Published 23 February 2024

တက္ကဆပ်အခြေစိုက်ကုမ္ပဏီ Intuitive Machines မှ တည်ဆောက်ကာ လွှတ်တင်လိုက်တဲ့ အာကာသယာဥ်ဟာ ကြာသပတေးနေ့က လကမ္ဘာ တောင်ဝင်ရိုးစွန်းအနီးမှာ ဆင်းသက်ခဲ့ပါတယ်။

ဒါဟာ ရာစုနှစ်ဝက်ကျော်အတွင်း လကမ္ဘာမျက်နှာပြင်ပေါ်ကို အမေရိကန်မှ ပထမဆုံးဆင်းသက်နိုင်ခဲ့တာ ဖြစ်ပြီး ပုဂ္ဂလိကကုမ္ပဏီမှ ပထမဆုံးဆင်းသက်ခဲ့တာလည်း ဖြစ်ပါတယ်။

အိုဒီဆီယပ်စ်လို့ အမည်ပေးထားတဲ့ စက်ရုပ်ယာဥ်ဟာ ထောက်တံ  ၆ ချောင်းပါဝင်ပြီး အာကာသယာဥ်မှူးများ မပါဝင်ဘဲ ဒေသစံတော်ချိန် ညနေ ၆ နာရီ ၂၃ မိနစ်ခန့်မှာ ဆင်းသက်ခဲ့တာဖြစ်ကြောင်း ကုမ္ပဏီနဲ့ နာဆာ(NASA)မှ သတင်းကြေညာသူများက ပြောကြားခဲ့ကြပါတယ်။

ဆင်းသက်မှုက စိုးထိတ်စရာဖြစ်ခဲ့ပြီး အာကာသယာဥ်ရဲ့ အလိုအလျောက် ထိန်းချုပ်မှုအပိုင်းမှာ ပြဿနာရှိခဲ့ပါတယ်။

ရေဒီယိုပြတ်တောက်မှု ဖြစ်ပေါ်ပြီးနောက် ယာဥ်နဲ့ပြန်လည်ချိတ်ဆက်မိရန် အချိန်ခဏတာ ကြာမြင့်ခဲ့ပါတယ်။

နောက်ဆုံးပြန်လည် ချိတ်ဆက်မိတဲ့အခါ ချိတ်ဆက်မှုအားက နည်းပါးနေပြီး လမျက်နှာပြင်ကို ထိနေပြီဆိုတာ သေချာပေမယ့် အခြေအနေ အတိအကျနဲ့ တည်နေရာကို ချက်ချင်းအတည်မပြုနိုင်ခဲ့ပါဘူး။

အာကာသယာဥ်က လမျက်နှာပြင်ပေါ် ရောက်ရှိပြီဖြစ်ကြောင်း၊ ချိတ်ဆက်လို့ရနေပြီး အဖွဲ့သားတွေကို ဂုဏ်ပြုကြောင်း Intuitive Machines မစ်ရှင်ညွှန်ကြားရေးမှူး တင်မ်ကရိန်းက ပြောပြလိုက်ပါတယ်။

စီစဥ်ထားတဲ့အတိုင်း Malapert A လို့ခေါ်တဲ့ ပေါက်ကွဲထိပ်ဝအနီးမှာ ဆင်းသက်နိုင်ခဲ့တယ်လို့ ယူဆရပါတယ်။

၁၉၇၂ ခုနှစ်က နာဆာမှ အာကာသယာဥ်မှူးများဖြင့် လွှတ်တင်တဲ့ Apollo 17 ဟာ လကမ္ဘာပေါ်ရောက်ရှိပြီးနောက် ယခုတစ်ကြိမ်က ပထမဆုံးဆင်းသက်မှု ဖြစ်ခဲ့ပါတယ်။

ယနေ့အချိန်အထိ လကမ္ဘာသို့ အာကာသယာဥ် လွှတ်တင်နိုင်တဲ့ အခြားနိုင်ငံတွေထဲမှာ ယခင်ဆိုဗီယက်ပြည်ထောင်စု၊ တရုတ်၊ အိန္ဒိယ၊ ဂျပန်တို့သာ ရှိထားပြီး လူသားပါရောက်ရှိတာကတော့ အမေရိကန် တစ်နိုင်ငံတည်းသာ ရှိပါသေးတယ်။

အိုဒီဆီယပ်စ်ယာဥ်ပေါ်မှာ သိပ္ပံနည်းကျ ကိရိယာများနဲ့ နာဆာအတွက် နည်းပညာပုံဖော်မှုများ ပါဝင်ပြီး ယာဥ်ဆင်းသက်ရာ ဝင်ရိုးစွန်းဘက်သို့ နေမထွက်ခင်အထိ ဆိုလာစွမ်းအင်ဖြင့် ၇ ရက်မောင်းနှင်နိုင်ရန် ဖန်တီးထားပါတယ်။

လမ္ဘာမျက်နှာပြင်ပေါ်မှာ အာကာသယာဥ်ရဲ့ ရာသီဥတု တုန့်ပြန်ခြင်း အချက်အလက်များ၊ ရေဒီယိုနက္ခတ္တ၊ အနာဂတ်ဆင်းသက်မှုများအတွက် လကမ္ဘာပတ်ဝန်းကျင် အနေအထားများ စုဆောင်းခြင်းတို့ကို အလေးပေးလေ့လာသွားမှာ ဖြစ်ပါတယ်။
Source: Reuters.
#World_News
#Published_ 23 February 2024
#YMG_News #Yangon_Times #Yangon_Media_Group

Published 23 February 2024

တစ်ကိုယ်ရည် သန့်ရှင်းရေးနဲ့ ပတ်သက်ပြီး လူတွေမေ့လျော့နေတဲ့ အချက်တစ်ချက်က ညအိပ်ရာမဝင်ခင်မှာ ခြေထောက်ဆေးကြောဖို့ပါပဲ။

တစ်နေကုန် သွားလာလှုပ်ရှားနေရတဲ့ ခြေထောက်ကို ဒီထက်ပိုပြီး အာရုံစိုက်သင့်ပါတယ်။

လူတွေက မျက်နှာ၊ ခန္ဓာကိုယ်တို့ကို သန့်ရှင်းရေးလုပ်ကြပေမယ့် ခြေထောက်ကို လစ်လျူရှုထားကြတယ်လို့ နယူးဒေလီမှ ဒေါက်တာ ဂိုဗင်ဆင်ဘစ်ရှ်က ပြောပြလိုက်ပါတယ်။

ခြေထောက်တွေက မြေကြီးနဲ့ အနီးစပ်ဆုံး အစိတ်အပိုင်းတွေဖြစ်ပြီး အညစ်အကြေးမှုန်တွေ အလွယ်တကူ ဝင်ရောက်နိုင်တယ် စီကေဘာလာဆေးရုံမှ ဒေါက်တာ ဆီမာအိုဘီရွိုင်လောက ဆိုပါတယ်။

ခြေထောက်ဆေးကြောခြင်းဖြင့် အမှုန်တွေ ဘက်တီးရီးယားတွေ ပိုးမွှားတွေ အိပ်ရာထဲမရောက်လာအောင် လျှော့ချပေးပါတယ်။

ခြေထောက်မှာ အရေပြားပြဿနာရှိသူများအနေနဲ့ ရောဂါပိုးမွှားမပျံ့နှံ့စေရန် ပိုမိုဂရုစိုက်သန့်ရှင်းသင့်ပါတယ်။  

ခြေထောက်သန့်ရှင်းခြင်းဖြင့် ရောဂါကူးစက်မှုများမှ ကာကွယ်နိုင်ရုံမက အနံ့အသက် ကင်းစေပြီး ကောင်းစွာအိပ်ပျော်စေနိုင်ပါတယ်။

ခြေထောက်ဆေးကြောပြီး ရေနွေးထဲစိမ်ထားမယ်ဆိုရင် ကြွက်သားတွေ အဆစ်တွေကို ပြေလျော့စေပါတယ်။

ဆီးချိုသမားတွေဆိုရင် ကိုယ်ခံအားကျဆင်းနေတာကြောင့် ရောဂါပိုး ပိုမိုဝင်ရောက်တတ်ပါတယ်။

ဆီးချိုလူနာတွေ ခြေထောက်မှာ ရောဂါပိုးဝင်ရောက်ပြီး ခြေထောက်ဖြတ်ပစ်ရတဲ့အထိ ဖြစ်တတ်ပါတယ်။

ခြေအိတ်ဖြင့် ဖိနပ်စီးနေသူတွေဟာလည်း တစ်နေ့ကုန် ခြေထောက်မှာ ချွေးထွက်ပြီး ဘက်တီးရီးယားများ ပုန်းခိုနေနိုင်တာကြောင့် ပုံမှန်သန့်ရှင်းပေးဖို့ လိုပါတယ်။

ဆေးကြောပြီးတဲ့အခါမှာ ခြေချောင်းကြားအပါအဝင် တစ်ပြင်လုံးကို ခြောက်သွေ့အောင် သုတ်သင်ရပါမယ်။

ခြေသည်းရှည်ထားခြင်းက ရောဂါပိုးဝင်ရောက်လာအောင် ဖိတ်ခေါ်သလို ဖြစ်နေပါတယ်။
Source: New York Post.
#World_Health
#Published_ 23 February 2024
#YMG_News #Yangon_Times #Yangon_Media_Group

Published_ 23 February 2024

ဟိန္ဒူဘာသာတွင် သိုက် အယူအဆမရှိသည့်အတွက် ဟိန္ဒူဘုရားများ အမည်နာမဖြင့် ပူးကပ်သယောင် လုပ်သူများသည် လူလိမ်များသာဖြစ်ကြောင်းဟိန္ဒူဘာသာရေးအသိပညာအဖွဲ့မှ သတိပေးထုတ်ပြန်လိုက်သည်။

ပြီးခဲ့သည့်ရက်ပိုင်းက အနုပညာရှင်အသိုင်းအဝိုင်းမှ အမျိုးသမီးတစ်ဦးမှ  သိုက်ချော့သည်ဟုဆိုကာ ဟိန္ဒူရိုးရာ အမျိုးသမီးအဝတ်အစားအား ဝတ်ဆင်ကာ ပူးနေသည်ဆိုသည့် ရုပ်သံဖိုင်တစ်ခု လူမှုကွန်ရက်တွင် ပျံ့နှံ့နေပြီးနောက် ဝေဖန်မှုများမြင့်တက်ခဲ့ပြီး ဟိန္ဒူသာသနာပုံရိပ်ကို ညှိုးနွမ်းစေသည့် အချင်းအရာများအား ရှုံချ‌ကြောင်းဟိန္ဒူဘာသာရေးအသိပညာအဖွဲ့မှ ထပ်မံအသိပေးကြေညာ တားမြစ်ချက်ထုတ်ပြန်လာခြင်းဖြစ်သည်။

အဆိုပါထုတ်ပြန်ချက်တွင် ဟိန္ဒူဘာသာတွင် သိုက်ဟူသော အယူအဆလည်း အလျဉ်းမရှိပါ၊ ထို့အတွက် ဟိန္ဒူဘုရားများ အမည်နာမဖြင့် ပူးသယောင် ကပ်သယောင်လုပ်သူများဟာ လူလိမ်စစ်စစ်များသာဖြစ်ပါကြောင်း အမှန်တကယ်သာ ပူးကပ်လျှင်လည်း ဘုရားမဟုတ်ဘဲ မကျွတ်မလွတ် သရဲတစ္ဆေ၊ လမိုင်းများသာ ဖြစ်ကြောင်းဖော်ပြထားသည်။

ထို့အပြင်  ဟိန္ဒူဘုရားများအား မေတ္တာပို့ခြင်းကို လုံး၀လက်မခံသလို ဟိန္ဒူသာသနာအကြောင်းပြု၍ ပူးကပ်ခြင်းဖြစ်စဉ်များကိုလည်း အပြင်းအထန်ဆုံး ရှုတ်ချကြောင်း၊ထိုအပြုအမူပြုသူတစ်ဦးတစ်ယောက်ချင်းဆီကို မှတ်တမ်းယူထား၍ အမည်ပျက်စာရင်းသွင်းသွားမည်လည်းဖြစ်ကြောင်းဖော်ပြပါရှိသည်။
Yangon Times/NN
#Local_News
#Published_ 23 February 2024
#YMG_News #Yangon_Times #Yangon_Media_Group

Published 23 February 2024

ဆောင်းရာသီလို အချိန်မျိုးမှာ လေထဲမှာ စိုစွတ်မှုလျော့နည်းသွားပြီး အရေပြားခြောက်သွေ့ခြင်း ဖြစ်တတ်ပါတယ်။

နေရောင်ခြည် ထိတွေ့ပေးခြင်းဖြင့် အရေပြားစွတ်စိုမှုကို ထိန်းသိမ်းပေးတဲ့ ဗိုက်တာမင်ဒီ ထုတ်လုပ်ပေးပါတယ်။

အရေပြားခြောက်သွေ့တဲ့အခါ ယားယံခြင်း၊ ရောင်ရမ်းခြင်းတို့ဖြစ်ပေါ်ပြီး အဖုအပိမ့်များ ရဲလာတတ်ပါတယ်။

ဒါကြောင့် အရေပြားခြောက်သွေ့ပြီး အင်ပျဥ်ထခြင်းမှ ကာကွယ်ကုသနိုင်မယ့် နည်းလမ်းများ ဖော်ပြလိုက်ပါတယ်။
 
(၁) မျက်နှာ၊ လက်တို့ကို ဆေးကြောပြီးတဲ့အခါ အရေပြားပေါ်က သဘာဝအဆီတွေ ကွာကျသွားတာကြောင့် အစိုဓာတ်ထိန်းသိမ်းတဲ့ အလှကုန်ပစ္စည်း အသုံးပြုသင့်ပါတယ်။
 
(၂) တစ်ညတာ မအိပ်စက်ခင် ရေဓာတ်ထိန်းသိမ်းပေးတဲ့ ခရင်မ်လိမ်းပေးသင့်ပါတယ်။
 
(၃) ရေငွေ့ဖျန်းစက် အသုံးပြုခြင်းဖြင့် လေထဲက  စိုထိုင်းဆကို ထိန်းသိမ်းပေးပါတယ်။
 
(၄) ချမ်းအေးတဲ့အချိန်မှာ ရေနွေးဖြင့်ရေချိုးခြင်းက သက်တောင့်သက်သာ ရှိစေပေမယ့် ပူလွန်းရင်တော့ အရေပြားစိုထိုင်းဆကို ပျက်စီးစေပါတယ်။
 
(၅) ချမ်းအေးတဲ့လေက အရေပြားခြောက်သွေ့မှုကို ဖြစ်စေတာကြောင့် အဝတ်ထူထူ၊ လက်အိတ်၊ ဦးထုပ်စတာတွေကို ဝတ်ဆင်သင့်ပါတယ်။
 
(၆) ပုံမှန်ချေးချွတ်ခြင်းဖြင့် ဆဲလ်သေတွေ ဖယ်ရှားပေးကာ စိုစွတ်မှုကို အားပေးပေမယ့် အလွန်အမင်း တိုက်ချွတ်လိုက်ရင်တော့ သဘာဝအဆီတွေ အလွှာတွေကို ပျက်စီးစေနိုင်ပါတယ်။
 
(၇) အုန်းဆီ၊ သံလွင်ဆီတို့လို သဘာဝအဆီများက အရေပြားကို စိုစွတ်ထိန်းသိမ်းပေးပါတယ်။
Source: DoctorNDTV.
#World_Health
#Published_ 23 February 2024
#YMG_News #Yangon_Times #Yangon_Media_Group

မော်ရိုကိုမှ ဝါရင့်စွန့်စားခရီးသည်ဟာ စက်ဘီးတစ်စီးဖြင့် ၄ လအတွင်း တိုက်ကြီး ၃ တိုက်ကို ဖြတ်သန်းသွားလာရန် ထွက်ခွာနေပြီ ဖြစ်ပါတယ်။
ကာဆာဘလန်ကာကနေ ပေကျင်းသို့ စက်ဘီးစီးနင်းသွားမှာ ဖြစ်ကာ ကီလိုမီတာ ၁ သောင်းခွဲဝေးကွာတဲ့ ခရီးစဥ်ကနေ ရှေးဟောင်းပိုးသားလမ်းမကြီး တလျှောက် ငြိမ်းချမ်းရေးနဲ့ ယဥ်ကျေးမှု ဆက်ဆံရေး ပိုမိုအားကောင်းအောင် မြှင့်တင်နိုင်ရန် မျှော်မှန်းထားတာ ဖြစ်ပါတယ်။
#World_Adventure
#Published_ 22 February 2024
#YMG_News #Yangon_Times #Yangon_Media_Group

#Daily_News
Published_ 22 February 2024

၁။ ဂျပန်ရောက်မြန်မာများ သံရုံးသို့ ငွေပိုသွင်းနေ၍ ပမာဏအတိအကျသာ လွှဲကြရန် အသိပေး

၂။ ရှမ်းတောင်ရှိ အရှူးပေါ်နေသည့် မုန်ညှင်းနှင့် အခြားဟင်းသီးဟင်းရွက်များအား နောက်ဆုံးဈေးကွက်ဖြင့် ချိတ်ဆက်ပေးနေ

၃။ အခုရက်ပိုင်းတွင် တစ်ရက်တည်းကို မီး(၁၀)ကြိမ်လောင်ကျွမ်းသည့်အထိကြုံလာ၊ မနှစ်ကထက်တော့ မီးလောင်ကျွမ်းမှုနည်းပါး

၄။ မော်ရိုကိုမှ တရုတ်ပေကျင်းအထိ ကီလိုမီတာတစ်သောင်းခွဲကွာဝေးသည့်ခရီးစဥ်ကို စက်ဘီးစီးလည်ပတ်မည့် မော်ရိုကိုစွန့်စားခရီးသည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

“ ထွက်လာတဲ့ထုတ်ကုန်ကအတူတူပဲ။ ဓာတုပစ္စည်းက အတူတူပဲ။ပြီးတော့ အလင်းဂုဏ်သတ္တိတွေကလည်း အတူတူပဲ”

ပက်တဲလ်(ဒါရိုက်တာ-ဂရင်းလက််ဗ်ဒိုင်းမွန်း၊အိန္ဒိယ)

၂၂ ဖေဖော်ဝါရီ ၂၀၂၄

ဓာတ်ခွဲခန်းထုတ် လူလုပ်စိန်တွေဟာ ဒေါ်လာ ၈၉ ဘီလျံတန်ဖိုးရှိတဲ့ ကမ္ဘာ့စိန်ရတနာဈေးကွက်ကို ပုံစံသစ်သွင်းနေပါတယ်။ အထူးသဖြင့် ကမ္ဘာ့စိန်တွေအားလုံးရဲ့ ၉၀ရာခိုင်နှုန်းကို ဖြတ်တောက်သွေးနေတဲ့ အိန္ဒိယနိုင်ငံ ဆူရတ်မြို့မှာပဲဖြစ်ပါတယ်။

စမစ်ပက်တဲလ်ရဲ့ ဂလင်းမင်းဓာတ်ခွဲခန်းမှာ ကျွမ်းကျင်ပညာရှင်တွေဟာ ခရစ်စတယ်စိန်မျိုးစေ့ချပ်ပြားလွှာ crystal diamond "seed"ကလေးတွေကို မြေကြီးအနက်ကြီးထဲက အလွန်ပြင်းထန်တဲ့ဖိအားတစ်ခုအတိုင်း တုပထားတဲ့ ဓာတ်ပေါင်းဖိုထဲကို ထည့်လိုက်ကြပါတယ်။

အဲဒီမျိုးစေ့အဆင့်ကနေ စိန်ပွင့်ကလေးဖြစ်လာတဲ့ လုပ်ဆောင်ရတဲ့ အချိန်က ရက်သတ္တပတ်(၈)ပတ်လျော့လျော့ ကြာတတ်   ပါတယ်။ သဘာဝစိန်ဖြစ်ပေါ်တဲ့ သဘာဝအတုဖြစ်တဲ့ ဓာတ်ပေါင်းဖိုကနေတစ်ဆင့် ထုတ်လုပ်လိုက်တဲ့ လူလုပ်စိန် တွေဟာ မြေကြီးအနက်ကြီးထဲက တူးဖော်လို့ရတဲ့ စိန်တွေနှင့် ခွဲခြားလို့မရနိုင်တော့ပါဘူး။

“ ထွက်လာတဲ့ထုတ်ကုန်ကအတူတူပဲ။ ဓာတုပစ္စည်းက အတူတူပဲ။ပြီးတော့ အလင်းဂုဏ်သတ္တိတွေကလည်း အတူတူပဲ” လို့ အဲဒီ ဂရင်းလက်ဗ်ဒိုင်းမွန်းကုမ္ပဏီရဲ့ ဒါရိုက်တာတစ်ဦးဖြစ်တဲ့ ပက်တဲလ်က  အေအက်ဖ်ပီသတင်းဌာနကိုပြောပါတယ်။

ဓာတ်ခွဲခန်းကနေထွက်တဲ့ လူလုပ်စိန်တွေကို အိန္ဒိယနိုင်ငံက ပြည်ပကိုတင်ပို့နေတာဟာ ၂၀၁၉ခုနှစ်နှင့် ၂၀၂၂ခုနှစ်အကြား သုံးဆတက်လာပါ့တယ်။ ၂၀၂၃ခုနှစ် ဧပြီလနှင့် အောက်တိုဘာလအကြားမှာဆို ပြည်ပပို့တဲ့ပမာဏက ၂၅ ရာခိုင်နှုန်းတက်လာ ပါသေးတယ်လို့ နောက်ဆုံးရ ကိန်းဂဏန်းအချက်အလက်တွေအရသိရပါတယ်။

“ တစ်နှစ်တစ်နှစ်ကို (ဓာတ်ခွဲခန်းစိန်) ပမာဏက ရာခိုင်နှုန်း ၄၀၀လောက်တိုးတိုးလာနေတယ်” လို့ ပက်တဲလ်က ဆက်ပြောပါတယ်။

ပက်တဲလ်တို့ရဲ့ ဓာတ်ခွဲခန်းတွေမှာရှိတဲ့ ဓာတ်ပေါင်းဖိုတွေလိုမျိုးတွေဟာ သတ်မှတ်အပူချိန်နှင့်ဖိအားရဲ့အောက်မှာ မီသိန်း တို့လို ကာဘွန်ပါတဲ့ ဓာတ်ငွေ့တွေကို မှုတ်သွင်းပေးရင်း စိန်ပွင့်ကလေးတွေဟာ ဖိုထဲမှာ ကြီးထွားလာတာဖြစ်ပါတယ်။

အဲဒီကထွက်လာတဲ့ စိန်ပွင့်အကြမ်းထည်တွေကို နောက်တစ်နေရာပို့ရပြီး အဲဒီနေရာမှာ ရာပေါင်းများစွာသော အလုပ်သမား တွေဟာ စိန်တွေကို တောက်ပလာအောင် သွေးပြီး ပုံသဏ္ဍန်ဖော်ပေးကြပါတယ်။

၂၀၁၈ခုနှစ်မှာ ဓာတ်ခွဲခန်းထုတ်စိန်တွေဟာ ကမ္ဘာ့ဈေးကွက်ရဲ့ ၃.၅ ရာခိုင်နှုန်းပဲရှိခဲ့ရာကနေ ၂၀၂၃ခုနှစ်မှာ ၁၈.၅ ရာခိုင်နှုန်း   အထိမြင့်တက်လာနေပါတယ်လို့ နယူးယောက်အခြေစိုက် ကျောက်မျက်လုပ်ငန်းဆန်းစစ်သရုပ်ခွဲတဲ့ ပေါ်ဇင်နီစကီးက အေအက်ဖ်ပီကိုပြောပါတယ်။ ယခု ၂၀၂၄ခုနှစ်မှာ ၂၀ရာခိုင်နှုန်းအထိရောက်လာလိမ့်မယ်လို့လည်းခန့်မှန်းထားပါတယ်။

စက်နှင့်လုပ်တဲ့ စိန်တွေကို ၁၉၅၀ပြည့်လွန်နှစ်တွေက စတင်ဖန်တီးခဲကြပေမယ့် နည်းပညာပိုင်းအားနည်းချက်တွေကြောင့် ဈေးကွက်မှာ မရှင်သန်နိုင်ခဲ့ကြပါဘူး။

ယခုဓာတ်ခွဲခန်းထုတ်စိန်တွေကတော့ သဘာဝစိန်အစစ်နှင့်ခွဲခြားမရအောင်တူနေပြီဖြစ်ပါတယ်။

သူ့ရဲ့ဓာတ်ခွဲခန်းဟာ ဒေသတွင်း လျှပ်စစ်ကွန်ယက်ကနေ နေရောင်ခြည်စွမ်အင်းသုံးလည်ပတ်နေတာလို့  ပက်တဲလ်ကပြော ပါတယ်။

တူးဖော်ထုတ်လုပ်ရရှိတဲ့ သဘာဝစိန်တွေထဲမှာ “ ပဋိပက္ခစိန်တွေ” လို့အမည်တပ်ထားတဲ့ စစ်ဖြစ်တဲ့နေရာကထုတ်လုပ်တဲ့ စိန်တွေဟာ နိုင်ငံတကာ ကင်ဘာလေနည်းစဉ်အတည်ပြုရေးအစီအစဉ်ကနေ အပယ်ခံရတာတွေရှိနေတဲ့အချိန်မှာ ဓာတ်ခွဲ ခန်းထုတ်စိန်တွေဟာ “သန့်ရှင်းတဲ့မှတ်တမ်း” အာမခံတယ်လို့ ဓာတ်ခွဲခန်းစိန်ထုတ်လုပ်သူတွေက ပြောဆိုနေကြပါတယ်။

အဲသလိုမျိုး ပတ်ဝန်းကျင်ထိန်းသိမ်းရေးနှင့် လူသားချင်းစာနာထောက်ထားရေးတွေ ထောက်ရှုနေကြတာတွေကြောင့်   ဓာတ်ခွဲ  ခန်းလုပ်စိန်တွေကို စေ့စပ်လက်စွပ်တွေပြုလုပ်တဲ့အခါ ရွေးချယ်တာမျိုးတွေ ခေတ်စားလာပါတော့တယ်။

၂၀၂၃ခုနှစ် ဖေဖော်ဝါရီလမှာ သဘာဝကျောက်မျက်တွေကို မက်မောတဲ့ ကမ္ဘာ့အကြီးဆုံးဈေးကွက် အမေရိကန်ပြည်ထောင်စု မှာ ရောင်းချရတဲ့ စေ့စပ်လက်စွပ်တွေရဲ့ ၁၇ ရာခိုင်နှုန်းဟာ ဓာတ်ခွဲခန်း ထုတ်စိန်တွေနှင့်ပြုလုပ်ထားတာ ဖြစ်နေပါတယ်လို့ လုပ်ငန်းဆိုင်ရာခွဲခြမ်းစိတ်ဖြာသုံးသပ်တဲ့ အီဒန်ဂိုလန်ကပြောပါတယ်။

ဂိုလန်ရဲ့ တွက်ချက်မှုအရ ယခုဆိုရင် ၁၇ ရာခိုင်နှုန်းကနေ ၃၆ ရာခိုင်နှုန်းအထိဖြစ်လာပြီလို့ဆိုပါတယ်။

လူလုပ်ကျောက်မျက်တွေအများဆုံးထုတ်လုပ်နေတဲ့ တရုတ်နိုင်ငံနှင့် အိန္ဒိယနိုင်ငံတွေရဲ့ ရာပေါင်းများစွာသော ကုမ္ပဏီတွေဟာ အဲဒီရာခိုင်နှုန်းရဲ့ တစ်စိတ်တစ်ပိုင်းကို ထုတ်လုပ်ပေးနေကြတာဖြစ်ပါတယ်။

အိန္ဒိယနိုင်ငံက ဓာတ်ခွဲခန်းလုပ်စိန်ဈေးကွက်ဟာ ၂၀၂၃ ဧပြီလကနေ အောက်တိုဘာအတွင်း ပြည်ပသို့ ၄.၀၄သန်းကာရက် တင်ပို့ခဲ့ပါတယ်။ မနှစ်ကထက်ယှဉ်ရင် ၄၂ရာခိုင်နှုန်းခုန်တက်ခဲ့တယ်လို့ အိန္ဓိယ ကျောက်မျက်ရတနာတင်ပို့သူများတိုးမြှင့်ရေး ကောင်စီရဲ့ အချက်အလက်တွေအရသိရပါတယ်။

ဆန့်ကျင်ဖက်အနေနှင့် အိန္ဒိယနိုင်ငံရဲ့ သဘာဝစိန်ရောင်းတဲ့ကုမ္ပဏီတွေဟာ ရောင်းအား ၂၅ ရာခိုင်နှုန်းကျော်ကျဆင်းသွားပြီး ၁၁.၃သန်း ကာရက်သာရှိပါတော့တယ်။ ထိပ်တန်းကုမ္ပဏီကြီးတွေဟာ တန်ဖိုးကြီးလှတဲ့ လက်ကျန်ပစ္စည်းတွေကျန်ရစ်ပြီး လုပ်ငန်းကနေထွက်ခွာကုန်ကြပါတယ်။

အိန္ဒိယရဲ့ အနောက်ပိုင်း ဆူရက်မြို့က စိန်ကုန်သည်တွေဟာ  ကမ္ဘာ့စိန်တွေအားလုံးရဲ့ ၉၀ရာခိုင်နှုန်းကို သွေးပေးနေကြပါတယ်။

ကမ္ဘာ့စိန်ကုမ္ပဏီကြီး ဒီဘီယာအုပ်စုရဲ့ တရားဝင်စိန်ရောင်းခွင့်လိုင်စင်ရထားတဲ့ ဓီနာဗင်ချန်ဒရာ အိတ်စ်ပို့တ်ကုမ္ပဏီမှ အာဂျက်စ် မက်ထာက သူတို့ဟာ နှစ်ပေါင်း၃၀သက်တမ်းအတွင်း အဆိုးရွားဆုံးကျဆင်းမှုနှင့်ကြုံနေရတယ်လို့ပြောပါတယ်။

“ အရာရာတိုင်းဟာ မုန်တိုင်းကြီးမွှေလိုက်သလိုပဲ” လို့ သူကပြောပါတယ်။

ပြိုင်ဘက် ဓာတ်ခွဲခန်းစိန်တွေကြောင့်အပြင် အမေရိကန်နှင့် တရုတ်ဈေးကွက်တွေလို အရေးကြီးတဲ့ဈေးကွက်တွေကလ်း စီးပွားရေးနှေးကွေးနေတာကလည်း တစ်ခုပါဝင်နေပါတယ်။

ဒီဘီယာအုပ်စုဟာ ယခုနှစ်အတွက် သဘာဝစိန်တွေပထမဆုံးရောင်းချရာမှာ အမျိုးအစားလိုက်ပြီး ရောင်းဈေးတွေကို ၁၀ရာခိုင် နှုန်း  ကနေ ၂၅ ရာခိုင်နှုန်းလျှော့ရောင်းချပေးနေရပါတယ်။

တစ်ပြိုင်နက်တည်းလိုပါပဲ ဓာတ်ခွဲခန်းထုတ်စိန်တွေကလည်း သူ့ပြဿနာနှင့်သူဖြစ်နေပါတယ်။

ထုတ်လုပ်မှုတွေက ထိုးထောင်တက်လာပြီးနောက် ဈေးတွေက ပြုတ်ကျသွားခဲ့ပါတယ်။ ၂၀၂၃ခုနှစ်မှာတင် ဓာတ်ခွဲခန်းထုတ် စိန်တွေဟာ ၅၈ ရာခိုင်နှုန်းဈေးကျသွားပါတယ်။

၂၀၂၂ခုနှစ်တုန်းက အရည်အသွေးနိမ့်တဲ့ တစ်ကာရက်ရှိ သွေးပြီးစိန်တစ်ပွင့်ကို ဒေါ်လာ ၂၄၀၀ရှိနေရာကနေ ၂၀၂၃ အရောက်မှာ ဒေါ်လာ ၁၀၀၀သာသာကလေးပဲရှိပါတော့တယ်လို့ ဆူရက်မှ ကုန်သည်တစ်ဦးကပြောပါတယ်။

အဲဒါကြောင့်လည်း ပြီးခဲ့တဲ့နှစ်အောက်တိုဘာလမှာ အမေရိကန်နိုင်ငံမှာ လူလုပ်စိန်တွေ ဒုတိယအကြီးဆုံးထုတ်လုပ်တဲ့ WD Lab Grown Diamonds ဟာ ဒေဝါလီခံဖို့လျှောက်ထားခဲ့ပါတယ်။

ဒါပေမယ့် ပက်တဲလ်ကတော့ စောဒကတက်ပါတယ်။ ဈေးတွေကျတဲ့အတွက် ဝယ်အားတွေတက်လာမှာလို့ သူက ပြောပါ တယ်။

“ ဈေးတွေကျမှာ ကျွန်တော်တို့သိပါတယ်။ ဈေးကွက်ကလက်ဝါးကြီးအုပ်လို့မရတော့ဘူးလေ” လို့သူကပြောပါတယ်။

သူ့ရဲ့ပြောကြားမှုအပေါ် အိန္ဒိယရဲ့စီးပွားရေးမြို့တော်မွမ်ဘိုင်းက ရတနာပြခန်းမှာ ဈေးလာဝယ်သူတစ်ဦးက သဘောတူမျှ ပါတယ်။

“တူးဖော်ရတဲ့ စိန်(သဘာဝစိန်)တွေဟာ ငါးဆလောက်ဈေးကြီးတယ်။နေ့တိုင်းဝတ်ဆင်ဖို့ တစ်ခုခုလိုချင်တယ်ဆိုရင် ဓာတ်ခွဲခန်းထုတ်စိန်တွေက အလုပ်ဖြစ်တယ်။ ကျွန်မကတော့ တကယ်ကိုသဘောကျတယ်” လို့ လက်ခါပရက်ဘာခါက ပြောလိုက်ပါတယ်။

Source: Lab-grown diamonds put natural gems under pressure by AFP

22 February 2024

ပြည်တွင်းစက္ကူလိုအပ်ချက်ဖြည့်ဆည်းနိုင်ရန် ကောက်ရိုးမှတစ်ဆင့် ပျော့ဖတ်နှင့်စက္ကူများထုတ်လုပ်ရန်ဆောင်ရွက်ရန်ရှိကြောင်း စက်မှုဝန်ကြီးဌာနမှသိရသည်။

စပါး၏ဘေးထွက်ပစ္စည်းဖြစ်သည့် ကောက်ရိုးများဖြင့် ပျော့ဖတ်များပြုလုပ်ပြီး အဆင့်မြင့်စက္ကူများထုတ်လုပ်နိုင်ရေး စီမံဆောင်ရွက်သွားမည်ဟု စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းကမြန်မာနိုင်ငံစက္ကူနှင့်ပျော့ဖတ် အသင်းဥက္ကဋ္ဌနှင့် အဖွဲ့ဝင်များအား လက်ခံတွေ့ဆုံစဉ်ထည့်သွင်းပြောကြားခဲ့သည်။

ပြည်ထောင်စုဝန်ကြီးက "မိမိတို့နိုင်ငံ၌ ပြည်တွင်းစားသုံးမှုဖူလုံရေးအတွက် စပါးများကို တိုးချဲ့စိုက်ပျိုးလျက်ရှိ၍ ဘေးထွက်ပစ္စည်းဖြစ်သည့် ကောက်ရိုးများဖြင့် ပျော့ဖတ်များပြုလုပ်ပြီး အဆင့်မြင့်စက္ကူများထုတ်လုပ်နိုင်ရေး စီမံဆောင်ရွက်ရန် ထပ်မံလမ်းညွှန်ထားကြောင်း၊ ထို့ကြောင့် ရင်းနှီးမြှုပ်နှံမှုအနည်းငယ်ဖြင့် အသေးစားစက်ရုံများ တည်ဆောက်နိုင်ရေး စီမံဆောင်ရွက်လျက်ရှိကြောင်း၊ ထိုသို့ဆောင်ရွက်ခြင်းသည် ဒေသတွင်းရှိ ပြည်သူများအား အလုပ်အကိုင်ရရှိအောင် ဖန်တီးပေးခြင်းဖြစ်ကြောင်း၊ ကောက်ရိုးမှတစ်ဆင့် ပျော့ဖတ်နှင့်စက္ကူ များထုတ်လုပ်သည့် စက်ပစ္စည်းကိရိယာများကိုလည်း ပြည်တွင်း၌ ထုတ်လုပ်နိုင်ရေး ပူးပေါင်းဆောင်ရွက်သွားမည်"ဖြစ်ကြောင်း ပြောကြားခဲ့သည်။

လုပ်ငန်းများ စတင်ဆောင်ရွက်စဉ် အခက်အခဲများစွာရှိသလို အခွင့်အလမ်းလည်း များစွာရှိကြောင်း၊ စက်မှုဝန်ကြီးဌာနအနေဖြင့် အကြီးစား စက်မှုလုပ်ငန်းများကိုသာ ဆက်လက်ဖွံ့ဖြိုးတိုးတက်အောင် ဆောင်ရွက်သွားမည်ဖြစ်ပြီး အသေးစားစက်မှုလုပ်ငန်းများကို ပုဂ္ဂလိကစက်မှုလုပ်ငန်းများ ဖွံ့ဖြိုးတိုးတက်ရေးအတွက် လွှဲပြောင်းဆောင်ရွက်ပေးသွားမည်ဖြစ်ကြောင်း၊ စက္ကူနှင့်ပျော့ဖတ် ထုတ်လုပ်မှုလုပ်ငန်းများ ဖွံ့ဖြိုးတိုးတက်ရေးအတွက် လိုအပ်သည်များကို ဖြည့်ဆည်းဆောင်ရွက်ပေးသွားမည်ဖြစ်ကြောင်း ဝန်ကြီးက ဆက်လက်ပြောကြားခဲ့သည်။
Yangon Times/tthl
#Local_News
#Published_ 22 February 2024
#YMG_News #Yangon_Times #Yangon_Media_Group

Published- 22 February 2024

ရန်ကုန်တိုင်းဒေသကြီး၊ သန်လျင်မြို့နယ်၊ ဒဂုံ-သီလဝါကားလမ်း၊ ကုလားဝဲကျေးရွာအနီး၊ ကုလားဝဲတံတားအဆင်းတွင်  ဆီဘောက်ဆာယာဉ်(၁)စီး တိမ်းမှောက်မှုယနေ့တွင် ဖြစ်ပွား ခဲ့ကြောင်းမြန်မာနိုင်ငံမီးသတ်တပ်ဖွဲ့မှ သိရသည်။

ဖြစ်စဉ်မှာ ဖေဖော်ဝါရီ ၂၂ရက်နေ့၊ နေ့လယ်  ၁နာရီ ၂ မိနစ်အချိန်ခန့်က ရန်ကုန်တိုင်းဒေသကြီး၊ သန်လျင်မြို့နယ်၊ ဒဂုံ-သီလဝါကားလမ်း၊ ကုလားဝဲကျေးရွာအနီး၊ ကုလားဝဲတံတားအဆင်းတွင် ဆီဘောက်ဆာယာဉ်(၁)စီး တိမ်းမှောက်မှုဖြစ်ပွားကြောင်းသိရသည်။

' မီးသတ်ယာဉ်နှစ်စီးနဲ့ ရေဖြန်းနေတယ်၊ ကျွန်‌တော်တွေ့တာ မီးတော့ ဟိုလိုလောင်နေတာမဟုတ်ဘူး၊ မီးခိုးလေးတွေတော့တွေ့ရတယ်၊ ကားသမားတော့ ဆေးရုံပို့လိုက်ကြတယ်။' ဟု ဒေသခံတစ်ဦးကပြောသည်။

အဆိုပါကုလားဝဲတံတားအဆင်းတွင် ဆီဘောက်ဆာယာဉ်(၁)စီး တိမ်းမှောက်မှုဖြစ်ပွားကြောင်း သတင်းရရှိသဖြင့် အရှေ့ပိုင်းခရိုင်မီးသတ်စခန်းမှ ရေသယ်ယာဉ်(၁)စီး၊ သန်လျင်မြို့နယ်မီးသတ်စခန်းမှ မီးသတ်ယာဉ်(၁)စီး၊ ဒဂုံဆိပ်ကမ်းမြို့နယ်မီးသတ်စခန်းမှ Foam မီးငြှိမ်းသတ်ယာဉ်(၁)စီး ထွက်ခွာ၍ကူညီကယ်ဆယ်မှုများပြုလုပ်ခဲ့ကြောင်းသိရသည်။
Yangon Times/NN
#Local_News
#Published_ 22 February 2024
#YMG_News #Yangon_Times #Yangon_Media_Group

စပျစ်လှိုင်ချိန်ဖြစ်သော်လည်း ဝယ်လိုအားများ၍ ဈေးတက်ရိပ်ပြလာ

'နေပူလာတော့ အရောင်းသွက်လာတယ်၊ စပျစ်ရာသီလည်းရောက်လာတော့လေ၊ လက်ရှိတောင်ကြီးအလှုချိန်ဆိုတော့ အဲ့ဒီဘက်ကပိုမှာနေတယ်၊ နောက်ပိုင်းအသီးလှရင် ရှစ်ထောင်၊တစ်သောင်းဖြစ်ဦးမယ်'
စပျစ်တစ်ပိသာ ပျှမ်းမျှကျပ်၈၀၀ အထိဈေးတက်လာ
Yangon Times/NN
#Local_News
#Published_ 22 February 2024
#YMG_News #Yangon_Times #Yangon_Media_Group

မြန်မာ့ရိုးရာထမနဲထိုးပြိုင်ပွဲမှာဗိုလ်တထောင်စေတီရှိ ဌာန(၇)ခုမှ ဝန်ထမ်းတွေပါဝင်ယှဉ်ပြိုင်ခဲ့ကြပြီး လာမယ့် တပိုတွဲလပြည့်‌နေ့  ဖေဖော်ဝါရီလ (၂၄)ရက်မှာတော့ နှမ်းမနဲစတုဒိသာလှူဒါန်းမှုတွေ ဆောင်ရွက်သွားမှာဖြစ်တယ် ဂေါပကအဖွဲ့
Yangon Times/tthl
#Local_News
#Published_ 22 February 2024
#YMG_News #Yangon_Times #Yangon_Media_Group

Published_ 22 February 2024

CTBTO Preparatory Commission ၏ (၆၂) ကြိမ်မြောက်လုပ်ငန်းအဖွဲ့(ဘီ) အစည်းအဝေးသို့ ဗီယင်နာမြို့အခြေစိုက် မြန်မာအမြဲတမ်းကိုယ်စားလှယ်အဖွဲ့ တက်ရောက်လျက်ရှိကြောင်း သိရပါတယ်။

The Comprehensive Nuclear-Test-Ban Treaty Organization (CTBTO) Preparatory Commission ၏ (၆၂) ကြိမ်မြောက်လုပ်ငန်းအဖွဲ့(ဘီ)အစည်းအဝေးကို ဩစတြီးယားနိုင်ငံ၊ Vienna International Centre ၌ hybrid format ဖြင့် ဖေဖော်ဝါရီ ၁၉ ရက်မှစတင်ကျင်းပလျက်ရှိရာ ဗီယင်နာမြို့အခြေစိုက် ကုလသမဂ္ဂနှင့် အခြားနိုင်ငံတကာ အဖွဲ့အစည်းများဆိုင်ရာ မြန်မာအမြဲတမ်း ကိုယ်စားလှယ်အဖွဲ့ရုံး ယာယီတာဝန်ခံ ဒေါ်စုစုဝင်းနှင့် ပထမအတွင်းဝန် ဒေါ်မြတ်မဉ္ဇူပြုံးတို့ တက်ရောက်နေကြတာ ဖြစ်ပါတယ်။

အစည်းအဝေးကို ဖေဖော်ဝါရီ ၁၉ ရက်မှ မတ် ၁ ရက်အထိ ကျင်းပမှာဖြစ်ပြီး နျူကလီးယားစမ်းသပ်ဖောက်ခွဲမှုဆိုင်ရာ စောင့်ကြည့်စစ်ဆေးသည့် အစီအစဉ်များ အကောင်အထည် ဖော်ခြင်းနှင့်ပတ်သက်သော အတွင်းရေးမှူးရုံး၏ အစီရင်ခံစာများအား ပြန်လည်သုံးသပ်ကြမှာ ဖြစ်ပါတယ်။

အဆိုပါလုပ်ငန်းအဖွဲ့၏ ၂၀၂၄-၂၀၂၅ ခုနှစ် လုပ်ငန်းအစီအစဉ်တွင်ပါရှိတဲ့ နည်းပညာဆိုင်ရာ ကိစ္စရပ်များအပေါ် ညှိနှိုင်းဆွေးနွေးခြင်း နှင့် International Monitoring System (IMS) Station ဆိုင်ရာ တည်နေရာအညွှန်း၊ အမည်နာမနှင့် code များကို ထပ်မံပြင်ဆင်ပြောင်းလဲမှုများနှင့် စပ်လျဉ်း၍ အတွင်းရေးမှူးရုံး၏ အဆိုပြုချက်များအပေါ် ဆွေးနွေးသွားမယ်လို့ သိရပါတယ်။

အစည်းအဝေးသို့ သိပ္ပံနှင့် နည်းပညာဝန်ကြီးဌာန၊ အဏုမြူစွမ်းအင်ဦးစီးဌာနမှ ဒုတိယညွှန်ကြားရေးမှူး ဒေါက်တာနိုင်ညီညီအောင် က အွန်လိုင်းစနစ်ဖြင့် တက်ရောက် လျက်ရှိကြောင်း သတင်းရရှိပါတယ်။
Ymg_mnn
#Yangon_Media_Group
#Local_News
#Published_ 22 February 2024
#YMG_News #Yangon_Times #Yangon_Media_Group