၂၇ နိုဝင်ဘာ ၂၀၂၄

အပြည်ပြည်ဆိုင်ရာ ရာဇဝတ်တရားရုံး ICC က နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ကို ဖမ်းဝရမ်း ထုတ်ရန် ICC ရှေ့နေချုပ်ဆိုသူက လျှောက်ထားမယ်လို့ ထွက်ပေါ်နေတဲ့ သတင်းများနှင့်ပတ်သက်၍ နစက အစိုးရက တရားဝင်ပယ်ချလိုက်ပါတယ်။

“ မြန်မာနိုင်ငံသည် ICC အဖွဲ့ဝင်နိုင်ငံမဟုတ်သကဲ့သို့ ICC ၏ ပြောကြားချက်များအပေါ် မည်သည့်အခါကမှ အသိအမှတ်ပြုခြင်းမရှိပါ” လို့ နစက သတင်းထုတ်ပြန်ရေးအဖွဲ့က တုန့်ပြန်ခဲ့တာဖြစ်ပါတယ်။

မြန်မာနိုင်ငံအနေဖြင့် ဒေသတွင်းအပြင် ကမ္ဘာ့နိုင်ငံများနှင့် ဆက်ဆံရာတွင် လွတ်လပ်၍တက်ကြွပြီး ဘက်မလိုက် သော နိုင်ငံခြားရေး မူဝါဒကို ကျင့်သုံးလျက်ရှိပြီး နိုင်ငံများအကြား ငြိမ်းချမ်းစွာအတူယှဉ်တွဲနေထိုင်ရေးမူကို ကျင့်သုံး  လျက်ရှိတယ်လို့လည်း အဆိုပါသတင်းထုတ်ပြန်ချက်မှာဖော်ပြထားပါတယ်။

နိုဝင်ဘာ ၂၇ ရက်က ထုတ်ပြန်တဲ့ နိုင်ငံတကာသတင်းများတွင် ၂၀၁၇ ခုနှစ်အတွင် ဘင်္ဂါလီတွေအပေါ်  ကျူးလွန်တဲ့ ရာဇဝတ်မှုတွေအတွက် ဗိုလ်ချုပ်မှူးကြီးမင်းအောင်လှိုင်ကို ဖမ်းဝရမ်းထုတ်ဖို့ ICC ရှေ့နေချုပ် ကာရင် အေအေခန် Karim A.A Khan က တရားရုံးကိုလျှောက်ထားခဲ့တယ်လို့ ရေးသားခဲ့ကြတာဖြစ်ပါတယ်။

ကာရင်အေအေခန်ဟာ ပါကစ္စတန်သွေးပါတဲ့ ဗြိတိန်နိုင်ငံသားတစ်ဦးဖြစ်ပြီး  ICC မှာ သူ့လက်ထောက် အမျိးသမီး   ဝန်ထမ်းတစ်ဦးကို လိင်ပိုင်းဆိုင်ရာ မဖွယ်မရာလုပ်လို့ အတိုင်အတန်းခံခဲ့ရသူတစ်ဦးဖြစ်ပါတယ်။

@ymg/knl

#Daily_News
Published 27 November 2024

၁။ သက်ကြီးအားကစား ကလောင်ရှင်ကြီးများကို ဂါဝရပြုကန်တော့ငွေများပေးပို့နေ

၂။ ခရစ္စမတ်အထိမ်းအမှတ် ဈေးရောင်းပွဲတော်ကျင်းပမည်

၃။ ပုဂံ၌ စတုတ္ထအကြိမ်မြောက် ခရီးရှည်မြင်းစီးအားကစားပြိုင်ပွဲကျင်းပမည်

၄။ ကမ္ဘာအမြင့်ဆုံး ဒေါင်လိုက်မာရသွန်ပြိုင်ပွဲကြီးအား ရှန်ဟိုင်းတာဝါမျှော်စင်၌ ကျင်းပ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာနိုင်ငံတော် ဗဟိုဘဏ်အနေနဲ့ တရုတ်ယွမ် ၇ သန်းကျော်ကို ယမန်နေ့က ထုတ်ရောင်းခဲ့တယ်လို့ သိရပါတယ်။
#Local_News
Published 27 November 2024
#တရုတ်ယွမ် #ဗဟိုဘဏ်ထပ်မံထုတ်ရောင်း
#YMG/NN #Yangon_Times

#Local_News
Published 27 November 2024

▪️ ပြည်တွင်းအလုပ်အကိုင် အခွင့်အလမ်းပေါင်းငါးထောင်ကျော်ကို အလုပ်အကိုင်များပေးနိုင်သည့်အမေရိကန်ဒေါ်လာ ၇ဒသမ ၆၉၀ သန်း တန်ဖိုးရှိသည့် နိုင်ငံခြားရင်းနှီးမြှုပ်နှံမှုလုပ်ငန်း ၈ ခုကို ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ(YRIC)မှ အတည်ပြုခွင့်ပြုပေးခဲ့ကြောင်း YRIC မှ သိရသည်။

▪️ ထို့အပြင်  FDI ရင်းနှီးမြှုပ်နှံမှုများနှင့်အတူ ကျပ်သန်း ၁၅၀၀ တန်ဖိုးရှိသည့်  နိုင်ငံသားရင်းနှီးမြှုပ်နှံမှုလုပ်ငန်းတစ်ခုကိုလည်း YRIC မှ  ရင်းနှီးမြှုပ်နှံခွင့်အတွက် အတည်ပြုပေးခဲ့ကြောင်း သိရသည်။

▪️ အဆိုပါ YRICမှ  အတည်ပြုပေးခဲ့သည့်လုပ်ငန်းများတွင် CMP စနစ်ဖြင့်  Wearing Apparel အမျိုးမျိုးချုပ်လုပ်ခြင်းလုပ်ငန်း၊ ပြည်တွင်း၌  ရာနှုန်းပြည့်ရောင်းချမည့် ဆောက်လုပ်ရေးလုပ်ငန်းသုံးပစ္စည်းများ ထုတ်လုပ်ရောင်းချခြင်းလုပ်ငန်း၊ CMP စနစ်နှင့်  Wool Fiber & Yarn ထုတ်လုပ်ခြင်းလုပ်ငန်းများ ၊ CMP စနစ်ဖြင့်  ဆံပင်တုအမျိုးမျိုးထုတ်လုပ်ခြင်းလုပ်ငန်းနှင့် အဝတ်အထည်အမျိုးမျိုး ချုပ်လုပ်ခြင်းလုပ်ငန်း၊ စက္ကူတံဆိပ်ရိုက်ခြင်း ဝန်ဆောင်မှုလုပ်ငန်း၊ ပြည်တွင်းတွင်  ရာနှုန်းပြည့်ရောင်းချမည့် အထည်ချုပ်လုပ်ငန်းများတွင် အသုံးပြုသည့်  ပလတ်စတစ်အိတ်အမျိုးမျိုး ထုတ်လုပ်ရောင်းချခြင်းလုပ်ငန်းများလည်း ပါဝင်ကြောင်း သိရသည်။

▪️ အဆိုပါ ရင်းနှီးမြှုပ်နှံမှုလုပ်ငန်းတွေကနေ ပြည်တွင်းအလုပ်အကိုင် အခွင့်အလမ်း ၅၂၅၅ ဦးအတွက် ဖန်တီးပေးနိုင်မည်ဖြစ်ကြောင်း သိရသည်။

#YMG/NN #Yangon_Times

၂၀၂၅ ခုနှစ်တွင် ထိုင်းနိုင်ငံမှာ ကျင်းပမယ့် (၃၃)ကြိမ်မြောက် အရှေ့တောင်အာရှ အားကစားပြိုင်ပွဲမှာ ထည့်သွင်းကျင်းပမယ့်  ခရီးရှည်မြင်းစီးအားကစားပြိုင်ပွဲမှာ  ပါဝင်ယှဥ်ပြိုင်နိုင်ဖို့ စတုတ္ထအကြိမ်မြောက် ခရီးရှည်မြင်းစီးအားကစားပြိုင်ပွဲကို မန္တလေးတိုင်းဒေသကြီး ညောင်ဦးမြို့နယ် ပုဂံရှေးဟောင်းယဉ်ကျေးမှုနယ်မြေမှာ  ကျင်းပသွားမယ်လို့  မြန်မာနိုင်ငံ မြင်းစီးအားကစားအဖွဲ့ချုပ်က သိရပါတယ်။
#Local_News
Published 27 November 2024
#ခရီးရှည်မြင်းစီးအားကစားပြိုင်ပွဲ #မြင်းစီးအားကစားအဖွဲ့ချုပ်
#YMG/NN #Yangon_Times

ခရစ္စမတ်အထိမ်းအမှတ်အဖြစ် Goethe-Institut Myanmar မှ ဒီနှစ်အတွက်  ခရစ္စမတ်ဈေးရောင်းပွဲတော်"Goethe’s Christmas Bazaar" ကိုကျင်းပသွားဖို့ရှိတယ်လို့ သိရပါတယ်။
#Local_News
Published 27 November 2024
#ခရစ္စမတ် #ဈေးရောင်းပွဲတော်ကျင်းပ
#YMG/tthl #Yangon_Times

အားကစားကလောင်ရှင်ကြီးတွေကိုလည်းနေထိုင်ရာ မြို့တွေကို ငွေလွဲစနစ်ဖြင့်
ပေးပို့သွားမှာဖြစ်တယ်လို့ သိရပါတယ်။
#Local_News
Published 27 November 2024
#သက်ကြီးအားကစား #ဂါဝရပြုကန်တော့ငွေ
#YMG/tthl #Yangon_Times

#World_News
Published 27 November 2024

▪️ အမေရိကန်နဲ့ ပြင်သစ်တို့ ကြားဝင်စေ့စပ်ပေးတဲ့ အပစ်အခတ်ရပ်စဲရေး သဘောတူညီချက်ကို အစ္စရေးလ်နဲ့ ဟက်ဇ်ဘိုလာအဖွဲ့တို့မှ လက်ခံလိုက်ပြီးနောက် ဗုဒ္ဓဟူးနေ့မှစတင်ကာ အကောင်အထည် ဖော်သွားမယ်လို့ အမေရိကန်သမ္မတ ဂျိုးဘိုင်ဒင်က အင်္ဂါနေ့မှာ ပြောသွားပါတယ်။

▪️ ယမန်နှစ် ဂါဇာစစ်ပွဲကြောင့် အစပျိုးခဲ့တဲ့ အစ္စရေးလ်-လက်ဘနွန် နယ်စပ်ကြား ပဋိပက္ခကတော့ အဆုံးသတ်ဖို့အခြေအနေ မြင်လာရပါတယ်။

▪️ အစ္စရေးလ်လုံခြုံရေး ဝန်ကြီးများအဖွဲ့က သဘောတူညီချက်ကို အသိအမှတ်ပြုပြီးနောက် ဘိုင်ဒင်က အစ္စရေးလ်ဝန်ကြီးချုပ် ဘင်ဂျမင်နေတန်ညာဟူနဲ့ လက်ဘနွန် ယာယီဝန်ကြီးချုပ် နာဂျစ်မီကာတီတို့ကို ပြောပြခဲ့ကာ နံနက် ၄ နာရီအချိန်မှာ တိုက်ခိုက်မှုတွေ အဆုံးသတ်မှာ ဖြစ်တယ်လို့ ဆိုပါတယ်။

▪️ ဒါဟာ အပြီးတိုင် ရပ်စဲရေးကို ပုံဖော်ထားတာဖြစ်ပြီး အခြားအကြမ်းဖက် အဖွဲ့အစည်းများအနေဖြင့် အစ္စရေးလ်လုံခြုံရေးကို ထပ်မံခြိမ်းခြောက်ခြင်း မရှိစေရဘူးလို့ ဘိုင်ဒင်က ပြောပါတယ်။

▪️ နယ်စပ်အနီးမှာ ဟက်ဇ်ဘိုလာတို့ စစ်ရေးအဆောက်အအုံများ ပြန်မတည်ဆောက်ရန်အတွက် အစ္စရေးလ်တပ်များက ရက် ၆၀ ကျော်အတွင်း တပ်များကို ဖြည်းဖြည်းချင်း ဆုတ်ခွာမှာ ဖြစ်ပါတယ်။

▪️ လက်ဘနွန်ဝန်ကြီးချုပ်က သဘောတူညီချက်ကို ကြိုဆိုကြောင်း ကြေညာလိုက်ပါတယ်။

▪️ နေတန်ညာဟူက အပစ်အခတ်ရပ်စဲရေး သဘောတူညီချက်အတိုင်း လိုက်နာရန် အဆင်သင့်ဖြစ်နေကာ ဟက်ဇ်ဘိုလာဘက်က ချိုးဖောက်လာပါက အင်ပြည့်အားပြည့် တုံ့ပြန်သွားမယ်လို့ ပြောပါတယ်။

▪️ ဒီသဘောတူညီချက်ကြောင့် အစ္စရေးလ်အနေနဲ့ အီရန်ရဲ့ ခြိမ်းခြောက်မှုကိုပဲ အာရုံစိုက်လာနိုင်မှာ ဖြစ်ပြီး လျောပါးလာတဲ့ လက်နက်တွေ ဖြည့်တင်းကာ စစ်သားများ အနားရနိုင်ပြီး ဟားမတ်စ်တို့ သီးခြားဖြစ်လာစေနိုင်တယ်လို့ နေတန်ညာဟူက ပြောပါတယ်။

▪️ ဟားမတ်စ်တို့နဲ့ မဟာမိတ်ဖြစ်နေတဲ့ ဟက်ဇ်ဘိုလာတို့က ပဋိပက္ခအစပိုင်းကထက် အင်အားယုတ်လျော့လာပြီလို့လည်း ပြောပါတယ်။

▪️ အောက်တိုဘာ နှောင်းပိုင်းမှာ အစ္စရေးလ်ရော ဟက်ဇ်ဘိုလာတို့ပါ သဘောထား ပြောင်းလဲလာပြီးနောက် အပစ်အခတ်ရပ်စဲရေး ရရှိလာတာဖြစ်ပါတယ်။

▪️ ဇန်နဝါရီလမှာ ရာထူးကထွက်ခွာရတော့မယ့် ဘိုင်ဒင်က ဂါဇာမှာ အပစ်အခတ်ရပ်စဲရေးနဲ့ ဓားစာခံလွတ်မြောက်ရေးတို့ကို ဆက်လက်တွန်းအားပေးသွားမယ်လို့ ပြောသွားပါတယ်။

▪️ သံတမန်ရေးအရ ရပ်စဲရေးသဘောတူညီချက် ရရှိခဲ့ပေမယ့် အင်္ဂါနေ့အထိတော့ အစ္စရေးလ်တို့က လက်ဘနွန် ဘေရုမြို့ကို လေကြောင်းတိုက်ခိုက်မှုများ ပြုလုပ်နေရာမှာ အနည်းဆုံး ၁၈ ဦးသေဆုံးခဲ့တယ်လို့ သိရပါတယ်။

#Source: Reuters

#Local_News
Published 27 November 2024

▪️ တောင်ကြီးနှင့် အင်းလေးဒေသခရီးသွားလုပ်ငန်းများ ဖွံ့ဖြိုးတိုးတက်ရေး ဆောင်ရွက်နေကြောင်း ဟိုတယ်နှင့်ခရီးသွားလာရေးဝန်ကြီးဌာနမှ သိရသည်။

▪️ ဟိုတယ်နှင့်ခရီးသွားလာရေးဝန်ကြီးဌာန ဒုတိယဝန်ကြီး ဦးဖြိုးဇော်စိုးသည် ရှမ်းပြည်နယ် စီးပွားရေးရာဝန်ကြီး ဦးခွန်သိမ်းမောင်နှင့်အတူ နိုဝင်ဘာ၂၅ရက်နေ့ က တောင်ကြီးနှင့် ညောင်ရွှေမြို့များသို့ သွားရောက် ကွင်းဆင်းဆောင်ရွက်ကာ  လိုအပ်သည်များမှာကြားခဲ့ကြောင်း သိရသည်။

▪️ ထိုသို့လေ့လာရာတွင် မနက်ပိုင်း၌ တောင်ကြီးမြို့၏ အထင်ကရခရီးသွားဆွဲဆောင်ရာနေရာဖြစ်သည့် ရွှေဘုန်းပွင့်ဘုရားနှင့် မွေတော်ကက္ကူဘုရားသို့ သွားရောက်ဖူးမြော်၍ ဘုရားဖူးခရီးသွားလုပ်ငန်းဆောင်ရွက်နိုင်မှုကို ကြည့်ရှုပြီး အလှူငွေများပေးအပ်ခဲ့ကြောင်း၊ မွန်းလွဲပိုင်းတွင် Villa Inle Boutique Resort သို့ သွားရောက်၍ ခရီးသွားဧည့်သည်များအား ဝန်ဆောင်မှုကောင်းများပေးနိုင်ရေး ကြည့်ရှုစစ်ဆေးခဲ့ကြောင်း သိရသည်။

▪️ ထို့နောက်  ညနေပိုင်းတွင် ဒုတိယဝန်ကြီးနှင့် စီးပွားရေးရာဝန်ကြီးတို့သည် ညောင်ရွှေခရီးစဉ်ဒေသ စီမံခန့်ခွဲရေးအဖွဲ့ဝင်များအား ညောင်ရွှေမြို့ရှိ Aureum Palace Hotel ၌ တွေ့ဆုံ၍ ညောင်ရွှေဒေသဖွံ့ဖြိုးတိုးတက်ရေးနှင့် ရေရှည်တည်တံ့ခိုင်မြဲရေး ဆောင်ရွက်ရာတွင် လုပ်ငန်းများအဆင်ပြေစေရေးနှင့် လိုအပ်ချက်များကို အချိန်နှင့် တစ်ပြေးညီ ပေါင်းစပ်ဆောင်ရွက်ရေး၊ ဒေသထွက်အစားအစာနှင့် ရိုးရာလက်မှုပစ္စည်းများ၊ အမှတ်တရလက်ဆောင်များ ထုတ်လုပ်ရောင်းချခြင်းဖြင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်လာစေရေးနှင့် လူမှုစီးပွားဘဝများ ဖွံ့ဖြိုးတိုးတက်လာစေရေး ဝိုင်းဝန်းပူးပေါင်းဆောင်ရွက်ကြစေလိုကြောင်း ပြောကြားခဲ့သည်။

▪️ ၎င်းနောက် စီးပွားရေးရာဝန်ကြီးက ညောင်ရွှေနှင့် အင်းလေးဒေသ ဟိုတယ်နှင့် ခရီးသွားကဏ္ဍ ဖွံ့ဖြိုးတိုးတက်ရေး၊ လျှပ်စစ်မီးရရှိရေးနှင့် အစိုးရ၊ ပုဂ္ဂလိကနှင့် ဒေသခံများ ပူးပေါင်းဆောင်ရွက်ရေးဆိုင်ရာများကို အကြံပြုဆွေးနွေးပြီး တက်ရောက်လာသည့် ခရီးစဉ်ဒေသစီမံခန့်ခွဲရေးအဖွဲ့ဝင်များ၊ ဌာနဆိုင်ရာများနှင့် ဟိုတယ်လုပ်ငန်းရှင်များက လုပ်ငန်းဆောင်ရွက်နေမှုများနှင့် တွေ့ကြုံရသည့် အခက်အခဲများကို ကဏ္ဍအလိုက် ဆွေးနွေးတင်ပြကြရာ ဒုတိယဝန်ကြီးက ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

#YMG/NN #Yangon_Times

#World_Health
Published 27 November 2024

▪️ ဇင့်သတ္တုဓာတ်က ခန္ဓာကိုယ်ကျန်းမာစေရန် လိုအပ်ပြီး ကိုယ်ခံအားစနစ်ကို ကူညီပေးပြီး ဆဲလ်အသစ်များ ဖြစ်ပေါ်စေပါတယ်။

▪️ ဒါပေမဲ့ ဇင့်များလွန်းရင်တော့ ဓမ္မတာလာခြင်းနဲ့ ကလေးရနိုင်ခြေတို့ကို ထိခိုက်နိုင်ပါတယ်။

▪️ ဇင့်ဖြည့်စွက်ဆေးများ အသုံးပြုရင်းနဲ့ များလွန်းသွားရင် မျိုးပွားနိုင်စွမ်းကို ထိခိုက်နိုင်တယ်လို့ ရူဘီဟောလ်ဆေးရုံမှ သားဖွားမီးယပ်အကြီးအကဲ ဒေါက်တာ ဆူနီတာတန်ဒါလ်ဝက်ကာက ပြောပါတယ်။

▪️ ဇင့်များလွန်းခြင်းက ခန္ဓာကိုယ်ထဲက အခြားသတ္တုဓာတ်တွေဖြစ်တဲ့ ကြေးနီ၊ သံဓာတ်တို့ ညီမျှမှုကို ပြဿနာဖြစ်စေနိုင်တယ်လို့ ပြောပါတယ်။

▪️ ဇင့်များလွန်းတဲ့အခါ အဆိုပါသတ္တုဓာတ်များ စုပ်ယူမှုကို ပိတ်ပင်ပြီး ဓာတ်တိုးဖိစီးခြင်းများ ဖြစ်ပေါ်ကာ မျိုးပွားပြဿနာများ ဖြစ်လာနိုင်ပါတယ်။

▪️ ဒါမျိုးက သားအိမ်နံရံနဲ့ဆင်တူတဲ့ တစ်ရှူးတွေက အပြင်ဘက်မှာ ဖြစ်ပေါ်တတ်တဲ့ အမျိုးသမီးတွေအတွက် ပိုပြီးစိုးရိမ်စရာဖြစ်ပြီး တင်ပါးနေရာမှာ နာကျင်ရောင်ရမ်းခြင်း နာတာရှည် ဖြစ်ပေါ်နိုင်ကာ သားအိမ်အပြင်ဘက် တစ်ရှူးဖြစ်ပေါ်ခြင်း ပိုမိုဆိုးရွားနိုင်တယ်လို့ ဒေါက်တာတန်ဒါလ်ဝက်ကာက ဆိုပါတယ်။

▪️ တရုတ်ပြည်ရှိ ဆေးရုံတွေမှာ စမ်းသပ်ထားတာတွေအရ ဇင့်ဖြည့်စွက်ဆေး ၁၄ မီလီဂရမ်ထက် ပိုမိုအသုံးပြုခြင်းနဲ့ အစားအစာတို့ကြောင့် အဆိုပါပြဿနာဖြစ်နိုင်ခြေ ၆၀ ရာခိုင်နှုန်း ပိုများပါတယ်။

▪️ ဒါ့အပြင် သားဥကြွေခြင်း၊ ဓမ္မတာစက်ဝန်းတို့နဲ့ ပတ်သက်နေတဲ့ ဟော်မုန်းတွေကိုလည်း နှောင့်ယှက်ကာ ဓမ္မတာမမှန်တော့ဘဲ ကိုယ်ဝန်ရရန် ခက်ခဲလာပါတယ်။

▪️ ဒါကြောင့် ဆရာဝန်ညွှန်ကြားချက်မပါဘဲ ဇင့်ဖြည့်စွက်ဆေး အလွန်အကျွံ သုံးခြင်းမှရှောင်ရှားပြီး မျှတကျန်းမာစွာ စားသောက်ဖို့ အကြံပြုသွားပါတယ်။

▪️ ဒါကြောင့် ဓမ္မတာနဲ့ မျိုးပွားပြဿနာများ မဖြစ်ဖို့အတွက် ဇင့်ကို သင့်တင့်ရုံသာ သုံးစွဲဖို့ အကြံပြုလိုက်ပါတယ်။

▪️ အရွယ်ရောက် အမျိုးသမီးတစ်ယောက်အတွက် သင့်တင့်တဲ့ ဇင့်ပမာဏက ၈-၁၂ မီလီဂရမ် ဖြစ်ပါတယ်။

#Source: India Today

#World_Health
Published 27 November 2024

▪️ တစ်နေ့ကို ခြေလှမ်း ၃၈၆၇ လှမ်း လျှောက်ခြင်းဖြင့် အကြောင်းအမျိုးမျိုးကြောင့် အသက်သေဆုံးနိုင်ခြေ လျှော့ချနိုင်ရန် လုံလောက်တယ်လို့ နှလုံးကာကွယ်ရေး ဥရောပဂျာနယ်မှာ ဖော်ပြထားပါတယ်။

▪️ လေ့လာချက် ၁၇ ခုဖြင့် လူပေါင်း ၂၂၆၀၀၀ ကျော်ထံမှ အချက်အလက်များ ဆန်းစစ်ခဲ့ပါတယ်။

▪️ ထိုအခါမှာ တစ်နေ့ကို အနည်းဆုံးခြေလှမ်း ၃၉၀၀ လျှောက်လှမ်းခြင်းဖြင့် အကြောင်းအမျိုးမျိုးကြောင့် သေဆုံးနိုင်ခြေကို လျှော့ချပေးနိုင်တယ်လို့ ပိုလန် လော့ဒ်ဆေးတက္ကသိုလ်နဲ့ ဂျွန်စ်ဟော့ပ်ကင်းစ်တက္ကသိုလ်မှ နှလုံးကျွမ်းကျင်ပညာရှင် မာဆက်ဂျ်ဘာနက်ချ်က တွေ့ရှိခဲ့တာ ဖြစ်ပါတယ်။

▪️ လူအများယူဆထားတာက တစ်နေ့ကို ခြေလှမ်း ၁ သောင်း လမ်းလျှောက်ခြင်းက ကျန်းမာရေးအတွက် အကောင်းဆုံးလို့ ယူဆထားပါတယ်။

▪️ ယခုလေ့လာချက်ကတော့ ခြေလှမ်း ၁သောင်း လမ်းလျှောက်ခြင်းက လူတွေအတွက် အုံဖွနည်းလမ်းမဟုတ်ဘူးဆိုတဲ့ သဘောဖြစ်နေပါတယ်။

▪️ ၁၉၆၀ ဝန်းကျင်လောက်က ခြေလှမ်းတိုင်းကိရိယာများဖြင့် ခြေလှမ်း ၁သောင်း လမ်းလျှောက်ခြင်းကို အားပေးအားမြှောက် ပြုလုပ်ခဲ့ကြပါတယ်။

▪️ ယခုလေ့လာချက်မှာတော့ ခြေလှမ်း ၁ထောင်ဝန်းကျင်ခဲ့ လျှောက်လှမ်းခြင်းဖြင့်ပင် နှလုံးသွေးကြောရောဂါများကြောင့် သေဆုံးနိုင်ခြေကို လျှော့ချနိုင်တယ်လို့ တွေ့ရှိလာပါတယ်။

▪️ အသက် ၆၀ နဲ့အထက် လူကြီးတွေမှာ တစ်နေ့ကို ခြေလှမ်း ၆ထောင်မှ ၁သောင်းကြား လမ်းလျှောက်ခြင်းဖြင့် အသက်သေဆုံးနိုင်ခြေ ၄၂ ရာခိုင်နှုန်းလျော့ကျနိုင်ပြီး ခြေလှမ်း ၁သောင်းကျော်ရင်တော့ အကျိုးကျေးဇူး လျော့ပါးလာပါတယ်။

▪️ ဒီထက် အသက်ငယ်သူတွေမှာ တစ်နေ့ကို ခြေလှမ်း ၇ထောင်မှ ၁၃၀၀၀ ကြား လမ်းလျှောက်သူတွေက အသက်အန္တရာယ် ဖြစ်နိုင်ခြေမှ ၄၉ ရာခိုင်နှုန်း လျှော့ချနိုင်ပြီး ခြေလှမ်း ၂သောင်းကျော်လျှင်ပင် ကျန်းမာရေးအကျိုးကျေးဇူး တိုးတက်နိုင်ပါတယ်။

▪️ ဆန့်ကျင်ဘက်အနေနဲ့ အထိုင်များပြီး အလှုပ်အရှားနေတဲ့သူတွေမှာတော့ ကျန်းမာရေးပြဿနာများ ဖြစ်နိုင်ခြေ များစေပါတယ်။

▪️ တစ်နေ့ကို ခြေလှမ်း ၁သောင်း လျှောက်လှမ်းဖို့က တစ်နာရီမှ နှစ်နာရီကြား ကြာမြင့်နိုင်ပြီး ကယ်လိုရီ ၃၀၀ မှ ၈၀၀ အထိ လောင်ကျွမ်းနိုင်ပါတယ်။

#Source: The Jerusalem Post

၂၀၂၄ တရုတ်ပြည်ရဲ့ အလိုအလျောက်မောင်း အနာဂတ်မော်တော်ယာဉ်ပြိုင်ပွဲ (IVFC)ကို စနေနေ့က တရုတ်အရှေ့ပိုင်း ကျန်ဆုပြည်နယ်ရှိ ချန်ရှုမြို့မှာ ကျင်းပခဲ့ပါတယ်။
#World_Development
Published 26 November 2024
#မောင်းသူမဲ့မော်တော်ယာဉ်ပြိုင်ပွဲ #တရုတ်တွင်ကျင်းပ
#YMG #Yangon_Times #Yangon_Media_Group