#Local_News
Published 11 October 2024

▪️ ရန်ကုန်-မန္တလေးအမြန်လမ်း၌ ယနေ့ မနက်ပိုင်း၌ အဝေးပြေးယာဉ်တစ်စီးတိမ်းမှောက်ခဲ့ရာ ထိခိုက်ဒဏ်ရာရရှိသူများအား ဆေးရုံပို့ပေးခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ ၁၁ ရက်နေ့၊ မနက်၄နာရီ ခွဲ အချိန်ခန့်က ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၂၃၄/၅)နှင့်(၂၃၄/၆)ကြားတွင် ယာဉ်တိမ်းမှောက်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ဘုရားတောင်အမြန်လမ်းနယ်မြေမီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ကြောင်း သိရသည်။

▪️ ထို့နောက် ယင်းဖြစ်စဉ်ကြောင့် ယာဉ်ပေါ်ပါ ကျား(၁၁)ဦး၊ မ(၁၄)ဦး၊ စုစုပေါင်း(၂၅)ဦးအနက် ယာဉ်ပေါ်ပါ ကျား(၄)ဦး ထိခိုက်ဒဏ်ရာ (မစိုးရိမ်ရ)၊ မ(၁)ဦး ထိခိုက်ဒဏ်ရာ (မစိုးရိမ်ရ)တို့အား ဘုရားတောင်အမြန်လမ်းမကြီးရဲစခန်းပိုင် သူနာတင်ယာဉ်ဖြင့် နေပြည်တော် ကုတင်(၁၀၀၀)ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#Local_News
Published 11 October 2024

▪️ ကလေးရရှိရန် ခက်ခဲသောစုံတွဲများအတွက် အခုနှစ်အတွင်းဗဟိုအမျိုးသမီးဆေးရုံကြီး(မန္တလေး) တွင် LEVEL-2 FERTILITY CLINIC ဖွင့်လှစ်ထားကြောင်း ကျန်းမာရေးဝန်ကြီးဌာနမှ သိရသည်။

▪️ အဆိုပါ LEVEL-2 FERTILITY CLINIC ကို ၂၀၂၄ခုနှစ် စက်တင်ဘာလ (၄)ရက်မှစတင်၍ ဖွင့်လှစ်ခဲ့ခြင်းဖြစ်ပြီး စက်တင်ဘာ (၂၇)ရက်အထိ စုစုပေါင်းလူနာ (၁၃) ဦး ကြည့်ရှုခဲ့ပြီး ဖြစ်သည်ဟု ဆိုသည်။ 

▪️ အဆိုပါ LEVEL-2 FERTILITY CLINIC ကို ပါမောက္ခ၊ဌာနမှူး (သားဖွားမီးယပ်)မှ ကြီးကြပ်၍ အထူးကုဆရာဝန် (မီးယပ်မှန်ပြောင်းကြည့်)နှင့် လက်ထောက်ဆရာဝန် (သားဖွားမီးယပ်)တို့နှင့်အတူ တာဝန်ကျလက်ထောက်ဆရာဝန် (သားဖွားမီးယပ်)များမှ ကလေးရရှိရန် ခက်ခဲသော စုံတွဲများအား အပတ်စဉ် ဗုဒ္ဓဟူးနေ့တိုင်း ကြည့်ရှုပေးလျက်ရှိကြောင်းလည်း သိရသည်။

#YMG/tthl #Yangon_Times

#Local_News
Published 11 October 2024

▪️ မန္တလေးမြို့တွင်ယနေ့ မနက် ၁၁နာရီ၁၁ မိနစ် ဝန်းကျင် အချိန်၌ ပြင်းအား 4.6 Mag ရှိ ငလျင် လှူပ်ခတ်မှုရှိခဲ့ ကြောင်းမြန်မာနိုင်ငံ လူမှုကယ်ဆယ်ရေးအဖွဲ့  - မန္တလေးတိုင်းဒေသကြီး ကော်မတီမှ သိရသည်။

▪️"မန္တလေးမှာ ငလျင်လှုပ်သွားတာဟုတ်ပါတယ်၊ သိပ်ဆိုးဆိုးရွားရွားကြီးတော့မဟုတ်ပါဘူး၊ တစ်ချို့ဆိုလှုပ်တာတောင် မသိလိုက်ဘူး၊ လူအသေအပျောက်မရှိ နိုင်ပါဘူး၊ စစ်ကိုင်းလည်းပါတယ်လို့တစ်ချို့‌ပြောပါတယ်၊ ကျွန်တော်တို့ ဆက်လက်အတည်ပြုနေပါတယ်"ဟု မြန်မာနိုင်ငံလူမှုကယ်ဆယ်ရေးအဖွဲ့  -မန္တလေးတိုင်းဒေသကြီး ကော်မတီမှ တာဝန်ရှိသူတစ်ဦးက ရန်ကုန်မီဒီယာဂရုကိုအတည်ပြုပြောကြားသည်။

▪️ ထို့အပြင်  မိမိတို့ပတ်ဝန်းကျင်တွင် ထူးခြားမှုဖြစ်စဉ်များ ရှိခဲ့ပါက မြန်မာနိုင်ငံ လူမှုကယ်ဆယ်ရေးအဖွဲ့  - မန္တလေးတိုင်းဒေသကြီး ကော်မတီသို့ ဆက်သွယ် အကူညီတောင်းခံနိုင်ကြောင်း သိရသည်။

▪️ ကမ္ဘာပြတ်ရွေ့ရပ်ဝန်းများတစ်နေရာ ၄၈ နာရီကျော်ဝန်းကျင် အင်အားပြင်းမြေငလျင် မဂ္ဂနီကျု ၆.၅ နှင့်အထက် အထူးသတိပြုရန်မြေငလျင်သတင်းများစင်တာ မှ အောက်တိုဘာလ ၁၀ ရက် နေ့ကလည်း သတိပေးထားသည်။

▪️ ထို့အပြင် ယင်းနေ့မနက် ၇နာရီ ၄၀မိနစ် အချိန်က မြန်မာနိုင်ငံပြင်ပ၊ ရန်ကုန်တိုင်းဒေသကြီးမှတောင်ဘက်ပိုင်း၊ ရန်ကုန်မြို့မှအ‌နောက်တောင်ဘက် ၃၄၀ မိုင်ခန့်အကွာ၊ ဖျာပုံမြို့မှအနောက်တောင်ဘက်ပိုင်း ၂၈၇ မိုင် ခန့်ဝေးသည့် မြန်မာ့ပင်လယ်ကမ်းရိုးတန်းအလွန် အက်ဒမန်ပင်လယ်ကြမ်းပြင်အောက်အနက် ၅၀ မိုင်ကိုဗဟိုပြုကာ မဂ္ဂနီကျု  ၄.၂ အဆင့် မြေငလျင်ငယ် ထပ်မံလှုပ်ရှားသွားခဲ့ ကြောင်း သိရသည်။

#YMG/NN #Yangon_Times

#World_Science
Published 11 October 2024

▪️ လူနာများ ရောဂါလက္ခဏာ မပေါ်ခင်မှာပဲ အဖြစ်အများဆုံး ကင်ဆာ ၁၂ မျိုးကို တွေ့ရှိနိုင်မယ့် သွေးစစ်ဆေးနည်းတစ်မျိုးကို ဗြိတိန်ပြည်ထောင်စုအစိုးရက ချပြသွားဖွယ် ရှိပါတယ်။

▪️ ကင်ဆာရောဂါကနေ အသက်ရှင်ကျန်နေတဲ့ ကျန်းမာရေးမှူးချုပ် ဝက်စ်စထရိတင်းက ၅ နှစ်အတွင်း အစိုးရထောက်ပံ့ စွယ်စုံသွေးစစ်ဆေးနည်းကို ချပြသွားမှာ ဖြစ်ပါတယ်။

▪️ ဒီကုသနည်းက PCR စစ်ဆေးနည်းတစ်မျိုးဖြစ်ပြီး နှစ်စဉ်အသက်ပေါင်းများစွာကို ကယ်တင်နိုင်ခဲ့ပြီး အသက်ရှင်နှုန်း များစေပါတယ်။

▪️ ဇွန်လက သွေးစစ်ဆေးနည်းတစ်ခုကို ဆရာဝန်များ အသိအမှတ်ပြုပြီးနောက် အခုလို ထုတ်လုပ်လာတာ ဖြစ်ပါတယ်။

▪️ ထိုစစ်ဆေးနည်းမှာ သွေးစက်အနည်းငယ် အသုံးပြုရုံဖြင့် အဆုတ်၊ ရင်သား၊ ဆီးအိမ်ကင်ဆာများ ဖြစ်နိုင်လားဆိုတာ သိရှိနိုင်ပြီး အရင်ကလို စစ်ဆေးချက်တွေကို လပေါင်းများစွာ စောင့်ဆိုင်းစရာ မလိုတာကြောင့် ဒီနည်းလမ်းက ဆန်းသစ်ပြောင်းလဲမှု ဖြစ်လာလိမ့်မယ်လို့ စထရိတင်းက ပြောပါတယ်။

▪️ ဒီစစ်ဆေးနည်းက ၁၅၇ ဒေါ်လာခန့် ကုန်ကျနိုင်ကာ အဖြစ်အများဆုံး ကင်ဆာများဖြစ်တဲ့ အဆုတ်၊ ရင်သား၊ ဆီးကျိတ်၊ ပန်ကရိယ၊ အူမကြီး၊ သားအိမ်ခေါင်း၊ အသည်း၊ ဦးနှောက်၊ အစာရေမျို၊ ဆီးအိမ်၊ အရိုး၊ တစ်ရှူးနဲ့ အစာအိမ်ကင်ဆာတို့ကို စစ်ဆေးပေးမှာ ဖြစ်ပါတယ်။

▪️ ယူကေအစိုးရက ဒီစီမံကိန်းအတွက် ဒေါ်လာ ၃.၂၈ သန်းထောက်ပံ့ပေးထားပါတယ်။

▪️ သိပ္ပံပညာရှင်များက ဒီအစီအစဉ်အတွက် Xgenera ကုမ္ပဏီတည်ထောင်ကာ လူသန်းပေါင်းများစွာကို ကယ်တင်နိုင်မယ်လို့ ဆိုထားပါတယ်။

▪️ နှစ်စဉ်နှစ်တိုင်း ဆီးကျိတ်၊ ရင်သား၊ အစာအိမ်၊ အဆုတ်ကင်ဆာများ ဖြစ်ပွားသူပေါင်း ၃၂၀၀၀၀ ကျော် ရှိနေပါတယ်။

▪️ ကပ်ရောဂါ ပထမနှစ်အတွင်း ကင်ဆာရောဂါ ရှိမှန်းမသိခဲ့သူ ၄ သောင်းနီးပါး ရှိတယ်လို့ ကျွမ်းကျင်သူများ ဆိုပါတယ်။

▪️ အခုအချိန်မှာ ဆေးစစ်ချက်များက ကင်ဆာအစောပိုင်းအဆင့်တွေကို ရှာဖွေဖို့ အထိရောက်ဆုံး နည်းလမ်းတွေထဲ ပါဝင်ပါတယ်။

#Source: WION

#World_Health
Published 11 October 2024

▪️ ဆေးယဉ်ပါး အမျိုးအစားများ အပါအဝင် တီဘီဖြစ်စေတဲ့ ဘက်တီးရီးယားတွေကို ချေဖျက်နိုင်မယ့် ဒြပ်ပေါင်းတစ်ခုကို လေ့လာတွေ့ရှိထားပါတယ်။

▪️ ယခုဒြပ်ပေါင်းအသစ်ဟာ တီဘီနဲ့ ရောဂါဖြစ်စေရတဲ့ မိုင်ကိုဘက်တီးရီးယမ် ကျူဘာကူလိုဆစ်ကို နိုင်နင်းတယ်လို့ အသေအချာ တွေ့ရှိထားပါတယ်။

▪️ ဒီလေ့လာချက်ကို မက်တယ်ရီယာမက်ဒီကာ ရှန်ဟိုင်းတက္ကသိုလ်နဲ့ ကနေဒါ မက်ဂီးလ်တက္ကသိုလ်တို့မှ သုတေသီများ ပူးပေါင်းဆောင်ရွက်တာ ဖြစ်ပါတယ်။

▪️ လက်ရှိ တီဘီဆေးတွေက ခေတ်နောက်ကျနေကာ ဆေးယဉ်ပါးပြဿနာလည်း ကြီးထွားနေတာကြောင့် ပိုမိုထိရောက်မှုရှိတဲ့ တီဘီကုသဆေးများ ထုတ်လုပ်ရန် လိုအပ်လာပါတယ်။

▪️ သုတေသနအဖွဲ့က ပိုးသတ်အာနိသင်ရှိတဲ့ သဘာဝဒြပ်ပေါင်းတွေကို ရှာဖွေနေခဲ့ပါတယ်။

▪️ ဆန်ဂွီနာရင်းဒြပ်ပေါင်းကို မြောက်အမေရိကပေါက်ရောက် ပန်းပင်တစ်ခုကနေ ရရှိပါတယ်။

▪️ ဆေးဘက်ဆိုင်ရာမှာ အသုံးပြုနိုင်ပေမယ့် သူ့ရဲ့အဆိပ်ကြောင့် လူသားတွေမှာ အသုံးမပြုကြပါဘူး။

▪️ ဒါကိုကာကွယ်ဖို့ သိပ္ပံပညာရှင်တွေက ဆေးဘက်ဆိုင်ရာ ဓာတုနည်းပညာများဖြင့် ပြုပြင်လိုက်ကာ ပိုမိုဘေးကင်းစိတ်ချရပြီး အာနိသင်ရှိတဲ့ BPD-9 ဒြပ်ပေါင်းကို ထုတ်လုပ်ခဲ့ကြပါတယ်။

▪️ တိရိစ္ဆာန်များနဲ့ စမ်းသပ်ရာမှာ BPD-9 က သာမန်ပဋိဇီဝဆေးတွေကို ယဉ်ပါးနေတဲ့ တီဘီဘက်တီးရီးယားမျိုးများကို အောင်မြင်စွာ သတ်နိုင်ခဲ့ပါတယ်။

▪️ BPD-9 က တိကျမှုရှိပြီး တီဘီလိုမျိုး အန္တရာယ်ပြု ဘက်တီးရီးယားတွေကိုပဲ ပစ်မှတ်ထားကာ အကျိုးပြုဘက်တီးရီးယားတွေကိုတော့ ဖယ်ချန်နိုင်ပါတယ်။

▪️ မိုင်ကိုဘက်တီးရီးယမ် အခြားမျိုးနွယ်များအပြင် တီဘီကြောင့်မဟုတ်တဲ့ အဆုတ်ရောဂါများကိုလည်း ထိရောက်စွာ ကုသနိုင်တယ်လို့ ဗြိတိသျှကိုလံဘီယာတက္ကသိုလ်မှ ဒေါက်တာ ဂျင်မ်စွန်းက ပြောပါတယ်။

#Source: India Today

ကမ္ဘာကျော် ကွန်ဖူးမင်းသားကြီး ဂျက်ကီချန်း ပါဝင်သရုပ်ဆောင်ထားတဲ့ Panda Plan အက်ရှင်ဟာသဇာတ်ကားကတော့ ပေကျင်းမှာ စနေနေ့က ဇာတ်ကားကြော်ငြာပွဲ ပြုလုပ်ခဲ့ပြီး ဂျက်ကီချန်းက ပန်ဒါတွေနဲ့ ဆက်စပ်မှုရှိပုံတွေကို ပြောပြသွားကာ ဒါရိုက်တာက ဇာတ်ကားနောက်ကွယ်က ဖန်တီးရိုက်ကူးခဲ့ပုံများကို ဆွေးနွေးသွားခဲ့ပါတယ်။
#World_Entertainment
Published 10 October 2024
#ဂျက်ကီချန်း #ကွန်ဖူးမင်းသားကြီး #ဖန်တီးရိုက်ကူးခဲ့ပုံများ
#YMG #Yangon_Times #Yangon_Media_Group

Published_10 Oct 2024
ပအိုဝ်းအမျိုးသားတို၏အေးချမ်းသာယာဖွံဖြိုးမှု၊ လုံခြုံမှုနှင့် ငြိမ်းချမ်းမှုတိုကိုရှေ့ရှုလျက် ပအိုဝ်းအမျိုးသားလွတ် မြောက်ရေးအဖွဲချုပ်၏ ဖွဲစည်းပုံအခြေခံဥပဒေများနှင့်အညီ အရေးပေါ်အခြေအနေတွင် ဦးဆောင်နာယ အနေ ဖြင့် ဥက္ကဋ္ဌ တာဝန်ယူ၍ ပအိုဝ်းအမျိုးသားလွတ်မြောက်ရေးအဖွဲချုပ် (PNLO)(NCA-S)ကို ပြန်လည်ဖွဲစည်း ဆောင်ရွက်ကာတစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)လမ်းစဉ်နှင့်အညီ ဆက် လက်လျှောက်လှမ်းသွားမည်ဖြစ်ကြောင်းပအိုဝ်းအမျိုးသားလွတ်မြောက်ရေးအဖွဲချုပ်(PNLO)က ထုတ်ပြန်လိုက် သည်။
ယမန်နေ့ အောက်တိုဘာလ ( ၉ )ရက်က ထုတ်ပြန်သည့်အဆိုပါထုတ်ပြန်ချက်တွင် လက်ရှိဥက္ကဋ္ဌသည် အဖွဲ ၏မူဝါဒလမ်းစဉ်များနှင့် သွေဖယ်လျက် (NCA)ကိုပစ်ပယ်ပြီး ပအိုဝ်းအမျိုးသားတို၏ အေးချမ်းသာယာ ဖွံဖြိုးမှုကို ထိခိုက်စေသော ဒေသတွင်းတိုက်ပွဲများဖော်ဆောင်လာသောကြောင့် ပအိုဝ်းအမျိုးသား ဒေသအများ စုတည် ငြိမ်အေးချမ်းမှု ပျက်ပြားခဲ့ရပြီး ဒေသခံများ၏ အသက်အိုးအိမ် စည်းစိမ်များလည်း ဆုံးရှုးခဲ့ရကြောင်း ဖော်ပြထား သည်။
ယင်းကြောင့် လက်တလောအခြေအနေအရ ဦးဆောင်အဖွဲကို ပြန်လည်ဖွဲစည်းရာတွင် ဥက္ကဌအဖြစ် ဗိုလ်မှူးကြီး ခွန်ဥက္ကာ၊ အထွေထွေအတွင်းရေးမှူးအဖြစ် ဗိုလ်မှူးခွန်မင်းသိန်း၊ တွဲဖက်အထွေထွေအတွင်းရေးမှူး အဖြစ် နန်း ယဉ်ယဉ်စိုးတို က တာဝန်ယူထားကြောင်း ထုတ်ပြန်ချက်တွင် ဖော်ပြထားသည်။
ပအိုဝ်းအမျိုးသားတို၏ အမျိုးသားတန်းတူရေးနှင့် လွတ်မြောက်မှုကိုအခြေခံ၍ ပအိုဝ်းအမျိုးသားခေါင်း ဆောင် ကြီးများက ၁၉၄၉ခုနှစ်တွင် ပအိုဝ်းအမျိုးသား လွတ်မြောက်ရေးအဖွဲ PNLOကို စတင်ဖော် ဆောင်ခဲ့ ကြကာ ၁၉၅၈ ခုနှစ်တွင် ဖြားဗွာဦးလှဖေ ဦးဆောင်၍ ဒီမိုကရေစီနှင့် လက်နက် လဲလှယ်ခဲ့ကြောင်းလည်း သိရသည်။
၁၉၇၆ခုနှစ်တွင် PNLO ကို PNO/PNA သို အမည်ပြောင်းခဲ့ပြီး ၁၉၉၁ ခုနှစ် ဧပြီလတွင် ဦးအောင်ခမ်းထီ ခေါင်း ဆောင်သော PNO/PNAသည် ဥပဒေဘောင်အတွင်းသို ဝင်ရောက်ခဲ့ကြောင်း၊ ၁၉၉၁ခုနှစ် အောင်တိုဘာလ တွင်ဗိုလ်မှူးကြီးခွန်ဥက္ကာ ဦးဆောင်၍ ပအိုဝ်းပြည်သူ့လွတ်မြောက်ရေးအဖွဲ (PPLO) ကိုဖွဲစည်းခဲ့ကြောင်း၊ ၂၀၀၉ ခုနှစ်တွင် PNLO အဖွဲအဖြစ်သို ပြန်လည်ဖွဲစည်းခဲ့ကြောင်းလည်း သိရသည်။
ဗိုလ်မှူးကြီးခွန်ဥက္ကာ ဦးဆောင်သော PNLO သည် ၂ဝ၁၅ ခုနှစ်၌ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသ ဘောတူ စာချုပ်(NCA) ကို ပါဝင်လက်မှတ်ရေးထိုးကာ တရားဝင်မှုရယူပြီး ပအိုဝ်းအမျိုးသားတို၏ တန်းတူရေး၊ ငြိမ်းချမ်းရေးနှင့် ဖွံဖြိုးရေးကို ဆက်လက်ဆောင်ရွက် ခဲ့ကြောင်း၊PNLOသည် ဗိုလ်မှူးကြီးခွန်ဥက္ကာက ဥက္ကဋ္ဌ အဖြစ် ဦးဆောင်မှုကို စတင်ခဲ့ပြီး ဒီမိုကရေစီ နည်းလမ်းတ ကျဖြင့် အလှည့်ကျ ဥက္ကဋ္ဌများကို ရွေးချယ်တင် မြှောက်ကာ ဗိုလ်မှူးကြီး ခွန်ဥက္ကာ မှ ဦးဆောင်နာယက အဖြစ်သာ မူဝါဒကို ထိန်းသိမ်းပေးခဲ့ခြင်းဖြစ်ကြောင်း ထုတ်ပြန်ချက်အရ သိရသည်။
Yangon_Times/PP

#Daily_News
Published 10 October 2024

၁။ နေ့ပူပြီး ညနေဘက်မိုးကြိုးပစ်ခြင်း၊ မိုးရွာခြင်း၊ လေပြင်းတိုက်ခြင်းများကြုံနိုင်

၂။ သီတင်းကျွတ်အထူးခရီးစဉ်များ MNA မှ ပျံသန်းပြေးဆွဲပေးမည်

၃။ ရေဘေးကြောင့် မိဘနှင့်အိုးအိမ်၊ စီးပွားဆုံးရှုံးရသော ကျောင်းသားများပညာဆက်သင်ရန် ကျပ်သိန်း(၃၉၀)လှူဒါန်း

၄။ ဂျက်ကီချန်းက ပန်ဒါတွေနှင့်ထိတွေ့ဆက်စပ်မှုများကို ပြောကြား... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နိုင်ငံတစ်ဝှမ်း၌ ရော်ဘာခြံလုပ်ငန်းများ ပြန်လည်စတင်တဲ့ရော်ဘာခြံဖွင့်ရာသီ စတင်နေပြီလို့ ရော်ဘာစိုက်ပျိုးရောင်းချသူတွေဆီက သိရပါတယ်။
#Local_News
Published 10 October 2024
#ရော်ဘာစိုက်ပျိုး #အစေးခြစ်လုပ်ငန်း
#YMG/NN #Yangon_Times

၁၀ အောက်တိုဘာ ၂၀၂၄

Tata ကုမ္ပဏီအုပ်စုကြီးကို ဆော့ဖ်ဝဲမှသည် ပြိုင်ကားအထိ ထုတ်ကုန်မျိုးစုံထုတ်လုပ်သော ပြန့်ကျဲ   နေသည့် နိုင်ငံတကာကုမ္ပဏီကြီးတစ်ခုအဖြစ် အသွင်ပြောင်းလဲခဲ့တဲ့  မစ္စတာ တာတာဟာ ဗုဒ္ဓဟူးနေ့က ကွယ်လွန်သွားပါတယ်။ ကွယ်လွန်ချိန်မှာ သူဟာ အသက် ၈၆နှစ်   ရှိပြီဖြစ်ပါတယ်။

အိန္ဒိယနိုင်ငံတော်အလံကို ရစ်ပတ်ထားတဲ့ သူ့ရဲ့ခေါင်းတလားကို ဂုဏ်ပြုတပ်ဖွဲ့က စစ်တီးဝိုင်းနှင့်အတူ ဂုဏ်ပြုခဲ့ပါတယ်။

မွမ်ဘိုင်းမြို့က ဝမ်းနည်းဖွယ်နေ့အဖြစ် ကြေညာခဲ့ပြီး သူ့ရဲ့ အသုဘအခမ်းအနားကို ကြာသပတေးနေ့ မွန်းလွဲပိုင်းမှာ ပြုလုပ်မှာဖြစ်ပါတယ်။

“ အိန္ဒိယစက်မှုလုပ်ငန်း၏ အထင်ကရကြီး” လို့ ဟိန္ဒူသတင်းစာက မျက်နှာဖုံးသတင်းကနေ သူ့ကို ရည်ညွှန်းခဲ့ပြီး “ အိန္ဒိယသည် နိုင်ငံ့အဆောင်အယောင်ကို ဆုံးရှုံးခဲ့ရပြီ” လို့လည်း ဟိန္ဒူစတန်တိုင်းမ်စ် သတင်းစာကရေးသားပါတယ်။

အာရှရဲ့ အချမ်းသာဆုံးသူဋ္ဌေးကြီး မူကက်ရှ်အမ်ဘာနီကလည်း “ ကြီးမားတဲ့ဆုံးရှုံးမှု။ တာတာ အုပ်စု အတွက်သာမက အိန္ဒိယနိုင်ငံသားတစ်ဦးချင်းအတွက်လည်းဆုံးရှုံးမှုကြီး” လို့ ဝမ်းနည်းစကားဆိုပါတယ်။

တာတာဟာ ၁၉၃၇ခုနှစ်မှာ မွမ်ဘိုင်းမှာ မွေးဖွားခဲ့ပါတယ်။ သူက နယူးယောက်ရဲ့ ကော်နယ်လ် တက္ကသိုလ်မှဘွဲ့ရပြီးနောက် သူ့ဘဝကို ဗိသုကာတစ်ဦးအဖြစ်နှင့် နေထိုင်ဖို့ရည်ရွယ်ခဲ့ပါတယ်။ ဒါပေမယ့်  သူ အိန္ဒိယကို ၁၉၆၂ခုနှစ်မှာ ပြန်ရောက်တဲ့အခါ သူ့အဖွားက သူ့ကို မိသားစုစီးပွားရေးလုပ်ငန်းထဲ ဝင် လုပ်ဖို့ တောင်းပန်ခဲ့ပါတယ်။ အဲဒါကြောင့်သူဟာ စက်ရုံအောက်ခြေအလုပ်သမားအဖြစ် အလုပ်စလုပ်ခဲ့ပြီး အလုပ်သင်ဘဝနှင့် စက်ရုံရဲ့ ဘော်ဒါဆောင်မှာ အိပ်စက်ခဲ့ပါတယ်။

သူဟာ ၁၉၉၁ခုနှစ်မှာ မိသားစုရဲ့စီးပွားရေးအင်ပါယာကြီးကို လွှဲယူခဲ့ပါတယ်။ အဲဒီနောက် ချက်ခြင်း ဆိုသလိုပဲ လွတ်လပ်တဲ့ဈေးကွက်ပြုပြင်ပြောင်းလဲမှုကြီးကို လုပ်ဆောင်ခဲ့ပါတော့တယ်။

တာတာရဲ့ ၂၁နှစ်ကြာ စီမံခန့်ခွဲမှုကြောင့် တာတာအုပ်စုကြီးဟာ ဆားမှသည် သံမဏိအထိ ထုတ်လုပ်တဲ့ ကမ္ဘာအထိခြေဆန့်တဲ့ ကုမ္ပဏီကြီးဖြစ်လာခဲ့ပါတယ်။

တာတာအုပ်စုဟာ နိုင်ငံပေါင်း ၁၀၀ကျော်မှာ ကုမ္ပဏီပေါင်း ၃၀ကျော်နှင့် လုပ်ငန်းလည်ပတ်နေ  တာဖြစ်ပါတယ်။

ဒါပေမယ့် မစ္စတာတာတာဟာ ပပလွှားလွှားနေတတ်သူမဟုတ်ဘဲ ရိုးရိုးကုပ်ကုပ်နေသူဖြစ်ပါတယ်။ သူ့မှာ အရှိန်ဩဇာကြီးမားပေမယ့် သူဟာ ဘီလျံနာစာရင်းတွေထဲ တစ်ခါမှ မပါဖူးခဲ့ပါဘူး။

“တာတာဟာ အမြင်ကျယ်တဲ့ စီးပွားရေးခေါင်းဆောင်ဖြစ်တယ်။ ကြင်နာတဲ့နှလုံးသားရှိတဲ့ အာဂလူသား တစ်ဦးဖြစ်တယ်“လို့ အိန္ဒိယ ဝန်ကြီးချုပ် နာရင်ဒရာ မိုဒီကပြောပါတယ်။

မဟာရာရှာထရာပြည်နယ်ရဲ့ အစိုးရရုံးတွေမှာ ဝမ်းနည်းခြင်းအထိမ်းအမှတ် အလံတိုင်ဝက်လွှင့် ထူခဲ့ပြီး သူ့ကို နိုင်ငံတော်ဈာပနအဆင့် သင်္ဂြိုလ်မှာဖြစ်ပါတယ်။

သူ့ရဲ့ထင်ရှားလှတဲ့ အဆိုအမိန့်တွေထဲက အချို့ကတော့..

“  မှန်ကန်တဲ့ဆုံးဖြတ်ချက်ချတယ်ဆိုတာကို ကျွန်တောမယုံကြည်ဘူး။  ကျွန်တော်ဟာ ဆုံးဖြတ်ချက် ချတယ်။ ပြီးတော့မှ အဲဒါကို မှန်ကန်အောင်လုပ်တယ်”

“ ခေါင်းဆောင်မှုဆိုတာ တာဝန်ယူမှု တာဝန်ခံမှုဖြစ်တယ်။ ဆင်ခြေပေးဖို့မဟုတ်ဘူး”

“ အတော်ဆုံးခေါင်းဆောင်ဆိုတာ သူတို့ရဲ့ အနီးအနားမှာ သူတို့ထက် ပိုပြီးစမတ်ဖြစ်တဲ့ လက်ထောက်တွေ၊ တွဲဖက်တွေနှင့် ဝန်းရံဆောင်ရွက်ကြသူတွေဖြစ်တယ်”

Source : AFP/NDTV

ရေဘေးကြောင့် မိဘဆုံးရှုံးတာ၊ အိုးအိမ်ဆုံးရှုံးတာ၊ စီးပွားပျက်တွေရင်ဆိုင်ခဲ့ရတဲ့ ကျောင်းသား၊ ကျောင်းသူတွေအတွက် ခိုင်နှင်းဝေဖောင်ဒေးရှင်းမှ ကျပ်သိန်း(၃၉၀)လှူဒါန်းပေးခဲ့တယ်လို့ သိရပါတယ်။
#Local_News
Published 10 October 2024
#ခိုင်နှင်းဝေဖောင်ဒေးရှင်း #အိုးအိမ်ဆုံးရှုံး
#YMG/tthl #Yangon_Times

မြန်မာအမျိုးသားလေကြောင်းလိုင်း Myanmar National Airlines MNA မှသီတင်းကျွတ်အထူးခရီးစဉ်တွေကို လာမယ့်တနင်္ဂနွေနဲ့ တနင်္လာနေ့တွေမှာ ပြေးဆွဲပေးသွားမယ်လို့ သိရပါတယ်။
#Local_News
Published 10 October 2024
#သီတင်းကျွတ်အထူးခရီးစဉ် #MNAမှပျံသန်းပြေးဆွဲ
#YMG/NN #Yangon_Times