#World_Science
Published 25 November 2024

▪️ ဒိုင်နိုဆောတွေ ရှေးဟောင်းသတ္တဝါတွေလိုပဲ လူသားတွေဟာလည်း တစ်နေ့နေ့မှာ မျိုးသုဉ်းပျောက်ကွယ်သွားနိုင်ပါတယ်။

▪️ ဒီလိုဖြစ်လာရင် ကမ္ဘာကြီးကို ဘယ်သူတွေအုပ်စိုးလိမ့်မလဲဆိုတော့ အဖြေက ရေဘဝဲပဲ ဖြစ်ပါတယ်။

▪️ ကမ္ဘာပေါ်မှာ လူသားတွေမရှိတော့ရင် ခြေလက် ၈ချောင်းပါ ရေဘဝဲတွေ အုပ်စိုးသွားလိမ့်မယ်လို့ သိပ္ပံပညာရှင်တစ်ဦးက ဆိုပါတယ်။

▪️ ဖြစ်ပွားနေတဲ့ စစ်ပွဲများနဲ့ ရာသီဥတု ဖောက်ပြန်မှုများကြောင့် လူသားများဟာ ယင်းတို့ကိုယ်တိုင် ကမ္ဘာကြီးကို ဖျက်ဆီးရာ ရောက်နေပါတယ်။

▪️ အဲဒီအခါ ရေဘဝဲတွေက ရုပ်ပိုင်းနဲ့ စိတ်ပိုင်းဆိုင်ရာ စွမ်းရည်များ ပိုင်ဆိုင်တာကြောင့် ဆင့်ကဲပြောင်းလဲလာပြီး နောက်ထပ်အဖွဲ့အစည်းတစ်ခု တည်ဆောက်လာလိမ့်မယ်လို့ သတ္တဗေဒနဲ့ ဇီဝဗေဒပညာရှင်က ပြောသွားပါတယ်။

▪️ ထိုသတ္တဝါတွေက ကမ္ဘာကြီးကို ခြယ်လှယ်ကာ သူတို့ကိုယ်တိုင် ဖန်တီးမယ့် ပစ္စည်းကိရိယာတွေ အသုံးပြုပြီး ရေအောက်နယ်ပယ်တစ်ခု တည်ဆောက်လိမ့်မယ်လို့ အောက်စ်ဖို့ဒ်တက္ကသိုလ်မှ ပရော်ဖက်ဆာ တင်မ်ကော်လ်ဆန်က ဆိုပါတယ်။

▪️ ရေဘဝဲတွေက အလွန်ဉာဏ်ကောင်းပြီး တစ်ကောင်နဲ့တစ်ကောင် ဆက်သွယ်လိုကြတယ်လို့ ပြောပါတယ်။

▪️ သူတို့က ပြဿနာများကို ဖြေရှင်းနိုင်ပြီး အရာဝတ္ထုများကို အသုံးပြုနိုင်ကာ ပုန်းကွယ်နေနိုင်သလို လူသားများ ပျောက်ကွယ်သွားရင် အဖွဲ့အစည်းတစ်ခု တည်ဆောက်နိုင်တဲ့ မျိုးစိတ်များအဖြစ်သို့ ဆင့်ကဲပြောင်းလဲလာနိုင်တယ်လို့ ပြောပါတယ်။

▪️ ကုန်းနေသတ္တဝါများအဖြစ် လုံးဝမပြောင်းလဲနိုင်ပေမယ့် တစ်ခါတလေမှာ ရေထဲကတက်လာပြီး သားကောင်လိုက်နိုင်ဖွယ် ရှိပါတယ်။

▪️ ရေပြင်ပမှာ မိနစ် ၃၀ လောက်နေထိုင်နိုင်ကာ နောက်နှစ်သန်းပေါင်းကြာလာရင် ကုန်းပေါ်က ကျွမ်းကျင်မုဆိုးများ ဖြစ်လာနိုင်ပါတယ်။

▪️ တစ်နေ့နေ့မှာ ရေပြင်ပမှာ ကြာရှည်စွာ နေထိုင်နိုင်ရန် အသက်ရှူကိရိယာများပင် ဖန်တီးလာနိုင်မယ်လို့ ကော်လ်ဆန်က ယုံကြည်နေပါတယ်။

▪️ ဘာလို့လဲဆိုတော့ သူတို့ရဲ့ အာရုံကြောတည်ဆောက်ပုံနဲ့ အာရုံကြောစနစ်က အဆင့်မြင့်ပြီး ပြဿနာများကို ဖြေရှင်းနိုင်တာကြောင့် ဖြစ်ပါတယ်။

#Source: WION

#World_Health
Published 25 November 2024

▪️ အစားအသောက်များ သုံးဆောင်တဲ့အခါ သကြားက အသုံးများတဲ့ ပါဝင်ပစ္စည်းဖြစ်ပေမယ့် အချိုစားတာ များလွန်းရင် ကျန်းမာရေးကို အန္တရာယ်ဖြစ်စေပါတယ်။

▪️ နာတာရှည်ရောဂါများ ဖြစ်ခြင်းမှ ကာကွယ်နိုင်ပြီး ကျန်းမာရေး ထိန်းသိမ်းနိုင်ဖို့အတွက် နေ့စဉ်စားသုံးသင့်တဲ့ သကြားပမာဏကို ဆေးဘက်ဆိုင်ရာ အဖွဲ့အစည်းများက လမ်းညွှန်ထားပါတယ်။

▪️ သကြားစားတာ များလွန်းရင် ဇီဝကမ္မ ချို့ယွင်းခြင်းများ၊ အဝလွန်ခြင်း၊ အင်ဆူလင်ယဉ်ပါးခြင်းတို့ ဖြစ်လာနိုင်ပါတယ်။

▪️ ဒါ့အပြင် သွားကျန်းမာရေးကို ထိခိုက်စေကာ သွားပိုးစားခြင်းများလည်း ဖြစ်နိုင်ပါတယ်။

▪️ သကြားကိုမှ သဘာဝအတိုင်း တွေ့ရတဲ့သကြားနဲ့ ထည့်သွင်းအသုံးပြုတဲ့ သကြားဆိုပြီး နှစ်မျိုးရှိနေပါတယ်။

▪️ အသီးအနှံ ဟင်းရွက်တွေမှာ တွေ့ရတာက သဘာဝသကြားဖြစ်ပြီး အစားအစာတွေ ထုပ်ပိုးထုတ်လုပ်ရာမှာ ထည့်သွင်းတဲ့ သကြားကတော့ အာဟာရတန်ဖိုးမရှိဘဲ သကြားလွန်ကဲစေပါတယ်။

▪️ ကျန်းမာရေးပညာရှင်များက တစ်နေ့တာ ကယ်လိုရီစားသုံးခြင်းရဲ့ ၅-၁၀ ရာခိုင်နှုန်းအထိသာ သကြားစားသုံးဖို့ အကြံပြုထားပါတယ်။

▪️ သာမန်လူကြီးတစ်ယောက်အနေနဲ့ အမျိုးသမီးဆိုရင် လက်ဖက်ရည်ဇွန်း ၆ ဇွန်း၊ အမျိုးသားဆိုရင် ၉ ဇွန်းနဲ့ ညီမျှပါတယ်။

▪️ ဒါတွေက စားစရာထုပ်တွေမှာ ပါဝင်တဲ့သကြားကိုသာ ရည်ညွှန်းထားတာ ဖြစ်ပါတယ်။

▪️ သကြားအလွန်အကျွံ စားသုံးမိတဲ့အခါ အဝလွန်ခြင်း၊ ဆီးချိုရောဂါ ဖြစ်နိုင်ခြေများခြင်း၊ နှလုံးရောဂါ၊ သွားနှင့်ခံတွင်း ကျန်းမာရေးပြဿနာများ၊ အသည်းကျန်းမာရေး ထိခိုက်ခြင်း၊ ရောင်ရမ်းခြင်း၊ စွမ်းအင်ကျဆင်းခြင်းနဲ့ ဆာလောင်ခြင်းတို့ ဖြစ်လာတတ်ပါတယ်။

▪️ သကြားစားသုံးခြင်းကို ထိန်းချုပ်ဖို့အတွက် အစားအသောက်တွေရဲ့ ပါဝင်ပစ္စည်းစာရင်းများ ဖတ်ရှုခြင်း၊ သကြားအစားထိုး ပစ္စည်းများ ရွေးချယ်ခြင်း၊ အသီးအနှံ ကောက်ပဲသီးနှံတို့ စားသုံးခြင်း၊ အချိုဓာတ်ပါသော အရည်များ လျှော့ချကန့်သတ်ခြင်း၊ စားသောက်တဲ့အခါ ပမာဏပိုင်းခြားခြင်း၊ အိမ်မှာချက်စားခြင်း၊ အချိုမပါသော စားစရာများ ရွေးချယ်ခြင်းတို့ ပြုလုပ်နိုင်ပါတယ်။

#Source: DoctorNDTV

၂၄ နိုဝင်ဘာ ၂၀၂၄

တရုတ်-မြန်မာနယ်စပ်အနီး မြန်မာနိုင်ငံ မြောက်ပိုင်းက ကျားဖျန့်လုပ်ငန်းအကြီးစားတွေ အားလုံးကို ချေမှုန်းပြီးပြီလို့ တရုတ်နိုင်ငံ ပြည်သူ့လုံခြုံရေးဝန်ကြီးဌာနက မကြာသေးမီကကြေညာခဲ့ပါတယ်။ပြီးခဲ့တဲ့နှစ်က မြန်မာပြည်မြောက်ပိုင်းကကျားဖျန့်လုပ်ငန်းတွေကို  တရုတ်နှင့် မြန်မာရဲတပ်ဖွဲ့တွေ စတင်နှိမ် နှင်းခဲ့တဲ့အချိန်ကနေ ယခုအချိန်အထိ တရုတ်နိုင်ငံသား ငါးသိန်းသုံးသောင်ကျော်ကိုဖမ်းဆီးနိုင်ခဲ့တယ်လို့ ပြည်သူ့ လုံခြုံရေးဝန်ကြီးဌာနရဲ့ သတင်းထုတ်ပြန်ချက်မှာဖော်ပြထားပါတယ်

Source CCTV+

#World_Health
Published 24 November 2024

▪️ သွေးဖိအားများခြင်း သို့မဟုတ် သွေးတိုးခြင်းကို ဆေးဝါးများဖြင့် ထိန်းချုပ်ကြသလို အစားအစာကလည်း အရေးပါနေပါတယ်။

▪️ အချို့သော ဟင်းရွက်တွေဟာ သွေးပေါင်ချိန်ကို သဘာဝအတိုင်း လျှော့ချပေးနိုင်ကြပါတယ်။

▪️ ဟင်းသီးဟင်းရွက်တွေမှာ အာဟာရဓာတ်များစွာ ပါဝင်ပြီး ဆိုဒီယံနည်းပါးတာကြောင့် သွေးကြောတွေကို ပြေလျော့စေကာ သွေးပေါင်ချိန် ထိန်းသိမ်းပေးပါတယ်။

▪️ ဒီအတွက် အသင့်လျော်ဆုံး ဟင်းရွက်တွေကို ဖော်ပြလိုက်ပါတယ်။

▪️ (၁) ဟင်းနုနွယ် - ပိုတက်ဆီယံ၊ မဂ္ဂနီဆီယံ၊ ကယ်လ်စီယံတို့ ပါဝင်တာကြောင့် သွေးလည်ပတ်မှု ကောင်းစေပြီး သွေးပေါင်ချိန် ထိန်းသိမ်းပေးပါတယ်။

▪️ (၂) သကြားမုန်လာ - နိုက်ထရိတ်ကြွယ်ဝစွာ ပါဝင်ပြီး နိုက်ထရစ်အောက်ဆိုဒ် ပြောင်းပေးကာ သွေးပေါင်ချိန် လျော့ကျစေပါတယ်။

▪️ (၃) ပန်းဂေါ်ဖီစိမ်း - ဓာတ်တိုးဆန့်ကျင်ပစ္စည်းများနဲ့ ပိုတက်ဆီယံ ပါဝင်တာကြောင့် နှလုံးကျန်းမာရေးအတွက် ကောင်းမွန်ပြီး သွေးပေါင်ချိန် ထိန်းသိမ်းပေးပါတယ်။

▪️ (၄) မုန်လာဥနီ - ပိုတက်ဆီယံ၊ ဘီတာကယ်ရိုတင်းတို့ ကြွယ်ဝသဖြင့် နှလုံးကျန်းမာရေးကို အထောက်အကူပြုကာ သွေးပေါင်ချိန် ထိန်းသိမ်းပေးပါတယ်။

▪️ (၅) နံနံပင် - သွေးကြောနံရံတွေကို ပြေလျော့စေကာ သွေးစီးဆင်းမှု ကောင်းမွန်စေပြီး အပေါ်သွေးလျှော့ချပေးပါတယ်။

▪️ (၆) ကိုက်လံ - ပိုတက်ဆီယံနဲ့ မဂ္ဂနီဆီယံ ပြည့်ဝပြီး ကယ်လိုရီနည်းပါးတာကြောင့် သွေးပေါင်ချိန်အတွက် ကောင်းမွန်စေကာ ကိုလက်စ်ထရောလ် လျော့ကျစေပါတယ်။

▪️ (၇) ကန်စွန်းဥ - ပိုတက်ဆီယံ၊ မဂ္ဂနီဆီယံကြွယ်ဝပြီး ခန္ဓာကိုယ်ထဲက ဆိုဒီယံပမာဏကို ထိန်းညှိပေးကာ သွေးပေါင်ချိန် ထိန်းသိမ်းပေးပါတယ်။

▪️ (၈) ခရမ်းချဉ်သီး - ပိုတက်ဆီယံနဲ့ ဓာတ်တိုးဆန့်ကျင်ပစ္စည်း လိုင်ကိုပင်း ပါဝင်တာကြောင့် သွေးတိုးရောဂါမှ ကာကွယ်ပေးပါတယ်။

▪️ (၉) ပဲသီး - ဆိုဒီယံနည်းပါးပြီး ပိုတက်ဆီယံ မြင့်မားတာကြောင့် နှလုံးသွေးကြော ကျန်းမာရေးကို ကောင်းမွန်စေကာ သွေးပေါင်ချိန် ထိန်းသိမ်းပေးပါတယ်။

#Source: DoctorNDTV

#World_Health
Published 24 November 2024

▪️ ကိုဗစ်-၁၉ရောဂါ ကူးစက်မှုနဲ့ ကင်ဆာရောဂါ လျော့ပါးခြင်းတို့ ဆက်စပ်နေပုံကို နော့သ်ဝက်စ်တန်းဆေးတက္ကသိုလ်မှ သုတေသီများ လေ့လာတွေ့ရှိထားပါတယ်။

▪️ သုတေသနက အစောပိုင်းအဆင့်သာ ရှိသေးပေမယ့် အနာဂတ်မှာ နောက်ထပ်စမ်းသပ်မှုတွေကနေ ကုသမှုအသစ်များ ထွက်ပေါ်လာဖို့ မျှော်လင့်နေကြပါတယ်။
SARS-CoV-2 ဗိုင်းရပ်စ်ထဲမှ RNAဟာ ကင်ဆာဆန့်ကျင် ခုခံဆဲလ်တွေ ဖွံ့ဖြိုးမှုကို လှုံ့ဆော်ပေးတယ်လို့ တွေ့ရှိထားပါတယ်။

▪️ I-NCMs လို့ခေါ်တဲ့ ခုခံဆဲလ်တွေဟာ ကင်ဆာဆဲလ်များကို တိုက်ခိုက်နိုင်ပြီး ကိုဗစ်ရောဂါ ကူးစက်ချိန်မှာ ခုခံဆဲလ်ပွားများလာကာ ကုသမှုနည်းလမ်းအသစ်များ ဖြစ်လာနိုင်ပါတယ်။

▪️ ထိုဆဲလ်တွေဟာ အရေပြားအကျိတ်၊ အဆုတ်ကင်ဆာ၊ ရင်သားကင်ဆာ၊ အူမကြီးကင်ဆာတို့ကိုလည်း တုံ့ပြန်နိုင်တာတွေ့ရတယ်လို့ သုတေသနပြုစုသူ အန်ကစ်ဘာရက်က ပြောပါတယ်။

▪️ သုတေသနက အစောပိုင်းအဆင့်သာ ရှိသေးပေမယ့် ကင်ဆာအဆင့်မြင့် လူနာတွေမှာ အသုံးဝင်ဖို့ မျှော်လင့်နေကြပါတယ်။

▪️ ခန္ဓာကိုယ်ထဲက တိုက်ခိုက်တဲ့ဆဲလ်တွေက အကျိတ်ရှိရာနေသို့ စုပြုံလာကြပြီး ကင်ဆာဆဲလ်တွေကို တိုက်ခိုက်ကြကာ အကျိတ်လျော့ပါးစေပါတယ်။

▪️ ဆရာဝန်တွေက လူသားတစ်ရှူးရော တိရိစ္ဆာန်တွေနဲ့ပါ စမ်းသပ်ကာ ကိုဗစ်-၁၉ ရဲ့ RNAလိုမျိုး အာနိသင်ရှိတဲ့ ဆေးဖန်တီးမှာဖြစ်ပါတယ်။

▪️ ကြွက်တွေနဲ့ စမ်းသပ်ရာမှာ အကျိတ်တွေကို ၆၀ ကနေ ၇၀ ရာခိုင်နှုန်း လျှော့ချနိုင်ခဲ့ပါတယ်။

▪️ စမ်းသပ်မှုက အစောပိုင်းသာရှိသေးပြီး ကင်ဆာလူနာတွေမှာ ဘေးကင်းစွာ အသုံးပြုနိုင်မလားဆိုတာ စမ်းသပ်ရဦးမယ်လို့ ဘာရက်က ပြောသွားပါတယ်။

#Source: New York Post

ပါကစ္စတန်တွင်ကျင်းပသည့် နိုင်ငံတကာကာကွယ်ရေးပြပွဲသို့ အီရန်တပ်မတော်ကိုယ်စားလှယ်အဖွဲ့တက်ရောက်

ပါကစ္စတန်နိုင်ငံမှာ ပထမဆုံးအကြိမ်ပြုလုပ်တဲ့ နိုင်ငံတကာကာကွယ်ရေးပြပွဲကို အီရန်စစ်တပ်မှ ကိုယ်စားလှယ်အဖွဲ့တက်ရောက်လျက်ရှိပြီး စစ်ရေးနဲ့ကာကွယ်ရေး လက်နက်ပစ္စည်းအသစ်များ ပြသရင်းနှစ်နိုင်ငံဆက်ဆံရေး တိုးချဲ့နေပါတယ်။
#World_Military
Published 23 November 2024
#ပါကစ္စတန် #ကာကွယ်ရေးပြပွဲ
#YMG #Yangon_Times #Yangon_Media_Group

#Daily_News
Published 23 November 2024

၁။ ရေကျော်ပွဲဈေး ပြန်လည်ကျင်းပနေ၊ (၅)ရက်တိုင် ကျင်းပမည်

၂။ ကျောက်မျက်ရတနာပြပွဲ ပဉ္စမနေ့၌ ကျောက်စိမ်းအတွဲ ၆၀၀ ကျော်ရောင်းချနိုင်ခဲ့

၃။ ဆောင်းတွင်း ရန်ကုန်အပါအဝင်ဒေသ(၇)ခု မိုးရွာဦးမည်

၄။ ပါကစ္စတန်တွင်ကျင်းပသည့် နိုင်ငံတကာကာကွယ်ရေးပြပွဲသို့ အီရန်တပ်မတော်ကိုယ်စားလှယ်အဖွဲ့တက်ရောက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၃ နိုဝင်ဘာ ၂၀၂၄

သူမအသတ်ခံရရင် သမ္မတ ဖာဒီန်မားကိုစ်ဂျုနီယာကို ပြန်လုပ်ကြံသတ်ဖြတ်ခိုင်းမယ်လို့  ဖိလစ်ပိုင် ဒုတိယ သမ္မတ ဆာရာ ဒူတာတီးက ပြောကြားလိုက်ပါတယ်။ အဲသလိုပြောကြားပြီးတဲ့နောက် ဖိလစ်ပိုင် လုံခြုံရေး အေဂျင်စီတွေဟာ သမ္မတရဲ့ လုံခြုံရေးကို တိုးမြှင့်လိုက်ရပါတယ်။

ဖိလစ်ပိုင်မှာ သမ္မတ မားကို့စ်ဂျူနီယာနှင့် ဒုသမ္မတ ဆာရာဒူတာတီးတို့အကြား အကွဲအပြဲတွေဖြစ်နေခဲ့ တဲ့သတင်းတွေထွက်ပေါ်ခဲ့ပြီးနောက် ယခုပြောကြားချက်ဟာ သိသာထင်ရှားတဲ့ အကွဲအပြဲတစ်ခုကို ထင်ဟပ်ခဲ့တာဖြစ်ပါတယ်။

ဒုသမ္မတ ဆာရာဒူတာတီးက သူမသာအသတ်ခံရရင် မားကို့စ်၊ သူ့ဇနီးနှင့် ဖိလစ်ပိုင်အောက်လွှတ်တော် အမတ်တို့ကို သတ်ပစ်ဖို့ လုပ်ကြံမည့်သူတစ်ဦးကို သူမညွှန်ကြားထားပြီးဖြစ်တယ်လို့ သတင်းစာ   ရှင်းလင်းပွဲတစ်ခုမှာ ပြောကြားခဲ့ပါတယ်။

“ ကျွန်မ တစ်ယောက်ကိုပြောထးတယ်။ ကျွန်မအသတ်ခံရရင် ဘီဘီအမ်(မားကို့စ်) လီဇာအာရင်တာ (သမ္မတကတော်)နှင့် မာတင်ရိုမူဒက်ဇ်( လွှတ်တော်ဥက္ကဋ္ဌ)တို့ကို သတ်ဖို့ ပြောထားတယ်။ နောက်တာ မဟုတ်ဘူးနော်၊ နောက်တာမဟုတ်ဘူး” လို့ ဒုသမ္မတ ဒူတာတီးကပြောပါတယ်။

သူမအနေနှင့် အန္တရာယ်ကင်းအောင်နေဖို့နှင့် ရန်သူရဲ့ပိုင်နက်ထဲ သူမရောက်နေတယ်လို့ အွန်လိုင်းဝေဖန် သူတစ်ဦးက ပြောကြားပြီးနောက် ဒူတာတီးက ယင်းကဲ့သို့တုန့်ပြန်ပြောကြားခဲ့တာပါ။

သမ္မတလုံခြုံရေးအဖွဲ့က သမ္မတရဲ့လုံခြုံရေးကိုတိုးမြှင့်ထားလိုက်ပြီး သမ္မတနှင့်သူ့မိသားစုအပေါ် မည်သည့် ခြိမ်းခြောက်မှုမျိုးမဆို တားဆီးဟန့်တားမယ်လို့ပြောပါတယ်။

နယ်စပ်ဂိတ်များပြန်လည်ဖွင့်လှစ်ရေးနှင့်နယ်မြေဒေသတည်ငြိမ်အေးချမ်းရေးကို အတူလက်တွဲ ပူးပေါင်းဆောင်ရွက်ရေးအပါအဝင် တရုတ်-မြန်မာနှစ်နိုင်ငံကိစ္စရပ်များကို အပြန်အလှန်အမြင်ချင်းဖလှယ်ဆွေးနွေး

တရုတ်-မြန်မာနှစ်နိုင်ငံ နယ်စပ်ဂိတ်များပြန်လည်ဖွင့်လှစ်ရေးနဲ့ ရှိရင်းစွဲဆွေမျိုးပေါက်ဖော် ချစ်ကြည်ရင်းနှီးမှုအရ နယ်မြေဒေသတည်ငြိမ်အေးချမ်းရေးကို အတူလက်တွဲပူးပေါင်းဆောင်ရွက်ရေး အပါအဝင်နှစ်နိုင်ငံကိစ္စရပ်တွေကို မြန်
မာနဲ့ တရုတ်အစိုးရအဖွဲ့အစည်းတွေ အပြန်အလှန်အမြင်ချင်းဖလှယ်ခဲ့ကြတယ်လို့ သိရပါတယ်။
#Local_News
Published 23 November 2024
#တရုတ်-မြန်မာနှစ်နိုင်ငံ #အမြင်ချင်းဖလှယ်ဆွေးနွေး
#YMG/NN #Yangon_Times

လက်ရှိအခြေအနေမှာတိုင်းနဲ့  ပြည်နယ်တွေမှာ အခြေခံစားသောက်ကုန်ဈေးနှုန်းတွေ မြင့်တက်နေတာကြောင့် ပုံသေဝင်ငွေရရှိတဲ့ လခစားဝန်ထမ်းတွေနဲ့ အခြေခံလူတန်းစား‌တွေအပေါ် သက်ရောက်မှုကြီးမားနေတယ်လို့ ပြည်ထောင်စုကုန်ဈေးနှုန်းတည်ငြိမ်ရေးကော်မတီဥက္ကဋ္ဌက ပြောကြားလိုက်ပါတယ်။
#Local_News
Published 23 November 2024
#အခြေခံစားကုန်ဈေးမြင့်တက် #အခြေခံလူတန်းစား‌
#YMG/NN #Yangon_Times

ဆောင်းတွင်းဖြစ်ပေမယ့် လေဖိအားနည်းရပ်ဝန်းကြောင့် ရန်ကုန်အပါအဝင်ဒေသ(၇)ခု မိုးရွာဦးမှာဖြစ်တယ်လို့ သိရပါတယ်။
#Local_News
Published 23 November 2024
#လေဖိအားနည်းရပ်ဝန်း #ဆောင်းတွင်း
#YMG/tthl #Yangon_Times

၂၀၂၄ နှစ်လယ် မြန်မာ့ကျောက်မျက်ရတနာပြပွဲ ပဉ္စမနေ့ဖြစ်တဲ့ နိုဝင်ဘာ ၂၂ ရက်က ကျောက်စိမ်းအတွဲ ၆၁၃ တွဲ ရောင်းချနိုင်ခဲ့တယ်လို့ မြန်မာ့ကျောက်မျက် ရတနာပြပွဲ ဗဟိုကော်မတီက သိရပါတယ်။
#Local_News
Published 23 November 2024
#ကျောက်မျက်ရတနာပြပွဲ #ကျောက်စိမ်း
#YMG/NN #Yangon_Times