#World_Health
Published 26 September 2024

▪️ ကလေးတွေက ဆော့ကစားနေတဲ့ အချိန်မှာ အကောင်းဆုံး လေ့လာသင်ယူဖွံ့ဖြိုးကြပါတယ်။
ဆော့ကစားခြင်းက ပျော်ရွှင်ဖို့အပြင် ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ ပညာရေးပိုင်း၊ လူမှုရေးပိုင်း ဖွံ့ဖြိုးမှုတွေမှာပါ အရေးကြီးပါတယ်။

▪️ ဒီလိုမျိုး ဖွံ့ဖြိုးမှုတွေကနေ အကျိုးရှိစေဖို့ သင့်လျော်တဲ့ ကစားနည်းတွေကို ရွေးချယ်တတ်ဖို့ လိုပါတယ်။

(၁) အရုပ်တုံးများဆက်ခြင်း
▪️ LEGO ၊ သစ်သားအရုပ်တုံးများဆက်ခြင်းတို့လို ကစားနည်းတွေက စဉ်းစားမှုပိုင်းနဲ့ ပြဿနာဖြေရှင်းခြင်း အပိုင်းတို့ကို တိုးတက်စေပါတယ်။

▪️ ဘယ်အတုံးတွေက ဘယ်နေရာမှာ အံဝင်လဲဆိုတာ နားလည်စေပြီး ဇွဲလုံ့လနဲ့ စိတ်ဓာတ်ကြံ့ခိုင်ရည် တို့ကို ပေးစွမ်းနိုင်ပါတယ်။

▪️ ဒါ့အပြင် ဦးနှောက်ထိန်းချုပ်တဲ့ ကိုယ်လက်လှုပ်ရှားမှုစွမ်းရည်၊ မျက်လုံးနဲ့လက် စည်းချက်ညီလှုပ်ရှားမှု၊ ဦးနှောက်စွမ်းရည်တို့ တိုးတက်စေပါတယ်။

(၂) မှတ်ဉာဏ်ဆိုင်ရာကစားနည်းများ
▪️ ကတ်ယှဉ်တွဲခြင်းလိုမျိုး ကစားနည်းတွေက ဦးနှောက်မှတ်သားမှု စွမ်းရည်တိုးတက်စေကာ အာရုံစူးစိုက်ခြင်း၊ မှတ်သားခြင်း၊ မှတ်ဉာဏ်ပြန်ဖော်ခြင်းတို့ အားကောင်းစေပါတယ်။

▪️ ဦးနှောက်ပိုင်းမှာ အလိုက်သင့် အသုံးချနိုင်စေသလို စိတ်ရှည်မှုနဲ့ ပညာရေးပိုင်းအတွက် စွမ်းရည်များ တိုးတက်စေပါတယ်။

(၃) တစ်စုံတစ်ဦးအဖြစ်သရုပ်ဆောင်ကစားနည်းများ
▪️ ဥပမာအားဖြင့် ဆရာဝန်၊ ကျောင်းဆရာ၊ စူပါဟီးရိုးတို့လိုမျိုး သရုပ်ဆောင်ကာ ဆော့ကစားခြင်းက လူမှုရေးနဲ့ စိတ်ခံစားမှု တိုးတက်ခြင်းတို့အတွက် ကောင်းမွန်ပါတယ်။

▪️ အခြားတစ်ဦးဦးရဲ့ နေရာကနေ စဉ်းစားတွေးခေါ် လုပ်ကိုင်ရတာကြောင့် လူမှုဆက်ဆံရေး၊ ပြဿနာဖြေရှင်းရေးတို့ကို သင်ယူနိုင်ပြီး သူငယ်ချင်းများနဲ့ ဆက်ဆံရေးခိုင်မာစေပါတယ်။

(၄) အိမ်အပြင်ဘက်ဆော့ကစားနည်းများ
▪️ တူတူပုန်းတမ်း၊ ဘောလုံးတို့လို ကစားနည်းတွေက ပြေးခြင်း၊ ခုန်ခြင်းတို့ ပြုလုပ်ရတာကြောင့် ကလေးရဲ့ ရုပ်ပိုင်းဆိုင်ရာ တိုးတက်စေတဲ့အပြင် ကြံ့ခိုင်ကာ ပူးပေါင်းဆောင်ရွက်တတ်စေပါတယ်။

▪️ သဘာဝတရားကြီးနဲ့ ပတ်သက်လို့ အတွေ့အကြံရစေကာ ရုပ်ပိုင်းဆိုင်ရာ ကြံ့ခိုင်ခြင်း၊ သွက်လက်ခြင်း၊ ပူးပေါင်းဆောင်ရွက်ခြင်းတို့ ပြုလုပ်လာနိုင်စေပါတယ်။

(၅) ပဟေဌိကစားနည်းများ
▪️ ပဟေဌိဆက်ခြင်းလိုမျိုး ဦးနှောက်သုံးရတဲ့ ကစားနည်းတွေက ပြဿနာဖြေရှင်းခြင်းနဲ့ စိတ်ရှည်ခြင်း စွမ်းရည်တို့ တိုးတက်စေကာ စဉ်းစားတွေးခေါ်မှုအပိုင်းနဲ့ အကျိုးသင့်အကြောင်းသင့် တွေးတောတတ်လာပါတယ်။

▪️ စိတ်ရှည်သည်းခံခြင်းနဲ့ ဇွဲရှိဖို့ကိုလည်း သိရှိစေနိုင်ပါတယ်။

(၆) ဘုတ်ပေါ်တွင်ကစားရသည့်ဂိမ်းများ
▪️ မိုနိုပိုလီ၊ ကျားထိုးခြင်းတို့လို ကစားနည်းတွေက ပျော်စရာကောင်းတဲ့အပြင် ဖွံ့ဖြိုးမှုနဲ့ပတ်သက်လို့ အကျိုးကျေးဇူးများစွာ ရှိပါတယ်။

▪️ ဒီကစားနည်းတွေက နည်းဗျူဟာ၊ စီစဉ်ခြင်း၊ ဆုံးဖြတ်ချက်ခြင်းတို့ လိုအပ်တာကြောင့် အဆိုပါစွမ်းရည်များ တိုးတက်စေတဲ့အပြင် မျှတစွာကစားခြင်းရဲ့ တန်ဖိုးကို နားလည်စေပါတယ်။

(၇) အနုပညာလက်ရာကစားနည်းများ
▪️ ပန်းချီဆွဲခြင်း၊ ဆေးခြယ်ခြင်း၊ ဖြတ်တောက်ကပ်ခြင်းတို့က ကလေးတစ်ယောက်ရဲ့ ဖန်တီးနိုင်စွမ်းကို တိုးတက်စေကာ စိတ်ကူးစိတ်သန်းရော လှုပ်ရှားမှုစွမ်းရည်ပါ တိုးတက်စေပါတယ်။

▪️ ပစ္စည်းတစ်ခုခု ပုံဖော်ခြင်းဆိုရင် ဆုံးဖြတ်ချက်ခြင်း၊ ပြဿနာဖြေရှင်းခြင်း၊ စဉ်းစားတွေးခေါ်ခြင်းတို့ ပေးစွမ်းနိုင်ပြီး ယုံကြည်မှုရှိစေပါတယ်။

▪️ ဒါကြောင့် ဒီလိုနည်းလမ်းတွေနဲ့ ကစားပေးခြင်းဖြင့် ပျော်ရွှင်စရာကောင်းရုံမက ကလေးတွေရဲ့ ဖွံ့ဖြိုးတိုးတက်မှုတို့ကိုလည်း တိုးတက်စေပါတယ်။

#Source: DoctorNDTV

#World_Health
Published 26 September 2024

▪️ အသက် ၂၀ အရွယ် အမျိုးသားတစ်ဦး အချိန် ၆ နှစ်ကြာအောင် နှာရည်ယိုဝေဒနာ ခံစားနေခဲ့ရကာ တကယ်တမ်းတော့ ဦးခေါင်းခွံမှာ အပေါက်ဖြစ်ပြီး ယိုစိမ့်နေတာ ဖြစ်ပါတယ်။

▪️ ဆီးရီးယားမှ ထိုအမျိုးသားဟာ နှာရည်ယိုခြင်းကို နာတာရှည် ခံစားနေခဲ့ရပြီး ခေါင်းကိုက်ခြင်းနဲ့ ကြွက်သားတက်ခြင်းတို့လည်း ဖြစ်ခဲ့တယ်လို့ ဆိုပါတယ်။

▪️ ဦးခေါင်းမှာ ဒဏ်ရာရပြီးနောက် ဒီလိုလက္ခဏာတွေ စတင်ခံစားလာရကြောင်း ပြောပါတယ်။

▪️ သာမန်အအေးမိတာမျိုးသာ ဖြစ်မယ်လို့ ထင်ခဲ့ပေမယ့် တကယ်တမ်းတော့ ဦးနှောက်နဲ့ ကျောရိုးမကြီးကို ကာကွယ်ပေးတဲ့ ဦးနှောက်အတွင်းမှ အရည်(CSF)တွေ ယိုစိမ့်နေတာ ဖြစ်ပါတယ်။

▪️ လွန်ခဲ့တဲ့ ၆ နှစ်ခန့်က ကားမတော်တဆဖြစ်ပြီး ဦးခေါင်းမှာ ဒဏ်ရာရခဲ့ကာ ဒီပြဿနာ စတင်ခံစားခဲ့ရပါတယ်။

▪️ ဒီနောက် ဦးနှောက်ကို ဓာတ်မှန်ရိုက်ရာမှာ ဦးခေါင်းထဲက ဦးနှောက်သားတွေက အပေါက်တွေကနေ စီးဆင်းနေတဲ့ အခြေအနေ မြင်တွေ့ခဲ့ရပါတယ်။

▪️ ထိုအခြေအနေက ဦးနှောက်ကို ဖုံးထားတဲ့ တစ်ရှူးတွေက အပေါက်တွေကနေ စတင်ထွက်လာတာ ဖြစ်ပါတယ်။

▪️ ထိုလူဟာ အစပိုင်းမှာတော့ ဆေးရုံကိုရောက်တဲ့အခါ ဒဏ်ရာတွေကို ကုသဖို့ ငြင်းဆန်ခဲ့ပါသေးတယ်။

▪️ နှာရည်ယိုလို့ ဆေးရုံမရောက်ခင် ၂ လအလိုမှာ ဦးနှောက်အမြှေးရောင်ရောဂါ ဖြစ်ခဲ့ပါတယ်။
ဆရာဝန်တွေက အထူးကြပ်မတ်ဌာနသို့ သွားရောက်ရန် ညွှန်ကြားခဲ့ပြီး ဦးနှောက်ဓာတ်မှန် ရိုက်ခဲ့ပါတယ်။

▪️ ထိုအခါမှာ ဦးခေါင်းမှာ ကွဲအက်နေပြီး နှာခေါင်းပေါက်ထဲသို့ ယိုစိမ့်နေတာကို တွေ့ခဲ့ကြပါတယ်။
ကွဲအက်ရာတွေကို ပြုပြင်ခွဲစိတ်ဖို့ အကြံပြုခဲ့ကြပေမယ့် ထိုလူက ငြင်းဆန်ခဲ့ပါတယ်။

▪️ နောက်ထပ် ၂ လအကြာမှာ ဆေးရုံပြန်ရောက်လာပြီး ခွဲစိတ်ရန် သဘောတူခဲ့ကာ ဦးနှောက်ခွဲစိတ်ဆရာဝန်က ဦးနှောက်အတွင်းသားတွေနဲ့ တစ်ရှူးတွေကို မူလနေရာသို့ ပြန်ထားခဲ့ပါတယ်။

▪️ ထိခိုက်ထားတဲ့ အမြှေးပါးတွေနဲ့ ဦးခေါင်းခွံအောက်ခြေကိုလည်း ပြန်လည်တည်ဆောက်ခဲ့ပါတယ်။

▪️ လူနာပြန်လည်သက်သာလာပြီးနောက် ၂ ရက်အကြာမှာ ဆေးရုံဆင်းသွားခဲ့ပါပြီ။

#Source: WION

နှစ်၃၀လုံးလုံး ဘတ်စ်ကားမောင်းခဲ့သည့် ယာဉ်မောင်းကြီးကို အငြိမ်းစားမယူခင် နောက်ဆုံးအခေါက် ခရီးသည်များက ကားပေါ်တွင်နှုတ်ဆက်ပွဲကျင်းပပေးခဲ့

နှစ်၃၀လုံးလုံးဘတ်စကားမောင်းခဲ့သည့်ဟန်ကျိုးမှ ယာဉ်မောင်းကြီး အငြိမ်းစားမယူခင် နောက်ဆုံးအခေါက်တွင် ခရီးသည်များက သူ့ကားပေါ်တွင် သူ့ကိုနှုတ်ဆက်ပွဲကလေးလုပ်ပေးခဲ့ကြပါတယ်။
#Asia_Society
Published 25 September 2024
#ယာဉ်မောင်းကြီး #ကားပေါ်တွင်နှုတ်ဆက်ပွဲကျင်းပ
#YMG #Yangon_Times #Yangon_Media_Group

#Daily_News
Published 25 September 2024

၁။ EV ကားများအပါအဝင် မှတ်ပုံတင်ထားသည့် ယာဉ်အစီးရေပေါင်း ၆ သန်းကျော်ရှိ

၂။ ရှမ်းကုန်များ ရန်ကုန်ပြန်ဆင်းလာ‌‌သော်လည်း ကုန်စိမ်းအချို့ဈေးဆက်တက်

၃။ နောက်(၄၈)နာရီအတွင်း ဒေသ(၁၂)ခု၌ မိုးကြီးပြီး လေပြင်းတိုက်ခတ်မည်

၄။ နှစ်၃၀လုံးလုံး ဘတ်စ်ကားမောင်းခဲ့သည့် ယာဉ်မောင်းကြီးကို အငြိမ်းစားမယူခင် နောက်ဆုံးအခေါက် ခရီးသည်များက ကားပေါ်တွင်နှုတ်ဆက်ပွဲကျင်းပပေးခဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၅ စက်တင်ဘာ ၂၀၂၄

ပင်းမြစ်ရေလျှံတဲ့အတွက် ချင်းမိုင်ရဲ့ မောင်ခရိုင်ရဲ့ မြို့လယ်နှင့် စီးပွားရေးအချက်အခြာနေရာတွေမှာ အင်္ဂါ နေ့ညကကစပြီး ရေကြီးရေလျှံမှုတွေဖြစ်နေတယ်လို့ ဘန်ကောက်ပို့စ်က သတင်းရေးသားပါတယ်။

ဗုဒ္ဓဟူးနေ့ညမှာ ချန်တောင်ခရိုင်ဘက်မှာ ရေကြီးရေလျှံမှဒကြီးနောက်ထပ်တစ်ခု ထပ်ဖြစ်ဦးမယ်လို့ ဒေသခံတွေကို သတိပေးထားပါတယ်။

ချင်းမိုင်မြို့ကို ဖြတ်သန်းစီးဆင်းတဲ့ ပင်းမြစ်ရဲ့ ရေမျက်နှာပြင်ဟာ ခပ်မြန်မြန်ကိုမြင့်တက်လာနေပါတယ်။  မြစ်ရေဟာ ယမန်နေ့ညက စိုးရိမ်ရေမှတ် ၄.၂ မီတာထက် ကျော်လွန်ရောက်ရှိခဲ့ပါတယ်။ ဗုဒ္ဓဟူးနေ့ မနက် ၅နာရီတိုင်းတာချက်အရ  မြစ်ရေဟာ ၄.၄၅ မီတာအမြင့်ကိုရောက်ရှိလာပြီး အဲဒီအမြင့်မှာ ငြိမ်နေပါတယ်။

မြစ်ရေလျှံမှုမကြောင့် ချန်ခန်နှင့် ချရွန်ဖရာသက်လမ်းတွေရှိတဲ့ စီးပွားရေးအချက်အခြာနေရာတွေနှင့် ညဈေးဘက်ကိုပါ ရေတွေမြင့်တက်ရောက်ရှိလာခဲ့ပါတယ်။

မြေနိမ့်ပိုင်းက ပါဒက်နှင့် နွန်ဟွိုင်းအရပ်တွေမှာ ရေတွေလွှမ်းသွားပါတယ်။

ချင်းမိုင်းမြူနီစပါယ်နှင့် ပြည်နယ်အေဂျင်စီတွေဟာ မြစ်ကမ်းနဖူးမှာ သဲအိတ်တွေချပြီး ရေကိုတားဆီး နေကြပါတယ်။ အဲဒီအပြင် ဒေသခံတွေကလည်း သူတို့ရပ်ကွက်အလိုက်မှာ သဲအိတ်တွေချထားနေကြ  ပါတယ်လို့သတင်းကရေးသားပါတယ်။ ဒီတစ်ခါရေကြီးတာ ၂၀၂၂တုန်းက အဆိုးရွားဆုံးရေကြီးခဲ့တာလိုပဲ လို့ဒေသခံတော်တော်များများကပြောနေကြပါတယ်။

ချင်းမိုင်မြူနီစပါယ်က ဒေသဆေးရုံမှာ  ရေဘေးဒုက္ခသည်တွေ အထူးသဖြင့် သက်ကြီးရွယ်အိုတွေကို ကူညီဖို့အတွက်  ယာယီအမိုးအကာ တစ်ခု တည်ဆောက်ပေးထားပါတယ်။

#ymg/knl

#Local_News
Published 25 September 2024

▪️ မြန်မာရေဘေးသင့်ပြည်သူများအတွက်ပြင်သစ် - မြန်မာကုန်သည်ကြီးများအသင်းနှင့် ကုမ္ပဏီများမှကျပ်သိန်း(၆၀၀)တန်ဖိုးရှိပစ္စည်းများ လှူဒါန်းခဲ့ကြောင်း မြန်မာနိုင်ငံကြက်ခြေနီအသင်းမှ သိရသည်။

▪️ ရေဘေးသင့်ပြည်သူများအတွက် မြန်မာနိုင်ငံကြက်ခြေနီအသင်းက လူမှုကရုဏာအကူအညီများပေးရာတွင် အသုံးပြုရန်အတွက် ရည်ရွယ်လှူဒါန်းခြင်းဖြစ်သည်။

▪️ မြန်မာရေဘေးသင့်ပြည်သူများအတွက် ပြင်သစ် - မြန်မာကုန်သည်ကြီးများအသင်းနှင့် ကုမ္ပဏီများ၊ မိတ်ဖက်အဖွဲ့အစည်းများ မှ ကျပ်သိန်း (၆၀,၆၀၀,၀၀၀) တန်ဖိုးနှင့်ညီမျှသော Basic Food Pack အရေအတွက် - ၅၀၀ နှင့် Hygiene Parcel - ၈၀၀ ကို ကြက်ခြေနီအသင်းရုံးခွဲသို့ လာရောက်လှူဒါန်းခဲ့ကြောင်း သိရသည်။

#YMG/tthl #Yangon_Times

#Local_News
Published 25 September 2024

▪️ ကရင်ပြည်နယ်တွင် စက်တင်ဘာလအတွင်း ဒုတိယအကြိမ်ရေကြီးရေလျှံမှုဖြစ်ပွားခဲ့ပြီး ရေနစ်မြုပ်၍ မိုးစပါး(၁၄၄၅၀)ဧကခန့်ပျက်စီးခဲ့ကြောင်း သိရသည်။

▪️ စက်တင်ဘာလ (ဒုတိယအကြိမ်) ရေကြီး ရေလျှံမှုတွင် မိုးစပါး ၃၅၃၉၁ ဧကခန့်ရေကြီးနစ်မြုပ်ခဲ့ကာ ၃၁၂၉၆ ဧက ထိခိုက်၍ ၁၄၄၅၀ ဧကခန့်ပျက်စီးခဲ့သည်။

▪️ အဆိုပါထိခိုက်ပျက်စီးမှုကို ကရင်ပြည်နယ်အစိုးရအစီအစဉ်ဖြင့် ရက်(၉၀)မျိုးစပါး တင်း ၂၀၀၀ ခန့်အား ဘားအံမြို့နယ်နှင့် လှိုင်းဘွဲ့မြို့နယ်တို့ကို အဓိကထားထောက်ပံ့ပေးသွားမည်ဖြစ်သည်ဟုဆိုသည်။

▪️ အရည်အသွေးမြင့်မားသည့် သွင်းအားစုများကို အချိန်ကိုက်အချိုးညီ ထည့်သွင်းနိုင်ရေးနှင့် တောင်သူစိတ်ဓာတ် မြင့်တင်ရေးအပိုင်းကိုလည်း ဆောင်ရွက်သွားမည်ဖြစ်ကြောင်း၊ အချိန်မီ ပြန်လည်ထွန်ယက် စိုက်ပျိုးနိုင်ရေးနည်းပညာနှင့် စက်ယန္တရားများ ကူညီပံ့ပိုးပေးသွားမည်ဖြစ်ပြီး ဌာနရှိ ယန္တရားများအပြင် အစုအဖွဲ့များ၊ တောင်သူများရှိ ယန္တရားများကိုပါ စုဖွဲ့ဆောင်ရွက်သွားမည်ဖြစ်ကြောင်း သိရသည်။

#YMG/tthl #Yangon_Times

တပ်ကုန်းမြို့နယ်၊ မကျည်းပင်ကျေးရွာမှာ ရေထဲ‌မျောပါပျက်စီးသွားတဲ့နေအိမ်စုစုပေါင်း (၁၀၀)ကျော်ရှိပြီး အဲဒီ့နေအိမ်တွေကအိမ်ထောင်စုတွေကို စာရင်းကောက်ယူပြီး ထောက်ပံ့ကူညီဖို့ရှိတယ်လို့ သိရပါတယ်။
#Local_News
Published 25 September 2024
#တပ်ကုန်းရှိကျေးရွာ #ရေထဲ‌မျောပါပျက်စီး
#YMG/tthl #Yangon_Times

လေဖိအားနည်းရပ်ဝန်းအရှိန်ကြောင့် နောက်(၄၈) နာရီအတွင်း  ဒေသ(၁၂)ခုမှာ မိုးကြီးပြီးလေပြင်းတိုက်ခတ်နိုင်တယ်လို မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 25 September 2024
#နောက်(၄၈)နာရီ #မိုးကြီးပြီးလေပြင်းတိုက်
#YMG/tthl #Yangon_Times

ရှမ်းပြည်နယ်‌တောင်ပိုင်း အောင်ပန်းဒေသထွက်ကုန်တွေ ရန်ကုန်ပြန်ဆင်းလာ‌‌
ပေမယ့် အရင်ကလောက်မများသေးတာကြောင့် ကုန်စိမ်းအချို့ဈေးဆက်တက်နေတယ်လို့ ပွဲရုံတွေက သိရပါတယ်။
#Local_News
Published 25 September 2024
#ကုန်စိမ်းအချို့ဈေးဆက်တက် #အောင်ပန်းဒေသထွက်ကုန်
#YMG/NN #Yangon_Times

#Local_News
Published 25 September 2024

▪️ နေပြည်တော်စည်ပင် ဧည့်ရိပ်သာ၏ အခန်းငှားရမ်းခနှုန်းထားများအား ပြင်ဆင်ကောက်ခံသွားမှာဖြစ်ကြောင်း သိရသည်။

▪️ ထိုသို့ပြင်ဆင်ကောက်ခံရာတွင် အခန်းငှားရမ်းခနှုန်းထားများကို စက်တင်ဘာ (၂၄) ရက်မှ စတင်၍  ရိုးရိုးခန်းလျှင် ဝန်ထမ်းနှုန်းထားဖြင့် (၁၂၆၀၀)ကျပ်နှင့် ပြင်ပနှုန်းမှ ငှားရမ်းသူများအတွက် (၁၈၉၀၀) ကျပ် သတ်မှတ်သွားမည်ဖြစ်ကြောင်း သိရသည်။

▪️ Aircon ခန်း ငှားရမ်းခများကို ဝန်ထမ်းများအား (၂၅၂၀၀) ကျပ်နှင့် ပြင်ပမှ ငှားရမ်းသူများအတွက် (၃၁၅၀၀) ကျပ် သတ်မှတ်သွားမည်ဖြစ်ကြောင်း သိရသည်။

▪️ ထို့ပြင် မိသားစုလိုက်တည်းခိုနိုင်သည့် ငုရွှေဝါဆောင်အတွက် (၅) ဦးစာလျင် (၆၃၀၀၀) ကျပ်ဖြစ်ပြီး ထပ်တိုး (၁) ဦးလျင် (၁၂၆၀၀) ကျပ်ဖြင့် (၃) ဦးအထိ ထပ်တိုးတည်းခိုခွင့်ပြုမည်ဖြစ်ကြောင်း၊ ရိုးရိုးခန်းနှင့် Aircon ခန်းများတွင် ဧည့်သည် (၃) ဦးအထိ တည်းခိုနိုင်ကြောင်းလည်း သိရသည်။

#YMG/NN #Yangon_Times

တစ်နိုင်ငံလုံးအတိုင်းအတာအရ ကုန်းလမ်းပို့ဆောင်ရေးညွှန်ကြားမှုဦးစီးဌာန(ကညန)မှာ  EVကား တွေ အပါအဝင် မှတ်ပုံတင်ထားတဲ့ ယာဉ်အစီးရေပေါင်း ၆ သန်းကျော်ရှိတယ်လို့ သိရပါတယ်။
#Local_News
Published 25 September 2024
#EV #ယာဉ်အစီးရေပေါင်း၆သန်းကျော်
#YMG/NN #Yangon_Times