#Local_News
Published 19 December 2024

▪️ ဂျပန်နိုင်ငံတွင် ပညာသင်ကြားရန်အလုပ်လုပ်ကိုင်နေသည့် မြန်မာနိုင်ငံသားများကို ပညာသင်ဆုများပေးအပ်သွားမည်ဖြစ်ကြောင်း သိရသည်။

▪️ အဆိုပါပညာသင်ဆုကိုThe Kubota Fundမှ ပေးအပ်မည်ဖြစ်ပြီး ၂၀၂၅-၂၀၂၆ ခုနှစ်အတွက် ပေးအပ်မည့် ပညာသင်ဆုအား စတင်လျှောက်ထားပြီးဖြစ်ကြောင်း Managing Committee of the Kubota Fund က မြန်မာသံရုံးသို့ အသိပေး အကြောင်းကြားလာသည်ဟု သိရသည်။

▪️ ထိုအကြောင်းကြားစာတွင် ဂျပန်နိုင်ငံရှိ ပုဂ္ဂလိက စီးပွားရေးလုပ်ငန်းများ၊ သုတေသန လုပ်ငန်းများနှင့် တက္ကသိုလ်များတွင် အသီးသီး အလုပ်လုပ်ကိုင်/ ပညာသင်ကြားနေကြသည့် ဖွံ့ဖြိုးဆဲနိုင်ငံများမှ အင်ဂျင်နီယာပိုင်းဆိုင်ရာ သုတေသီများ၊ အလုပ်သင် သင်တန်းသားများနှင့် ကျောင်းသားများအား The Kubota Fund ပညာသင်ဆု ပေးအပ်ရန် ရည်ရွယ်ပါကြောင်းနှင့် ၂၀၂၅-၂၀၂၆ ခုနှစ်၊ ပညာသင်နှစ်အတွက် ထောက်ပံ့ကြေး လျှောက်ထားနိုင်ကြောင်း ဖော်ပြထားကြောင်း၊ လျှောက်ထားသူသည်သတ်မှတ်အရည်အချင်းများနှင့် ပြည့်မှီရမည်ဖြစ်ကြောင်း သိရသည်။

▪️ The Kubota Fund ချီးမြှင့်ရန်အတွက် (၁၂)ဦး ရွေးချယ်သွားမည်ဖြစ်ပြီး  ထောက်ပံ့ကြေးအား ၂၀၂၅ ခုနှစ်၊ ဧပြီလမှ ၂၀၂၆ ခုနှစ်၊ မတ်လအထိ တစ်လလျှင် ယန်း ၈၀,၀၀၀/- မှ ယန်း ၁၀၀,၀၀၀/- အထိ ပေးအပ်သွားမည်ဖြစ်ကြောင်းနှင့် ၁၇-၁-၂၀၂၅ ရက်နေ့ နောက်ဆုံး ထားလျှောက်ထားရမည်ဖြစ်ပြီး အသေးစိတ်အချက်အလက်များကို The Kubota Fund website သို့ ဝင်ရောက် ကြည့်ရှုနိုင်ကြောင်း သိရသည်။

#YMG/SW #Yangon_Times

#World_Health
Published 19 December 2024

▪️ ရုတ်တရက် နှလုံးရပ်ခြင်းဟာ ကျန်းမာရေးကောင်းမွန်တဲ့ လူတွေမှာတောင် မမျှော်လင့်ဘဲ ဖြစ်တတ်ကြပြီး ဖြစ်ရတဲ့အကြောင်းအရင်းတွေကို သိပ်ပြီးမသိကြသေးပါဘူး။

▪️ နှလုံးရပ်ခြင်းဟာ နှလုံးဖောက်ခြင်း အခြေအနေနဲ့လည်း ကွဲပြားပါသေးတယ်။
နှလုံးရဲ့ လျှပ်စီးစနစ်မှာ ပြဿနာတစ်ခုခုကြောင့် ရုတ်တရက်နှလုံးရပ်ခြင်း ဖြစ်နိုင်ကာ နှလုံးသို့သွားတဲ့ သွေးစီးဆင်းမှု ပိတ်ဆို့တဲ့အခါမှာတော့ နှလုံးဖောက်ခြင်း ဖြစ်နိုင်ပြီး နှလုံးကြွက်သားတွေကို ထိခိုက်စေပါတယ်။

▪️ အပိုလိုဆေးရုံမှ နှလုံးအထူးကု ဒေါက်တာဗစ်ခရန်ခေဆဲက ဒီလိုဖြစ်ရတဲ့ အကြောင်းအရင်းတွေနဲ့ ကြိုတင်ကာကွယ်မှု အရေးကြီးပုံတို့ကို ရှင်းပြပါတယ်။
နှလုံးလျှပ်စီးစနစ် ချို့ယွင်းတဲ့အခါ ရုတ်တရက် နှလုံးရပ်ခြင်းဖြစ်တတ်ပြီး နှလုံးခုန်နှုန်း မူမမှန်ဖြစ်ကာ သွေးစီးဆင်းမှုကို ထိခိုက်စေပါတယ်။

▪️ နှလုံးခုန်မမှန်ခြင်းက နှလုံးရောဂါမရှိတဲ့ သူတွေမှာပင် ဖြစ်နိုင်ပြီး မျိုးဗီဇပြောင်းလဲမှု၊ ကိုယ်လက်လှုပ်ရှားမှု အလွန်အကျွံ အားထုတ်ခြင်း၊ ဖိစီးခြင်းတို့ကြောင့် ဖြစ်နိုင်ပါတယ်။

▪️ နှလုံးကြွက်သားတွေ ပုံမှန်ထက် ထူထဲလာတဲ့အခါ နှလုံးလျှပ်စီးစနစ်ကို ထိခိုက်စေပြီး သတိမမူမိဘဲနဲ့ အန္တရာယ် ဖြစ်စေနိုင်ပါတယ်။

▪️ နှလုံးရောဂါပုန်းကွယ်နေတဲ့ အားကစားသမားတွေ အလွန်အကျွံ လေ့ကျင့်ခန်းလုပ်တဲ့အခါ နှလုံးကိုဝန်ပိစေပါတယ်။

▪️ ပိုတက်ဆီယံ၊ မဂ္ဂနီဆီယံ၊ ကယ်လ်စီယံစတဲ့ အီလက်ထရိုလိုက်များ ပုံမှန်ပမာဏ မဟုတ်တဲ့အခါမှာလည်း နှလုံးခုန်ပုံစံကို နှောင့်ယှက်စေပါတယ်။

▪️ ရုတ်တရက်နှလုံးရပ်တဲ့ မျိုးရိုးရှိပါကလည်း နှလုံးခုန်မမှန်ခြင်းမျိုး ဖြစ်နိုင်တဲ့ လက္ခဏာဖြစ်ပါတယ်။

▪️ ဗိုင်းရပ်စ်ကူးစက်မှုကြောင့် နှလုံးကြွက်သား ရောင်ရမ်းခြင်းမျိုးကလည်း နှလုံးရပ်ခြင်း ဖြစ်နိုင်ပါတယ်။

▪️ ရုတ်တရက်နှလုံးရပ်ခြင်းကို လုံးဝမကာကွယ်နိုင်ပေမယ့် ဖြစ်နိုင်ခြေလျှော့ချနိုင်မယ့် နည်းလမ်းတွေရှိပါတယ်။

▪️ ECG လိုမျိုး ပုံစံစစ်ဆေးခြင်း၊ နှလုံးကျန်းမာရေး ညီညွတ်စေမယ့် စားသောက်မှုပုံစံ လေ့ကျင့်ခန်း ကိုယ်အလေးချိန် ထိန်းသိမ်းခြင်းတို့ ပြုလုပ်ခြင်း၊ စိတ်ဖိစီးမှုလျှော့ချခြင်း၊ မူးဝေခြင်း ရင်ဘတ်အောင့်ခြင်းလို လက္ခဏာများ သတိထားသိရှိခြင်း၊ မိသားစုမျိုးရိုးမှာ ဖြစ်ဖူးခြင်းရှိပါက စစ်ဆေးမှုပြုလုပ်ကာ သတိထားခြင်းတို့ ဆောင်ရွက်နိုင်ပါတယ်။

▪️ ကဖင်းဓာတ်ပါတဲ့ အားဖြည့်အချိုရည်များက နှလုံးခုန်မမှန်ခြင်း ဖြစ်နိုင်တာကြောင့် ရှောင်ရှားသင့်ပါတယ်။

▪️ ဒါကြောင့် နှလုံးကိုကာကွယ်ဖို့အတွက် ကြိုတင်ကာကွယ်ခြင်းနဲ့ စောစီးစွာသိရှိခြင်းတို့ အဓိကကျတယ်လို့ ဒေါက်တာခေဆဲက ပြောသွားပါတယ်။

#Source: India Today

#Local_News
Published 19 December 2024

▪️ ရန်ကုန်မြို့ ပန်းဆိုးတန်းဆိပ်ကမ်းမှ သန်လျင် Star City အိမ်ရာကို ပြေးဆွဲပေးနေသည့် Star Ferry ရေလမ်းခရီးဝန်ဆောင်မှုကို ၂၀၂၅ခုနှစ်၊ဇန်နဝါရီလ၁ရက်မှစ၍ ရပ်နားသွားမည်ဖြစ်ကြောင်း StarCity Management Team မှ သိရသည်။

▪️ အဆိုပါ Star Ferry ဝန်ဆောင်မှုကို အမှတ် ၁ သန်လျင်တံတား အဟောင်းတစ်စင်းသာ အသုံးပြုခဲ့ရစဉ်ကာလအတွင်း အိမ်ရာဝင်းနေထိုင်သူများအတွက် လမ်းပန်းဆက်သွယ်ရေးအဆင်ပြေချောမွေ့စေရန် ၂၀၂၁ ခုနှစ်၊ နိုဝင်ဘာလမှစတင်၍ ပြေးဆွဲခဲ့ ြခင်းဖြစ်ကြောင်း၊Star Ferry ဖြင့် StarCity အိမ်ရာမှ ရန်ကုန်မြို့ထဲသို့  မိနစ် ၃၀ အတွင်း သွားရောက်နိုင်ပြီး Star Ferry အသုံးပြုသူများအတွက် ယာဉ်လမ်းကြောင်းပိတ်ဆို့ခြင်းမှ ကင်းဝေးခဲ့ကြောင်း၊ Star Ferry ဝန်ဆောင်မှုဖြင့် StarCity အိမ်ရာတွင်နေထိုင်ကြသော ရုံးသွားရုံးပြန် အသုံးပြုသူများနှင့် စီးနင်းလိုက်ပါသူများအားလုံးအတွက်လည်း အဆင်ပြေချောမွေ့စေခဲ့ကြောင်း သိရသည်။

▪️ ယခုအခါ ၄ လမ်းသွား အမှတ် ၃ သန်လျင်တံတားအသစ်ကို ၂၀၂၄ ခုနှစ်၊ ဇွန်လ မှစတင်ဖွင့်လှစ်ခဲ့သောကြောင့် သွားလာရေး လွယ်ကူ အဆင်ပြေချောမွေ့နေပြီဖြစ်ပြီး Star Ferry ရေကြောင်းဝန်ဆောင်မှုထက်လည်း ပိုမိုမြန်ဆန်ကာ သွားလာနိုင်ပြီဖြစ်သောကြောင့် Star Ferry ဝန်ဆောင်မှုကို ရပ်နားသွားမည်ဖြစ်ပြီး ခရီးသည်များအတွက် ပိုမိုအဆင်ပြေရန် ရည်ရွယ်၍ Shuttle Bus ဝန်ဆောင်မှုအသစ်ကို စတင်မိတ်ဆက်ပေးသွားမည်ဖြစ်ကြောင်း သိရသည်။

#YMG/SW #Yangon_Times

#World_Health
Published 19 December 2024

▪️ ကျန်းမာရေးနဲ့ မညီညွတ်တဲ့ အစားအစာ၊ အိပ်မပျော်ခြင်း၊ အဝလွန်ခြင်းနဲ့ အချို့သော မျိုးဗီဇပြဿနာများကြောင့် ဒီမန်ရှာရောဂါ ဖြစ်နိုင်ခြေများစေနိုင်ပြီး အချိန်ကြာလာတာနဲ့အမျှ မှတ်ဉာဏ်၊ တွေးတောမှုစွမ်းရည်တို့ကို ဖျက်ဆီးလာနိုင်ပါတယ်။

▪️ လော့စ်အိန်ဂျလိစ်မှ အသိအမှတ်ပြု မေ့ဆေးဆရာဝန်တစ်ဦးက ဒီမန်ရှာဖြစ်နိုင်ခြေ များစေတဲ့ ဆေး ၅ မျိုးကို ဖော်ပြသွားပါတယ်။

▪️ - Benadryle(ဘီနာဒရိုင်းလ်)
ဒိုင်ဖန်ဟိုက်ဒရာမင်းလို့လည်း ခေါ်တဲ့ ဘီနာဒရိုင်းလ်၊ အီလာဗီးလ်တို့လို antihistamine နဲ့ anticholinergic ဆေးတွေကို ရေရှည်အသုံးပြုပါက ဒီမန်ရှာဖြစ်နိုင်ခြေနဲ့ ဆက်စပ်နိုင်တယ်လို့ ဟာဆန်က ဆိုပါတယ်။

▪️ ဘီနာဒရိုင်းလ်ဟာ နှာစေးချောင်းဆိုး၊ ဓာတ်မတည့်ခြင်း၊ အအေးမိဖျားနာလက္ခဏာများ သက်သာဖို့ အသုံးပြုတာ ဖြစ်ပါတယ်။

▪️ - Opiates(အိုပီယေ့တ်)
မော်ဖင်းလိုမျိုး အိုပီယေ့တ်တွေ ပုံမှန်အသုံးပြုပါက ဦးနှောက်ကို ထိခိုက်လာနိုင်ပါတယ်။

▪️ မေ့ဆေးထဲမှာ ပါဝင်တဲ့ အဓိကပစ္စည်းဖြစ်ပြီး မေ့ဆေးပေး ခွဲစိတ်မှုပြုလုပ်ပြီးနောက် ၃ နှစ်မှ ၇ နှစ်အတွင်း ဒီမန်ရှာဖြစ်နိုင်ခြေ ၂ ဆနီးပါးများစေတယ်လို့ လေ့လာချက်တစ်ခုမှာ တွေ့ရှိထားပါတယ်။

▪️ - Omeprazole(အိုမီပရာဇိုးလ်)
အစာမကြေခြင်း၊ ရင်ပူခြင်း၊ အက်ဆစ်လျှံတက်ခြင်းတို့ သက်သာဖို့အတွက် အစာအိမ်ထဲက အက်ဆစ်လျှော့ချပေးတဲ့ အိုမီပရာဇိုးလ်ကို ပုံမှန်သောက်သုံးမိပါက ဦးနှောက်ထဲမှာ ဘီတာအမိုင်လွိုက်တွေ များလာပြီး ဒီမန်ရှာဖြစ်စေတယ်လို့ ဟာဆန်က ပြောပါတယ်။

▪️ ဒါ့အပြင် ဗိုက်တာမင်-ဘီ၁၂ ချို့တဲ့မှုလည်း ဖြစ်လာနိုင်ကာ မှတ်ဉာဏ်နဲ့ ဦးနှောက်လုပ်ဆောင်ချက်များကို သက်ရောက်နိုင်တယ်လို့ ယူဆထားပါတယ်။

▪️ - Benzodiazepines(ဘင်ဇိုဒိုင်ယာဇီပင်)
ဒိုင်ယာဇီပင်လို့ လူသိများတဲ့ဆေးက အိပ်မပျော်ခြင်း၊ သောကရောက်ခြင်းတို့အတွက် အသုံးပြုကြပါတယ်။

▪️ ဒီဆေးကိုလည်း ရေရှည်အသုံးပြုပါက ဒီမန်ရှာဖြစ်စေနိုင်ကာ ဗဟိုအာရုံကြောစနစ်ထဲရောက်ရှိပြီး ဦးနှောက်တစ်ခုလုံးကို ထုံထိုင်းစေပါတယ်။

▪️ - Tricyclic antidepressants(ထရိုင်ဆိုက်ကလစ် စိတ်ကျသက်သာဆေး)
စိတ်ဓာတ်ကျခြင်း လက္ခဏာအတွက် အသုံးပြုကြတဲ့ Norpramin နဲ့ Vivactil တို့လိုဆေးတွေကို အိပ်မပျော်ခြင်း၊ နာကျင်ကိုက်ခဲခြင်းတို့အတွက် အသုံးပြုတတ်ကြပါတယ်။

▪️ သူတို့က ဒီမန်ရှာဖြစ်နိုင်ခြေ များစေတဲ့အထောက်အထားတော့ တိတိကျကျ မတွေ့ထားပါဘူး။

▪️ အဆိုပါဆေးတွေကို အသုံးပြုနေရင်း ဆေးဖြတ်ဖို့ စဉ်းစားတဲ့အခါ ဆရာဝန်နဲ့ အရင်ဆုံးတိုင်ပင်သင့်တယ်လို့လည်း အကြံပြုသွားပါတယ်။

#Source: New York Post

၁၈ ဒီဇင်ဘာ ၂၀၂၄
▪️တပ်မတော် ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီးမောင်မောင်အေးကို နစက အစိုးရအဖွဲ့တွင် ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး အဖြစ် ခန့်အပ် လိုက်တယ်လို့ နစကရဲ့အမိန့်ထုတ်ပြန်ချက်အရသိရပါတယ်။
▪️လက်ရှိဒုတိယဝန်ကြီးချုပ်နှင့် ကာကွယ်ရေးဝန်ကြီးဌာနပြည်ထောင်စုဝန်ကြီးဗိုလ်ချုပ်ကြီးတင်အောင်စန်းကိုတော့ ဒုတိယဝန်ကြီး ချုပ်နှင့် ဝန်ကြီးချုပ်ရုံး ပြည်ထောင်စုဝန်ကြီးအဖြစ် ပြောင်းရွှေ့ တာဝန်ပေးအပ်လိုက်ကြောင်း သီးခြား အမိန့်တစ်ခုမှာဖော်ပြထားပါတယ်။
▪️လစ်လပ်သွားတဲ့ ညိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီးမောင်မောင်အေး၏ နေရာတွင် စစ်ဦးစီးအရာရှိချုပ်(ကြည်း)ဒုတိယဗိုလ်ချုပ်ကြီးကျော်စွာလင်းကို ရာထူးတိုးမြှင့်ခန့်ထားခဲ့တယ်လို့ တပ်မတော်နှင့်နီးစပ်သည့် သတင်း အရင်းအမြစ်များအရသိရပါတယ်။
▪️ထို့အပြင် အနောက်မြောက်တိုင်းနှင့် အနောက်တောင်တိုင်းစစ်ဌာနချုပ် တိုင်းမှူးများကိုလည်း အပြောင်း အလဲလုပ်ခဲ့တယ်လို့ အဆိုပါသတင်းအရင်းအမြစ်များထံမှသိရပါတယ်။

ဂျပန်မှာ သက်ကြီးရွယ်အိုများအတွက် သင့်လျော်စေမယ့် ပေါင်းစပ်ဝန်ဆောင်မှုများ တိုးများလာကာ ပြုစုစောင့်ရှောက်မှု၊ ပြန်လည်ထူထောင်ရေး လေ့ကျင့်မှုများနဲ့ အလှအပဝန်ဆောင်မှု လုပ်ငန်းများ ကျယ်ပြန့်လာပါတယ်။
#Asia_Industry
Published 18 December 2024
#အလှအပရေးရာ #ဝန်ဆောင်မှုလုပ်ငန်းများ
#YMG #Yangon_Times #Yangon_Media_Group

#Daily_News
Published 18 December 2024

၁။ မလေးရှားသို့ ဆိတ်အရှင်များ ပထမဆုံးအကြိမ်တင်ပို့

၂။ ရွှေဆိုင်အားလုံး စံချိန်မီ ရွှေ ၁ ကျပ်သား အလေးချိန်ပြောင်းလဲကျင့်သုံးရန် ဆောင်ရွက်နေ

၃။ အင်းလေးအမွေအနှစ်ဖောင်ဒေးရှင်း ယခုနှစ်ကုန်၌ ပိတ်သိမ်းတော့မည်ဟု ကြေညာ

၄။ သက်ကြီးသူတွေများလာသည့်ဂျပန်တွင် ယင်းတို့နှင့်ကိုက်ညီမည့်အလှအပရေးရာဝန်ဆောင်မှုလုပ်ငန်းများတိုးပွားလာနေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်တိုင်းဒေသကြီးအတွင်းက မြို့နယ်တွေမှာ အခြေခံစားကုန်ကြက်ဥ‌တွေကို တစ်လုံး၃၆၅ကျပ်နဲ့ လှည့်လည်ရောင်းချပေးနေတယ်လို့ သိရပါတယ်။
#Local_News
Published 18 December 2024
#ကြက်ဥတစ်လုံး၃၆၅ကျပ် #လှည့်လည်ရောင်းချပေး
#YMG/SW #Yangon_Times

၁၈ ဒီဇင်ဘာ ၂၀၂၄

ရုရှားဒုတိယဗိုလ်ချုပ်ကြီး အီဂေါကီရီလော့ဗ်ကို မော်စကိုမှာ ဗုံးခွဲတိုက်ခိုက်လုပ်ကြံသတ်ဖြတ်သွားတဲ့ ဥဇဘက်ကစ္စတန်နိုင်ငံသားတစ်ဦးကို ဖမ်းဆီးမိလိုက်ပြီလို့ ရုရှားကပြောပါတယ်။

သူဟာ ဗုံးကိုထောင်ပြီး ဖောက်ခွဲခဲ့ပါတယ်လို့ ဝန်ခံခဲ့ပါတယ်လို့ သတင်းများကရေးသားပါတယ်။

အသတ်ခံရတဲ့ ဒုတိယဗိုလ်ချုပ်ကြီး ကီရီလော့ဗ်ဟာ ရုရှားရဲ့ နျူကလီးယား၊ဇီဝနှင့်ဓာတုကာကွယ်   ရေးတပ်ဖွဲ့များရဲ့ အကြီးအကဲ တစ်ဦးဖြစ်ပါတယ်။

သူဟာ ယူကရိန်းထောက်လှမ်းရေးအဖွဲ့များရဲ့ ညွှန်ကြားချက်အရ မော်စကိုကိုရောက်ရှိနေထိုင်ခဲ့တယ်လို့ ထွက်ဆိုပါတယ်။ အဲဒီနောက်သူဟာ လျှပ်စစ်စကုတာတစ်စီးဝယ်လိုက်ပါတယ်။ အဲဒီနောက်  သူဟာ ဖောက်ခွဲတိုက်ခိုက်ပေးဖို့ ဗုံးတစ်လုံးရရှိခဲ့ပါတယ်။ သူဟာ အဲဒီဗုံးကို လျှပ်စစ်စကူတာထဲဘယ်လိုထားခဲ့ တယ်ဆိုတာ ပြောပြပါတယ်။ အဲဒီနောက်သူဟာ စကူတာကို ကီရီလော့်ဗ်နေထိုင်တဲ့ တိုက်ရဲ့ ရှေ့ဝင် ပေါက် အနားရပ်နားထားခဲ့ပါတယ်။ သူဟာ အဲဒီအနီးအနားက ငှားထားတဲ့ကားထဲမှာ ထောက်လှမ်းရေး  ကင်မရာတစ်လုံး တပ်ဆင်ထားပြီး ဘာတွေဖြစ်နေတယ်ဆိုတာစောင့်ကြည့်ခဲ့ပါတယ်။

သူဟာ ယူကရိန်းနိုင်ငံ ဒနီပရိုမြို့မှာအခြေချနေထိုင်ခဲ့ပါတယ်။သူဟာ ၁၉၉၅ခုနှစ်မှာ မွေးဖွားခဲ့ပါတယ်။  ကီရီလော်ဗ် တိုက်ထဲကထွက်လာတာနှင့်သူဟာ ဗုံးကို အဝေးထိန်းကိရိယာနှင့် ဖောက်ခွဲခဲ့တာဖြစ်ပါ တယ်။

ယူကရိန်းက ဥရောပတစ်နိုင်ငံမှာ သူနေထိုင်ပြီး လူသတ်ပေးဖို့ ဒေါ်လာ တစ်သိန်းပေးခဲ့တယ်လို့ သူက ထွက်ဆိုပါတယ်။ စုံစမ်းစစ်ဆေးသူတွေက သူ့အပြင် ဘယ်သူတွေ ပါဝင်ပတ်သက်နေသလဲ ဆက်လက် ဖော်ထုတ်နေတယ်လို့သိရပါတယ်။

Source Reuters

မြန်မာ့မျိုးရင်း ဗမာကြောင်တွေကို အများသိစေဖို့ ဆောင်ရွက်ပေးနေတဲ့ အင်းလေးအမွေအနှစ်ဖောင်ဒေးရှင်းကို အခုနှစ်ကုန်မှာ ပိတ်သိမ်းတော့မယ်လို့  ယင်းဖောင်ဒေးရှင်းက ထုတ်ပြန်ထားပါတယ်။
#Local_News
Published 18 December 2024
#အင်းလေးအမွေအနှစ် #ဖောင်ဒေးရှင်း
#YMG/NN #Yangon_Times

ရွှေဆိုင်အားလုံး စံချိန်မီ ရွှေ ၁ ကျပ်သား အလေးချိန်ပြောင်းလဲကျင့်သုံးရန် ဆောင်ရွက်နေတယ်လို့ မြန်မာနိုင်ငံရွှေလုပ်ငန်းရှင်များအသင်းချုပ်က သိရပါတယ်။
#Local_News
Published 18 December 2024
#ရွှေလုပ်ငန်းရှင်များအသင်းချုပ် #ရွှေဆိုင်
#YMG/NN #Yangon_Times

မလေးရှားနိုင်ငံသို့ ပထမဆုံးအကြိမ်အဖြစ် ဆိတ်အရှင် ၁၄၅၀ ကောင်ကို လေကြောင်းမှ တဆင့်တင်ပို့ခဲ့တယ်လို့ သိရပါတယ်။
#Local_News
Published 18 December 2024
#မလေးရှား #ဆိတ်အရှင်များတင်ပို့
#YMG/SW #Yangon_Times