Published_ 6 March 2024

EV ယာဉ်များ တစ်နိုင်ငံလုံးပြေးဆွဲအသုံးပြုနိုင်ရေးအတွက်ပြည်တွင်းရှိ အဓိက လမ်းမကြီး ၇ ခု ၌  EV Charging Station များ တည်ဆောက်ရန် စီစဉ်နေကြောင်း လျှပ်စစ်သုံးယာဉ်များ ပြေးဆွဲအသုံးပြုရေးနှင့် အခြေခံအဆောက်အအုံများ အကောင်အထည်ဖော်ရေး လုပ်ငန်းကော်မတီမှ သိရသည် ။

အဆိုပါတည်ဆောက်ရာတွင် ရန်ကုန်-မန္တလေး ပြည်ထောင်စုလမ်းမကြီး၊ ရန်ကုန်-ပြည်လမ်း၊ ရန်ကုန်-ပုသိမ်လမ်း၊ ဘုရားကြီး - သထုံ - မော်လမြိုင်လမ်း၊ မိတ္ထီလာ-ကျောက်ပန်းတောင်း - ညောင်ဦးလမ်း၊ မိတ္ထီလာ - တောင်ကြီးလမ်း၊ မန္တလေး-ပြင်ဦးလွင်-လာရှိုးလမ်းမကြီးများပေါ်၌  EV Charging Station များ တည်ဆောက်ရန် လျာထား စီစဉ်လျက်ရှိကြောင်း သိရသည် ။

ထို့အတူ နေပြည်တော်၊ ရန်ကုန်၊ မန္တလေးမြို့ကြီးများတွင် လျှပ်စစ်သုံးယာဉ်များ အားသွင်းနိုင်ရန် မြို့ပြလမ်းကွန်ရက်စနစ်နှင့် ချိတ်ဆက်ပြီး EV Charging Station များ အဆင်ပြေကောင်းမွန်အောင် စီစဉ်ဆောင်ရွက်လျက်ရှိကြောင်းလည်း သိရသည် ။

ကားဈေးကွက်အတွင်း၌   ယခုနောက်ပိုင်းတွင် စက်သုံးဆီကားထက်  EVကားကိုကြိုက်နှစ်သက်မှုပိုများလာကြောင်းသိရသည်။

ပြီးခဲ့သည့်  (၂၀၂၃) ခုနှစ် ဇန်နဝါရီလမှ ဒီဇင်ဘာလအထိ EV လူစီးမော်တော်ယာဉ်နှင့်  ကုန်တင် (ဝန်ပေါ့) ယာဉ် အစီးရေ (၁၈၈၈) စီးမှတ်ပုံတင်ခွင့်ပြုထားပြီး အဆိုပါ ယာဉ်များတွင်  EV လူစီးမော်တော်ယာဉ် (၁၈၇၇)စီးနှင့်  ကုန်တင်(ဝန်ပေါ့) ယာဉ် (၁၁) စီးပါဝင်‌ကြောင်း ကုန်းလမ်းပို့ဆောင်ရေးနှင့်ညွှန်ကြားမှု ဦးစီးဌာန၏  စာရင်းများအရ သိရသည် ။
Yangon Times/NN
#Local_News
#Published_ 6 March 2024
#YMG_News #Yangon_Times #Yangon_Media_Group

Published_ 6 March 2024

ကိုရင်လေး ရှင်ဥတ္တမသာရသည် ထန်းတပင်မြို့နယ်လုံးဆိုင်ရာပရိယတ္တိသဒ္ဓမ္မဟိတကာရီစာမေးပွဲ၌ ရှင်သာမဏတန်းတွင်ဝင်ရောက်ဖြေဆိုရာမြို့နယ် ပထမဆွတ်ခူးခဲ့ကြောင်း သိရသည်။

"ကိုရင်လေး ရှင်ဥတ္တမသာရ ထန်းတပင်မြို့နယ်လုံးဆိုင်ရာပရိယတ္တိသဒ္ဓမ္မဟိတကာရီစာမေးပွဲ၊ရှင်သာမဏေတန်းမှာ ဝင်ဖြေတယ်ဆိုတာဟုတ်ပါတယ်၊ပထမရတယ်ဆိုတာလည်း ဟုတ်ပါတယ်"ဟု ကိုရင်လေးယခင်သီတင်းသုံးခဲ့သည့် လသာဘုန်းကြီးကျောင်းမှ ဆရာတော်ကအတည်ပြုပြောသည်။

အရှင် ဉာဏောဘာသ ဖိစလောင်ကလည်း ၁၃၈၅-ခု ထန်းတပင်မြို့နယ်လုံးဆိုင်ရာပရိယတ္တိ သဒ္ဓမ္မဟိတကာရီစာမေးပွဲ၊ရှင်သာမဏေတန်း ဖြေဆိုသံဃာ ၁၆၃-ပါး၊အောင်မြင်သံဃာ ၁၁၁-ပါးတို့တွင် ကိုရင်လေး၊မြို့နယ် ပထမဂုဏ်ထူး ဆွတ်ခူး(6/3/2024)ခဲ့ကြောင်း၊

မိမိကျောင်းတိုက်၌ စာပေပညာလေ့လာသင်ကြား ဆည်းပူးခဲ့သောဓမ္မကထိက ကိုရင်လေး ရှင်ဥတ္တမသာရပထမဂုဏ်ထူးကို ထိုက်ထိုက်တန်တန်ဆွတ်ခူးရရှိသည့်အတွက် အထူးပင်ဝမ်းသာဂုဏ်ယူပါကြောင်း မှတ်တမ်းတင် ဂုဏ်ပြုအပ်ကြောင်း လူမှုကွန်ရက်ပေါ်၌ဖော်ပြထားကြောင်း သိရသည်။
Yangon Times/tthl
#Local_News
#Published_ 6 March 2024
#YMG_News #Yangon_Times #Yangon_Media_Group

Published_ 6 March 2024

ကမ္ဘာ့ရွှေဈေးမြင့်တက်လာခြင်းနှင့်အတူ ပြည်တွင်းရွှေဈေးနှုန်းမှာလည်း ယနေ့တွင် တစ်ကျပ်သားလျှင်ကျပ်သိန်း၄၀ နား အထိရှိလာကြောင်း ရွှေဈေးကွက်အတွင်းမှသိရသည်။

ကမ္ဘာ့ရွှေဈေး တစ်အောင်စ ၂၁၂၆ ဒေါ်လာအထိရှိလာရာ ယနေ့နေ့လယ်ပိုင်း၌ ပြင်ပပေါင်ဈေး၌  အခေါက်ရွှေ
ဝယ်ဈေး တစ်ကျပ်သားလျှင် ကျပ်  ၃,၉၅၅,၀၀၀နှင့် ရောင်းဈေး ၃,၉၉၅,၀၀၀ကျပ်အထိ ဈေးနှုန်း ရှိနေကြောင်းသိရသည်။

ထို့အပြင် ပြည်တွင်းငွေလဲနှုန်းမှာလည်းပြင်ပပေါက်ဈေး တစ်ဒေါ်လာလျှင် ဝယ်ဈေး ကျပ် ၃၅၇၀နှင့် ရောင်းဈေးကျပ် ၃၆၂၀ အထိဈေးနှုန်းအသီးသီးရှိနေကြောင်းသိရသည်။

ရန်ကုန် တိုင်းဒေသကြီးရွှေလုပ်ငန်းရှင်များ အသင်း ၏ ရည်ညွှန်းဈေးကွက်၌လည်း ကျပ် ၃၈ သိန်းနီးပါး အထိ မြင့်တက်လာကြောင်း သိရသည်။

ကမ္ဘာ့ရွှေဈေးနှုန်းမြင့်တက်လာသည့်အပြင် ပြည်တွင်းငွေလဲနှုန်းမှာလည်း အတက်ပိုင်းတွင် ရှိနေသည့်အတွက် ပြည်တွင်း ရွှေဈေးနှုန်းများပါ မြင့်တက်လာနေခြင်းဖြစ်ကြောင်း ရွှေလုပ်ငန်းရှင်များကဆိုသည်။

ထိုသို့‌  ဈေးနှုန်းများမြင့်တက်နေသော်လည်း ရွှေဈေးကွက်အတွင်း၌မူ အရောင်းအဝယ်အေးနေကြောင်းသိရသည်  ။
Yangon Times/NN
#Local_News
#Published_ 6 March 2024
#YMG_News #Yangon_Times #Yangon_Media_Group

လမ်းပန်းဆက်သွယ်ရေး အခက်ခဲ နဲ့ ဒေသတွင်း မတည်ငြိမ်မှုတွေ အပါအဝင် အခြားဒေသက ထွက်ရှိတဲ့ ကုန်စည် တွေ ဈေးကွက်အဝင်များနေတာကြောင့် ရှမ်းပြည်ကထွက်တဲ့ ကုန်စည်အများစု ဝယ်လိုအားလျော့ကျလာတယ်လို့ ဆိုပါတယ်။ တောင်သူတွေအရှုံးပေါ်နေတဲ့ အတွက်လာမယ့်နှစ်မှာ စိုက်ပျိုးသူနည်းလာမယ်ဟုဆို
Yangon Times/LW
#Local_News
#Published_ 6 March 2024
#YMG_News #Yangon_Times #Yangon_Media_Group

ဖောက်စွပ်ဖြတ်ဆက်ကားများအား လိမ်လည်ရောင်းချခြင်းများ အပါအဝင် တစ်လလျှင် မော်တော်ကားအမှု ၁၅မှုခန့် ဖြေရှင်းပေးနေရဟုဆို
' ကား အရောင်းအဝယ်မှာ ဖောက်စွပ်ဖြတ်ဆက်တွေက အများဆုံးပဲ ၊ကားဝယ်ပြီး ကညနမှာ သွားစစ်လိုက်တဲ့အခါမှာ စာအုပ်သိမ်းခံလိုက်ရမှ သိတာ 
Yangon Times/NN
#Local_News
#Published_ 6 March 2024
#YMG_News #Yangon_Times #Yangon_Media_Group

'ရန်ကုန် Pet Expoပြပွဲ'မှာ နိုင်ငံတကာမှ အရည်အသွေးကောင်းမွန်တဲ့ World Brand အစာတွေ၊ ဆေးပစ္စည်း‌တွေ၊အသုံးဆောင်‌တွေကို တစ်နေရာထဲမှာ စုံစုံလင်လင် ဝယ်ယူရရှိနိုင်မယ့်အပြင် လာလည်တဲ့ Petလေးတွေကို လည်းအစာကုမ္ပဏီတွေက ဧည်ခံစာတွေ ကျွေးမွေးဦးမှာဖြစ်တယ်။
Yangon Times/tthl
#Local_News
#Published_ 6 March 2024
#YMG_News #Yangon_Times #Yangon_Media_Group

Published 06 March 2024

ဒေါ်နယ်ထရမ့်ဟာ ကမ္ဘာ့အချမ်းသာဆုံး ပုဂ္ဂိုလ်တွေထဲက တစ်ဦးဖြစ်တဲ့ တက်စ်လာစီအီးအို အီလွန်မတ်စ်နဲ့ ဖလော်ရီဒါမှာ သီတင်းပတ်အကုန်က တွေ့ဆုံခဲ့ပါတယ်။

ရီပတ်ဘလစ်ကန် သမ္မတဟောင်းထရမ့်က ရွေးကောက်ပွဲထပ်မံယှဥ်ပြိုင်ရန်အတွက် ငွေကြေးထောက်ပံ့ဖြည့်သွင်းမှု ကြိုးပမ်းရှာဖွေနေတာဖြစ်တယ်လို့ နယူးယော့ခ်တိုင်းမ်စ်က အင်္ဂါနေ့မှာ ဖော်ပြသွားပါတယ်။

တနင်္ဂနွေနေ့ သီးသန့်တွေ့ဆုံမှုမှာ ပုဂ္ဂိုလ် ၃ ဦး ပါဝင်ခဲ့တယ်လို့ တိုင်းမ်စ်က ဖော်ပြခဲ့ပေမယ့် သတင်းပေးသူကိုတော့ အမည်မဖော်ပြထားပါဘူး။

ထိုနေ့မှာ ထရမ့်ဟာ မတ်စ်အပြင် ချမ်းသာကြွယ်ဝတဲ့ ရီပတ်ဘလစ်ကန် အလှူရှင်အနည်းငယ်နဲ့ တွေ့ဆုံခဲ့ပြီး မကြာခင်မှာ မက်စ်နဲ့ တစ်ဦးချင်းတွေ့ဆုံရန် မျှော်မှန်းထားပါတယ်။

တရားစွဲဆိုချက်တွေနဲ့ ရင်ဆိုင်နေရတဲ့ ထရမ့်က သမ္မတရွေးကောက်ပွဲ စည်းရုံးရေးအတွက် ထောက်ပံ့ကူညီမယ့်သူများကို ထပ်မံထည့်သွင်းရန် ရည်မှန်းနေတာ ဖြစ်ပါတယ်။

အီလွန်မတ်စ်က အိမ်ဖြူတော်ကို ထရမ့်ရောက်ရှိတဲ့အခါ ဘဏ္ဍာရေး ထောက်ပံ့သွားဖို့ အစီအစဥ်ရှိမရှိကို မပြောခဲ့ပေမယ့် ဒီမိုကရက်တစ်သမ္မတ ဂျိုးဘိုင်ဒင်ကိုတော့ ဆန့်ကျင်သူဖြစ်ပါတယ်။

ဖော့စ်ဘ်ရဲ့ ဖော်ပြချက်အရ ဒေါ်လာ ၂၀၀ ဘီလီယံခန့်ကြွယ်ဝတဲ့ မတ်စ်ဟာ သူတစ်ဦးတည်းဖြင့် ဘိုင်ဒင်နဲ့ ထောက်ခံသူများအပေါ် အသာရနိုင်လောက်တဲ့ ရင်းမြစ်တွေရှိနေပါတယ်။

တိုင်းမ်စ်ရဲ့ ဖော်ပြချက်အရ အီလွန်မတ်စ်ဟာ သူ့ကိုယ်သူ နိုင်ငံရေးနဲ့ မပတ်သက်ဘူးလို့ ဆိုထားကာ ယခင်က သမ္မတရွေးကောက်ယှဥ်ပြိုင်ပွဲတွေမှာ များများစားစား သုံးစွဲထားခြင်း မရှိသလို ဒီမိုကရက်တွေနဲ့ ရီပတ်ဘလစ်ကန်များကြား မျှမျှတတ ပေးလှူထားပါတယ်။
Source: US News
#World_Politics
#Published_ 6 March 2024
#YMG_News #Yangon_Times #Yangon_Media_Group

Published 6 March 2024

ရန်ကုန်တိုင်းဒေသကြီး မရမ်းကုန်း မြို့နယ် ကမ္ဘာအေးစေတီလမ်း ကမ္ဘာအေးစေတီမုဒ်ဦးဝ အရှေ့ တွင်ယာဥ် ၃စီး တိုက်မှု ဖြစ်ပွားကြောင်း သွားရောက်ကူညီပေးသည့် ပရဟိတအသင်းထံ မှ သိရသည်။

မတ်လ ၆ရက် မနက် ၉နာရီ ၂၀မိနစ် ခန့် က ဖြစ်ပွားခဲ့ ခြင်း ဖြစ်ပြီး ယာဉ်တိုက်မှုကြောင့် နှစ်ဦး ထိခိုက်ဒဏ်ရာ ရရှိခဲ့ကြောင်း သိရသည်။

ထိခိုက်ဒဏ်ရာ ရရှိသူများ တွင် အသက်၂၇ နှစ် အရွယ် အမျိုးသမီးတစ်ဦးနှင့် အသက်၆နှစ်အရွယ် ကလေးငယ်တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

အဆိုပါ .လူနာ ၂ ဦးအားမြေပြင်ပြုစုပေးပြီး.လူနာများကို မြောက်ဥက္ကလာဆေးရုံ သို့ မြန်မာ့ကြယ်ဖြူ အရေးပေါ်လူနာတင်ယာဥ်ဖြင့်ပို့ဆောင်ပေးခဲ့ကြောင်း သိရသည်။
Yangon Times/LW
#Local_News
#Published_ 6 March 2024
#YMG_News #Yangon_Times #Yangon_Media_Group

Published_ 6 March 2024

ဧရာဝတီတိုင်းဒေသကြီး၊ ငပုတောမြို့နယ်၊ ဟိုင်းကြီးကျွန်းမြို့ရှိ ငွေတောင်ကမ်းခြေသို့ နယ်စုံမှ ခရီးသွားများလာရောက်အပန်းဖြေလေ့ရှိပြီး ရန်ကုန်တိုင်းမှ ခရီးသွားအများဆုံး လာရောက်လည်ပတ်လျှက်ရှိကြောင်း ခရီးသွားလုပ်ငန်း လုပ်ကိုင်သူများထံမှ သိရသည်။

အဆိုပါ ငွေတောင်ကမ်းခြေသို့လစဉ် ခရီးသွားဧည့်သည် သုံးသောင်းကျော်လာရောက် လည်ပတ်လေ့ရှိကာ ဖေဖော်ဝါရီလ ၁ ရက်မှ ၂၉ ရက်အထိ ခရီးဦးရေ ၃၆,၅၅၅ လာရောက်လည်ပတ်ခဲ့ကြောင်းသိရသည်။

ထိုသို့လာရောက်လည်ပတ်ရာတွင် ဇန်နဝါရီလကယလတူကထက်ခရီးသွား ပိုမိုဝင်ရောက်ခဲ့ပြီး သက်ဆိုင်
ရာမှလည်းခရီးသွားများ လုံခြုံစိတ်ချစွာအပန်းဖြေနိုင်ရန် ဆောင်ရွက်ပေးထားကြောင်း သိရသည်။

ငွေတောင်ပင်လယ်ကမ်းခြေသည်  ဧရာဝတီတိုင်းဒေသကြီး၊ ငပုတောမြို့နယ်၊ ဟိုင်းကြီးကျွန်းမြို့ရှိ သမိုင်းဝင် ဆံတော်ရှင်မြတ် မော်တင်စွန်းဘုရားပွဲတော် ကာလအတွင်း  အနယ်နယ်အရပ်ရပ်မှ ဘုရားဖူးလာပြည်သူများ၊ အပန်းဖြေသူများ၊ ရေလှိုင်းစီးသူများ၊ ကျောက်ဆောင်များတွင် အလှဓာတ်ပုံ ရိုက်သူများဖြင့် စည်ကားလေ့ရှိကြောင်း သိရသည်။
Yangon Times/NN
#Local_News
#Published_ 6 March 2024
#YMG_News #Yangon_Times #Yangon_Media_Group

Published 6 March 2024

မန္တလေးတိုင်းဒေသကြီး၊ ပျော်ဘွယ်မြို့နယ်၊ ယင်းတော်ကျေးရွာ၊ ရန်ကုန်-မန္တလေးလမ်းဟောင်းတွင် ဆီဘောက်ဆာကားမီးလောင်မှုဖြစ်ပွားကြောင်း မြန်မာနိုင်ငံမီးသတ်တပ်ဖွဲ့၏ သတင်း ထုတ်ပြန် ချကိအရ သိရသည်။

မတ်လ ၆ရက် နံနက် ၆နာရီ ၃၅မိနစ်က ဖြစ်ပွားခဲ့ကာ မီးလောင်မှုဖြစ်ပွားကြောင်းသတင်းရရှိသဖြင့် ပျော်ဘွယ်မြို့နယ်မီးသတ်စခန်းမှ မီးသတ်ယာဉ်(၅)စီး၊ ယင်းတော်နယ်မြေမီးသတ်စခန်းမှ မီးသတ်ယာဉ်(၁)စီး၊ မိတ္ထီလာမြို့နယ်မီးသတ်စခန်းမှ မီးသတ်ယာဉ်(၄)စီးတို့ဖြင့် ထွက်ခွာငြှိမ်းသတ်ခဲ့ရာ ၇ နာရီ၃၀မိနစ်အချိန်မီးငြိမ်းခဲ့ကြောင်း သိရသည်။

အဆိုပါ ဆီဘောက်ဆာ ကားသည် စက်သုံးဆီ ဆိုင် တစ်ခုသို့ ဆီဖြည့်ရန်လာရာမှ ဆီဆိုင်အနီးတွင် မီးလောင်မှု ဖြစ်ပွားခဲ့ကြောင်း သိရသည်။

မီးလောင်သည့် အကြောင်းရာ နှင့် ဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်းသိရသည်။
Yangon Times/LW
#Local_News
#Published_ 6 March 2024
#YMG_News #Yangon_Times #Yangon_Media_Group

 Published 06 March 2024

မက္ကဆီကို ပင်လယ်ကွေ့နဲ့ ဖလော်ရီဒါ ကမ်းရိုးတန်းနာက ကောင်းကင်ထက်မှာ ထူးဆန်းတဲ့ပုံရိပ်ကို နာဆာ(NASA)ရဲ့ Terra ဂြိုဟ်တုဖြင့် ဖမ်းယူရရှိခဲ့ရာ တိမ်တွေထဲမှာ ထိတ်လန့်စရာကောင်းတဲ့ တွင်းပေါက်တွေလိုမျိုး တွေ့ရှိရပါတယ်။
ဒီလိုတွင်းတွေကို တွေ့ရှိတာဟာ ပထမဆုံးအကြိမ်တော့ မဟုတ်ပါဘူး။

လွန်ခဲ့တဲ့ နှစ်ပေါင်း ၆၀ ကျော်ကလည်း ထိုတွင်းတွေဟာ သိပ္ပံပညာရှင်များအတွက် စဥ်းစားစရာ ဖြစ်ခဲ့ပြီး ပုံမှန်မဟုတ်တဲ့ ဖြစ်ရပ်တွေနဲ့ ဆက်စပ်နေပါတယ်။

အခုအခါမှာတော့ ထိုတိမ်တိုက်တွေနောက်ကွယ်က ပဟေဌိတွေကို သိပ္ပံပညာရှင်များ ဖော်ထုတ်ခဲ့ကြပါတယ်။

နာဆာရဲ့ Terra ဂြိုဟ်တုဖြင့် MODIS ကိရိယာကနေ ပြီးခဲ့တဲ့လက ဖမ်းယူရရှိရာမှာ တိမ်တိုက်တွေကနေ သေချာဖြတ်တောက်ထားဟန် ရှိတဲ့ အဝိုင်းပုံသဏ္ဍာန် အစုအဖွဲ့များ တွေ့ရှိခဲ့ပါတယ်။

ထိုတွင်းတွေဟာ လေယာဥ်ပျံတွေ တိမ်တိုက်ကို ဖြတ်သန်းသွားလို့ ဖြစ်ပေါ်လာတာ ဖြစ်ကြောင်း UCAR တက္ကသိုလ်မှ သုတေသီများက လေ့လာဖော်ပြထားပါတယ်။

ထိုတိမ်တွေဟာ အလွန်အေးမြတဲ့ အရည်စက်များဖြင့် ပြည့်နေပြီး အပူချိန်ရေခဲမှတ် ဖြစ်သည့်တိုင်အောင် အရည်အခြေအနေမှာ တည်ရှိနေပါတယ်။

အလွန်အေးမြတယ်ဆိုတဲ့ အခြေအနေက ကမ္ဘာ့လေထုမှာ ပုံမှန်ဖြစ်ပေါ်နေပြီး ကမ္ဘာ့လေထုမျက်နှာပြင်ရဲ့ ၈ ရာခိုင်နှုန်းလောက်ကို ဖုံးအုပ်ထားတဲ့ အော်လ်တိုကူမြူလပ်စ်တိမ်တွေဟာ အပူချိန် ၅ ဒီဂရီဖာရင်ဟိုက်လောက်အထိ အေးမြတဲ့ အရည်အစက်များဖြင့် ဖွဲ့စည်းထားကြောင်း နာဆာက ဖော်ပြထားပါတယ်။

လေယာဥ်တွေက တိမ်တွေကို ဖြတ်သန်းတဲ့အခါ တိမ်တွင်းပေါက်တွေ ဖြစ်ပေါ်လာတယ်လို့ UCAR သိပ္ပံပညာရှင်တွေ နောက်ဆုံးမှာ သိရှိလာပါတယ်။

လေယာဥ်တွေက တိမ်တွေကို ထောင့်ကျကျဖြတ်သန်းသွားချိန်၊ ပိုမိုရှည်လျားတဲ့ ထောင့်အနေအထားကနေ ဖြတ်သန်းသွားချိန်တို့မှာ အဆိုပါတိမ်တွင်းပေါက်များ ဖြစ်ပေါ်လာပါတယ်။
Source: WION.
#World_Science
#Published_ 6 March 2024
#YMG_News #Yangon_Times #Yangon_Media_Group

Published 06 March 2024

အိန္ဒိယမီးဖိုချောင်မှာ ဟင်းခတ်အမွှေးကြိုင်တွေနဲ့ ပါဝင်ပစ္စည်း အမျိုးမျိုး မြင်တွေ့ရမှာ ဖြစ်ပါတယ်။

ထိုပစ္စည်းအများစုက ဆေးဘက်ဆိုင်ရာ အကျိုးကျေးဇူးများ ပါဝင်နေပါတယ်။

ကျန်းမာရေးအကျိုးကျေးဇူး များစွာရှိစေတဲ့ မီးဖိုချောင်သုံး ပါဝင်ပစ္စည်းများကို ဖော်ပြလိုက်ပါတယ်။
 
(၁) သံလွင်ဆီ
သံလွင်ဆီကို အသုပ်တွေ၊ ခေါက်ဆွဲတွေမှာ သုံးကြလေ့ရှိပေမယ့် နေ့စဥ်ချက်ပြုတ်ရာမှာတော့ သိပ်မသုံးကြပါဘူး။
ရောင်ရမ်းခြင်းကို လျှော့ချပေးပြီး အလုံးစုံကျန်းမာရေးကို မြှင့်တင်ပေးကာ ဓာတ်တိုးဆန့်ကျင်ပစ္စည်းများ ပါဝင်ပါတယ်။
 
(၂) သစ်ကြံပိုးခေါက်
သစ်ကြံပိုးခေါက်က အနံ့အရသာ ပြင်းပြီး အမှုန့်ရော အခေါက်ရောအဖြစ် အသုံးပြုကြပါတယ်။
သွေးတွင်းသကြားဓာတ်၊ သွေးပေါင်ချိန်၊ ကိုလက်စ်ထရောလ်ပမာဏတို့ကို လျှော့ချပေးပါတယ်။
 
(၃) နနွင်း
နနွင်းမှာ ဆေးဘက်ဆိုင်ရာ အကျိုးကျေးဇူး များစွာပါဝင်ပြီး ဓာတ်တိုးဆန့်ကျင်ပစ္စည်းများနဲ့ ရောင်ရမ်းဆန့်ကျင်ဓာတ်များ ပါဝင်ကာ ဒဏ်ရာများကို သက်သာစေပါတယ်။
 
(၄) ကြက်သွန်ဖြူ
ဗိုက်တာမင်စီ၊ ဗိုက်တာမင် ဘီ၆၊ မန်းဂနိစ်၊ ဆယ်လီနီယမ်၊ အမျှင်ဓာတ်များ ပါဝင်ကာ ကိုယ်ခံအားစနစ်ကို မြှင့်တင်ပေးပြီး နှလုံးရောဂါ ဖြစ်နိုင်ချေကို လျှော့ချပေးပါတယ်။
 
(၅) နို့ထောပတ်
သူ့မှာ ကျန်းမာရေးအကျိုးကျေးဇူးတွေ ရှိတာကို သိပ်မသိကြဘဲ အိုမီဂါ၃ ဖက်တီးအက်ဆစ်၊ ဗိုက်တာမင်အေ၊ ဓာတ်တိုးဆန့်ကျင်ပစ္စည်းများ ပါဝင်ပါတယ်။
 
အစားအစာတစ်ခုတည်းနဲ့ အာဟာရဓာတ်အားလုံး မရရှိနိုင်တာကြောင့် အာဟာရမျှတစွာ စားသုံးဖို့ အရေးကြီးပါတယ်။
Source: NDTV
#World_Health
#Published_ 6 March 2024
#YMG_News #Yangon_Times #Yangon_Media_Group