#Local_News
Published 29 November

▪️ ပဋိပက္ခများကြောင့်နိုင်ငံတစ်ဝန်းနေရပ်စွန့်ခွာသူ ၃.၄သန်းခန်းရှိလာပြီဖြစ်သော်လည်း လူဦးရေ၃သန်းခန့်ကိုသာ လူသားချင်းစာနာမှုအကူအညီများပေးနိုင်သေးကြောင်း ကုလသမဂ္ဂလူသားချင်ယစာနာမှုဆိုင်ရာ ညှိနှိုင်းရေးရုံး (OCHA)၏လူသားချင်းစာနာမှုဆိုင်ရာ သတင်းလွာမှ သိရသည်။

▪️ မရပ်မနားဖြစ်ပွားနေသည့် ပဋိပက္ခများကြောင့် အရပ်သားထိခိုက်သေဆုံးမှုများမြင့်တက်နေပြီး အရပ်သား ကာ ကွယ်စောင့်ရှောက်ရေးလိုအပ်ချက်များနှင့်အတူ မြန်မာနိုင်ငံက လူသားချင်းစာနာမှုအကျပ်အတည်း သည် ဆက်လက်ဆိုးဝါးနေဆဲဖြစ်ကြောင်း ၊လက်နက်ကိုင်အဖွဲ့အစည်းအမျိုးမျိုးနှင့် တပ်မတော်တို့အကြားက ပဋိပက္ခသည် ၂၀၂၃ ခုနှစ် အောက်တိုဘာလမှစတင်ကာ ပြင်းထန်လာခဲ့ပြီးနောက် တိုင်းဒေသကြီးနှင့်ပြည်နယ် ၁၅ ခုမှ ၁၂ ခုသည်တိုက်ပွဲဒဏ်ကို ခံနေရကြောင်း အစီရင်ခံစာတွင်ဖော်ပြထားသည်။

▪️ "ပဋိပက္ခမှာပါဝင်ပတ်သက်နေတဲ့အဖွဲ့အစည်းတွေဟာ လူသားချင်းစာနာမှုဆိုင်ရာ သွားလာခွင့်တွေကို အဟန့်အတားမရှိ ခွင့်ပြုပေးရမှာဖြစ်ပြီး၊ အရပ်သားပြည်သူတွေဆီ လူမှုဘဝကယ်ဆယ်ရေးအ ကူအညီ တွေရောက်ရှိဖို့ ရှုပ်ထွေးတဲ့ကန့်သတ်ချက်တွေ ဖယ်ရှားပေးရပါမယ်" ဟု OCHA Myanmar မှ တာဝန်ရိသူတစ်ဦးကပြောသည်။

▪️ ပြင်းထန်သည့်တိုက်ပွဲများကြောင့် အရပ်သားပြည်သူများ အိုးအိမ်စွန့်ခွာထွက်ပြေးရခြင်းမှာ စံချိန်တင်များ ပြားလာပြီး၊ နိုင်ငံတစ်ဝန်းနေရပ်စွန့်ခွာသူဦးရေ ၃ ဒသမ ၄ သန်းရှိလာပြီဖြစ်ကြောင်း၊ ၂၀၂၄ ခုနှစ်အစမှ စက်တင်ဘာလကုန်အထိ လူသားချင်းစာနာမှုဆိုင်ရာ အဖွဲ့အစည်းများသည်လူဦးရေ ၃ သန်းနီးပါးကို အကူအညီပေးခဲ့ပြီးဖြစ်သော်လည်း ရန်ပုံငွေရရှိမှုအလွန်အမင်းနည်းပါးခဲ့ခြင်းကြောင့် ပြည့်ပြည့်ဝဝ အကူအညီမပေးနိုင်ခဲ့ကြောင်း၊ နှစ်ကုန်ပိုင်းသို့ရောက်ရှိလာခဲ့ပြီဖြစ်‌သော်လည်း၂၀၂၄ ခုနှစ် လူသားချင်း စာနာမှုဆိုင်ရာ လိုအပ်ချက်များနှင့်တုန့်ပြန်ရေးလုပ်ငန်းစီမံချက်အတွက် ရန်ပုံငွေသည် ၃၄ ရာခိုင်နှုန်းခန့်သာရရှိခြင်းကြောင့် လူသားချင်းစာနာမှုဆိုင်ရာ အဖွဲ့အစည်းများအတွက် အရေးပေါ်အကူအညီများပေးရန်များစွာထိခိုက်ရကြောင်း အစီရင်ခံစာဖော်ပြချက်အရသိရသည်။

#YMG/SW#Yangon_Times

#World_Health
Published 29 November 2024

▪️ ဖုန်မှုန့်တွေထဲမှာ ဘက်တီးရီးယားများ၊ မွှားများ၊ စွန့်ပစ်အညစ်အကြေးများ၊ ပိုးကောင်များ၊ ဆဲလ်သေများ၊ မှိုများ ပါဝင်နေနိုင်ကာ ဖုန်တွေရှိနေခြင်းက ကျန်းမာရေး အန္တရာယ် ဖြစ်စေနိုင်ပါတယ်။

▪️ လှုပ်ရှားမှုတစ်ခုခုကြောင့် ဖုန်မှုန့်တွေ ရွေ့လျားတဲ့အခါ ရှူရှိုက်မိပြီး ကျန်းမာရေးပြဿနာများ ဖြစ်နိုင်တယ်လို့ ပညာရှင်များ ဆက်စပ်တွေ့ရှိထားပါတယ်။
အချင်း ၂.၅ မိုက်ခရိုမီတာထက် သေးငယ်တဲ့ အမှုန်တွေဟာ အဓိကစိုးရိမ်စရာဖြစ်ပါတယ်။

▪️ ထိုအမှုန်အရွယ်အစားကို မျက်စိနဲ့ မမြင်ရသလို အဆုတ်ထဲအထိရောက်ပြီး သွေးထဲထိပါ ဝင်ရောက်နိုင်ပါတယ်။

▪️ ခဏတာ ထိတွေ့မိရင် ချောင်းဆိုးခြင်း၊ မျက်ရည်ထွက်ခြင်း၊ ရင်ကြပ်ခြင်း၊ လေပြွန်ရောင်ခြင်းတို့ ဖြစ်နိုင်ကာ ကြာရှည်ထိတွေ့မိပါက အဆုတ်လုပ်ဆောင်ချက်၊ နှလုံးလုပ်ဆောင်ချက်တို့ ကျဆင်းစေပြီး အာရုံကြောပြဿနာများ၊ ကင်ဆာနဲ့ အသက်အန္တရာယ်အထိပါ ဖြစ်နိုင်ပါတယ်။

▪️ လတ်တလော သုတေသနမှာဆိုရင် အိမ်တွေမှာတွေ့ရတဲ့ ဖုန်မှုန့်တွေထဲမှာ ခဲနဲ့ ပိုးသတ်ဆေးတို့လို အဆိပ်သင့်အရာများအပြင် ကင်ဆာဖြစ်စေတဲ့ PFA ဓာတုပစ္စည်းတွေလည်း တွေ့ရပါတယ်။

▪️ မလိုလားအပ်တဲ့ အရာဝတ္ထုတွေ ပုံနေတာကို ရှင်းပစ်သင့်ပါတယ်။
ဖုန်တွေအလိပ်လိုက် တက်နေရာကနေ ဦးနှောက်၊ စိတ်အခြေအနေစတဲ့ ကျန်းမာရေးပြဿနာများ ဖြစ်လာနိုင်တာကြောင့် အိမ်မှာ ပစ္စည်းအနည်းငယ်ပဲ ထားမယ်ဆိုရင် ဖုန်တွေလည်း အနည်းငယ်သာ စုပြုံနိုင်ပါတယ်။

▪️ The Dust Test လိုမျိုး စစ်ဆေးရေးပစ္စည်းများဖြင့် ဖုန်မှုန့်ထဲမှာ အညစ်အကြေး ဘယ်လောက်ပါလဲဆိုတာသိရှိနိုင်ပြီး အကယ်၍ ဘက်တီးရီးယားများ၊ မှိုများ ပါဝင်တယ်ဆိုပါက မူလရင်းမြစ်နေရာကို ဖော်ထုတ်သင့်ပါတယ်။

▪️ ဖုန်တွေကို အလွယ်တကူ ရှင်းလင်းနိုင်မယ့် ပစ္စည်းကိရိယာတွေကို အဆင့်သင့်ထားသင့်ပါတယ်။

▪️ ဒါ့အပြင် အိမ်တွင်းအပင်စိုက်ပျိုးခြင်းကလည်း ဖုန်တွေကို လျော့ပါးစေနိုင်ပါတယ်။

▪️ ထွက်လာတဲ့ ဖုန်တွေက လေထဲကိုပျံ့နှံ့တာကြောင့် သန့်ရှင်းရေးလုပ်တဲ့အခါ အပေါ်ကနေ အောက်ကိုရှင်းလင်းသင့်ပြီး ဖြစ်နိုင်ရင် လေသန့်စင်စက်ကို အသုံးပြုသင့်ပါတယ်။

#Source: New York Post

#World_Science
Published 29 November 2024

▪️ ဘော်လ်တိတ်ပင်လယ်ထဲက အထီးကျန်နေတဲ့ လင်းပိုင်တစ်ကောင်ဟာ သူ့ကိုယ်သူ စကားပြောနေတာကို သိပ္ပံပညာရှင်များ မှတ်တမ်းတင်နိုင်ခဲ့ပါတယ်။

▪️ လင်းပိုင်တွေက ပေါင်းသင်းဆက်ဆံတတ်တဲ့ တိရိစ္ဆာန်တွေလို့ သိထားကြပြီး တစ်ကောင်နဲ့တစ်ကောင် ပြုံးပြကြတယ်လို့လည်း တွေ့ရှိထားပါတယ်။

▪️ ယခုအခါမှာတော့ ဒိန်းမတ်နိုင်ငံ ဆဗင်ဘော့ဂ်ဆန် တူးမြောင်းအနီးရှိ ဒဲလ်လို့အမည်ရတဲ့ အထီးကျန် လင်းပိုင်ဟာ သူ့ကိုယ်သူ စကားပြောနေတာကို သိပ္ပံပညာရှင်များ တွေ့ရှိခဲ့ပါတယ်။

▪️ အသံဖမ်းကိရိယာတစ်ခုကို အသုံးပြုရာမှာ လင်းပိုင်က သူ့ကိုယ်သူပြောနေတယ်လို့ ခံစားမိခဲ့ကြပါတယ်။

▪️ ဒိန်းမတ်တောင်ပိုင်းတက္ကသိုလ်မှ ဇီဝပညာရှင် အော်လ်ဂါဖီလာတိုဗာက ထိုကိရိယာကို အသုံးပြုဖို့ ဆုံးဖြတ်ခဲ့တာ ဖြစ်ပါတယ်။

▪️ အသံဖမ်းရာမှာ ကြိမ်နှုန်းအမျိုးမျိုးရှိတဲ့ အသံအမျိုးအစားပေါင်း ၁၀၈၃၃ မျိုးကို ၆၉ ရက်ကျော်အတွင်း ဖမ်းယူရရှိခဲ့ပါတယ်။

▪️ လင်းပိုင်ကနေ ထွက်လာတဲ့ လေချွန်သံကလည်း ၃ မျိုးကွဲထွက်နေတာကို ဖမ်းယူရရှိခဲ့ပါတယ်။

▪️ သူတို့ရဲ့ လေချွန်သံတွေက တစ်ကောင်နဲ့ တစ်ကောင် မတူညီကြဘူးလို့ ဖီလာတိုဗာက ပြောပါတယ်။

▪️ ဒဲလ်တစ်ကောင်လို့သာ မသိထားဘူးဆိုရင် လင်းပိုင်အနည်းဆုံး ၃ကောင်လောက် ပြောဆိုနေကြတယ်လို့ ထင်မိမှာဖြစ်ကြောင်း ဆိုပါတယ်။

▪️ သာမန်အားဖြင့် ထိုအသံတွေဟာ ယင်းတို့ဆက်ဆံပြောဆိုကြတဲ့ အသံတွေဖြစ်နေပြီး ဒဲလ်က တစ်ကောင်တည်း ဖြစ်နေခဲ့တယ်လို့ ဖော်ပြထားပါတယ်။

#Source: WION

၂၈ နိုဝင်ဘာ ၂၀၂၄

နိုင်ငံတကာရာဇဝတ်မှုတရားရုံးအနေဖြင့် ဗိုလ်ချုပ်မှူးကြီး မင်းအောင်လှိုင်အပေါ် တရားစွဲဆိုခွင့်မရှိဘူး လို့ တရုတ်နိုင်ငံက သွယ်ဝိုက်ပြောကြားလိုက်ပါတယ်။

နိုင်ငံတကာ ရာဇဝတ်မှုတရားရုံးအနေနှင့် ယင်းရဲ့ ဥပဒေများအရ အဖွဲ့ဝင်နိုင်ငံမဟုတ်သော နိုင်ငံတစ်ခုမှ နိုင်ငံသားများက အခြား အဖွဲ့ဝင်နိုင်ငံမဟုတ်သောပိုင်နက်တစ်ခုအပေါ် ကျူးလွန်သော လုပ်ရပ်အတွက်  တရားစီရင်ပိုင်ခွင့်မရှိဘူး   လို့  တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မစ္စ မော်နင်းက နိုဝင်ဘာ ၂၈ ရက်ပုံမှန်သတင်းစာရှင်းလင်းပွဲအတွင်း မေးခွန်းတစ်ခုကိုပြန်လည်ဖြေဆိုတုန့်ပြန်ခဲ့တာ ဖြစ်ပါတယ်။

ရခိုင်ပြည်နယ်အရေးကိစ္စသည် သမိုင်းအရ၊လူမျိုးနွယ်များအရနှင့် ဘာသာရေးနောက်ခံများအရ ရှုပ်ထွေး လှသည့်ကိစ္စဖြစ်တယ်လို့လည်း မစ္စ မော်နင်းကပြောကြားခဲ့ပါတယ်။

အဲဒါကြောင့်  ရခိုင်ကိစ္စသည် နည်းလမ်းပေါင်းစုံဖြင့် ချင့်ချင့်ချိန်ချိန် ချည်းကပ်ဖြေရှင်းဖို့လိုအပ်ကြောင်း  လည်းသူမကဆက်ပြောပါတယ်။

မြန်မာနိုင်ငံရဲ့ရင်းနှီးတဲ့ အိမ်နီးချင်း တရုတ်နိုင်ငံအနေနှင့်  ရခိုင်ပြည်နယ်မှာ အခြေအနေ ဖြစ်ပေါ်တိုးတက် မှုတွေကို အနီးကပ်စောင့်ကြည့်နေပြီး အခြေအနေတွေတည်ငြိမ်ပြီး အရှိန်တွေလျော့သွားထို့ နိုင်ငံတကာ အသိုက်အဝန်းနှင့်အတူ အပြုသဘောဆောင်တဲ့ အခန်းကဏ္ဍကနေ အတူဆောင်ရွက်ဖို့ တရုတ်နိုင်ငံက အဆင်သင့်ရှိနေတယ်လို့ သူမကပြောပါတယ်။

ဗိုလ်ချုပ်မှူးကြီးကို ဖမ်းဝရမ်းထုတ်နိုင်ရေးအတွက် အိုင်စီစီရဲ့ ရှေ့နေချုပ်က ကြိုးစားနေတာဖြစ်ပါတယ်။

အရှေ့အလယ်ပိုင်းပဋိပက္ခ စိုးရိမ်မှုလျော့ကျလာတာကြောင့် ရေနံနဲ့ ရွှေဈေးနှုန်းများ တနင်္လာနေ့က သိသိသာသာ ကျဆင်းသွားကာ အနောက်တက္ကဆပ် အင်တာမီဒီယိတ်(WTI) ရေနံစိမ်းဈေးကွက်နဲ့ နိုင်ငံတကာရွှေဈေးနှုန်းတို့ ၃ ရာခိုင်နှုန်းကျော် ကျဆင်းလာပါတယ်။
#World_Business
Published 28 November 2024
#အစ္စရေးလ်နှင့်ဟက်ဇ်ဘိုလာ #ရွှေဈေးကျဆင်း
#YMG #Yangon_Times #Yangon_Media_Group

#Daily_News
Published 28 November 2024

၁။ ပို့ကုန်အခြေပြုအရန်ဆန် အိတ်ရေ ၈ သိန်းအထိရှိသောကြောင့် ပြည်တွင်း ဆန်ပြတ်လပ်မှုမရှိနိုင်ဟု MRF ဥက္ကဋ္ဌပြော

၂။ အမျိုးသားအားကစားပွဲတော်၌ ပါဝင်ယှဉ်ပြိုင်ရန် မြန်မာ့ရိုးရာသိုင်းအားကစားသမားများစခန်းသွင်းလေ့ကျင့်ခြင်းများပြုလုပ်နေ

၃။ ကျိုက်ထီးရိုးစေတီတော်သို့ တစ်လကျော်အတွင်း နိုင်ငံခြားသား ဧည့်သည်များအပါအဝင်  ဘုရားဖူးတစ်သိန်းခုနှစ်သောင်းကျော်လာရောက်ဖူးမျှော်

၄။ အစ္စရေးလ်နှင့်ဟက်ဇ်ဘိုလာ အပစ်အခတ်ရပ်စဲရေးသတင်းများကြောင့် နိုင်ငံတကာရေနံနှင့်ရွှေဈေးကျဆင်းလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်တိုင်းဒေသကြီးအစိုးရအဖွဲ့မှ ကြီးမှူးကျင်းပမယ့် စတုတ္ထ အကြိမ်မြောက် မြန်မာ့နွားသိုးအလှ၊ အသားတိုးနွား၊ နို့စားနွားနှင့် ဆိတ်အလှပြပွဲပြိုင်ပွဲမှာ နွားနဲ့ဆိတ်ကောင်ရေ ၁၅၀ခန့် ဝင်ရောက်ယှဉ်ပြိုင်မယ်လို့ တိုင်းဒေသကြီးမွေးမြူရေးနှင့် ကုသရေးဦးစီးဌာနက သိရပါတယ်။
#Local_News
Published 28 November 2024
#ဆိတ်အလှပြပွဲ #မြန်မာ့နွားသိုးအလှ
#YMG/NN #Yangon_Times

နေပြည်တော်မှာ လာမယ့်ဒီဇင်ဘာလမှာကျင်းပမယ့် အမျိုးသားအားကစားပွဲတော်မှာ ပါဝင်ယှဉ်ပြိုင်ဖို့  မြန်မာ့ရိုးရာသိုင်းအားကစားသမားတွေ စခန်းသွင်းလေ့ကျင့်တာကို တောင်ဥက္ကလာပမြို့နယ်ရှိ ပဒေသာအားကစားကွင်းမှာ ပြုလုပ်နေတယ်လို့မြန်မာနိုင်ငံသိုင်းအဖွဲ့ချုပ်၊ ရန်ကုန်တိုင်းသိုင်းဆပ်ကော်မတီက သိရပါတယ်။
#Local_News
Published 28 November 2024
#အမျိုးသားအားကစားပွဲတော် #မြန်မာ့ရိုးရာသိုင်း
#YMG/NN #Yangon_Times

#Local_News
Published 28 November 2024

▪️ စင်ကာပူနိုင်ငံတွင် အိမ်အကူအဖြစ်အလုပ်လုပ်ကိုင်နေသည့် အသက်၂၆နှစ်အရွယ်မြန်မာအမျိုးသမီးတစ်ဦးကို တိရစ္ဆာန်များနှင့် ညှင်းပန်းနှိပ်စက်မှုအက်ဥပဒေအရ နိုဝင်ဘာလ၂၆ရက်က ထောင်ဒဏ်ကိုးလချမှတ်ခဲ့ကြောင်းCNA ၏ သတင်းဖော်ပြချက်မှ သိရသည်။

▪️ အသက် ၂၆ နှစ်အရွယ် မြန်မာအိမ်အကူအမျိုးသမီး Junny Lal Awn Pui၏ ညှင်းပန်းနှိပ်စက်သည့် လုပ်ရပ်များကြောင့် Boyboy အမည်ရှိ အသက်၁၅နှစ်အရွယ်ခွေးထီးလေး သေဆုံးသွားခဲ့ကြောင်း National Parks Board (NParks) တိရစ္ဆာန်ဆေးကုသရေးအစီရင်ခံစာတွင် ဖော်ပြထား‌ကြောင်း သိရသည်။

▪️ မြန်မာအိမ်အကူအမျိုးသမီးသည် ပြီးခဲ့သည့် နှစ် ဒီဇင်ဘာလတွင် အသက်၃၇နှစ်အရွယ်Heng အမည်ရှိ အမျိုးသမီးအိမ်တွင် အိမ်အကူအဖြစ်စတင် လုပ်ကိုင်ခဲ့ခြင်းဖြစ်ပြီး ၎င်းသည်အလုပ်ရှင်၏ ညွှန်ကြားချက်ဖြင့် ခွေးကိုရိုက်နှက်ကာ လသာဆောင်လက်ရန်းတွင် ချိတ်ဆွဲထားခဲ့ခြင်းဖြစ်‌ကြောင်း၊ ထို့‌ကြောင့်တိရစ္ဆာန်များနှင့် ညှင်းပန်းနှိပ်စက်မှုအက်ဥပဒေအောက်ရှိ တိရစ္ဆာန်ညှင်းပန်းနှိပ်စက်မှုစွဲချက်သုံးခုဖြင့် ပြစ်မှုထင်ရှားတွေ့ရှိခဲ့ခြင်း‌ေကြာင့် ထောင်ဒဏ်ချမှတ်ခံရခြင်းဖြစ်‌ကြောင်း သိရသည်။

▪️ မြန်မာအိမ်အကူကို ထောင်ဒဏ်ချမှတ်ခဲ့သော်လည်း အလုပ်ရှင်ဖြစ်သူကို အရေးယူခြင်းရှိ မရှိကိုမသိရှိရသေးကြောင်း သိရသည်။

#YMG/SW#Yangon_Times

မွန်ပြည်နယ်၊ ကျိုက်ထိုမြို့နယ်ရှိ ဆံတော်ရှင်ကျိုက်ထီးရိုးစေတီတော်မြတ်ကြီးသို့ အခုနှစ်တောင်ဖွင့်ရာသီတစ်လကျော်အတွင်း နိုင်ငံခြားသားဧည့်သည်များအပါအဝင် ဘုရားဖူးတစ်သိန်းခုနှစ်သောင်းကျော်လာရောက်ဖူးမျှော်ခဲ့တယ်လို့ ဘဏ္ဍာတော်ထိန်း ဂေါပကအဖွဲ့ထံက  သိရပါတယ်။
#Local_News
Published 28 November 2024
#ကျိုက်ထို #ကျိုက်ထီးရိုးစေတီတော်
#YMG/NN #Yangon_Times

ပို့ကုန်အခြေပြုအရန်ဆန် အိတ်ရေ ၈ သိန်းအထိရှိသောကြောင့် ပြည်တွင်း ဆန်ပြတ်လပ်မှုမရှိနိုင်ဘူးလို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 28 November 2024
#ဆန်ပြတ်လပ်မှုမရှိ #MRFဥက္ကဋ္ဌ
#YMG/NN #Yangon_Times

#Local_News
Published 28 November

▪️ ထိုင်းနိုင်ငံတွင် ရောက်ရှိနေသောမြန်မာမိဘ၂ဦးက မွေးဖွားသည့် ကလေးများ မွေးဖွားခြင်းမှတ်ပုံတင်နိုင်ကြောင်း ဘန်ကောက်မြို့ရှိမြန်မာသံရုံးက ထုတ်ပြန်ထားသည်။

▪️ ထုတ်ပြန်ချက်အရ ၁၉၈၂ ခုနှစ် မြန်မာနိုင်ငံသား ဥပဒေပုဒ်မ (၁၀)အရ ထိုင်းနိုင်ငံရောက် မြန်မာနိုင်ငံသားမိဘ (၂)ပါးမှ မွေးဖွားသည့် ကလေးများအတွက် မွေးဖွားကြောင်းကို မွေးဖွားသည့်နေ့မှစ၍ တစ်နှစ် အတွင်း မြန်မာသံရုံး၊ ဘန်ကောက်မြို့ (သို့မဟုတ်) မြန်မာကောင်စစ်ဝန်ချုပ်ရုံး၊ ချင်းမိုင်မြို့တို့တွင် အောက်ပါပုံစံများ ဖြည့်စွက်၍ မိဘ (သို့မဟုတ်) အုပ်ထိန်းသူကိုယ်တိုင်လာရောက်၍ မှတ်ပုံတင် နိုင်ကြောင်း၊‌ေလျှာက်ထားရာတွင်ကလေးမွေးဖွားကြောင်း မွေးစာရင်းမိတ္တူ (အင်္ဂလိပ်ဘာသာပြန်) နှင့်အတူ မွေးဖွားသည့်နေ့မှစ၍ တစ်နှစ်အတွင်း မိဘ (သို့မဟုတ်) အုပ်ထိန်းသူက မြန်မာသံရုံး၊ ဘန်ကောက်မြို့  (သို့မဟုတ်) မြန်မာကောင်စစ်ဝန်ချုပ်ရုံး၊ ချင်းမိုင်မြို့သို့ လာရောက်၍ နိုင်ငံတော်ပြင်ပတွင် ကလေးမွေးဖွားခြင်းမှတ်တမ်း (ပုံစံ နိုင်-၈) ပူးတွဲ(က)ပါအား ဖြည့်စွက်၍ လာရောက်မှတ်ပုံတင်နိုင်ကြောင်း၊

▪️ ယင်းသို့မှတ်ပုံတင်ရာတွင် မိဘနှစ်ပါး၏ မြန်မာနိုင်ငံကူးလက်မှတ်မိတ္တူ၊ နိုင်ငံသားစိစစ်ရေးကတ်ပြားမိတ္တူ၊ မိဘနှစ်ပါး၏ လျှောက်လွှာနှင့် ဝန်ခံကတိပြုချက်မိတ္တူတို့ကို ပူးတွဲတင်ပြရမည်။ ကောင်စစ်အရာရှိများမှ လုပ်ထုံးလုပ်နည်းနှင့်အညီ စိစစ်၍ သက်ဆိုင်ရာဝန်ကြီးဌာနသို့ တင်ပြအတည်ပြုချက်ရယူခြင်း၊ နိုင်ငံတော် ပြင်ပတွင် မွေးဖွားသော နိုင်ငံသားအတွက် မွေးဖွားကြောင်း မှတ်ပုံတင်ခြင်း၊ မိဘ၏ နိုင်ငံသားလက်မှတ်တွင် အမည်ထည့်သွင်းခြင်းတို့ကို ဆက်လက်ဆောင်ရွက်သွားမည်ဖြစ်‌ကြောင်း သိရသည်။

▪️ ထို့အပြင်မြန်မာနိုင်ငံသားမိဘ(၂)ပါးမှ ထိုင်းနိုင်ငံတွင် မွေးဖွားသည့် ကလေးများအတွက် မွေးဖွားခြင်းမှတ်ပုံတင်ပြီးပါက ထိုင်းနိုင်ငံတွင် ဆက်လက်နေထိုင်ရန်လိုအပ်ပါကစာရွက်စာတမ်းများ ပူးတွဲ(ခ)နှင့်အတူ မြန်မာနိုင်ငံကူးလက်မှတ် (မွေးတိုး) အား မြန်မာသံရုံး၊ ဘန်ကောက်မြို့နှင့် မြန်မာကောင်စစ်ဝန်ချုပ်ရုံး ချင်းမိုင်မြို့တို့၌ လျှောက်ထားနိုင်ကြောင်း သိရသည်။

#YMG/SW#Yangon_Times