#World_Health
Published 26 November 2024

▪️ အသက်အရွယ်တစ်ခု မတိုင်မီအထိ မျက်နှာမှာ အရေးကြောင်းတွေ မရှိပေမယ့် ရုတ်တရက် ပေါ်လာတဲ့အချိန် ရှိတတ်ပါတယ်။

▪️ ဒါဟာ အသက်အရွယ် ရလာပြီလို့ သိပ္ပံနည်းကျ ရှင်းပြချက်ရှိပါတယ်။

▪️ လူသားတွေ မျက်နှာသွင်ပြင် သိသိသာသာ ပြောင်းလဲသွားတဲ့ အသက်အရွယ် ၂ချိန်ရှိပြီး ၄၄ နှစ်နဲ့ အသက် ၆၀ အရွယ်တို့မှာ ဖြစ်တယ်လို့ တွေ့ရှိထားပါတယ်။

▪️ ထိုအပြောင်းအလဲက ဖြည်းဖြည်းချင်းပြောင်းတာ မဟုတ်ဘဲနဲ့ သိသိသာသာ ဖြစ်ပါတယ်။

▪️ အသက်အရွယ် ကြီးလာတာနဲ့အမျှ ရောဂါကူးစက်နိုင်ခြေလည်း များလာတာကြောင့် စတန်းဖို့ဒ်တက္ကသိုလ်မှ မိုက်ကယ်ဆင်ဒါနဲ့အဖွဲ့က အိုမင်းရင့်ရော်ခြင်း ဇီဝဖြစ်စဉ်များကို နားလည်ရန် ကြိုးစားခဲ့ကြပါတယ်။

▪️ ဇီဝဖြစ်စဉ်နမူနာများ လှူဒါန်းထားတဲ့ အရွယ်ရောက်သူ ၁၀၈ ဦးကို သုတေသီများ နှစ်ပေါင်းများစွာကြာအောင် ကြည့်ရှုခဲ့ကြပါတယ်။

▪️ ထိုထဲမှာ မော်လီကျူးနမူနာ အမျိုးမျိုးကို စောင့်ကြည့်ခဲ့ကြပြီး ဇီဝဖြစ်စဉ် ၁၃၅၂၃၉ မျိုးရှိခဲ့ပါတယ်။

▪️ အဆိုပါ အသက်အရွယ် အဆင့်တွေမှာ မော်လီကျူး ၈၁ ရာခိုင်နှုန်းခန့် အပြောင်းအလဲရှိတာကို သိလာပါတယ်။

▪️ ဒါတွေက အသက် ၄၀ ဝန်းကျင်နဲ့ ၆၀ အစောပိုင်းမှာ ဖြစ်နိုင်ခြေအများဆုံး ရှိပါတယ်။

▪️ အသက် ၄၀ ဝန်းကျင်အရွယ်မှာ အဆီ၊ ကဖင်း၊ အယ်လ်ကိုဟော ဇီဝဖြစ်ပျက်မှုတွေအပြင် နှလုံးသွေးကြောရောဂါ၊ အရေပြားနဲ့ ကြွက်သားလုပ်ဆောင်ချက်တွေမှာ အပြောင်းအလဲ ဖြစ်ပျက်ခဲ့တာကို တွေ့ရပါတယ်။

▪️ အသက် ၆၀ ဝန်းကျင်မှာတော့ ကာဗိုဟိုက်ဒရိတ်၊ ကဖင်းဖြစ်စဉ်များ၊ နှလုံးသွေးကြောရောဂါ၊ အရေပြားနဲ့ ကြွက်သား၊ ကိုယ်ခံအားထိန်းညှိခြင်း၊ ကျောက်ကပ်လုပ်ဆောင်ချက်တို့နဲ့ သက်ဆိုင်နေပါတယ်။

▪️ အမျိုးသမီးတွေမှာ ဓမ္မတာသွေးဆုံးခြင်းကတော့ အိုမင်းရင့်ရော်ခြင်းနဲ့ မဆိုင်ဘူးလို့ နန်ယန်နည်းပညာတက္ကသိုလ် စင်္ကာပူမှ သုတေသနပြုစုသူ ရှောက်တောင်ရှန်က ပြောသွားပါတယ်။

#Source: WION

#World_Health
Published 26 November 2024

▪️ မှိုခေါင်းဖြူမှထုတ်ယူရရှိတဲ့ ပစ္စည်းဟာ အကျိတ်ကြီးထွားမှုကို တားဆီးပေးပြီး ကင်ဆာဆန့်ကျင်တဲ့ ကိုယ်ခံအားဆဲလ်တွေကို ထောက်ပံ့ပေးကာ ဆီးကျိတ်ကင်ဆာ ဆိုးရွားလာခြင်းကို နှောင့်နှေးစေနိုင်တယ်လို့ စီးတီးအော့ဖ်ဟုပ် ကင်ဆာကုသရေးဌာနက သုတေသန တွေ့ရှိထားပါတယ်။

▪️ စီးတီးအော့ဖ်ဟုပ်မှ သုတေသီများက ခေါင်းဖြူမှို၊ စပျစ်စေ့အရည်၊ သလဲသီး၊ ဘလူးဘယ်ရီ၊ ခရမ်းဘယ်ရီးမှည့်တို့ကို ဆေးဘက်ဆိုင်ရာ သုတေသန ပြုလုပ်နေတယ်လို့ ကင်ဆာဇီဝဗေဒနဲ့ မော်လီကျူးဆေးပညာဌာနမှ ပရော်ဖက်ဆာ ရှီယွမ်ချင်က ပြောပါတယ်။

▪️ အပင်မှရလာတဲ့ ပစ္စည်းတွေက သမားရိုးကျ ကင်ဆာကုသမှုနဲ့ ကာကွယ်ရေးတို့မှာ အသုံးဝင်လာနိုင်တယ်ဆိုတာကို ရှာဖွေနေကြတယ်လို့ ဆိုပါတယ်။

▪️ agaricus bisporus လို့ခေါ်တဲ့ ခေါင်းဖြူမှိုတွေက အမေရိကန်မှာ အစားအများဆုံးမှိုတစ်မျိုး ဖြစ်ပါတယ်။

▪️ ပထမအဆင့် စမ်းသပ်မှုမှာ ပါဝင်စမ်းသပ်သူ ၃၆ ရာခိုင်နှုန်းက မှိုခေါင်းဖြူဆေးပြားများ အသုံးပြုပြီး ၃လအကြာမှာ ဆီးကျိတ်ကင်ဆာဖြစ်စေတဲ့ ဆဲလ်(PSA)ပမာဏ ကျဆင်းသွားတာကို တွေ့ရှိခဲ့ကြပါတယ်။

▪️ စမ်းသပ်မှုအတွင်း ဆေးတွေကနေ ဘေးထွက်ဆိုးကျိုး ကြီးကြီးမားမား မတွေ့ရှိရပါဘူး။

▪️ ဒုတိယအဆင့် စမ်းသပ်မှုမှာ မှိုဖြင့် MDSC ဆဲလ်တွေကို ပစ်မှတ်ထားကာ ဆီးကျိတ်ကင်ဆာ ဆိုးရွားလာခြင်းကို လျှော့ချနိုင်တယ်လို့ စမ်းသပ်ရရှိပါတယ်။

▪️ မှိုခေါင်းဖြူမှရရှိတဲ့ ပစ္စည်းကို စားသုံးစေခဲ့ပြီး ၃လအကြာမှာ ဆီးကျိတ်ကင်ဆာလူနာ ၈ ဦးရဲ့သွေးထဲမှဦ MDSCနည်းပါးသွားပြီး အကျိတ်ဖယ်ရှားပေးတဲ့ ဆဲလ်များ လှုပ်ရှားလာပါတယ်။

▪️ ကြွက်တွေမှာ မှိုကုသခြင်းနဲ့ ကိုယ်ခံအားကုထုံးတို့က ၈ရက်ကြာအောင် ရှိနေခဲ့ပါတယ်။

▪️ ဆီးကျိတ်ကင်ဆာဟာ အမေရိကန်မှ အမျိုးသားတွေမှာ အဖြစ်အများဆုံးနဲ့ အန္တရာယ်အရှိဆုံး ကင်ဆာတစ်မျိုးဖြစ်ပြီး ဆီးကျိတ်ဂလင်း ဖြတ်တောက်ခြင်း၊ ဓာတ်ရောင်ခြည်ကုသခြင်း၊ ဟော်မုန်းကုသခြင်း၊ ဓာတုကုထုံး၊ ကိုယ်ခံအားကုသနည်းတို့ဖြင့် ကုသကြပါတယ်။

▪️ အဆိုပါမှိုတွေနဲ့ ထုတ်ယူရရှိတဲ့ပစ္စည်းတွေကို အွန်လိုင်းကနေ ဝယ်ယူကြတာဟာ FDAအသိအမှတ်ပြု မဟုတ်တာကြောင့် သတိထားဖို့ ဒေါက်တာ ရှောက်ကျင်ဝမ်က ပြောသွားပါတယ်။

#Source: New York Post

ဂျပန်အတွင်းရှိ အမေရိကန်စစ်စခန်းများအနီး ရေထုညစ်ညမ်းမှုပြဿနာအားဖြေရှင်းပေးရန် ဂျပန်ပြည်သူများဆန္ဒပြ

ဂျပန်ပြည်သူတွေဟာ ကြာသပတေးနေ့က တိုကျိုအခြေစိုက် ဂျပန်-အမေရိကန် လုံခြုံရေးအတိုင်ပင်ခံကော်မတီရှေ့မှာ ဆန္ဒပြထုတ်ဖော်ခဲ့ကြပါတယ်။
#Asia_News
Published 25 November 2024
#အမေရိကန်စစ်စခန်း #ဂျပန်ပြည်သူများဆန္ဒပြ
#YMG #Yangon_Times #Yangon_Media_Group

#Daily_News
Published 25 November 2024

၁။ အကယ်ဒမီပေးပွဲအတွက် ရွှေကြိုများခေါ်ယူနေ

၂။ ကမ္ဘာ့ရွှေဈေး အဖွင့်ဈေးတက်၍ မြန်မာ့ရွှေဈေး အနည်းငယ်တက်

၃။ နောက်(၁၂)နာရီအတွင်း မုန်တိုင်းငယ်ဖြစ်နိုင်၊ဒေသ(၈)ခုမိုးရွာမည်

၄။ ဂျပန်အတွင်းရှိ အမေရိကန်စစ်စခန်းများအနီး ရေထုညစ်ညမ်းမှုပြဿနာအားဖြေရှင်းပေးရန် ဂျပန်ပြည်သူများဆန္ဒပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၅ နိုဝင်ဘာ ၂၀၂၄

အမေရိကန်ရွေးကောက်ခံ သမ္မတဒေါ်နယ်ထရမ့်က အမေရိကန်စစ်တပ်ကနေ လိင်ပြောင်း စစ်မှုထမ်း တွေကို ထုတ်ပစ်မယ့် သမ္မတအမိန့်တစ်ခုကို ထုတ်ပြန်ဖွယ်ရှိတယ်လို့ အမေရိကန်စစ်တပ်  သတင်း  အရင်းအမြစ်ကိုကိုးကားပြီး တိုင်းမ်သတင်းဌာနက ရေးသားလိုက်ပါတယ်။

ထရမ့်ဟာ သမဖ်မတတာဝန်ကိုလာမယ့် နှစ်ဇန်နဝါရီ ၂၀ရက်မှာ စတင်ထမ်းဆောင်မှာဖြစ်ကာ သမ္မတ ဖြစ်ပြီးသိပ်မကြာခင်မှာပဲ အမေရိကန်စစ်တပ်မှာ လိင်ပြောင်းသူတွေ စစ်မှုထမ်းမှာကို ပိတ်ပင်မယ့် သမ္မတ အမိန့်တစ်ခုကို လက်မှတ်ရေးထိုးလိမ့်မယ်လို့ သတင်းအရင်းအမြစ်တွေက ပြောပါတယ်။ အဲဒီအမိန့်အရ  လက်ရှိ လိင်ပြောင်းစစ်မှုထထမ်း ၁၅.၀၀၀ ဦးဟ အလိုလိုစစ်တပ်ကနေထွက်ပေးရတော့မှာဖြစ်ပြီး သူတို့ကို စစ်မှုထမ်းရန်မသင့်ဟုကြေညာခြင်းခံရမှာဖြစ်ပါတယ်။

အဲဒီအမိန့်အရ စစ်တပ်ကို လိင်ပြောင်းသူတွေ ထပ်မံဝင်ရောက်လာမှာကိုလည်း ပိတ်ပင်တားဆီးမှာဖြစ်တဲ့ အတွက် အမေရိကန်စစ်တပ်အနေနှင့် လိုအပ်တဲ့ စစ်သားစုဆောင်းရေးအရေအတွက်ရရှိဖို့ အတော် ရုန်းကန်ရလိမ့်မယ်လို့ သတင်းကဆိုပါတယ်။

အသက် ၇၈နှစ်ရှိပြီဖြစ်တဲ့ ထရမ့်ဟာ စစ်တပ်ထဲမှာ လိင်ပြောင်းသူတွေ မထားဖို့ သူရဲ့ ပထမသက်တမ်း ထဲမှာ ပြောထားပါတယ်။ ဘာဖြစ်လို့လဲဆိုတော့ အဲဒါတွေကြောင့် စစ်တပ်ထဲ ဆေးဝါးစရိတ်တွေနှင့် အလုပ်ပျက်အကိုင်ပျက်တွေ အများကြီးရှိခဲ့တယ်လို့ ဆိုကာ ၂၀၁၉ခုနှစ်မှာ အမိန့်ထုတ်တားဆီးခဲ့တာပါ။

ဒါပေမယ့် ဂျိုးဘိုင်ဒင် သမ္မတဖြစ်လာပြီးတဲ့နောက် ပြောင်းပြန် ပြန်လုပ်ခဲ့ပါတယ်။ အခုထရမ့်က သမ္မတပြန်ဖြစ်လာတဲ့အခါ သူထုတ်ပြန်ခဲ့တဲ့ အမိန့်ကိုပြန်အသက်သွင်းမယ့် သဘောဖြစ်ပါတယ်။

Source : Times of India

သီတင်းကျွတ်နှင့် တန်ဆောင်တိုင်ပိတ်ရက်အတွင်း ငွေဆောင်ကမ်းခြေသို့ ခရီးသွား ၂၅,၀၀၀ခန့်လာရောက်လည်ပတ်

ပြီးခဲ့တဲ့ သီတင်းကျွတ်နဲ့ တန်ဆောင်တိုင်ပိတ်ရက်ကာလအတွင်း ငွေဆောင်ကမ်းခြေသို့ ခရီးသွား ၂၅,၀၀၀ ကျော်လာရောက်လည်ပတ်ခဲ့တယ်လို့ ဟိုတယ်နှင့်ခရီးသွားညွှန်ကြားမှုဦးစီးဌာန၊ ငွေဆောင်ရုံးခွဲထံမှ သိရပါတယ်။
#Local_News
Published 25 November 2024
#ငွေဆောင်ကမ်းခြေ #သီတင်းကျွတ်နှင့်တန်ဆောင်တိုင်
#YMG/NN #Yangon_Times

#World_Military
Published 25 November 2024

▪️ အသက် ၂၆ နှစ်ရှိ ကိုရီးယားနိုင်ငံသားတစ်ဦးဟာ စစ်မှုထမ်းခြင်းမှ ရှောင်ရှားရန်အတွက် ကိုယ်အလေးချိန် တမင်တိုးလာအောင် ပြုလုပ်ခဲ့ရာ နိုင်ငံသားတာဝန် တိမ်းရှောင်မှုဖြင့် အပြစ်ရှိကြောင်း တွေ့ရှိခဲ့ပါတယ်။

▪️ ဆိုးလ်အရှေ့ပိုင်း ဒုံဘူခရိုင်တရားရုံးက တရားခံကို စစ်မှုထမ်းဥပဒေချိုးဖောက်မှုဖြင့် ထောင်ဒဏ် ၁နှစ်၊ ဆိုင်းငံ့ ၂နှစ် ချမှတ်လိုက်ပါတယ်။

▪️ အဆိုပါ ဥပဒေမှာ ခိုင်လုံတဲ့ အကြောင်းပြချက်မရှိဘဲ စစ်မှုထမ်း တိမ်းရှောင်သူများကို ထောင်ဒဏ် ၃နှစ်အထိ ချမှတ်နိုင်ကြောင်း ပြဌာန်းထားပါတယ်။

▪️ တရားခံက နေ့စဉ်စားသောက်မှုကို နှစ်ဆတိုးကာ စစ်မှုထမ်းခေါ်ဖို့အတွက် ဆေးစစ်မှုမပြုလုပ်မီမှာ ရေအများအပြားသောက်သုံးခဲ့ပြီး ကိုယ်အလေးချိန်တက်အောင် တမင်ပြုလုပ်ခဲ့ပါတယ်။

▪️ သူ့ရဲ့သူငယ်ချင်း တစ်ယောက်က ကိုယ်အလေးချိန် တက်လာစေရန် အစီအစဉ်များ ပြုလုပ်ပေးခဲ့ကာ ချက်ပြုတ်ပေးတဲ့အတိုင်း စားသောက်ခဲ့ပါတယ်။

▪️ သူငယ်ချင်းဖြစ်သူကိုတော့ ကူညီမြှောက်ပင့်တဲ့အတွက် ထောင်ဒဏ် ၆လ၊ ဆိုင်းငံ့ ၂နှစ်ချမှတ်ခဲ့ပါတယ်။

▪️ သူကတော့ သူငယ်ချင်းဖြစ်သူ ဒီလိုရည်ရွယ်ချက်ဖြင့် ပြုလုပ်မယ်လို့ မထင်မိကာ စွပ်စွဲချက်တွေကို ငြင်းဆိုလိုက်ပါတယ်။

▪️ တရားခံဟာ ၂၀၁၇ အောက်တိုဘာတုန်းက ကိုယ်ကာယစမ်းသပ်မှု ပြုလုပ်ရာမှာ အဆင့်-၂ ရရှိခဲ့ပြီး ဒါဟာ ဒုတိယအမြင့်ဆုံး အဆင့်ဖြစ်ကာ တိုက်ခိုက်ရေးကဏ္ဍမှာ ပါဝင်ရန် အရည်အချင်းပြည့်မီတယ်လို့ သတ်မှတ်ခံခဲ့ရပါတယ်။

▪️ ၂၀၂၃ ဇွန်လပ နောက်ဆုံးစစ်ဆေးရာမှာတော့ ၁၀၂.၃ ကီလိုဂရမ်ဖြင့် အဆင့်-၄ ဖြစ်နေကာ ၁၆၉ စင်တီမီတာ အရပ်အမြင့်အနေနဲ့ဆိုရင် BMI ၃၅.၈ ရှိနေပြီး အဝလွန်နေတယ်လို့ သတ်မှတ်လို့ရပါတယ်။

▪️ ဒါကြောင့် အစိုးရအေဂျင်စီတစ်ခုမှာ တိုက်ခိုက်ရေးမဟုတ်တဲ့ ကဏ္ဍတစ်ခုကို အိမ်ကနေပဲ ထမ်းဆောင်ခွင့်ရခဲ့ပါတယ်။

▪️ တောင်ကိုရီးယားမှာ ခန္ဓာကိုယ်သန်စွမ်းတဲ့ ယောက်ျားလေးမှန်သမျှ ၁၈လကြာ စစ်မှုထမ်းဖို့ လိုအပ်ပါတယ်။

▪️ ယင်းတို့နှစ်ဦးဟာ ယခင်ပြစ်မှုကျူးလွန်မှုများ မတွေ့ရှိသလို တရားခံဟာ သူ့အမှားသူ သိရှိပြီး စစ်မှုထမ်းတာဝန် ကျေပြွန်စွာထမ်းဆောင်သွားမယ်လို့ ကတိပြုခဲ့တာကြောင့် တရားရုံးက သက်ညှာတဲ့ပစ်ဒဏ် ချမှတ်ရန် ဆုံးဖြတ်ခဲ့ပါတယ်။

#Source: The Korea Herald

အားကောင်းတဲ့လေဖိအားနည်းရပ်ဝန်းဟာ နောက်  (၁၂)နာရီအတွင်း မုန်တိုင်းငယ်ဖြစ်နိုင်ပြီး မုန်တိုင်းငယ်အရှိန်ကြောင့် ဒေသ(၈)ခုနေရာကွက်ကျားမိုးရွာနိုင်တယ်လို့ သိရပါတယ်။
#Local_News
Published 25 November 2024
#မုန်တိုင်းငယ်အရှိန် #နေရာကွက်ကျားမိုးရွာနိုင်
#YMG/tthl #Yangon_Times

အခုတစ်ပတ်အတွက် ကမ္ဘာ့ရွှေဈေးအဖွင့်ဈေး အနည်းငယ်တက်တဲ့အတွက် မြန်မာ့ရွှေဈေး အနည်းငယ်လိုက်တက်လာတယ်လို့ ရန်ကုန်တိုင်းရွှေလုပ်ငန်းရှင်များအသင်း(YGEA)မှ သိရပါတယ်။
#Local_News
Published 25 November 2024
#ကမ္ဘာ့ရွှေဈေးတက် #ရွှေဈေးအနည်းငယ်တက်
#YMG/tthl #Yangon_Times

၂၀၂၄ခုနှစ် မြန်မာ့ရုပ်ရှင်ထူးချွန်ဆုချီးမြှင့်ပွဲအတွက် အကယ်ဒမီဗန်းကိုင်ဖို့ ရွှေကြိုတွေခေါ်ယူနေပြီဖြစ်ပြီး နိုဝင်ဘာလ(၂၆)ရက်ကစလို့ လျှောက်ထားနိုင်တယ်လို့သိရပါတယ်။
#Local_News
Published 25 November 2024
#ရွှေကြိုများခေါ်ယူ #မြန်မာ့ရုပ်ရှင်ထူးချွန်ဆုချီးမြှင့်
#YMG/tthl #Yangon_Times

#Local_News
Published 25 November 2024

▪️ နိုင်ငံတော်ကာကွယ်ရေးနှင့်လုံခြုံရေးကို စွမ်းစွမ်းတမံတာဝန်ထမ်းဆောင်ခဲ့သည့်လူပုဂ္ဂိုလ်(၉၈)ဦးအားနစကဥက္ကဌမှ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များကို ယနေ့အမျိုးသားနေ့၌ချီးမြှင့်အပ်နှင်းလိုက်ကြောင်း သိရသည်။

▪️ ယင်းကဲ့သို ချီးမြှင့်အပ်နှင်းလိုက်ကြောင်းကို နိုင်ငံတော်စီမံအုပ်ချုပ်ရေးကောင်စီက နိုဝင်ဘာ၂၅ရက် ရက်စွဲဖြင့်အမိန့်ကြော်ငြာစာ ထုတ်ပြန်ထားသည်။

▪️ တပ်မတော်ဆိုင်ရာ စွမ်းရည်သတ္တိဂုဏ်ထူးဆောင်ဘွဲ့ဖြစ်သည့် သူရဘွဲ့ကို ကာကွယ်ရေးဝန်ကြီးဌာနမှ ဗိုလ်မှူးကြီး(၂)ယောက်နဲ့ ဗိုလ်မှူး(၂)ယောက် စုစုပေါင်း(၄) ယောက်တိုကို ပေးအပ်ချီးမြှင့်လိုက်ကြောင်း၊

▪️ တပ်မတော်ဆိုင်ရာ စွမ်းရည်သတ္တိဂုဏ်ထူးဆောင်တံဆိပ်ဖြစ်သော သူရဲကောင်းမှတ်တမ်းဝင်တံဆိပ်ကို ကာကွယ်ရေးဝန်ကြီးဌာနမှ ဗိုလ်မှူးချုပ် ၂ယောက်အပါအဝင် စုစုပေါင်း( ၂၆)ယောက်ကို ပေးအပ်ချီးမြှင့်လိုက်ကြောင်းနှင့်

▪️ မြန်မာနိုင်ငံရဲတပ်ဖွဲ့ဆိုင်ရာ စွမ်းရည်သတ္တိဂုဏ်ထူးဆောင်တံဆိပ်များဖြစ်သည့် ရဲသူရတံဆိပ်ကို မြန်မာနိုင်ငံရဲတပ်ဖွဲ့က (၅)ယောက်၊ မီးသတ်ဦးစီးဌာနက (၂)ယောက် စုစု‌ပေါင်း(၇)ယောက်တို့ကို ပေးအပ်ချီးမြှင့်လိုက်ပြီး ရဲဗလတံဆိပ်ကိုတော့ လူပုဂ္ဂိုလ်စုစုပေါင်း (၆၁)ယောက်ကို ပေးအပ်ချီးမြှင့်လိုက်သည်ဟု အမိန့်ကြော်ငြာစာ ထုတ်ပြန်ထားသည်။

#YMG/tthl #Yangon_Times

#Local_News
Published 25 November 2024

▪️ မော်လမြိုင်တွင် BONGO ကားမှကုန်တင်တွဲကား၏နောက်ပိုင်းအားဝင်တိုက်မိပြီးယာဉ်မောင်းညပ်နေ၍ကယ်ဆယ်ခဲ့ရကြောင်း သိရသည်။

▪️ မွန်ပြည်နယ်၊ မော်လမြိုင်မြို့တွင် နိုဝင်ဘာ ၂၄ ရက်ည ၈ နာရီ ၄၀ မိနစ်ခန့်ကဒေါင်းဇရပ်တက္ကသိုလ်ပတ် လမ်းထိပ်တွင် BONGO ကားမှ လမ်းဘေး၌ရပ်ထားသည့် ကုန်တင်တွဲကား၏နောက်ပိုင်းအားဝင်တိုက်မိပြီး BONGO ကားယာဉ်မောင်းသူသည် ထိခိုက်ဒဏ်ရာများရ၍ ခေါင်းခန်းအတွင်းညပ်နေသည်ဟု ဘိုဘိုဝင်းပရဟိတအဖွဲ့မှ ဖော်ပြထားသည်။

▪️ မော်လမြိုင်ခရိုင်မီးသတ်စခန်း၊ မော်လမြိုင်မြို့နယ်မီးသတ်စခန်းတို့မှမီးသတ်တပ်ဖွဲ့ဝင်များ၊ ရှာကယ်ကယ်ဆယ်ရေးယာဉ်(၁)စီးနှင့်ဘိုဘိုဝင်းRescueအရေးပေါ်ကယ်ဆယ်ရေးအဖွဲ့ ရာမညအရေးပေါ် လူမှုကယ်ဆယ်ရေးအဖွဲ့ တို့မှခေါင်းခန်းအတွင်းညပ်နေသည့် BONGO ကားမောင်းသူအား ကယ်ထုတ်ပေးခဲ့ကြရာ ည ၈ နာရီ ၅၃ မိနစ်တွင် ကယ်ထုတ်ပေးနိုင်ခဲ့သည်။

▪️ လူနာကိုဘိုဘိုဝင်း Rescue အရေးပေါ်ကယ်ဆယ်ရေးအဖွဲ့ မှလိုအပ် သည့်များပြုစုဆေးပြီးမော်လမြိုင်ဆေးရုံကြီးသို့ ကူညီပေးခဲ့ကြောင်း သိရသည်။

#YMG/tthl #Yangon_Times