ပြည်ပမှ စားသုံးဆီတွေတင်သွင်းနေရတာကြောင့် ဆီထွက်သီးနှံတွေ ပိုမိုစိုက်ပျိုးထုတ်လုပ်ပြီး စားသုံးဆီဖူလုံရေး ဆောင်ရွက်သွားမယ်လို့ သိရပါတယ်။
#Local_News
Published 21 December 2024
#ပြည်တွင်းစားသုံးဆီ #ဆီထွက်သီးနှံ
#YMG/SW #Yangon_Times

လာမည့်နှစ်မှာ သဘာဝဘေးကြုံတွေ့ပါက လှူဒါန်းရန် ဆန်တန်ချိန် ၃၅၀ဝ ကို စီစဉ်ထားတယ်လို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက သိရပါတယ်။
#Local_News
Published 21 December 2024
#စိုက်ပျိုးရေး #လှူဒါန်းရန်ဆန်
#YMG/SW #Yangon_Times

လာမယ့် ၂၀၂၅ ခုနှစ်မှာ မိုးဦးအကျစောနိုင်ပြီး လာနီညာဖြစ်နိုင်ခြေ ၅၀ ရာခိုင်နှုန်းကျော်သာရှိတယ်လို့ မိုးလေဝသစောင့်ကြည့်လေ့လာသူ ဦးဝင်းနိုင်က ခန့်မှန်းထားပါတယ်။
#Local_News
Published 21 December 2024
#လာနီညာဖြစ်နိုင်ခြေ #ဦးဝင်းနိုင်
#YMG/NN #Yangon_Times

အခုဘဏ္ဍာနှစ်အတွင်း မြန်မာ့ပြောင်းတန်ချိန် ၁၇ သိန်းကျော်ပြည်ပသို့တင်ပို့ထားတယ်လို့ မြန်မာနိုင်ငံပြောင်းလုပ်ငန်းအသင်းက သိရပါတယ်။
#Local_News
Published 21 December 2024
#မြန်မာ့ပြောင်း #ပြောင်းလုပ်ငန်းအသင်း
#YMG/NN #Yangon_Times

#Local_News
Published 21 December 2024

▪️ ဘေးထွက်ဆိုးကျိုးများရှိသည့်E-cigarette(Vape) ရောင်းချမှုကို တင်းကြပ်စွာတားမြစ်သွားမည်ဖြစ်ရာ Vapeရောင်းချသည့်ဆိုင်‌များကို စစ်ဆေးအရေးယူမှုများပြုလုပ်လျက်ရှိ‌ေကြာင်း မြို့နယ်ပြည်သူ့ကျန်းမာရေးဦးစီးဌာနမှ သိရသည်။

▪️ လက်ရှိတွင်  ပဲခူးတိုင်းဒေသကြီးအတွင်းမြို့နယ်များရှိ စတိုးဆိုင်‌များတွင်  E-cigarette(Vape) ရောင်းချမှုမရှိစေရေး ကွင်းဆင်းစစ်ဆေးလျက်ရှိပြီး သတိပေးခြင်းနှင့်အသိပညာပေးခြင်း‌များကို လုပ်ဆောင်နေ‌ကြောင်း၊ထိုသို့လုပ်‌ေဆာင်ရာတွင်  E-cigarette(Vape) ရောင်းချနေကြောင်းတွေ့ရှိရသည့်ဆိုင်များကို  နောက်နောင်မရောင်းချရန်ခံဝန်ရေးထိုးစေခဲ့ကြောင်း သိရသည်။

▪️ လူငယ်လူရွယ်များ၏ လည်တိုင်၌ချိတ်ဆွဲပြီး ဆေးလိပ်အစားထိုးဟုဆိုကာ ဓာတုအခိုးအငွေ့များကို ရှူရှိုက်မှုတ်ထုတ်သည့် စတိုင်ပုံစံဖြင့် သုံးစွဲနေသည့် E-cigarette(Vape)၏ဘေးထွက်ဆိုးကျိုးများကို ကျန်းမားရေးဝန်ကြီးဌာနမှ ထုတ်ပြန်ထားပြီးအီးစီးကရက်သောက်ခြင်းကြောင့် အဆုတ်၏ ပုံမှန်စွမ်းဆောင်ရည်‌များကို ကျဆင်းစေခြင်း၊ သွားနှင့်သွားဖုံးကိုထိခိုက်စေခြင်း၊ ရုတ်တရက်နှလုံးဖောက်ခြင်း၊ ရင်ဘတ်အောင့်ခြင်း၊ လေဖြတ်ခြင်းများဖြစ်ပွားနိုင်ကြောင်း သိရသည်။

#YMG/SW #Yangon_Times

#Local_News
Published 21 December 2024

▪️ အမျိုးသမီးများအတွက် စိုက်ပျိုးရေးနှင့်စီးပွားရေးလုပ်ငန်းများ မြှင့်တင်ပေးနို င်ရန်အတွက် စစ်တမ်းများကောက်ယူလျှက်ရှိကြောင်း SME Hub Asia Myanmar မှ သိရသည်။

▪️ အဆိုပါ စစ်တမ်းကို ဧရာဝတီတိုင်းမြစ်ဝကျွန်းပေါ်ဒေသတစ်လျှောက်တွ င် စိုက်ပျိုးရေးနှင့် စီးပွားရေးကဏ္ဍတွင် လုပ်ကိုင်နေသော အမျိုးသမီးများလည်း ပါဝင် ဖြေဆိုရန် ဖိတ်ခေါ်ထားကြောင်း၊ စစ်တမ်းရည်ရွယ်ချက်မှာ ဧရာဝတီတိုင်း အတွင်း အလုပ်လုပ်ကိုင် နေသူအမျိုးသမီးများ၊ လုပ်ငန်းရှင်အမျိုးသမီးများနှင့် စွန့်ဦးတီထွင်အ မျိုးသမီးများ ရင်ဆိုင်ကြုံတွေ့နေရသည့် အခြေအနေများနှင့် အခက်အခဲများကို ပိုမိုနားလည်စေရန် ထိုဒေသတွင်းနေထိုင်သူ အမျိုးသမီးများအ တွက်စိုက်ပျိုးရေးနှင့် စီးပွားရေးလုပ်ငန်းများကို ကူညီမြှင့်တင်ပေးနိုင်ရန်၊ပိုမိုထိရောက်ကောင်းမွန်သည့် အစီအစဉ်များကို ဖန်တီးနိုင်ရန် ကောက်ယူခြင်းဖြစ်ကြောင်း သိရသည်။

▪️ စစ်တမ်းကောက်ယူခြင်းကို Kenan Foundation - Mekong Inspiring Women Entrepreneurs (We Inspire) ၏ ပံ့ပိုးကူညီမှုဖြင့် SME Hub Asia Myanmar မှ စီစဉ်ဆောင်ရွက်ခြင်းဖြစ်ပြီး စစ်တမ်းဖြေဆိုသူများ ကို ဆုငွေလက်ဆောင်များ အနေဖြင့် (၁)သိန်းကျပ် (၃) ဆု၊ (၅)သောင်းကျပ် (၅) ဆု၊ (၃)သောင်းကျပ် (၁၀) ဆုတို့ကို စစ်တမ်းဖြေဆိုသူများထဲမှ မဲနှိုက်ရွေးချယ်ပေးအပ်သွားမည်ဖြစ်ကြောင်း၊ စစ်တမ်းကိုဖြေဆိုရန် SME Hub Asia Myanmar ၏ ဖေ့စ်ဘွတ်ခ်စာမျက်နှာတွင် ဖော်ပြထားသောလင့်ခမှတစ်ဆင့်ဝင်ရောက်ဖြေဆိုနိုင်ကြောင်း သိရသည်။

#YMG/SW #Yangon_Times

#World_News
Published 21 December 2024

▪️ သောကြာနေ့ ညနေခင်းက ဂျာမနီအလယ်ပိုင်းရှိ ခရစ္စမတ်ဈေးပွဲတော်တစ်ခုမှာ ကားတစ်စီးက လူအုပ်ကြီးထဲ ဝင်တိုက်သဖြင့် အနည်းဆုံး လူ ၂ဦးသေဆုံးပြီး ၆၀ ကျော်ဒဏ်ရာရရှိခဲ့ကာ ယာဉ်မောင်းကို ဖမ်းဆီးခဲ့တယ်လို့ အာဏာပိုင်များက ပြောပါတယ်။

▪️ ဘာလင်မြို့အနောက်ဘက် မိုင် ၉၀ ခန့်မှာရှိတဲ့ မက်ဂ်ဒီဘာ့ဂ်မြို့မှာ ဖြစ်ပွားခဲ့တာဖြစ်ပြီး သေဆုံးသူတစ်ဦးက ကလေးငယ်ဖြစ်နေတယ်လို့ ဆက်ဆိုနီ-အန်ဟော့ပြည်နယ် ဝန်ကြီးချုပ် ရိန်နာဟက်ဆယ်လော့ဖ်က ပြောပါတယ်။

▪️ ဒါဟာ မက်ဂ်ဒီဘာ့ဂ်အတွက်ရော၊ ပြည်နယ်အတွက်ရော၊ ဂျာမနီအတွက်ပါ ဖြစ်ရပ်ဆိုးကြီးတစ်ခု ဖြစ်တယ်လို့ ပြောသွားကာ ဒဏ်ရာရသူအချို့ရဲ့ ပြင်းထန်မှုအရ သေဆုံးသူအရေအတွက် ထပ်မံတိုးလာနိုင်တယ်လို့ သိရပါတယ်။

▪️ ယာဉ်မောင်းဖြစ်သူဟာ အသက် ၅၀ အရွယ် အမျိုးသားဆရာဝန်ဖြစ်ပြီး ဆော်ဒီအာရေဗျကနေ ဂျာမနီမှာ နိုင်ငံသားခံယူကာ ဆယ်စုနှစ် ၂ ခုလောက် နေထိုင်လာသူ ဖြစ်ပါတယ်။

▪️ ယခုအခြေအနေတွေအရ တစ်ဦးတည်း ကျူးလွန်သူဖြစ်နေပြီး ဖမ်းဆီးထားပြီဖြစ်တဲ့အတွက် အန္တရာယ်ထပ်မဖြစ်နိုင်တော့ဘူးလို့ ပြောသွားပါတယ်။

▪️ ဝင်တိုက်ရတဲ့ ရည်ရွယ်ချက်ကို မသိရသေးဘဲ ဂျာမနီအာဏာပိုင်တွေ သိသလောက်တော့ တရားခံဟာ အစ္စလာမ်အဖွဲ့ဝင် မဟုတ်ဘူးလို့ ဒေသတွင်းရုပ်သံဌာန MDRက ဖော်ပြပါတယ်။

▪️ ဆော်ဒီက တရားခံအကြောင်း ဂျာမနီအာဏာပိုင်များကို သတိပေးခဲ့ကာ သူ့ရဲ့ Xဆိုရှယ်မီဒီယာ အကောင့်မှာ အစွန်းရောက်အမြင်တွေ တင်ထားတယ်လို့ သတင်းရင်းမြစ်တစ်ခုက ဆိုပါတယ်။

▪️ ဆော်ဒီအာရေဗျ နိုင်ငံခြားရေးဝန်ကြီးဌာနက ဒီတိုက်ခိုက်မှု ရှုတ်ချလိုက်ပါတယ်။

▪️ အခင်းဖြစ်ပွားရာနေရာမှာ ပေါက်ကွဲရေးပစ္စည်းများ ရှိနိုင်မလားဆိုပြီး ရဲတွေက ရှင်းလင်းရှာဖွေခဲ့ပေမယ့် မတွေ့ရှိရပါဘူး။

▪️ တရားခံနေထိုင်ဖွယ်ရှိတယ်လို့ ယူဆရတဲ့ ဘန်းဘာ့ဂ်မြို့မှာ ရဲတွေစုံစမ်းစစ်ဆေးနေကြပါတယ်။

▪️ ဂျာမနီနိုင်ငံ့အကြီးအကဲ အိုလက်ဖ်ရှော့ဇ်က ထိခိုက်သူများနဲ့ ဆုံးရှုံးသွားရတဲ့ မိသားစုဝင်များအတွက် ပူဆွေးဝမ်းနည်းမိကြောင်း Xဆိုရှယ်မီဒီယာမှာ ဖော်ပြခဲ့ကာ စနေနေ့မှာ ထိုနေရာသို့ သွားရောက်ဖွယ်ရှိပါတယ်။

▪️ ပြည်ထဲရေးဝန်ကြီး နန်စီဖေဆာက ခရစ္စမတ်ဈေးပွဲတော်တွေဟာ အစွန်းရောက်တိုက်ခိုက်မှု ပစ်မှတ်တွေ ဖြစ်လာနိုင်တဲ့အတွက် အထူးသတိထားကြဖို့ ပြီးခဲ့တဲ့လက အကြံပြုခဲ့ပါသေးတယ်။

#Source: Reuters

#Local_News
Published 21 December 2024

▪️ ရန်ကုန်-မန္တလေးအမြန်လမ်းမ၌ အိမ်ကားတစ်စီးသစ်ပင်ဝင်တိုက်ပြီး တစ်ဦးဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဒီဇင်ဘာ ၂၁ရက်နေ့ ၊ မနက်၇နာရီ ၄၅ မိနစ်အချိန်ခန့် က  ရန်ကုန်-မန္တလေးအမြန်လမ်းမကြီး၊  မိုင်တိုင်အမှတ် (၇၃/၂) နှင့် (၇၃/၃) အကြားတွင် ယာဉ်(၁)စီး ဘီးပေါက်၍ အရှိန်မထိန်းနိုင်ဘဲ သစ်ပင်အား တိုက်မိမှုဖြစ်ပွား ခဲ့ကြောင်းသိရသည်။

▪️ အဆိုပါ  သတင်းရရှိသဖြင့် ဥသျှစ်ကုန်းအမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် သွားရောက်ကူညီဆောင်ရွက်ခဲ့ကြောင်း၊ ယင်းဖြစ်စဉ်ကြောင့် ယာဉ်ပေါ်ပါမ(၁)ဦး ထိခိုက်ဒဏ်ရာ(မစိုးရိမ်ရ)အား မြို့ချောင်းတိုက်နယ်ဆေးရုံသို့ ကူညီပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#World_Science
Published 21 December 2024

▪️ ကမ္ဘာမြေကြီးရဲ့ ၄ ပုံ ၃ ပုံလောက်ဟာ ပြီးခဲ့တဲ့ ဆယ်စုနှစ် ၃ ခုအတွင်း အမြဲခြောက်သွေ့လာတယ်လို့ ကန္တာရဖြစ်လာမှု တိုက်ဖျက်ရေးဆိုင်ရာ ကုလသမဂ္ဂကွန်ဗန်းရှင်း (UNCCD)မှ သုတေသနပြုထားတာကို ဒီဇင်ဘာ ၉ ရက်နေ့မှာ ဖော်ပြလိုက်ပါတယ်။

▪️ ယခုဆိုရင် အန္တာတိကဖယ်လိုက်ရင် ကမ္ဘာ့မြေရဲ့ ၄၀ ရာခိုင်နှုန်းလောက်ဟာ ခြောက်သွေ့မြေ ဖြစ်လာပြီး ထိုနေရာတွေဟာ စိုစွတ်ဒေသတွေကနေ ခြောက်သွေ့ဒေသများအဖြစ် ပြောင်းလဲလာကာ စိုက်ပျိုးလို့ မရတော့ပါဘူး။

▪️ ခြောက်သွေ့မြေတွေဟာ မိုးကျရေအများစု အငွေ့ပျံဆုံးရှုံးသွားရတဲ့ နေရာတွေဖြစ်ပြီး စိုက်ပျိုးရေးပြုလုပ်နိုင်မယ့်နေရာ ၁၀ ရာခိုင်နှုန်းလောက်သာ ကျန်ပါတော့တယ်။

▪️ အာဖရိကမှာ ၁၉၉၀ မှ ၂၀၁၅ ခုနှစ်ကြား ခြောက်သွေ့ဒေသ များပြားလာခြင်းကြောင့် GDP ၁၂ ရာခိုင်နှုန်း ဆုံးရှုံးလာရကာ ပြောင်းပင်လိုမျိုး သီးနှံတွေအဓိက ထိခိုက်ခဲ့ပြီး ၂၀၅၀ ခုနှစ်အရောက်မှာ ကင်ညာနိုင်ငံမှာ ကောက်ပဲသီးနှံထွက်နှုန်း ထက်ဝက်ကျဆင်းသွားမယ်လို့ ခန့်မှန်းရပါတယ်။

▪️ လာမယ့် ဆယ်စုနှစ်ဝက်အတွင်း အာဖရိကမှာ GDP ၁၆ ရာခိုင်နှုန်းနဲ့ အာရှမှာ ၇ ရာခိုင်နှုန်း လျော့ကျလာဖွယ်ရှိတယ်လို့ ခန့်မှန်းရပါတယ်။

▪️ မိုးခေါင်ခြင်းလိုမျိုးက ယာယီသာဖြစ်ပေမယ့် ခြောက်သွေ့ခြင်းကတော့ အမြဲသက်ရောက်နေမှာ ဖြစ်တယ်လို့ UNCCD အမှုဆောင်အတွင်းရေးမှူး အီဘရာဟင်သီရောက ပြောပါတယ်။

▪️ ကမ္ဘာကြီးမှာ ဖန်လုံအိမ်ဓာတ်ငွေ့ ထုတ်လွှတ်မှုများ၊ စိုက်ပျိုးရေး အခက်အခဲများ၊ အခြားလူသားလုပ်ရပ်များကို မဖြေရှင်းနိုင်တဲ့ အခြေအနေမှာ လူသားတွေကြောင့် ရာသီဥတု ဖောက်ပြန်မှုက အဓိကအကြောင်းအရင်း ဖြစ်နေပါတယ်။

▪️ ထိုကနေ ကမ္ဘာကြီး ပူနွေးလာပြီး မိုးရွာသွန်းမှု၊ သစ်ပင်ပန်းမန်များနဲ့ အငွေ့ပျံခြင်းတို့ကို သက်ရောက်လာကာ ခြောက်သွေ့မှု မြင့်တက်လာစေပါတယ်။

▪️ ၂၀၂၀ မှာ ကမ္ဘာ့လူဦးရေ ၂.၃ ဘီလီယံလောက်ရှိတဲ့ ၃၀ ရာခိုင်နှုန်းလောက်ဟာ ခြောက်သွေ့ဒေသတွေမှာ နေခဲ့ရပြီး ကာဗွန်ထုတ်လွှတ်မှု မလျှော့ချနိုင်ပါက ၂၁၀၀ အရာက်မှာ နှစ်ဆများလာနိုင်တယ်လို့ ခန့်မှန်းထားပါတယ်။

#Source: WION

#Local_News
Published_21 Dec 2024

▪️ မြန်မာ- ကမ္ဘောဒီးယားနှစ်နိုင်ငံသံတမန်ဆက်ဆံမှုနှစ် (၇၀) ပြည့်အခမ်းအနား ကျင်းပနိုင်ရေးကို ယနေ့ဒီဇင်ဘာလ ၂၀ ရက်နံနက် ၁၀ နာရီတွင် နေပြည်တော်ရှိ နိုင်ငံတော်စီမံ အုပ်ချုပ်ရေးကောင်စီ ဥက္ကဋ္ဌ ရုံး၊ သံတမန်ဆောင်ဧည့်ခန်းမ၌ ဆွေးနွေးခဲ့ကြကြောင်း သိရသည်။

▪️ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံ မြန်မာနိုင်ငံဆိုင်ရာ ကမ္ဘောဒီးယားနိုင်ငံသံအမတ်ကြီးအဖြစ် ခန့်အပ်ရန် သဘောတူညီပြီးဖြစ်သောသံအမတ်ကြီး H.E. Mr. CHENG Manith က နေပြည်တော်ရှိ နိုင်ငံတော်စီမံ အုပ်ချုပ်ရေးကောင်စီ ဥက္ကဋ္ဌ ရုံး၊ သံတမန်ဆောင်ဧည့်ခန်းမ၌ ၎င်း၏သံအမတ်ခန့်အပ်လွှာကိုပေးအပ်ခဲ့ပြီးနောက် အထက်ပါအတိုင်းဆွေးနွေးခဲ့ခြင်းဖြစ်ကြောင်း သိရသည်။

▪️ ယင်းအပြင်နှစ်နိုင်ငံအကြား သံတမန်ဆက်ဆံမှုနှင့်ချစ်ကြည်ရင်းနှီးမှုများ တိုးတက်ကောင်းမွန်လျက်ရှိမှု အခြေအနေများ၊ စီးပွားရေးဆိုင်ရာကိစ္စရပ်များတွင် ပူးပေါင်းဆောင်ရွက်နိုင်သည့်အခြေအနေများ၊ နှစ်နိုင်ငံအကြားအပြန်အလှန် ကုန်သွယ်မှုများ တိုးတက်ကောင်းမွန်လျက်ရှိမှုနှင့် ပိုမိုတိုးတက်အောင်ဆောင် ရွက်သွားမည့်အခြေအနေများ၊ ခရီးသွားကဏ္ဍဖွံ့ဖြိုးတိုးတက်ရေး၊ ယဉ်ကျေးမှုအပြန် အလှန်ဖလှယ်ရေးနှင့်နှစ်နိုင်ငံအကြား အပြန်အလှန်ပူးပေါင်းဆောင်ရွက်မှုများတိုးတက်ရေး ဆက်လက်ဆောင်ရွက်သွားမည့်အခြေအနေများနှင့် ပတ်သက်၍ ရင်းရင်းနှီးနှီးဆွေးနွေးခဲ့ကြကြောင်း သိရသည်။

▪️ အဆိုပါ သံအမတ်ခန့်အပ်လွှာပေးအပ်ပွဲသို့ ကောင်စီတွဲဖက်အတွင်းရေးမှူး ဗိုလ်ချုပ်ကြီးရဲဝင်းဦး၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေနှင့် သံတမန်ရေးရာဦးစီးဌာန ညွှန်ကြားရေး မှူးချုပ် ဦးဇော်ထွန်းဦးတို့ တက်ရောက်ခဲ့ကြကြောင်း သိရသည်။
#Yangon_Times/PP

#Local_News
Published_21 Dec 2024

▪️ မြန်မာ-လာအို လေကြောင်းတိုက်ရိုက်ပျံသန်းမှုများ တိုးချဲ့ဆောင်ရွက်နိုင်ရေးအတွက် နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌနိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်နှင့် လာအိုပြည်သူ့ဒီမိုကရက်တစ် သမ္မတနိုင်ငံ သံအမတ်ကြီးအဖြစ်ခန့်အပ်ရန် သဘောတူညီပြီးဖြစ်သော သံအမတ်ကြီး H.E. Mr. Bounphieng CHANTHAVONG တို့ ဆွေးနွေးခဲ့ကြောင်း သိရသည်။

▪️ နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌနိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ထံ မြန်မာနိုင်ငံဆိုင်ရာလာအိုပြည်သူ့ဒီမိုကရက်တစ်သမ္မတနိုင်ငံ သံအမတ်ကြီးအဖြစ်ခန့်အပ်ရန် သဘောတူညီပြီးဖြစ်သော သံအမတ်ကြီး H.E. Mr. Bounphieng CHANTHAVONG သည် ယနေ့ဒီဇင်ဘာလ ၂၀ ရက်နံနက် ၁၀ နာရီခွဲတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး၊ သံတမန်ဆောင်ဧည့်ခန်းမ၌ ၎င်း၏သံအမတ်ခန့်အပ်လွှာကိုပေးအပ်ခဲ့ပြီးနောက် ဆွေးနွေးခဲ့ကြခြင်းဖြစ်ကြောင်း သိရသည်။

▪️ မြန်မာနိုင်ငံနှင့် လာအိုနိုင်ငံတို့သည် အိမ်နီးချင်းကောင်း မိတ်ဆွေ ကောင်းနိုင်ငံများဖြစ်ပြီး ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများတိုးတက် ကောင်းမွန်လျက်ရှိမှုအခြေအနေများ၊ နယ်စပ်ကုန်သွယ်မှုများ ပိုမိုတိုးမြှင့်ဆောင်ရွက်နိုင်သည့်အခြေအနေများ၊ ချစ်ကြည်ရေးတံတားမှတစ်ဆင့် နှစ်နိုင်ငံပြည်သူများ ကူးလူးဆောင်ရွက်မှုများကြောင့် နှစ်နိုင်ငံနှင့် ပြည်သူများအချင်းချင်းချစ်ကြည်ရင်းနှီးမှုများ တိုးတက်ကောင်းမွန်နိုင်မည့် အခြေအ နေများ၊ အပြန်အလှန်ကုန်သွယ်မှုများမြှင့်တင်ရေး၊ ခရီးသွားလုပ်ငန်းများတိုးတက်စေရေးအတွက် လေကြောင်း တိုက်ရိုက်ပျံသန်းမှုများ တိုးချဲ့ဆောင်ရွက်နိုင်သည့် အခြေအနေများ၊ ပညာတော်သင်များအပြန်အလှန် စေလွှတ်လျက်ရှိမှုနှင့် ယဉ်ကျေးမှုအဖွဲ့များ အပြန်အလှန်စေလွှတ်သွားမည့် အခြေ အနေများနှင့်ပတ်သက်၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သိရသည်။

▪️ အဆိုပါ သံအမတ်ခန့်အပ်လွှာပေးအပ်ပွဲသို့ ကောင်စီတွဲဖက်အတွင်းရေးမှူး ဗိုလ်ချုပ်ကြီးရဲဝင်းဦး၊ ဒုတိယဝန်ကြီး ချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေနှင့် သံတမန်ရေးရာဦးစီးဌာန ညွှန်ကြားရေး မှူး ချုပ် ဦးဇော်ထွန်းဦးတို့တက်ရောက်ခဲ့ကြကြောင်း သိရသည်။
#Yangon_Times/PP

#World_Health
Published 21 December 2024

▪️ အိန္ဒိယနိုင်ငံဟာ CAR-T ဆဲလ်ကုထုံးထုတ်လုပ်ရာမှာ တိုးတက်မှုတွေ ရှိလာပြီဖြစ်ပါတယ်။

▪️ ဒါဟာ အချို့သော သွေးကင်ဆာများကို ကုသနိုင်မယ့် ခေတ်မီကုသနည်းတစ်ခုဖြစ်ပြီး နိုင်ငံသားများ လက်လှမ်းမီကာ ငွေကြေးတတ်နိုင်မယ့် စီမံကိန်းဖြစ်ပါတယ်။

▪️ CAR-T ဆဲလ်ကုထုံးမှာ လူနာရဲ့ ကိုယ်ခံအားဆဲလ်တွေကနေ ကင်ဆာဆဲလ်တွေကို ပစ်မှတ်ထားဖျက်ဆီးနိုင်အောင် ပြုပြင်ပြောင်းလဲပေးပါတယ်။

▪️ လက်ရှိ အမေရိကန်မှာ အဆိုပါကုသနည်းက လူနာတစ်ဦးလျှင် ရူပီး သန်း ၃၀ မှ ၄၀ အထိကုန်ကျနိုင်ပါတယ်။

▪️ အိန္ဒိယစီမံကိန်းမှာတော့ ကုန်ကျစရိတ် ရူပီး ၂ သန်းခွဲမှ ၃ သန်းခွဲအထိသာ ကျသင့်ဖို့ ရည်မှန်းထားတာကြောင့် လူအများပိုပြီး တတ်နိုင်မှာဖြစ်ပါတယ်။

▪️ ဗဟိုအစိုးရရဲ့ NBM လက်အောက် BIRAC သုတေသနကောင်စီရဲ့ ထောက်ပံ့မှုဖြင့် မွမ်ဘိုင်း TMCစင်တာမှ သုတေသီများဟာ ကလေးသူငယ်တွေမှာ ပထမအဆင့် လက်တွေ့စမ်းသပ်မှု စတင်လိုက်ပါတယ်။

▪️ သာမန်ကုသနည်းတွေနဲ့ အလုပ်မဖြစ်တဲ့ B-cell ALL သွေးကင်ဆာအမျိုးအစား ရှိနေတဲ့ ကလေးတွေကို အဓိကစမ်းသပ်ခဲ့ကြပါတယ်။

▪️ ပြည်တွင်းထုတ် ကုသနည်းဖြစ်သဖြင့် လူဦးရေအများအပြားမှာ အဆင့်မြင့်ကုထုံးတွေ အသုံးပြုလာနိုင်ခွင့် ရှိလာပါတယ်။

▪️ လက်ရှိ ဒုတိယအဆင့် လက်တွေ့စမ်းသပ်မှုတွေကနေ CAR-T ဆဲလ်ကုထုံးအကြောင်း ပိုမိုနားလည်လာနိုင်ပါတယ်။

▪️ အကျိုးကျေးဇူးများအနေနဲ့ ဆေးရုံတက်ကုသရမှု လျော့နည်းလာခြင်း၊ ရောဂါလက္ခဏာ နည်းပါးခြင်း၊ လျင်မြန်စွာ သက်သာလာခြင်းတို့ ပါဝင်ပါတယ်။

▪️ ထိုကုသနည်းရဲ့ အဓိကအစိတ်အပိုင်းတစ်ခုက လန်တီဗိုင်းရပ်စ်ဖြစ်ပြီး လူနာရဲ့ ခုခံအားဆဲလ်တွေကို ပြုပြင်ပြောင်းလဲပေးတာဖြစ်ကာ လန်တီဗိုင်းရပ်စ်ထုတ်လုပ်မှုက ကုသနည်းတစ်ခုလုံး ကုန်ကျစရိတ်ရဲ့ တဝက်ခန့် ရှိနေပါတယ်။

▪️ ဒီအတွက် NBM က ဈေးသက်သာစွာ လန်တီဗိုင်းရပ်စ် ထုတ်လုပ်နိုင်ရန် အင်တက်စ်ဆေးဝါးကုမ္ပဏီကို ထောက်ပံ့ကူညီနေပါတယ်။

▪️ ထုတ်လုပ်လာမယ့် လန်တီဗိုင်းရပ်စ်စက်ရုံကို အခြားဆေးဝါးကုမ္ပဏီများ၊ လုပ်ငန်းများ၊ ပညာရေးအဖွဲ့အစည်းများကလည်း အသုံးပြုနိုင်မှာ ဖြစ်တာကြောင့် အိန္ဒိယရဲ့ ထောက်ပံ့ကွင်းဆက် အခက်အခဲကို ဖြေရှင်းနိုင်မှာ ဖြစ်ပါတယ်။

▪️ ယခုလို ထုတ်လုပ်ရေးလုပ်ငန်းစဉ်များ၊ ပြည်တွင်းသုတေသနများနဲ့ ကျွမ်းကျင်မှုများ ပေါင်းစပ်ကာ အိန္ဒိယနိုင်ငံသားများ လက်လှမ်းမီ တတ်နိုင်မယ့် ကင်ဆာအဆင့်မြင့်ကုသနည်းများ ပေါ်ထွန်းလာရေးအတွက် ဒီစီမံကိန်းက ဖော်ဆောင်နေပါတယ်။

#Source: India Today