#World_Health
Published 13 October 2024

▪️ ရေအေးဖြင့် ရေချိုးဖို့က အတော်အားခဲရပေမယ့် ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေး အကျိုးကျေးဇူးများ ရရှိစေနိုင်တာကြောင့် အခုနောက်ပိုင်း စိတ်ဝင်စားလာကြပါတယ်။

▪️ ရေအေးဖြင့်ချိုးတဲ့အခါ ခန္ဓာကိုယ်မှာ ဘာဖြစ်သွားလဲဆိုတာနဲ့ ရနိုင်တဲ့ အကျိုးကျေးဇူးများကို လေ့လာဖော်ပြသွားပါမယ်။

- ဇီဝကမ္မဖြစ်စဉ် ရုတ်ချည်းပြောင်းလဲမှုများ
▪️ အရေပြားကို ရေအေးထိလိုက်တဲ့အချိန်မှာ ရုတ်တရက် ပြောင်းလဲမှုများဖြစ်ပေါ်ပါတယ်။

▪️ နှလုံးခုန်နှုန်း၊ သွေးဖိအား၊ အသက်ရှူခြင်းတို့ ရုတ်တရက် မြင့်တက်လာပြီး ဒါဟာ အေးတဲ့ပတ်ဝန်းကျင်မှာ အသက်ရှင်နိုင်အောင် ခန္ဓာကိုယ်မှ သဘာဝအတိုင်း ပြင်ဆင်ပေးထားတာ ဖြစ်ပါတယ်။

▪️ လူကို နိုးကြားစေကာ စွမ်းအင်မြှင့်တင်ပေးပါတယ်။

▪️ ရေအေးကြောင့် အရေပြားမျက်နှာပြင်ရှိ သွေးကြောများ ညှစ်လိုက်ကာ ရေချိုးပြီးနောက် နွေးသွားတဲ့အခါ သွေးကြောပြန်ကျယ်သွားပြီး သွေးစီးဆင်းမှု ကောင်းမွန်စေကာ နှလုံးသွေးကြော ကျန်းမာရေးကို အကျိုးရှိစေပါတယ်။

▪️ အအေးဓာတ်ကြောင့် အဆီညိုတစ်ရှုးကို လှုံ့ဆော်ပေးကာ အနွေးဓာတ်ထိန်းသိမ်းပေးပြီး ကယ်လိုရီလောင်ကျွမ်းစေပါတယ်။

- ကိုယ်ခံအားစနစ်မြှင့်တင်ပေးခြင်း

▪️ အရေးကြီးဆုံး အကျိုးကျေးဇူးတစ်ခုက ကိုယ်ခံအား မြှင့်တင်ပေးတာပါပဲ။
သွေးဖြူဥဆဲလ်များ ထုတ်လုပ်မှုကို အားပေးကာ ရောဂါကူးစက် ဝင်ရောက်ခြင်းများကို ကာကွယ်ပေးပါတယ်။

▪️ သာမန်အအေးမိ ဖျားနာမှုတွေကို လျှော့ချပေးနိုင်တယ်လို့ ဆန်းစစ်ထားပါတယ်။

- စိတ်ပိုင်းဆိုင်ရာနဲ့ စိတ်အခြေအနေ
▪️ အင်ဒေါ်ဖင်ဟော်မုန်း ထွက်စေသဖြင့် စိတ်အခြေအနေ မြှင့်တင်ပေးကာ ဖိစီးမှုများကို လျော့ကျစေပါတယ်။

▪️ အအေးဒဏ်ကို သည်းခံနိုင်တဲ့ အခြေအနေကြောင့် ဖိစီးမှုများကို ထိရောက်စွာ ထိန်းချုပ်နိုင်တဲ့ စွမ်းရည်တိုးမြင့်လာပါတယ်။

- အရေပြားနဲ့ ဆံပင်အကျိုးကျေးဇူးများ
▪️ ရေအေးကြောင့် အရေပြား မွေးညင်းပေါက်များ တင်းကြပ်သွားသဖြင့် ဖုန်နဲ့ အညစ်အကြေးများ မဝင်ရောက်နိုင်ကာ အသားအရေ ပိုမိုတင်းရင်းနုပျိုစေပါတယ်။

▪️ ဆံကေသာကိုလည်း သန်စွမ်းတောက်ပြောင်စေကာ ပျက်စီးခြင်းမှ ကာကွယ်ပေးပါတယ်။

▪️ ဒီလိုအကျိုးကျေးဇူးတွေ ရှိပေမယ့် နှလုံးသွေးကြော ပြဿနာရှိသူတွေ၊ သွေးတိုးသူတွေကတော့ ပညာရှင်များနဲ့ အရင်တိုင်ပင်သင့်ပါတယ်။

▪️ အခုမှ ရေခဲဖြင့်စချိုးမယ်ဆိုရင် အရမ်းမအေးတဲ့ရေဖြင့် စတင်ချိုးကြည့်သင့်ပြီး ခန္ဓာကိုယ်က အပူချိန်ပြောင်းလဲမှုကို ကျင့်သားရစေပါတယ်။

#Source: DoctorNDTV

ခရီးသွားစီးနင်းသူများပြားလာတာကြောင့်  ရန်ကုန်-ပြည်နဲ့ ရန်ကုန်- မော်လမြိုင်ရထားတွဲဆိုင်းတွေကို  ဒီကနေ့ကစတင်ပြီး တိုးချဲ့ပြေးဆွဲနေတယ်လို့ မြန်မာ့မီးရထားကနေ သိရပါတယ်။
#Local_News
Published 13 October 2024
#ပြည်နှင့်မော်လမြိုင် #ရထားတွဲဆိုင်းများတိုးချဲ့ပြေးဆွဲ
#YMG/NN #Yangon_Times

#World_Health
Published 13 October 2024
▪️ လူသားတွေရဲ့ အရေးကြီးဆုံး အင်္ဂါတွေထဲမှာ မျက်လုံးအပါအဝင် ဖြစ်ပါတယ်။ လူအများစုက သူတို့ရဲ့ဘဝမှာ မျက်လုံးပြဿနာ တစ်ခုခု ခံစားရတတ်ပါတယ်။
စောစီးစွာ ပြဿနာကို သိရှိရင် ရောဂါအများစုက ကာကွယ်နိုင်ပါတယ်။

▪️ ဘယ်လိုကြောင့်ဖြစ်တဲ့ မျက်လုံးပြဿနာပဲဖြစ်ဖြစ် နေ့စဉ်နေထိုင်မှုဘဝမှာ ထိခိုက်လာနိုင်ပါတယ်။

▪️ ဒါကြောင့် မျက်လုံးပြဿနာများ ဖြစ်ရတဲ့ အကြောင်းအရင်းတွေနဲ့ ဖြေရှင်းနည်းများကို သိရှိထားသင့်ပါတယ်။

(၁) မျက်လုံးခြောက်ခြင်း
▪️ မျက်လုံးတွေကနေ မျက်ရည် လုံလောက်စွာ မထုတ်လုပ်နိုင်ခြင်း၊ ခန်းခြောက်မြန်ခြင်းတို့ကြောင့် ဖြစ်တာဖြစ်ပြီး အထူးသဖြင့် သက်ကြီးရွယ်အိုတွေနဲ့ ကွန်ပျူတာ၊ ဖုန်းတွေကို ကြာရှည်စွာ ကြည့်ရှုသူတွေမှာ ဖြစ်တတ်ပါတယ်။

▪️ မျက်စဉ်းခတ်ခြင်း၊ ရေများများသောက်ခြင်း၊ ကွန်ပျူတာအသုံးပြုပါက ၂၀-၂၀-၂၀ စည်းမျဉ်းအတိုင်း လုပ်ဆောင်ခြင်းတို့ ပြုလုပ်သင့်ပါတယ်။

(၂) မျက်စိနာခြင်း
▪️ မျက်ခွံအတွင်းသားတစ်ရှူး ရောင်ရမ်းခြင်း ဖြစ်တဲ့လက္ခဏာဖြစ်ပြီး ဘက်တီးရီးယား၊ ဗိုင်းရပ်စ်၊ အလာဂျင်တို့ကြောင့် ဖြစ်တတ်ပါတယ်။

▪️ ပဋိဇီဝမျက်စဉ်းဆေး အသုံးပြုခြင်း၊ ဓာတ်မတည့်မှု သက်သာစေတဲ့ မျက်စဉ်းဆေး အသုံးပြုခြင်းဖြင့် သက်သာနိုင်ကာ တစ်ပတ်အတွင်း သူ့အလိုလို ပျောက်ကင်းသွားတတ်ပါတယ်။

(၃) အတွင်းတိမ်
▪️ မျက်လုံးရဲ့ သဘာဝမှန်ဘီလူးမှာ တိမ်ဖြစ်ပြီး အမြင်ဝါးခြင်း ခံစားရနိုင်ပါတယ်။
များသောအားဖြင့် အသက်အရွယ်ကြောင့် ဖြစ်နိုင်သလို မျိုးဗီဇ အချက်အလက်များ၊ ဆီးချို၊ နေရောင်ထိတွေ့မှုတို့ကြောင့်လည်း ဖြစ်တတ်ပါတယ်။

▪️ နေကာမျက်မှန်တပ်ခြင်း၊ ဓာတ်တိုးဆန့်ကျင်ပစ္စည်း ကြွယ်ဝတဲ့ အစားအစာ စားခြင်းတို့ဖြင့် ကာကွယ်နိုင်သလို ခွဲစိတ်မှုလည်း ပြုလုပ်နိုင်ပါတယ်။

(၄) ရေတိမ်
▪️ မျက်လုံးမှာ ဖိအားများလာပြီး အမြင်အာရုံကြော ထိခိုက်ကာ အမြင်ကွယ်ခြင်း ဖြစ်တတ်ပါတယ်။

▪️ ဆေးညွှန်းထားတဲ့ မျက်စဉ်းဖြင့် အမြင်အာရုံကြော ထိခိုက်မှုကာကွယ်နိုင်သလို လေဆာကုသနည်း၊ ခွဲစိတ်ခြင်းတို့ဖြင့် မျက်လုံးတွင်း အရည်စီးဆင်းခြင်းကို တိုးတက်စေပြီး ဖိအားလျော့စေပါတယ်။

(၅) အဝေးမှုန်ခြင်း
▪️ အလင်းယိုင်ပြဿနာဖြစ်ပြီး အနီးကပ်အရာတွေကို ပြတ်သားစွာမြင်ပေမယ့် အဝေးကအရာတွေကို ကြည့်တဲ့အခါ ဝါးသွားတဲ့ အခြေအနေ ဖြစ်ပါတယ်။

▪️ ဒါက ကမ္ဘာပေါ်မှ လူသန်းပေါင်းများစွာ ခံစားနေရတဲ့ ပြဿနာလည်း ဖြစ်ပါတယ်။

▪️ ညွှန်ကြားထားတဲ့ မျက်မှန်တပ်ခြင်း၊ မှန်ဘီလူးကို ပုံမှန်ပြန်ဖြစ်စေတဲ့ မျက်ကပ်မှန်တပ်ခြင်းတို့ဖြင့် လက္ခဏာသက်သာစေပါတယ်။

(၆) အနီးမှုန်ခြင်း
▪️ အနီးရှိ အရာဝတ္ထုတွေကို မြင်နိုင်စွမ်း လျော့နည်းသွားတဲ့ အခြေအနေ ဖြစ်ပါတယ်။

▪️ အသက် ၄၀၊ ၅၀ ဝန်းကျင်လောက်မှာ စတင်ခံစားရနိုင်ပါတယ်။

▪️ စမ်းသပ်ညွှန်ကြားထားတဲ့ မျက်မှန်တပ်ခြင်းဖြင့် အမြင်အာရုံ ချိန်ညှိနိုင်သလို အလင်းယိုင်ခြင်းအပိုင်းကို ခွဲစိတ်ခြင်းဖြင့်လည်း ကုသနိုင်ပါတယ်။

(၇) မျက်ကြည်လွှာအတွင်းသား ချို့ယွင်းလာခြင်း
▪️ တိကျပြတ်သားတဲ့ အမြင်အာရုံ ပေးစွမ်းနိုင်တဲ့ မျက်ကြည်လွှာ အစိတ်အပိုင်းဖြစ်တဲ့ မက်ကူလာက အသက်ကြီးလာတဲ့အခါ ချို့ယွင်းလာပြီး မျက်နှာများကို မှတ်မိမြင်နိုင်ရန် ခက်ခဲလာပါတယ်။

▪️ အစိမ်းရောင်အရွက်များ၊ ငါး၊ အခွံမာသီးတို့ စားသုံးခြင်းဖြင့် ရောဂါဆိုးရွားမှု လျှော့ချနိုင်သလို ပုံမှန်စစ်ဆေးခြင်းဖြင့် စောစီးစွာ တွေ့ရှိနိုင်ပါတယ်။

#Source: DoctorNDTV

စက်ရုပ်စားဖိုမှူးများကို တရုတ်အာဏာပိုင်များက အသင့်စားအစားအသောက် ဝန်ဆောင်မှုလိုင်စင်ပေးအပ်ခဲ့ရာ ပေကျင်းမြို့မှာ မကြာခင် စက်ရုပ်စားဖိုမှူးများက လာရောက်စားသုံးသူများအတွက် အစားအစာများချက်ပြုတ်ပေးတော့မှာ ဖြစ်ပါတယ်။
#Asia_Development
Published 12 October 2024
#စက်ရုပ်စားဖိုမှူး #အစားအစာများပြင်ဆင်
#YMG #Yangon_Times #Yangon_Media_Group

#Daily_News
Published 12 October 2024

၁။ သီတင်းကျွတ်ပိတ်ရက်အတွက် အထူးရထားများ ပြေးဆွဲမည်

၂။ ‌တစ်လအတွင်း‌ ဒေါ်လာသန်း၁၀၀ကျော်တန်ဖိုးရှိ ဆန်နှင့်ဆန်ကွဲတန်ချိန် နှစ်သိန်းကျော်တင်ပို့၊ ယခုဘဏ္ဍာနှစ်အတွင်းပို့ကုန်ဝင်ငွေအများဆုံးရရှိထား

၃။ ရန်ကုန်မြို့၊ ပြည်သူ့ရင်ပြင်တွင် သီတင်းကျွတ်ပွဲတော်(၃)ရက်တိုင်တိုင် ကျင်းပမည်

၄။ မကြာမီပေကျင်းတွင် စက်ရုပ်စားဖိုမှူးများဖြင့် အစားအစာများ ပြင်ဆင်ပို့ဆောင်သွားမည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဧရာဝတီတိုင်း၊ ပုသိမ်မြို့ရှိ ပုသိမ်လေဆိပ်သို့ လေကြောင်းလိုင်းနှစ်ခုမှ တစ်ပတ် မှာ လေးရက်စတင်ပျံသန်းပြေးဆွဲသွားမယ်လို့ ဟိုတယ်နှင့်ခရီးသွားလာရေးဝန်ကြီးဌာနမှ သိရပါတယ်။
#Local_News
Published 12 October 2024
#ပုသိမ်လေဆိပ် #တစ်ပတ်လေးရက်ပျံသန်းပြေးဆွဲ
#YMG/NN #Yangon_Times

ရန်ကုန်မြို့ ပြည်သူ့ရင်ပြင်မှာ MSMEထုတ်ကုန်သီတင်းကျွတ်ဈေးရောင်း ပွဲတော်နဲ့ဂီတပွဲတော်ကို(၃)ရက်တိုင်တိုင်ကျင်းပဖို့ရှိပြီး ဆိုင်ခန်း(၄၂၀)ခန့် ရောင်းချပေးဖို့ရှိတယ်လို့ သိရပါတယ်။
#Local_News
Published 12 October 2024
#ပြည်သူ့ရင်ပြင် #သီတင်းကျွတ်ပွဲတော်
#YMG/tthl #Yangon_Times

၂၀၂၄-၂၀၂၅ ဘဏ္ဍာနှစ် စက်တင်ဘာလအတွင်း ဒေါ်လာသန်း ၁၀၀ ကျော်တန်ဖိုးရှိတဲ့ဆန်နဲ့ ဆန်ကွဲတန်ချိန်နှစ်သိန်းကျော်တင်ပို့ထားပြီး အခုဘဏ္ဍာနှစ်အတွင်းမှာ‌ တော့ တန်ချိန်အများဆုံးနဲ့ ပို့ကုန်ဝင်ငွေအများဆုံးရရှိထားတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 12 October 2024
#ဆန်နှင့်ဆန်ကွဲ #ပို့ကုန်ဝင်ငွေအများဆုံးရရှိ
#YMG/NN #Yangon_Times

သီတင်းကျွတ်အထူးရထားအနေနဲ့ အောက်တိုဘာလ(၁၅)ရက်မှာ ရန်ကုန်-ပြည်(အဆန်)၊ ရန်ကုန်-မော်လမြိုင်(အဆန်)၊ မော်လမြိုင်-ရန်ကုန်(အစုန်)နဲ့အောက်တိုဘာလ(၂၀)ရက်မှာတော့ ပြည်-ရန်ကုန် (အစုန်)၊ ရန်ကုန်-မော်လမြိုင် (အဆန်)၊ မော်လမြိုင်-ရန်ကုန် (အစုန်)ကိုပြေးဆွဲပေးမှာဖြစ်ပါတယ်လို့ သိရပါတယ်။
#Local_News
Published 12 October 2024
#သီတင်းကျွတ်ပိတ်ရက် #အထူးရထားများပြေးဆွဲ
#YMG/tthl #Yangon_Times

#Local_News
Published 12 October 2024

▪️ သာကေတမြို့နယ်၌  ဓာတ်တိုင်အသစ်များစိုက်ထူရန် ရပ်ကွက်အချို့၌ ယာယီမီးပြတ်သွားမည် ဖြစ်ကြောင်း မြို့နယ်လျှပ်စစ်ဌာနမှ သိရသည်။

▪️ အောက်တိုဘာ ၁၂ ရက်နေ့ မနက် ၁၁ နာရီ မှ နေ့လယ် ၂နာရီအထိ 33kV သာကေတ မြင်တော်သာဖီဒါကို ဓာတ်အားပိတ်၍(Shutdown) ဧရာဝဏ်လမ်း တလျောက်(မြင်တော်သာလမ်းမှ အဝိုင်းထိ) လမ်းတိုးချဲ့နှင့် မလွတ်ကင်းသော ဓာတ်တိုင်များအားရွေ့ရန်အတွက် ဓာတ်တိုင်အသစ်များစိုက်ထူခြင်းလုပ်ငန်းဆောင်ရွက်မည်ဖြစ်ကြောင်း သိရသည်။

▪️ ထို့ကြောင့်  ထူပါရုံ ၊ အနော်မာ၊ ၂တောင်၊ ၆ အနောက်၊ ရ အရှေ့၊ ၇အနောက်၊ ၈၊၉၊ ၁၀တောင်နှင့် ၁၀မြောက်ရပ်ကွက်များတွင် ယာယီဓာတ်အားပြတ်တောက်နေမည်ဖြစ်ကြောင်း အသိပေးထားသည်။

#YMG/NN #Yangon_Times

#World_News
Published 12 October 2024

▪️ ဖလော်ရီဒါမှာ နှစ်ပတ်အတွင်း ဒုတိယအကြိမ်မြောက် ဟာရီကိန်းမုန်တိုင်းကြီး ဝင်ရောက်ပြီးနောက်မှာတော့ ဒေသခံသန်းပေါင်းများစွာ သောကြာနေ့မှာ ပြန်လည်ထူထောင်ရေး လုပ်ငန်းများကို ခက်ခက်ခဲခဲ စတင်လုပ်ဆောင်နေပြီ ဖြစ်ပါတယ်။

▪️ မီလ်တန်နဲ့ ဟယ်လင်းမုန်တိုင်းတို့ကြောင့် ပျက်စီးကျန်ခဲ့တဲ့ အစအနတွေရှင်းလင်းကြပြီး ဓာတ်အားပြန်လည်ရရှိအောင် လုပ်ဆောင်နေကြသလို ရေဝင်ခဲ့တဲ့ အိမ်တွေမှ ရွှံ့များဖယ်ထုတ်နေကြပါတယ်။

▪️ မီလ်တန်မုန်တိုင်းကြောင့် ဖလော်ရီဒါ အရှေ့ဘက် ကမ်းခြေမှာ လေဆင်နှာမောင်းများ ဖြစ်ပေါ်ပြီး နေရာအနှံ့ ရေလျှံမှုများ ဖြစ်ပွားခဲ့ပြီး အနည်းဆုံး ၁၆ ဦးသေဆုံးကာ သန်းပေါင်းများစွာ လျှပ်စစ်ဓာတ်အား ပြတ်တောက်နေရပါတယ်။

▪️ ဟယ်လင်းဟာရီကိန်းက ပင်လယ်ကွေ့ကမ်းခြေသို့ ပြီးခဲ့တဲ့လကုန်က ဝင်ရောက်ခဲ့ပြီးနောက် အမေရိကန် အရှေ့တောင်ပိုင်းသို့ ဝင်ရောက်တိုက်ခတ်ခဲ့သဖြင့် ထိုနေရာအများအပြားမှာ အပျက်အစီးများ ရှင်းလင်းနေဆဲဖြစ်ပြီး ပြုပြင်နေကြပါတယ်။

▪️ ယခုသီတင်းပတ် ၇၂ နာရီအတွင်းမှာပဲ ဖလော်ရီဒါ ပို့ဆောင်ရေးဌာနက တမ်ပါပင်လယ်အော်အဝနား ပီနယ်လက်စ်ကောင်တီ ကျွန်းများရှိ ၄ သောင်းကုဗကိုက်ကျော် နေရာအကျယ်အဝန်းကနေ အပျက်အစီးတွေကို ဖယ်ရှားခဲ့ကြောင်း အုပ်ချုပ်ရေးမှူး ရွန်ဒီဆန်းတစ်က ပြောသွားပါတယ်။

▪️ အလုပ်သမားများက ပျက်ကျနေတဲ့ ဓာတ်ကြိုးတွေနဲ့ ဖုန်းတာဝါတိုင်တွေကို ပြုပြင်နေကြပြီး အစိုးရဌာန အဖွဲ့ဝင်များနဲ့ ဒေသခံများက လွှစက်များဖြင့် လဲကျနေတဲ့ သစ်ပင်များကို ဖြတ်တောက်နေကာ မြို့တလျှောက် လျှံဝင်နေတဲ့ ရေတွေကို သုတ်သင်နေကြပါတယ်။

▪️ ဖလော်ရီဒါမှာ ဓာတ်အားပြတ်တောက်တဲ့ အိမ်နဲ့ လုပ်ငန်းအရေအတွက် လျော့ကျလာပြီး အချို့ကတော့ ဓာတ်အားပြန်ရရန် စောင့်ဆိုင်းနေဆဲ ဖြစ်ပါတယ်။

▪️ ဖလော်ရီဒါကောင်တီ ၂၃ ခုမှာ နိုင်ငံတော် ကာကွယ်ရေးအဖွဲ့ဝင်ပေါင်း ၆၅၀၀ ကျော် လှုပ်ရှားနေပါတယ်။

▪️ သမ္မတဂျိုးဘိုင်ဒင်က အပျက်အစီးလေ့လာဖို့အတွက် တနင်္ဂနွေနေ့မှာ ဖလော်ရီဒါသို့ လာရောက်မှာ ဖြစ်တယ်လို့ အိမ်ဖြူတော်က ပြောပါတယ်။

▪️ ထိခိုက်တဲ့ နေရာတွေမှာ ထူထောင်ရေးလုပ်ငန်းများ ကြာရှည်စွာ ပြုလုပ်ရဦးမှာဖြစ်ပြီး အိမ်အတော်များများမှာ ရေဆိုးစနစ်တွေ ရေသန့်စနစ်တွေ ပျက်စီးထားတာကြောင့် လူနေလို့ရမှာ မဟုတ်ဘူးလို့ မြို့တော်ဝန် အက်ဒရီယန်ပက်ထရီလာက ABC News ကို ပြောကြားသွားပါတယ်။

▪️ ဗုဒ္ဓဟူးနေ့ညနေပိုင်း မီလ်တန်စဝင်လာပြီးနောက် လူပေါင်း ၁၂၀၀ နီးပါးကို ကယ်ဆယ်ထားနိုင်တယ်လို့ ဒီဆန်းတစ်ရုံးမှ ပြောပါတယ်။

#Source: Reuters

#Local_News
Published_ 12 October 2024

▪️ မြန်မာနိုင်ငံမှ စိုက်ပျိုးရေး၊ မွေးမြူရေးနှင့် လယ်ယာသစ်သီးဝလံထွက်ကုန်များ ဝယ်ယူလိုသည့် အာဆီယံ-တရုတ်နိုင်ငံများမှ လုပ်ငန်းရှင်များနှင့်လက်တွဲ၍ စိုက်ပျိုးရေးထွက်ကုန်ပစ္စည်းများ ကုန်သွယ်မှုကို မြှင့်တင်သွားလိုကြောင်း တရုတ်နိုင်ငံဆိုင်ရာ မြန်မာသံအမတ်ကြီး ဦးတင်မောင်ဆွေက ပြောကြားခဲ့ပါတယ်။

▪️ တရုတ်ပြည်နိုင်ငံ၊ ပေကျင်းမြို့၊ Xinfadi Wholesale Market ရှိ Xinfadi Agricultural Expo Conference Center ၌ အောက်တိုဘာ ၁၁ ရက်တွင် ကျင်းပပြုလုပ်တဲ့ အာဆီယံ-တရုတ် (Xinfadi) စိုက်ပျိုးရေးထွက်ကုန်ပစ္စည်းများ ကုန်သွယ်မှုမြှင့်တင်ရေးဆွေးနွေးပွဲ ဖွင့်ပွဲအခမ်းအနား၌ မြန်မာသံအမတ်ကြီးက ပြောကြားခဲ့တာဖြစ်ပါတယ်။

▪️ မြန်မာသံအမတ်ကြီးက အာဆီယံနှင့်တရုတ်နိုင်ငံတို့အကြား စိုက်ပျိုး/မွေးမြူရေးကဏ္ဍ ပူးပေါင်း ဆောင်ရွက်မှုများ၊ ပြည်သူများအတွက် လက်တွေ့အကျိုးဖြစ်ထွန်းစေသည့် စိုက်ပျိုးရေး နည်းပညာနှင့် စီမံခန့်ခွဲမှုဆိုင်ရာစီမံကိန်းများကြောင့် နှစ်ဦးနှစ်ဘက် ရလဒ်ကောင်းများ ရရှိခဲ့တယ်လို့ ဆိုပါတယ်။

▪️ လက်ရှိတွင် မြန်မာနိုင်ငံမှတရုတ်နိုင်ငံသို့ စိုက်ပျိုးရေး၊ မွေးမြူရေးနှင့် ရေထွက်ကုန်ပစ္စည်း တင်ပို့မှုဆိုင်ရာ သဘောတူညီမှုစာချုပ်များ လက်မှတ်ရေးထိုးပြီး တင်ပို့ဆောင်ရွက်လျက်ရှိကြောင်း၊ လယ်ယာထွက်ကုန်များနှင့် အရည်အသွေး ပြည့်မီသော ပြည်ပပို့ကုန်မြှင့်တင်နိုင်ရေးအတွက် MSMEs လုပ်ငန်းကဏ္ဍ ဖွံ့ဖြိုးတိုးတက်ဖို့ ဆောင်ရွက်နေတယ်လို့ သံအမတ်ကြီးက ဆက်ပြောပါတယ်။

▪️ စိုက်ပျိုးရေးနည်းပညာဆိုင်ရာ အသိပညာနှင့်စျေးကွက် လိုအပ်ချက် ဖြည့်ဆည်းနိုင်ရေးအတွက် အာဆီယံနှင့်တရုတ်နိုင်ငံတို့မှ ရင်းနှီးမြှုပ်နှံသူများ၊ နည်းပညာ နှင့်ပညာရှင်များအား အရည်အသွေးမြင့် ထုတ်ကုန်များနှင့် အစားအစာဘေးကင်းလုံခြုံရေးဆိုင်ရာ လုပ်ငန်းများတွင် အတွေ့အကြုံများမျှဝေပေးဖို့ ဖိတ်ခေါ်ခဲ့ပါတယ်။

▪️ အဆိုပါအခမ်းအနားသို့ တရုတ်နှင့်အာဆီယံနိုင်ငံများမှ အစိုးရကိုယ်စားလှယ်များ၊ စီးပွားရေး လုပ်ငန်းရှင်များနှင့် အခြားဖိတ်ကြားထားတဲ့ ဧည့်သည်တော်များ စုစုပေါင်း (၂၆၀) ဦးခန့် တက်ရောက်ခဲ့ကြောင်း သတင်းရရှိပါတယ်။

#Ymg_mnn #Yangon_Media_Group