#Local_News
Published 10 October 2024

▪️ ဧရာဝတီလင်းပိုင်သားအမိအား ကယ်တင်၍ ရေနက်ပြီး ဘေးကင်းရာနေရာသို့ပြန်လွတ်နိုင်ခဲ့ကြောင်းဇီဝမျိုးစုံမျိုးကွဲ နှင့်သဘာဝထိန်းသိမ်းရေး အသင်းမှ
သိရသည်။

▪️ ဇီဝမျိုးစုံမျိုးကွဲ နှင့်သဘာဝထိန်းသိမ်းရေး အသင်းမှ တာဝန်ရှိသူများသည် မုတ္တမပင်လယ်ကွေ့အတွင်း ထိန်းသိမ်းရေး လုပ်ငန်းများ ဆောင်ရွက်နေစဉ် အောက်တိုဘာလ ၅ ရက်နေ့ ညနေ ၄နာရီ ၂၉ မိနစ်အချိန်တွင် ဘီးလင်းမြို့နယ် ၊ ဇုက္ကလိကျေးရွာအုပ်စု ၊ ကျွန်းသာယာ အပြင်သောင်အတွင်း ဧရာဝတီလင်းပိုင် သားအမိ ၂ ကောင်အား စတင်တွေ့ရှိပြီး ကယ်ဆယ်ရေးဆောင်ရွက်ခဲ့ကြရာ ဧရာဝတီလင်းပိုင်အမကြီးမှာ အလျား ၅.၆ ပေခန့်ရှိပြီး ၊ ၎င်း၏ကလေးငယ်မှာ ၂.၅ ပေခန့်ရှိကြောင်းသိရသည်။

▪️ အဆိုပါ သားအမိအားရေနက်ပြီး ဘေးကင်းရာနေရာသို့ ရွေ့ပြောင်းရန် မုသင်ကျေးရွာဒေသခံထိန်းသိမ်းရေးအဖွဲ့ဝင်များ၊ မွန်ပြည်နယ်ရေလုပ်သားအဖွဲ့ဝင်များ စုပေါင်း၍ လှေဖြင့်တင်ဆောင်ကာ ရေကြောင်းနက်သည့်နေရာသို့ ရွေးချယ်ရွေ့ပြောင်းကာပြန်လည်လွှတ်ပေးနိုင်ခဲ့ကြောင်း၊  ညနေ ၄ နာရီ ၅၂ မိနစ်အချိန်တွင် အောင်မြင်စွာ လွှတ်ပေးနိုင်ခဲ့ကြောင်း သိရသည်။

▪️ ဧရာဝတီလင်းပိုင်မျိုးစိတ်သည် မုတ္တမပင်လယ်ကွေ့ အရှေ့ဘက်ကမ်း (မွန်ပြည်နယ် )နှင့် မုတ္တမပင်လယ်ကွေ့ အနောက်ဘက်ကမ်း (ပဲခူးတိုင်း + ရန်ကုန်တိုင်း) တို့တွင် လှည့်လည်ကျက်စားတတ်သည့် ပင်လယ်နေနို့တိုက်သတ္တဝါမျိုးဖြစ်ပြီး မြန်မာနိုင်ငံတွင် အကောင်ရေ ရာဂဏာန်းအောက်သာ ကျန်ရှိတော့သည့် အရေးကြီးထိန်းသိမ်းရမည့် မျိုးစိတ်ဖြစ်ကြောင်း သိရသည်။

#YMG/NN #Yangon_Times

#Local_News
Published 10 October 2024

▪️ ကရင်ပြည်နယ်၊ ဘားအံမြို့တွင် ယခုလအတွင်း  ကျင်းပမည့် သီတင်းကျွတ်ပွဲတော်၌ မီးပုံးပျံအလုံး၃၀ လွှတ်တင်ပူဇော်သွားမည်ဖြစ်ကြောင်း ပွဲတော်ကျင်းပရေး ဦးစီးကော်မတီနှင့် အထောက်အကူပြုလုပ်ငန်းကော်မတီများ လုပ်ငန်းညှိနှိုင်း အစည်းအဝေးမှ သိရသည်။

▪️ အဆိုပါ အစည်းအဝေးကို ပြီးခဲ့သည့် အောက်တိုဘာလ ၇ ရက်က ပြည်နယ်အစိုးရအဖွဲ့ရုံး အစည်းအဝေးခန်းမ(၂)တွင်  ကျင်းပခဲ့ခြင်းဖြစ်သည်။

▪️ ဘားအံမြို့၏ သီတင်းကျွတ်ပွဲတော်ကို  မြန်မာသက္ကရာဇ် ၁၃၈၆ ခုနှစ် သီတင်းကျွတ်လပြည့်နေ့တွင် စည်ကားသိုက်မြိုက်စွာ ကျင်းပသွားမည်ဖြစ်ပြီး ပွဲတော်၌  မီးပုံးပျံလွှတ်တင်ပူဇော်ပွဲ၊ ထေရ်ကြီးဝါကြီး ဆရာတော်ကြီးများ ပူဇော်ကန်တော့ပွဲ၊ သံဃာပဝါရဏာ သိမ်ဆင်းလောင်းလှူပူဇော်ပွဲ၊ ဆီမီး ၉,၀၀၀ ပူဇော်ပွဲတို့ဖြင့် စည်ကားစွာကျင်းပသွားမည်ဖြစ်ကြောင်း သိရသည်။

▪️ ထိုသို့ကျင်းပရာတွင် သီတင်းကျွတ်လပြည့်နေ့ နံနက်ပိုင်းတွင်  အနည်းဆုံး အောက်ခြေအချင်း ခြောက်ပေ၊ အမြင့်ပေ ၄၀ နှင့်အထက်ရှိသည့်  မီးပုံးပျံကြီးအလုံး ၃၀ ကို ဘားအံမြို့သီရိကွင်း၌  လွှတ်တင်ပူဇော်မည် ဖြစ်ကြောင်း သိရသည်။

▪️ ထို့အပြင် နံနက် ၁၀ နာရီခန့်တွင်  ဘားအံမြို့ဇွဲကပင်ခန်းမတွင် ဘားအံ၊ လှိုင်းဘွဲ၊ ကော့ကရိတ်မြို့နယ်များမှ ထေရ်ကြီးဝါကြီး ဆရာတော်ကြီးများကို ပင့်ဖိတ်ပူဇော်ကန်တော့ကာနေ့ဆွမ်းများ ဆက်ကပ်လှူဒါန်းသွားမည်ဖြစ်ပြီး မွန်းလွဲပိုင်းမှာ ဘားအံမြို့ မဲဘောင်ကျောင်းကြီးမှာ သံဃာပဝါရဏာဆောင် ရဟန်း၊ သံဃာတော် အပါး ၁၆၀ ခန့်ကို သိမ်ဆင်းလောင်းလှူ၍ ညဦးပိုင်းတွင် ဘားအံမြို့သေဋ္ဌမာရ်အောင်ဘုရားကြီးမှာ ဆီမီး ၉,၀၀၀ ထွန်းညှိပူဇော်သွားမည်ဖြစ်ကြောင်း သိရသည်။
 
#YMG/NN #Yangon_Times

#World_News
Published 10 October 2024

▪️ အစ္စရေးလ်နဲ့ အီရန်တို့ တင်းမာမှုမြင့်တက်နေချိန်မှာ အမေရိကန်သမ္မတ ဂျိုးဘိုင်ဒင်နဲ့ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူတို့ ဗုဒ္ဓဟူးနေ့က ဖုန်းပြောဆိုခဲ့ကြပါတယ်။

▪️ အစ္စရေးလ်ကာကွယ်ရေးဝန်ကြီး ယိုအက်ဗ်ဂဲလန့်က အီရန်ကို တိကျပြတ်သားစွာဖြင့် မထင်မှတ်တဲ့အချိန်မှာ တိုက်ခိုက်သွားမယ်လို့ ကတိပြုလိုက်ပါတယ်။

▪️ အစ္စရေးလ်တို့ဟာ အီရန်နဲ့ အီရန်နောက်ခံပြု ဟက်ဇ်ဘိုလာ၊ ဟားမတ်စ်တို့နဲ့ ပဋိပက္ခများ မြင့်တက်နေချိန်မှာ ဩဂုတ်လနောက်ပိုင်း ဘိုင်ဒင်နဲ့ နေတန်ညာဟူတို့ မိနစ် ၃၀ ကြာ ပထမဆုံးပြောဆိုခဲ့ကြတာ ဖြစ်ပါတယ်။

▪️ ဖုန်းပြောဆိုမှုက အလွန်အကျိုးရှိခဲ့သလို ခေါင်းဆောင်နှစ်ဦး သဘောထား ကွဲလွဲမှုများရှိခဲ့ပြီး ပွင့်လင်းစွာ ပြောဆိုခဲ့ကြတယ်လို့ အိမ်ဖြူတော် စာနယ်ဇင်း အတွင်းရေးမှူး ကာရင်ရှောင်ပီယာရဲက သတင်းထောက်တွေကို ပြောသွားပါတယ်။

▪️ ပြီးခဲ့တဲ့ ရက်သတ္တပတ်က အီရန်ဘက် ဒုံးကျည်ပစ်ခတ်မှုတစ်ခုကို အစ္စရေးလ်တို့ ဘယ်လိုလက်စားချေမလဲဆိုတာ စောင့်ကြည့်နေရပါတယ်။

▪️ ဂဲလန့်က "ကျွန်ုပ်တို့ကို လာတိုက်ခိုက်တဲ့သူမှန်သမျှ ပြန်ပေးဆပ်ရမှာဖြစ်ပါတယ်။ တိုက်ခိုက်မှုက တိကျပြတ်သားပြီး ဘယ်အချိန် ဘာဖြစ်သွားမှန်း သိလိုက်မှာ မဟုတ်ပါဘူး" လို့ ပြောကြားသွားပါတယ်။

▪️ နေတန်ညာဟူကလည်း အီရန်ကို တုန့်ပြန်သွားမှာဖြစ်တယ်လို့ ကြုံးဝါးထားရာ ဒေသတွင်းမှာ အပျက်အစီးများပြီး အမေရိကန် ပါဝင်လာမှာကို စိုးရိမ်လာရပါတယ်။

▪️ ဂါဇာအရေး၊ ဟက်ဇ်ဘိုလာပဋိပက္ခတို့မှာ အစ္စရေးလ်ခေါင်းဆောင်ပိုင်းက ကိုင်တွယ်ပုံတွေနဲ့ ပတ်သက်ပြီး ဘိုင်ဒင်နဲ့ နေတန်ညာဟူတို့ကြား ဆက်ဆံရေး တင်းမာနေခဲ့ပါတယ်။

▪️ အစ္စရေးလ်တို့ ဘေးမကင်းသေးသရွေ့ စစ်ရေးလုပ်ဆောင်ချက်များ ပြုလုပ်သွားမယ်လို့ ဆိုထားပါတယ်။

▪️ ဗုဒ္ဓဟူးနေ့ ဖုန်းပြောဆိုမှုက အကျိုးရှိပြီး အမေရိကန်ရဲ့ ထောက်ပံ့မှုကို အသိအမှတ်ပြုပါတယ်လို့ ကုလဆိုင်ရာ အစ္စရေးလ်သံအမတ် ဒန်နီဒါနန်က သတင်းထောက်များကို ပြောသွားပါတယ်။

▪️ အစ္စရေးလ်တို့ စစ်ရေးဆောင်ရွက်နေတာတွေကို အမေရိကန်အရာရှိများ ကြိုတင်မသိရှိရတဲ့အတွက်လည်း ယင်းတို့ကြား ဆက်ဆံရေး တင်းမာနေခဲ့ပါတယ်။

#Source: Reuters

#World_Health
Published10 October 2024

▪️ ကိုယ်ဝန်ဆောင်စဉ် ဆေးခြောက်အသုံးပြုတဲ့ အမျိုးသမီးတွေကနေ မွေးလာတဲ့ ကလေးတွေမှာ မျိုးဗီဇပြောင်းလဲမှုများ ဖြစ်နိုင်ဖွယ်ရှိတယ်လို့ ပထမဆုံးအကြိမ် လေ့လာတွေ့ရှိထားပါတယ်။

▪️ ကိုယ်ဝန်ဆောင်များ ဆေးခြောက်အသုံးပြုခြင်းနဲ့ ကလေးတွေမှာ မျိုးဗီဇပြောင်းလဲမှုတို့ကြား ဆက်စပ်မှုရှိနေတာကို အချိန်ကြာမြင့်စွာ ယူဆခဲ့ကြတာကိုလည်း နယူးဇီလန် ကန်ဘာဘာရီတက္ကသိုလ်မှ ပြုလုပ်တဲ့ လေ့လာချက်က ထောက်ခံနေပါတယ်။

▪️ ကိုယ်ဝန်ဆောင်များ အသုံးပြုတဲ့ ဆေးခြောက်က သန္ဓေသားတွေမှာလည်း ထိတွေ့စေကာ ဦးနှောက်ဖွံ့ဖြိုးမှုကို ထိခိုက်စေပါတယ်။

▪️ ဒီပတ်သက်မှုက ယခင်ကလည်း တွေ့ရှိဖူးပေမယ့် ဦးနှောက်ဖွံ့ဖြိုးမှုအပေါ် ဆိုးကျိုးသက်ရောက်စေတာကိုတော့ အထောက်အထား မပြနိုင်ခဲ့ဘူးလို့ ဦးဆောင်သုတေသီ ဒေါက်တာ အေမီအော့စ်ဘွန်းက ဆိုပါတယ်။

▪️ ကိုဗစ်ကပ်ရောဂါနောက်ပိုင်း ကိုယ်ဝန်ဆောင်တွေဟာ စိတ်ပိုင်းဆိုင်ရာ ပြဿနာများ ဖြေရှင်းနိုင်ရန် ဆေးခြောက်များ အသုံးပြုလာကြပါတယ်။

▪️ မွေးကင်းစအရွယ်၊ အသက် ၇ နှစ်၊ ၁၅ - ၁၇ နှစ်၊ ၂၇ နှစ် အသီးသီးရှိကြတဲ့ လူတွေထံမှ အချက်အလက်များ အသုံးပြုရာမှာ မျိုးဗီဇဆိုင်ရာနဲ့ ပတ်သက်ပြီး မော်လီကျူးပြောင်းလဲမှု အများအပြား တွေ့ရှိထားကြောင်း ဒေါက်တာက ပြောပါတယ်။

▪️ နိုင်ငံအများအပြားမှာ ဆေးခြောက်နဲ့ ပတ်သက်ပြီး ထိန်းချုပ်မှုများ လျှော့ချလာတာကြောင့် အမျိုးသမီးများ လွယ်လွယ်ကူကူ အသုံးပြုလာကြတဲ့အပေါ် သတိပေးစရာဖြစ်လာပါတယ်။

▪️ နောက်ထပ် သုတေသနများ ပြုလုပ်သွားရန် မျှော်လင့်ထားပြီး ဆေးခြောက်အသုံးပြုခြင်းရဲ့ အန္တရာယ်တွေကို ကိုယ်ဝန်ဆောင်များထံ သတိပေးသွားဖြစ်ကြောင်း၊ ဒီလိုမှမဟုတ်ရင် ကလေးတွေအတွက် ဘေးအန္တရာယ် ပိုမိုကြီးထွားလာမှာ ဖြစ်ကြောင်း ဒေါက်တာက ပြောသွားပါတယ်။

#Source: WION

#World_Health
Published 10 October 2024

▪️ အစားစားပြီးနောက် အချဉ်တက်၊ ရင်ပူခြင်းမျိုး ခံစားရတာဟာ အစာအိမ်ထဲက အက်ဆစ်များ လျှံတက်လာတာဖြစ်ပြီး နေရထိုင်ရ ခက်ခဲစေပါတယ်။

▪️ လျှံတက်လာတဲ့ အက်ဆစ်တွေက အစာရေမျိုထဲသို့ ပြန်စီးသွားတဲ့အခါ ရင်ပူခြင်း၊ မအီမသာဖြစ်ခြင်းတို့ ခံစားရစေပါတယ်။

▪️ အာဟာရပညာရှင် ပါလက်ခ်နက်ဂ်ပဲလ်က အက်ဆစ်လျှံတက်ရတဲ့ အဓိကအကြောင်းအရင်းတွေကို ဖော်ပြသွားပါတယ်။

▪️ (၁) အစားလွန်ခြင်း - အစာအိမ်က လက်ခံနိုင်တာထက် ပိုစားမိတဲ့အခါ အစာရေမျို အောက်ပိုင်းကြွက်သားကို ဖိအားများစေပြီး အပေါက်ဝ မပိတ်နိုင်ဘဲ လျှံတက်လာနိုင်ပါတယ်။

▪️ (၂) အပူအစပ်စားခြင်း - အစာအိမ်နံရံများကို လှုံ့ဆော်သဖြင့် အက်ဆစ်ထုတ်လုပ်မှု များစေပြီး အစာရေမျိုထဲသို့ အက်ဆစ်လျှံတက်စေပါတယ်။

▪️ (၃) အရက်သောက်သုံးခြင်း - အစာခြေခြင်းကို နှောင့်နှေးစေကာ အစာအိမ်ထဲမှာ အစာပိုကြာရှည်ရှိနေသဖြင့် အက်ဆစ်ပိုမိုထုတ်လုပ်ပါတယ်။

▪️ (၄) ခန္ဓာကိုယ်တွင်း ရောင်ရမ်းခြင်း - ကြာရှည်စွာ ရောင်ရမ်းခြင်းဖြင့် အစာအိမ်အက်ဆစ် ပိုမိုထုတ်လုပ်စေကာ နံရံများကို ထိခိုက်စေကာ အက်ဆစ်လျှံတက်နိုင်ပါတယ်။

▪️ (၅) ညနောက်ကျမှစားခြင်း - သဘာဝ အစာခြေဟန်ချက်စနစ်ကို နှောင့်ယှက်စေသဖြင့် အက်ဆစ်ပိုထုတ်လုပ်ပြီး တံတွေးထုတ်လုပ်မှု လျော့နည်းသွားကာ အက်ဆစ်ကို မချေဖျက်နိုင်တော့ပါဘူး။

▪️ (၆) ဖိစီးမှု - ကော်တီဆောလ်လိုမျိုး ဖိစီးမှုဟော်မုန်းများ လှုံ့ဆော်ပေးသဖြင့် အက်ဆစ်ပိုမို ထွက်ရှိစေပြီး အစာချေစနစ်ကို ပျက်စီးစေပါတယ်။

▪️ (၇) စားသောက်ပြီးနောက် လဲလျောင်းခြင်း - ကမ္ဘာမြေဆွဲအားကြောင့် အက်ဆစ်များ အစာရေမျိုထဲသို့ ရောက်လာစေပါတယ်။

#Source: DoctorNDTV

Published_9 Oct 2024
မြန်မာနိုင်ငံတွင်ပေါ်ထွန်းခဲ့သော စာပေပညာရှင်များနှင့် စာရေးဆရာများကို အသိအမှတ်ပြုချီးမြှင့်သည့် အထိမ်း အမှတ်အဖြစ် စာဆိုဗိမာန်သုံးထပ်အဆောက်အဦ တည်ဆောက်မှု ကိုစတင်ပြီဖြစ်ကြောင်း သိရသည်။
အဆောက်အဦတည်ဆောက်ရန် ယနေ့ အောက်တိုဘာလ ၉ ရက်တွင် အဆောက်အဦတည်ဆောက် မည့် ရန် ကုန်တိုင်းဒေသကြီး၊ မင်္ဂလာတောင်ညွှန်မြိုနယ်၊ဥယျာဉ်ရပ်ကွက်၊ဗိုလ်မင်းခေါင်လမ်းရှိ အဆိုပါမြေနေရာ၌ ရတ နာပန္နက်တော်တင် မင်္ဂလာအခမ်းအနားပြုလုပ်ခဲ့ကြောင်း သိရသည်။
ယင်းအဆောက်အဦတွင် ရှေးစာဆိုတော်ကြီးများ၏ ခေတ်အလိုက် ပန်းချီ များ၊ ဓာတ်ပုံများ၊ ရုပ်တုများထားရှိရန် ကြိုတင်စုဆောင်းထားရှိရေး၊ဂီတစာဆိုတော် ကြီးများ၏ မှတ်တမ်းများနှင့်ပတ်သက်၍လည်း ကြိုတင်စုဆောင်း ထားရှိရေး၊ စာဖတ်ခန်းများကို အဓိကထည့်သွင်း၍ စနစ်တကျဖြင့်ထားရှိရေးတိုကို အခမ်းအနားသိုတက်ရောက် လာသော နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိင် က ပြောကြားခဲ့ကြောင်း သိရသည်။
အဆိုပါစာဆိုဗိမာန် အဆောက်အဦကို သုံးထပ် အဆောက်အဦအဖြစ်တည် ဆောက်သွားမည်ဖြစ်ပြီး တည် ဆောက်ပြီးစီးပါက စာပေဖွံဖြိုးမှုဆိုင်ရာ ဆောင်ရွက်မှု သမိုင်းမှတ်တမ်းဓာတ်ပုံများ၊ စာဖတ်ခန်းနှင့် စာကြည့် တိုက်၊ သမိုင်းဝင်ဂီတအနုပညာ များ ခင်းကျင်းပြသမည့် ပြခန်းများ၊ ပေပုရပိုက်များ ခင်းကျင်းပြသမည့် ပြခန်း များ၊ သမိုင်းဝင်ကဗျာများ ခင်းကျင်းပြသမည့် ပြခန်းများ၊ စာပေဆုရခဲ့ဖူးသော စာအုပ်စာပေ များ ခင်းကျင်း ပြသမည့်ပြခန်းများ၊ မြန်မာနိုင်ငံ၌ ထင်ရှားကျော်ကြားခဲ့သည့် ခေတ်သုံး ခေတ်မှ စာဆိုတော်ကြီးများ၊ တစ်သက် စာပေဆုရရှိခဲ့ကြသည့် စာပေပညာရှင်များနှင့် ကဗျာဆရာများ၏ ရုပ်တုများထားရှိသည့် ပြခန်းများကို ထည့်သွင်းထားရှိသွားမည် ဖြစ်ကြောင်း သိရသည်။
ယခင်စာပေဗိမာန်စာကြည့်တိုက်သည် စာပေဗိမာန် ၃ ထပ်အဆောက်အဦ၏ပထမထပ်တွင်တည်ရှိပြီး ယခုအခါ တိုးတက်လာသည့် လူဦးရေနှင့် မြိုပြဖွံဖြိုးမှု အခြေ အနေများအရ နိုင်ငံသားများအသိဉာဏ်ပညာ တိုးပွား စေ ရန်၊ မြန်မာစာပေဖွံဖြိုး မှုအတွက်အထောက်အကူဖြစ်စေရန်၊ ပြည်သူများဗဟုသုတဖြစ်စေရန်နှင့် စာဖတ် သည့် အလေ့အကျင့်များ တိုးပွားစေရန်ရည်ရွယ်၍ ပြောင်းရွှေ့တည်ဆောက်နေခြင်းဖြစ်ကြောင်း သိရသည်။
အခမ်းအနားသို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် နှင့်အတူ ကောင်စီတွဲ ဖက်အ တွင်းရေးမှူး ဗိုလ်ချုပ်ကြီးရဲဝင်းဦး၊ ကောင်စီအဖွဲဝင်များ၊ ပြည်ထောင်စုအဆင့်ပုဂ္ဂိုလ်များ၊ ရန်ကုန် တိုင်းဒေသ ကြီး ဝန်ကြီးချုပ်၊ ကာကွယ်ရေး ဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ရန်ကုန်တိုင်း စစ်ဌာနချုပ် တိုင်းမှူး၊ ရန်ကုန် မြိုတော်ဝန်နှင့် ရန်ကုန်တိုင်းဒေသကြီးအစိုးရအဖွဲဝင်ဝန်ကြီးများ၊ မြန်မာနိုင်ငံ ဆိုင်ရာ အိန္ဒိယ နိုင်ငံသံအမတ်ကြီး H.E. Mr. Abhay Thakur ၊ မြန်မာ- အိန္ဒိယ ချစ်ကြည်ရေး အသင်းမှတာဝန်ရှိသူများ၊ အမျိုး သားစာပေတစ်သက်သာဆုရ စာရေး ဆရာကြီးများနှင့် ဆရာမကြီးများ၊ ဖိတ်ကြားထားသည့် ဧည့်သည်တော် များနှင့် ဌာနဆိုင်ရာတာဝန်ရှိသူများ တက်ရောက်ကြကြောင်း သိရသည်။
ယင်းအဆောက်အဦကိုအိန္ဒိယ-မြန်မာ ချစ်ကြည်ရေးအထိမ်းအမှတ် အဖြစ် အိန္ဒိယနိုင်ငံ၏ အကူအညီအ ထောက်အပံ့ဖြင့် သုံးထပ်အဆောက်အဦအဖြစ် တည် ဆောက်သွားမည်ဖြစ်ကြောင်း သိရသည်။
Yangon_Times/PP

အီရန်ရေနံတွင်းများတိုက်ခိုက်ခံရမည်ကိုစိုးရိမ်လာရသဖြင့် နိုင်ငံတကာရေနံဈေးနှုန်းများသိသိသာသာမြင့်တက်

ပြီးခဲ့တဲ့ ရက်သတ္တပတ်က နိုင်ငံတကာရေနံဈေးနှုန်းများ သိသိသာသာ မြင့်တက်ခဲ့ကာ တစ်နှစ်တာအတွင်း တစ်ပတ်ပြီးတစ်ပတ် စံချိန်တင် ဈေးနှုန်းမြင့်တက်မှု ဖြစ်ခဲ့ပါတယ်။
#World_Science
Published 9 October 2024
#အီရန်ရေနံတွင်း #ဈေးနှုန်းများမြင့်တက်
#YMG #Yangon_Times #Yangon_Media_Group

၉ အောက်တိုဘာ ၂၀၂၄

မြန်မာနိုင်ငံမှ အဆိုပြုထားတဲ့ အငြိမ်းစားသံအမတ်ကြီးဦးစံလွင်ကို လာမည့် သက်တမ်းအတွက် အာဆီယံရဲ့ အလှည့်ကျဒုတိယအထွေထွေအတွင်းရေးမှူးချုပ်အဖြစ် လာအိုနိုင်ငံမှာ ကျင်းပနေတဲ့ အာဆီယံအစည်းအဝေး  တစ်ခုက  အတည်ပြုခဲ့တယ်လို့ အာဆီယံ ဥက္ကဋ္ဌ ရုံးသတင်းထုတ်ပြန်ချက်အရသိရပါတယ်။

အငြိမ်းစား သံအမတ်ကြီးဖြစ်တဲ့ ဦးစံလွင်ကို အာဆီယံဒုတိယအတွင်းရေးမှူးချုပ်တစ်ဦးအဖြစ်ခန့်အပ်မှုကို အာဆီယံ ပေါင်းစပ်ညှိနှိုင်းရေးကောင်စီ အစည်းအဝေးကနေ အတည်ပြုလိုက်တာပါ။

အာဆီယံရဲ့ဖွဲ့စည်းပုံအရ ဒုတိယအတွင်းရေးမှူးချုပ် လေးဦးရှိရာမှာ ဦးစံလွင်ဟာ အာဆီယံ လူမှုယဉ်ကျေးမှု အသိုက်အဝန်းဆိုင်ရာကို တာဝန်ယူရတဲ့ ဒုတိယအတွင်းရေးမှူးချုပ်ဖြစ်လာမှာပါ။ မြန်မာနိုင်ငံမှ ဦးစံလွင်ဟာ နိုင်ငံ အလိုက် အက္ခရာစဉ်အလိုက်အရ မြန်မာနိုင်ငံ အလှည့်ကျရောက်လို့ တာဝန်ယူပေးရတာဖြစ်ပါတယ်။

အာဆီယံဒုတိယအတွင်းရေးမှူးချုပ် ဦးစံလွင်ရဲ့ တာဝန်သက်တမ်းဟာ ၂၀၂၄-၂၀၂၇ အထိလို့လည်းသိရပါတယ်။

အာဆီယံဒုတိယအတွင်းရေးမှူးချုပ် (၄)နေရာက ဒုတိယအတွင်းရေးမှူးချုပ် (အာဆီယံနိုင်ငံရေးလုံခြုံရေး အသိုက် အဝန်း)၊ ဒုတိယအတွင်းရေးမှူးချုပ် (အာဆီယံစီးပွားရေး အသိုက်အဝန်း)၊ ဒုတိယအတွင်းရေးမှူးချုပ် (အာဆီယံ လူမှုယဉ်ကျေးမှု အသိုက်အဝန်း)နှင့် ဒုတိယအတွင်းရေးမှူးချုပ် (အသိုက်အဝန်းနှင့် ကော်ပိုရေးရှင်းရေးရာ) တို့ ဖြစ်ကြပါတယ်။

@ymg/knl

#Daily_News
Published 9 October 2024

၁။ ငမိုးရိပ်ဆည်တွင် ရေပိုမိုသိုလှောင်နိုင်ရန် ရေပိုလွှဲတွင် Shutter များတပ်ဆင်

၂။ ဖီဖာနိုင်ငံတကာခြေစမ်းပွဲအဖြစ်မြန်မာ-သီရိလင်္ကာခြေစမ်းပွဲနှစ်ပွဲ သုဝဏ္ဏကွင်း၌ ကန်မည်

၃။ ကမ္ဘာ့ရွှေဈေးကျ၍ ရည်ညွှန်ဈေးအနည်းငယ်ကျဆင်းသော်လည်း ပြင်ပဈေးတက်

၄။ အီရန်ရေနံတွင်းများတိုက်ခိုက်ခံရမည်ကို စိုးရိမ်လာရသဖြင့် နိုင်ငံတကာရေနံဈေးနှုန်းများ သိသိသာသာမြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၉ အောက်တိုဘာ ၂၀၂၄

ထိုင်းနိုင်ငံက အာဆီယံအဖွဲ့ဝင် ၁၀ နိုင်ငံရဲ့ အလွတ်သဘော ဆွေးနွေးညှိနှိုင်းပွဲတစ်ခုကို လာမည့်ဒီဇင်ဘာလ အတွင်း အိမ်ရှင်နိုင်ငံအဖြစ်ကျင်းပသွားဖို့ လာအိုမှာ ကျင်းပတဲ့ အာဆီယံထိပ်သီးအစည်းအဝေးအတွင်း ကမ်းလှမ်း ခဲ့ပါတယ်။

“ အာဆီယံအနေနှင့် မြန်မာနိုင်ငံမှာရှိနေတဲ့ အဖွဲ့တွေအားလုံးကို “ စစ်ရေးအဖြေဆိုတာမရှိ” ကြောင်း တူညီတဲ့ သတင်းစကားပါးသင့်ပါတယ်။ အခုအချိန်ဟာ စတင်ဆွေးနွေးစကားပြောကြရမယ့်အချိန်ပါ” လို့ ထိုင်းဝန်ကြီးချုပ် ပေတွန်တန် ရှင်နာဝါထရာက အာဆီယံခေါင်းဆောင်များအစည်းအဝေးမှာပြောကြားတယ်လို့ ရိုက်တာက သတင်းရေးပါတယ်။

အဆိုပါထိပ်သီးအစည်းအဝေးသို့ မြန်မာနိုင်ငံမှ နစကကိုယ်စားလှယ်အဖြစ် နိုင်ငံခြားရေးဝန်ကြီးဌာန အမြဲတမ်း အတွင်းဝန် ဦးအောင်ကျော်မိုးတက်ရောက်နေပါတယ်။

“ ထိုင်းနိုင်ငံအနေနှင့် ကူညီရန်အဆင်သင့်ပဲ” လို့ ထိုင်းဝန်ကြီးချုပ်ကပြောပါတယ်။

အာဆီယံအနေနှင့် နစကရဲ့ အဆိုပြုရွေးကောက်ပွဲအကြောင်း သိပ်မပြောဘူးလို့လည်း သတင်းကရေးပါတယ်။

ဒါပေမယ့်  ထိုင်းဝန်ကြီးချုပ် ပေတွန်တန်ကတော့ ရွေးကောက်ပွဲကျင်းပမှာကို ထိုင်းကထောက်ခံတဲ့ သဘော ပြောသွာပါတယ်။

“  မြန်မာနိုင်ငံဟာ ရွေးကောက်ပွဲတွေနှင့် ရှေ့သို့သွံားနေတဲ့အခါ နိုင်ငံရေးနေရာ ပိုမိုရှိလာဖို့နှင့် အဖွဲ့တွေအကြား စေ့စပ်ဆွေးနွေးမှုတွေပြုလုပ်ဖို့က မရှိမဖြစ်လိုအပ်တယ်” လို့ သူမကပြောပါတယ်။

“ မြန်မာနိုင်ငံအနေနှင့် အဖွဲ့ဘက်အသီးသီးအကြား ပြည်တွင်း ဆွေးနွေးပွဲရှိသင့်တယ်လို့ ယုံကြည်ပါတယ်။  ဒါဟာ လည်း ထိုင်းနိုင်ငံရဲ့ရပ်တည်ချက်ဖြစ်ပြီး ဒါကိုအားပေးထောက်ခံတယ်” လို့ ထိုင်းနိုင်ငံခြားရေးဝန်ကြီးဌာန ပြောရေး ဆိုခွင့်ရသူ နစ်ကွန်ဒက်ချ်ကလည်းပြောပါတယ်။

ပြီးခဲ့တဲ့လတွေတုန်းကလည်း မြန်မာနိုင်ငံရဲ့  အရှိန်အဝါရှိလှတဲ့ အိမ်နီးချင်းတွေဖြစ်တဲ့ အိန္ဒိယနှင့် တရုတ် နိုင်ငံတွေဟာ ငြိမ်းချမ်းရေးကြိုးပမ်းမှုမှာ အခန်းကဏ္ဍတစ်ရပ်အနေနှင့်ပါဝင်ဖို့ အကြံပြုထားပါတယ်လို့လည်း ထိုင်း ဝန်ကြီးချုပ်ကပြောပါတယ်။

အာဆီယကြိုးပမ်းအားထုတ်မှုတွေကို အားဖြည့်တဲ့အနေနှင့် အိမ်နီးချင်းနိုင်ငံတွေရဲ့ အခန်းကဏ္ဍကို ထိုင်းနိုင်ငံက မြှင့်တင်နေပါတယ်လို့လည်း ထိုင်းဝန်ကြီးချုပ်ကပြောသွားပါတယ်။

Ref : Bangkok Post

မြန်မာမှုလက်မှုပညာနဲ့လုပ်ထားတဲ့ မီးပုံးတွေ ရောင်းအားမနှစ်လောက်မမှီသေးပေမယ့် ဒီနှစ်မှာလုပ်ငန်းတွေ၊ ကုမ္ပဏီတွေက ပိုမိုအားပေးနေတယ်လို့ သိရပါတယ်။
#Local_News
Published 9 October 2024
#မြန်မာမှုလက်ရာမီးပုံး #မြန်မာမှုလက်မှုပညာ
#YMG/tthl #Yangon_Times

သီတင်းကျွတ်ကာလအတွက် ညောင်ဦးနဲ့ ပုဂံရှေးဟောင်းယဉ်ကျေးမှုနယ်မြေ အတွင်းရှိ  ဟိုတယ်ကြီးတွေနဲ့ တည်းခိုခန်းအများစု လူပြည့်နေပြီလို့ ခရီးသွားဝန်‌ ဆောင်မှုလုပ်ငန်းလုပ်ကိုင်သူတွေထံက  သိရပါတယ်။
#Local_News
Published 9 October 2024
#ပုဂံ-ညောင်ဦး #တည်းခိုခန်းအများစုလူပြည့်
#YMG/NN #Yangon_Times