#Local_News
Published_ 12 October 2024

▪️ မြန်မာ့မီးရထားမှ သီတင်းကျွတ်ကာလအတွင်း ရန်ကုန်-ပြည်-ရန်ကုန်နှင့် ရန်ကုန်-မော်လမြိုင်- ရန်ကုန် ခရီးစဉ်များကို ပုံမှန်ရထားများအပြင် အထူးရထားများဖြင့် အောက်တိုဘာ ၁၅ ရက်နှင့် ၂၀ ရက်တို့တွင် တိုးချဲ့ပြေးဆွဲပေးသွားမှာဖြစ်ကြောင်း သိရပါတယ်။

▪️ သီတင်းကျွတ်ရုံးပိတ်ရက်ကာလ နယ်သို့ပြန်ကြမယ့် ခရီးသွားပြည်သူများနဲ့ ဌာနဆိုင်ရာဝန်ထမ်းများ အဆင်ပြေစွာခရီးသွားလာနိုင်ဖို့ မြန်မာ့မီးရထားက တိုးချဲ့ပြေးဆွဲပေးသွားမှာ ဖြစ်တယ်လို့ ဆိုပါတယ်။

▪️ အထူးရထားများအပြင် ခရီးသွားပြည်သူများ လိုက်ပါစီးနင်းမှု အပေါ်မူတည်၍ ရန်ကုန်-မန္တလေး-ရန်ကုန် ခရီးစဉ်အတွက် ပုံမှန်ပြေးဆွဲပေးနေတဲ့ရထားများတွင် ဝန်ချိန်ပြည့်တွဲဆိုင်းများ တိုးချဲ့ချိတ်ဆက် ပြေးဆွဲပေးသွားမယ်လို့လည်း သိရပါတယ်။

▪️ ခရီးသွားများအနေဖြင့် အထက်တန်းလက်မှတ်ကို သုံးရက်ကြိုတင်၍ လည်းကောင်း၊ ရိုးရိုးတန်းလက်မှတ်အား တစ်ရက်ကြိုတင်၍လည်းကောင်း ရောင်းချပေးသွားမှာဖြစ်ပြီး၊ ရထားလက်မှတ်ခနှင့် ရပ်တန့်မည့်ဘူတာများမှာ ပုံမှန်ပြေးဆွဲပေးတဲ့ ရထားများအတိုင်း ဖြစ်ပါတယ်။

#Ymg_mnn #Yangon_Media_Group

#World_Health
Published 13 October 2024

▪️ အမေရိကန် FDA မှ မကြာသေးမီက အသိအမှတ်ပြုလိုက်တဲ့ ဆေးပေါင်းစပ်မှုအသစ်ဟာ ယခင်ဆေးတွေထက် အဆုတ်ကင်ဆာအတွက် ၄၀ ရာခိုင်နှုန်းကျော် ပိုမိုထိရောက်မှုရှိကြောင်း ယန်ဆန်ဆေးကုမ္ပဏီကြီးမှ ထောက်ပံ့တဲ့ စမ်းသပ်မှုကြီးမှာ တွေ့ရှိခဲ့ကြပါတယ်။

▪️ အဆုတ်ကင်ဆာကြောင့် တစ်နှစ်ကို လူပေါင်း ၁.၈ သန်းခန့် သေဆုံးနေရပါတယ်။

▪️ အသက်ရှင်နှုန်း အလွန်နည်းပါးပြီး အထူးသဖြင့် ရောဂါနောက်ပိုင်းအဆင့်ရောက်တဲ့ လူနာတွေမှာ ပိုဆိုးပါတယ်။

▪️ ထိုအခြေအနေရောက်နေတဲ့ လူနာတွေကို အေမီဗန်တာမက်နဲ့ လေဇာတီနစ်တို့ကို ပေါင်းစပ်ပေးခဲ့ရာ ၂၃.၇ လကြာတဲ့တိုင်အောင် အသက်ဆက်ရှင်ခဲ့ပြီး ရောဂါဆက်လက် မဆိုးရွားလာခဲ့ပါဘူး။

▪️ သာမန်ကုသမှုဖြစ်တဲ့ အိုဆီမာတီနစ်နဲ့ ကုသတဲ့လူနာတွေကတော့ ပျမ်းမျှ ၁၆.၆ လသာ အသက်ရှင်ခဲ့ပါတယ်။

▪️ ယနေ့လို ကင်ဆာသုတေသန အလွန်ထွန်းကားတဲ့ခေတ်မှာ ပိုမိုကောင်းမွန်တဲ့ ကုသနည်းတွေ ထွက်ပေါ်လာတာလည်း ဖြစ်ပါတယ်။

▪️ ယခု ဆေးပေါင်းစပ်နည်းအသစ်က အိုဆီမာတီနစ်ထက် ကင်ဆာကို ပိုမိုကြာရှည်စွာ ထိန်းသိမ်းနိုင်တာ တွေ့ရတာ သိပ်ကောင်းပါတယ်လို့ ယူကေကောလိပ်ဆေးရုံတက္ကသိုလ်မှ စမ်းသပ်ရေးအကြီးအကဲ မာတင်ဖော်စတာက ပြောသွားပါတယ်။

▪️ အဆုတ်ကင်ဆာဖြစ်စေတဲ့ ဇီဝဖြစ်စဉ်အကြောင်း နားလည်လာခြင်းက ကုသနည်းတွေ ပေါ်ထွက်လာစေတယ်လို့ ရှင်းပြပါတယ်။

▪️ အဆုတ်ကင်ဆာလူနာတွေမှာ အခြားကင်ဆာတွေထက် အသက်ရှင်မှုနှုန်း အလွန်နည်းနေပြီး ဒီလိုစမ်းသပ်မှုရလဒ်မျိုး တွေ့ရတာဟာ တိုးတက်မှုတစ်ခုဖြစ်တယ်လို့ ကင်ဆာအတိုင်ပင်ခံ ရာဖေးလ်ကာလီဖာနိုက ပြောပါတယ်။

▪️ ကင်ဆာသုတေသန ထွန်းကားတဲ့ခေတ်မှာ ကင်ဆာအကြောင်း ပိုမိုသိရှိလာခြင်းဖြင့် လူနာတွေ အသက်ရှည်ရှည်ဖြင့် ကင်ဆာကင်းဝေးစွာ နေထိုင်ရမှာဖြစ်တယ်လို့ ယူကေကင်ဆာသုတေသနမှ အန်နာကင်ဆယ်လာက ပြောသွားပါတယ်။

#Source: New York Post

#World_News
Published 12 October 2024

▪️ မြေအောက်ပေ ၅၀ နီးပါးမှာ နှစ်ပေါင်း ၂ ဘီလီယံ သက်တမ်းကြာအောင် မြှုပ်နှံထားတဲ့ ကျောက်တုံးတစ်ခုကနေ သက်တမ်းအရင့်ဆုံး သက်ရှိအဏုဇီဝပိုးမွှားများကို သိပ္ပံပညာရှင်များ တွေ့ရှိခဲ့ကြပါတယ်။

▪️ တွေ့ရှိချက်များအရ အဆိုပါကျောက်တုံးကွဲကြောင်းထဲမှာ သက်တမ်းအရင့်ဆုံး သက်ရှိတွေ နေထိုင်ခဲ့ကြပါတယ်။

▪️ တောင်အာဖရိက ဘုရှ်ဗဲလ်အစ်ဂ်နီယပ်စ် ခြံဝင်းမြေအောက်ထဲက တူးဖော်ရရှိခဲ့တာဖြစ်ပြီး ယခင်စံချိန်တင် အဏုဇီဝပိုးမွှားထက် နှစ်ပေါင်း ၁.၉ ဘီလီယံ သက်တမ်းပိုရင့်ပါတယ်။

▪️ ကျွမ်းကျင်သူများက ထိုကနေ ကမ္ဘာမြေကြီးနဲ့ မားစ်ဂြိုဟ်မှာပါ သက်ရှိများ ဆင့်ကဲပြောင်းလဲခြင်း အစောပိုင်းအဆင့်တွေကို နားလည်နိုင်ရန် မျှော်လင့်နေကြပါတယ်။

▪️ နှစ်ပေါင်း ၂ ဘီလီယံသက်တမ်းရှိ ကျောက်တုံးတွေမှာ နေထိုင်ခဲ့ကြတယ်ဆိုတာကို မသိခဲ့ကြောင်း၊ အလွန်စိတ်လှုပ်ရှားစရာ တွေ့ရှိမှုဖြစ်ကြောင်း တိုကျိုသိပ္ပံတက္ကသိုလ်မှ တွဲဖက်ပရော်ဖက်ဆာ ယိုဟေးဆူဇူကီက ပြောပါတယ်။

▪️ အဏုဇီဝပိုးမွှားတွေက သူ့အရှိအတိုင်း အမှန်တကယ် သက်တမ်းရှည်နေတာလား၊ တူးဖော်ဆန်းစစ်ချိန်မှ တွေ့ရတာလားဆိုတာကိုတော့ အကဲဖြတ်ရဦးမှာပါ။
ရှာဖွေရေးနည်းလမ်း ၃ မျိုးကို ပေါင်းစပ်ပြီး လေ့လာခဲ့ကြပါတယ်။

▪️ ယင်းတို့နေထိုင်တဲ့ နေရာကြောင့် ကမ္ဘာပေါ်ရှိ အခြားသက်ရှိပုံစံတွေထက် အသက်ပိုရှည်ခဲ့တာ ဖြစ်တယ်လို့ သိပ္ပံပညာရှင်များ ဆိုပါတယ်။

▪️ ဘုရှ်ဗဲလ်အစ်နီယပ်စ်ခြံဝင်းကြီးဟာ ၄၁၀၀၀ စတုရန်းမိုင်ရှိပြီး သတ္တုရိုင်းများ ကြွယ်ဝရာနေရာ ဖြစ်ကာ ပလတ်တီနမ် တူးဖော်ရရှိသမျှအားလုံးရဲ့ ၇၀ ရာခိုင်နှုန်းခန့် ထွက်ရှိထားပါတယ်။

▪️ မီးတောင်ချော်ရည်များက ကမ္ဘာ့မျက်နှာပြင်အောက် နှစ်ဘီလီယံချီ ကြာလာတဲ့အခါ အေးခဲလာပြီး ၅.၆ မိုင်အထိ ထူထဲပါတယ်။

▪️ ထိုထဲက ကွဲကြောင်းတွေထဲမှာ အဏုဇီဝသက်ရှိများ ပေါက်ဖွားလာပြီး ရွှံ့စေးတွေက အပေါက်ဝတွေကို ပိတ်သွားကာ အထဲမှာ ပိတ်မိနေခဲ့ကြပါတယ်။

▪️ ဒါကြောင့် ထိုအဏုဇီဝပိုးမွှားတွေဟာ ပြောင်းလဲမှုမရှိဘဲနဲ့ ဆက်လက်ရှင်သန်ခဲ့ကြမယ်လို့ ယူဆထားပါတယ်။

#Source: WION

စစ်ပွဲဟူသည်အဆိုးရွားဆုံးနှင့် မလိုအပ်ဆုံးအရာဖြစ်သည်ဟု အကယ်ဒမီဆုရအစ္စရေးလ်ရုပ်ရှင်ဒါရိုက်တာပြော

စစ်ပွဲသံသရာကြီးဟာ အဆိုးရွားဆုံးနဲ့ အသုံးမဝင်ဆုံးအရာ ဖြစ်ကြောင်းကို အကယ်ဒမီဆုရ အစ္စရေးလ်ရုပ်ရှင်ဒါရိုက်တာအေရီဖိုလ်မန်က မီးမောင်းထိုးပြလိုက်ပြီး အထင်ရှားဆုံး အနေဖြင့် ဂါဇာကမ်းမြောင်က ပဋိပက္ခကြောင့် အထူးသဖြင့် ကလေးတွေ ဆင်းရဲဒုက္ခရောက်ပုံတွေကို လက်တွေ့ပြသသွားပါတယ်။
#World_Society
Published 11 October 2024
#စစ်ပွဲသံသရာ #ရုပ်ရှင်ဒါရိုက်တာအေရီဖိုလ်မန်
#YMG #Yangon_Times #Yangon_Media_Group

#Daily_News
Published 11 October 2024

၁။ သီတင်းကျွတ်ခရီးစဉ်အဖြစ်မွန်ပြည်နယ်၊ ကျိုက်ထီးရိုး၊ ကျိုက္ခမီကို သွားရောက်သူအများဆုံးဖြစ်လာ

၂။ ‌တပ်ကုန်းမြို့နယ်‌နေ ရေဘေးသင့်ပြည်သူများအတွက် (၃၅)သိန်းတန်နေအိမ်(၄၉)လုံးလှူမည်

၃။ စက်သုံးဆီအားလုံးဈေးတက်၊ 92တစ်လီတာ ကျပ်၃၀၀၀ကျော်ပြန်ဖြစ်လာ

၄။ စစ်ပွဲဟူသည်အဆိုးရွားဆုံးနှင့် မလိုအပ်ဆုံးအရာဖြစ်သည်ဟု အကယ်ဒမီဆုရအစ္စရေးလ်ရုပ်ရှင်ဒါရိုက်တာပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 11 October 2024

▪️ တနင်္သာရီတိုင်းဒေသကြီး၊ မြိတ်ခရိုင်ရှိ သန္တာကျွန်းဝိုင်းကြီးရေပြင်တွင် ဆီတင်လှေ မီးလောင်မှုတစ်ခုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အောက်တိုဘာ ၁၁ ရက်နေ့၊ နေ့လယ် ၂နာရီ၅၀မိနစ် အချိန်ခန့်က  တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်၊ ကန်းကြီးကျေးရွာအုပ်စု၊ သန္တာကျွန်းဝိုင်းကြီးရေပြင်တွင် ဆီတင်လှေ မီးလောင်ခဲ့ကြောင်း သိရသည် အဆိုပါ သတင်းရရှိသဖြင့် မြိတ်ခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ရာ ညနေ ၃နာရီခွဲ အချိန်တွင်  မီးငြိမ်းခဲ့ကြောင်း၊ မီးလောင်မှုဖြစ်စဉ်နှင့် ဆုံးရှုံးမှုတန်ဖိုး များအားဆက်လက်စုံစမ်းလျှက်ရှိကြောင်း သိရသည်။

#YMG/NN #Yangon_Times

ဂျပန်ဖိုက်တာတာခဲရု ပြိုင်ဖက် မြန်မာဖိုက်တာသန့်ဇင်ရဲ့ဆန္ဒအတိုင်း မြန်မာရေဘေးသင့်ပြည်သူတွေအတွက် လှူဒါန်းပေးဖို့ရှိတယ်လို့ သိရပါတယ်။
#Local_News
Published 11 October 2024
#ဂျပန်ဖိုက်တာတာခဲရု #မြန်မာဖိုက်တာသန့်ဇင်
#YMG/tthl #Yangon_Times

#World_News
Published 11 October 2024

▪️ ဟာရီကိန်းမုန်တိုင်း မီလ်တန်ကြောင့် ဖြစ်လာတဲ့ လေဆင်နှာမောင်းတစ်ခုဟာ ဖလော်ရီဒါ အရှေ့ကမ်းခြေ စိန့်လူစီကောင်တီရှိ နေအိမ်တစ်ခုကို ချဉ်းကပ်လာခဲ့ပါတယ်။

▪️ ထိုအိမ်မှာရှိနေတဲ့ ခရစ္စတယ်ကိုးလ်မန်းနဲ့ အသက် ၁၇ နှစ်အရွယ် သမီးဖြစ်သူတို့ဟာ ရေချိုးခန်းထဲ အပြေးအလွှား ပုန်းခဲ့ရပါတယ်။

▪️ ကြာသပတေးနေ့က မုန်တိုင်းကျော်ဖြတ်သွားပြီး နာရီအနည်းငယ်ကြာတော့ အတော်လေး ထိခိုက်ပျက်စီးထားတဲ့ သူမအိမ်အနီးမှာ ကိုးလ်မန်းရပ်နေပြီး "ခေါင်မိုးတွေ ကျွတ်ထွက်ကုန်ပြီး အိမ်အပြင်ဘက်ကို မြင်နေရပါတယ်။ အိမ်အပေါ်ဘက်မှာ လေဆင်နှာမောင်း ဝေ့နေသလို ခံစားရပါတယ်" လို့ ပြောသွားပါတယ်။

▪️ ကွဲနေတဲ့ ပြတင်းပေါက်တွေကနေ လိုက်ကာတွေ လွင့်ထွက်နေပြီး အရင်က ဒီလိုမျိုး မကြုံခဲ့ဖူးကြောင်း၊ သေတော့မလို ခံစားခဲ့ရကြောင်း၊ ရုပ်ရှင်ထဲ ရောက်နေသလိုဖြစ်ကြောင်း ပြောပါတယ်။

▪️ အတ္တလန္တိတ်ဟာရီကိန်းတွေထဲမှာ ပဉ္စမမြောက် အပြင်းထန်ဆုံး ဟာရီကိန်းမီလ်တန်ဟာ ဗုဒ္ဓဟူးနေ့ညနေက ဖလော်ရီဒါ အနောက်ကမ်းခြေသို့ ရောက်ခဲ့ပေမယ့် အပျက်အစီးတွေကတော့ အရှေ့ဘက်ကမ်းခြေ တလျှောက် မိုင် ၁၀၀ ကျော်အထိ ထိခိုက်ခဲ့ပါတယ်။

▪️ စိန့်လူစီကောင်တီမှာ လေဆင်နှာမောင်း တိုက်ခတ်မှုကြောင့် စပိန်ရေကန်နေရာများမှ လူ ၅ ဦးသေဆုံးကြောင်း ဒေသခံအရာရှိများ ဆိုပါတယ်။

▪️ ရှာဖွေရေးနဲ့ ကယ်ဆယ်ရေးအဖွဲ့များက လေဆင်နှာမောင်းဒဏ် ပြင်းထန်စွာ ခံစားရတဲ့ နေရာတွေကို ပိုက်စိပ်တိုက် ရှာဖွေနေကြပါတယ်။

▪️ ဟာရီကန်းချဉ်းကပ်လာစဉ် လေဆင်နှာမောင်းတွေ ဖြစ်ပေါ်တာ မဆန်းပေမယ့် မီလ်တန်မုန်တိုင်းရှေ့ပြေး လေဆင်နှာမောင်းထက်တော့ အားပျော့ပြီး သက်တမ်းတိုပါတယ်။

▪️ ဗုဒ္ဓဟူးနေ့ မီလ်တန်ရောက်ရှိချိန်မှာ ဖလော်ရီဒါအတွင်း လေဆင်နှာမောင်း ၁၉ ခု ဖြစ်ပေါ်ခဲ့တယ်လို့ အတည်ပြုခဲ့ပြီး ထိုနေ့တလျှောက် ၄၅ ခုခန့် ရှိခဲ့ပါတယ်။

▪️ စိန့်လူစီမှာ နေထိုင်တဲ့ အသက် ၅၇ နှစ်အရွယ် ကယ်လ်ဗင်လီဟာမီလ်တန်က ဘေးအန္တရာယ်အတွက် ကြိုတင်ပြင်ဆင်ထားခဲ့ပြီး ဟာရီကိန်းမလာခင် လေဆင်နှာမောင်း တိုက်ခတ်တာကြောင့် ဘေး ၂ ခုဖြစ်ပေါ်ရတယ်လို့ ပြောပါတယ်။

▪️ ကြာသပတေးနေ့ နံနက်ပိုင်းမှာ ဟာရီကိန်းမီလ်တန် ဗဟိုချက်က ကောင်တီကို ကျော်လွန်သွားပြီး အတ္တလန္တိတ်သမုဒ္ဒရာသို့ ထွက်ခွာသွားပါတယ်။

#Source: Reuters

မြန်မာနိုင်ငံတော်ဗဟိုဘဏ်က နိုင်ငံခြားငွေကြေးတွေ ဆက်တိုက်ထုတ်ရောင်းချပေးနေတယ်လို့ သိရပါတယ်။
#Local_News
Published 11 October 2024
#နိုင်ငံခြားငွေကြေး #ဗဟိုဘဏ်
#YMG/NN #Yangon_Times

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီရဲ့ ရန်ကုန် ဈေးကွက်အတွက် ဒီကနေ့ ထုတ်ပြန်ချက်အရ စက်သုံးဆီအမျိုးအစား အားလုံးဈေးမြင့်တက်လာပြီး 92တစ်လီတာကို ကျပ် ၃၀၀၀ကျော်ပြန်ဖြစ်လာတယ်လို့ သိရပါတယ်။
#Local_News
Published 11 October 2024
#စက်သုံးဆီဈေးတက် #သိုလှောင်ဖြန့်ဖြူးခြင်းလုပ်ငန်း
#YMG/NN #Yangon_Times

နေပြည်တော် တပ်ကုန်းမြို့နယ်မှ ရေဘေးသင့်ရွာ (၃) ရွာအတွက်ရေဘေးပြန်လည်ထူထောင်ရေးအဖြစ် သဘင်လောကသားတွေနဲ့အလှူရှင်‌တွေ စုပေါင်းပြီး ကျပ်(၃၅)သိန်းတန် နေအိမ်အလုံးရေ (၄၉)လုံးလှူဒါန်းဖို့ရှိတယ်လို့ သိရပါတယ်။
#Local_News
Published 11 October 2024
#ရေဘေးသင့်ပြည်သူ #(၃၅)သိန်းတန်နေအိမ်လှူ
#YMG/tthl #Yangon_Times

ဒီနှစ်သီတင်းကျွတ်မှာ သွားရောက်လည်ပတ်ဖို့ ဘိုကင်တင်ထားတဲ့ထဲမှာ ကျိုက်ထီးရိုးကိုသွားမယ့်သူ‌တွေ၊ မော်လမြိုင်ကျိုက္ခမီ၊ စက်စဲသွားမယ့်သူတွေ အများဆုံးဖြစ်နေတယ်လို့ သိရပါတယ်။
#Local_News
Published 11 October 2024
#ကျိုက်ထီးရိုး #ကျိုက္ခမီ
#YMG/tthl #Yangon_Times