရည်နဲ့ အသင့်ပြင်ထားမှုတို့ကို ပိုမိုစေ့စပ်စွာ ပြင်ဆင်ထားရမယ်လို့ ဆိုပါတယ်။

▪️ အမေရိကန်နဲ့ အပေါင်းအပါတွေရဲ့ ခြိမ်းခြောက်မှုမှန်သမျှကို ရင်ဆိုင်ဖို့အတွက် စစ်ရေးအင်အား တောင့်တင်းဖို့ လိုအပ်ကြောင်း ပြောပါတယ်။

▪️ အမေရိကန် ဦးဆောင်တဲ့ နျူကလီးယား အခြေပြု စစ်ရေးအဖွဲ့အစည်းကလည်း အတော်လေး ခြိမ်းခြောက်နေတယ်လို့ ပြောပါတယ်။

▪️ တောင်ကိုရီးယား အခြေစိုက် အမေရိကန်စစ်စခန်းမှ တပ်ဦးစီးချုပ်ဦးဆောင်တဲ့ ကုလသမဂ္ဂကွပ်ကဲရေး(UNC) အဖွဲ့ဝင်နိုင်ငံများ ပါဝင်တဲ့ ကာကွယ်ရေးဝန်ကြီးများ အစည်းအဝေးကို တောင်ကိုရီးယားက အင်္ဂါနေ့မှာ လက်ခံကျင်းပသွားမှာ ဖြစ်ပါတယ်။

▪️ တောင်ကိုရီးယားရှိ UNC ကို ပြီးခဲ့တဲ့လက ဂျာမနီက နောက်ဆုံးအနေနဲ့ ပါဝင်လာပြီး မြောက်ကိုရီးယား နယ်စပ်မှ ကာကွယ်ရေးပိုင်းမှာ ဝင်ရောက်အားဖြည့်ကာ စစ်ပွဲဖြစ်လာခဲ့ရင် တောင်ကိုရီးယားကို ကာကွယ်သွားမယ်လို့ ကတိပြုထားပါတယ်။

▪️ မြောက်ကိုရီးယားကတော့ UNC ဟာ တရားမဝင် စစ်ရေးအဖွဲ့အစည်းဖြစ်ပြီး ဂျာမနီပါဝင်လာခြင်းဟာ တင်းမာမှုကို မြင့်တက်လာစေမယ်လို့ ဝေဖန်လိုက်ပါတယ်။

#Source: Reuters

#Local_News
Published 10 September 2024

▪️ ပြီးခဲ့တဲ့ ဩဂုတ်လအတွက် စေလွှတ်ထားသည့်အလုပ်သမားစာရင်းမပေးပို့သေးသည့်  အေဂျင်စီ ၅၀ ကို သတိပေးလိုက်ကြောင်း အလုပ်သမားညွန်ကြားရေးဦးစီးဌာနမှ သိရသည်။

▪️ ထို့အပြင် ပြည်ပကိုစေလွှတ်ထားသည့်အလုပ်သမားများ၏ စာရင်းမပေးပို့သေးသည့်  အေဂျင်စီ၅၀အနေဖြင့် ပေးပို့ရန်ပျက်ကွက်ပါက စေလွှတ်ခွင့်ဆိုင်းငံ့မည့်အပြင်ဒဏ်ကြေးပါဆောင်ရမည်ဖြစ်ကြောင်း သိရသည်။

▪️ ပြည်ပအလုပ်အကိုင်အေဂျင်စီများကို ယခုလ ၅ရက်နေ့မတိုင်ခင် ယခင်လကစေလွှတ်ခဲ့သည့် အလုပ်သမားများ၏ ကိုယ်ရေးအချက်အလက်များ ပေးပို့ရမည်ဖြစ်ကြောင်း ယခုနှစ်လယ်ပိုင်းမှစတင်၍  ညွန်ကြားထားခြင်းဖြစ်ကာ အေဂျင်စီများအနေဖြင့်  သြဂုတ်လအတွက်စေလွှတ်အလုပ်သမားစာရင်းကို မပေးပို့သေးသည့်အတွက် သတိပေးထုတ်ပြန်ရခြင်းဖြစ်ကြောင်း သိရသည်။

▪️ ပြီးခဲ့သည့် နှစ်စက်တင်ဘာလမှ  ဒီဇင်ဘာလအထိ စေလွှတ်အလုပ်သမား၏ မိသားစုဆီလွှဲပို့ငွေအထောက်အထားမတင်ပြနိုင်သည့်  အေဂျင်စီ ၇၉ခုကို စေလွှတ်ခွင့်ဆိုင်းငံ့ထားသကဲ့သို့  အလုပ်ခေါ်စာ အသစ်တင်ခွင့် ပိတ်ထားခြင်းဖြစ်ကြောင်း၊ ၎င်းအပြင်  အေဂျင်စီ ၆၇ခုကိုလည်း လွှဲပို့ငွေအထောက်အထားသတ်မှတ်ရာခိုင်နှုန်းပြည့်အောင်မတင်ပြနိုင်သည့်အတွက် အလုပ်ခေါ်စာအသစ်တင်ပြခွင့်ဆိုင်းငံ့ထားကြောင်း သိရသည်။

#YMG/NN #Yangon_Times

#Local_News
Published 10 September 2024

▪️ မိုးသည်းထန်စွာရွာသွန်းမှုကြောင့် ကမ္ဘာအေးဘုရားလမ်းမတွင် ယနေ့တွင် သစ်ပင်လဲကျမှုဖြစ်ပွား ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ ၁၀ရက်နေ့၊ နေ့လယ်  ၁၂ နာရီခွဲ အချိန်ခန့်က ရန်ကုန်တိုင်းဒေသကြီး၊ ဗဟန်းမြို့နယ်၊ ဆရာစံရပ်ကွက်၊ ကမ္ဘာအေးဘုရားလမ်းမတွင် သစ်ပင်လဲကျမှုဖြစ်ပွားခဲ့ကြောင်း
သိရသည်။

▪️ အဆိုပါ  သတင်းရရှိသဖြင့် စမ်းချောင်းမြို့နယ် မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများ ဆောင်ရွက်ခဲ့ပြီး ကားလမ်းကြပ်တည်းမှုယာယီ ဖြစ်ပွားခဲ့ကြောင်း သိရသည်။

#YMG/NN #Yangon_Times

#Local_News
Published 10 September 2024

▪️ မန္တလေးတိုင်း၊ ချမ်းမြသာစည်မြို့နယ်ရှိ "ချောင်ချောင်"ရွှေဆိုင်ပိုင်ရှင်၏နေအိမ်၌ ဓားပြတိုက်လုယက်ခံရမှု ယနေ့စက်တင်ဘာ ၁၀ ရက် နံနက် ၈ နာရီခန့်တွင်ဖြစ်ပွားခဲ့ရာ ရွှေ ၁၀ ပိဿာ‌ကျော်ပါသွားကြောင်း ဒေသခံများထံမှ သိရသည်။

▪️ အဆိုပါ ဓားပြတိုက်ခံရသည့်နေအိမ်မှာ ချမ်းမြသာစည်မြို့နယ်၊ မြို့သစ် (၁) ရပ်ကွက်၌ရှိပြီး ချမ်းအေးသာစံမြို့နယ်၊ ရန်မျိုးလုံရပ်ကွက်၌ဖွင့်လှစ်ထားသော"ချောင်ချောင်" ရွှေဆိုင်သို့သွားရောက်ရန်ပြင်ဆင်နေချိန် အမည်မသိအမျိုးသားများရောက်ရှိလာကာ ရွှေ ၁၀ ပိဿာ‌ကျော်နှင့် ငွေသားသိန်း ၁၀၀၀ ခန့် ဓားပြတိုက်လုယက်ခဲ့ခြင်းဖြစ်ကြောင်း၊ ဖြစ်စဉ်ကြောင့် လူထိခိုက်မှုမရှိဘဲ လက်ရှိတွင် အမှုဖွင့်လှစ်ပြီးဖြစ်ကြောင်း သိရသည်။

▪️ ဖြစ်စဉ်မှာ ယင်းရွှေဆိုင်ပိုင်ရှင်နေအိမ်သို့ အမည်မသိအမျိုးသားခုနစ်ဦးမှ 3J/8313၊ ADVAN(ခဲရောင်) ကားဖြင့်ရောက်ရှိလာပြီး ဓားပြတိုက်လုယက်ကာ ၇၁ လမ်းအတိုင်း‌ မြောက်ဘက်မှတောင်ဘက်သို့မောင်းနှင်ထွက်ပြေးသွားခဲ့ကြောင်း၊ လက်ရှိတွင်  ဓားပြတိုက်သွားသည့် ကျူးလွန်သူများကိုဖမ်းဆီးရမိရေးဆောင်ရွက်နေကြောင်း မန္တလေးတိုင်းဒေသကြီး ရဲတပ်ဖွဲ့မှ  သိရသည်။

▪️ မန္တလေးမြို့တွင် ယခုနှစ်ပိုင်းအတွင်း ပေါ်ဦး"ရွှေဆိုင်၊ "အောင်"ရွှေဆိုင်တို့အပါအဝင် ရွှေဆိုင်အချို့ ဓ-ားပြတိုက် လုယက်ခံရမှုများဖြစ်ပွားခဲ့သည့်အပြင် ပြီးခဲ့သည့် မေ ၃၁ ရက် မွန်းလွဲပိုင်းတွင်လည်း မဟာအောင်မြေမြို့နယ်၊  မြို့မဈေးအတွင်းဖွင့်လှစ်ထားသည့် ဆယ်သန်းရွှေဆိုင်ဓားပြတိုက်ခံခဲ့ရပြီး ရွှေလက်ကောက်၊ ရွှေဆွဲပြားများနှင့် ရွှေဆွဲကြိုး စုစုပေါင်းအလေးချိန် ရွှေနှစ်ပိဿာခန့်လုယက်ခံရမှုဖြစ်ပွားခဲ့ကြောင်း သိရသည်။

#YMG/NN #Yangon_Times

#World_Lifestyle
Published 10 September 2024

▪️ ဂျပန်မှ ကိုယ်ကာယသမားနဲ့ ကလေးအဖေဖြစ်သူ အသက် ၄၀ အရွယ် ဒိုင်အိဆကဲဟိုရီဟာ ၁၂ နှစ်တိုင်အောင် တစ်ညကို နာရီဝက်ခန့်သာ အိပ်စက်ပြီး သူ့ရဲ့ပျမ်းမျှနေထိုင်သက်တမ်းကို နှစ်ဆတိုးနိုင်ခဲ့တယ်လို့ ဆိုလိုက်ပါတယ်။

▪️ တစ်ညကို မိနစ် ၃၀ မှ ၄၅ မိနစ်ခန့်သာ အိပ်စက်လေ့ရှိပြီး ခန္ဓာနဲ့စိတ်ကို ပုံမှန်အတိုင်း စွမ်းဆောင်နိုင်အောင် လေ့ကျင့်ခဲ့ပါတယ်။

▪️ ကျန်တဲ့အချိန်တွေမှာ နိုးကြားနေစေဖို့ ကဖင်းဓာတ်များ သုံးစွဲနေပါတယ်။

▪️ အစားမစားခင် တစ်နာရီအလိုမှာ အားဖြည့်အချိုရည်နဲ့ ကော်ဖီ သောက်သုံးခြင်းဖြင့် ငိုက်မျဉ်းခြင်းမရှိဘူးလို့ ပြောပါတယ်။

▪️ ဟိုရီက အိုဆာကာ အနောက်မြောက်ပိုင်း ဟျိုဂိုစီရင်စုမှာ နေထိုင်တာဖြစ်ပြီး လွန်ခဲ့တဲ့ ၁၂ နှစ်ကစတင်ကာ အိပ်ချိန်လျှော့ချလိုက်တာ ဖြစ်ပါတယ်။

▪️ လူတွေအိပ်တဲ့အခါမှာ အိပ်ချိန်ထက်စာရင် အိပ်စက်မှုအရည်အသွေးကို ဦးစားပေးတာ ဖြစ်ပါတယ်။

▪️ ဂျပန်နိုင်ငံမှ အကောင်းဆုံး ကိုယ်ကာယပြိုင်ပွဲမှာလည်း ယှဉ်ပြိုင်ခဲ့သူ ဖြစ်ပါတယ်။

▪️ ဟိုရီရဲ့အကြောင်းနဲ့ ပတ်သက်လို့ ဂျပန်ယိုမီယူရီတီဗီအစီအစဉ်က ၃ ရက်တာ ရိုက်ကူးခဲ့ပါတယ်။
တစ်ရက်မှာ ဟိုရီက ၂၆ မိနစ်အိပ်စက်ခဲ့ပြီးနောက် သဘာဝအတိုင်း နိုးထလာကာ အားအင်ပြည့်ဝနေပါတယ်။

▪️ မနက်စာစားခဲ့ပြီး အလုပ်သွားခဲ့ကာ လေ့ကျင့်ခန်းလုပ်တာကိုလည်း ရိုက်ကူးခဲ့ပါတယ်။
ဟိုရီဟာ ၂၀၁၆ ခုနှစ်က ဂျပန်အချိန်တိုအိပ်စက်မှု လေ့ကျင့်ရေးအဖွဲ့အစည်းကို တည်ထောင်ခဲ့ပြီး လူပေါင်း ၂၁၀၀ ကျော်ကို အချိန်တိုအိပ်စက်သူများ ဖြစ်လာအောင် လေ့ကျင့်ပေးခဲ့ပါတယ်။

▪️ နော့သ်ဝဲလ်စတေတန်ကျွန်း ဆေးရုံတက္ကသိုလ်မှ အိပ်စက်မှုပညာရှင် ဒေါက်တာ သောမတ်စ်ကီလ်ကင်နီက တစ်ညကို မိနစ် ၉၀ မျှ အိပ်စက်တယ်ဆိုတာကို ယုံဖို့ခက်နေကြောင်း၊ အိပ်ရေးပျက်ပါက စိတ်နဲ့ခန္ဓာကိုယ်မှာ ဆိုးရွားတဲ့သက်ရောက်မှုတွေ ဖြစ်လာနိုင်တယ်ဆိုတာ သိရှိထားကြောင်း ပြောပါတယ်။

▪️ တစ်နေ့ကို အိပ်ချိန် ၆ နာရီအောက်သာရှိပါက ကိုယ်အလေးချိန်တက်ခြင်း၊ အဝလွန်ခြင်း၊ ဆီးချို၊ သွေးတိုး၊ နှလုံးရောဂါ၊ လေဖြတ်ခြင်း၊ စိတ်ဓာတ်ကျခြင်းတို့ ဖြစ်လာနိုင်ပါတယ်။

▪️ လူ့ခန္ဓာကိုယ်ဟာ အိပ်ချိန်မလုံလောက်ပါက မှန်မှန်ကန်ကန် မလုပ်ဆောင်နိုင်တော့ဘူးလို့ ပြောပါတယ်။

▪️ ဟိုရီရဲ့ အိပ်စက်မှုပုံစံနဲ့ ပတ်သက်ပြီး သဘောထား ကွဲလွဲနေကြကာ အချို့က သူ့ရဲ့ စိတ်ပိုင်းဖြတ်မှုကို ချီးကျူးနေကြသလို အချို့ကတော့ စိုးရိမ်နေကြပါတယ်။

#Source: New York Post

#World_Health
Published 10 September 2024

▪️ အသားအရေ ဝင်းလက်စိုပြေနေတာဟာ ကျန်းမာရေးကောင်းပြီး အာဟာရသင့်တင့်တဲ့ သဘောဖြစ်ပါတယ်။

▪️ အသားအရေ ထိန်းသိမ်းရာမှာ အပြင်အရေပြား သာမက ကိုယ်တွင်းအာဟာရဓာတ်ကလည်း အရေးပါပါတယ်။

▪️ အသီးဖျော်ရည်တွေဟာ အသားအရေ ကျန်းမာရေးကို မြှင့်တင်ပေးနိုင်တဲ့ အာဟာရဓာတ်တွေကို ထောက်ပံ့ပေးနိုင်ပါတယ်။

▪️ အသားအရေ ကျန်းမာရေးအတွက် အထောက်အကူပေးနိုင်တဲ့ ဖျော်ရည်တွေကို ဖော်ပြလိုက်ပါတယ်။

▪️ (၁) မုန်လာဥနီဖျော်ရည် - ဘီတာကယ်ရိုတင်း၊ ဗိုက်တာမင်-အေ၊ စီတို့ကြွယ်ဝကာ အသားအရေး ဝင်းလက်ပြေပြစ်စေပါတယ်။

▪️ (၂) သကြားမုန်လာဖျော်ရည် - အဆိပ်အတောက် ပြေစေတဲ့ အစွမ်းသတ္တိရှိပြီး သွေးသန့်စင်ပေးပါတယ်။

▪️ (၃) သခွားသီးဖျော်ရည် - ရေဓာတ်များပြားတာကြောင့် အသားအရေ စိုစွတ်စေပါတယ်။

▪️ (၄) ဟင်းနုနွယ်ဖျော်ရည် - ဓာတ်တိုးဆန့်ကျင်ပစ္စည်းများနဲ့ ဗိုက်တာမင်များ ပါဝင်ကာ အရေပြားပြုပြင်မှုကို အားကောင်းစေပါတယ်။

▪️ (၅) သလဲသီးဖျော်ရည် - ဓာတ်တိုးဆန့်ကျင်ပစ္စည်း ကြွယ်ဝခြင်းကြောင့် အရေပြားဆဲလ် ပြန်လည်ရှင်သန်စေပြီး အားဖြည့်ပေးပါတယ်။

▪️ (၆) ခရမ်းချဉ်သီးဖျော်ရည် - လိုင်ကိုပင်းဓာတ် ကြွယ်ဝတာကြောင့် နေရောင်ခြည် ထိခိုက်မှုမှ ကာကွယ်ပြီး အသားအရေ တင်းရင်းစေပါတယ်။

▪️ (၇) ရှားစောင်းလတ်ပတ်ဖျော်ရည် - ဒဏ်ရာပြန်လည်သက်သာစေတဲ့ အစွမ်းသတ္တိရှိပြီး ရေဓာတ်ဖြည့်ဆည်းပေးပါတယ်။

▪️ ဒီဖျော်ရည်တွေဟာ အရေပြားကျန်းမာရေးကို ထောက်ပံ့ပေးပြီး အဆိပ်အတောက်များကို ဖယ်ရှားပေးကာ တင်းရင်းစေပါတယ်။

▪️ ဒီလိုဖျော်ရည်တွေကို နေ့စဉ်ပါဝင်သောက်သုံးခြင်းဖြင့်် ကျန်းမာရေးအကျိုးကျေးဇူးများ စတင်ရရှိစေမှာ ဖြစ်ပါတယ်။

#Source: DoctorNDTV

ဆန်ဖရန်ဆစ္စကိုမြို့ ပြန်လည်စည်ကားစေရန် စီးပွားရေးလုပ်ငန်းများအတွက် မြို့လယ်တွင် နေရာလွတ်များအခမဲ့ငှားရမ်းခြင်းများလုပ်လာရ

အမေရိကန် ဆန်ဖရန်ဆစ္စကိုမြို့မှာ မြို့ထဲနေရာများ ပြန်လည်စည်ကားစေရန် အသေးစား စီးပွားရေးလုပ်ငန်းရှင်များကို ဆွဲဆောင်တဲ့အနေနဲ့ အခန်းလွတ်နေရာများကို ငှားရမ်းခအခမဲ့ဖြင့် ကမ်းလှမ်းနေကြပါတယ်။
#World_Business
Published September 2024
#ဆန်ဖရန်ဆစ္စကို #နေရာလွတ်များအခမဲ့ငှားရမ်း
#YMG #Yangon_Times #Yangon_Media_Group

#Daily_News
Published 09 September 2024

၁။ မြန်မာတစ်နိုင်ငံလုံးအတိုင်းအတာ EV ကားအားသွင်း Station(၂၀)ခုဖွင့်လှစ်နိုင်ပြီဖြစ်

၂။ အိန္ဒိယ၌ပြုလုပ်မည့် U-21 မြင်းစီးတန်းခုန် ပြိုင်ပွဲသို့ ဝင်ရောက်ယှဥ်ပြိုင်ရန် အရည်အချင်းစစ်ပြိုင်ပွဲ၌ တစ်ဦးစကာတင်ရွေးချယ်ခဲ့

၃။ တောင်သူထုတ်ရောင်းမှုများလာခြင်းနှင့်  သယ်ယူပို့ဆောင်စရိတ်ကြီးမြင့်ခြင်းကြောင့် ကြက်သွန်နီ‌ ဈေးအကျပိုင်းရောက်နေ

၄။ ဆန်ဖရန်ဆစ္စကိုမြို့ ပြန်လည်စည်ကားစေရန် စီးပွားရေးလုပ်ငန်းများအတွက် မြို့လယ်တွင် နေရာလွတ်များ အခမဲ့ငှားရမ်းခြင်းများလုပ်လာရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 09 September 2024

▪️ မြန်မာ့လက်ရွေးစင်အသင်းအတွက် နည်းပြချုပ်အဖြစ် မြန်မာ့လက်ရွေးကစားသမား‌ဟောင်းဦးမျိုးလှိုင်ဝင်းကို ယခုစက်တင်ဘာလမှ စတင်ခန့်အပ်တာဝန်ပေးအပ်လိုက်ကြောင်း မြန်မာဘောလုံးအဖွဲ့ချုပ်မှ သိရသည်။

▪️ မြန်မာ့ လက်ရွေးစင်အသင်း နည်းပြချုပ်ဟောင်း ဂျာမန်လူမျိုး၊ MICHAEL FEICHTENBEINER ၏နေရာတွင် တာဝန်ပေးအပ်ခံရခြင်းဖြစ်သည်။

▪️ ဦးမျိုးလှိုင်ဝင်းသည် ကစားသမားဘဝတွင်မြန်မာဘောလုံးအသင်း၏ဂိုးသွင်းအများဆုံးတိုက်စစ်မှူးဖြစ်ခဲ့ပြီး ၁၉၈၇ ခုနှစ်မှ စတင်ကာ မြန်မာ့လက်ရွေးစင်အသင်းတွင် ပါဝင်ကစားခဲ့ပြီး ၂၀၀၄ ခုနှစ်၌ ကစားသမားဘဝ အနားယူခဲ့သည်။ 

▪️ ပြည်တွင်း အမှတ်ပေးပွဲများတွင် လည်းကောင်း၊ မလေးရှားလိဂ်၊ ထိုင်းလိဂ်တို့တွင်လည်းကောင်း ပရော်ဖက်ရှင်နယ်အဖြစ် သွားရောက်ကစားခဲ့ပြီး အာဆီယံဒေသတွင်း ထင်ရှားသည့် ကစားသမား တစ်ဦးဖြစ်ခဲ့သည်။ 

▪️ ၂၀၀၇ ခုနှစ်တွင် နည်းပြအဖြစ် အဲပုဂံအသင်းနှင့်အတူ စတင်ခဲ့ပြီး သက်တမ်းအလိုက် မြန်မာ့လက်ရွေးစင်အသင်းများ၊ မြန်မာနေရှင်နယ်လိဂ် ကလပ်အသင်းများအား တာဝန်ယူခဲ့ပြီး ကစား သမား ဘဝတွင်လည်းကောင်း၊ နည်းပြဘဝတွင်လည်းကောင်း အောင်မြင်မှုများ ရရှိခဲ့သူဖြစ်သည်။

▪️ မြန်မာ့လက်ရွေးစင်အသင်းသည် နည်းပြ ဦးမျိုးလှိုင်ဝင်း၏ဦးဆောင်မှုနဲ့ နည်းပြ/အုပ်ချုပ်အဖွဲ့ကို ဖွဲ့စည်းပြီးတာနှင့်စင်ကာပူ၊ လက်ဘနွန် အစရှိသည့် လက်ရွေးစင်အသင်းများအပါအဝင် ဖီဖာနိုင်ငံ တကာ ခြေစမ်းပွဲများကို ဦးစွာယှဉ်ပြိုင်ကစားသွားမည်ဖြစ်သည်။

▪️ ယင်းနောက် AFF Mitsubishi Electric Cup 2024 ပြိုင်ပွဲကို ဒီဇင်ဘာလ ၈ ရက်မှ စတင်ကာ အိမ်ကွင်း/အဝေးကွင်း အုပ်စုပွဲစဉ်များ ဆက်လက် ယှဉ်ပြိုင်ကစားသွားမည်ဖြစ်ပြီး၂၀၂၅ ခုနှစ်မတ်လမှ စတင်ကာ ၂၀၂၇ အာရှဖလား ခြေစစ်ပွဲစဉ်များ၊ ဖီဖာနိုင်ငံတကာ ခြေစမ်းပွဲများ ဆက်လက် ယှဉ်ပြိုင်ရမည်ဖြစ်‌ကြောင်း သိရသည်။

#YMG/tthl #Yangon_Times

အခုစက်တင်ဘာလထဲမှာ ပုပ္ပါးမှာ အဘအောင်မင်း ခေါင်ထွက်ပွဲကျင်းပဖို့ရှိတဲ့အတွက် ရှမ်းအိုးစည်နဲ့ မောင်းဆိုင်းတွေအမှာတွေများနေတယ်လို့ သိရပါတယ်။
#Local_News
Published 09 September 2024
#ပုပ္ပါးအဘထွက်ပွဲ #ကြေးမောင်းဆိုင်းများအရောင်းသွက်
#YMG/tthl #Yangon_Times