#World_Health
Published 19 February 2025

▪️ ဆယ်ကျော်သက်အရွယ် ခန္ဓာကိုယ်၊ ဦးနှောက်နဲ့ အလုံးစုံ ဖွံ့ဖြိုးကြီးထွားလာကြရာမှာ အာဟာရဓာတ် လုံလောက်ဖို့ကလည်း အရေးကြီးပါတယ်။

▪️ မျှတစွာ စားသုံးပါမှ ဗိုက်တာမင်များ၊ ပရိုတိန်း၊ သတ္တုဓာတ်များ၊ အဆီဓာတ်များ ရရှိပြီး ဖွံ့ဖြိုးမှုကို အထောက်အကူရစေမှာ ဖြစ်ပါတယ်။

▪️ တစ်နေ့တာမှာ အရေးကြီးဆုံး မနက်စာ မစားဘဲနေရင် ကျန်းမာရေးပြဿနာများ ဖြစ်လာနိုင်တာကြောင့် မနက်စာ မကျော်သင့်တဲ့ အကြောင်းအရင်းတွေကို ဆွေးနွေးတင်ပြထားပါတယ်။

(၁) အာရုံစူးစိုက်မှုနှင့်မှတ်ဉာဏ် မြှင့်တင်ပေးခြင်း
▪️ အာဟာရရှိတဲ့ မနက်စာက စိတ်ပိုင်းဆိုင်ရာ နိုးကြားစေပြီး မှတ်ဉာဏ်ထိန်းသိမ်းပေးကာ ဦးနှောက်လုပ်ဆောင်ချက်ကို မြှင့်တင်ပေးပါတယ်။

(၂) ကြီးထွားဖွံ့ဖြိုးမှုကို ထောက်ကူပေးခြင်း
▪️ အရိုးကြီးထွားမှု၊ ကြွက်သားခွန်အား၊ အလုံးစုံဖွံ့ဖြိုးမှုတို့ကို ထောက်ပံ့ပေးမယ့် အာဟာရဓာတ်များ ပေးစွမ်းနိုင်ပါတယ်။

(၃) ကျန်းမာရေးနဲ့မညီညွတ်သောမုန့်များ မစားမိခြင်း
▪️ မနက်စာမစားဘဲနေလိုက်ရင် ဆာလောင်စိတ်ဖြစ်လာပြီး ကျန်းမာရေးနဲ့ မညီညွတ်တဲ့ ကယ်လိုရီများတဲ့ မုန့်တွေ စားမိစေနိုင်ပါတယ်။

(၄) ကိုယ်တွင်းဇီဝဖြစ်စဉ်ထိန်းသိမ်းပေးခြင်း
▪️ မနက်စာ မစားတဲ့အခါ ဇီဝကမ္မဖြစ်စဉ်များ နှောင့်နှေးသွားကာ ကယ်လိုရီကောင်းစွာ မလောင်ကျွမ်းနိုင်ဘဲ ကိုယ်အလေးချိန် တက်စေနိုင်ပါတယ်။

(၅) စိတ်အခြေအနေကောင်းမွန်စေခြင်း
▪️ ဆာလောင်စိတ်ဖြစ်တဲ့အခါ စိတ်ဆိုးလွယ် ဖိစီးမှုဖြစ်လွယ်နိုင်ပြီး မနက်စာစားထားရင်တော့ သွေးတွင်းသကြားဓာတ် တည်ငြိမ်စေကာ စိတ်အပြောင်းအလဲ မဖြစ်စေတော့ပါဘူး။

(၆) ရုပ်ပိုင်းဆိုင်ရာစွမ်းဆောင်ရည်တိုးစေခြင်း
▪️ အားကစားနဲ့ လှုပ်ရှားမှုပြုလုပ်သူတွေအတွက် မနက်စာစားခြင်းဖြင့် လိုအပ်တဲ့ ကာဗိုဟိုက်ဒရိတ်၊ ပရိုတိန်း၊ အဆီတို့ ရရှိစေကာ ကြွက်သားများကို အားဖြည့်ပေးပါတယ်။

(၇) အစာခြေစနစ်ထောက်ပံ့ပေးခြင်း
▪️ မနက်စာက အူလမ်းကြောင်း လှုပ်ရှားမှုလှုံ့ဆော်ပေးကာ အမျှင်ဓာတ်ပါ စားသုံးပေးပါက ဝမ်းချုပ်ခြင်းကို ကာကွယ်ပေးပြီး အစာခြေစနစ် ကောင်းမွန်စေပါတယ်။

(၈) ကိုယ်အလေးချိန်ထိန်းသိမ်းပေးခြင်း
▪️ မနက်စာမစားရင် နောက်ပိုင်းမှာ ပိုမိုစားသုံးမိတာကြောင့် တကယ်တမ်း ကိုယ်အလေးချိန် တက်စေနိုင်ပါတယ်။

▪️ ဒါကြောင့် တစ်နေ့တာစတင်ချိန်မှာ အာဟာရရှိတဲ့ မနက်စာစားသုံးခြင်းဖြင့် ခွန်အားထိန်းသိမ်းနိုင်ပြီး ဖွံ့ဖြိုးမှုကို ထောက်ပံ့စေနိုင်မှာ ဖြစ်ပါတယ်။

#Source: DoctorNDTV

#World_Health
Published 19 February 2025

▪️ နှလုံးရောဂါက ကမ္ဘာပေါ်မှာ အဓိကသေဆုံးရတဲ့ အကြောင်းအရင်း ဖြစ်လာသလို သွေးတိုး၊ ဆီးချို၊ အဝလွန်ခြင်းတို့ အဖြစ်များလာတာကြောင့် လာမယ့်နှစ် ၃၀ အတွင်း နှလုံးသွေးကြောရောဂါများ ဖြစ်နိုင်ခြေ များလာပါတယ်။

▪️ ကျန်းမာရေးနဲ့ ညီညွတ်တဲ့ အစားအစာများစားခြင်း၊ လေ့ကျင့်ခန်းလုပ်ခြင်းတို့ဖြင့် နှလုံးကျန်းမာရေးကို ထောက်ကူစေနိုင်တာ သိထားကြသလို အခြားအရာတွေလည်း ရှိနေပါတယ်။

▪️ နှလုံးနဲ့ အဆုတ်တို့က ခန္ဓာကိုယ်သို့ အောက်ဆီဂျင်များ ပို့လွှတ်ပေးတာကြောင့် ဒါတွေကို အလုပ်လုပ်စေတဲ့ လှုပ်ရှားမှုတွေက နှလုံးသွေးကြောကျန်းမာရေးကို ထောက်ပံ့ပေးနိုင်မယ်လို့ Soliant Healthမှ သူနာပြု ကာရင်စတော့ဒေးလ်က ပြောပါတယ်။

▪️ လူအများမထင်ထားတဲ့ နည်းလမ်းတွေကို စတော့ဒေးလ်က ဖော်ပြသွားပါတယ်။

(၁) ခြေမများလှုပ်ရှားပေးပါ
▪️ ထိုင်တဲ့အချိန် သွားလာတဲ့အချိန် ကြာသွားပြီဆိုရင် တစ်နာရီကြာတိုင်း စက္ကန့် ၃၀ မျှ ခြေမတွေကို လှုပ်ရှားပေးခြင်းဖြင့် သွေးလည်ပတ်မှုကောင်းစေပြီး အဆုတ်နဲ့ နှလုံးကျန်းမာရေးကို အထောက်အကူ ပြုနိုင်ပါတယ်။

(၂) ကိုယ်နေဟန်ထားအကောင်းဆုံး နေထိုင်ပါ
▪️ ကိုယ်နေဟန်ထား မညီမျှတဲ့အခါ ရင်ခေါင်းကို ဖိနှိပ်သလိုဖြစ်ပြီး အဆုတ်ကနေ လေဝင်လေထွက်မကောင်း ဖြစ်တတ်ပါတယ်။

▪️ ကိုယ်နေဟန်ထားကို မှန်ကန်အောင်ထိန်းသိမ်းပါက ရင်ခေါင်းကျယ်သွားစေပြီး အသက်ရှူရ ကောင်းမွန်စေပါတယ်။

(၃) များများရယ်မောပါ
▪️ စိတ်ပိုင်းဆိုင်ရာ အခြေအနေက ကျန်းမာရေးကို သက်ရောက်စေတာ တွေ့ရှိထားကြပါတယ်။

▪️ ရယ်မောတဲ့အခါ ကြွက်သားတွေ လှုပ်ရှားစေကာ အဆုတ်ကနေ ပိုမိုအလုပ်လုပ်ရပြီး အောက်ဆီဂျင်ပိုမိုရရှိစေပါတယ်။

(၄) လက်ခံကျေနပ်မှုကို မှတ်သားပါ
▪️ ၂၀၁၂ လေ့လာချက်တစ်ခုမှာ ကျေနပ်လက်ခံကြောင်း မှတ်သားကျင့်ကြံသူတွေဟာ ဖိစီးမှုနဲ့ စိုးရိမ်စိတ်တွေ လျော့ကျသွားပါတယ်။

(၅) နှုတ်ခမ်းစူထုတ်အသက်ရှူကြည့်ပါ
▪️ နှုတ်ခမ်းတွေကို ရှေ့သို့စူထုတ်ပြီး ဖြည်းဖြည်းအသက်ရှူတဲ့အခါ လေစီးဆင်းမှုကောင်းစေပြီး သွေးထဲသို့ အောက်ဆီဂျင်ပိုမိုဝင်ရောက်စေပါတယ်။

#Source: New York Post

တစ်ကမ္ဘာလုံးမှာ ကော်ဖီစေ့ ရှားပါးပြတ်လပ်လာတာကြောင့် ကော်ဖီဈေးနှုန်းမြင့်တက်ခြင်းကို ဖြေရှင်းဖို့အတွက် တောင်ကိုရီးယား စားသောက်ကုန် ကုမ္ပဏီများက ဆန်းသစ်တီထွင်တဲ့ နည်းလမ်းများ သုံးလာကြပါတယ်။
#Asia_Industry
Published  18 February 2025
#ကော်ဖီစေ့ရှားပါးပြတ်လပ် #တောင်ကိုရီးယား
#YMG #Yangon_Times #Yangon_Media_Group

#Daily_News

Published  18 February 2025

၁။ မြန်မာနှင့်ဒိန်းမတ်ပူး‌ပေါင်း၍ ယာယီနေရပ်စွန့်ခွာသူအိမ်ထောင်စုများကို စား‌သောက်ကုန်များထောက်ပံ့

၂။ ရွှေတိဂုံစေတီတော် ရွှေသင်္ကန်းကပ်လှူပူဇော်ခြင်း၈၀ ရာခိုင်နှုန်းအထိပြီးစီး

၃။ ‘ချင်းချောင်းနန်းတော်’ကို အမျိုးသားအနုပညာပြတိုက်အဖြစ် ဖွင့်လှစ်ရန်ပြင်ဆင်နေ

၄။ ကော်ဖီစေ့ရှားပါးပြတ်လပ်မှုကြောင့် တောင်ကိုရီးယားတွင်အစေ့မပါသော အစားထိုး ကော်ဖီများရောင်းချလာကြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 18 February 2025

▪️ လူကုန်ကူးခံရသည်ဟု ယူဆနိုင်သည့် ဖြစ်စဉ်များ ကြားသိ/ကြုံတွေ့ရပါက ဆက်သွယ်နိုင်ကြောင်း ဒူဘိုင်းရှိမြန်မာကောင်စစ်ဝန်ရုံးက ကြေညာချက်ထုတ်ပြန်ထားသည်။

▪️ ဒူဘိုင်းရှိမြန်မာကောင်စစ်ဝန်ရုံးအနေဖြင့် ယူအေအီးနိုင်ငံရောက် ြမန်မာနိုင်ငံသားများမှ အခက်အခဲကြုံတွေ့ရခြင်းကြောင့် ဆက်သွယ်သတင်းပို့ အကူအညီတောင်းခံလာမှုများနှင့် ပတ်သက်၍ နေ့ညမရွေး လက်ခံဖြေကြားခြင်း၊ကိစ္စရပါတစ်ခုချင်းစီအပေါ် စိစစ်ဆောင်ရွက်ကာ သက်ဆိုင်သူများအကြားညှိနှိုင်းပေးခြင်း၊ ဌာနဆိုင်ရာကိစ္စများနှင့် ပတ်သက်၍
ယူအေအီးနိုင်ငံဘက်မှ တာဝန်ရှိသူများနှငိ့ ချိတ်ဆက်ညှိနှိုင်းခြင်း၊ ညှိနှိုင်းမှုများ ပြီးဆုံး၍ ပြန်လည်ထွက်ခွာမည့်နေ့ရက် သိရှိရပါက မြန်မာဘက်မှ လူကုန်ကူးမှုတားဆီးနှိမ်နင်းရေး တပ်ဖွဲ့ဝင်များနှင့် ပေါင်းစပ်ညှိနှိုင်းပေးခြင်းတို့ကို အချိန်နှင့်တပြေးညီ ဆောင်ရွက်ပေးလျှက်ရှိကြောင်း သိရသည်။

▪️ ကောင်စစ်ဝန်ချုပ်ရုံးနှင့် မြန်မာသံရုံးတို့သည် ပြည်ပတွင် ရောက်ရှိနေသည့် နိုင်ငံသားများ အခက်အခဲကြုံတွေ့နေရပါက နိုင်ငံသားများအား မည်သို့သော အခြေအနေတွင် တွေ့ကြုံရသည်ဖြစ်စေ သက်ဆိုင်ရာသံရုံးများနှင့် ချိတ်ဆက်၍ မြန်မာနိုင်ငံသို့ ‌အေးချမ်းလုံခြုံစွာ အမြန်ဆုံးပြန်လည်ရောက်ရှိနိုင်ရန် ဆောင်ရွက်ပေးလျက်ရှိရာ အိုမန်နိုင်ငံဆိုဟာမြို့တွင် အလုပ်လုပ်ကိုင်စဉ် အခက်အခဲကြုံတွေ့နေရသည့် မြန်မာနိုင်ငံသူတစ်ဦးအား ဖေဖော်ဝါရီ ၁၇ရက်ကအမိနိုင်ငံသို့ ပြန်လည်ခေါ်ဆောင်ပေးခဲ့ကြောင်း သိရသည်။

#YMG/SW #Yangon_Times

တရုတ်သို့ တင်ပို့မယ့် မြန်မာနိုင်ငံက စိုက်ပျိုးရေးစားသောက်ကုန်‌တွေအတွက်မှတ်ပုံတင်‌လျောက်ထားရာမှာ Manual စနစ်နဲ့ လျှောက်ထားရမယ်လို့ မြန်မာကုန်သွယ်မှုမြှင့်တင်ရေးအဖွဲ့မှ သိရပါတယ်။
#Local_News
Published  18 February 2025
#စိုက်ပျိုးရေးစားသောက်ကုန်‌ #Manualစနစ်
#YMG/SW #Yangon_Times

ရန်ကုန်မြို့ရှိ ‘ချင်းချောင်းနန်းတော်’ကို အမျိုးသားအနုပညာပြတိုက်အဖြစ် ဖွင့်လှစ်ရန်ပြင်ဆင်နေတယ်လို့ သိရပါတယ်။
#Local_News
Published  18 February 2025
#‘ချင်းချောင်းနန်းတော်’ #အမျိုးသားအနုပညာပြတိုက်
#YMG/NN #Yangon_Times

ရန်ကုန်တိုင်းဒေသကြီး၊ ဒဂုံမြို့နယ်ရှိ သိင်္ဂုတ္တရကုန်းတော်ပေါ်မှာ  တည်ထားကိုးကွယ်လျှက်ရှိတဲ့  ရွှေတိဂုံစေတီတော်မြတ်ကြီးကို  (၉) ကြိမ်မြောက် လုံးတော်ပြည့်ရွှေသင်္ကန်းတော်ကပ်လှူပူဇော်ခြင်းလုပ်ငန်းတွေ  ဆောင်ရွက်လျှက်ရှိရာ လက်ရှိအချိန်မှာတော့ ၈၀ရာခိုင်နှုန်းအထိပြီးစီးနေပြီလို့ ဘဏ္ဍာတော်ထိန်းဂေါပကအဖွဲ့က သိရပါတယ်။
#Local_News
Published  18 February 2025
#ရွှေတိဂုံစေတီတော် #ရွှေသင်္ကန်းတော်ကပ်လှူပူဇော်ခြင်း
#YMG/NN #Yangon_Times

#Local_News
Published 18 February 2025
 
▪️ နေပြည်တော်ဟိုတယ်ဇုန်ရှိ မန်းမြန်မာဟိုတယ်တွင် ပြုလုပ်နေသည့်  ကြံသီးနှံနည်းပညာပေးသင်တန်း၌ တရုတ် စိုက်ပျိုးရေးပညာရှင်များမှ ကြံသီးနှံနည်းပညာများကို အွန်လိုင်းမှတစ်ဆင့် ပို့ချပေးသွားမည်ဖြစ်ကြောင်းသိရသည်။

▪️ အဆိုပါသင်တန်းကို ယမာန်‌ နေ့က ဖွင့်ပွဲအဖြစ် စတင်ခဲ့ပြီး ယင်းသင်တန်းသည်   မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေ (၂၀၂၂) စီမံကိန်းအဖြစ် ကြံသီးနှံနည်းပညာပေးသင်တန်း ကို ပို့ချပေးခြင်း ဖြစ်ကာ ယင်းသင်တန်းတွင် တရုတ်နိုင်ငံမှ စိုက်ပျိုးရေးပညာရှင်များက ကြံသီးနှံနည်းပညာများကို အွန်လိုင်းမှ ပို့ချပေးသွားမည်ဖြစ်ကြောင်း သိရသည်။

▪️ ထို့အပြင်  ကြံမျိုးစေ့ပျိုးထောင်ခြင်း၊ ဇီဝနည်းပညာဖြင့် ကြံစိုက်ပျိုးခြင်း၊ ကြံတစ်သျှူးများ ပျိုးထောင်ခြင်း၊ ကြံမျိုးကောင်းစိုက်ပျိုးရေးနှင့် လျင်မြန်စွာမျိုးပွားခြင်း၊ ကြံပိုးမွှားများနှင့် ပေါင်းပင်မြက်ပင်များအား ပိုးသတ်ဆေးဖြင့် စမ်းသပ်စစ်ဆေးခြင်း၊ ကြံမျိုးကောင်းများ ထွက်ရှိနိုင်ရေးနှင့်စပ်လျဉ်း၍ သင်ကြားပေးသွားမည်ဖြစ်ကြောင်း သိရသည်။

▪️ ထို့အတူ ကြံပင်ကောင်းမွန်မြန်ဆန်စွာ စိုက်ပျိုးရေး၊ စက်ယန္တရားအသုံးချခြင်းနှင့် ရေရှည်တည်တံ့သော ကြံစိုက်ပျိုးရေးအဖြစ် ဖော်ဆောင်ခြင်း၊ ကြံဇီဝနည်းပညာ၊ ကြံသီးနှံကာကွယ်ရေး၊ ကြံလမိုင်းပြုပြင်စိုက်ပျိုးရေး စနစ်တကျစီမံခန့်ခွဲမှုစသည့် နည်းပညာများကိုလည်း ပို့ချပေးသွားမည်ဖြစ်သည်။

▪️ အဆိုပါ မဲခေါင်-လန်ချန်း ပူးပေါင်းဆောင်ရွက်မှုအထူးရန်ပုံငွေဖြင့် စိုက်ပျိုးရေးဦးစီးဌာန သကြားထွက်သီးနှံဌာနခွဲမှ  “မြန်မာနိုင်ငံတွင် ရေရှည်တည်တံ့သော ကြံစိုက်ပျိုးထုတ်လုပ်မှုကို ဖော်ဆောင်နိုင်ရန်အတွက် ခေတ်မီနည်းပညာနှင့် အရည်အသွေးကောင်းမျိုးကြံများ ဖြန့်ဖြူးခြင်း” စီမံကိန်းကိုလည်း အကောင်အထည်ဖော် ဆောင်ရွက်လျက်ရှိကြောင်း သိရသည်။

#YMG/NN #Yangon_Times

ရခိုင်ပြည်နယ်၊ စစ်တွေမြို့သို့ ရောက်ရှိနေတဲ့ ယာယီနေရပ်စွန့်ခွာအိမ်ထောင်စု‌တွေအတွက် အခြေခံစားသောက်ကုန်တွေ ထောက်ပံ့ခဲ့တယ်လို့ မြန်မာနိုင်ငံကြက်ခြေနီအသင်းမှ သိရပါတယ်။
#Local_News
Published  18 February 2025
#မြန်မာနှင့်ဒိန်းမတ်ပူး‌ပေါင်း #မြန်မာနိုင်ငံကြက်ခြေနီအသင်း
#YMG/SW #Yangon_Times

#Local_News
Published 18 February 2025

▪️ ဟိုတယ်နှင့်ခရီးသွားလာရေးဝန်ကြီးဌာနအနေဖြင့် ခရီးသွားမြှင့်တင်ရေးလုပ်ငန်းများဆောင်ရွက်ရန် နည်းပညာဆိုင်ရာ  လုပ်ငန်းများအတွက် အိတ်ဖွင့်တင်ဒါခေါ်ယူနေကြောင်း သိရသည်။

▪️ ထိုသို့ခေါ်ယူရာတွင်  ခရီးသွားမြှင့်တင်ရေး လုပ်ငန်းများဆောင်ရွက်ရန် Online Application များ၊ Dynamic QR Code စနစ်နှင့် ဝဘ်ဆိုဒ်လုံခြုံရေး၊ ပြုပြင်ထိန်းသိမ်းမှုနှင့် CMS အပ်ဒိတ်များပြုလုပ်ရန် လိုအပ်သော နည်းပညာဆိုင်ရာလုပ်ငန်းများအတွက် အိတ်ဖွင့်တင်ဒါများ ခေါ်ယူလျှက်ရှိခြင်းဖြစ်သည်။

▪️ အဆိုပါ တင်ဒါ ခေါ်ယူရာတွင်  Lot (၃) ခုကို လုပ်ငန်းအပ်နှံဆောင်ရွက်သွားမည်ဖြစ်ရာ  စိတ်ပါဝင်စားသည့် ပြည်တွင်း နည်းပညာကျွမ်းကျင်ကုမ္ပဏီများအနေဖြင့် တင်သွင်းလိုသည့် Lot No. အလိုက် သတ်မှတ်စည်းကမ်းချက်များနှင့်အညီ အိတ်ဖွင့် တင်ဒါများ တင်သွင်းနိုင်ရန် ဖိတ်ခေါ်ထားခြင်းဖြစ်သည်။

▪️ ထို့အပြင် တင်ဒါပုံစံများကို ဖေဖော်ဝါရီ ၁၇ ရက်မှ စတင်ရယူနိုင်မည်ဖြစ်ပြီး ဟိုတယ်နှင့်ခရီးသွားလာရေးဝန်ကြီးဌာန၊ ဟိုတယ်နှင့်ခရီးသွားညွှန်ကြားမှုဦးစီးဌာန ခရီးသွားမြှင့်တင်ရေးဌာနခွဲ (Digital Marketing) ရုံးအမှတ် (၃၃)၊ နေပြည်တော်၊ တင်ဒါမှတ်ပုံတင်ကြေး ကျပ်-၁၀,၀၀၀/-(တင်ဒါမှတ်ပုံတင်ကြေးကို Lot (၁) ခုချင်းစီ အလိုက် (၁) စောင်ချင်းစီ တင်သွင်းရမည်။) ဖြစ်ကြောင်း သိရသည်။

▪️ တင်ဒါလျှောက်လွှာကို မတ်လ ၄ ရက်၊ မွန်းတည့် ၁၂ နာရီအချိန်တွင် ပိတ်သိမ်း၍ မတ်လ ၅ ရက်၊ နေ့လည် ၂ နာရီအချိန်တွင် ဟိုတယ်နှင့်ခရီးသွားလာရေးဝန်ကြီးဌာန၊ ရုံးအမှတ် (၃၃)၌ တင်ဒါဖွင့်ဖောက်စိစစ်မည်ဖြစ်ကာ  အသေးစိတ်သိရှိလိုပါက ဟိုတယ်နှင့်ခရီးသွားလာရေးဝန်ကြီးဌာန၊ ဟိုတယ်နှင့်ခရီးသွားညွှန်ကြားမှုဦးစီးဌာန၊ ခရီးသွားမြှင့်တင်ရေးဌာနခွဲသို့ဆက်သွယ်စုံစမ်းနိုင်ကြောင်းသိရသည်။

#YMG/NN #Yangon_Times

#World_News

Published 18 February 2025

▪️ Delta Airlines လေယာဉ်တစ်စီးဟာ တနင်္လာနေ့က တိုရွန်တိုရှိ ပီယာဆန်လေဆိပ်သို့ ဆင်းသက်စဉ် ချိန်မှာ လေယာဉ်မှောက်သွားခဲ့ပြီး လူ ၁၇ ဦး ဒဏ်ရာရရှိခဲ့ပါတယ်။

▪️ ပက်လက်လန်တိမ်းမှောက်သွားတဲ့လေယာဉ်ဟာ မင်နီယာပိုလစ်မှလာတဲ့ Delta လေကြောင်းခရီးစဉ်ဖြစ်ပြီး ခရီးသည် ၇၆ ဦးနဲ့ လေယာဉ်ဝန်ထမ်း ၄ ဦးပါဝင်တယ်လို့ လေဆိပ်က အတည်ပြုထားပါတယ်။

▪️ နေ့လယ် ၂ နာရီ ၁၅ မိနစ်ခန့်မှာ ဖြစ်ပျက်ခဲ့ပြီး လေဆိပ်မှာရှိတဲ့ ခရီးစဉ်တွေ အချိန် ၂ နာရီခွဲလောက် ရပ်ဆိုင်းခဲ့ရကာ ပြေးလမ်းကြောင်းနှစ်ခုကို စုံစမ်းစစ်ဆေးချိန်အတွင်း ပိတ်ထားမှာဖြစ်ပါတယ်။

▪️ အသက်ဆုံးရှုံးသူမရှိဘဲ ဒဏ်ရာအနည်းငယ်သာရတဲ့အတွက် အလွန်စိတ်သက်သာမိတယ်လို့ ဂရိတ်တာတိုရွန်တို လေဆိပ်အာဏာပိုင်မှ စီအီးအို ဒီဘိုရာဖလင့်က သတင်းထောက်တွေကို ပြောပါတယ်။

▪️ ဗီဒီယိုရိုက်ကူးပြချက်တွေထဲမှာ Mitsubishi CRJ-900LR လေယာဉ်က ပြေးလမ်းပေါ်မှာ မှောက်လျက်ဖြစ်နေပြီး အရေးပေါ်တွေက မီးငြှိမ်းသတ်နေကြပါတယ်။

▪️ အရေးပေါ်အဖွဲ့အားလုံး လုပ်ဆောင်နေကြတယ်လို့ လေဆိပ်က Xဆိုရှယ်မီဒီယာမှာ ဖော်ပြထားပါတယ်။

▪️ လေယာဉ်မှောက်ရတဲ့ အကြောင်းအရင်းကို ပြောဖို့စောသေးပေမယ့် ရာသီဥတုကြောင့် ဖြစ်နိုင်ပါတယ်။

▪️ ကနေဒါမိုးလေဝသဌာနရဲ့ ပြောကြားချက်အရ လေဆိပ်မှာ နှင်းနဲ့လေတိုက်နှုန်းက တစ်နာရီကို ၃၂ မိုင်နှုန်းရှိကာ အပူချိန် အနုတ် ၈.၆ ဒီဂရီဆဲလ်စီးယပ်စ် ရှိနေခဲ့ပါတယ်။

▪️ ဒီလိုဖြစ်ရပ်မျိုးက အလွန်ရှားပါးဖြစ်ခဲလှတယ်လို့ ဖလော်ရီဒါ စိန့်ပီတာဘာ့ဂ် လေကြောင်းဘေးကင်းရေး အကြံပေးအဖွဲ့အစည်းမှ စီအီးအို ဂျွန်ကောက်စ်က ပြောပါတယ်။

▪️ တိုရွန်တိုပီယာဆန် အပြည်ပြည်ဆိုင်ရာလေဆိပ်ရဲ့ မျှော်စင်မှ အသံမှတ်တမ်းအရ နေ့လယ် ၂ နာရီ ၁၀ မိနစ်အချိန်မှာ လေယာဉ်ဆင်းသက်ခွင့် ရရှိခဲ့ပြီး ပြေးလမ်းကြောင်းမှာ လေအတိုးအခတ် ရှိနိုင်တယ်လို့ လေယာဉ်မှူးတွေကို သတိပေးခဲ့ပါတယ်။

▪️ အမေရိကန်လေကြောင်းမှာ ၂၅ နှစ်တာ ပျံသန်းခဲ့ဖူးတဲ့ ကောက်စ်က NTSBစုံစမ်းစစ်ဆေးရေးမှာ လုပ်ဆောင်နေပါတယ်။

▪️ CRJ-900 လေယာဉ်က ဆယ်စုနှစ်တွေကြာအောင် ပျံသန်းထားပြီး ရာသီဥတုဆိုးရွားမှုကို ကောင်းစွာထိန်းချုပ်နိုင်ကြောင်း သက်သေပြထားပြီး ဖြစ်ပါတယ်။

▪️ Delta စီအီးအို အက်ဒ်ဘက်ရှန်က ယခုဖြစ်ရပ်မှာ ထိခိုက်ခဲ့သူတွေအတွက် Deltaတစ်ဖွဲ့လုံး စိတ်မကောင်းဖြစ်မိတယ်လို့ ဖော်ပြထားပါတယ်။

#Source: AP News