အနုပညာအထက်တန်းကျောင်းတက်မယ့် အနုပညာဝါသနာပါတဲ့ ကျောင်းသားသစ်တွေကို လစဉ်ထောက်ပံ့ကြေးကျပ်(၃၀၀၀၀)ပေးဖို့ ရှိပါတယ်။ Grade-9(၈)တန်းအောင်ရင် တက်လို့ရပါပြီ။
#Local_News
Published_ 12 March 2024
#အနုပညာအထက်တန်းကျောင်း #ကျောင်းသားသစ်များခေါ်ယူနေ
#tthl #Yangon_Times

'သင်္ကြန်ကာလက ဒီနှစ်ရက်တိုလေးတွေ ပိုအသွားများပါမယ်၊ ၇ညအိပ် ၈ ရက်ခရီးစဉ်ပါ၊ ဟိုဘက်ခြမ်းမှာ
တည်းတဲ့ခိုတဲ့နေရာမှာ ပိုသန့်ရှင်းလာတယ်၊ ပိုကောင်းလာတယ်၊ စားတာသောက်တာတွေလည်း ပိုအဆင်ပြေလာပါတယ်၊ ဒီဘက်ခြမ်းမှာပဲ ဒေါ်လာဈေးလေးနည်းနည်း ၃၀၀၀ ပတ်ချာလည်လောက်ဆိုရင် ပိုသွားနိုင်၊ တတ်နိုင်တာပေါ့နော်'
#Local_News
Published_ 12 March 2024
#ဗုဒ္ဓဂါယာဘုရားဖူးတွေပိုပြီးများ #သင်္ကြန်ကာလ
#YMG/NN #Yangon_Times

#World_News
Published 12 March 2024

နိုင်ငံသားဖြစ်မှု ပြင်ဆင်သည့်ဥပဒေကို ရက်ပိုင်းအတွင်း အကောင်အထည် ဖော်သွားရန် အိန္ဒိယအစိုးရက မတ်လ ၁၁ ရက်နေ့မှာ ကြေညာခဲ့ပြီး ထိုဥပဒေအတွက် စည်းမျဥ်းနည်းလမ်းများကို အထွေထွေ ရွေးကောက်ပွဲမတိုင်မီ အသိပေးကြေညာလိုက်တာဖြစ်ကာ ၂၀၂၄ နိုင်ငံသားဖြစ်မှုဥပဒေစည်းမျဥ်းလို့ သတ်မှတ်လိုက်ပါတယ်။

ထိုဥပဒေကို ၂၀၁၉ ဒီဇင်ဘာ ၁၁ ရက်နေ့မှာ အိန္ဒိယပါလီမန်ကနေ ပြဌာန်းခဲ့ပါတယ်။

နိုင်ငံသားဖြစ်မှုဥပဒေ ၁၉၅၅ ကို ပြုပြင်ထားတဲ့ ဥပဒေဖြစ်ပြီး ၂၀၁၄ ဒီဇင်ဘာလမကုန်ခင် ဘာသာရေး ဖိနှိပ်ညှင်းပန်းမှုတွေကြောင့် အိန္ဒိယကို ရောက်ရှိလာခဲ့တဲ့ အာဖဂန်နစ္စတန်၊ ဘင်္ဂလားဒေ့ရှ်၊ ပါကစ္စတန်တို့မှ ဟိန္ဒူ၊ ဆစ်ခ်၊ ဗုဒ္ဓ၊ ဂျိန်း၊ ပါဆစ်၊ ခရစ်ယာန်ဘာသာ စတဲ့ လူနည်းစုဘာသာဝင်များအတွက် အိန္ဒိယနိုင်ငံသားဖြစ်မှု လမ်းကြောင်းကို ရွေးချယ်ခွင့် ပေးထားတာ ဖြစ်ပါတယ်။

ထိုနိုင်ငံတွေမှ အိန္ဒိယကိုရောက်လာတဲ့ မွတ်ဆလင်တွေတော့ မပါဝင်ပါဘူး။

စည်းမျဥ်းနည်းလမ်းများအရ ပါကစ္စတန်၊ ဘင်္ဂလားဒေ့ရှ်၊ အာဖဂန်နစ္စတန်တို့မှ စာရင်းသွင်းမှတ်တမ်းတင်ခြင်း မရှိသေးတဲ့ မွတ်ဆလင်မဟုတ်တဲ့ ပြောင်းရွှေ့လာသူများကို နိုင်ငံသားဖြစ်မှု ပေးအပ်သွားမှာ ဖြစ်ပါတယ်။

ပြည်ထဲရေးဝန်ကြီးဌာနက ယနေ့မှာ ၂၀၁၉ နိုင်ငံသားဖြစ်မှု ပြင်ဆင်ချက်ဥပဒေ (CAA-2019)ရဲ့ စည်းမျဥ်းနည်းလမ်းများကို အသိပေးကြေညာသွားမှာ ဖြစ်ကြောင်း၊ ထိုစည်းမျဥ်းများအရ CAA-2019 ဥပဒေအောက် အကျုံးဝင်တဲ့ လူတွေဟာ ၂၀၂၄ မှာ အိန္ဒိယနိုင်ငံသားဖြစ်မှု လျှောက်ထားခွင့်ရမှာ ဖြစ်ပါတယ်။

လျှောက်ထားပုံကတော့ သတ်မှတ်ထားတဲ့ ဝက်ဘ်ဆိုက်ကနေပဲ အွန်လိုင်းစနစ်ဖြင့် လျှောက်ထားရမှာ ဖြစ်ပါတယ်။

အိန္ဒိယအခြေခံဖွဲ့စည်းပုံအရ ဘာသာရေးဖိနှိပ်ခံ ဒုက္ခသည်တွေကို အခြေခံ လူ့အခွင့်အရေးများနဲ့အညီ ထောက်ပံ့ပေးခွင့်ရှိပြီး လူသားချင်းစာနာမှု ရှုထောင့်ကနေ နိုင်ငံသားဖြစ်မှု ပေးအပ်မှာ ဖြစ်ကြောင်း ပြည်ထဲရေးက ပြောကြားလိုက်ပါတယ်။

ကိုဗစ်-၁၉ ကပ်ရောဂါဘေးကြောင့် နိုင်ငံသားဖြစ်မှု ပြင်ဆင်ချက်ဥပဒေ နှောင့်နှေးနေခဲ့ရတာ ဖြစ်ပါတယ်။

အိန္ဒိယအမျိုးသားကွန်ဂရက်(INC)မှ အထွေထွေအတွင်းရေးမှူး ဂျေရမ်ရာမက်ရှ်က ထိုဥပဒေကြေညာချက်နဲ့ ပတ်သက်ပြီး လာမယ့်ရွေးကောက်ပွဲမှာ နှစ်ခြမ်းကွဲစေရန် ရည်ရွယ်ထားတယ်ဆိုတာ သိသာထင်ရှားကြောင်း ပြောကြားလိုက်ပါတယ်။

ဒေလီမြို့ရှိရဲတွေက ဒေလီအရှေ့မြောက်ပိုင်း၊ ရှာဟင်ဘဂ်၊ ဂျာမီယာနဲ့ မြို့တော်တဝိုက် အန္တရာယ်ရှိနေရာတွေမှာ လုံခြုံရေးအင်အား တိုးမြှင့်ထားပါတယ်။

၂၀၁၉ ခုနှစ်က ကြေညာချက် ထုတ်ပြန်ရာမှာ နိုင်ငံတဝှမ်း နိုင်ငံသားဖြစ်မှု ပြင်ဆင်ချက်ဥပဒေ ဆန့်ကျင်ရေးဆန္ဒပြမှုများ ဖြစ်ပေါ်ခဲ့ပြီး လူ ၁၀၀ ကျော် သေဆုံးခဲ့တယ်လို့ သတင်းတွေမှာ ဖော်ပြခဲ့ပါတယ်။

#World_News #မွတ်ဆလင်မဟုတ်သော အခြားဘာသာဝင် #နိုင်ငံသားဖြစ်မှုပြင်ဆင်သည့်ဥပဒေ #Source: WION

တရုတ်နိုင်ငံယူနန်ပြည်နယ်အောက်ရှိတဲဟုန်ပြည်နယ်အတွင်း စီးပွားရေးဇုန်တွင် လုပ်ကိုင်နိုင်ရန်
လတ်တလောမှာတော နှစ်နိုင်ငံရှိ သက်ဆိုင်ရာဌာနတွေက ညှိနှိုင်းတာတွေ လုပ်ဆောင်နေသကဲ့သို့ တရားဝင် လိုင်စင်ရအေဂျင်စီများလည်းလုပ်သားပို့ဆောင်နိုင်ရန် သွားရောက်လေ့လာမှုတွေ ပြုလုပ်နေတယ်လို့ သိရပါတယ်။
#Local_News
Published 12 March 2024
#တရားဝင်လုပ်သားပို့ရန်ညှိနှိုင်း #တရားဝင်လုပ်သားပို့ရန်ညှိနှိုင်း
#YMG/LW #Yangon_Times

#Local_News
Published 12 March 2024

တောင်ကိုရီးယားနိုင်ငံသို့ EPSစနစ်ဖြင့် အလုပ်သွားရောက်လုပ်ကိုင်မည့် အလုပ်သမားများဖြစ်သည့် ၁၆ ကြိမ်မြောက်EPS-Topik ဖြေဆိုမည့်သူများအတွက် စာမေးပွဲလက်ခံကြေးများကိုယခုလအတွင်းစတင်လက်ခံ သွားမည်ဖြစ်ကြောင်း အစိုးရပြည်ပအလုပ်အကိုင်အေဂျင်စီမှ သိရသည်။

Online Application လျှောက်ထားပြီး Payment No. ရရှိသူဖြစ်ရမည်ဖြစ်ပြီး မတ်လ၁၉ရက်မှ ဧပြီလ၅ရက်နေ့အတွင်းစာမေးပွဲမှတ်ပုံ‌တင်ကြေးလက်ခံသွားမည်ဖြစ်ကြောင်း သိရသည်။

တင်သွင်းရမည့်စာရွက်စာတမ်းများမှာ အမျိုးသား ၊အမျိုးသမီး နှစ်ဦးလုံးမှာ ပတ်စပို့မိတ္တူ၊ Payment No.စာရွက် ၊တက္ကသိုလ်ဝင်စာမေးပွဲအောင်လက်မှတ်၊ တက္ကသိုလ်တစ်ခုခုမှရရှိသည့်ဘွဲ့လက်မှတ်သို့မဟုတ် ဒီပလိုမာလက်မှတ် များလိုအပ်ကြောင်း သိရသည်။

မတ်လ ၁၉ ရက်၌ ဝန်ဆောင်မှုလုပ်ငန်း၊၂၀ရက်၌ ကုန်ထုတ်၊စိုက်/မွေး၊ ဆောက်လုပ်ရေးနှင်ဧပြီ၅ရက်အထိ ၊Payment No.အလိုက် ပေးသွင်းရမည့် နေ့ရက်အားထပ်မံကြေညာသွားမည်ဖြစ်ကြောင်း သိရသည်။

Payment No.ရရှိပြီးဖြေဆိုရန်ဆန္ဒရှိသူများအနေဖြင့် စာမေးပွဲမှတ်ပုံတင်ကြေး USD28သို့မဟုတ် ညီမျှသည့်မြန်မာကျပ်ငွေ ပေးသွင်းရနည်ဖြစ်ကြောင်း သိရသည်။

ထို့အပြင် စာမေးပွဲဖြေဆိုအောင်မြင်ပြီးသူသည် ဆေးစစ်ဆေးပြီးဆေးအောင်မြင်မှသာ အလုပ်လျှောက်လွှာတင်သွင်းရမည်ဖြစ်ပြီး အလုပ်လျှောက်လွှာတင်သွင်းသူတိုင်းအလုပ်ရရှိရန်အာမမခံကြောင်း သိရသည်။

#Local_News #EPS-Topikဖြေဆိုမည့်သူများ #YMG/ NN #Yangon_Times

#Local_News
Published 12 March 2024

ရန်ကုန်တိုင်း‌ဒေသကြီးရှိ တွံတေးမွေးမြူရေးဇုန်၌လုပ်ငန်းရှင် ၄၉ ဦး မှ ငါး၊ ကြက်၊ဆိတ်အပါအဝင် မွေးမြူရေးလုပ်ငန်းများလုပ်ကိုင်နေကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။

ထိုသို့မွေးမြူရာတွင်အသားတိုးကြက် ၂၉၀၃၀ ကောင်၊ ငါး ၅၅၀၀၀ ကောင်၊ ဆိတ် ၃၃၂၄ ကောင်၊ ဒေသကြက် ၁၃၃၇၆ ကောင်၊ ဥစားကြက် ၃၅၀၀ ကောင်၊ ဥစားဘဲ ၄၀၆၈ ကောင်၊ အသားတိုးဘဲ ၂၀၀၀ ကောင်၊ နို့စားနွား ၁၁၁ ကောင်၊ အသားတိုးနွား ၁၁၃ ကောင်၊ ဝက် ၃၅၄ ကောင် မွေးမြူထားခြင်းဖြစ်ကြောင်းသိရသည်။

ထိုသို့မွေးမြူထားသည့် ကြက်မွေးမြူရေးလုပ်ငန်းများမှ ယနေ့အထိ အသားတိုးကြက် ၇၂၈၀၀ ပိဿာ၊ ဘဲ ၃၄၀၅ ပိဿာ၊ ဘဲဥ ၁၃၈၉၃၀ လုံး၊ ကြက်ဥ ၈၆၃၃၈ လုံးနှင့် နွားနို့ ၁၂၇၀၀ ပိဿာ၊ အသားတိုးနွား ၃၂၀၀ ပိဿာနှင့် ဆိတ်သား ၅၅၀ ပိဿာတို့အား ထုတ်လုပ်နိုင်ခဲ့ကြောင်း သိရသည်။

#Local_News #တွံတေးမွေးမြူရေးဇုန် #ဆိတ်အပါအဝင် #YMG/ NN #Yangon-Times

#Local_News
Publised 12 March 2024

ရှောင်တခင်စစ်ဆေးမှုများအရ  နိုင်ငံခြားငွေရောင်း ဝယ်ရေးလိုင်စင်ရထားသူ(၄)ဦးသည် နိုင်ငံခြားငွေစီမံခန့်ခွဲမှု ဥပဒေကိုမလိုက်နာ၍လုပ်ငန်းလိုင်စင် (၃)လပိတ်ပြီး အရေးယူလိုက်ကြောင်း မြန်မာနိုင်ငံတော်ဗဟိုဘဏ်၏ ထုတ်ပြန်ချက်အရသိရသည်။

လိုင်စင်(၃)လပိတ်ပြီး အရေးယူခံရသည့်လုပ်ငန်းများမှာ (၁) Thura Nay Tun (Fame money changer)(၂) Lead Star Money Changer (၃) Steber Group Money Changer (၄)  Asia Shwe Thee Money Changer တို့ဖြစ်သည်ဟု ဆိုသည်။

ရွှေနှင့်ငွေကြေး ဈေးကွက်စောင့်ကြည့်၊ ထိန်းသိမ်း၊ ကြပ်မတ်ရေးလုပ်ငန်း ကော်မတီမှဦး‌ဆောင်ပြီး မြန်မာနိုင်ငံတော်ဗဟိုဘဏ်၊‌ စည်ပင်၊ ထွေအုပ်နှင့် တရားဥပဒေစိုးမိုးရေးအဖွဲ့များမှ မတ်လ(၆)ရက်မှ(၈)ရက်အထိ ရန်ကုန်မြို့ရှိ နိုင်ငံခြားငွေရောင်းဝယ်လဲလှယ်ရေးလုပ်ငန်းများ လုပ်ကိုင်နေသူများကို ကွင်းဆင်းစစ်ဆေးကာ အဆိုပါလုပ်ငန်း (၄)ခုလုပ်ကိုင်နေသူများသည် နိုင်ငံခြားငွေစီမံခန့်ခွဲမှု ဥပဒေကိုလိုက်နာဆောင်ရွက်မှုမရှိသောကြောင့် ယင်းကဲ့သို့ အရေးယူဆောင်ရွက်ခြင်းဖြစ်သည်ဟု မြန်မာနိုင်ငံ‌တော်ဗဟိုဘဏ်မှ ထုတ်ပြန်ထားသည်။

မြန်မာနိုင်ငံတော်ဗဟိုဘဏ်အနေဖြင့် နိုင်ငံခြားငွေ ဈေးကွက်နှင့်နိုင်ငံခြားငွေလဲလှယ်နှုန်းတည်ငြိမ် စေရေးအတွက် ရှောင်တခင်ကွင်းဆင်းစစ်ဆေးမှုများကို ဆက်လက်ဆောင်ရွက်မည်ဖြစ်ပြီး ဥပဒေပါအချက်များဖြင့် ကြပ်မတ်ထိန်း‌ကျောင်းသွားမည်ဖြစ်ကြောင်း ထုတ်ပြန်ချက်၌ဖော်ပြပါရှိသည်။

#Local_News #လိုင်စင်ရMoney Changer #လုပ်ငန်းလိုင်စင်(၃)လပိတ်ပြီးအရေးယူ #tthl #Yangon_Times

#Local_News
Published 12 March 2024

၂၀၂၄ ခုနှစ်၊ ဇန်နဝါရီလ ၁ ရက်နေ့က ဂျပန်နိုင်ငံ၊ အီရှီကာဝါပြည်နယ်တွင် လှုပ်ခတ် ခဲ့သည့် ပြင်းအား ၇.၆ အဆင့်ရှိ မြေငလျင်ဒဏ် ခံစားခဲ့ရသည့် ပြည်သူများအတွက် မြန်မာအစိုးရမှ ဂျပန်ကြက်ခြေနီအသင်းသို့ အမေရိကန် ဒေါ်လာ ၁ သိန်း လှူဒါန်းခဲ့ကြောင်း သိရသည်။

အဆိုပါ အလှူငွေပေးအပ်လှူဒါန်းပွဲ အခမ်းအနားကို ၂၀၂၄ ခုနှစ်၊ မတ်လ ၁၁ ရက်နေ့၊ နံနက်ပိုင်းတွင် တိုကျိုမြို့ရှိ ဂျပန်ကြက်ခြေနီအသင်းရုံးချုပ်၌ ကျင်းပပြုလုပ်ခဲ့ရာ မြန်မာအစိုးရ၏ လှူဒါန်းငွေ အမေရိကန်ဒေါ်လာ ၁ သိန်းနှင့်ညီမျှသော ဂျပန်ယန်းငွေ ၁၄,၉၄၂,၀၀၀/- အား ဂျပန်နိုင်ငံဆိုင်ရာ မြန်မာသံအမတ်ကြီး ဦးစိုးဟန်မှ ဂျပန်ကြက်ခြေနီအသင်းဥက္ကဋ္ဌ Mr. Atsushi Seike ထံ လွှဲပြောင်းပေးအပ်ခဲ့သည်။

ဂျပန်နိုင်ငံ အီရှီကာဝါပြည်နယ်တွင် ၂၀၂၄ ခုနှစ်၊ ဇန်နဝါရီလ ၁ ရက်နေ့က လှုပ်ခတ်ခဲ့သည့် အင်အားပြင်းငလျင်သည် ထိခိုက်ပျက်စီးမှု များပြားသလို အသက်ဆုံးရှုံးမှုများလည်းရှိခဲ့ကြောင်း သိရသည်။

#Local_News #ဂျပန်ကြက်ခြေနီအသင်း #YMG/LW #Yangon_Times

Published 12 March 2024

လူအများစုက ကိုယ်အလေးချိန် ကျစေရန်နဲ့ နှလုံးကျန်းမာရေး ကောင်းမွန်စေရန် ရည်ရွယ်ကာ အစားအသောက်များ ချင့်ချိန်စားသုံးကြပေမယ့် ဦးနှောက်အတွက်တော့ မစဥ်စားမိကြပါဘူး။

ဦးနှောက်လုပ်ဆောင်ချက် ကောင်းမွန်စေရန်နဲ့ မှတ်ဉာဏ်၊ အာရုံစူးစိုက်မှုတို့ တိုးတက်စေရန် အကူအညီဖြစ်စေနိုင်တဲ့ အစားအစာတွေ ရှိပါတယ်။

ထိုအစားအစာတွေက ဦးနှောက်လုပ်ဆောင်ချက် မြှင့်တင်ပေးနိုင်ရုံမက ကျန်းမာရေးအကျိုးကျေးဇူး များစွာ ရရှိစေနိုင်ပါတယ်။

အာဟာရပညာရှင် အန်မာမီအက်ဂါဝယ်လ်က ဖရုံစေ့အကြောင်း ဖော်ပြသွားပါတယ်။

ဖရုံစေ့မှာ မဂ္ဂနီဆီယံ ကြွယ်ဝစွာပါဝင်ပြီး ဓာတုဇီဝဖြစ်စဥ် အမျိုးမျိုးအတွက် အရေးပါပါတယ်။

မဂ္ဂနီဆီယံက အာရုံကြောဆဲလ်တွေရဲ့ လုပ်ဆောင်ချက်တွေကို ထောက်ပံ့ပေးပြီး ဦးနှောက်ထဲမှာ အချက်အလက်များ ပေးပို့ခြင်းကို ထောက်ကူပေးပါတယ်။

ဒါ့အပြင် ဦးနှောက်အတွက် အကျိုးပြုတဲ့ ဇင့်၊ ကြေးနီ၊ ဓာတ်တိုးဆန့်ကျင်ပစ္စည်းများ ပါဝင်တာကြောင့် ဦးနှောက်ဆဲလ်များ ဘေးအန္တရာယ်ဖြစ်ခြင်းမှ ကာကွယ်ပေးပြီး ကျန်းမာသန်စွမ်းစေပါတယ်။

အန်မာမီက အင်စတာဂရမ်ဗီဒီယိုထဲမှာ ဒိန်ချဥ်ခွက်ထဲသို့ ဖရုံစေ့ထည့်စားနေတာကို မြင်တွေ့ရပါတယ်။

အုတ်ကွေကာ၊ ဖျော်ရည်၊ မစ်ရှိတ်၊ စွပ်ပြုတ်တို့မှာလည်း ထည့်သွင်းစားသုံးနိုင်ပါတယ်။  
Source: DoctorNDTV.
#World_Health
#Published_ 12 March 2024
#YMG_News #Yangon_Times #Yangon_Media_Group

Published 12 March 2024

အချို့သော အသီးအနှံများနဲ့ ဟင်းသီးဟင်းရွက်များ စားသုံးခြင်းက ကိုယ်အလေးချိန်ကျစေရန် အကူအညီဖြစ်စေပြီး ဗိုက်ပြည့်တင်းနေစေတယ်လို့ အာဟာရပညာရှင် အန်နီကွာဂိုဒတ်က ပြောပြသွားပါတယ်။

အမေရိကန်မှာ လူဦးရေ ၄၁ ရာခိုင်နှုန်းလောက်က အဝလွန်နေပြီး ဆီးချို၊ နှလုံးရောဂါ၊ ကင်ဆာရောဂါအချို့ စတဲ့ ကျန်းမာရေးပြဿနာများ ဖြစ်လာနိုင်ပါတယ်။

ကိုယ်အလေးချိန် ကျစေရန် အကူအညီဖြစ်စေတဲ့ အသီးအရွက် ၄ မျိုးကို ပညာရှင်များက အကြံပြုလိုက်ပါတယ်။
 
(၁) တရုတ်နံနံ
တရုတ်နံနံမှာ ကယ်လိုရီမပါဝင်တာကြောင့် အစာခြေဖျက်ရင်း ကယ်လိုရီ ပိုမိုလောင်ကျွမ်းကာ ဓာတ်တိုးဆန့်ကျင်ပစ္စည်းများ ပါဝင်တာကြောင့် ကင်ဆာများကို ကာကွယ်ပေးပါတယ်။
 
(၂) ပန်းသီး
ပန်းသီးက အမျှင်ဓာတ် ကြွယ်ဝတာကြောင့် ဗိုက်ပြည့်ဝနေစေပါတယ်။
ဒါ့အပြင် ပပ်တင်ဓာတ်ကလည်း ခန္ဓာကိုယ်ကနေ အဆီစုပ်ယူမှုကို ထိန်းချုပ်ပေးပါတယ်။
 
(၃) ဘယ်ရီသီး
ဘယ်ရီမျိုးနွယ်အသီးတွေဟာ သကြားဓာတ်နည်းပါးပြီး ဓာတ်တိုးဆန့်ကျင်ပစ္စည်းများနဲ့ အမျှင်ဓာတ်ကြွယ်ဝတာကြောင့် ကိုယ်အလေးချိန်ချတဲ့နေရာမှာ အထောက်အကူ ဖြစ်စေပါတယ်။
 
(၄) ကစီမပါသောဟင်းရွက်များ
ပန်းဂေါ်ဖီစိမ်း၊ ပန်းဂေါ်ဖီ၊ သခွားသီးတို့ဟာ အမျှင်ဓာတ်နဲ့ ရေဓာတ်ကြွယ်ဝတာကြောင့် ပြည့်တင်းနေစေပါတယ်။
Source: New York Post.
#World_Health
#Published_ 12 March 2024
#YMG_News #Yangon_Times #Yangon_Media_Group

Published_11 March 2024

၂၀၂၃- ၂၀၂၄ ပညာသင်နှစ် တက္ကသိုလ်ဝင်စာမေးပွဲကို တိုင်းဒေသကြီးနှင့် ပြည်နယ်အလိုက် ခရိုင်၊ မြို့နယ်၊ စာစစ်ဌာန၊ နိုင်ငံခြားစာစစ်ဌာနတို့တွင် ဖြေဆိုသူ စာရင်းသွင်းအရေအတွက်မှာ ခရိုင်ပေါင်း(၁၁၄)ခရိုင်၊ မြို့နယ် ပေါင်း(၂၈၅)မြို့နယ်၊ စာစစ်ဌာနပေါင်း (၇၉၄)ဌာန ၊စာရင်းရှိ ( ၁၄၆၅၂၃ ) ဦး အနက် လာရောက်ဖြေဆိုသူ ဦးရေမှာ (၁၂၈၈၀၁)ဦး ရှိကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ယနေ့ မတ်လ ၁၁ ရက်တွင် ၂၀၂၃-၂၀၂၄ ပညာသင်နှစ် တက္ကသိုလ်ဝင်စာမေးပွဲကို ယနေ့တွင် စတင်ကျင်းပရာ တိုင်းဒေသကြီးနှင့် ပြည်နယ်အသီးသီးရှိ အခြေခံပညာအထက်တန်းကျောင်းများ၌ ကျောင်းသား၊ ကျောင်းသူ များ ဝင်ရောက်ဖြေဆိုလျက်ရှိရာ ပထမနေ့ မြန်မာစာဘာသာရပ်ကို နေပြည်တော်ကောင်စီနယ်မြေအတွင်း မြို့နယ်(၈)မြို့နယ်ရှိ စာစစ်ဌာန ၄၇ ခု၌ စာရင်းရှိ ကျောင်းသား ၃၇၅၀ ဦး၊ ကျောင်းသူ ၄၉၂၆ ဦး၊ စုစုပေါင်း ၈၆၇၆ ဦး ရှိသည့်အထဲမှ ကျောင်းသား ၃၆၁၅ ဦး၊ ကျောင်းသူ ၄၈၁၃ ဦး၊ စုစုပေါင်း ၈၄၂၈ ဦး ဝင်ရောက်ဖြေ ဆိုကြောင်း သိရသည်။

အလားတူ တိုင်းဒေသကြီးနှင့် ပြည်နယ်အသီးသီးရှိ အခြေခံပညာအထက်တန်းကျောင်းများ တွင်လည်း တက္က သိုလ် ဝင်စာမေးပွဲ ပထမနေ့ မြန်မာစာဘာသာရပ်ကို ဖြေဆိုလျက်ရှိရာ နေပြည်တော်ကောင်စီနယ်မြေ အပါ အဝင် တိုင်းဒေသကြီးနှင့် ပြည်နယ်အသီးသီးရှိ ယနေ့တွင် ကျောင်းသား၊ ကျောင်းသူ ဖြေဆို ရာခိုင်နှုန်းမှာ (၈၇ ဒသမ ၉၀ ရာခိုင်နှုန်း ဖြစ်ကြောင်း ပညာရေးဝန်ကြီးဌာန၏ စာရင်းများအရ သိရသည်။

ကျောင်းသား၊ ကျောင်းသူများ စိတ်အေးချမ်းသာစွာနှင့် ဘေးအန္တရာယ် ကင်းရှင်းစွာ ဖြေဆိုနိုင်ရေးအတွက် သက်ဆိုင်ရာ လုံခြုံရေးအဖွဲ့ဝင်များ၊ ကျန်းမာရေးဝန်ထမ်းများ၊ မီးသတ် တပ်ဖွဲ့ဝင်များနှင့် ရပ်ကွက်ကျေး ရွာအုပ်ချုပ်ရေးအဖွဲ့ဝင်များက ပေးလျက်ရှိကြောင်း သိရသည်။

၂၀၂၃-၂၀၂၄ ပညာသင်နှစ် တက္ကသိုလ်ဝင်စာမေးပွဲကို ယနေ့တွင် မြန်မာစာ ဘာသာရပ်ကို စတင်ဖြေဆိုပြီး မတလ် ၁၂ ရက် အင်္ဂါနေ့တွင် အင်္ဂလိပ်စာဘာသာရပ်၊ မတ်လ ၁၃ ရက် ဗုဒ္ဓဟူးနေ့တွင် သင်္ချာဘာသာရပ်၊ မတ် လ ၁၄ ရက် ကြာသပတေးနေ့တွင် ဓာတုဗေဒဘာသာရပ်နှင့် ပထဝီဝင်ဘာသာရပ်၊ မတ်လ ၁၅ ရက် သော ကြာနေ့တွင် ရူပဗေဒဘာသာရပ်နှင့် သမိုင်းဘာသာရပ်၊ မတ်လ ၁၆ ရက် စနေနေ့တွင် ဇီဝဗေဒဘာသာရပ်နှင့် ဘောဂဗေဒဘာသာရပ်တို့ကို ဖြေဆိုကြရ မည်ဖြစ်၍ မတလ် ၁၇ ရက် တနင်္ဂနွေနေ့ကို ပိတ်ရက်အဖြစ် သတ်မှတ်ကြောင်း သိရသည်။

ယင်းနောက် မတ်လ ၁၈ ရက် တနင်္လာနေ့တွင် လူမှုရေးသိပ္ပံဘာသာရပ်၊ မတ်လ ၁၉ ရက် အင်္ဂါနေ့တွင် စိတ်ကြိုက်မြန်မာစာ စသည်ဖြင့် အသီးသီးဖြေဆိုကြရမည်ဖြစ်ကြောင်း သိရသည်။
Yangon_Times/PP
#Local_News
#Published_ 11 March 2024
#YMG_News #Yangon_Times #Yangon_Media_Group

Published_11 March 2024

ရှမ်းပြည်နယ် (မြောက်ပိုင်း)၊ နောင်ချိုမြို့နယ်မှ မန္တလေးသို့ ရေလမ်းကြောင်းအတိုင်း စက်တပ်လှေဖြင့် သယ်လာ သောငွေကျပ် ၇ ဒသမ ၅ ဘီလီယံတန်ဖိုးရှိ စိတ်ကြွရူးသွပ်ဆေးပြား သိန်း ၅ဝ ဖမ်းဆီးရမိခဲ့ကြောင်း မြန်မာနိုင်ငံ ရဲတပ်ဖွဲ့က သိရသည်။

မတ်လ ၆ ရက်ကမန္တလေးတိုင်းဒေသကြီး၊ မတ္တရာမြို့နယ်၊ ဆည်တော်ကြီးဆည်အတွင်း စက်တပ်လှေငယ် ၂ စီးဖြင့် မီးသွေး အိတ်များအတွင်း သိုဝှက်သယ်ဆောင်လာသည့် ဒေသကာလ တန်ဖိုးငွေကျပ် ၇ ဒသမ ၅ ဘီလီယံတန်ဖိုးရှိ စိတ်ကြွ ရူးသွပ်ဆေးပြား သိန်း ၅၀ နှင့် သယ်ဆောင်လာသူများ ဖြစ်သော ရာဇာမိုး၊ မလမင်းနွယ်၊ သိန်းဇော်(ခ) ချစ်မွှေး၊ အောင်ပိုင်၊ မဖြူဖြူထွေး နှင့် မယမင်းသူ(ခ) မင်းမင်း တို့ ၆ ဦးကို ဖမ်းမိခဲ့ကြောင်း သိရသည်။

ယင်းကို လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က သတင်းအရစောင့်ဆိုင်းဖမ်းဆီးမိခဲ့ခြင်းလည်း ဖြစ်သည်။

၎င်းအပြင်သိမ်းဆည်းရမိစိတ်ကြွရူးသွပ်ဆေးပြားများကို သယ်ဆောင်ခိုင်းသည့် စိုင်းမင်းသူ နှင့် ပူးပေါင်းပါဝင်သူ ထွန်းသန်း တို့အား မတ်လ ၇ ရက် က မတ္တရာမြို့နယ်၊ ဆည်တော်ကျေး ရွာတွင် ဆက်လက်ဖမ်းဆီး ရမိခဲ့ ကြောင်း၊ယခုအခါ ဥပဒေအရ အရေးယူ ထားရှိပြီး ကွင်းဆက်ပြစ်မှုကျူးလွန် သူများအား ဆက်လက်စစ်ဆေး ဖော်ထုတ်လျက်ရှိကြောင်း သိရသည်။
Yangon_Times/PP
#Local_News
#Published_ 11 March 2024
#YMG_News #Yangon_Times #Yangon_Media_Group