၁၅ စက်တင်ဘာ ၂၀၂၄

ဗင်နီဇွဲလား သမ္မတ နီကိုလပ်စ်မာဒူရိုကို လုပ်ကြံသတ်ဖြတ်ဖို့ ရောက်ရှိလာကြတဲ့ အမေရိကန်(၃)ဦး၊ စပိန်(၂)ဦးနှင့်  ချက်နိုင်ငံ   သား (၁)ဦးတို့ကို စနေနေ့က ဖမ်းဆီးရမိလိုက်တယ်လို့ ဗင်နီဇွဲလားအရာရှိတွေကပြောပါတယ်။

ဖမ်းဆီးမိတဲ့သတင်းကို နိုင်ငံပိုင်ရုပ်သံကနေ နိုင်ငံရဲ့ ဩဇာရှိလှတဲ့ ပြည်ထဲရေးဝန်ကြီး ကာဘီလိုက ကြေညာခဲ့တာဖြစ်ပါတယ်။

အဆိုပါ နိုင်ငံခြားသားတွေဟာ ဗင်နီဇွဲလားအစိုးရကိုဖြုတ်ချပြီး အစိုးရခေါင်းဆောင်အများအပြားကို သတ်ပစ်ဖို့ကြံစည်တဲ့ စီအိုင်အေ  ဦးဆောင်တဲ့  လျှို့ဝှက်အစီအစဉ်ရဲ့ အပိုင်းတစ်ပိုင်းဖြစ်တယ်လို့လည်း ပြည်ထဲရေးဝန်ကြီးကပြောပါတယ်။ ဖမ်းဆီးရမိတဲ့သူတွေနှင့်အတူ တွေ့ရှိရတဲ့ ရိုင်ဖယ်သေနတ်ပုံတွေကိုလည်း ကာဘီလိုက ထုတ်ပြခဲ့ပါတယ်။

ဖမ်းဆီးရမိတဲ့ အမေရိကန်နိုင်ငံသားတွေထဲမှာ ရေတပ်အဖွဲ့ဝင်တစ်ဦးလည်းပါဝင်တယ်လို့ ကာဘီလိုက ဆက်ပြောပါတယ်။

အမေရိကန် တပ်ဖွဲ့ဝင်တစ်ဦးအဖမ်းခံရတာကို အမေရိကန် နိုင်ငံခြားရေးဝန်ကြီးဌာနက စနေနေ့နှောင်းပိုင်းမှာ အတည်ပြု ပေးခဲ့ပါတယ်။ အမေရိကန်နိုင်ငံသား (၂)ဦးထပ်ပြီးအဖမ်းခံရတယ်ဆိုတဲ့ အတည်ပြုလို့မရသေးတဲ့ သတင်းတွေကိုလည်း သူတို့ ရထားပါတယ်လို့ နိုင်ငံခြားရေးဝန်ကြီးဌာနက ပြောပါတယ်။

“ မာဒူရိုကို ဖြုတ်ချဖို့ အကြံအစည်မှာ အမေရိကန်ပါတယ်ဆိုတဲ့ စွပ်စွဲချက်အားလုံး မဟုတ်ပါ။ ဗင်နီဇွဲလားရဲ့ နိုင်ငံရေး အကျပ်အတည်းကို ဒီမိုကရေစီနည်းလမ်းနှင့်ဖြေရှင်းတာကို အမေရိကန်က ဆက်လက်ထောက်ခံနေတယ်” လို့ နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။

အငြင်းပွားနေတဲ့ ဇူလိုင်၂၈ရက် ဗင်နီဇွဲလားသမ္မတရွေးကောက်ပွဲအတွင်း မဲပေးတာကို ဟန့်တားနှောက်ယှက်ခဲ့တယ်လို့ သမ္မတ မာဒူရိုကို အမေရိကန်အစိုးရကစွပ်စွဲပြီး  မာဒူရိုရဲ့မဟမိတ် ၁၆ ဦးကို အရေးယူကန့်သတ်မှုတွေပြုလုပ်ခဲ့ပြီး  နှစ်ရက် အကြာ ယခုသတင်းထွက်ပေါ်လာတာဖြစ်ပါတယ်။

ဒီတစ်ပတ်စောစောပိုင်းမှာလည်း စပိန်အစိုးရက အတိုက်အခံသမ္မတလောင်း အက်ဒန်ဒို ဂွန်ဇာလက်ဇ်ကို ရွေးကောက်ပွဲ နိုင်သူ အဖြစ် စပိန်အစိုးရက အသိအမှတ်ပြုခဲ့လို့ သမ္မတ မာဒူရို ဒေါသဖြစ်ခဲ့ပြီး စပိန်နှင့် စီးပွားရေး သံတမန်ရေး အဆက်ဖြတ်ဖို့ အစိုးရကို သူက တိုက်တွန်းခဲ့ပါတယ်။

@ymg/knl

#World_Science
Published 15 September 2024

▪️ လကမ္ဘာပေါ်မှာ လွန်ခဲ့တဲ့ နှစ်သန်းပေါင်း ၁၂၀ လောက်တည်းက မီးတောင်များ ပေါက်ကွဲခဲ့ရာ ယခုထက်ထိ ဆက်လက်ဖြစ်ပွားနေဆဲ ဖြစ်တယ်လို့ သုတေသန တွေ့ရှိလာပါတယ်။

▪️ တရုတ်ရဲ့ ချန်အီ-၅ လကမ္ဘာမစ်ရှင်မှ ရရှိတဲ့ နမူနာများကို ဆန်းစစ်ခဲ့ရာမှာ ယခုလို သုံးသပ်လာတာ ဖြစ်ပါတယ်။

▪️ ယခုနောက်ဆုံး လေ့လာရာမှာ ဖန်သီးလုံးလေးတွေကို တွေ့ရှိတာကြောင့် လကမ္ဘာမှာ မီးတောင်လှုပ်ရှားနေဆဲ ဖြစ်ပေမယ့် သိပ်ပြီးမကျယ်ပြန့်ပါဘူး။

▪️ ချန်အီ-၅ မှ ရရှိတဲ့ လကမ္ဘာနမူနာများထဲမှ ဖန်လုံးငယ်ပေါင်း ၃၀၀၀ ကျော်ကို သုတေသီများ လေ့လာခဲ့ကြပါတယ်။

▪️ ယင်းတို့ရဲ့ ဓာတုဖွဲ့စည်းပုံတွေ၊ ပုံပန်းသွင်ပြင်တွေ၊ ဆာလ်ဖာအိုင်ဆိုတုပ်တွေကို ဆန်းစစ်ခဲ့ပြီး ခွဲခြားခဲ့ပါတယ်။

▪️ ထိုထဲကမှ ဖန်လုံး ၃ ခုကသာ မီးတောင်ကနေ လာတာဖြစ်ပါတယ်။

▪️ ဒီထဲမှာ ပိုတက်ဆီယမ်၊ ဖော့စ်ဖရပ်စ်၊ ဒါ့အပြင် ကမ္ဘာမြေမှာ ရှားပါးတဲ့ KREEP ဒြပ်စင်တွေ များစွာပါဝင်နေပါတယ်။

▪️ ဒီဒြပ်စင်တွေကြောင့် လပေါ်မှာ မီးတောင်ငယ်များ ဖြစ်ပေါ်လာရပြီး KREEP တွေက ရေဒီယိုသတ္တိကြွအပူတွေ ထုတ်လုပ်ပေးပါတယ်။

▪️ အပူထွက်ပေါ်တဲ့အခါ လကမ္ဘာမြေအပေါ်ယံလွှာမှ ကျောက်တုံးများ အရည်ပျော်ပြီး ကျောက်ရည်ပူအနည်းငယ် မျက်နှာပြင်သို့ ထွက်လာပါတယ်။

▪️ လကမ္ဘာမှာ ပထမဆုံး မီးတောင်ပေါက်ကွဲမှုက လွန်ခဲ့တဲ့နှစ်ပေါင်း ၄.၂ ဘီလီယံလောက်က စတင်ခဲ့ဟန်ရှိပြီး ၃.၈ နဲ့ ၃ ဘီလီယံကြားမှာ အပြင်းထန်ဆုံး ပေါက်ကွဲခဲ့ပါတယ်။

▪️ ဒီနောက် လပေါ်မှာ လှုပ်ရှားမီးတောင်များ မရှိတော့ပေမယ့် မျက်နှာပြင်အောက်မှာတော့ ကျောက်ရည်ပူတွေ ရှိနေနိုင်ပါသေးတယ်။

▪️ ၂၀၂၃ ဩဂုတ်လက လကမ္ဘာပေါ်ရောက်ခဲ့တဲ့ အိန္ဒိယ ချန်ဒရာယန်-၃ မစ်ရှင်မှာလည်း ကျောက်ရည်ပူ တွေ့ရှိတဲ့ အထောက်အထား တွေ့ရပါတယ်။

#Source: WION

#World_Science
Published 15 September 2024

▪️ စားစရာတွေမှာ အသုံးများတဲ့ အဝါရောင်ဆိုးဆေးတစ်မျိုးဟာ အရေပြား၊ တွယ်ဆက်တစ်ရှူးတွေနဲ့ ကြွက်သားတွေကို ယာယီထိုးဖောက်မြင်နိုင်စေတယ်လို့ သုတေသနအသစ်မှာ တွေ့ရှိထားပါတယ်။

▪️ ကြွက်တစ်ကောင်မှာ သုတေသန ပြုလုပ်ခဲ့တာဖြစ်ပြီး ကြွက်ရဲ့ အတွင်းပိုင်းတွေကို အံ့အားသင့်ဖွယ် မြင်ခဲ့ကြရပါတယ်။

▪️ ဆိုးဆေးကို ကြွက်ရဲ့ဝမ်းဗိုက်မှာ လိမ်းလိုက်တဲ့အခါ အသည်း၊ အူ၊ ဆီးအိမ်တို့ကို ဖောက်ထွင်းမြင်ခဲ့ရပြီး ဦးရေပြားမှာ လိမ်းတဲ့အခါ ဦးနှောက်ထဲက သွေးကြောတွေကို မြင်ခဲ့ရပါတယ်။

▪️ ဆိုးဆေးကို ဖယ်ရှားတဲ့အခါမှာတော့ အရေပြားက ပုံမှန်သဘာဝအရောင် ပြန်ဖြစ်ခဲ့ပါတယ်။

▪️ ဒီနည်းပညာဖြင့် လူသားတွေမှာ သွေးကြောရှာဖွေခြင်း၊ ဒဏ်ရာရှာဖွေခြင်း၊ အကျိတ်ရှာဖွေခြင်းတို့ ပြုလုပ်နိုင်မယ့် အလားအလာ ရှိမယ်လို့ စတန်းဖို့ဒ်တက္ကသိုလ်မှ သုတေသီများ ယူဆနေပါတယ်။

▪️ ကိုယ်တွင်းခွဲစိတ်မှုတွေ ပြုလုပ်မယ့်အစား ဒီနည်းပညာနဲ့ဆိုရင် မနာမကျင်ရဘဲ ရှာဖွေနိုင်တယ်လို့ အကြီးတန်းသုတေသီ ဒေါက်တာ ကောဆောင်ဟောင်က ပြောပါတယ်။

▪️ အလင်းက တစ်ရှူးတွေကို ဖြတ်သန်းတဲ့အခါ အမြှေးပါးတွေရဲ့ ယိုင်ညွှန်းကိန်းအမျိုးမျိုးကြောင့် ပြန့်ကျဲသွားကြပါတယ်။

▪️ ဒီဖြစ်စဉ်က အပြန်အလှန် ဖြစ်နိုင်သလို အကြိမ်ကြိမ်လည်း ပြုလုပ်နိုင်ကာ ဆိုးဆေးကို ဖယ်ရှားလိုက်တာနဲ့ အရေပြားက ပုံမှန်အတိုင်း ပြန်ဖြစ်နိုင်ပါတယ်။

▪️ ဆေးထိုးအပ်ငယ်များဖြင့် ထိုးသွင်းပါက ဆိုးဆေးကို အတွင်းထဲထိ ရောက်စေနိုင်တယ်လို့ ဒေါက်တာဟောင်က ဆိုပါတယ်။

▪️ ဒီနည်းပညာကို လူသားတွေမှာ မစမ်းသပ်ရသေးသလို ဆိုးဆေးက လူသားတွေအတွက် စိတ်ချမှုရှိဖို့ ပြုလုပ်ရဦးမှာ ဖြစ်ပါတယ်။

▪️ မြင်းကျားငါးလိုမျိုး သတ္တဝါတွေအပြင် တိရိစ္ဆာန်အမျိုးမျိုးမှာ စမ်းသပ်သွားဦးမှာ ဖြစ်ပါတယ်။

#Source: WION

IFA ဘာလင်(၂၀၂၄) ကမ္ဘာ့ထိပ်တန်းကုန်စည်ပြပွဲ၌ AI စနစ်ပါဝင်သော နည်းပညာမြင့်ကုန်ပစ္စည်းအမျိုးမျိုးပြသ

ကမ္ဘာ့လူသုံးကုန် အီလက်ထရွန်နစ်နဲ့ အိမ်သုံးပစ္စည်းများ ထိပ်တန်းကုန်စည်ပြပွဲဖြစ်တဲ့ IFAဘာလင်၂၀၂၄မှာ တစ်ကမ္ဘာလုံးမှ ကုမ္ပဏီတွေဟာ ခေတ်မီနည်းပညာမြင့် ပစ္စည်းများကို ပြသထားပြီး ဉာဏ်ရည်တု (AI)နဲ့ စိမ်းလန်းရေး နည်းပညာများရဲ့ အခန်းကဏ္ဍနဲ့အတူ ရေရှည်တည်တံ့ ဖွံဖြိုးတိုးတက်မှု ဆောင်ရွက်ကြရန် မီးမောင်းထိုးပြထားပါတယ်။
#World_Event
Published 14 September 2024
#ကမ္ဘာ့ထိပ်တန်းကုန်စည်ပြပွဲ #AIစနစ်ပါဝင်သောနည်းပညာမြင့်
#YMG #Yangon_Times #Yangon_Media_Group

#Daily_News
Published 14 September 2024

၁။ ပုဂံဘုရားများမိုးရေကြောင့် ထပ်မထိခိုက်အောင်နှင့် ထိခိုက်ပျက်စီးခဲ့သည့်ဘုရား(၉)ဆူကို ရှေးမူမပျက်ပြုပြင်နေ

၂။ ရေကြီး၊ ရေလျှံမှုကြောင့် ရှမ်းကုန်တင်ပို့မှုရပ်နားထား၍ ရန်ကုန်၌ဈေးတက်

၃။ အခုရက်ပိုင်းအတွင်းမြစ်ရေများ စိုးရိမ်ရေအမှတ်အထက်ဆက်တက်နိုင်၍ သတိထားရန်လို

၄။ IFA ဘာလင်(၂၀၂၄)ကမ္ဘာ့ထိပ်တန်း ကုန်စည်ပြပွဲ၌ AIစနစ်ပါဝင်သော နည်းပညာမြင့်ကုန်ပစ္စည်းအမျိုးမျိုးပြသ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပဲခူးတိုင်းဒေသကြီး၊ တောင်ငူမြို့အနီးတစ်ဝိုက်ကျေးရွာတွေမှာရေကြီးနစ်မြုပ်ပြီး ပိတ်မိသူဒေသခံတွေကို ဆက်လက်ကယ်ထုတ်‌နေသလို ကရင်ပြည်နယ် ဘားအံမြို့တစ်ဝိုက်မှာလည်း သံလွင်မြစ်ရေမြင့်တက်တာကြောင့် ရေကြီးနစ်မြုပ်တာ‌တွေရှိ‌နေပြီလို့ လူမှုကူညီရေး အသင်းတွေဆီက သိရပါတယ်။
#Local_News
Published 14 September 2024
#ပိတ်မိသူဒေသခံတွေကိုကယ်ထုတ် #သံလွင်မြစ်‌ရေဆက်တက်
#YMG/NN #Yangon_Times

#Local_News
Published 14 September 2024

▪️ ပြည်ထောင်စုနယ်မြေ၊ နေပြည်တော်အတွင်းရှိ ကျေးရွာများနှင့်မြစ်ချောင်းများတွင်  ပိတ်ဆို့မှုများကိုရှင်းလင်းမှုများဆောင်ရွက်နေကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ထိုသို့ဆောင်ရွက်ရာတွင် နေပြည်တော်အတွင်းရှိ ကျေးရွာများတွင် ရေဝင်ရောက်မှုကြောင့် သစ်ပင်လဲကျခြင်း၊ လမ်းပိတ်ဆို့ခြင်းနှင့် မြစ်ချောင်းများအတွင်း ပိတ်ဆို့နေသော သစ်ပင်သစ်ကိုင်း၊ အမှိုက်သရိုက်များအား မြန်မာနိုင်ငံမီးသတ်တပ်ဖွဲ့မှ ရှာဖွေကယ်ဆယ်ရေးတပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရှင်းလင်းရေးလုပ်ငန်းများ ဆောင်ရွက်လျက်ရှိကြောင်း သိရသည်။

#YMG/NN #Yangon_Times

#Local_News
Published 14 September 2024

▪️ နေပြည်တော်၊လယ်ဝေးမြို့နယ်၊ ကရင်ပြည်နယ်၊ ဘားအံမြို့ပေါ်ရှိရပ်ကွက်များ၊ ပဲခူးတိုင်းဒေသကြီး၊တောင်ငူမြို့များ၌ရေကြီး၊ ရေလျှံမှုများဖြစ်ပေါ်နေ၍ ကူညီကယ်ဆယ်ရေးများပြုလုပ်နေကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ ၁၄  ရက်နေ့တွင်  နေပြည်တော်၊ လယ်ဝေးမြို့နယ်၊ စစ်တောင်းမြစ်အရှေ့ဘက်၊ သစ်ကိုးပင်ရွာရှိ ရေဘေးသင့်ပြည်သူများအား မြန်မာနိုင်ငံမီးသတ်တပ်ဖွဲ့မှ ရှာဖွေကယ်ဆယ်ရေးတပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရေဘေးလွတ်ရာသို့ ကူညီကယ်ဆယ်ရွှေ့ပြောင်းပေးခဲ့ကြောင်း သိရသည်။

▪️ ထို့အပြင် ကရင်ပြည်နယ်၊ ဘားအံမြို့နယ်တွင် ရေမြင့်တက်ဝင်ရောက်လျက်ရှိသောအမှတ်(၄)ရပ်ကွက်၊ အမှတ်(၅) ရပ်ကွက်၊ အမှတ်(၇)ရပ်ကွက်နှင့် အမှတ်(၉)ရပ်ကွက်တို့မှ ရေဘေးသင့်ပြည်သူများအား ကရင်ပြည်နယ်အတွင်းရှိ မီးသတ်စခန်းများမှ ရှာဖွေကယ်ဆယ်ရေးတပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရေဘေးလွတ်ရာသို့ ကူညီကယ်ဆယ်ရေးရွှေ့ပြောင်းရေးလုပ်ငန်းများဆောင်ရွက်လျက်ရှိကြောင်း သိရသည်။

▪️ အလားတူ  ပဲခူးတိုင်းဒေသကြီးအတွင်း ရေဝင်ရောက်လျက်ရှိသော အုတ်တွင်းမြို့နယ်၊ ဝက်ဖြူကုန်းကျေးရွာ၊ သာယာကုန်းကျေးရွာ၊ တောင်ငူမြို့နယ်၊ ကံရိုးရွာ၊ မြစ်ကြီးပေါက်ကျေးရွာ၊ ဒိုးအင်းရွာ၊ အရှေ့ဆင်ရွာ၊ အနောက်ဆင်ရွာ၊ ရေတာရှည်မြို့နယ် ထိပ်ပေါက်ကျေးရွာ၊ နှောပင်ကျေးရွာနှင့် ထန်းတပင်မြို့၊ အောင်ချမ်းသာရွာများရှိ ရေဘေးသင့်ပြည်သူများအား ပဲခူးတိုင်းဒေသကြီးအတွင်းရှိ  မီးသတ်စခန်းများမှ ရှာဖွေကယ်ဆယ်ရေးတပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ကူညီကယ်ဆယ်ရွှေ့ပြောင်းပေးခြင်းလုပ်ငန်းများ ဆောင်ရွက်ပေးလျက်ရှိကြောင်း သိရသည်။

#YMG/NN #Yangon_Times

ရန်ချို ပါလော့စ်ဗာဒက်စ်၊ ကာလီဖိုနီးယား ၊ စက်တင်ဘာ ၁၄

သူသာသမ္မတဖြစ်လာပါက အမေရိကန်ပြည်ထောင်စုတွင် ဟေတီလူမျိုးအများစုမှာ တရားဝင်နေထိုင်နေကြသော်လည်း အိုဟိုင်းအိုပြည်နယ် စပရင်းဖီးလ်မြို့တွင်ရှိနေသည့်  ရွှေ့ပြောင်းရောက်ရှိလာသော ဟေတီများကို အမြောက်အများ ပြည်နှင်ဒဏ်ပေးပစ်မယ်လို့ အမေရိကန် ရီပတ်ဗလီကန် သမ္မတလောင်း ဒေါ်နယ် ထရမ့်က ပြောကြားလိုက်ပါတယ်။

အဲဒီမှာရှိနေကြတဲ့ ဟေတီလူမျိုးတွေဟာ အိမ်မွေးတိရိစ္ဆာန်တွေကို သတ်စားကြတယ်လို့ ဆိုရှယ်မီဒီယာမှာ ရုတ်ရုတ်သဲသဲ ဖြစ်လာခဲ့တာဖြစ်ပါတယ်။

“အိုဟိုင်းအို စပရင်းဖီးလ်မှာ နေရပ်ကို အကြီးအကျယ်ပြန်ပို့တာကို ကျွန်တော်တို့လုပ်မယ်” လို့ သူ့ရဲ့ ဂေါက်ကွင်းအပန်း   ဖြေစခန်းမှာ ကျင်းပပြုလုပ်တဲ့ သတင်းစာရှင်းလင်းပွဲမှာ ထရမ့်ကပြောခဲ့တာပါ။

စပရင်းဖီးလ်မှာရှိနေတဲ့ ဟေတီသား ၁၅,၀၀၀ထဲက အများစုဟာ တရားဝင်နေထိုင်ကြတာပါ။ နေရပ်ကို အမြောက်အများ ပြန်ပို့မယ်လို့ ကာလရှည်ကြာ ထရမ့်ရဲ့ ကတိဟာ နိုင်ငံမှာ တရားမဝင်နေထိုင်သူတွေကို ရည်ညွှန်းလေ့ရှိတာဖြစ်ပါတယ်။

“ စပရင်းဖီးလ်မှာ တရားမဝင်ရွှေ့ပြောင်းလာရောက်နေထိုင်သူတွေကို ကျွန်တော်စိတ်ဆိုးတယ်။ ဒါဟာအမှိုက်တွေပဲ။ ဟုတ်တယ်မဟုတ်လား” လို့ သောကြာနေ့က လားဗီဂါးစ်မှာကျင်းပတဲ့ လူထုစည်းရုံးပွဲမှာ ထရမ့်ကပြောခဲ့ပါတယ်။

“ ကျွန်တော်တို့နိုင်ငံထဲကို အလွန်လွယ်ကူစွာနှင့် တရားမဝင်ဘဲ ရောက်လာကြတဲ့ လူ့အရိုင်းအစိုင်း ရာဇဝတ်သား  ပြည်ပသားတွေဟာ အမေရိကန်မိန်းမပျိုတွေကို မုဒိမ်းပြုကျင့်ပြီး သတ်ပစ်နေကြတာကို ကျွန်တော်စိတ်ဆိုးတယ်” လို့ ထရမ့်က ဆက်ပြောပါတယ်။

အမေရိကန်နိုင်ငံတစ်လွှားက ဟေတီအသိုက်အဝန်းခေါင်ဆောင်တွေက ထရမ့်ရဲ့မှတ်ချက်စကားဟာ စပရင်ဖီးလ်မှာ  အသက်အန္တရာယ်တွေ စိုးရိမ်ရပြီး တင်းမာမှုကို မီးထပ်မွှေးတာလို့ ပြောနေကြပါတယ်။

“ ကျွန်တော်တို့အကူအညီလိုပါတယ်။ အမုန်းတွေ မလိုပါ” လို့ စပရင်းဖီးလ်မြို့တော်ဝန် ရော့ရူးက အေဘီစီသတင်းဌာနကို ပြောပါတယ်။

အိမ်မွေးတိရိစ္ဆာန်တွေသတ်စားတယ်ဆိုတဲ့ မယုံကြည်ရတဲ့ သတင်းတွေရရှိနေတယ်လို့ မြို့ အရာရှိတွေကပြောကြပါတယ်။

 ဟေတီဒေသခံတွေကို ပစ်မှတ်ထားတဲ့ မုန်းတီးမှုကြောင့်ဖြစ်တဲ့ ရာဇဝတ်မှုတွေအကြောင်း သတိမထားမိဘူးလို့ မြို့ ပြောရေးဆိုခွင့်ရ ကာရင်ဂရေ့ဗ်ကပြောပါတယ်။ ဒါပေမယ့် အချို့မှာ ခိုးမှုလို အခွင့်အရေး အသုံးချ ရာဇဝတ်မှုအချို့မှာ သားကောင်ဖြစ်ရသူတွေတော့ရှိတယ်လို့သူမကပြောပါတယ်။

သောကြာနေ့ကတော့ စပရင်းဖီးလ်မှာ ဗုံးဖောက်ခွဲမယ်ဆိုတဲ့ အမည်မသိ ခြိမ်းခြောက်မှုတွေကြောင့် မူလတန်းကျောင်း နှစ်ကျောင်းက ကလေးတွေကိုကယ်ထုတ်ခဲ့ရပြီး အလယ်တန်းကျောင်းတစ်ကျောင်းကို ပိတ်ပစ်ခဲ့ရပါတယ်။

ဘိုင်ဒင်အစိုးရဟာ အမေရိကန်ပြည်ထောင်စုမှာရှိနေတဲ့ ဟေတီသား ထောင်ပေါင်းများစွာကို ထုတ်ပေးထားတဲ့ ယာယီအကာအကွယ်ပေးတဲ့ အဆင့်အတန်းကို သက်တမ်းတိုးခဲ့ပါတယ်။ အဲဒီအစီအစဉ်ဟာ တရားဝင်ရွှေ့ပြောင်း နေထိုင်လာကြသူများ နေရပ်ပြန်ပို့ပေးကို ကာကွယ်ပေးပြီး အလုပ်လုပ်ခွင့်လည်းပေးထားပါတယ်။  ဂိုဏ်း စစ်ပွဲတွေကြောင့် ဟေတီမှာ လူငါးသောင်းခန့်ဟာ နေရပ်ရွှေ့ပြောင်းခံခဲ့ကြရပြီး လူငါးသန်းခန့်ဟာ စားနပ်ရိက္ခာမပြည့်စုံမှုနှင့် ကြုံတွေ့နေကြရပါတယ်။

 Source Reuters

မြစ်(၃)မြစ် စိုးရိမ်ရေအမှတ်အထက်ဆက်တက်ဖိုရှိတဲ့အတွက် မြေနိမ့်ပိုင်းနေထိုင်သူတွေအနေနဲ့
ကြိုတင်ရွှေ့ပြောင်းထားရန်လိုအပ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 14 September 2024
#စိုးရိမ်ရေအမှတ်အထက်ဆက်တက်နိုင် #မြစ်ရေများ
#YMG/tthl #Yangon_Times

ရှမ်းပြည်နယ်တောင်ပိုင်း၊ ကလောနဲ့အောင်ပန်းမြို့တွေမှာ ရေကြီး၊ ရေလျှံတာတွေဖြစ်နေတာကြောင့် ရန်ကုန်အပါအဝင် နယ်ဒေသတွေကို ရှမ်းပြည်နယ်‌ဒေသထွက် ကုန်တွေတင်ပို့တာ ရပ်နားထားရတာ‌ကြောင့် ရန်ကုန်ဈေးကွက်မှာ ရှမ်းကုန်တွေဈေးတက်နေတယ်လို့ အောင်ပန်းမြို့နယ်ရှိ ပွဲရုံတွေနဲ့ စားသုံးသူ‌ တွေ‌ဆီက သိရပါတယ်။
#Local_News
Published 14 September 2024
#ရှမ်းကုန်တင်ပို့မှုရပ်နား #ရှမ်းကုန်တွေဈေးတက်
#YMG/NN #Yangon_Times

မိုးသည်းထန်လို့ ထိခိုက်ပျက်စီးခဲ့တဲ့ ပုဂံရှေးဟောင်းအဆောက် အအုံ(၉)ခုကို ဘိလပ်မြေလုံးဝမသုံးဘဲ ရှေးမူလက်ရာအတိုင်း ပြုပြင်ရေးစံချိန်စံညွှန်းနဲ့အညီပြုပြင်သွားဖို့ရှိတယ်လို့ ပုဂံရှေးဟောင်း သုတေသနနှင့် အမျိုးသားပြတိုက်ဦးစီးဌာနမှ သိရပါတယ်။
#Local_News
Published 14 September 2024
#ဘုရား(၉)ဆူ #ရှေးမူမပျက်ပြုပြင်နေ
#YMG/tthl #Yangon_Times