Published_ 9 March 2024

နှစ်စဉ်လျှပ်စစ်ဓာတ်အား တိုးတက်သုံးစွဲမှုများအရလျှပ်စစ်ဓာတ်အား  မဂ္ဂါဝပ် ၅၀၀ ခန့် နှစ်စဉ်တိုးတက်ထုတ်လုပ်နိုင်မှသာနိုင်ငံတော်၏ လျှပ်စစ်ဓာတ်အားလိုအပ်ချက်ကို ဖြည့်ဆည်းပေး နိုင်မည်ဖြစ်ကြောင်း လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးဉာဏ်ထွန်းကပြောသည်။

နေပြည်တော်ရှိ လျှပ်စစ်စွမ်းအားဝန်ကြီးဌာန ရုံးအမှတ်(၂၇) အစည်းအဝေးခန်းမ၌ မတ်လ၈ရက်က ပြုလုပ်သည့်
လျှပ်စစ်စွမ်းအားဝန်ကြီးဌာန နေရောင်ခြည်စွမ်းအင်သုံး ဓာတ်အားပေးစက်ရုံဆိုင်ရာ လုပ်ငန်းညှိနှိုင်းအစည်းအဝေး၌ ပြည်ထောင်စုဝန်ကြီးကအထက်ပါကဲ့သို့ပြောကြားခဲ့ခြင်းဖြစ်သည်။

ထိုသို့ပြောကြားရာတွင် အမျိုးသားလျှပ်စစ်ဓာတ်အား ပင်မစီမံချက် (National Electricity Master Plan) ၏ နှစ်အလိုက်ဓာတ်အားလိုအပ်ချက် တိုးတက်လာမည့် အခြေအနေများအရ နှစ်စဉ်လျှပ်စစ်ဓာတ်အား တိုးတက်သုံးစွဲမှုသည် ကိုးရာခိုင်နှုန်းနှင့်အထက်ရှိသဖြင့် နှစ်စဉ်လျှပ်စစ်ဓာတ်အားပမာဏ မဂ္ဂါဝပ် ၅၀၀ ခန့် တိုးတက်ထုတ်လုပ်နိုင်မှသာ နိုင်ငံတော်၏ လျှပ်စစ်ဓာတ်အားလိုအပ်ချက်ကို ဖြည့်ဆည်းပေး နိုင်မည်ဖြစ်ကြောင်းသိရသည်။

ယခု ၂၀၂၄ ခုနှစ် နိုင်ငံတော်ဓာတ်အားစနစ်တွင် ဓာတ်အားထုတ်လုပ်မှု အရင်းအမြစ်အချိုးအစား (Generation Mix) အနေဖြင့် ရေအား (Hydropower) မှ ၄၇ ဒသမ ၆ ရာခိုင်နှုန်း၊ နေရောင်ခြည်စွမ်းအင် (Solar and RE) ဖြင့် ၁ ဒသမ ၇ ရာခိုင်နှုန်း၊ အပူစွမ်းအင် (Gas + Coal) မှ ၅၀ ဒသမ ၇ ရာခိုင်နှုန်း ဖြစ်ကြောင်း ၊ပြည်ထောင်စုဝန်ကြီးက ပြောကြားသည်။

ထို့အပြင်  National Electricity Master Plan (၂၀၁၄) အရ ပြန်လည်ပြည့်ဖြိုးမြဲစွမ်းအင် (Renewable Energy) အရင်းအမြစ်များမှ မဂ္ဂါဝပ် ၃၀၇၀ (၁၇) ရာနှုန်းအထိ ဆောင်ရွက်ရန်လျာထားကြောင်း၊ သန့်ရှင်းသော စွမ်းအင်အရင်းအမြစ်များမှ ဓာတ်အားထုတ်လုပ်ရန် တွန်းအားပေးဆောင်ရွက်လျက်ရှိသကဲ့သို့ ဓာတ်အား စနစ်၏ အခြေခံဝန်အား (Base Load) အနေဖြင့် ထုတ်လုပ်ဖြန့်ဖြူးပေးနိုင်ရန် ရေအား၊ ကျောက်မီးသွေး၊ သဘာဝဓာတ်ငွေ့ဖြင့် ဓာတ်အားထုတ်လုပ်နိုင်မည့် စီမံကိန်းများကိုလည်း ဟန်ချက်ညီညီ အကောင်အထည်ဖော်တည်ဆောက်နိုင်ရန် ဆောင်ရွက်လျက်ရှိ‌ကြောင်း သိရသည်။
Yangon Times/NN
#Local_News
#Published_ 9 March 2024
#YMG_News #Yangon_Times #Yangon_Media_Group

မတ်လ ဒုတိယပတ်မှာပြုလုပ်မယ့် ကုလားပဲစုပေါင်း ရောင်းချပွဲမှာ လာရောက်ရောင်းချမယ့် တောင်သူတွေ အဆင်ပြေစေဖို့ ကုလားပဲအပြင် ပဲထောပတ်နဲ့ စားတော်ပဲ တို့ကိုလည်း ဝယ်ယူပေးသွားမယ်လို့ မကွေးတိုင်းတောင်သူဖွံ့ဖြိုးရေး အဖွဲ့ထံက သိရပါတယ်။
Yangon Times/LW
#Local_News
#Published_ 9 March 2024
#YMG_News #Yangon_Times #Yangon_Media_Group

ရန်ကုန်-နေပြည်တော် နေ့ချင်းပြန်ခရီးကို  EVတက်စီငှားရန်းခ ကျပ်နှစ်သိန်းခွဲဝန်းကျင်၊ တစ်ညအိပ်ကျပ်သုံးသိန်းဝန်းကျင်၊ ပုသိမ်၊ ဖျာပုံ၊ ချောင်းသာကို ကျပ်တစ်သိန်းခွဲ၊ နှစ်သိန်းဝန်းကျင်၊ ကျိုက်ထီးရိုးကို နှစ်သိန်းခွဲနဲ့ မန္တလေးကို ကျပ်သုံးသိန်းဝန်းကျင်နဲ့ ငှားရမ်းနိုင်တယ်။
Yangon Times/tthl
#Local_News
#Published_ 9 March 2024
#YMG_News #Yangon_Times #Yangon_Media_Group

မြန်မာ့ရွှေဘိုသနပ်ခါးတွေကို စင်ကာ်ပူနိုင်ငံကိုလည်း တင်ပို့‌နေပေမယ့် ထိုင်းနိုင်ငံကိုတော့ အများဆုံးမှာယူနေပြီး
ခရင်(မ်) ပုံစံ အသင့်လိမ်း အချောထည်ပြုလုပ်ကာ ဖိလစ်ပိုင်၊ အင်ဒိုနီးရှားနဲ့  မလေးရှားနိုင်ငံတွေကိုလည်း တင်ပို့နိုင်ဖို့ကိုလည်း စီစဉ်ဆောင်ရွက်နေတယ်လို့ သနပ်ခါးစိုက်ပျိူးရောင်းချ သူတွေဆီကသိရပါတယ်။
Yangon Times/NN
#Local_News
#Published_ 9 March 2024
#YMG_News #Yangon_Times #Yangon_Media_Group

Published 9 March 2024

ပဲခူးတိုင်းဒေသကြီး၊ ပြည်မြို့နယ်၊ ကျောင်းကြီးအိုးတန်းရပ်ကွက်၊ ကမ်းနားလမ်းတွင် မီးလောင်မှုဖြစ်ပွားကြောင်းမီးသတ်တပ်ဖွဲ့၏သတင်း ထုတ်ပြန်ချက်အရသိရသည်။

မတ်လ ၉ရက် မနက် ၁၁နာရီအချိန် ခန့်က မီးလောင်မှု ဖြစ်ပွား ခဲ့ ခြင်း ဖြစ်ကြောင်း သိရသည်။

မီးလောင်မှုဖြစ်ပွားကြောင်း သတင်းရရှိသဖြင့် ပြည်ခရိုင်/မြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ ရေသယ်ယာဉ်(၂)စီး၊ အရန်မီးသတ်စခန်းများမှ မီးငြှိမ်းသတ်ယာဉ်(၁၂)စီး၊ ပရဟိတအသင်းယာဉ်(၂)စီးတို့ဖြင့် ထွက်ခွာငြှိမ်းသတ်ခဲ့ရာ ၁၁ နာရီမိနစ် ၂၀ အချိန် တွင် မီးငြိမ်း ခဲ့ကြောင်း သိရသည်။
Yangon Times/LW
#Local_News
#Published_ 9 March 2024
#YMG_News #Yangon_Times #Yangon_Media_Group

Published_ 9 March 2024

အာဆီယံအတွင်းရေးမှူးချုပ်ရုံးမှ ၂၀၂၄ခုနှစ်၊ အာဆီယံဆု(ASEAN Prize 2024)အတွက် အဆိုပြု လျှောက်လွှာများခေါ်ယူနေပြီး ဧပြီလ(၂၀)ရက်နောက်ဆုံးထားကာ မြန်မာနိုင်ငံသားများပါဝင်လျှောက်ထားနိုင်ကြောင်းသိရသည်။

ဂုဏ်သိက္ခာကြီးမားသည့် ဒေသဆိုင်ရာဆုတစ်ခုဖြစ်သည့် အာဆီယံဆု ချီးမြှင့်ပေးအပ်ရန် ၂၀၂၄ ခုနှစ်၊အာဆီယံဆု(ASEAN Prize 2024)အတွက် အဆိုပြုလျှောက်လွှာများအား အာဆီယံအတွင်းရေးမှူးချုပ်ရုံးမှခေါ်ယူလျက်ရှိသည်ဟု နစက၏နိုင်ငံခြားရေးဝန်ကြီးဌာနမှထုတ်ပြန်ကြေညာထားသည်။

အဆိုပါဆုရရှိသူသည် ဆုတံဆိပ်နှင့် အမေရိကန်ဒေါ်လာ ၂၀၀၀၀ ချီးမြှင့်မည်ဟုASEAN Prize 2024ချီးမြှင့်မည့် အာဆီယံနိုင်ငံဖြစ်သောဖိလစ်ပိုင်‌နိုင်ငံနှင့်မြန်မာ နိုင်ငံခြား‌ရေးဝန်ကြီးဌာနမှလည်းထုတ်ပြန်ထားသည်။

လျှောက်လွှာတင်သွင်းလိုသူများအနေဖြင့်  အာဆီယံအတွင်းရေးမှူးချုပ် ရုံးအင်တာနက်စာမျက်နှာ https:// asean.org/notification-form/တွင် download ရယူကာ အာဆီယံရေးရာဦးစီးဌာန၊ နိုင်ငံခြားရေး ဝန်ကြီးဌာန၊ ရုံးအမှတ် (၉)၊ နေပြည်တော် (သို့မဟုတ်) amns.mofa@gmail. comကို ဧပြီလ(၂၀)ရက်နောက်ဆုံးထား၍ လိပ်မူလျှောက်ထားနိုင်ကြောင်း သိရသည်။

ယင်းအာဆီယံဆုသည် အာဆီယံဒေသတွင်းရှိ လူမှုဘဝများတိုးတက်စေရေး၊လူမှုအဖွဲ့အစည်းများချိတ်ဆက်မှုအားကောင်းစေရေးနှင့်ကပ်ရောဂါကြောင့်ထိခိုက်မှုများအား ပြန်လည်ထူထောင်ရေးအတွက် စံနမူနာအဖြစ် စွမ်းစွမ်းတမံဆောင် ရွက်ပေးကြသည့် လူပုဂ္ဂိုလ်၊အဖွဲ့အစည်းများ၏ အောင်မြင်မှုများအား အသိအမှတ်ပြုပေးအပ်သည့်ဆုဖြစ်ကြောင်း သိရသည်။
Yangon Times/tthl
#Local_News
#Published_ 9 March 2024
#YMG_News #Yangon_Times #Yangon_Media_Group

၉ မတ် ၂၀၂၄

အမျိုးသမီးဦးရေ ၁၀၀နှင့်အထက်မှာရှိသည့် စက်ရုံ အလုပ်ရုံများတွင် ကလေးထိန်းဌာနများ ထားရှိကြဖို့ ဗိုလ်ချူပ်မှူးကြီး မင်းအောင်လှိုင်က အပြည်ပြည်ဆိုင်ရာ အမျိုးသမီးများနေ့အခမ်းအနားမှာ ပြောကြားလိုက်ပါတယ်။

မတ်လ ၈ ရက်နေ့က နေပြည်တော်မှာကျင်းပတဲ့ အပြည်ပြည်ဆိုင်ရာ အမျိုးသမီးများနေ့ အခမ်းအနားမှာ နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချူပ်မှူးကြီးမင်းအောင်လှိုင်က ဗွီဒီယိုဖြင့်မိန့်ခွန်းပြောကြားရာတွင် ထည့်သွင်းပြောကြားခဲ့တာ ဖြစ်ပါတယ်။

“ အမျိုးသမီးများလုပ်ငန်းခွင်မှာ နောက်ဆံမတင်းဘဲ ပါဝင်ဆောင်ရွက်နိုင်ဖို့အတွက် အမျိုးသမီးဦးရေ ၁၀၀ နဲ့အထက်ရှိတဲ့ စက်ရုံ၊ အလုပ်ရုံတွေမှာ ကလေးထိန်းဌာနများထားရှိဖို့ လူမှုဖူလုံရေးဥပဒေမှာ ပြဋ္ဌာန်းထားပြီးဖြစ်တဲ့အတွက် လိုက်နာဆောင်ရွက်ကြဖို့ လိုအပ်ပါတယ်” လို့ ဗိုလ်ချုပ်မှူးကြီးက ပြောဆိုခဲ့ပါတယ်။

သိပ္ပံနှင့်နည်းပညာဝန်ကြီးဌာန၊ အဆင့်မြင့်သိပ္ပံနှင့် နည်းပညာဦးစီးဌာနက လူ့စွမ်းအားအရင်းအမြစ်ဆိုင်ရာ ဖွံ့ဖြိုးမှု သင်တန်း များနဲ့ နည်းပညာမြှင့်တင်ရေးသင်တန်းများကို ဖွင့်လှစ်ပေးလျက်ရှိပြီး သင်တန်းသားများခေါ်ယူရာမှာ သတ်မှတ်အရည်အချင်း များနှင့် ကိုက်ညီပါက ကျားမခွဲခြားမှုမရှိဘဲ တန်းတူညီမျှစွာ အခွင့်အရေးပေးထားတဲ့အတွက် အမျိုးသမီးများ ပါဝင်နိုင်အောင် ဆောင်ရွက်ပေးကြဖို့ကိုလည်း ဗိုလ်ချုပ်မှူးကြီးက တိုက်တွန်းခဲ့ပါတယ်။
တရားဝင်အချက်အလက်များအရ အမျိုးသမီးများရဲ့ အခန်းကဏ္ဍများစွာ မြှင့်တင်ပေးဖို့လိုနေတယ်ဆိုတာ မီးမောင်းထိုးပြ နေတယ်လို့ ဗိုလ်ချုပ်မှူးကြီးကပြောပါတယ်။

“အမျိုးသမီးများရဲ့ စွမ်းပကားကို အခြေပြုပြီး နိုင်ငံတော်ရဲ့ နိုင်ငံရေး၊ စီးပွားရေး၊ ငြိမ်းချမ်းရေးနဲ့ လူမှုအသိုက်အဝန်း ဖွံ့ဖြိုးတိုးတက်ရေးလုပ်ငန်းများ အရှိန်အဟုန်နဲ့ အကောင်အထည်ဖော် ဆောင်ရွက်တဲ့နေရာများမှာ စွမ်းစွမ်းတမံ ပါဝင်ခွင့်ရရှိစေဖို့ ဆောင်ရွက်ပေးကြရပါမယ်” လို့လည်း ဗိုလ်ချုပ်မှူးကြီးက ပြောပါတယ်။

၂၀၁၄ ခုနှစ် လူဦးရေနဲ့ အိမ်အကြောင်းအရာ သန်းခေါင်စာရင်းကို အခြေခံပြီး ထုတ်ပြန်လိုက်တဲ့ ၂၀၂၃ ခုနှစ်၊ အောက်တိုဘာ လ(၁)ရက်နေ့ စာရင်းအရ မြန်မာနိုင်ငံရဲ့လူဦးရေ ၅၆ ဒသမ ၂ သန်းမှာ အမျိုးသား ၂၆ ဒသမ ၈ သန်းနဲ့ အမျိုးသမီး ၂၉ ဒသမ ၄ သန်း ရှိတဲ့အတွက် ၅၂ ရာခိုင်နှုန်းကျော်မှာ အမျိုးသမီးများဖြစ်ကြကြောင်းသိရှိရပါတယ်။

၂၀၁၉ ခုနှစ် ကြားဖြတ်လူဦးရေ သန်းခေါင်စာရင်း ပြည်ထောင်စုအစီရင်ခံစာအရ ၂၅ နှစ် အထက် ပညာတတ်မြောက်မှုမှာ အလယ်တန်းအဆင့်ထိ ပြည်ထောင်စု ၇၂.၅ ရာခိုင်နှုန်းရှိရာမှာ အမျိုးသမီးက ၇၃.၆ ရာခိုင်နှုန်း၊ အမျိုးသား ၇၂.၄ ရာခိုင်နှုန်းရှိနေပါတယ်။

လုပ်သားအင်အားပါဝင်မှုမှာ ပြည်ထောင်စုက ၆၃.၂ ရာခိုင်နှုန်း ရှိရာမှာ ကျား ၇၅.၇ ရာခိုင်နှုန်း၊ မ ၅၂.၇ ရာခိုင်နှုန်း၊ အလုပ်လက်မဲ့ ပြည်ထောင်စု ၂.၇ ရာခိုင်နှုန်းရှိရာမှာ ကျား ၂.၁ ရာခိုင်နှုန်း၊ မ ၃.၄ ရာခိုင်နှုန်း၊ လူဦးရေတွင် အလုပ်လုပ်သူပါဝင်မှု အချိုး ၆၁.၅ ရာခိုင်နှုန်း၊ ကျား ၇၄.၁ ရာခိုင်နှုန်း၊ မ ၅၀.၉ ရာခိုင်နှုန်း အသီးသီးရှိကြကြောင်းသိရှိရပါတယ်။
@ymg/knl
#Local_News
#Published_ 9 March 2024
#YMG_News #Yangon_Times #Yangon_Media_Group

Published 09 March 2024

အမေရိကန်ပြည်ထောင်စုမှာ TikTok အက်ပ်လီကေးရှင်း လွှမ်းမိုးမှုရုပ်သိမ်းဖို့ တရုတ်နိုင်ငံမှ ByteDance ကုမ္ပဏီကို ၆ လအချိန်ပေးသွားမယ့် ဥပဒေကို လက်မှတ်ထိုးပေးဖွယ်ရှိတယ်လို့ သမ္မတဂျိုးဘိုင်ဒင်က သောကြာနေ့မှာ ပြောကြားလိုက်ပါတယ်။

အမေရိကန်နိုင်ငံသား သန်း ၁၇၀ လောက် အသုံးပြုနေကြတဲ့ အက်ပ်လီကေးရှင်းကို ပိတ်ပင်မှာနဲ့ပတ်သက်ပြီး သမ္မတဟောင်း ဒေါ်နယ်ထရမ့်ကတော့ စိုးရိမ်ပူပန်ကြောင်း ထုတ်ဖော်လာပါတယ်။

ထိုသို့ပိတ်ပင်သွားဖို့ကို ကြာသပတေးနေ့က ကော်မတီတစ်ရပ်မှ တညီတညွတ်တည်း လက်ခံပြီးနောက် လာမယ့် အင်္ဂါနေ့ သို့မဟုတ် ဗုဒ္ဓဟူးနေ့မှာ တစ်တော့ပိတ်ပင်ခြင်း ဥပဒေကြမ်းကို မဲခွဲဆုံးဖြတ်သွားဖို့ အမေရိကန်အောက်လွှတ်တော်က စီစဥ်ထားပါတယ်။

မဲပေးမှုမှ ၃ ပုံ ၂ ပုံထောက်ခံမဲရခဲ့ရင် အဆိုပြုချက်ကို အသိအမှတ်ပြုသွားမယ့် စနစ်အတိုင်း ပြုလုပ်သွားမှာ ဖြစ်ပါတယ်။

လွှတ်တော်ဘက်က အတည်ပြုပြီးရင် လက်မှတ်ထိုးပေးသွားမယ်လို့ ဘိုင်ဒင်က သတင်းထောက်တွေကို ပြောပြပါတယ်။

အထက်လွှတ်တော်မှာတော့ ဥပဒေကြမ်းနဲ့ ပတ်သက်ပြီး မရေမရာဖြစ်နေကာ အချို့အမတ်တွေက ဥပဒေကို အပြောင်းအလဲ ပြုလုပ်ချင်နေကြပါတယ်။

နိုဝင်ဘာရွေးကောက်ပွဲမှာ အနိုင်ယူရန်မျှော်မှန်းနေတဲ့ ဒေါ်နယ်ထရမ့်က တစ်တော့ပိတ်ပင်ခြင်းကို ကန့်ကွက်ကြောင်း ထုတ်ဖော်လိုက်ကာ တစ်တော့မရှိတော့တဲ့အတွက် ဖေ့စ်ဘွတ်ခ်က ပိုမိုအားကောင်းလာလိမ့်မယ်လို့ ဆိုလိုက်ပါတယ်။

၂၀၂၁ ဇန်နဝါရီ ၆ ရက်နေ့ အမေရိကန် ကပ်ပီတိုလ်လွှတ်တော် အုံကြွမှုနဲ့ ပတ်သက်ပြီး ဖေ့စ်ဘွတ်စ်က ထရမ့်ရဲ့အကောင့်တွေကို ပိတ်ပင်ခဲ့ကာ ၂၀၂၃ ဖေဖော်ဝါရီမှာတော့ ပြန်ဖွင့်ပေးခဲ့ပါတယ်။

ထရမ့်လက်ထက်မှာ ဒုသမ္မတဖြစ်ခဲ့ဖူးတဲ့ မိုက်ခ်ပန့်စ်က တစ်တော့နဲ့ ပတ်သက်ပြီး တရုတ်ဟာ အမေရိကန်မှ ကလေးတွေရဲ့စိတ်ကို မကောင်းတာတွေ ထည့်သွင်းပေးနေတယ်လို့ ဖော်ပြသွားပါတယ်။

ဥပဒေကြမ်းအရ တစ်တော့ကိုရုပ်သိမ်းပေးဖို့ ByteDance ကုမ္ပဏီကို အချိန် ၁၆၅ ရက်ပေးသွားမှာ ဖြစ်ပါတယ်။

ဒီလိုမှ မလုပ်နိုင်ဘူးဆိုရင် အက်ပဲလ်၊ အယ်လ်ဖာဘက်၊ ဂူဂဲလ်တို့မှ ဝန်ဆောင်မှုပေးနေတဲ့ အက်ပ်လီကေးရှင်းစတိုးတွေမှာ တစ်တော့ကို တရားဝင်ထည့်သွင်းသွားမှာ မဟုတ်သလို ByteDance မှထိန်းချုပ်နေတဲ့ အက်ပ်လီကေးရှင်းတွေကို ဝက်ဘ်ဆိုက်တွေမှာ လက်ခံသုံးစွဲခွင့် ပေးသွားမှာ မဟုတ်ပါဘူး။

တစ်တော့ကနေ သုံးစွဲသူတွေရဲ့ အချက်အလက်တွေကို ကောက်ယူခြင်းဖြင့် အမေရိကန်တွေရဲ့ ကိုယ်ရေးအချက်အလက်တွေ တရုတ်ကွန်မြူနစ်ပါတီထံ ရောက်ရှိစေနိုင်တယ်လို့ ၂၀၂၀ မှာ ထရမ့်က ပြောကြားခဲ့ဖူးပါတယ်။

တစ်တော့ကတော့ ဒီအချက်အလက်တွေကို တရုတ်အစိုးရထံ မပေးဘူးလို့ ငြင်းဆိုကာ ယင်းတို့ရဲ့ အက်ပ်လီကေးရှင်း ပိတ်ပင်ခြင်းဥပဒေကြမ်းကို ငြင်းခုံနေပါတယ်။

တစ်တော့က ၆ လအတွင်း ရုပ်သိမ်းသွားမလားဆိုတာကို သေချာမသိရသေးပါဘူး။

ဥပဒေကြမ်းအရ အမေရိကန်မှာ တစ်တော့ကို လုံးဝပိတ်ပင်မယ့်ရလဒ်မျိုး မြင်တွေ့နေရပြီး အမေရိကန် နိုင်ငံသား သန်း ၁၇၀ ရဲ့ လွတ်လပ်စွာဖော်ထုတ်ပိုင်ခွင့်ကို အစိုးရက ချိုးဖျက်ရန် ကြိုးပမ်းနေတယ်လို့ ByteDance က ဆိုပါတယ်။
Source: Reuters
#World_News
#Published_ 9 March 2024
#YMG_News #Yangon_Times #Yangon_Media_Group

Published 09 March 2024

ဖလော်ရီဒါမှ ဆရာဝန်တစ်ဦးက ခါးနဲ့ဗိုက်အဆီကျစေမယ့် အသင့်လျော်ဆုံး အစာစားချိန်များကို ဖော်ပြသွားပါတယ်။

တစ်နေ့တာကို နံနက် ၆ နာရီမှာစတင်ပြီး ည ၁၀ နာရီမှာ အဆုံးသတ်ခြင်းဖြင့် ခန္ဓာကိုယ် နေ့ညလည်ပတ်မှုပုံစံနဲ့ ကိုက်ညီကြောင်း၊ အထူးသဖြင့် မနက်စာနဲ့ ညစာတို့ကို အချိန်မှန်စားခြင်းဖြင့် ဝမ်းဗိုက်အဆီများ လောင်ကျွမ်းစေကြောင်း ဒေါက်တာ နာဟိဒ်အယ်လီက ပြောပြလိုက်ပါတယ်။

ဝမ်းဗိုက်အပေါ်ယံလွှာအဆီက မြင်ရထိတွေ့ရနိုင်တဲ့ အဆီမျိုးဖြစ်ပြီး ကိုယ်တွင်းအင်္ဂါအဆီကတော့ ဝမ်းဗိုက်ထဲမှာ နက်ရှိုင်းစွာရှိပြီး အန္တရာယ်အများဆုံး အဆီမျိုး ဖြစ်ပါတယ်။

မနက်စာကို အိပ်ရာထပြီး တစ်နာရီအတွင်း နံနက် ၇ ဝန်းကျင်မှာ စားသောက်သင့်ပြီး ဇီဝကမ္မဖြစ်စဥ်တွေကို စတင်သင့်ပါတယ်။

ညစာကိုတော့ အိပ်ချိန်နဲ့ ၃ နာရီလောက်ခွာပြီး ညနေ ၇ နာရီဝန်းကျင်မှာ စားသောက်သင့်ကာ ဒါမှသာ အစာတွေကို ခြေဖျက်ချိန်ရမှာ ဖြစ်ပါတယ်။

ဇီဝကမ္မဖြစ်စဥ်ဆိုတာဟာ အစားအစာတွေကို စွမ်းအင်အဖြစ် ပြောင်းလဲပေးတာဖြစ်ပြီး ထိုဖြစ်စဥ်မြန်ဆန်စွာ ဖြစ်ပျက်နေတဲ့သူတွေဟာ ကယ်လိုရီပိုမိုလောင်ကျွမ်းပါတယ်။

လေ့လာချက်တစ်ခုအရ ညဥ့်နက်အချိန်မှာ ခန္ဓာကိုယ်ထဲမှာ ကယ်လိုရီလောင်ကျွမ်းမှု အနည်းဆုံးဖြစ်ပြီး နေ့လယ်ပိုင်းနဲ့ ညနေခင်းတို့မှာ လောင်ကျွမ်းမှု အများဆုံးဖြစ်ပါတယ်။

ခန္ဓာကိုယ်နေ့ည လည်ပတ်မှုပုံစံအတိုင်း ကိုက်ညီစေရန် နေ့အစောပိုင်းမှာ ကယ်လိုရီတွေ စားသုံးသင့်ခြင်း၊ အစားမစားဘဲ နာရီကြာမြင့်စွာ နေထိုင်ခြင်းတို့ ပြုလုပ်သင့်ပါတယ်။

ထိုပုံစံတွေက တစ်နေ့တာမှာ ဆာလောင်စေတဲ့ ဟော်မုန်းတွေကို ထိန်းချုပ်နိုင်စေပြီး ဝမ်းဗိုက်အဆီ လျှော့ချဖို့ အကူအညီ ဖြစ်စေပါတယ်။
Source: New York Post
#World_Health
#Published_ 9 March 2024
#YMG_News #Yangon_Times #Yangon_Media_Group

Published 09 March 2024

လူသားတွေဟာ စားစရာအနည်းငယ်မျှဖြင့် အသက်ရှင်သန်နိုင်စွမ်းရှိသလို လုံးဝမစားသုံးဘဲနဲ့ပင် ရက်တွေကြာအောင် အသက်ရှင်နိုင်စွမ်း ရှိလာကြရာ အချိန်ကြာမြင့်စွာ အစားမစားတဲ့အခါ ကိုယ်တွင်းအင်္ဂါတွေ ဘယ်လိုတုန့်ပြန်သလဲဆိုတာနဲ့ ဘယ်အချိန်မှာ စတင်တုန့်ပြန်သလဲဆိုတာတွေကို လေ့လာဖော်ထုတ်ခဲ့ကြပါတယ်။

လေ့လာချက်မှာ ကျန်းမာရေး အကျိုးကျေးဇူးများရှိသလို ကျန်းမာရေး ပြောင်းလဲလာနိုင်တဲ့ အခြေအနေတွေကိုလည်း ထောက်ပြသွားပါတယ်။

ထိုအပြောင်းအလဲတွေက တတိယမြောက်နေ့မှာ စတင်လာပါတယ်။

အစာမစားတဲ့ကာလမှာ ခန္ဓာကိုယ်က စွမ်းအင်သုံးစွဲပုံနဲ့ စွမ်းအင်ရင်းမြစ် အမျိုးအစားကို ပြောင်းလဲလိုက်ကာ ကယ်လိုရီတွေကို အသုံးပြုရာကနေ သိုလှောင်ထားတဲ့ အဆီတွေကို ပြောင်းလဲအသုံးပြုလာပါတယ်။

သုတေသနအဖွဲ့က ထိုကာလအတွင်း ခန္ဓာကိုယ်ထဲမှာ လှည့်ပတ်နေတဲ့ ပရိုတိန်းထောင်ဂဏန်းလောက်ကို စောင့်ကြည့် တိုင်းတာခဲ့ကြပါတယ်။

ကျန်းမာတဲ့ စမ်းသပ်ခံသူ ၁၂ ဦးကို ၇ ရက်တာအစာမစားဘဲ ရေသာသောက်သုံးစေပါတယ်။

ယင်းတို့ကို စောင့်ကြည့်ထိန်းသိမ်းထားပြီး စမ်းသပ်မှု စတင်မီ၊ ပြုလုပ်နေစဥ်နဲ့ စမ်းသပ်မှုအပြီးတို့မှာ ပရိုတိန်း ၃၀၀၀ ကျော်လောက်ကို စစ်ဆေးပြီး ကြာရှည်စွာ အစာမစားခြင်းရဲ့ ကျန်းမာရေးရလဒ်များကို ခန့်မှန်းခဲ့ကြပါတယ်။

၃ ရက်မြောက်နေ့မှာ ပရိုတိန်းပမာဏ သိသာစွာ ပြောင်းလဲသွားပြီး ကယ်လိုရီအသုံးပြုမှု ကန့်သတ်ခြင်းဖြင့် တုန့်ပြန်လာပါတယ်။

သိသာတဲ့အချက်တွေက ကိုယ်အလေးချိန် ကျစေတဲ့အပြင် ဦးနှောက်ရှိ အာရုံကြော ထောက်ပံ့တည်ဆောက်မှုမှာ ပါဝင်တဲ့ ပရိုတိန်းတွေပါ ပြောင်းလဲလာပါတယ်။

အစာမစားတဲ့အခါမှာ ခန္ဓာကိုယ်ထဲ မော်လီကျူးအဆင့် ပြောင်းလဲဖြစ်ပျက်မှုများကို ပထမဆုံးအကြိမ် မြင်တွေ့ခဲ့ရတာ ဖြစ်ပါတယ်။

ဘေးကင်းစွာ အစားဖြတ်ထားခြင်းက ကိုယ်အလေးချိန်ကို ထိရောက်စွာ လျှော့ချပေးကြောင်း ကွင်းမယ်ရီကျန်းမာရေး သုတေသနတက္ကသိုလ်မှ ညွှန်ကြားရေးမှူး ကလော်ဒီယာလန်ဂန်ဘာ့ဂ်က ပြောပြသွားပါတယ်။
Source: India Today
#World_Health
#Published_ 9 March 2024
#YMG_News #Yangon_Times #Yangon_Media_Group

ဂျပန်နိုင်ငံမှ ဖူကူရှီးမားဒိုင်အိချီ နျူကလီးယားစက်ရုံမှာ ပြဿနာများ ပေါ်ပေါက်ပြီးနောက် တစ်ကမ္ဘာလုံးက စိုးရိမ်နေကြရာ စက်ရုံမှ နျူကလီးယားစွန့်ပစ်ရေဆိုးများ ထုတ်လွှတ်ရေးကို တိုးမြှင့်စောင့်ကြည့်သွားမယ်လို့ နိုင်ငံတကာ နျူကလီးယားစွမ်းအင်အေဂျင်စီ (IAEA)မှ အကြီးအကဲက တနင်္လာနေ့မှာ ပြောကြားလိုက်ပါတယ်။
#World_Disaster
#Published_ 8 March 2024
#YMG_News #Yangon_Times #Yangon_Media_Group

#Daily_News
Published_ 8 March 2024

၁။ မီးမမှန်၍ Wifi အတွက်သုံးရန် ဖုန်းအားသွင်း power bank များ အဝယ်လိုက်ပြီး ပစ္စည်းပြတ်သည့် အထိ ရောင်းချ‌‌နေရ

၂။ မော်တင်စွန်းဘုရားပွဲတော်အတွက် ပုသိမ်သူ သင်္ဘောပြေးဆွဲပေးသွားမည်၊ အဝေးပြေးယာဉ် ကြိုတင်လက်မှတ် များလည်း မှာယူမှုများပြားနေ

၃။ စက်သုံးဆီဈေး ထပ်ကျသော်လည်း ဆီဝယ်ရခက်မည်ကို ယာဉ်မောင်းသူများ စိုးရိမ်

၄။ ဖူကူရှီးမားဒိုင်အိချီနျူကလီးယားစက်ရုံမှ စွန့်ပစ်ရေဆိုးများ ထုတ်လွှတ်မှုကို သေချာစောင့်ကြည့် စစ်ဆေးသွားမည်ဟု နိုင်ငံတကာနျူကလီးယားစွမ်းအင်အေဂျင်စီ ကတိပေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group