#Local_News
Published 18 February 2025

▪️ မြန်မာနိုင်ငံနှင့် မလေးရှားနိုင်ငံမှစီးပွားရေးလုပ်ငန်းရှင်များစီးပွားရေးပူးပေါင်းဆောင်ရွက်ရန် နားလည်မှုစာချွန်လွှာတစ်‌စောင်ကိုလက်မှတ်ရေးထိုးခဲ့ကြောင်း သိရသည်။

▪️ အဆိုပါ လက်မှတ်ရေးထိုးခြင်းကို ယခုလ ၁၄ ရက်က မလေးရှားနိုင်ငံ၊ကွာလာလန်ပူရှိ INTI တက္ကသိုလ်၌ ပြုလုပ်သည့် မလေးရှား-မြန်မာ စီးပွားရေးလုပ်ငန်းရှင်များအဖွဲ့နှင့် မလေးရှားနိုင်ငံရှိ စီးပွားရေးလုပ်ငန်းရှင်များ တွေ့ဆုံပွဲအခမ်းအနား၌ ရေးထိုးခဲ့ခြင်းဖြစ်ပြီး ထိုအခမ်းအနားသို့ မလေးရှားနိုင်ငံဆိုင်ရာ မြန်မာသံအမတ်ကြီး ဦးအောင်စိုးဝင်းလည်းတက်ရောက်ခဲ့ပြီး နှုတ်ခွန်းဆက် အမှာစကားပြောကြားခဲ့ကြောင်း သိရသည်။

▪️ မလေးရှား-မြန်မာစီးပွားရေးလုပ်ငန်းရှင်များ တွေ့ဆုံပွဲကို မလေးရှား-မြန်မာ စီးပွားရေးလုပ်ငန်းရှင်များအဖွဲ့က စီစဉ်ကျင်းပပြုလုပ်ခြင်းဖြစ်ပြီး ယင်းတွေ့ဆုံပွဲသို့ မလေးရှားနှင့် မြန်မာနိုင်ငံမှ စီးပွားရေးလုပ်ငန်းရှင်များ တက်ရောက်ခဲ့ကြကြောင်း သိရသည်။

#YMG/SW #Yangon_Times

#World_Health
Published 18 February 2025

▪️ အချိန်အတိုင်းအတာတစ်ခုအထိ အစာမစားဘဲနေခြင်းက အကျိုးကျေးဇူးများစွာ ရှိတယ်လို့ အထောက်အထားတွေ တွေ့ရှိထားပြီး အထူးသဖြင့် ကျန်းမာရေးနဲ့ ညီညွတ်တဲ့ ကိုယ်အလေးချိန် ရစေနိုင်ပါတယ်။

▪️ မကြာသေးမီက လေ့လာချက်မှာလည်း အချိန်အပိုင်းအခြားဖြင့် အစာမစားဘဲနေခြင်းက ပိုလျှံနေတဲ့ ကိုယ်အလေးချိန် ကျဆင်းစေနိုင်ကာ ကျန်းမာရေး တိုးတက်စေနိုင်တယ်လို့ တွေ့ရှိလာပါတယ်။

▪️ စပိန်မှ သုတေသီအဖွဲ့က စားသောက်ချိန်အမျိုးမျိုးက ကိုယ်အလေးချိန်ကျဆင်းခြင်းနဲ့ အခြားကျန်းမာရေး အချက်အလက်များအပေါ် ဘယ်လိုသက်ရောက်လဲဆိုတာ စူးစမ်းချင်ခဲ့ပါတယ်။

▪️ အသက် ၃၀ မှ ၆၀ ကြား အဝလွန်သူ ၁၉၇ ဦးကို မက်ဒီတာရေးနီးယန်း စားသောက်ပုံစံ ကျင့်သုံးခိုင်းခဲ့ပါတယ်။

▪️ ဒီစားသောက်ပုံစံမှာ အသီးအနှံ၊ ဟင်းရွက်၊ ကျန်းမာရေးနဲ့ ညီညွတ်တဲ့အဆီများ ပါဝင်ပါတယ်။

▪️ အဖွဲ့ ၄ ဖွဲ့ခွဲပြီး စမ်းသပ်ရာမှာ အချိန်အပိုင်းအခြားဖြင့် အစားမစားတဲ့သူတွေက ပုံမှန်စားသူတွေထက် ကိုယ်အလေးချိန် ပျမ်းမျှ ၂.၄ ကနေ ၃.၁ ကီလိုဂရမ် ကျဆင်းသွားပါတယ်။

▪️ MRI စကင်များသုံးပြီး ဝမ်းတွင်းအဆီနဲ့ အပေါ်ယံအဆီတို့ ကျဆင်းတာကို လေ့လာတဲ့အခါ နံနက်ပိုင်းနဲ့ နေ့လယ်ပိုင်းတို့မှာသာ စားသောက်တဲ့သူတွေက အပေါ်ယံအဆီ ပိုမိုကျဆင်းတာ တွေ့ရပါတယ်။

▪️ ဒါကြောင့် နံနက်ပိုင်းမှာ စားသုံးခြင်းက အစားအစာကို ချေဖျက်လွယ်ပြီး သွေးတွင်းသကြားဓာတ်ကို ထိရောက်စွာ ထိန်းချုပ်နိုင်တယ်လို့ ယူဆရပါတယ်။

▪️ နံနက်ပိုင်းမှာ စားသောက်ပြီး ကျန်တဲ့အချိန်မှာ အစားမစားဘဲနေခြင်းက အဝလွန်သူတွေမှာ ကျန်းမာရေးနဲ့ ညီညွတ်စွာ ကိုယ်အလေးချိန်ကို လျှော့ချနိုင်မယ်လို့ ညွှန်ပြနေပါတယ်။

▪️ အချိန်ကန့်သတ်ပြီး စားသုံးခြင်းက ကယ်လိုရီဝင်ရောက်မှု ထိန်းချုပ်ပေးပြီး ကျန်းမာရေးနဲ့ ညီညွတ်တဲ့ စားသောက်ပုံစံအတိုင်း လွယ်ကူစွာ ကျင့်သုံးနိုင်စေမှာ ဖြစ်ပါတယ်။

#Source: India Today

#World_Health
Published 18 February 2025

▪️ နယူးဟမ့်ရှိုင်းယားမှ အသက် ၆၆ နှစ်အရွယ် တင်မ်အန်ဒရူးဟာ ဝက်ကျောက်ကပ် အစားထိုးခွဲစိတ်မှုကို စွန့်စားခံယူခဲ့ပြီး ဝက်ကျောက်ကပ်နဲ့ အသက်ရှင်နေထိုင်နေတဲ့ ဒုတိယမြောက်လူသား ဖြစ်လာပါတယ်။

▪️ လူနာဟာ ကျောက်ကပ်သန့်စင်ခြင်း မလုပ်ရတော့ဘူးလို့ မာဆာချူဆက်စ် အထွေထွေဆေးရုံက သောကြာနေ့မှာ ကြေညာလိုက်ကာ ဇန်နဝါရီ ၂၅ ရက်နေ့မှာ အစားထိုးခွဲစိတ်မှု ပြုလုပ်ပြီးနောက် ကောင်းစွာသက်သာလာပြီး တစ်ပတ်အကြာမှာ ဆေးရုံဆင်းသွားခဲ့ပါတယ်။

▪️ လူသားအင်္ဂါများ လှူဒါန်းတာတွေ ရှားပါးလာတဲ့အချိန်မှာ တိရိစ္ဆာန်ကနေ လူသားထံ အစားထိုးခွဲစိတ်မှုဖြင့် ဖြေရှင်းနိုင်ဖို့ အထောက်အကူ ဖြစ်လာပါတယ်။

▪️ ဝက်အင်္ဂါများဖြင့် ပထမဆုံးခွဲစိတ်မှု ၄ ခုပြုလုပ်ခဲ့ကြရာ အချိန်ခဏတာ အသက်ရှင်ခဲ့ကြပါတယ်။

▪️ ပဉ္စမမြောက်လူနာက NYUလန်ဂေါင်ဆေးရုံမှာ ဝက်ကျောက်ကပ် အစားထိုးခွဲစိတ်မှု ပြုလုပ်ပြီးနောက် ၂ လခွဲကြာအောင် အသက်ရှင်နေပါတယ်။

▪️ အန်ဒရူးသက်သာလာပုံကို စောင့်ကြည့်ပြီးတော့ မျိုးဗီဇပြုပြင်ဖန်တီးထားတဲ့ ဝက်ကျောက်ကပ်များအသုံးပြုတဲ့ နောက်ထပ်ခွဲစိတ်မှုနှစ်ခု ပြုလုပ်ဖို့ မတ်စ်အထွေထွေ ဘရစ်ဂန်မှဆရာဝန်များဟာ FDAခွင့်ပြုချက် ရရှိထားပါပြီ။

▪️ အစပိုင်းမှာ ဝက်ကျောက်ကပ်ဖြင့် လူနာ ၆ ဦးခွဲစိတ်နိုင်မှာဖြစ်ပြီး ယင်းတို့တွေ ၆ လကျော်တဲ့အထိ အခြေအနေကောင်းရင် နောက်ထပ်လူနာ ၅၀ အထိ ခွဲစိတ်နိုင်မှာ ဖြစ်ပါတယ်။

▪️ သိပ္ပံပညာရှင်တွေက ဝက်တွေရဲ့အင်္ဂါတွေ လူသားနဲ့ ပိုမိုဆင်တူလာရန် မျိုးဗီဇပြုပြင်ပြောင်းလဲကြတာ ဖြစ်ပြီး အမေရိကန်မှာ ကျောက်ကပ်လိုအပ်တဲ့ လူပေါင်း ၁ သိန်းကျော် စာရင်းရှိထားကာ ထောင်ချီက အသက်ဆုံးပါးဖို့ ရှိနေပါတယ်။

▪️ အန်ဒရူးက ဒီအတိုင်းဆက်သွားရင် အသက်အန္တရာယ်ရှိနိုင်စွမ်းကို သိထားတာကြောင့် ဝက်ကျောက်ကပ်ဖြင့် အစားထိုးခွဲစိတ်ပြီး စွန့်စားရန် ဆုံးဖြတ်ခဲ့တာဖြစ်တယ်လို့ ဆိုပါတယ်။

▪️ အန်ဒရူးတက်ရောက်ခဲ့တဲ့ ဆေးရုံဟာ အဆိုပါ အစားထိုးခွဲစိတ်မှု လက်တွေ့စမ်းသပ်ချက် အစိတ်အပိုင်းဖြစ်လာမယ့် ဆေးရုံနှစ်ခုထဲက တစ်ခုဖြစ်ပါတယ်။

▪️ အန်ဒရူးကတော့ ကျောက်ကပ်ဆေးကြောခဲ့တဲ့ ဆေးခန်းသို့သွားရောက်ပြီး မျှော်လင့်ချက်ရှိတယ်ဆိုတာကို လူနာတွေထံ ပြောပြချင်နေပါတယ်။

#Source: New York Post

အမေရိကန်အစိုးရမှ အကောက်ခွန်သစ်များ ချမှတ်လာရာ ပြည်တွင်းမှာပင် တုံပြန်မှုများ ကျယ်ပြန့်စွာထွက်လာပြီး တိုင်းပြည်ရဲ့ ငွေကြေးဖောင်းပွမှုတွေ ပိုမိုဆိုးရွားစေကာ ထုတ်လုပ်ကုန်ကျစရိတ်တွေ များလာမှာကို စီးပွားရေးပညာရှင်များနဲ့ လုပ်ငန်းရှင်များ စိုးရိမ်နေကြပါတယ်။
#World_Business
Published 17 February 2025
#အခွန်စည်းကြပ်မှုအသစ် #ငွေကြေးဖောင်းပွမှု
#YMG #Yangon_Times #Yangon_Media_Group

#Daily_News
Published  17 February 2025

၁။ ဆံတော်ရှင်မော်တင်စွန်းစေတီတော် ဗုဒ္ဓပူဇနိယပွဲတော် ၁၅ရက်ကြာကျင်းပမည်

၂။ စားအုန်းဆီရည်ညွှန်းဈေးနှုန်း တစ်ပိဿာကျပ် ၇၀၀၀ အောက်ရောက်ရှိ

၃။ နိုင်ငံ့ဝန်ထမ်းများအတွက် တိုက်ခန်းများကို(၃)လအတွင်း အကြေပေးသွင်းစနစ်ဖြင့် ရောင်းချပေးသွားမည်

၄။ အမေရိကန်အစိုးရ၏ အခွန်စည်းကြပ်မှုအသစ်များကြောင့်ငွေကြေးဖောင်းပွမှုထပ်မံဆိုးရွားလာမည်ကို စိုးရိမ်နေကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 17 February 2025

▪️ တေးသံရှင် မာရဇ္ဇရေးသားသီဆိုခဲ့သည့်သီချင်းများကို ခွင့်ပြုချက်မရှိဘဲ သုံးစွဲခွင့်မပြုကြောင်း ၎င်း၏ ဇနီးဖြစ်သူ ဒေါ်စန်းစန်းဝင်းက နိုင်ငံပိုင်သတင်းစာများတွင် ကြေညာခဲ့သည်။

▪️ ထိုသို့ကြေညာရာ၌ တေးသံရှင် မာရဇ္ဇမကွယ်လွန်မီရေးသားသီဆိုခဲ့သည့်သီချင်းများနှင့် ပတ်သက်၍ ဇနီးဖြစ်သူ၏ သိရှိသဘောတူခွင့်ပြုချက်ကိုရယူခြင်းမရှိဘဲ မည်သူတစ်ဦးတစ်ယောက်ကမှ တေးသီချင်းများ၊ တေးစာသားများ၊ သံစဉ်များ၊၎င်း၏ ရုပ်ပုံလွှာကိုဖြစ်စေ၊ တစ်စိတ်တစ်ဒေသကိုဖြစ်စေ၊ တိုက်ရိုက်ဖြစ်စေ၊ သွယ်ဝိုက်၍ဖြစ်စေရယူ၍ မည်သည့်နေရာတွင်မှ သုံးစွဲခြင်းမပြုလုပ်ရန် အသိပေးခြင်းဖြစ်ကြောင်း ဖော်ပြထားသည်။

▪️ ယခုကြေညာချက်အား လိုက်နာဆောင်ရွက်ခြင်းမရှိဘဲ ပြုလုပ်ခဲ့ပါက ပြုလုပ်သူအပေါ်ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း သိရသည်။

#YMG/SW #Yangon_Times

ပဲခူးမြို့အနီးရှိ  ဇလတ်ထော်အပန်းဖြေစခန်းသို့ လာရောက်လည်ပတ်သူများပြားနေပြီး ရန်ကုန်မြို့ကနေ အဓိကလာရောက်ကြတယ်လို့ ယင်းအပန်းဖြေစခန်းကနေ သိရပါတယ်။
#Local_News
Published  17 February 2025
#ဇလတ်ထော်အပန်းဖြေစခန်း #လည်ပတ်သူများပြား
#YMG/NN #Yangon_Times

တာဝန်ထမ်းဆောင်ဆဲနိုင်ငံဝန်ထမ်း‌တွေအတွက် ရန်ကုန်တိုင်း‌ဒေသကြီးအစိုးရအဖွဲ့က တည်ဆောက်ရောင်းချတဲ့ တိုက်ခန်း‌တွေကို(၃)လအတွင်း
အကြေပေးသွင်းစနစ်နဲ့ ရောင်းချပေးသွားမယ်လို့ ရန်ကုန်တိုင်းဒေသကြီးအစိုးရအဖွဲ့မှ သိရပါတယ်။
#Local_News
Published  17 February 2025
#နိုင်ငံ့ဝန်ထမ်းများ #အကြေပေးသွင်းစနစ်
#YMG/SW #Yangon_Times

အပတ်စဉ်ထုတ်ပြန်‌ပေးနေတဲ့ စားအုန်းဆီ အခြေခံလက်ကား ရည်ညွှန်းဈေးနှုန်း‌တွေ ဆက်တိုက်ကျဆင်းလာရာမှာ ဒီတစ်ပတ်မှာတော့ တစ်ပိဿာကို ကျပ် ၇၀၀၀ အောက်ကို ရောက်ရှိလာတယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက ယခုတစ်ပတ်အတွက်ထုတ်ပြန်တဲ့ စားအုန်းဆီ ရန်ကုန်အထိုင်ဈေး၊ အခြေခံလက်ကားရည်ညွှန်းဈေးနှုန်းတွေအရ သိရပါတယ်။
#Local_News
Published  17 February 2025
#စားအုန်းဆီရည်ညွှန်းဈေးနှုန်း #တင်သွင်းသိုလှောင်ဖြန့်ဖြူး
#YMG/SW #Yangon_Times

ဧရာဝတီတိုင်းဒေသကြီးရှိ ဆံတော်ရှင်မြတ်မော်တင်စွန်း စေတီတော်မြတ်ကြီးရဲ့ဗုဒ္ဓပူဇနိယပွဲတော်ကို အခုလအတွင်း ၁၅ ရက်ကြာကျင်းပသွားမယ်လို့ တိုင်းဒေသကြီးအစိုးရအဖွဲ့က သိရပါတယ်။
#Local_News
Published  17 February 2025
#မော်တင်စွန်းစေတီတော် #ဗုဒ္ဓပူဇနိယပွဲတော်
#YMG/NN #Yangon_Times

#Local_News
Published 17 February 2025

▪️ မွေးမြူရေးတိရစ္ဆာန်များ သဘာဝဘေးအန္တရာယ် ကြိုတင်ကာကွယ်ရေး အတွက် မွေးမြူရေးနှင့်ကုသရေးဦးစီးဌာနစိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနမှ အသိပေးနှိုးဆော်ထားသည်။

▪️ ပွင့်လင်းရာသီသို့ ကူးပြောင်းရောက်ရှိလာပြီဖြစ်ရာ နွေဦးကာလတွင် လေပြင်းတိုက်ခတ်ခြင်း၊ မိုးကြိုးပစ်ခြင်း၊ တစ်ခါတစ်ရံ ရေကြီးရေလျှံခြင်းများနှင့် မီးလောင်ကျွမ်းမှုများဖြစ်ပေါ်နိုင်သဖြင့် မွေးမြူထားသော တိရစ္ဆာန်များအပေါ် ကျရောက်နိုင်သည့် လေပြင်းတိုက်ခတ်မှုအန္တရာယ်၊ ရေကြီးရေလျှံမှုအန္တရာယ်နှင့် မီးဘေးအန္တရာယ်များကို ကြိုတင်ကာကွယ်နိုင်ရေးအတွက် အောက်ပါအတိုင်း လိုက်နာဆောင်ရွက်နိုင်ရန် အသိပေးထားခြင်းဖြစ်သည်။

▪️ ထိုသို့ ဆောင်ရွက်ရာတွင်  ရေဒီယို၊ ရုပ်မြင်သံကြားများနှင့် နိုင်ငံပိုင်သတင်းစာများတွင် ဖော်ပြသည့် မိုးလေဝသသတိပေးချက်များကို ဂရုပြုနားထောင်၊ ဖတ်ရှု၊ စောင့်ကြည့်ရန်၊ တိရစ္ဆာန်များအတွက် ဒေသတွင်းရရှိနိုင်သည့် ကောက်ရိုး၊ ပြောင်းရိုး၊ ပဲရိုးနှင့် ပဲမှော်အစရှိသည့် တိရစ္ဆာန်အစာနှင့် သောက်သုံးရေများ လုံလောက်စွာရရှိရေး ကြိုတင်စုဆောင်းထားရန်၊ရေကြီးရေလျှံဖြစ်ပေါ်လေ့ရှိသောဒေသများ၌ တိရစ္ဆာန်များကို ရေဘေးအန္တရာယ်မှ ကင်းလွတ်နိုင်ရေး ကြိုတင်စီမံထားရန် လိုအပ်ကြောင်း သိရသည်။

▪️ ထို့အပြင် ရေဘေးအန္တရာယ်ကျရောက်လာပါက တိရစ္ဆာန်များကို ရေလွတ်သောနေရာများသို့ အလျင်အမြန်ပြောင်းရွှေ့နေရာ ချထားရန်အတွက် ကြိုတင်စီမံထားရန်၊

▪️ ရေဘေးအန္တရာယ်ကျရောက်ချိန်၌ ရေပြန်ကျချိန်တွင် ကူးစက်ရောဂါများ ဖြစ်ပွားတတ်သဖြင့် တိရစ္ဆာန်များကို ဦးစီးဌာနက သတ်မှတ်ထားသည့်အတိုင်း တိရစ္ဆာန်ရောဂါကာကွယ်ဆေးများ ကြိုတင်ထိုးနှံထားရန်၊

▪️ မီးချိတ်၊ မီးကပ်၊ သဲပုံး၊ ရေပုံးနှင့် တစ်ပိုင်တစ်နိုင် ကနဦးမီးငြှိမ်းသတ်နိုင်သော မီးသတ်ဆေးဘူးများအား အလွယ်တကူရယူနိုင်သော နေရာတွင်ထားရှိပြီး အဆင်သင့်အနေအထားဖြစ်နေရန်နှင့် မီးတားလမ်းများ ပြုလုပ်ထားရှိရန် အသိပေးထားကြောင်း သိရသည်။

▪️ ထို့အတူ သိုလှောင်ထားသော တိရစ္ဆာန်အစာများကို ရေဘေးကင်းလွတ်ရာသို့ အချိန်မီပြောင်းရွှေ့နိုင်ရေး ကြိုတင်စီမံထားရန်၊ တိရစ္ဆာန်များ ကူးစက်ရောဂါ၊ သာမန်ရောဂါနှင့် ထိခိုက်ဒဏ်ရာများရရှိပါက ဆေးကုသမှု အမြန်ဆောင်ရွက်နိုင်ရန်အတွက် သက်ဆိုင်ရာမွေးမြူရေးနှင့်ကုသရေးဦးစီးဌာနသို့ ဆက်သွယ်ရန်၊တိရစ္ဆာန်ကျန်းမာရေးဆိုင်ရာ ထူးခြားဖြစ်စဉ်များရှိပါက သက်ဆိုင်ရာအုပ်ချုပ်ရေးအဖွဲ့၊ မွေးမြူရေးနှင့်ကုသရေးဦးစီးဌာနနှင့် မြန်မာနိုင်ငံမွေးမြူရေးလုပ်ငန်းအဖွဲ့ချုပ်ထံသို့ ဆက်သွယ်အကြောင်းကြား ပူးပေါင်းဆောင်ရွက်ရန် အသိပေးနှိုးဆော်ထားကြောင်းသိရသည်။

#YMG/NN #Yangon_Times

#Local_News
Published_17 Feb 2025

▪️ တရားမဝင်ပြည်ပနိုင်ငံသားများသက်ဆိုင်ရာ နိုင်ငံများသို့ အမြန်ဆုံးလွှဲပြောင်းနိုင်ရေး မြန်မာ-တရုတ်-ထိုင်းနိုင်ငံတို့ ယနေ့ဆွေးနွေးနေကြောင်း နစက သတင်းထုတ်ပြန်ရေးအဖွဲ့က သိရသည်။

▪️ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာ နိုင်ငံအတွင်းသို့ နယ်စပ်လမ်းကြောင်းများမှ တစ်ဆင့်တရားမဝင် ဝင်ရောက်လာပြီး ကရင်ပြည်နယ် မြဝတီမြို့ - ရွှေကုက္ကိုလ်နှင့် KK Park နယ်မြေများတွင် တရားမဝင်အွန်လိုင်းလောင်းကစားမှုများ၊ အွန်လိုင်းလိမ်လည်မှုများ၊ ဒုစရိုက်မှုများကျူးခဲ့ကြ သူများကို စစ်ဆေးဖော်ထုတ်လျက်ရှိရာ ဇန်နဝါရီလ ၃၀ ရက်မှ ဖေဖော်ဝါရီ ၁၆ ရက်ထိ ပြည်ပနိုင်ငံသား ၁၀၃၀ ဦးတို့ကို ဖော်ထုတ်ထိန်းသိမ်းနိုင်ခဲ့ကြောင်း သိရသည်။

▪️ ယင်းပြည်ပနိုင်ငံသားများအား ဥပဒေလုပ်ထုံးလုပ်နည်းများနှင့်အညီ သက်ဆိုင်ရာနိုင်ငံများသို့ ပြန်လည်လွှဲ ပြောင်းပေးအပ်နိုင်ရေးအတွက် မြန်မာနိုင်ငံတွင် တရားမဝင် ဝင်ရောက်လာသည့် နိုင်ငံခြားသားများအား ဥပ ဒေနှင့်အညီ အမြန်ဆုံးအရေးယူ ပြည်နှင်လွှဲပြောင်းမှု ကြီးကြပ်ရေးဗဟိုကော်မတီ အတွင်းရေးမှူး ပြည်ထဲရေး ဝန်ကြီးဌာန ဒုတိယဝန်ကြီး ဗိုလ်ချုပ် အောင်ကျော်ကျော်နှင့် တာဝန်ရှိသူများ၊ တရုတ်ပြည်သူ့ သမ္မတနိုင်ငံ၊ တရုတ်ပြည်သူ့ လုံခြုံရေးဆိုင်ရာ ဝန်ကြီးဌာန လက်ထောက်ဝန်ကြီး H. E. Mr. Liu Zhong Yi နှင့် တာဝန်ရှိသူများ၊ ထိုင်းနိုင်ငံ၊ အမျိုးသား ကာကွယ်ရေးဝန်ကြီးဌာနမှ အထွေထွေအတွင်းရေးမှူး General Daisa Insomlas နှင့် တာဝန်ရှိသူများသည် ယနေ့နံနက်ပိုင်းတွင် မြဝတီမြို့သို့ ရောက်ရှိဆွေးနွေးနေကြခြင်းဖြစ်ကြောင်း သိရသည်။

▪️ ၎င်းသုံးနိုင်ငံ ပူးပေါင်းအဖွဲ့က မြဝတီမြို့- ရွှေကုက္ကိုလ် နှင့် KK Park နယ်မြေ များသို့ တရားမဝင်လမ်း ကြောင်း များမှ တစ်ဆင့်ဝင်ရောက်နေကြသည့် ပြည်ပ နိုင်ငံသားများကို စစ်ဆေးဖော်ထုတ်ပြီးကောင်းမွန်စွာ ထိန်းသိမ်း ထားမှု အခြေအနေများ၊ ကိုယ်ရေးအချက်အလက်များနှင့် မှတ်တမ်းများ စာရင်းကောက်ယူနေမှုအခြေအနေများကို လိုက်လံကြည့်ရှု လေ့လာကြကြောင်း သိရသည်။

#Yangon_Times/PP