စက်ရုပ်စားဖိုမှူးများကို တရုတ်အာဏာပိုင်များက အသင့်စားအစားအသောက် ဝန်ဆောင်မှုလိုင်စင်ပေးအပ်ခဲ့ရာ ပေကျင်းမြို့မှာ မကြာခင် စက်ရုပ်စားဖိုမှူးများက လာရောက်စားသုံးသူများအတွက် အစားအစာများချက်ပြုတ်ပေးတော့မှာ ဖြစ်ပါတယ်။
#Asia_Development
Published 12 October 2024
#စက်ရုပ်စားဖိုမှူး #အစားအစာများပြင်ဆင်
#YMG #Yangon_Times #Yangon_Media_Group

#Daily_News
Published 12 October 2024

၁။ သီတင်းကျွတ်ပိတ်ရက်အတွက် အထူးရထားများ ပြေးဆွဲမည်

၂။ ‌တစ်လအတွင်း‌ ဒေါ်လာသန်း၁၀၀ကျော်တန်ဖိုးရှိ ဆန်နှင့်ဆန်ကွဲတန်ချိန် နှစ်သိန်းကျော်တင်ပို့၊ ယခုဘဏ္ဍာနှစ်အတွင်းပို့ကုန်ဝင်ငွေအများဆုံးရရှိထား

၃။ ရန်ကုန်မြို့၊ ပြည်သူ့ရင်ပြင်တွင် သီတင်းကျွတ်ပွဲတော်(၃)ရက်တိုင်တိုင် ကျင်းပမည်

၄။ မကြာမီပေကျင်းတွင် စက်ရုပ်စားဖိုမှူးများဖြင့် အစားအစာများ ပြင်ဆင်ပို့ဆောင်သွားမည်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဧရာဝတီတိုင်း၊ ပုသိမ်မြို့ရှိ ပုသိမ်လေဆိပ်သို့ လေကြောင်းလိုင်းနှစ်ခုမှ တစ်ပတ် မှာ လေးရက်စတင်ပျံသန်းပြေးဆွဲသွားမယ်လို့ ဟိုတယ်နှင့်ခရီးသွားလာရေးဝန်ကြီးဌာနမှ သိရပါတယ်။
#Local_News
Published 12 October 2024
#ပုသိမ်လေဆိပ် #တစ်ပတ်လေးရက်ပျံသန်းပြေးဆွဲ
#YMG/NN #Yangon_Times

ရန်ကုန်မြို့ ပြည်သူ့ရင်ပြင်မှာ MSMEထုတ်ကုန်သီတင်းကျွတ်ဈေးရောင်း ပွဲတော်နဲ့ဂီတပွဲတော်ကို(၃)ရက်တိုင်တိုင်ကျင်းပဖို့ရှိပြီး ဆိုင်ခန်း(၄၂၀)ခန့် ရောင်းချပေးဖို့ရှိတယ်လို့ သိရပါတယ်။
#Local_News
Published 12 October 2024
#ပြည်သူ့ရင်ပြင် #သီတင်းကျွတ်ပွဲတော်
#YMG/tthl #Yangon_Times

၂၀၂၄-၂၀၂၅ ဘဏ္ဍာနှစ် စက်တင်ဘာလအတွင်း ဒေါ်လာသန်း ၁၀၀ ကျော်တန်ဖိုးရှိတဲ့ဆန်နဲ့ ဆန်ကွဲတန်ချိန်နှစ်သိန်းကျော်တင်ပို့ထားပြီး အခုဘဏ္ဍာနှစ်အတွင်းမှာ‌ တော့ တန်ချိန်အများဆုံးနဲ့ ပို့ကုန်ဝင်ငွေအများဆုံးရရှိထားတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 12 October 2024
#ဆန်နှင့်ဆန်ကွဲ #ပို့ကုန်ဝင်ငွေအများဆုံးရရှိ
#YMG/NN #Yangon_Times

သီတင်းကျွတ်အထူးရထားအနေနဲ့ အောက်တိုဘာလ(၁၅)ရက်မှာ ရန်ကုန်-ပြည်(အဆန်)၊ ရန်ကုန်-မော်လမြိုင်(အဆန်)၊ မော်လမြိုင်-ရန်ကုန်(အစုန်)နဲ့အောက်တိုဘာလ(၂၀)ရက်မှာတော့ ပြည်-ရန်ကုန် (အစုန်)၊ ရန်ကုန်-မော်လမြိုင် (အဆန်)၊ မော်လမြိုင်-ရန်ကုန် (အစုန်)ကိုပြေးဆွဲပေးမှာဖြစ်ပါတယ်လို့ သိရပါတယ်။
#Local_News
Published 12 October 2024
#သီတင်းကျွတ်ပိတ်ရက် #အထူးရထားများပြေးဆွဲ
#YMG/tthl #Yangon_Times

#Local_News
Published 12 October 2024

▪️ သာကေတမြို့နယ်၌  ဓာတ်တိုင်အသစ်များစိုက်ထူရန် ရပ်ကွက်အချို့၌ ယာယီမီးပြတ်သွားမည် ဖြစ်ကြောင်း မြို့နယ်လျှပ်စစ်ဌာနမှ သိရသည်။

▪️ အောက်တိုဘာ ၁၂ ရက်နေ့ မနက် ၁၁ နာရီ မှ နေ့လယ် ၂နာရီအထိ 33kV သာကေတ မြင်တော်သာဖီဒါကို ဓာတ်အားပိတ်၍(Shutdown) ဧရာဝဏ်လမ်း တလျောက်(မြင်တော်သာလမ်းမှ အဝိုင်းထိ) လမ်းတိုးချဲ့နှင့် မလွတ်ကင်းသော ဓာတ်တိုင်များအားရွေ့ရန်အတွက် ဓာတ်တိုင်အသစ်များစိုက်ထူခြင်းလုပ်ငန်းဆောင်ရွက်မည်ဖြစ်ကြောင်း သိရသည်။

▪️ ထို့ကြောင့်  ထူပါရုံ ၊ အနော်မာ၊ ၂တောင်၊ ၆ အနောက်၊ ရ အရှေ့၊ ၇အနောက်၊ ၈၊၉၊ ၁၀တောင်နှင့် ၁၀မြောက်ရပ်ကွက်များတွင် ယာယီဓာတ်အားပြတ်တောက်နေမည်ဖြစ်ကြောင်း အသိပေးထားသည်။

#YMG/NN #Yangon_Times

#World_News
Published 12 October 2024

▪️ ဖလော်ရီဒါမှာ နှစ်ပတ်အတွင်း ဒုတိယအကြိမ်မြောက် ဟာရီကိန်းမုန်တိုင်းကြီး ဝင်ရောက်ပြီးနောက်မှာတော့ ဒေသခံသန်းပေါင်းများစွာ သောကြာနေ့မှာ ပြန်လည်ထူထောင်ရေး လုပ်ငန်းများကို ခက်ခက်ခဲခဲ စတင်လုပ်ဆောင်နေပြီ ဖြစ်ပါတယ်။

▪️ မီလ်တန်နဲ့ ဟယ်လင်းမုန်တိုင်းတို့ကြောင့် ပျက်စီးကျန်ခဲ့တဲ့ အစအနတွေရှင်းလင်းကြပြီး ဓာတ်အားပြန်လည်ရရှိအောင် လုပ်ဆောင်နေကြသလို ရေဝင်ခဲ့တဲ့ အိမ်တွေမှ ရွှံ့များဖယ်ထုတ်နေကြပါတယ်။

▪️ မီလ်တန်မုန်တိုင်းကြောင့် ဖလော်ရီဒါ အရှေ့ဘက် ကမ်းခြေမှာ လေဆင်နှာမောင်းများ ဖြစ်ပေါ်ပြီး နေရာအနှံ့ ရေလျှံမှုများ ဖြစ်ပွားခဲ့ပြီး အနည်းဆုံး ၁၆ ဦးသေဆုံးကာ သန်းပေါင်းများစွာ လျှပ်စစ်ဓာတ်အား ပြတ်တောက်နေရပါတယ်။

▪️ ဟယ်လင်းဟာရီကိန်းက ပင်လယ်ကွေ့ကမ်းခြေသို့ ပြီးခဲ့တဲ့လကုန်က ဝင်ရောက်ခဲ့ပြီးနောက် အမေရိကန် အရှေ့တောင်ပိုင်းသို့ ဝင်ရောက်တိုက်ခတ်ခဲ့သဖြင့် ထိုနေရာအများအပြားမှာ အပျက်အစီးများ ရှင်းလင်းနေဆဲဖြစ်ပြီး ပြုပြင်နေကြပါတယ်။

▪️ ယခုသီတင်းပတ် ၇၂ နာရီအတွင်းမှာပဲ ဖလော်ရီဒါ ပို့ဆောင်ရေးဌာနက တမ်ပါပင်လယ်အော်အဝနား ပီနယ်လက်စ်ကောင်တီ ကျွန်းများရှိ ၄ သောင်းကုဗကိုက်ကျော် နေရာအကျယ်အဝန်းကနေ အပျက်အစီးတွေကို ဖယ်ရှားခဲ့ကြောင်း အုပ်ချုပ်ရေးမှူး ရွန်ဒီဆန်းတစ်က ပြောသွားပါတယ်။

▪️ အလုပ်သမားများက ပျက်ကျနေတဲ့ ဓာတ်ကြိုးတွေနဲ့ ဖုန်းတာဝါတိုင်တွေကို ပြုပြင်နေကြပြီး အစိုးရဌာန အဖွဲ့ဝင်များနဲ့ ဒေသခံများက လွှစက်များဖြင့် လဲကျနေတဲ့ သစ်ပင်များကို ဖြတ်တောက်နေကာ မြို့တလျှောက် လျှံဝင်နေတဲ့ ရေတွေကို သုတ်သင်နေကြပါတယ်။

▪️ ဖလော်ရီဒါမှာ ဓာတ်အားပြတ်တောက်တဲ့ အိမ်နဲ့ လုပ်ငန်းအရေအတွက် လျော့ကျလာပြီး အချို့ကတော့ ဓာတ်အားပြန်ရရန် စောင့်ဆိုင်းနေဆဲ ဖြစ်ပါတယ်။

▪️ ဖလော်ရီဒါကောင်တီ ၂၃ ခုမှာ နိုင်ငံတော် ကာကွယ်ရေးအဖွဲ့ဝင်ပေါင်း ၆၅၀၀ ကျော် လှုပ်ရှားနေပါတယ်။

▪️ သမ္မတဂျိုးဘိုင်ဒင်က အပျက်အစီးလေ့လာဖို့အတွက် တနင်္ဂနွေနေ့မှာ ဖလော်ရီဒါသို့ လာရောက်မှာ ဖြစ်တယ်လို့ အိမ်ဖြူတော်က ပြောပါတယ်။

▪️ ထိခိုက်တဲ့ နေရာတွေမှာ ထူထောင်ရေးလုပ်ငန်းများ ကြာရှည်စွာ ပြုလုပ်ရဦးမှာဖြစ်ပြီး အိမ်အတော်များများမှာ ရေဆိုးစနစ်တွေ ရေသန့်စနစ်တွေ ပျက်စီးထားတာကြောင့် လူနေလို့ရမှာ မဟုတ်ဘူးလို့ မြို့တော်ဝန် အက်ဒရီယန်ပက်ထရီလာက ABC News ကို ပြောကြားသွားပါတယ်။

▪️ ဗုဒ္ဓဟူးနေ့ညနေပိုင်း မီလ်တန်စဝင်လာပြီးနောက် လူပေါင်း ၁၂၀၀ နီးပါးကို ကယ်ဆယ်ထားနိုင်တယ်လို့ ဒီဆန်းတစ်ရုံးမှ ပြောပါတယ်။

#Source: Reuters

#Local_News
Published_ 12 October 2024

▪️ မြန်မာနိုင်ငံမှ စိုက်ပျိုးရေး၊ မွေးမြူရေးနှင့် လယ်ယာသစ်သီးဝလံထွက်ကုန်များ ဝယ်ယူလိုသည့် အာဆီယံ-တရုတ်နိုင်ငံများမှ လုပ်ငန်းရှင်များနှင့်လက်တွဲ၍ စိုက်ပျိုးရေးထွက်ကုန်ပစ္စည်းများ ကုန်သွယ်မှုကို မြှင့်တင်သွားလိုကြောင်း တရုတ်နိုင်ငံဆိုင်ရာ မြန်မာသံအမတ်ကြီး ဦးတင်မောင်ဆွေက ပြောကြားခဲ့ပါတယ်။

▪️ တရုတ်ပြည်နိုင်ငံ၊ ပေကျင်းမြို့၊ Xinfadi Wholesale Market ရှိ Xinfadi Agricultural Expo Conference Center ၌ အောက်တိုဘာ ၁၁ ရက်တွင် ကျင်းပပြုလုပ်တဲ့ အာဆီယံ-တရုတ် (Xinfadi) စိုက်ပျိုးရေးထွက်ကုန်ပစ္စည်းများ ကုန်သွယ်မှုမြှင့်တင်ရေးဆွေးနွေးပွဲ ဖွင့်ပွဲအခမ်းအနား၌ မြန်မာသံအမတ်ကြီးက ပြောကြားခဲ့တာဖြစ်ပါတယ်။

▪️ မြန်မာသံအမတ်ကြီးက အာဆီယံနှင့်တရုတ်နိုင်ငံတို့အကြား စိုက်ပျိုး/မွေးမြူရေးကဏ္ဍ ပူးပေါင်း ဆောင်ရွက်မှုများ၊ ပြည်သူများအတွက် လက်တွေ့အကျိုးဖြစ်ထွန်းစေသည့် စိုက်ပျိုးရေး နည်းပညာနှင့် စီမံခန့်ခွဲမှုဆိုင်ရာစီမံကိန်းများကြောင့် နှစ်ဦးနှစ်ဘက် ရလဒ်ကောင်းများ ရရှိခဲ့တယ်လို့ ဆိုပါတယ်။

▪️ လက်ရှိတွင် မြန်မာနိုင်ငံမှတရုတ်နိုင်ငံသို့ စိုက်ပျိုးရေး၊ မွေးမြူရေးနှင့် ရေထွက်ကုန်ပစ္စည်း တင်ပို့မှုဆိုင်ရာ သဘောတူညီမှုစာချုပ်များ လက်မှတ်ရေးထိုးပြီး တင်ပို့ဆောင်ရွက်လျက်ရှိကြောင်း၊ လယ်ယာထွက်ကုန်များနှင့် အရည်အသွေး ပြည့်မီသော ပြည်ပပို့ကုန်မြှင့်တင်နိုင်ရေးအတွက် MSMEs လုပ်ငန်းကဏ္ဍ ဖွံ့ဖြိုးတိုးတက်ဖို့ ဆောင်ရွက်နေတယ်လို့ သံအမတ်ကြီးက ဆက်ပြောပါတယ်။

▪️ စိုက်ပျိုးရေးနည်းပညာဆိုင်ရာ အသိပညာနှင့်စျေးကွက် လိုအပ်ချက် ဖြည့်ဆည်းနိုင်ရေးအတွက် အာဆီယံနှင့်တရုတ်နိုင်ငံတို့မှ ရင်းနှီးမြှုပ်နှံသူများ၊ နည်းပညာ နှင့်ပညာရှင်များအား အရည်အသွေးမြင့် ထုတ်ကုန်များနှင့် အစားအစာဘေးကင်းလုံခြုံရေးဆိုင်ရာ လုပ်ငန်းများတွင် အတွေ့အကြုံများမျှဝေပေးဖို့ ဖိတ်ခေါ်ခဲ့ပါတယ်။

▪️ အဆိုပါအခမ်းအနားသို့ တရုတ်နှင့်အာဆီယံနိုင်ငံများမှ အစိုးရကိုယ်စားလှယ်များ၊ စီးပွားရေး လုပ်ငန်းရှင်များနှင့် အခြားဖိတ်ကြားထားတဲ့ ဧည့်သည်တော်များ စုစုပေါင်း (၂၆၀) ဦးခန့် တက်ရောက်ခဲ့ကြောင်း သတင်းရရှိပါတယ်။

#Ymg_mnn #Yangon_Media_Group

#Local_News
Published_ 12 October 2024

▪️ မြန်မာ့မီးရထားမှ သီတင်းကျွတ်ကာလအတွင်း ရန်ကုန်-ပြည်-ရန်ကုန်နှင့် ရန်ကုန်-မော်လမြိုင်- ရန်ကုန် ခရီးစဉ်များကို ပုံမှန်ရထားများအပြင် အထူးရထားများဖြင့် အောက်တိုဘာ ၁၅ ရက်နှင့် ၂၀ ရက်တို့တွင် တိုးချဲ့ပြေးဆွဲပေးသွားမှာဖြစ်ကြောင်း သိရပါတယ်။

▪️ သီတင်းကျွတ်ရုံးပိတ်ရက်ကာလ နယ်သို့ပြန်ကြမယ့် ခရီးသွားပြည်သူများနဲ့ ဌာနဆိုင်ရာဝန်ထမ်းများ အဆင်ပြေစွာခရီးသွားလာနိုင်ဖို့ မြန်မာ့မီးရထားက တိုးချဲ့ပြေးဆွဲပေးသွားမှာ ဖြစ်တယ်လို့ ဆိုပါတယ်။

▪️ အထူးရထားများအပြင် ခရီးသွားပြည်သူများ လိုက်ပါစီးနင်းမှု အပေါ်မူတည်၍ ရန်ကုန်-မန္တလေး-ရန်ကုန် ခရီးစဉ်အတွက် ပုံမှန်ပြေးဆွဲပေးနေတဲ့ရထားများတွင် ဝန်ချိန်ပြည့်တွဲဆိုင်းများ တိုးချဲ့ချိတ်ဆက် ပြေးဆွဲပေးသွားမယ်လို့လည်း သိရပါတယ်။

▪️ ခရီးသွားများအနေဖြင့် အထက်တန်းလက်မှတ်ကို သုံးရက်ကြိုတင်၍ လည်းကောင်း၊ ရိုးရိုးတန်းလက်မှတ်အား တစ်ရက်ကြိုတင်၍လည်းကောင်း ရောင်းချပေးသွားမှာဖြစ်ပြီး၊ ရထားလက်မှတ်ခနှင့် ရပ်တန့်မည့်ဘူတာများမှာ ပုံမှန်ပြေးဆွဲပေးတဲ့ ရထားများအတိုင်း ဖြစ်ပါတယ်။

#Ymg_mnn #Yangon_Media_Group

#World_Health
Published 13 October 2024

▪️ အမေရိကန် FDA မှ မကြာသေးမီက အသိအမှတ်ပြုလိုက်တဲ့ ဆေးပေါင်းစပ်မှုအသစ်ဟာ ယခင်ဆေးတွေထက် အဆုတ်ကင်ဆာအတွက် ၄၀ ရာခိုင်နှုန်းကျော် ပိုမိုထိရောက်မှုရှိကြောင်း ယန်ဆန်ဆေးကုမ္ပဏီကြီးမှ ထောက်ပံ့တဲ့ စမ်းသပ်မှုကြီးမှာ တွေ့ရှိခဲ့ကြပါတယ်။

▪️ အဆုတ်ကင်ဆာကြောင့် တစ်နှစ်ကို လူပေါင်း ၁.၈ သန်းခန့် သေဆုံးနေရပါတယ်။

▪️ အသက်ရှင်နှုန်း အလွန်နည်းပါးပြီး အထူးသဖြင့် ရောဂါနောက်ပိုင်းအဆင့်ရောက်တဲ့ လူနာတွေမှာ ပိုဆိုးပါတယ်။

▪️ ထိုအခြေအနေရောက်နေတဲ့ လူနာတွေကို အေမီဗန်တာမက်နဲ့ လေဇာတီနစ်တို့ကို ပေါင်းစပ်ပေးခဲ့ရာ ၂၃.၇ လကြာတဲ့တိုင်အောင် အသက်ဆက်ရှင်ခဲ့ပြီး ရောဂါဆက်လက် မဆိုးရွားလာခဲ့ပါဘူး။

▪️ သာမန်ကုသမှုဖြစ်တဲ့ အိုဆီမာတီနစ်နဲ့ ကုသတဲ့လူနာတွေကတော့ ပျမ်းမျှ ၁၆.၆ လသာ အသက်ရှင်ခဲ့ပါတယ်။

▪️ ယနေ့လို ကင်ဆာသုတေသန အလွန်ထွန်းကားတဲ့ခေတ်မှာ ပိုမိုကောင်းမွန်တဲ့ ကုသနည်းတွေ ထွက်ပေါ်လာတာလည်း ဖြစ်ပါတယ်။

▪️ ယခု ဆေးပေါင်းစပ်နည်းအသစ်က အိုဆီမာတီနစ်ထက် ကင်ဆာကို ပိုမိုကြာရှည်စွာ ထိန်းသိမ်းနိုင်တာ တွေ့ရတာ သိပ်ကောင်းပါတယ်လို့ ယူကေကောလိပ်ဆေးရုံတက္ကသိုလ်မှ စမ်းသပ်ရေးအကြီးအကဲ မာတင်ဖော်စတာက ပြောသွားပါတယ်။

▪️ အဆုတ်ကင်ဆာဖြစ်စေတဲ့ ဇီဝဖြစ်စဉ်အကြောင်း နားလည်လာခြင်းက ကုသနည်းတွေ ပေါ်ထွက်လာစေတယ်လို့ ရှင်းပြပါတယ်။

▪️ အဆုတ်ကင်ဆာလူနာတွေမှာ အခြားကင်ဆာတွေထက် အသက်ရှင်မှုနှုန်း အလွန်နည်းနေပြီး ဒီလိုစမ်းသပ်မှုရလဒ်မျိုး တွေ့ရတာဟာ တိုးတက်မှုတစ်ခုဖြစ်တယ်လို့ ကင်ဆာအတိုင်ပင်ခံ ရာဖေးလ်ကာလီဖာနိုက ပြောပါတယ်။

▪️ ကင်ဆာသုတေသန ထွန်းကားတဲ့ခေတ်မှာ ကင်ဆာအကြောင်း ပိုမိုသိရှိလာခြင်းဖြင့် လူနာတွေ အသက်ရှည်ရှည်ဖြင့် ကင်ဆာကင်းဝေးစွာ နေထိုင်ရမှာဖြစ်တယ်လို့ ယူကေကင်ဆာသုတေသနမှ အန်နာကင်ဆယ်လာက ပြောသွားပါတယ်။

#Source: New York Post

#World_News
Published 12 October 2024

▪️ မြေအောက်ပေ ၅၀ နီးပါးမှာ နှစ်ပေါင်း ၂ ဘီလီယံ သက်တမ်းကြာအောင် မြှုပ်နှံထားတဲ့ ကျောက်တုံးတစ်ခုကနေ သက်တမ်းအရင့်ဆုံး သက်ရှိအဏုဇီဝပိုးမွှားများကို သိပ္ပံပညာရှင်များ တွေ့ရှိခဲ့ကြပါတယ်။

▪️ တွေ့ရှိချက်များအရ အဆိုပါကျောက်တုံးကွဲကြောင်းထဲမှာ သက်တမ်းအရင့်ဆုံး သက်ရှိတွေ နေထိုင်ခဲ့ကြပါတယ်။

▪️ တောင်အာဖရိက ဘုရှ်ဗဲလ်အစ်ဂ်နီယပ်စ် ခြံဝင်းမြေအောက်ထဲက တူးဖော်ရရှိခဲ့တာဖြစ်ပြီး ယခင်စံချိန်တင် အဏုဇီဝပိုးမွှားထက် နှစ်ပေါင်း ၁.၉ ဘီလီယံ သက်တမ်းပိုရင့်ပါတယ်။

▪️ ကျွမ်းကျင်သူများက ထိုကနေ ကမ္ဘာမြေကြီးနဲ့ မားစ်ဂြိုဟ်မှာပါ သက်ရှိများ ဆင့်ကဲပြောင်းလဲခြင်း အစောပိုင်းအဆင့်တွေကို နားလည်နိုင်ရန် မျှော်လင့်နေကြပါတယ်။

▪️ နှစ်ပေါင်း ၂ ဘီလီယံသက်တမ်းရှိ ကျောက်တုံးတွေမှာ နေထိုင်ခဲ့ကြတယ်ဆိုတာကို မသိခဲ့ကြောင်း၊ အလွန်စိတ်လှုပ်ရှားစရာ တွေ့ရှိမှုဖြစ်ကြောင်း တိုကျိုသိပ္ပံတက္ကသိုလ်မှ တွဲဖက်ပရော်ဖက်ဆာ ယိုဟေးဆူဇူကီက ပြောပါတယ်။

▪️ အဏုဇီဝပိုးမွှားတွေက သူ့အရှိအတိုင်း အမှန်တကယ် သက်တမ်းရှည်နေတာလား၊ တူးဖော်ဆန်းစစ်ချိန်မှ တွေ့ရတာလားဆိုတာကိုတော့ အကဲဖြတ်ရဦးမှာပါ။
ရှာဖွေရေးနည်းလမ်း ၃ မျိုးကို ပေါင်းစပ်ပြီး လေ့လာခဲ့ကြပါတယ်။

▪️ ယင်းတို့နေထိုင်တဲ့ နေရာကြောင့် ကမ္ဘာပေါ်ရှိ အခြားသက်ရှိပုံစံတွေထက် အသက်ပိုရှည်ခဲ့တာ ဖြစ်တယ်လို့ သိပ္ပံပညာရှင်များ ဆိုပါတယ်။

▪️ ဘုရှ်ဗဲလ်အစ်နီယပ်စ်ခြံဝင်းကြီးဟာ ၄၁၀၀၀ စတုရန်းမိုင်ရှိပြီး သတ္တုရိုင်းများ ကြွယ်ဝရာနေရာ ဖြစ်ကာ ပလတ်တီနမ် တူးဖော်ရရှိသမျှအားလုံးရဲ့ ၇၀ ရာခိုင်နှုန်းခန့် ထွက်ရှိထားပါတယ်။

▪️ မီးတောင်ချော်ရည်များက ကမ္ဘာ့မျက်နှာပြင်အောက် နှစ်ဘီလီယံချီ ကြာလာတဲ့အခါ အေးခဲလာပြီး ၅.၆ မိုင်အထိ ထူထဲပါတယ်။

▪️ ထိုထဲက ကွဲကြောင်းတွေထဲမှာ အဏုဇီဝသက်ရှိများ ပေါက်ဖွားလာပြီး ရွှံ့စေးတွေက အပေါက်ဝတွေကို ပိတ်သွားကာ အထဲမှာ ပိတ်မိနေခဲ့ကြပါတယ်။

▪️ ဒါကြောင့် ထိုအဏုဇီဝပိုးမွှားတွေဟာ ပြောင်းလဲမှုမရှိဘဲနဲ့ ဆက်လက်ရှင်သန်ခဲ့ကြမယ်လို့ ယူဆထားပါတယ်။

#Source: WION