https://www.facebook.com/share/v/wsjjqsogzunNhiyW/?mibextid=oFDknk

ပဲခူးမြို့နယ်၊ ဘုရားကြီးမြို့အနီးမှာ တည်ရှိတဲ့ ဝင်္ဂဘော် ECBT ဆင်စခန်းမှာ ဆင်အမွှာလေး နှစ်ကောင်အားကြည့်ရှုရန် အပါဝင်သဘာဝအလှများခံစားရန် ပိတ်ရက်မရှိဖွင့်လှစ်ပေးနေတယ်လို့ ယင်းဆင်စခန်းက သိရပါတယ်။
#Local_News
Published 11 September 2024
#ဝင်္ဂဘော်ဆင်စခန်း #ပိတ်ရက်မရှိဖွင့်လှစ်
#YMG/NN #Yangon_Times

 https://www.facebook.com/share/v/wCFKcVTJtfXHcAgz/?mibextid=oFDknk

လာမယ့်အောက်တိုဘာ(၁၃)ရက်မှာ  ရုပ်ရှင်သက်ကြီးပူဇော်ပွဲကျင်းပသွားမှာဖြစ်ပြီး ဒီနှစ်က တော့ ရုပ်ရှင်သက်ကြီးပညာရှင် (၁၄၀၀)ကျော် (၁၅၀၀)လောက်ကို ပူဇော်သွားဖို့ ရှိတယ်လို့ဆိုပါတယ်။
#Local_News
Published 11 September 2024
#ရုပ်ရှင်သက်ကြီးပူဇော်ပွဲ #ရုပ်ရှင်သက်ကြီးပညာရှင်
#YMG/tthl #Yangon_Times

#World_News
Published 11 September 2024

▪️ တောင်ကိုရီးယားမှ မိခင်ပေါင်းများစွာဟာ သူတို့ရဲ့ကလေးတွေကို နိုင်ငံရပ်ခြားမှာ မွေးစားခံရဖို့ အတင်းအဓမ္မ စွန့်လွှတ်ခိုင်းခံခဲ့ကြရတယ်လို့ တောင်ကိုရီးယားအစိုးရမှ ဖွဲ့စည်းတဲ့ ကော်မရှင်တစ်ခုက ထုတ်ဖော်လိုက်ပါတယ်။

▪️ ၁၉၅၀ ခုနှစ်တည်းက အစိုးရထောက်ပံ့ လူမှုဖူလုံရေးဌာနတွေမှာ နွမ်းပါးတဲ့ မိဘတွေ အထူးသဖြင့် တစ်ခုလပ်မိခင်တွေမှ မွေးဖွားတဲ့ ကလေးပေါင်း ၂ သိန်းခန့်ဟာ ဩစတြေးလျ၊ ဒိန်းမတ်၊ အမေရိကန်တို့လို နိုင်ငံတွေမှာ မွေးစားခံခဲ့ရပါတယ်။

▪️ ဖြစ်ရပ်အများစုမှာ ဆေးရုံများ၊ သားဖွားခန်းများ၊ မွေးစားရေးအေဂျင်စီများက ကလေးအမေများဟာ စိတ်မနှံ့သူတွေ ဒါမှမဟုတ် ကလေးကို ပြုစုပျိုးထောင်ဖို့ မသင့်လျော်သူတွေလို့ တဖက်သတ် ကြေညာကြပါတယ်။

▪️ အမှန်တရားနှင့် ပြန်လည်သင့်မြတ်ရေး ကော်မရှင်ရဲ့ တင်ပြချက်အရ မိဘတွေဟာ နိုင်ငံခြား မွေးစားရေးစနစ်နဲ့ ပတ်သက်ပြီး လွဲမှားတတ်ကြကာ သူတို့ရဲ့ကလေးတွေ ပြန်လာလိမ့်မယ်လို့ အတင်းအဓမ္မ ယုံကြည်နေကြပါတယ်။

▪️ ကလေးတွေရဲ့ ဘဝတွေက တောင်ကိုရီးယားမှာထက်စာရင် တိုးတက်တဲ့ အနောက်နိုင်ငံကြီးတွေမှာ ပိုမိုကောင်းမွန်လိမ့်မယ်လို့ သိမ်းသွင်းခံခဲ့ရပါတယ်။

▪️ ဒီအတွက် အစိုးရအနေနဲ့ နစ်နာသူတွေကို တရားဝင်တောင်းပန်မှု ပြုလုပ်ရန်နဲ့ နစ်နာကြေးပေးမယ့် အစီအစဉ်တစ်ခုချရန် ကော်မရှင်က တိုက်တွန်းလိုက်ပါတယ်။

▪️ ၁၉၇၀၊ ၁၉၈၀ ဝန်းကျင်တွေတုန်းက တောင်ကိုရီးယားရှိ စစ်အာဏာရှင် လက်ထက်မှာ လူမှုသန့်စင်ရေးမူဝါဒ ချမှတ်ခဲ့ပြီး လူပေါင်းထောင်ချီဟာ အစိုးရထောက်ပံ့ လူမှုဖူလုံရေးဌာနများသို့ အတင်းအကြပ် ခေါ်ခံခဲ့ရပါတယ်။

▪️ ထိုဌာနတွေမှာ အကျဉ်းသားများ ဆင်းရဲစွာ ဒုက္ခခံစားရပုံတွေကိုလည်း ကော်မရှင်က ဖော်ပြထားပါတယ်။

▪️ လူ့အခွင့်အရေး ချိုးဖောက်မှုများ ဖြစ်ခဲ့ကာ ဆောက်လုပ်ရေးတွေမှာ လုပ်အားခမပေးဘဲ အဓမ္မခိုင်းစေခြင်း၊ အခြားထိန်းသိမ်းရေးစခန်းများသို့ ပြောင်းခိုင်းခြင်း၊ ရိုက်နှက်ခြင်းတို့ ပါဝင်ခဲ့ပါတယ်။
သေဆုံးသွားသူတွေကို မြေတူးမြှုပ်နှံကာ မိသားစုဝင်တွေကို အသိမပေးခဲ့ပါဘူး။

▪️ အမျိုးသမီးတွေ ကလေးမွေးတဲ့အခါ တစ်နေ့နေ့မှာ ကလေးတွေကို နိုင်ငံရပ်ခြားမှာ မွေးစားမယ်ဆိုပြီး ခေါ်ယူသွားကြပါတယ်။

#Source: WION

#Local_News
Published 11 September 2024

▪️ ဘဏ်သို့ ကြွေးမြီများပေးသွင်းနိုင်ရန် ဇာတ်မင်းသားဖိုးချစ်အနေဖြင့် အကျယ်အဝန်း (၁.၁၉) ဧကရှိသော သဘင်ခြံကြီးကိုရောင်းချရန်ရှိကြောင်းသိရသည်။

▪️ ယင်းကဲ့သို့ရောင်းချမည့်အကြောင်းကို ဇာတ်မင်းသားဖိုးချစ်၏ လူမှုကွန်ရက်စာမျက်နှာမှာဖော်ပြထားခြင်းဖြစ်ပြီး မင်္ဂလာဒုံမြို့နယ်၊ အမှတ်(၂၉) အောင်ချမ်းသာလမ်းမကြီး( ဖိုးချစ်လမ်း ) ကြူစမ်းရပ်ကွက်မှာရှိတဲ့ နှစ် ၆၀ ဂရံနာမည်ပေါက်ခြံကိုပြန်ရောင်းချမှာဖြစ်သည်ဟု ဖော်ပြထားသည်။

▪️ လက်ရှိ CB Bank မှာ အပေါင်ထားသည့် ခြံဖြစ်ပြီး ကတိမပျက်လိုသည့်အတွက် ပြန်ရောင်းချလိုခြင်းဖြစ်ပြီး ရောင်းချလိုသည့် မြေ၊အဆောက်အဦကတော့( 1) အကျယ်အဝန်း ၁.၁၉ ဧက ( sq ၅၁၈၃၆ )၊(2) အဆောက်အဦများ ပေ ၅၀/၆၅ ရှိ။ ၃ ထပ်တိုက်၊(3) Recoding တစ်ခု၊(4) ဇာတ်ရုံတစ်ခု( ပေ ၈၀/၁၀၀ ) ၊(5) လူနေတိုက် ( နှစ်ထပ်ခွဲ )၊(6) ဘန်ဂလိုတစ်လုံး(7) ဖူဆယ် ဘောကွင်း( ပေ ၁၁၀/၆၀ )၊(8) power မီတာ ၁ ရိုးရိုးမီတာ ၁၊(9) ကားဂိုဒေါင်နှစ်ထပ်တစ်လုံး( ပေ ၂၅ ပေပတ်လည်ခန့် )ဖြစ်ကြောင်း သိရသည်။

#YMG/tthl #Yangon_Times

#Local_News
Published 11 September 2024

▪️ ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်ရှိ ငဝန်မြစ်အတွင်း စက်လှေ(၁)စီးမီးလောင်မှုတစ်ခု ယနေ့တွင်ဖြစ်ပွားခဲ့ရာ နှစ်နာရီ ဝန်းကျင်ခန့် ကြာသည်အထိ မီးငြိမ်းသတ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ ၁၁ ရက်နေ့၊ မနက်၄နာရီ ၂၅မိနစ် အချိန်ခန့်က ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်၊ တောင်ပိုင်းရပ်ကွက်၊ ငဝန်မြစ်အတွင်းရှိစက်လှေ(၁)စီးမီးလောင်မှုဖြစ်ပွားခဲ့ကြောင်းသိရသည်။

▪️ အဆိုပါ သတင်းရရှိသဖြင့် ငပုတောမြို့နယ်မီးသတ်စခန်းမှ ရှာကယ်စက်လှေ(၂)စီး၊ အပေါ့စားမီးသတ်စက်များ၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက်၅နာရီ  ၄၅မိနစ် အချိန်၌  မီးထိန်းပြီး မနက်၆ နာရီ ၁၀မိနစ် အချိန်၌  မီးငြိမ်းခဲ့ကြောင်း သိရသည်။

#YMG/NN #Yangon_Times

#World_Health
Published 11September 2024

▪️ အမျိုးသားတွေအနေဖြင့် တစ်နေ့ကို မိနစ်အနည်းငယ်မျှ အောက်ပါလေ့ကျင့်ခန်းမျိုး ပြုလုပ်ခြင်းဖြင့် နှစ်ပတ်အတွင်းမှာပင် အိပ်ရာပေါ်မှာ ကြာရှည်စွမ်းဆောင်နိုင်မှာ ဖြစ်တယ်လို့ လေ့လာချက်အသစ်မှာ ဖော်ပြထားပါတယ်။

▪️ ဒီနည်းက ပြင်းထန်လေ့ကျင့်ခန်းမျိုး ခဏလုပ်ပြီး အနားယူလျှော့ချတဲ့ ပုံစံမျိုးဖြစ်ကာ နှလုံးသွေးကြောနဲ့ ဇီဝကမ္မကျန်းမာရေးတို့ကို တိုးတက်စေနိုင်တဲ့ အကျိုးကျေးဇူးများ ရရှိစေပါတယ်။

▪️ ယောက်ျားတစ်ယောက်ဟာ ချစ်တင်းနှောစဉ် မထည့်သွင်းခင် ဒါမှမဟုတ် ထည့်သွင်းပြီး ခဏအကြာမှာပဲ စောစီးစွာ သုတ်လွှတ်တဲ့ ပြဿနာမျိုး ကြုံရတယ်ဆိုရင် ဆက်ဆံရေးမှာ မကျေနပ်စရာ ဖြစ်လာပြီး စိတ်ကျန်းမာရေးနဲ့ ကိုယ့်ကိုယ်ကို ယုံကြည်မှု ထိခိုက်လာပါတယ်။

▪️ ဒါဟာ အမျိုးသားတွေမှာ စိတ်အပျက်ရဆုံး လိင်ကိစ္စပြဿနာ ဖြစ်ပြီး အကြောင်းအရင်းကို မသိရသေးပါဘူး။

▪️ စိတ်အပြုအမူ ကုသခြင်းတွေ ဆေးဝါးတွေနဲ့ ကုသလေ့ရှိပေမယ့် ထိရောက်မှု မရှိတာမျိုး မလိုလားအပ်တဲ့ ဘေးထွက်ဆိုးကျိုး ဖြစ်တာမျိုး ဖြစ်တတ်ပါတယ်။

▪️ ယခုလေ့လာချက်မှာတော့ အထက်ပါ ဖော်ပြတဲ့ လေ့ကျင့်ခန်းမျိုး တစ်နေ့ကို ၇ မိနစ်မျှ ပြုလုပ်ပေးပါက ၁၂ ရက်ကြာပြီးနောက် အကျိုးရလာပါတယ်။

▪️ အရှေ့တရုတ်တက္ကသိုလ်မှ သုတေသီများက အသက် ၁၈ နှစ်မှ ၃၄ နှစ်ကြား အမျိုးသား ၇၆ ဦးကို ခေါ်ယူစမ်းသပ်ခဲ့ပါတယ်။

▪️ တစ်ဖွဲ့မှာ အထက်ပါ လေ့ကျင့်ခန်းမျိုးကို တစ်နေ့ ၇ မိနစ် လုပ်ခိုင်းပါတယ်။

▪️ နောက်တစ်ဖွဲ့ကို ထိုအချိန်အတိုင်း အသက်ဖြည်းဖြည်း ရှူခိုင်းကာ နောက်ဆုံးတစ်ဖွဲ့ကိုတော့ ပုံမှန်အသက်ရှူ လေ့ကျင့်ခန်းပြုလုပ်ခိုင်းပါတယ်။

▪️ လေ့ကျင့်ခန်း လုပ်သူတွေနဲ့ ပုံမှန်အသက်ရှူ လေ့ကျင့်ခန်းပြုလုပ်သူတွေမှာ သုတ်လွှတ်မြန်ခြင်း လက္ခဏာတွေ လျော့ကျသွားတာကို တွေ့ရှိခဲ့ပါတယ်။

▪️ လေ့ကျင့်ခန်းပြုလုပ်ရာမှာ လူတွေက ခန္ဓာကိုယ် လှုပ်ရှားနေပုံနဲ့ အသက်ရှူ ထိန်းချုပ်ခြင်းတို့ကို အာရုံစိုက်နေခဲ့တယ်လို့ ရှင်းပြပါတယ်။

▪️ အကြိမ်ရေများများ ပြုလုပ်ပြီးနောက် ခန္ဓာကိုယ်တွင်းနဲ့ ပြင်ပအာရုံခံမှုတွေ တိုးတက်လာစေကာ သုတ်လွှတ်ခြင်းကို ထိန်းချုပ်လာနိုင်စေတယ်လို့ ဆိုပါတယ်။

▪️ ဒါကြောင့် ပြင်းထန်လေ့ကျင့်ခန်း အပိုင်းအခြားပြုလုပ်ခြင်း ဒါမှမဟုတ် အသက်ရှူလေ့ကျင့်ခန်းတို့ ပြုလုပ်ခြင်းဖြင့် အိပ်ရာပေါ်က စွမ်းဆောင်ရည်ကို တိုးမြင့်စေမှာ ဖြစ်ပါတယ်။

#Source: New York Post

#World_Health
Published 11 September 2024

▪️ အရေပြားနဲ့ မျက်စိတွေ အဝါရောင်ဖြစ်လာတဲ့ အသည်းရောင် အသားဝါရောဂါဟာ အသည်းထိခိုက်တာကြောင့် ဖြစ်လာတဲ့ လက္ခဏာတွေ ဖြစ်ပါတယ်။

▪️ ကျန်းမာရေး ပြဿနာရင်းမြစ်ကို ရှာဖွေကုသပြီး ရေရှည်ထိန်းချုပ်ဖို့ လိုအပ်ပါတယ်။

▪️ အသည်းရောင်အသားဝါ ကြာရှည်ဖြစ်လာပါက မထိန်းချုပ်နိုင်ရင် အလုံးစုံကျန်းမာရေးကိုပါ သိသိသာသာ ထိခိုက်လာပါတယ်။

▪️ ဒါဟာ အသည်းခြောက်ခြင်း အသည်းရောဂါစတဲ့ ပြဿနာတွေလည်း ဖြစ်လာနိုင်ပါတယ်။
ထိုအခါ အသည်းလုပ်ဆောင်ချက်တွေ ဖြစ်တဲ့ အဆိပ်ဖယ်ရှားခြင်း၊ ပရိုတိန်း ထုတ်လုပ်ခြင်း၊ ဂလူးကို့စ် ထိန်းချုပ်ခြင်းတို့ကို ထိခိုက်လာစေပါတယ်။

▪️ ဒါ့အပြင် အသည်းကနေ အစာခြေရည် ထွက်ရှိမှု ပိတ်ဆို့သွားကာ ပိုမိုဆိုးရွားစေပါတယ်။
အသည်းရောင်အသားဝါကို သေချာမထိန်းချုပ်နိုင်ပါက ဖြစ်လာနိုင်တဲ့ အန္တရာယ်တွေက..

(၁) အသည်းကျန်းမာရေး ကျဆင်းခြင်း
▪️ အသည်းရောင်အသားဝါ ကြာရှည်လာပါက အသည်းဆဲလ်များ ပျက်စီးလာပြီး အသည်းရောဂါ ဖြစ်လာနိုင်ပါတယ်။

(၂) သည်းခြေရည်လမ်းကြောင်း ပြဿနာ
▪️ သည်းခြေစနစ်ထဲမှာ ကျောက်တည်ခြင်း၊ ရောင်ရမ်းခြင်းစတဲ့ ပြဿနာများ ဖြစ်တတ်ပါတယ်။

(၃) အာဟာရဓာတ် ချို့တဲ့ခြင်း
▪️ သည်းခြေရည် အားမကောင်းတာကြောင့် အစာခြေခြင်း၊ အဆီနဲ့ အဆီပျော်ဝင် ဗိုက်တာမင်များ စုပ်ယူခြင်းတို့ကို ထိခိုက်စေပါတယ်။

(၄) နာတာရှည် နွမ်းနယ်ခြင်း
▪️ အသည်းပြဿနာတွေကြောင့် ရေရှည်ပင်ပန်းနွမ်းနယ်ခြင်း နေထိုင်မှုဘဝကို ထိခိုက်စေပါတယ်။

▪️ အသည်းရောင်အသားဝါကို ထိန်းချုပ်ရာမှာ နေထိုင်မှုပုံစံများ ထိန်းချုပ်ခြင်းနဲ့ ဂရုပြုရမယ့်အရာများ ပါဝင်ပါတယ်။

▪️ ဒါမှသာ အသည်းကျန်းမာရေးကို ထောက်ပံ့နိုင်ပြီး လက္ခဏာများ ပိုမိုဆိုးရွားလာခြင်းမှ ကာကွယ်နိုင်မှာ ဖြစ်ပါတယ်။

(၁) အစားအစာထိန်းသိမ်းခြင်း
▪️ အသင့်စားများ လျှော့ချကာ အသီး၊ အရွက်၊ ဆန်ဂျုံပြောင်းတို့ များများစားခြင်းဖြင့် အသည်းကျန်းမာရေးကို ထောက်ကူစေပါတယ်။

(၂) ရေဓာတ်ဖြည့်ခြင်း
▪️ ရေဓာတ်လုံလောက်အောင် နေထိုင်ခြင်းဖြင့် အသည်းမှ အဆိပ်ဖယ်ရှားခြင်း လုပ်ဆောင်ချက်ကို မြှင့်တင်ပေးပါတယ်။

(၃) အရက်သေစာ ရှောင်ရှားခြင်း
▪️ အယ်လ်ကိုဟောက အသည်းကို ပိုမိုထိခိုက်စေတာကြောင့် လုံးဝရှောင်ရှားသင့်ပါတယ်။

(၄) ဆေးဝါးများ
▪️ အချို့သောဆေးဝါးတွေက အသည်းကိုထိခိုက်စေတာကြောင့် ဆရာဝန်နဲ့ တိုင်ပင်သင့်ပါတယ်။

(၅) ပုံမှန်ဆေးစစ်ခြင်း
▪️ ကျန်းမာရေး ကျွမ်းကျင်သူများနဲ့ ပုံမှန်စစ်ဆေးခြင်းဖြင့် အသည်းရောင်အသားဝါ ဖြစ်ရတဲ့ အကြောင်းအရင်းကို သိရှိစေပါတယ်။

(၆) နေရောင်ခြည် ထိတွေ့ခြင်း
▪️ နေရောင်ခြည်ကို အတန်အသင့် ထိတွေ့ခြင်းဖြင့် သွေးနီဥ အပျက်အစီးများကို သဘာဝအတိုင်း လျှော့ချပေးပါတယ်။

#Source: DoctorNDTV

အလွန်နည်းပညာမြင့်မားပြီး ဆန်းသစ်တီထွင်ထုတ်လုပ်တဲ့ ပစ္စည်းများကို IFA ဘာလင် ၂၀၂၄ ပြပွဲမှာ သောကြာနေ့ကစတင်ကာ ပြသထားပြီး မော်တော်ကားပျံနဲ့ အိမ်သုံးစမတ်စက်ရုပ်များ ပါဝင်ခဲ့ပါတယ်။
#World_Technology
Published 10 September 2024
#ဆန်းသစ်ပစ္စည်းများပြပွဲ #မော်တော်ကားပျံ
#YMG #Yangon_Times #Yangon_Media_Group

#Daily_News
Published 10 September 2024

၁။ မြဝတီမြို့တွင် သောင်ရင်းမြစ်ရေကြီးနေပြီး မဒေါက်မြို့တွင် စစ်တောင်းမြစ်ရေတက်နေ

၂။ တစ်ပတ်တာအတွင်း ရွှေတစ်ကျပ်သား ကျပ်၈သိန်းအထိကျဆင်း 

၃။ တာချီလိတ်တွင် ရပ်ကွက်အချို့၌ရေကြီးနစ်မြုပ်မှုထပ်ဖြစ်နေ

၄။ နည်းပညာလွန်အဆင့်မြင့် ဆန်းသစ်ပစ္စည်းများပြပွဲ ဘာလင်မြို့တွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

တိုင်ဖွန်းမုန်တိုင်းမှ လေပွေလှိုင်းတွေကြောင့် မြန်မာနိုင်ငံမှာ မိုးကြီးရေလျှံတာ(၂)ရက်တိုင်တိုင် ဖြစ်ပွားဖို့ရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 10 September 2024
#တိုင်ဖွန်းမုန်တိုင်း #လေပွေလှိုင်းကြောင့်မိုးကြီး
#YMG/tthl #Yangon_Times

စားသုံးသူရေးရာဦးစီးဌာနက စက်တင်ဘာလအတွက် ဆန်ရည်ညွှန်းဈေးနှုန်းတွေကို သတ်မှတ်လိုက်ပြီး ပြည်တွင်းစားဆန်တွေဖြစ်တဲ့ ဆန်ကြမ်းတစ်အိတ်ကို အရင်လကထက်ကျပ် ၃၀၀၀နဲ့  ပေါ်ဆန်းအုပ်စု တစ်အိတ်ကို ကျပ် ၅၀၀၀အထိ ဈေးနှုန်းမြင့်တက်လာတယ်လို့  စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနက ဒီကနေ့ထုတ်ပြန်တဲ့စာရင်းတွေအရ သိရပါတယ်။
#Local_News
Published 10 September 2024
#စားသုံးသူရေးရာဦးစီးဌာန #ဆန်စျေးအနည်းငယ်တက်
#YMG/NN #Yangon_Times

တာချီလိတ်ရှိ ရပ်ကွက်အချို့မှာရေကြီးနစ်မြုပ်နေလို့ ကူညီကယ်ဆယ်ရေးတွေဆောင်ရွက်ပေးနေတယ်လို့ တာချီလိတ်အခြေစိုက်လူမှုကူညီရေးအဖွဲ့တွေထံမှ သိရပါတယ်။
#Local_News
Published 10 September 2024
#တာချီလိတ် #ရေကြီးနစ်မြုပ်နေ
#YMG/tthl #Yangon_Times