#World_Health
Published 20 February 2025

▪️ အိမ်မွေးတိရိစ္ဆာန် မွေးထားခြင်းက ခန္ဓာကိုယ်ရောစိတ်ပါ သက်သာရာရစေသလို ရရှိလာတဲ့ ကျန်းမာရေး အကျိုးကျေးဇူးတွေကို အသိအမှတ် ပြုလာကြပါတယ်။

▪️ ဂျပန်ပတ်ဝန်းကျင်လေ့လာရေး အမျိုးသားတက္ကသိုလ်မှ သုတေသီတစ်ဦးက ကြောင်ထက်စာရင် ခွေးမွေးတာက သက်ကြီးရွယ်အိုတွေမှာ ဒီမန်ရှာနဲ့ ချည့်နဲ့ခြင်းတို့ ဖြစ်နိုင်ခြေ ပိုနည်းစေနိုင်ဖွယ်ရှိတယ်လို့ တွေ့ရှိထားပါတယ်။

▪️ သက်ကြီးရွယ်အို စောင့်ရှောက်ရေးအထူးပြု ယူတာနီဂူချီနဲ့အဖွဲ့က တိုကျို အိုတာရပ်ကွက်မှ အသက် ၆၅ နှစ်အထက် လူပေါင်း ၁၁,၀၀၀ ခန့်ကို ၄ နှစ်ကြာအောင် သုတေသန ပြုခဲ့ပါတယ်။

▪️ ခွေးမွေးတဲ့သူတွေက မမွေးတဲ့သူတွေထက် ဒီမန်ရှာဖြစ်နိုင်ခြေ ၄၀ ရာခိုင်နှုန်းပိုနည်းတာ တွေ့ခဲ့ကြပါတယ်။

▪️ အခြားလေ့လာချက်တစ်ခုမှာလည်း ခွေးမွေးသူတွေက ကြွက်သားခွန်အား နည်းပါးခြင်းနဲ့ ရုပ်ပိုင်းဆိုင်ရာ အားနည်းခြင်းတို့ ဖြစ်နိုင်ခြေ ၂၀ ရာခိုင်နှုန်းပိုနည်းတာ တွေ့ရပါတယ်။

▪️ ဒါပေမဲ့ ကြောင်မွေးသူတွေကတော့ ထိုကဲ့သို့ အခြေအနေများ ဖြစ်နိုင်ခြေ သိသိသာသာ လျော့နည်းတာမျိုး မတွေ့ရပါဘူး။

▪️ ခွေးပိုင်ရှင်တွေက ခွေးကျောင်းတဲ့အခါလိုမျိုးမှာ အထီးကျန်ပြဿနာမျိုး သက်သာစေပါတယ်။

▪️ ခွေးမရှိပေမယ့် လေ့ကျင့်ခန်း ပုံမှန်လုပ်တဲ့သူတွေမှာလည်း ဒီမန်ရှာဖြစ်နိုင်ခြေ လျော့နည်းတာ တွေ့ရပါတယ်။

▪️ ခွေးပိုင်ဆိုင်ပြီး လေ့ကျင့်ခန်းလုပ်တဲ့ သူတွေမှာတော့ ပိုပြီးသိသာထင်ရှားပါတယ်။

▪️ ဘယ်လိုပဲဖြစ်ဖြစ် ခွေးမွေးထားရုံနဲ့တော့ ကျန်းမာရေးအကျိုးကျေးဇူး အာမခံချက်မပေးနိုင်ဘဲ ကိုယ်လက်လှုပ်ရှားမှု၊ ပေါင်းသင်းဆက်ဆံမှုတို့ကလည်း ပတ်သက်နေကြောင်း တာနီဂူချီက ပြောသွားပါတယ်။

#Source: Mainichi

အမေရိကန်သမ္မတ ဒေါ်နယ်ထရမ့်မှ '၅၁ ခုမြောက်ပြည်နယ်'ဆိုပြီး မှတ်ချက်ပြုခဲ့တဲ့အပေါ် ကနေဒါ ဗန်ကူဗာမြို့သားတွေက မကျေနပ်ကြဘဲ ထရမ့်ရဲ့ပြောကြားချက်ကို ဆန့်ကျင်တဲ့အနေနဲ့ စနေနေ့တိုင်း မြို့ထဲက အမေရိကန်ကောင်စစ်ဝန်ရုံးရှေ့မှာ စုဝေးဆန္ဒပြနေကြပါတယ်။
#World_News
Published 19 February 2025
#ဒေါ်နယ်ထရမ့် #ကနေဒါနိုင်ငံသားများဆန္ဒပြ
#YMG #Yangon_Times #Yangon_Media_Group

#Daily_News
Published  19 February 2025

၁။ ပြည်ပသို့ ရေထွက်ကုန်တန်ချိန် သုံးသိန်းကျော်ဖြင့် ယခင်နှစ်ထက်ပိုတင်ပို့နိုင်

၂။ ဆောင်းသီးနှံအတွက် အာမခံလျော်ကြေးငွေ ကျပ်သန်း(၆၀၀)ကျော်ပေးလျော်မည်

၃။ တရုတ်နှင့်အိန္ဒိယမှမြန်မာ့ပြောင်းဆံ ဝယ်ယူရန်ကမ်းလှမ်းနေ၍ ဈေးမြင့်လာနိုင်

၄။ အမေရိကန်၏ (၅၁)ခု မြောက်ပြည်နယ်ဖြစ်သင့်ကြောင်း ဒေါ်နယ်ထရမ့်မှတ်ချက်အပေါ် ကနေဒါနိုင်ငံသားများ ဆန္ဒပြကန့်ကွက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 19 February 2025

▪️ ရန်ကုန်တိုင်းဒေသကြီးအတွင်း ‌ဆန်ဈေးနှုန်းများကြီးမြင့်စွာ ရောင်းချမှုမရှိစေရေး နေ့စဉ်ကွင်းဆင်း စစ်ဆေးလျှက်ရှိကြောင်း စားသုံးသူရေးရာဦးစီးဌာနမှ သိရသည်။

▪️ ထိုသို့ စစ်ဆေးဆောင်ရွက်ရာတွင် မြို့နယ်များအတွင်းရှိ ဆန်လက်လီရောင်းချနေသောဆိုင်များအားစားသုံးသူရေးရာဦးစီးဌာနမှ တာဝန်ရှိသူများ၊မြို့နယ်အထွေထွေ အုပ်ချုပ်ရေးဦးစီးဌာနမှ တာဝန်ရှိသူများ၊  မြို့နယ်စည်ပင်သာယာရေးကော်မတီမှ တာဝန်ရှိ သူများ၊ မြို့နယ်ရဲတပ်ဖွဲ့မှ တာဝန်ရှိသူ များနှင့် ပူးပေါင်းပြီး ဆန်ရောင်းချမှု အခြေအနေများကို ကွင်းဆင်းအသိပညာပေးမှုများ ဆောင်ရွက်လျှက်ရှိကြောင်း သိရသည်။

▪️ ကွင်းဆင်းစစ်‌ေဆးရာတွင် ဆန်ဆိုင်များရှိ ရောင်းချနေသော ဆန်များသည် ရက် (၉၀)၊ ဆင်းသုခ၊ မနောသုခ၊ တောင်ပျံ၊ ကြားပျံ ရွှေဘိုပေါ်ဆန်း၊ မြောင်းမြပေါ်ဆန်း၊ ပုသိမ်ပေါ်ဆန်း၊ ဖျာပုံကြားပျံ၊ ဖျာပုံတောင်ပျံဆန်များကို ဝါးတန်းကုန်စည်ဒိုင်မှ အများဆုံး ဝယ်ယူ ရောင်းချလျက်ရှိကြောင်း၊ ကုန်စည်ဒိုင်မှ ချပြလိုက်သောဈေးနှုန်းများအတိုင်း ဆန်ဈေးနှုန်း များဖြင့်ရောင်းချနေကြောင်း၊ ဆန်ရောင်းချမှုမှာလည်း ပုံမှန်အတိုင်းရှိပြီး ဆန်သိုလှောင်မှု အိတ်အရေအတွက် များစွာမရှိပဲ ပုံမှန်ဖြန့်ဖြူး ရောင်းချလျက်ရှိကြောင်းကို စစ်ဆေးတွေ့ရှိခဲ့ရကြောင်း၊ ထို့နောက်ဆန်ဆိုင်များအားဆန်ဈေးနှုန်းကြီးမြှင့်မှု မဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင် ထားခြင်းမပြုရန် မြန်မာနိုင်ငံ ဆန်စပါးအသင်းချုပ်မှ သတ်မှတ် ထားသောဈေးနှုန်းများအတိုင်း ရောင်းချသွားရန်ပြောကြားခဲ့ကြောင်း သိရသည်။

▪️ ထိုညွန်ကြားချက်များအား လိုက်နာမှုမရှိသည့် ဆိုင်များအားဥပဒေအရ အရေးယူသွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 19 February 2025

▪️ ရန်ကုန်-ပုသိမ်လမ်းမကြီး၊ အဝေးပြေးကားဝန်းရှေ့တွင် ယာဉ်တိုက်မှုဖြစ်ပွားပြီး လူ(၁)ဦး ညပ်နေ၍ ကယ်ထုတ်ပြီး လှိုင်သာယာ ဆေးရုံသို့တင်ပို့
ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဖေဖော်ဝါရီ ၁၉ရက်နေ့၊ မနက် ၁၁ နာရီ ၄ မိနစ်အချိန်ခန့်က ရန်ကုန်တိုင်းဒေသကြီး၊ လှိုင်သာယာမြို့နယ်၊ ရန်ကုန်-ပုသိမ်လမ်းမကြီး၊ အဝေးပြေးကားဝန်းရှေ့တွင် ယာဉ်တိုက်မှုဖြစ်ပွားပြီး လူ(၁)ဦး ညပ်နေကြောင်း သိရသည်။

▪️ အဆိုပါ သတင်းရရှိသဖြင့် လှိုင်သာယာမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့်  ကယ်ဆယ်ရေးလုပ်ငန်းများ သွားရောက်ကူညီဆောင်ရွက်ခဲ့ရာ ၁၁ နာရီ ၁၉မိနစ် အချိန်တွင် ညပ်နေသူ(၁)ဦးအား ကယ်ထုတ်နိုင်ခဲ့ပြီး သာဓုဓ္မပရဟိတအသင်းမှ လူနာတင်ယာဉ်ဖြင့် လှိုင်သာယာမြို့နယ်ပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

#YMG/NN #Yangon_Times

မြန်မာနိုင်ငံကနေ တရုတ်ပြည်သူ့သမ္မတနိုင်ငံကို စားသောက်ကုန်ပစ္စည်းတွေ တင်ပိုဖို့ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့ (GACC) မှာမှတ်ပုံတင်ထားတဲ့ ကုမ္ပဏီပေါင်း ၁၇၀၀ခန့်ရှိတယ်လို့
GACC, ရုံးလုပ်ငန်းအဖွဲ့၊ ပြည်တွင်းကုန်သွယ်မှုဌာနခွဲမှ သိရပါတယ်။
#Local_News
Published  19 February 2025
#GACCမှတ်ပုံတင် #ပြည်တွင်းကုန်သွယ်မှုဌာန
#YMG/SW #Yangon_Times

ပြည်တွင်းကထွက်ရှိတဲ့ ပြောင်းဆံကို  တရုတ်နိုင်ငံက ဝယ်ယူဖို့ ကမ်းလှမ်းနေသလို အိန္ဒိယနိုင်ငံကလည်း ထပ်တိုးဝယ်ယူဖို့ ကမ်းလှမ်းတာတွေရှိနေတာကြောင့်ဈေးမြင့်လာဖို့ အလားအလာရှိနေတယ်လို့ မြန်မာနိုင်ငံပြောင်းလုပ်ငန်းအသင်းက သိရပါတယ်။
#Local_News
Published  19 February 2025
#မြန်မာ့ပြောင်းဆံ #မြန်မာနိုင်ငံပြောင်းလုပ်ငန်းအသင်း
#YMG/NN #Yangon_Times

ရာသီဥတုအညွှန်းကိန်းအခြေပြု သီးနှံအာမခံထဲမှ ဆောင်းသီးနှံအတွက် အာမခံလျော်ကြေးငွေ ကျပ်သန်း(၆၀၀)ကျော်ပေးလျော်သွားမယ်လို့ မြန်မာ့အာမခံလုပ်ငန်းမှ သိရပါတယ်။
#Local_News
Published  19 February 2025
#အာမခံလျော်ကြေးငွေ #မြန်မာ့အာမခံလုပ်ငန်း
#YMG/SW #Yangon_Times

အခုဘဏ္ဍာနှစ် ၁၀ လအတွင်း ပြည်ပသို့ရေထွက်ကုန်ငါးမက်ထရစ်တန်ချိန် သုံးသိန်းကျော်တင်ပို့နိုင်ခဲ့ပြီး အရင်နှစ်ကထက်ပိုတင်ပို့နိုင်ခဲ့တယ်လို့ ငါးလုပ်ငန်းဦးစီးဌာနကနေ  သိရပါတယ်။
#Local_News
Published  19 February 2025
#ရေထွက်ကုန် #ငါးလုပ်ငန်းဦးစီးဌာန
#YMG/NN #Yangon_Times

#World_News
Published 19 February 2025

▪️ အမေရိကန်သမ္မတ ဒေါ်နယ်ထရမ့်က ဘိုင်ဒင်လက်ထက်က ကျန်ရှိတဲ့ အစိုးရရှေ့နေအားလုံးကို အလုပ်ရပ်ဆိုင်းဖို့ တရားစီရင်ရေးဌာနကို ညွှန်ကြားထားတယ်လို့ အင်္ဂါနေ့က ပြောလိုက်ကာ တရားစီရင်ရေးဌာနက အရင်ကမကြုံဖူးတဲ့ နိုင်ငံရေးပတ်သက်မှုများ ရှိထားတယ်လို့ ဆိုလိုက်ပါတယ်။

▪️ "ဒီဌာနကို ချက်ချင်းရှင်းလင်းရမှာဖြစ်ပြီး ယုံကြည်မှုပြန်လည်ရယူရပါမယ်။ အမေရိကားရဲ့ ရွှေရောင်နေ့ရက်များက မျှတတဲ့ တရားစီရင်ရေးစနစ် ရှိရပါမယ်" လို့ ထရမ့်က Truth Social မှာ တင်ထားပါတယ်။

▪️ ဒါနဲ့ပတ်သက်ပြီး တရားစီရင်ရေးဌာနက တုံ့ပြန်ပြောကြားခြင်း မရှိသေးပါဘူး။

▪️ ပြီးခဲ့တဲ့အပတ်က အိမ်ဖြူတော်ဟာ ဒီမိုကရက်တစ်သမ္မတဟောင်း ဂျိုးဘိုင်ဒင်ခန့်အပ်ခဲ့တဲ့ နိုင်ငံတဝှမ်းမှ အမေရိကန် အစိုးရရှေ့နေအများအပြားထံ အလုပ်ထုတ်ပယ်ကြောင်း အသိပေးစာများ ပေးပို့ခဲ့ပါတယ်။

▪️ တနင်္လာနေ့မှာ ဘိုင်ဒင်ခန့်အပ်ခဲ့တဲ့ အစိုးရရှေ့နေ အများအပြား အလုပ်နုတ်ထွက်ကြောင်း ကြေညာခဲ့ကြပြီး အချို့ကတော့ ပြီးခဲ့တဲ့ သီတင်းပတ်က အစိုးရအလုပ်ကနေ ထွက်ခွာခဲ့ကြပါတယ်။

▪️ သမ္မတအစိုးရအဖွဲ့ ပြောင်းလဲတဲ့အခါ အမေရိကန်အစိုးရရှေ့နေတွေ နုတ်ထွက်ကြတာ အစဉ်အလာဖြစ်နေပြီး တက်လာတဲ့အစိုးရက အလုပ်နားမလားဆိုတာကို မေးမြန်းကြပြီး အလုပ်ရပ်စဲကြောင်းစာတွေ မထုတ်ပြန်ဘူးလို့ တရားစီရင်ရေးဌာနမှ လက်ရှိရှေ့နေတွေနဲ့ ရှေ့နေဟောင်းတို့က ဆိုပါတယ်။

▪️ ဥပဒေစိုးမိုးရေးဌာနအရာရှိတွေက သာမန်အားဖြင့် အစိုးရအကူးအပြောင်းမှာ ကျန်ရှိနေတတ်ကြပါတယ်။

▪️ ဒါပေမဲ့ ထရမ့်သမ္မတပြန်ဖြစ်လာတဲ့အချိန်မှာတော့ ဝါရှင်တန်၊ နယူးယော့ခ်အပါအဝင် အခြားမြို့များမှ အရာရှိဒါဇင်ခန့်ဟာ အလုပ်ထုတ်ပယ်ခံရခြင်း၊ နုတ်ထွက်ခြင်းတို့ ဖြစ်လာကြပါတယ်။

▪️ တရားစီရင်ရေးဌာနမှာ နိုင်ငံရေးအသုံးချနေခြင်းကို အဆုံးသတ်သွားမယ်လို့ ထရမ့်က စည်းရုံးပြောဆိုထားကာ သမ္မတမဖြစ်ခဲ့ချိန် ပြီးခဲ့တဲ့နှစ်များအတွင်း တရားစီရင်ရေးဌာနက ထရမ့်ကိုတရားစွဲဆိုခဲ့ရာမှာ ပါဝင်ခဲ့တာ ဖြစ်ပါတယ်။

#Source: Reuters

#Local_News
Published 19 February 2025

▪️ "အိန္ဒိယနီညို"နှင့်အားပျော့သော လာနီညာအခြေအနေများကြောင့် ဖေဖော်ဝါရီတတိယအပတ်အတွင်းမိုးရွာနိုင်ကြောင်း ပြင်ပမိုးလေဝသပညာရှင် ဦးဝင်းနိုင်က ယနေ့တွင် သုံးသပ်ထားသည်။

▪️ အားပျော့သော လာနီညာအခြေအနေဆက်လက်ဖြစ်ပေါ်နေခြင်း၊ အရှေ့မြောက်မုတ်သုံလေအားကောင်းလျှက်ရှိခြင်းနှင့် "အိန္ဒိယနီညို" ဟုခေါ်သော Indian Ocean Dipole Positive to Neutral ကူပြောင်းလျှက်ရှိသည့်အခြေအနေစသည်တို့ကြောင့် ဖေဖေါ်ဝါရီလ ၂၁ ရက်နောက်ပိုင်းမှ စတင်၍ မြန်မာနိုင်ငံတောင်ပိုင်းဒေသများတွင်လည်းကောင်း၊ ဖေဖေါ်ဝါရီ ၂၄ ရက်နေ့မှ စတင်၍ ရှမ်းပြည်နယ်၊ ဧရာဝတီတိုင်း၊ ပဲခူးတိုင်းအရှေ့ခြမ်းနှင့် ကရင်ပြည်နယ်၊ မွန်ပြည်နယ်၊ တနင်္သာရီတိုင်းတို့တွင် တိမ်ဖုံးအုပ်မှုပိုမိုလာပြီး အပူချိန်ငွေ့ရည်ဖွဲ့အမှတ် နီးစပ်သည့်အခါ မိုးအနည်းငယ် ရွာနိုင်ပြီး ရွာရန် မိုးရေချိန်ရာခိုင်နှုန်း ၁၀ မီလီမီတာ မှ ၁၅ မီလီမီတာခန့်သာ အများဆုံးဖြစ်နိုင်ကြောင်း ၎င်းကဆိုသည်။

▪️ အဆိုပါ အားပျော့သည့် လာနီညာအခြေအနေဖြစ်ပေါ်နေခြင်းသည် မတ်လမှ မေလအတွင်း ကြားနေရာသီဥတု(Neutral)သို့ ကူးပြောင်းနိုင်မည့်အခြေအနေ ၆၆% ရှိကြောင်းကိုလည်း NOAA-Climate Prediction Center -CPC မှ ဖေဖေါ်ဝါရီ ၁၈ ရက်တွင်  ကြိုတင်ခန့်မှန်းချက်အသစ်ထုတ်ပြန်ထား ခြင်းကြောင့် ရာသီဥတုပြောင်းလဲခြင်းအခြေအနေသည် ပုံမှန်သာရှိနေဦးမည်ဖြစ်ကြောင်းလည်း သိရသည်။

#YMG/NN #Yangon_Times

#Local_News

Published 19 February 2025

▪️ ပုဂ္ဂလိကလုံခြုံရေး ဝန်ဆောင်မှုလုပ်ငန်းလုပ်ကိုင်သူများအ‌နေဖြင့် ဖေဖော်ဝါရီလ ၁၈ရက်ကစပြီး ခြောက်လအတွင်း သတ်မှတ်ချက်များနှင့်အညီ လိုင်စင်လျှောက်ထားရမည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီက ဖေဖော်ဝါရီ ၁၈ ရက်တွင် ပြဋ္ဌာန်းလိုက်သည့်ပုဂ္ဂလိကလုံခြုံရေးဝန်ဆောင်မှုဆိုင်ရာဥပဒေတွင် ဖော်ပြပါရှိသည်။

ပုဂ္ဂလိက လုံခြုံရေးဝန်ဆောင်မှုလုပ်ငန်းကို လိုင်စင်မရှိဘဲ တည်ထောင်လုပ်ကိုင်ပါကထောင်ဒဏ်တစ်နှစ်မှသုံးနှစ်ထိ ချမှတ်မည့်အပြင် ငွေဒဏ်လည်း ချမှတ်နိုင်‌ကြောင်း၊ ထို့ကြောင့်ယခုဥပဒေမပြဋ္ဌာန်းမီက ကိုယ်ပိုင်လုပ်ငန်း သို့မဟုတ် လုပ်ငန်းခွဲအတွက် ၁၀ ဦးထက် ပိုသည့် ပုဂ္ဂလိကလုံ ခြုံရေးဝန်ထမ်းခန့်ထားသူများအနေဖြင့်လည်း ဥပဒေပြဋ္ဌာန်းသည့် နေ့ကစပြီး ခြောက်လအတွင်း သတ်မှတ်ချက်များနှင့်အညီ ခွင့်ပြုမိန့် လျှောက်ထားရမည်ဖြစ်ကြောင်း သိရသည်။

ပုဂ္ဂလိက လုံခြုံရေးဝန်ဆောင်မှုလုပ်ငန်း လျှောက်ထားသူသည် မြန်မာနိုင်ငံကုမ္ပဏီများဥပဒေနှင့်အညီ မှတ်ပုံတင်ထားသည့် ကုမ္ပဏီဖြစ်ရမည်ဖြစ်ပြီး သက်ဆိုင်ရာ တိုင်း နှင့်ပြည်နယ်များရှိ ပုဂ္ဂလိကလုံခြုံရေးဝန်ဆောင်မှု ကြီးကြပ်ကွပ်ကဲရေး ကော်မတီကို ဖော်ပြထားသည့် အချက်အလက်များကို ဖော်ပြလျှောက်ထားရမည်ဖြစ်ကြောင်း၊ လိုင်စင်ရရှိသူ‌များအ‌နေဖြင့် ပုဂ္ဂလိကလုံခြုံရေးဝန်ဆောင်မှုလုပ်ငန်းလုပ်ကိုင်ရာတွင်လိုအပ်ချက်အရ လက်နက်ခဲယမ်းနှင့်ဆက်စပ်ပစ္စည်း ကိုင်ဆောင်ခွင့်နှင့်ပတ်သက်ပြီး ပုဂ္ဂလိကလုံခြုံရေးဝန်ဆောင်မှု ကြီးကြပ်ကွပ်ကဲရေး ဗဟိုကော်မတီ၏ ခွင့်ပြုချက်ဖြင့် လက်နက်ဥပဒေ၊ လက်နက်ခဲယမ်းကိုင်ဆောင်ခွင့်မူ၊ တည်ဆဲဥပဒေများနှင့်အညီဆောင်ရွက်ရမည်ဖြစ်ကြောင်း ပြဋ္ဌာန်းချက်တွင် ဖော်ပြထားသည်။

#YMG/SW #Yangon_Times