#Local_News
Published_28 March 2025

▪️ ရန်ကုန်တိုင်းဒေသကြီး၊ စမ်းချောင်းမြို့နယ်၊ ရန်ကုန်-ပြည်လမ်း၊ မြေနီကုန်းခုံးကျော်တံတားအနီးတွင် မတ်လ ၂၇ ရက် ယမန်နေ့ ည ၁၁ နာရီခွဲခန့်အချိန်က ယာဉ်တိမ်းမှောက်၍ တစ်ဦးသေဆုံးကာ ၃ ဦး ဒဏ်ရာရခဲ့ကြောင်း သိရသည်။

▪️ သေဆုံးသူမှာ ယာဉ်မောင်း လူငယ်တစ်ဦးဖြစ်ပြီး ယာဉ်ပေါ်တွင် အရွယ်မရောက်သေးသည့် ကလေးများလည်း ပါဝင်ကြောင်း၊ ဟံသာဝတီအဝိုင်းဘက်က မြေနီကုန်းဘက်သို့ မောင်းနှင်လာစဉ် မဟာမြိုင်မှတ်တိုင်အကျော် ရောက်ရှိချိန်တွင် အရှိန်လွန်ကာတိမ်းမှောက်ခဲ့ခြင်းဖြစ်ကြောင်း သိရသည်။

▪️ “မဟာမြိုင်မှတ်တိုင်အလွန် မှာ ဓာတ်တိုင်ကို တိုက်တာ။ ကားက အရှိန် ဘယ်လောက် ပြင်းလဲဆိုရင် ဓာတ်တိုက်တိုက်ပြီး မြောက်တက်သွားပြီးတော့ ခရစ်ယာန်ဘုရားကျောင်းနားထိ ရောက်သွားတာ။ ကားပေါ်မှာ ပါတဲ့ ကလေးနှစ်ယောက်ကတော့ နည်းနည်းပါးပါးပဲ ထိတယ်။ အမျိုးသမီးတစ်ယောက်ကတော့ ဒဏ်ရာပြင်းတယ်” ဟု မျက်မြင်တွေ့ရှိသူက YMG ကို ပြောသည်။

▪️ ယင်းယာဉ်တိမ်းမှောက်မှုဖြစ်ပွားသည့် သတင်းအရ စမ်းချောင်းအရန်မီးသတ်က အရေးပေါ်လူနာတင်ယာဉ် ၂ စီးထွက်ခွာခဲ့ပြီး ဖြစ်စဉ်မှာ ယာဉ်ပေါ်ပါ သေဆုံးသူယာဉ်မောင်း အမျိုးသားကို စမ်းချောင်းအရန်မီးသတ်လူနာ တင်ယာဉ်ဖြင့်လည်းကောင်း၊ အနီရောင်အဆင့် အမျိုးသမီးလူနာနှင့် ဦးခေါင်းထိခိုက် ကလေးငယ်၂ ဦး(ပွန်းပဲ့ ဒဏ်ရာ အနည်းငယ်ရရှိ)ကို အကြင်နာကုသိုလ်ပြုရုံးခွဲ(စမ်းချောင်း) လူနာတင်ယာဉ်ဖြင့် လည်းကောင်း ရန် ကုန်ဆေးရုံကြီးသို့ ပို့ဆောင်ကူညီပေးခဲ့ကြကြောင်း စမ်းချောင်း ရဲသူရိန်အရန်မီးသတ်တပ်ဖွဲ့ထံက သိရသည်။

#Yangon_Times/PP

#World_Health
Published 28 March 2025

▪️ ပီကေဝါခြင်းက ဦးနှောက်သို့ သွေးစီးဆင်းမှုကောင်းစေပြီး နိုးကြားမှု၊ အာရုံစူးစိုက်မှု၊ ဦးနှောက်အသိဉာဏ် လုပ်ဆောင်ချက်တို့ကို မြှင့်တင်ပေးနိုင်တယ်လို့ သိထားကြပါတယ်။

▪️ ဦးနှောက်အတွက် အကျိုးရှိစေမယ့် နောက်ထပ်ပစ္စည်းက သစ်သားဖြစ်တယ်လို့ တောင်ကိုရီးယားသုတေသီများ တွေ့ရှိခဲ့ကြပါတယ်။

▪️ သစ်သားလျှာဖိတံကို ၅ မိနစ်ကြာအောင် ကိုက်ထားပါက ဦးနှောက်ထဲက အဓိက ဓာတ်တိုးဆန့်ကျင်ပစ္စည်း ဂလူတာသိုင်အုန်းကို မြင့်တက်စေတယ်လို့ တွေ့ရှိလာပါတယ်။

▪️ ဒီလေ့လာချက်အတွက် တောင်ကိုရီးယား ဒယ်ဂူမှ ကျန်းမာရေးကောင်းတဲ့ တက္ကသိုလ်ကျောင်းသား ၅၂ ဦးကို အဖွဲ့ ၂ဖွဲ့ခွဲခဲ့ပါတယ်။

▪️ ၂၇ ဦးကို ရေနံဖယောင်းပီကေ ပေးခဲ့ပြီး ကျန်တဲ့သူတွေကို ရေခဲချောင်းတုတ်တံတွေ ပေးခဲ့ပါတယ်။

▪️ ပါးစောင်းညာဘက်မှာ စက္ကန့် ၃၀ ကြာအောင် ဝါးစေပြီး စက္ကန့် ၃၀ နားခိုင်းကာ စုစုပေါင်း ၅ မိနစ်အတွင်း တလှည့်စီ ပြုလုပ်စေပါတယ်။

▪️ သုတေသီတွေက သံလိုက်ပဲ့တင် ရောင်စဉ်တိုင်းကိရိယာဖြင့် ဦးနှောက်ထဲက ဂလူတာသိုင်အုန်း ပြော်ငးလဲမှုများကို တိုင်းတာခဲ့ပါတယ်။

▪️ ပါဝင်စမ်းသပ်သူတွေကို မဝါးခင်နဲ့ ဝါးပြီးနောက်မှာ ဦးနှောက်အသိဉာဏ် စမ်းသပ်မှုပြုလုပ်ခဲ့ပါတယ်။

▪️ သစ်သားတုတ်တံဝါးတဲ့သူတွေက ဂလူတာသိုင်အုန်း ပိုမိုမြင့်တက်ခဲ့ပြီး စမ်းသပ်မှုရလဒ် ပိုကောင်းခဲ့ပါတယ်။

▪️ ဒါကြောင့် အတန်သင့်မာကျောတဲ့ ပစ္စည်းတွေကို ဝါးခြင်းက ဦးနှောက်ထဲမှာ ဂလူတာသိုင်အုန်း မြင့်တက်ခြင်းနဲ့ ဆက်စပ်နေနိုင်တယ်လို့ ယူဆလာကြတာ ဖြစ်ပါတယ်။

▪️ ဂလူတာသိုင်အုန်း မြင့်တက်တဲ့အခါ ဦးနှောက်ထဲ သွေးစီးဆင်းမှု ကောင်းမွန်စေပါတယ်။

▪️ သွေးစီးဆင်းမှုကောင်းတဲ့အခါ ဦးနှောက်တစ်ရှူးတွေထဲသို့ အောက်ဆီဂျင်နဲ့ အာဟာရဓာတ်များ ရောက်ရှိစေပါတယ်။

▪️ ဝါးစားလို့ရမယ့် အစားအစာတွေအနေနဲ့ မုန်လာဥနီစိမ်း၊ နံနံပင်၊ ဗာဒံစေ့၊ သီဟိုဠ်စေ့တို့ ရှိပါတယ်။

#Source: New York Post

တရုတ်စီးပွားကူးသန်းဝန်ကြီး ဝမ်ဝင်ထောင်က တရုတ်ပြည်သို့ လာရောက်လည်ပတ်တဲ့ Appleစီအီးအို တင်မ်ကွတ်ခ်နဲ့ ပေကျင်းမှာ တနင်္လာနေ့က တွေ့ဆုံခဲ့ကြောင်း စီးပွားကူးသန်းဌာနက ထုတ်ပြန်လိုက်ပါတယ်။
#World_Development
Published 27 March 2025
#တရုတ်-အမေရိကန် #Appleစီအီးအို
#YMG #Yangon_Times #Yangon_Media_Group

#Daily_News

Published 27 March 2025

၁။ သင်္ကြန်ကာလအတွင်း မန္တလေးတိုင်းဒေသကြီးအတွင်းရှိ ယဉ်ကျေးမှုဇုန်များ ဖွင့်လှစ်ပေးထားမည်

၂။ အမေရိကန်သို့ မြန်မာ့ရေထွက်ကုန်များ တင်ပို့ရန်ပြင်ဆင်

၃။ ယခုနှစ်ထောပတ်သီးတန်ချိန် တစ်သောင်းကျော်တင်ပို့

၄။ တရုတ်စီးပွားကူးသန်းဝန်ကြီးနှင့် Apple စီအီးအိုတို့ တရုတ်-အမေရိကန် စီးပွားဆက်ဆံရေး တွေ့ဆုံဆွေးနွေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 27 March 2025

▪️ အမေရိကန်ဆိုင်ရာ ရုရှားသံအမတ်သစ်က သံအမတ်ခန့်အပ်ခြင်းဆိုင်ရာ အထောက်အထားများကို ဒေါ်နယ်ထရမ့်အစိုးရထံ ကြာသပတေးနေ့မှာ တင်ပြသွားမှာဖြစ်တယ်လို့ အမေရိကန် နိုင်ငံခြားရေးဝန်ကြီးဌာနက ဗုဒ္ဓဟူးနေ့မှာ ပြောခဲ့ပါတယ်။

▪️ ဖော်ပြချက်အရ အမေရိကန်ဆိုင်ရာ ရုရှားသံအမတ်အဖြစ် မကြာသေးမီကမှ ခန့်အပ်ခံရတဲ့ အလက်ဇန်ဒါးဒါချိဗ်က စံတော်ချိန် နေ့လယ် ၂ နာရီ ၁၅ မိနစ်မှာ ခန့်အပ်လွှာအထောက်အထားများကို တင်ပြမှာဖြစ်ပါတယ်။

▪️ ဥရောပနဲ့ ယူရေးရှားရေးရာဗျူရိုမှ အကြီးတန်းဗျူရိုအရာရှိ လူးဝစ်အယ်လ်ဘိုနို တက်ရောက်မယ်လို့ ဆိုပါတယ်။

▪️ ဒါချိဗ်ဟာ ဝါရှင်တန်နေအိမ်သို့ ရောက်ရှိနေပြီလို့ ရုရှားနိုင်ငံပိုင် RIAသတင်းဌာနက ဗုဒ္ဓဟူးနေ့ညနေမှာ ဖော်ပြထားပါတယ်။

▪️ သူ့ရဲ့နေအိမ်အပြင်ဘက်မှာ သတင်းထောက်အချို့ ရောက်ရှိလာပေမယ့် ဖြေကြားခြင်းမရှိခဲ့ဘူးလို့ ဖော်ပြပါတယ်။

▪️ ရောက်ရှိချိန်မှာ ရုရှားသတင်းထောက်တွေကို ပြောခဲ့ရာမှာတော့ ဆက်ဆံရေး ပုံမှန်ပြန်လည်ထူထောင်ရေးနဲ့ သံတမန်ရေးရာတာဝန်များ လုပ်ဆောင်ရေးတို့မှာ အခွင့်အလမ်းတွေ ပွင့်လာပြီလို့ ပြောခဲ့ပါတယ်။

▪️ ရုရှားဟာ အောက်တိုဘာလက နောက်ဆုံးသံအမတ် ထွက်ခွာပြီးနောက် အမေရိကန်မှာ နောက်ထပ်သံအမတ် မထားခဲ့ပါဘူး။

▪️ ဒါချိဗ်ဟာ ဝါရှင်တန်သံရုံးမှာ တာဝန်ထမ်းဆောင်ဖူးသလို ၂၀၁၄ကနေ ၂၀၂၁ အထိ ကနေဒါဆိုင်ရာ ရုရှားသံအမတ်အဖြစ် ထမ်းဆောင်ခဲ့ပါတယ်။

▪️ ဒါချိဗ်ဟာ လတ်တလောနှစ်တွေမှာ အမေရိကန်နဲ့ အနောက်တိုင်းကို လူသိရှင်ကြား ပြင်းပြင်းထန်ထန် ရှုတ်ချထားပါတယ်။

▪️ ရုရှားနဲ့ အမေရိကန်တို့ဟာ ယူကရိန်းပဋိပက္ခကြောင့် ပျက်စီးခဲ့ရတဲ့ ဆက်ဆံရေးကို ပြုပြင်ဖို့ကြိုးပမ်းနေချိန်မှာ ဒါချိဗ်ကို သံအမတ်ခန့်အပ်ခဲ့တာ ဖြစ်ပါတယ်။

#Source: Reuters

ရန်ကုန်ဆိပ်ကမ်း၌ ကုန်သေတ္တာတန်ချိန် ၅၀၀၀၀ သင်္ဘောကြီးတွေကို အဝင် အထွက်အတွက် လက်ခံဝန်ဆောင်မှုပေးနေတယ်လို့ ပို့ဆောင်ရေးနှင့်ဆက်သွယ်ရေးဝန်ကြီးဌာနက သိရပါတယ်။
#Local_News 
Published 27 March 2025
#ရန်ကုန်ဆိပ်ကမ်း #ပို့ဆောင်ရေးနှင့်ဆက်သွယ်ရေးဝန်ကြီးဌာန
#YMG/NN #Yangon_Times

အခုနှစ်ထောပတ်သီးရာသီချိန်အတွင်း ထိုင်းနိုင်ငံကို တန်ချိန်တစ်သောင်းကျော်တင်ပို့နိုင်ခဲ့တယ်လို့ မြန်မာနိုင်ငံထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်းက  သိရပါတယ်။
#Local_News 
Published 27 March 2025
#ထောပတ်သီး #မြန်မာနိုင်ငံထောပတ်သီးစိုက်ပျိုးထုတ်လုပ်
#YMG/NN #Yangon_Times

မြန်မာ့ရေထွက်ကုန်တွေကို အမေရိကန်နိုင်ငံသို့ စဉ်ဆက်မပြတ်တင်ပို့ခွင့်ရရှိရေးအတွက် ပြင်ဆင်ဆောင်ရွက်တာတွေ ပြုလုပ်နေတယ်လို့  စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနကနေ သိရပါတယ်။
#Local_News 
Published 27 March 2025
#မြန်မာ့ရေထွက်ကုန် #မွေးမြူရေးနှင့်ဆည်မြောင်းဝန်ကြီးဌာန
#YMG/NN #Yangon_Times

လာမယ့်သင်္ကြန်ကာလအတွင်း အများပြည်သူလေ့လာအပန်းဖြေနိုင်စေဖို့အတွက် မန္တလေးတိုင်းဒေသကြီးအတွင်းက ယဉ်ကျေးမှုဇုန်တွေကို ဖွင့်လှစ်ပေးထားမယ်လို့ ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ သိရပါတယ်။
#Local_News 
Published 27 March 2025
#ယဉ်ကျေးမှုဇုန် #အမျိုးသားပြတိုက်ဦးစီးဌာန
#YMG/SW #Yangon_Times

#Local_News
Published 27 March 2025

▪️ မြန်မာနိုင်ငံ ရုပ်ရှင်အစည်းအရုံးတွင်  ကျင်းပမည့်  မဟာသင်္ကြန်နှစ်သစ်အကြိုပွဲတော်တွင်  အသက်(၈၅)နှစ်အထက် သက်ကြီးပူဇော်ပွဲကိုပါ ထည့်သွင်းကျင်းပသွားမည် ဖြစ်ကြောင်း မြန်မာနိုင်ငံရုပ်ရှင်အစည်းအရုံးမှ  သိရသည်။

▪️ အဆိုပါ မဟာသင်္ကြန်နှစ်သစ်အကြိုပွဲတော်ကို ဧပြီလ ၉ ရက်  မနက် ၈ နာရီခွဲမှ  ညနေ ၆ နာရီအထိ ဗဟန်းမြို့နယ်၊ ဝင်္ကဘာလမ်းရှိ မြန်မာနိုင်ငံရုပ်ရှင်အစည်းအရုံး၌  ကျင်းပသွားမည်ဖြစ်ကြောင်း သိရသည်။

▪️ ထိုသို့ကျင်းပရာတွင် မနက် ၈ နာရီခွဲမှ  ၁၀ နာရီအထိ ရုပ်ရှင်လောကထဲရှိ  အသက်(၈၅)နှစ်အထက်သက်ကြီးဝါကြီးများကို မုန့်ဟင်းခါး၊ ကြာဇံဟင်းခါး၊ လက်ဖက်ရည်များကို ကျွေးမွေးလှူဒါန်းခြင်းနှင့်အတူ သက်ကြီးပူဇော်ပွဲကို ကျင်းပမည် ဖြစ်သည်။

▪️ ထို့နောက်မနက် ၁၀ နာရီတွင် ရုပ်ရှင်မိသားစုကလေးများ အတွက် ကစားစရာပစ္စည်းများ မဲဖောက်ပေးခြင်း၊ မနက် ၁၁ နာရီခွဲအချိန်တွင် နေ့လယ်စာကျွေးမွေးခြင်း၊ နေ့လယ် ၁ နာရီအချိန်တွင်မောင်တို့ချယ်ရီမြေ ဇာတ်ကားပြသခြင်း ညနေပိုင်းတွင် ဗလာမပါကံစမ်းမဲဖောက်ခြင်းများကိုပါ ထည့်သွင်းကျင်းပသွားမည်ဖြစ်ကြောင်း သိရသည်။

#YMG/NN #Yangon_Times

#World_Health
Published 27 March 2025

▪️ ဆားအလွန်အကျွံ စားသုံးနေကြတာက ကမ္ဘာတဝှမ်းမှာ ကျန်းမာရေးပြဿနာ ဖြစ်လာပြီး သွေးတိုး၊ နှလုံးရောဂါ၊ လေဖြတ်၊ ကျောက်ကပ်ပြဿနာများ ဖြစ်လာစေပါတယ်။

▪️ တစ်နေ့ကို ဆားပမာဏ လက်ဖက်စားဇွန်းတစ်ဇွန်းခန့်သာ စားဖို့အကြံပြုထားကြပေမယ့် လူအများစုက နှစ်ဆလောက် ပိုစားမိနေကြပါတယ်။

▪️ နေထိုင်စားသောက်မှုပုံစံတွေ ပြုပြင်ပြီးတော့ ဆားလျှော့ချစားသုံးမိအောင် ကျင့်ကြံနိုင်ပါတယ်။

▪️ ဒါကြောင့် ဆားစားသုံးမှု လျှော့ချနိုင်စေမယ့် နည်းလမ်းတွေကို ဖော်ပြလိုက်ပါတယ်။

(၁) လတ်ဆတ်သောပါဝင်ပစ္စည်းများသုံးပါ
▪️ အိမ်မှာချက်စားခြင်းက ဆားပါဝင်မှုကို ထိန်းချုပ်နိုင်ပါတယ်။

▪️ လတ်ဆတ်တဲ့ ဟင်းရွက်၊ အသားများ အသုံးပြုသင့်သလို ရယ်ဒီမိတ် အရသာမှုန့်တွေ၊ ဆော့စ်တွေ၊ အစားအစာတွေကို လျှော့ချရပါမယ်။

(၂) ပါဝင်ပစ္စည်းများကိုသေချာဖတ်ရှုပါ
▪️ ထုပ်ပိုးထားတဲ့ စားစရာတွေမှာ ဆိုဒီယံပါဝင်တာကို မဖော်ပြတတ်ကြပါဘူး။

▪️ 'ဆိုဒီယံမပါဝင်' ၊ 'ဆားမပါဝင်'ဆိုတဲ့ စာများဖော်ပြထားတဲ့ အစားအစာတွေကို ရွေးချယ်သင့်ပါတယ်။

(၃) စားသောက်ဆိုင်နဲ့ ထုပ်ပိုးစားစရာများလျှော့ချပါ
▪️ ထုပ်ပိုးထားတဲ့ စားစရာတွေနဲ့ စားသောက်ဆိုင်တွေမှ စားစရာတွေက ဆားအများအပြားပါဝင်ပြီး ဆိုဒီယံ မြင့်မားစေပါတယ်။

▪️ မုန့်ထုပ်များကို လျှော့စားပြီး စားသောက်ဆိုင်မှာစားတဲ့အခါ ဆားလျှော့ထည့်ပေးဖို့ တောင်းဆိုပါ။

(၄) ဖြည်းဖြည်းချင်း ဆားလျှော့သုံးကြည့်ပါ
▪️ ဆားကို ဖြည်းဖြည်းချင်း လျှော့စားကြည့်တဲ့အခါ အရသာဖုတွေ ကျင့်သားရလာစေပါတယ်။

▪️ ထိုနေရာမှာ ဆေးဖက်ဝင် အမွှေးအကြိုင်များ၊ ဆားမပါတဲ့ထောပတ်တို့ဖြင့် အစားထိုးသုံးနိုင်ပါတယ်။

(၅) ပိုတက်ဆီယံကြွယ်ဝစွာ စားသုံးပါ
▪️ ပိုတက်ဆီယံက ဆိုဒီယံပမာဏကို ထိန်းညှိကာ သွေးပေါင်ချိန်ကျစေဖို့ ကူညီပါတယ်။

▪️ ငှက်ပျောသီး၊ လိမ္မော်သီး၊ ဟင်းနုနွယ်၊ ကန်စွန်းဥ၊ ပဲကြီးတို့က ပိုတက်ဆီယံ ကြွယ်ဝပါတယ်။

#Source: DoctorNDTV

#Local_News
Published_26 March 2025

▪️ စစ်ကိုင်းတိုင်းဒေသကြီး၊ ရွှေဘိုမြို့၊ သက်သာပန်းတောင်းရပ်ကွက်ရှိ အောင်ဇေယျ ဈေးအတွင်းသို့ မတ်လ ၂၅ ရက်တွင် PDF များက ရှော့တိုက်ဒုံးဖြင့် ပစ်ခတ်ခဲ့သဖြင့် ကလေးငယ် ၁ ဦးအပါ အဝင်အပြစ်မဲ့ ပြည်သူ ၅ ဦး ထိခိုက်ဒဏ်ရာရရှိခဲ့ကြောင်း သိရသည်။

▪️ ဖြစ်စဉ်မှာ ရွှေဘိုမြို့၊ သက်သာပန်းတောင်းရပ်ကွက်ရှိ အောင်ဇေယျဈေး အတွင်းသို့ မတ်လ ၂၅ ရက် မွန်းလွဲ ၁ နာရီ ခန့်တွင် PDF များက ဥသျှစ်ကန်ကျေးရွာ၏ အနောက်တောင်ဘက် မီတာ ၂၅၀ ခန့်အကွာမှ ရှော့တိုက်ဒုံး ၁ လုံးဖြင့် ပစ်ခတ်ခဲ့သဖြင့် အသက် ၅ နှစ်အရွယ် ကလေးငယ် ၁ ဦး နှင့် ဈေးအ တွင်း ဈေးရောင်းနေသည့် အမျိုး သမီး ၄ ဦးတို့ ဗုံးစထိမှန် ဒဏ်ရာများ ရရှိခဲ့၍အဆိုပါထိခိုက်ဒဏ်ရာရရှိသူများ အား ရွှေဘိုမြို့ပြည်သူ့ဆေး ရုံသို့ ပို့ဆောင်ဆေးကုသ မှုခံယူစေလျက်ရှိကြောင်း သိရသည်။

▪️ ယင်းကြောင့် လုံခြုံရေး တပ်ဖွဲ့ဝင်များက လိုအပ် သည့်လုံခြုံရေးလုပ်ငန်းများ တိုးမြှင့်ဆောင်ရွက်လျက်ရှိ ကြောင်း နစက သတင်းထုတ်ပြန်ရေးအဖွဲ့က သိရသည်။

#Yangon_Times/PP