#Local_News
Published 22  February 2025

▪️ ရန်ကုန်တိုင်း၊ ဆိပ်ကြီးခနောင်တိုမြို့နယ်ရှိ ခနောင်တိုချောင်းအတွင်း သင်္ဘောတစ်စီး မီးလောင်မှုတစ်ခု ယ‌နေ့မနက်ပိုင်းတွင်ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဖေဖော်ဝါရီ ၂၂ရက်နေ့၊ မနက်၉နာရီ  ၄၇မိနစ် အချိန်ခန့်က  ရန်ကုန်တိုင်းဒေသကြီး၊ ဆိပ်ကြီးခနောင်တိုမြို့နယ်၊ အရှေ့ရပ်ကွက်၊ ခနောင်တိုချောင်းအတွင်းတွင် သင်္ဘော(၁)စီး မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ  သတင်းရရှိသဖြင့် ဆိပ်ကြီးခနောင်တိုမြို့နယ်မီးသတ်စခန်းနှင့် ဒလမြို့နယ်မီးသတ်စခန်းတို့မှ သန္ဓေမီးသတ်တပ်ဖွဲ့ဝင်များသည် အပေါ့စားစက်(၄)လုံးဖြင့် မီးငြှိမ်းသတ်ရေးလုပ်ငန်းများ ဆောင်ရွက်လျှက်ရှိကြောင်းသိရသည်။

#YMG/NN #Yangon_Times

#World_News
Published 22 February 2025

▪️ အစိုးရလုပ်သားအင်အား လျှော့ချဖို့ကြိုးစားနေတဲ့ အမေရိကန်သမ္မတ ဒေါ်နယ်ထရမ့်ရဲ့ အစီအစဉ် တစ်စိတ်တစ်ပိုင်းအဖြစ် ပင်တဂွန်စစ်ဌာနချုပ်ကလည်း အလုပ်နေရာပေါင်း ၅,၄၀၀ လျှော့ချသွားမယ်လို့ သောကြာနေ့က ပြောလိုက်ပါတယ်။

▪️ ဒီလိုကြိုးပမ်းမှုတွေနဲ့ ပတ်သက်ပြီး ဒီမတိုင်ခင်နေ့က ရီပတ်ဘလစ်ကန် လွှတ်တော်အမတ်အချို့ဟာ မဲပေးသူတွေထံမှ လှောင်ပြောင်မှုများ ခံခဲ့ရပါတယ်။

▪️ ဒါဟာ မျှော်မှန်းထားတဲ့အတိုင်း ကာကွယ်ရေးဌာနမှ အလုပ်နေရာပေါင်း ၅ သောင်းခန့်ရဲ့ တစ်စိတ်တစ်ပိုင်းကို လျှော့ချသွားမှာဖြစ်ပြီး လာမယ့်သီတင်းပတ်မှာ ပြုလုပ်မှာဖြစ်ပါတယ်။

▪️ ပင်တဂွန်အနေနဲ့ အလုပ်ရာထူး ခန့်အပ်ခြင်းရပ်ဆိုင်းသွားဖို့ လုပ်ဆောင်သွားမှာဖြစ်ပြီး ၉၅၀,၀၀၀ အင်အားရှိတဲ့ အရပ်သားဝန်ထမ်းတွေကနေ ၅-၈ ရာခိုင်နှုန်း လျှော့ချသွားနိုင်တယ်လို့ ထိပ်သီးအရာရှိ ဒါရင်ဆယ်လ်နစ်ခ်က ပြောပါတယ်။

▪️ ဘီလျံနာအီလွန်မက်စ် ဦးဆောင်ပြီး အမေရိကန်အစိုးရ အဖွဲ့အစည်းတွေမှ လုပ်သား ၂ သောင်းကျော် လျှော့ချခြင်း၊ နိုင်ငံခြားအကူအညီကစလို့ ဘဏ္ဍာရေးကြီးကြပ်မှုအထိ အစီအစဉ်တွေ ဖျက်သိမ်းခြင်းတို့ လုပ်ဆောင်နေကြတာ ဖြစ်ပါတယ်။

▪️ တရားဥပဒေနည်းလမ်းရ ရလဒ်တွေ ရောထွေးနေကာ သောကြာနေ့က နိုင်ငံတကာဖွံ့ဖြိုးရေး အမေရိကန်အေဂျင်စီမှ လုပ်သား ၂ ထောင်ကျော်ကို အလုပ်နုတ်ထွက်ခွင့်ပြုမယ့် ထရမ့်အစီအစဉ်အတွက် အစိုးရတရားသူကြီးတစ်ဦးက လမ်းဖွင့်ပေးခဲ့ပါတယ်။

▪️ ဒါပေမဲ့ အထူးအကြံပေးရုံး အကြီးအကဲကို ထရမ့်ချက်ချင်းထုတ်ပယ်ဖို့ လုပ်တာကိုတော့ အမေရိကန် တရားရုံးချုပ်က ပိတ်ပင်ခဲ့ပါတယ်။

▪️ ဒါ့အပြင် FBIကလည်း ဝန်ထမ်း ၁,၅၀၀ ကို ဝါရှင်တန်ရုံးချုပ်ကနေ နိုင်ငံတဝှမ်းရှိ ရုံးများထံ လွှဲပြောင်းဖို့ ညွှန်ကြားခဲ့ပါတယ်။

▪️ နာမကျန်းဖြစ်နေသူပေါင်းး ၁၃၇,၀၀၀ ခန့်အတွက် ကျန်းမာရေးအစီအစဉ်မှာ ကြီးကြပ်နေတဲ့ အလုပ်ထုတ်ပယ်ပြီးသား ဝန်ထမ်းတွေကို ပြန်လည်ခေါ်ယူသွားဖို့ရှိတယ်လို့ အမေရိကန် ရောဂါထိန်းချုပ်ကာကွယ်ရေးစင်တာ CDCက ပြောထားပါတယ်။

▪️ အမေရိကန်နိုင်ငံသား အများစုက အီလွန်မက်စ်ရဲ့ အစိုးရဝန်ထမ်းအင်အား လျှော့ချရေးကြိုးပမ်းမှုက အစိုးရအဖွဲ့အစည်းတွေ ထိခိုက်မှာကို စိုးရိမ်နေကြတယ်လို့ စစ်တမ်းအရသိရပါတယ်။

▪️ သမဂ္ဂအဖွဲ့အများအပြားက အစိုးရအဖွဲ့ရဲ့ အားထုတ်မှုတွေနဲ့ ပတ်သက်လို့ စွဲချက်တင်ထားကြကာ ထရမ့်နဲ့ မက်စ်တို့ကတော့ အစိုးရအဖွဲ့အစည်းတွေဟာ ပိုလျှံဖောင်းပွနေတယ်လို့ ဆိုထားပါတယ်။

#Source: Reuters

#Local_News
Published 22  February 2025

▪️ ကျိုင်းတုံမြို့အနီး၌ ယနေ့မနက်ပိုင်းက မြေငလျင်လှုပ်ခတ်ခဲ့ကြောင်းမိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

▪️ ဖေဖော်ဝါရီလ ၂၂ ရက်နေ့၊ မြန်မာစံတော်ချိန် (၀၅)နာရီ၊ (၄၈)မိနစ်၊ (၁၆)စက္ကန့် အချိန်တွင် ကျိုင်းတုံငလျင်စခန်းမှ အရှေ့ဘက် (၁၁) မိုင်ခန့်ကွာဝေးသော မြန်မာနိုင်ငံပြည်တွင်း (ကျိုင်း တုံမြို့၏ အရှေ့ဘက် (၁၀) မိုင်ခန့်အကွာ)၊ မြောက်လတ္တီတွဒ် (၂၁.၂၈) ဒီဂရီ၊ အရှေ့လောင်ဂျီတွဒ် (၉၉.၇၆) ဒီဂရီ၊ အနက်(၁၀)ကီလိုမီတာကို ဗဟိုပြု၍ အင်အားရစ်(ခ်)တာစကေး (၃.၃) အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း တိုင်းထွာရရှိကြောင်း သိရသည်။

#YMG/NN #Yangon_Times

#World_Health
Published 22 February 2025

▪️ အုန်းဆီမှာ ရောင်ရမ်းဆန့်ကျင်ခြင်းနဲ့ ပိုးသန့်စင်ခြင်း အာနိသင်တွေ၊ အစိုဓာတ်ထိန်းသိမ်းခြင်းတွေ ပေးစွမ်းနိုင်ပါတယ်။

▪️ ဒါ့အပြင် အိုမင်းရင့်ရော်ခြင်းလက္ခဏာ လျှော့ချခြင်း၊ အသားအရေ အစိုဓာတ်ထိန်းပေးခြင်းနဲ့ ချောမွေ့ခြင်းတို့လည်း ကူညီပေးပါတယ်။

▪️ ကော်လာဂျင်ထုတ်လုပ်ခြင်း၊ အသားအရေ တင်းရင်းခြင်းတို့မှာလည်း အကူအညီ ဖြစ်စေနိုင်ပါတယ်။

▪️ အသားအရေအတွက် အုန်းဆီအသုံးပြုနိုင်မယ့် နည်းလမ်းတွေကို ဖော်ပြလိုက်ပါတယ်။

(၁) အစိုဓာတ်ထိန်းသိမ်းခြင်း
▪️ ရေချိုးပြီးနောက် ခြောက်သွေ့နေတဲ့ အရေပြားပေါ်မှာ အုန်းဆီအနည်းငယ် လိမ်းပေးခြင်းဖြင့် ထိရောက်စွာ အစိုဓာတ် ထိန်းနိုင်ပါတယ်။

(၂) မိတ်ကပ်ဖျက်ခြင်း
▪️ အုန်းဆီက အရေပြားမှ သဘာဝအဆီများ မပါဘဲ မိတ်ကပ်နဲ့ အညစ်အကြေးများကို ဖယ်ရှားနိုင်ပါတယ်။

(၃) နေရောင်ထိတွေ့ပြီးနောက်သုံးခြင်း
▪️ နေရောင်နဲ့ထိတွေ့လို့ နီမြန်းရောင်ရမ်းသွားတဲ့ အရေပြားပေါ်မှာ အုန်းဆီသုံးခြင်းဖြင့် အစိုဓာတ်ထိန်းပေးကာ သက်သာစေပါတယ်။

(၄) နှုတ်ခမ်းအဆီအဖြစ်သုံးခြင်း
▪️ ဆောင်းရာသီ နှုတ်ခမ်းခြောက်ခြင်းမှ ကာကွယ်ရန် အုန်းဆီသုတ်ပေးပြီး အစိုဓာတ်ထိန်းနိုင်ပါတယ်။

(၅) ညဘက်လိမ်းခြင်း
▪️ ညအိပ်ရာမဝင်ခင် မျက်နှာသစ်ပြီး အုန်းဆီပါးပါးလိမ်းခြင်းဖြင့် ရေဓာတ်ဖြည့်ပေးနိုင်ပါတယ်။

▪️ အုန်းဆီလိမ်းတဲ့အခါမှာ အရေပြားအခြေအနေကို စောင့်ကြည့်သင့်ပြီး အထူးသဖြင့် အဆီပြန်ပြီး ဝက်ခြံထွက်လွယ်တဲ့သူတွေမှာ သတိထားသင့်ပါတယ်။

#Source: DoctorNDTV

#World_Science
Published 22 February 2025

▪️ အသက်ရှည်ကျန်းမာခြင်းအကြောင်း ကြည့်မယ်ဆိုရင် ဂျပန်နိုင်ငံက အခြားနိုင်ငံတွေထက် များစွာသာလွန်တယ်လို့ ပြောလို့ရပါတယ်။

▪️ သက်ရှည်ကျန်းမာရခြင်း နောက်ကွယ်က အကြောင်းအရင်းတွေထဲမှာ ကျန်းမာရေးနဲ့ ညီညွတ်တဲ့ စားသောက်နေထိုင်မှုပုံစံ၊ အစားအစားနဲ့ မျိုးဗီဇတို့ပါဝင်နေပါတယ်။

▪️ ဒါပေမဲ့ သုတေသနတစ်ခုအရ သွေးအုပ်စုအမျိုးအစားပါ ပါဝင်နေနိုင်ပါတယ်။

▪️ သွေးအုပ်စုတွေထဲမှာ A, B , Oနဲ့ ABဆိုပြီး ခွဲခြားနိုင်ကာ မိဘတစ်ဦးဆီကရတဲ့ မျိုးဗီဇတစ်ခုစီဖြင့် သတ်မှတ်ရရှိပါတယ်။

▪️ သိပ္ပံပညာရှင်တွေက အသက်ကြီးရင့်လာခြင်းနဲ့ သွေးအုပ်စုတို့ကြား ဆက်စပ်မှုပြုလုပ်ဖို့ ကြိုးပမ်းခဲ့ရာမှာ Bသွေးအမျိုးအစားတွေက အိုမင်းရင့်ရော်မှု နှောင့်နှေးနိုင်ဖွယ်ရှိတယ်လို့ တွေ့ရှိလာကြပါတယ်။

▪️ ၂၀၀၄ခုနှစ်က တိုကျိုမှာနေထိုင်တဲ့ အသက် ၁၀၀ ကျော် လူပေါင်း ၂၆၉ ဦးကို နှိုင်းယှဉ်ကာ သွေးအုပ်စုနဲ့ ပျမ်းမျှသက်တမ်းတို့ကြား ဆက်စပ်မှုကို လေ့လာခဲ့ကြပါတယ်။

▪️ ထိုအခါမှာ သွေးအုပ်စု Bက သက်ရှည်ကျန်းမာခြင်းနဲ့ သက်ဆိုင်နေတယ်လို့ ယူဆခဲ့ကြကာ နောက်ထပ်ဆန်းစစ်မှုများ ပြုလုပ်ခဲ့ကြပါတယ်။

▪️ Bသွေးအမျိုးအစားက ဆဲလ်ပြုပြင်ခြင်းနဲ့ အသစ်ဖြစ်ပေါ်ခြင်းဖြစ်စဉ်တွေ ပိုမိုကောင်းမွန်ပြီး ဇီဝကမ္မဖိစီးမှုတွေကို ကောင်းစွာထိန်းချုပ်နိုင်တာကြောင့် ဖြစ်မယ်လို့ ထောက်ပြထားပါတယ်။

▪️ ၂၀၂၂ ခုနှစ် မယ်ရီလန်းဆေးတက္ကသိုလ်မှ သုတေသီများ လေ့လာရာမှာ သွေးအုပ်စု A က Oနဲ့ယှဉ်ရင် အသက် ၆၀ မတိုင်ခင် လေဖြတ်နိုင်ခြေပိုများကြောင်း တွေ့ခဲ့ကြပါတယ်။

▪️ အသက်အရွယ်နဲ့ သင်္ခါရသဘောတရားအရ အိုမင်းလာခြင်းနဲ့ ပတ်သက်လို့ သွေးအုပ်စုတွေက ထင်ထင်ရှားရှား သက်ဆိုင်နေတယ်ဆိုတာတော့ ပြောဖို့ခက်နေပါသေးတယ်။

#Source: WION

ယူအေအီးနိုင်ငံ အဘူဒါဘီမှာ ကျင်းပတဲ့ ၂၀၂၅ နိုင်ငံတကာ ကာကွယ်ရေးပြပွဲနဲ့ ကွန်ဖရင့်စ်မှာ နောက်ဆုံးပေါ်ပစ္စည်းများ ပြသခဲ့ကြရာ လူထိန်းချုပ်ရန်မလိုတဲ့ စစ်ရေးပစ္စည်းကိရိယာများကို ကမ္ဘာတဝှမ်းမှ စိတ်ဝင်စားလာကြပြီး ခေတ်မီကာကွယ်ရေးပစ္စည်း ထုတ်လုပ်မှုတိုးတက်လာတာကို ဖော်ပြနေပါတယ်။
#World_Event
Published  21 February 2025
#ထိန်းကွပ်သူမဲ့နည်းပညာမြင့် #စစ်ရေးပစ္စည်းကိရိယာ
#YMG #Yangon_Times #Yangon_Media_Group

Daily_News

Published  21 February 2025

၁။ နေရောင်ခြည်စွမ်းအင်သုံး စီမံကိန်း(၄)ခုအတွက် တရုတ်က ဒေါ်လာ ၁ ဘီလျံခန့်ကူညီမည်

၂။ စက်သုံးဆီအမျိုးအစားအားလုံးဈေးပြန်တက်

၃။ ယခုလ ၂၄ ရက်မှ ၂၇ ရက်အတွင်း အချိန်အခါမဟုတ် မိုးရွာမည်

၄။ အဘူဒါဘီ၌ ကျင်းပသည့် (၂၀၂၅)နိုင်ငံတကာ ကာကွယ်ရေးပြပွဲ၌ ထိန်းကွပ်သူမဲ့နည်းပညာမြင့် စစ်ရေးပစ္စည်းအမျိုးမျိုးပြသ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရှမ်းပြည်နယ်(တောင်ပိုင်း) ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့ရဲ့  ရှေးဟောင်းသမိုင်းဝင် ရွှေဥမင် သဘာဝလိုဏ်ဂူတော်ဘုရား ဗုဒ္ဓပူဇနိယပူဇော်ပွဲ(တပေါင်းပွဲတော်)ကို လာမယ့် မတ်လအတွင်းမှာ စည်ကားသိုက်မြိုက်စွာကျင်းပသွားမယ်လို့ သိရပါတယ်။
#Local_News
Published  21 February 2025
#ဓနုကိုယ်ပိုင်အုပ်ချုပ်ခွင့်ရဒေသ #ရွှေဥမင်သဘာဝလိုဏ်ဂူတော်
#YMG/NN #Yangon_Times

ယခုလ၂၄ရက်ကနေ၂၇ရက်အတွင်းအချိန်အခါမဟုတ် မိုးရွာနိုင်တယ်လို့ မိုးလေဝသနှင့် ဇလဗေဒဦးစီးဌာနက ထုတ်ပြန်ထားပါတယ်။
#Local_News
Published  21 February 2025
#အချိန်အခါမဟုတ်မိုးရွာ #မိုးလေဝသနှင့်ဇလဗေဒဦးစီးဌာန
#YMG/SW #Yangon_Times

ရန်ကုန်ဈေးကွက်မှာ ပြီးခဲ့တဲ့အပတ်တွေက ဆက်တိုက်လိုလို ကျဆင်းနေတဲ့ စက်သုံးဆီဈေးနှုန်းတွေကတော့ ဒီကနေ့မှာ အမျိုးအစားအားလုံးမြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက သိရပါတယ်။
#Local_News
Published  21 February 2025
#စက်သုံးဆီအားလုံးဈေးတက် #တင်သွင်းသိုလှောင်ဖြန့်ဖြူးခြင်းလုပ်ငန်း
#YMG/NN #Yangon_Times

ပြည်တွင်းမှာတည်ဆောက်မယ့်နေရောင်ခြည် စွမ်းအင်သုံး စီမံကိန်း (၄)ခုအတွက်တရုတ်က အမေရိကန်ဒေါ်လာ၁ဘီလျံခန့် ကူညီသွားမယ်လို့ သိရပါတယ်။
#Local_News
Published  21 February 2025
#နေရောင်ခြည်စွမ်းအင်သုံး #အမေရိကန်ဒေါ်လာ၁ဘီလျံခန့်ကူညီ
#YMG/SW #Yangon_Times

#World_News
Published 21 February 2025

▪️ ယူကရိန်းပဋိပက္ခအတွက် အမေရိကန်သမ္မတ ဒေါ်နယ်ထရမ့်ရဲ့ အထူးကိုယ်စားလှယ်က ယူကရိန်းသမ္မတ ဗိုလိုဒီမာဇယ်လန်စကီနဲ့ ကိဗ်မှာ ကြာသပတေးနေ့က တွေ့ဆုံခဲ့ကြပါတယ်။

▪️ မဟာမိတ်အရင်းကြီးတွေ ဖြစ်ခဲ့ကြတဲ့ ထိုနှစ်နိုင်ငံကြား စစ်ကာလကွဲလွဲမှုများ ကြုံတွေ့နေတဲ့အပေါ် အဆင်ပြေချောမွေ့အောင် ပြောဆိုနိုင်ခဲ့ကြလားဆိုတာတော့ မသိရသေးဘဲ အမေရိကန်မှ အဓိကတာဝန်ရှိသူတွေကတော့ စိတ်ပျက်စရာ အခြေအနေတွေ ရှိနေသေးတယ်ဆိုတဲ့သဘော ဖော်ပြခဲ့ကြပါတယ်။

▪️ ထရမ့်အနေနဲ့ ရုရှားတို့ပြောတဲ့ လုပ်ကြံသတင်းတွေအတိုင်း သံယောင်လိုက်ပြောနေတယ်လို့ ဇယ်လန်စကီ စွပ်စွဲလိုက်ပြီးနောက်မှာတော့ ပြေရာပြေကြောင်း လေသံပြောင်းသွားပါတယ်။

▪️ သမ္မတတာဝန်ယူတာ တစ်လသာရှိသေးတဲ့ ထရမ့်က စစ်ပွဲအဆုံးသတ်ဖို့ မြန်မြန်ဆန်ဆန် ဆောင်ရွက်ရန် ကြိုးပမ်းနေပြီး ယူကရိန်းနဲ့ ဥရောပမဟာမိတ်များမပါဘဲ ရုရှားနဲ့ ကနဦးဆွေးနွေးမှုများ ပြုလုပ်ခဲ့တဲ့အတွက် သတိထားစရာ ဖြစ်လာပါတယ်။

▪️ ဇယ်လန်စကီ ပုတ်ခတ်ပြောဆိုတာတွေက လက်မခံနိုင်စရာဖြစ်ပြီး ဆွေးနွေးမှုမှာ ပြန်လည်ပါဝင်လာဖို့ လိုအပ်ကာ ယူကရိန်းသတ္တုရင်းမြစ်တွေကို အမေရိကန်တူးဖော်ခွင့်ရရေးအကြောင်း ဆွေးနွေးဖို့လိုတယ်လို့ အမေရိကန် အမျိုးသားလုံခြုံရေးအကြံပေး မိုက်ခ်ဝေါ့ဇ်က အိမ်ဖြူတော် မီဒီယာရှင်းလင်းပွဲမှာ ဆိုပါတယ်။

▪️ ယူကရိန်းနဲ့ ရုရှားစစ်ပွဲအတွက် ထရမ့်ရဲ့ အထူးကိုယ်စားလှယ် ကိသ်ကယ်လော့ဂ် ဗုဒ္ဓဟူးနေ့က ကိဗ်ကိုရောက်ရှိလာကာ စစ်သုံ့ပန်းတွေ၊ လုံခြုံရေးအာမခံချက်တွေ၊ စစ်မြေပြင်အခြေအနေတွေအကြောင်း အကျိုးရှိရှိ ပြောဆိုခဲ့ကြတယ်လို့ ဇယ်လန်စကီက Xဆိုရှယ်မီဒီယာမှာ ဖော်ပြထားပါတယ်။

▪️ ထရမ့်က ရုရှားနဲ့ ဆက်ဆံရေးပြန်လည်ထူထောင်လိုပြီး စွမ်းအင်ကူးပြောင်းရေးအတွက် အရေးပါတဲ့ ယူကရိန်းသတ္တုရင်းမြစ်တွေမှာလည်း ရင်းနှီးမြှုပ်နှံလိုနေပါတယ်။

▪️ ဇယ်လန်စကီရဲ့ သမ္မတသက်တမ်း ၄ နှစ်ပြည့်ခဲ့ပြီဖြစ်ပေမယ့် ရုရှားကျူးကျော်မှုကြောင့် စစ်အုပ်ချုပ်ရေး ထုတ်ပြန်ထားရသဖြင့် ရွေးကောက်ပွဲ မပြုလုပ်ခဲ့တဲ့အပေါ်မှာ ထရမ့်က ဇယ်လန်စကီကို အာဏာရှင်လို့ စွပ်စွဲခဲ့တာ ဖြစ်ပါတယ်။

#Source: Reuters