အစောဆုံးဒီဇင်ဘာ နေက်ဆုံးပတ် နောက်အကျဆုံး ဇန်နဝါရီဒုတိယပတ်တွင် ရွေးကောက်ပွဲများကျင်းပမည်

၉ မတ် ၂၀၂၅

၂၀၂၅ဒီဇင်ဘာနောက်ဆုံးပတ် အစောဆုံးနှင့် ၂၀၂၆ ဇန်နဝါရီ ဒုတိယပတ် နောက်ဆုံးထားပြီး မြန်မာနိုင်ငံတွင် ရွေးကောက်ပွဲများ ကျင်းပပေးမယ်လို့ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောပါတယ်။

နိူင်ငံတော်ဝန်ကြီးချုပ်ဗိုလ်ချုပ်မှူးကြီးမင်းအောင်လှိုင် ရုရှားနှင့်ဘီလာရုစ်နိုင်ငံများမှ ချစ်ကြည်ရေးခရီး  ပြန်ရောက်  လာစဉ် နေပြည်တော်လေဆိပ်၌ သတင်းထောက်များကို ဗိုလ်ချုပ်ဇော်မင်းထွန်းက ပြောကြားခဲ့ခြင်း ဖြစ်ပါတယ်။

မြန်မာ့ရွေးကောက်ပွဲကို ရုရှားနှင့်ဘီလာရုစ်တို့က ထဲထဲဝင်ဝင်ထောက်ခံမည့်အကြောင်းလည်း ဗိုလ်ချုပ်ဇော်မင်း  ထွန်းကဆက်လက်ပြောကြားခဲ့ပါတယ်။

#ymg/knl

#World_Health
Published 09 March 2025

▪️ မမှန်ကန်တဲ့ စားသောက်ပုံစံတွေကြောင့် အိပ်စက်ရာမှာ အနှောင့်အယှက် ဖြစ်ရတယ်လို့ အမေရိကန် အမျိုးသားကျန်းမာရေး အဖွဲ့အစည်းက ဆိုပါတယ်။

▪️ ကျန်းမာရေးနဲ့ ညီညွတ်တဲ့ စားသောက်ပုံစံက အိပ်စက်မှုအခြေအနေနဲ့ အလုံးစုံကျန်းမာရေးတို့အတွက် မရှိမဖြစ်လိုအပ်ကြောင်း နယူးယော့ခ်စီးတီး အိပ်စက်ကျန်းမာရေးအကြံပေး ဒန်ဂါတင်ဘာ့ဂ်က ပြောပါတယ်။

▪️ အာရုံကြောဆက်သွယ်ပစ္စည်းတစ်မျိုးဖြစ်တဲ့ GABAဟာ အိပ်စက်ခြင်းနဲ့ စိတ်ပြေလျော့ခြင်းတို့ကို ကူညီပေးပါတယ်။

▪️ အရင်ဆုံးအနေနဲ့ အိပ်စက်မှုကို နှောင့်ယှက်စေနိုင်တဲ့ အစားအစာတွေကို မစားသုံးဖို့ပါ။

▪️ အိပ်ရာဝင်ခါနီးမှာ ရှောင်ရှားသင့်တဲ့ အစားအသောက်များကို ဂါတင်ဘာ့ဂ်က ဖော်ပြသွားပါတယ်။

▪️ (၁) အယ်လ်ကိုဟော
အယ်လ်ကိုဟောက သဘာဝအိပ်စက်မှုစက်ဝန်းကို နှောင့်ယှက်ပြီး ခန္ဓာကိုယ်က အယ်လ်ကိုဟောကို ချေဖျက်ရာမှာ ခဏခဏနိုးစေပါတယ်။
ကြာလာတဲ့အခါ ဦးနှောက်က ထိန်းချုပ်လုပ်ဆောင်လာရပြီး အိပ်မပျော်တဲ့အခြေအနေ ဖြစ်လာနိုင်ပါတယ်။

▪️ (၂) ကော်ဖီနှင့်လက်ဖက်ရည်
ကဖင်းဓာတ်ပါဝင်တာကြောင့် ညဖက်သောက်သုံးခြင်းမှ ရှောင်ရှားသင့်ပါတယ်။

▪️ ကဖင်းဓာတ်က လူကိုနိုးကြားနေစေကာ အိပ်စက်မှုကို နှောင့်ယှက်စေနိုင်ပါတယ်။

▪️ (၃) ချောကလက်နဲ့ သကြားလုံး
သကြားပါဝင်မှု မြင့်မားတာကြောင့် သွေးတွင်းသကြားဓာတ် မြင့်တက်စေကာ စိတ်မငြိမ်မသက် ဖြစ်စေပါတယ်။

▪️ ဒါ့အပြင် ချောကလက်မှာ ကဖင်းဓာတ်အနည်းငယ်လည်း ပါဝင်ပါသေးတယ်။

▪️ (၄) အချဉ်သီးများ
လိမ္မော်သီး၊ ရှောက်သီး၊ သံပုရာသီးတို့မှာ ဆစ်ထရပ်စ်အက်ဆစ် အများအပြားပါဝင်ပြီး အစာအိမ်အက်ဆစ် ပိုမိုထွက်စေကာ အက်ဆစ်လျှံတက် ရင်ပူစေပြီး အိပ်စက်ခြင်းကို နှောင့်ယှက်စေပါတယ်။

▪️ (၅) အစပ်စာများ
အချဉ်လိုမျိုးပဲ အစပ်ပါတဲ့စားစရာတွေကလည်း အစာအိမ်အက်ဆစ် အများအပြားထုတ်လုပ်တဲ့အပြင် ခန္ဓာကိုယ်အပူချိန် တိုးစေကာ အိပ်စက်ဖို့လိုအပ်တဲ့ အေးမြခြင်းအခြေအနေကို နှောင့်ယှက်စေပါတယ်။

#Source: New York Post

#World_Health
Published 09 March 2025

▪️ တစ်ပတ်ကို ဒိန်ချဉ်နှစ်ကြိမ်သောက်သုံးပါက အူမကြီးကင်ဆာမျိုးတွေကို ကာကွယ်ပေးနိုင်တယ်လို့ အမေရိကန်လေ့လာချက်တစ်ခုမှာ ယူဆထားပါတယ်။

▪️ ယခင်သုတေသနမှာလည်း အစာအိမ်အူလမ်းကြောင်း ကျန်းမာရေးအပေါ် ဒိန်ချဉ်ရဲ့အကျိုးကျေးဇူးတွေ တွေ့ရှိခဲ့ပေမယ့် သိပ်ပြီးစိတ်မချရပါဘူး။

▪️ ယခုလေ့လာချက်က ဆယ်စုနှစ် ၃ ခုကျော်အထိ အမျိုးသမီး ၈၇,၀၀၀ ကျော်နဲ့ အမျိုးသား ၄၅,၀၀၀ ရဲ့ အချက်အလက်များကို ဆန်းစစ်ခဲ့ကြပါတယ်။

▪️ ဒိန်ချဉ်သောက်ခြင်းနဲ့ အူမကြီးကင်ဆာ ဖြစ်ပွားမှုကြား သိသာထင်ရှားတဲ့ ဆက်စပ်မှု မတွေ့ရပေမယ့် ကင်ဆာအမျိုးအစားကွဲတွေကို ဆန်းစစ်ရာမှာတော့ သိသာခဲ့ပါတယ်။

▪️ တစ်ပတ်ကို ဒိန်ချဉ်နှစ်ကြိမ်သောက်သူတွေက Bifidobacterium-positive အကျိတ်ဖြစ်ပေါ်နိုင်ခြေ ၂၀ ရာခိုင်နှုန်း လျော့နည်းတာတွေ့ရပါတယ်။

▪️ Bifidobacteriumက လူ့ခန္ဓာကိုယ်အူထဲမှာ တွေ့ရတတ်တဲ့ ပိုးမွှားတစ်မျိုးဖြစ်ပြီး ရောဂါဆိုးရွားလာချိန်မှာ အကျိတ်တစ်ရှူးအတွင်း ရှိတတ်ပါတယ်။

▪️ အောက်ဆီဂျင်နည်းတဲ့ အကျိတ်နေရာမှာ ပေါက်ဖွားရှင်သန်ပြီး အူနံရံအတားအဆီးကို ကျော်ဖြတ်ကာ အူမကြီးတစ်ရှူးထဲသို့ ယိုစိမ့်လာပါတယ်။

▪️ ဒိန်ချဉ်ထဲကနေ Bifidobacteriumတွေ ပိုမိုစားသုံးပေးရင်တော့ ဒီလိုဖြစ်ပွားခြင်းမှ ကာကွယ်ပေးနိုင်တယ်လို့ အံ့အားသင့်စွာ တွေ့ရှိထားပါတယ်။

▪️ Bifidobacteriumက ဓာတ်တိုးဆန့်ကျင်၊ ရောင်ရမ်းဆန့်ကျင်၊ ကိုယ်ခံအားမြှင့်တင်ပေးတဲ့ စွမ်းရည်တွေရှိပြီး အူလမ်းကြောင်းကျန်းမာရေးကို ထောက်ကူပေးနိုင်တယ်လို့ လေ့လာချက်တွေမှာ အကြံပြုထားပါတယ်။

▪️ အူမကြီးကင်ဆာ ကာကွယ်ခြင်းနဲ့ နောက်ခံဇီဝဖြစ်စဉ်များအပေါ် ဒိန်ချဉ်သောက်ခြင်းရဲ့ ရေရှည်သက်ရောက်မှုများအကြောင်း ဆက်လက်သုတေသန ပြုလုပ်သွားသင့်တယ်လို့ အကြံပြုထားပါတယ်။

#Source: WION

ပနားမားတူးမြောင်းနဲ့ ဂရင်းလန်းတို့ကို ထိန်းချုပ်သွားမယ်ဆိုတဲ့ အမေရိကန်သမ္မတ ဒေါ်နယ်ထရမ့်ရဲ့ ပြောကြားချက်ကို ပနားမားနဲ့ ဒိန်းမတ်ခေါင်းဆောင်တို့က ဗုဒ္ဓဟူးနေ့မှာ ငြင်းဆန်လိုက်ကြပြီး ထိုကဲ့သို့ မျက်နှာပြောင်တိုက်ပြောဆိုမှုကို ဘယ်နိုင်ငံကမှ အရှုံးပေးမှာမဟုတ်ဘူးလို့ ခုခံပြောဆိုနေကြပါတယ်။
#World_News
Published 8 March 2025
#ပနားမားတူးမြောင်း #ပနားမားနှင့်ဒိန်းမတ်ခေါင်းဆောင်
#YMG #Yangon_Times #Yangon_Media_Group

#Daily_News

Published 8 March 2025

၁။ ဝါဂွမ်းများကို နိုင်ငံတကာအရည်အသွေး သတ်မှတ်ချက်နှင့်အညီထုတ်လုပ်၍ ပြည်ပသို့တင်ပို့မည်

၂။ ဈေးကွက်ဝင် ရေချိုငါးသားပေါက်များအား သက်သာသောဈေးနှုန်းများဖြင့်ရောင်းချပေးမည်

၃။ ယခုနှစ်မိုးရာသီ အကျ‌စောနိုင်ပြီး မိုးကောင်းနိုင်

၄။ ပနားမားတူးမြောင်းနှင့် ဂရင်းလန်းတို့ကိုထိန်းချုပ်သွားမည့်ဒေါ်နယ်ထရမ့်၏အဆိုအား ပနားမားနှင့်ဒိန်းမတ်ခေါင်းဆောင်တို့ ငြင်းဆန်တုန့်ပြန် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 8 March 2025

▪️ သီတဂူဆရာတော်ကြီး၏ ၄၆ လုံးမြောက်ဆေးရုံတော်အဖြစ် သီတဂူကေတုမတီအာယုဒါန အထွေအထွေရောဂါကုဆေးရုံတော်သစ်ကိုပဲခူးတိုင်းဒေသကြီး၊ တောင်ငူမြို့၊ကေတုမတီမြို့သစ်၌ ဖွင့်လှစ်ခဲ့ကြောင်း သိရသည်။

▪️ အဆိုပါ သီတဂူကေတုမတီအာယုဒါန အထွေအထွေရောဂါကုဆေးရုံတော်သစ်ကို မတ်လ ၆ ရက်က စတင်ဖွင့်လှစ်ခဲ့ပြီး ၎င်းဆေးရုံသည် သီတဂူသာသနာပြုအဖွဲ့နှင့် တပည့်သား ဒါယကာဒါယိကာမအပေါင်းတို့က ကျေးဇူးတော်ရှင် ရွှေကျင်သာသနာပိုင် သီတဂူဆရာတော်ကြီး၏ သက်တော် (၈၈) နှစ်ပြည့် မွေးနေ့အထိမ်းအမှတ်ဖြင့်  ပူဇော်လှူဒါန်းခဲ့သော ကောင်းမှုအလှူတော်ဖြစ်သည်။     

▪️ သီတဂူကေတုမတီအာယုဒါနဆေးရုံတော်သစ် ဖွင့်ပွဲအခမ်းအနားသို့ ကျေးဇူးတော်ရှင် ရွှေကျင်သာသနာပိုင် သီတဂူဆရာတော်ဘုရားကြီးကိုယ်တော်တိုင်ကြွရောက်တော်မူကာ တရားဒေသနာများ ချီးမြင့်တိုက်ကျွေး၍ ဆေးရုံတော်သစ်ကို ၇ ရက်သားသမီးအားလုံးတို့အား ရေစက်ချလှူဒါန်းပေးတော်မူခဲ့ကြောင်း သိရသည်။

▪️ ထို့နောက် ပြုပြုသမျှကုသိုလ်အဖို့ကိုလည်း အမျှတမ်းပေးဝေတော်မူကာ သီတဂူကေတုမတီအာယုဒါနအထွေအထွေရောဂါကုဆေးရုံတော်သစ်ကို စက်ခလုတ်နှိပ် ဖွင့်လှစ်ပေးတော်မူခဲ့ကြောင်း နိုင်ငံတော်အစိုးရ ကျန်းမာရေးဝန်ကြီးနှင့် သာသနာရေးနှင့် ယဉ်ကျေးမှုဝန်ကြီးတို့သည်လည်း ဆေးရုံတော်သစ်ဖွင့်ပွဲအခမ်းအနားသို့ တက်ရောက်၍ ဖဲကြိုးဖြတ် ဖွင့်လှစ်ပေးခဲ့ကြောင်းသိရသည်။

▪️ အဆိုပါ ဆေးရုံတော်သည်  သီတဂူစက္ခုဒါနဆေးရုံတော်အပြင် သီတဂူကေတုမတီအာယုဒါနဆေးရုံဝန်းအတွင်း၌ပင် တိုးချဲ့တည်ထောင်ခဲ့သော အထွေထွေရောဂါကုဆေးရုံတော်ဖြစ်ပြီး ဆေးရုံတော်သည် ကျေးဇူးတော်ရှင် ရွှေကျင်သာသနာပိုင်သီတဂူဆရာတော်ကြီး၏ ဆုံးမဩဝါဒနှင့်အညီ နိုင်ငံတော်အစိုးရ ကျန်းမာရေးဝန်ကြီးဌာနနှင့် သီတဂူသာသနာပြုအဖွဲ့တို့ ပူပေါင်း၍ အောင်မြင်စွာ ဖွင့်လှစ်နိုင်ခဲ့သော ဆေးရုံတော်ဖြစ်ပြီး ကျေးဇူးတော်ရှင် သီတဂူဆရာတော်ကြီး၏ ၄၆ လုံးမြောက်သော ဆေးရုံတော်လည်းဖြစ် ကြောင်း သိရသည်။

▪️ ဆေးရုံတော်သစ်၏ အဖွင့် ကျန်းမာရေးစောင့်ရှောက်မှုတစ်ရပ်နေဖြင့် အာခေါင်ကွဲနှုတ်ခမ်းကွဲလူနာပေါင်း ၃၁ ဦးကို ခွဲစိတ်ကုသပေးခြင်း၊ သွားနှင့်ခံတွင်းဆိုင်ရာ ဝေဒနာရှင်ပေါင်း ၉၀၀ကျော်တို့ကို စစ်ဆေးကုသခြင်းတို့ကို ကုသိုလ်ပြု စောင့်ရှောက်ပေးနိုင်ခဲ့ကြောင်း သိရသည်။

#YMG/NN #Yangon_Times

ရွှေလုပ်ငန်းလိုင်စင်မရှိဘဲ အွန်လိုင်းမှာ ရောင်းချပါက အရေးယူခံရနိုင်တယ်လို့ ရန်ကုန်တိုင်းဒေသကြီးရွှေလုပ်ငန်းရှင်များအသင်းဥက္ကဌ ဦးမျိုးမြင့်က ဒီကနေ့ အသင်းရုံးမှာပြုလုပ်တဲ့ ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေးဆိုင်ရာ အသိပညာပေးသင်တန်းဖွင့်ပွဲမှာ ပြောကြားခဲ့ပါတယ်။
#Local_News
Published 8 March 2025
#လိုင်စင်မတင် #အွန်လိုင်း၌ရွှေရောင်းသူများ
#YMG/NN #Yangon_Times

အခု ၂၀၂၅ခုနှစ်  မိုးရာသီအကျ‌စောနိုင်သလို မိုးကာလအတွင်းမှာလည်း မိုးရွာသွန်းမှုများပြားနိုင်ကာ မိုးကောင်းနိုင်တယ်လို့ မိုးလေဝသပြင်ပပညာရှင် ဦးဝင်းနိုင်က သုံးသပ်ထားပါတယ်။
#Local_News
Published 8 March 2025
#မိုးရာသီအကျ‌စောနိုင် #မိုးလေဝသပြင်ပပညာရှင်ဦးဝင်းနိုင်
#YMG/NN #Yangon_Times

ပြည်တွင်းငါးစားသုံးမှုတိုးတက်ပြီး ငါးစားနပ်ရိက္ခာဖူလုံဖို့နဲ့ ငါးမွေးမြူရေးလုပ်ငန်းတိုးတက်စေဖို့အတွက်ဈေးကွက်ဝင် ရေချိုငါးသားပေါက်တွေကို သက်သာတဲ့ဈေးနှုန်း‌တွေနဲ့ ရောင်းချသွားမယ်လို့ စိုက်ပျိုးမွေးမြူရေးနှင့်ဆည်မြောင်းဝန်ကြီးဌာန၊ ငါးလုပ်ငန်းဦးစီးဌာနမှ သိရပါတယ်။
#Local_News
Published 8 March 2025
#ရေချိုငါးသားပေါက် #ငါးစားနပ်ရိက္ခာဖူလုံ
#YMG/SW #Yangon_Times

ပြည်တွင်းသုံးစွဲမှု ဖူလုံပြီး ပိုလျှံတဲ့ဝါဂွမ်းတွေကို နိုင်ငံတကာအရည်အသွေး သတ်မှတ်ချက်တွေနဲ့အညီ ထုတ်လုပ်တင်ပို့နိုင်ဖို့ အလုပ်ရုံဆွေးနွေးပွဲကို မတ်လ ၆ ရက်က စီးပွားရေးနှင့် ကူးသန်းရောင်းဝယ်ရေးဝန် ကြီးဌာန ၊ မြန်မာကုန်သွယ်မှုမြှင့်တင်ရေးအဖွဲ့၊ အစည်းအဝေးခန်းမမှာ ပြုလုပ်ခဲ့ပါတယ်။
#Local_News
Published 8 March 2025
#ဝါဂွမ်း #ဝါဂွမ်းများကိုပြည်ပသို့တင်ပို့ 
#YMG/NN #Yangon_Times

#Local_News
Published 8 March 2025

▪️ နိုင်ငံပေါင်း ၁၅နိုင်ငံတက်ရောက်မည့်Medical Fair India 2025 ပြပွဲသို့ မြန်မာနိုင်ငံမှ ကိုယ်စားလှယ်များ တက်ရောက်ရန်ဖိတ်ကြားထားကြောင်းမြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲမှ သိရသည်။

▪️ အိန္ဒိယနိုင်ငံ၏ ထိပ်တန်းဆေးဘက်ဆိုင်ရာ ကုန်စည်ပြပွဲတစ်ခုဖြစ်သော  Medical Fair India 2025 ကို နယူးဒေလီမြို့ရှိ၊ ဘာရတ်မန်ဒါပမ်၊ ပရဂတိမိန်ဒါန် (Bharat Mandapam, Pragati Maidan) အဆောက်အအုံ၊ ခန်းမအမှတ် ၄ နှင့် ၅ တို့တွင်  ၂၀၂၅ ခုနှစ်၊ မတ်လ ၂၇ ရက်နေ့မှ ၂၉ ရက်နေ့အထိ ကျင်းပမည်ဖြစ်ကြောင်း ၊အဆိုပါ Medical Fair India 2025 သည် နှစ်စဉ် မွန်ဘိုင်းမြို့နှင့် နယူးဒေလီမြို့တို့၌ အလှည့်ကျ ကျင်းပလျက်ရှိပြီး ဆေးပစ္စည်းနှင့် ဆေးရုံသုံးပစ္စည်းမျိုးစုံအား ခင်းကျင်းပြသမည်ဖြစ်၍ ပြပွဲနှင့်အတူ ကျင်းပမည့် ဆွေးနွေးပွဲများသည် လူတိုင်းအတွက် ကျန်းမာရေးစောင့်ရှောက်မှုကို ပိုမိုလက်လှမ်းမီပြီး စျေးနှုန်းသက်သာစေရန် ဖြေရှင်းနည်းများကို ဆွေးနွေးကြမည်ဖြစ်‌ကြောင်း သိရသည်။

▪️ Medical Fair India 2025 ပြပွဲ၌ နိုင်ငံပေါင်း ၁၅ နိုင်ငံမှ ကုမ္ပဏီ ၃၅၀ ကျော် ပါဝင်မည်ဖြစ်၍ ပူးပေါင်းဆောင်ရွက်လိုသူများ၊ ဖြန့်ဖြူးရောင်းချသူများကို ရှာဖွေနေသည့် နိုင်ငံတကာနှင့် အိန္ဒိယပြည်တွင်းထုတ်လုပ်သူများနှင့် ချိတ်ဆက်ကာ လုပ်ငန်းများအကောင်အထည်ဖော်ဆောင်ရွက်နိုင်မည့် အခွင့်အလမ်းများကို ရရှိနိုင်မည်ဖြစ်ကြောင်း သိရှိရသည်။

▪️ အဆိုပါပြပွဲသို့ ပါဝင်တက်ရောက်ပြသလိုသည့် မြန်မာစီးပွားရေးလုပ်ငန်းရှင်များအနေဖြင့် မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ၊ ဖုန်း- ၀၆၇-၄၀၈၆၂၂၊ E-mail: This email address is being protected from spambots. You need JavaScript enabled to view it. သို့ ဆက်သွယ်စုံစမ်းစာရင်းပေးသွင်းနိုင်ကြောင်း သိရသည်။

#YMG/SW #Yangon_Times

#Local_News
Published_8 March 2025

▪️ မြန်မာနိုင်ငံအတွင်းသို့ နယ်စပ်လမ်း ကြောင်းများမှတစ်ဆင့် တရားမဝင် ဝင်ရောက်နေထိုင်ပြီး ကရင်ပြည်နယ် မြဝတီမြို့ - ရွှေကုက္ကိုလ်၊ မယ်ထော် သလေး နှင့် KK Park နယ်မြေများတွင် အွန်လိုင်းလောင်းကစားမှုများ၊ အွန် လိုင်းလိမ်လည်မှုများနှင့် ဒုစရိုက်မှုများ လုပ်ဆောင်ခဲ့ကြသည့် တရုတ်နိုင်ငံသား ၃၀၄ ဦးကို မြန်မာ- ထိုင်းအမှတ် (၂) ချစ်ကြည်ရေးတံတားမှ တစ်ဆင့် သက်ဆိုင်ရာ နိုင်ငံသို့ ယနေ့မတ်လ ၈ ရက်တွင် ထပ်မံပြည်နှင်လွှဲပြောင်းပေးခဲ့ကြောင်း သိရသည်။

▪️ ကရင်ပြည်နယ်အစိုးရအဖွဲ့ လုံခြုံရေးနှင့် နယ်စပ်ရေးရာဝန် ကြီး ဗိုလ်မှူးကြီး မင်းသူကျော်နှင့် တာဝန်ရှိသူများ၊ တရုတ်ပြည်သူ့သမ္မတနိုင်ငံ၊ ပြည်သူ့လုံခြုံရေးဝန်ကြီးဌာန ပြစ် မှုဆိုင်ရာစုံစမ်းစစ်ဆေးရေးဌာန ဒုတိယညွှန် ကြားရေးမှူးချုပ် Mr. Liu Ning Ning နှင့် ထိုင်းနိုင်ငံ တာ့ခ်ခရိုင် လူဝင်မှုကြီးကြပ်ရေးဦးစီးဌာနမှ တာဝန်ရှိသူများ တက်ရောက်ခဲ့ကြပြီး မြန်မာနိုင်ငံမှ တာဝန်ရှိသူများက သက်ဆိုင်ရာနိုင်ငံမှ ကိုယ်စားလှယ်များထံသို့ ပြည်နှင်လွှဲပြောင်းလက်ခံရေးဆိုင်ရာ အထောက်အထား စာရွက်စာ တမ်းများကို လွှဲပြောင်းပေးအပ်ခဲ့ကြောင်း သိရသည်။

▪️ နိုင်ငံတော်မှ အွန်လိုင်းအသုံးပြု လိမ်လည်မှု (Online Scam)နှင့် အွန်လိုင်း လောင်းကစားမှု (Online Gambling) လုပ်ဆောင်နေသူများ၊ ပါဝင်ပတ်သက်သူများ အားလုံးကို ပြတ်ပြတ်သားသား စုံစမ်းဖော်ထုတ် လျက်ရှိပြီး အိမ်နီးချင်းနိုင်ငံများ အပါအဝင် နိုင်ငံတကာမှအဖွဲ့အစည်းများ၊ အထူးသဖြင့် မြန်မာ-တရုတ်-ထိုင်း သုံးနိုင်ငံ အကြား သုံးပွင့်ဆိုင်ပူးပေါင်းဆောင်ရွက်မှုပုံစံ (Trilateral Cooperation) တို့ဖြင့် စဉ်ဆက်မပြတ်တက် ကြွစွာ ဖော်ထုတ်အရေးယူဆောင်ရွက်လျက်ရှိသည့်အပြင် အဆိုပါ လုပ်ငန်းများတွင် ဆက်စပ်ပါဝင်ခဲ့ကြသည့် ပြည်ပနိုင်ငံသားများကို သက်ဆိုင်ရာ နိုင်ငံများသို့ စနစ်တကျ ပြည်နှင်လွှဲပြောင်းဆောင်ရွက်ပေးလျက်ရှိကြောင်း သိရသည်။

#Yangon_Times/PP