#Local_News
Published_ 15 March 2024

Online Trading Platform မှ တစ်ဆင့်ပို့ကုန်၊ သွင်းကုန်လုပ်ငန်းရှင်များအတွက်သုံးကြိမ်မြောက် အမေရိကန်ဒေါ်လာ ၅ သန်းကိုဗဟိုဘဏ်က ယနေ့တွင် ထပ်မံရောင်းချပေးမည်ဖြစ်ကြောင်း ကြေညာချက်အရ သိရသည်။

ဗဟိုဘဏ်သည် ဖေဖော်ဝါရီ ၂ ရက်တွင် ဒေါ်လာ ၅ သန်းနှင့် ထိုင်းဘတ်သန်း ၅၀၊ မတ်လ ၅ ရက်တွင် တရုတ်ယွမ် ၇ သန်းနှင့် ထိုင်းဘတ် ၁၂ သန်း ရောင်းချပေးထား၍ တစ်လကျော်အတွင်း Online Trading Platform မှတစ်ဆင့် နိုင်ငံခြားငွေ နှစ်ကြိမ်ရောင်းချပေးခဲ့မှု ဒေါ်လာ ၅ သန်း၊ တရုတ်ယွမ် ၇ သန်းနှင့် ထိုင်းဘတ် ၆၂ သန်း ထုတ်ရောင်းပေးထားပြီး၂၀၂၃-၂၀၂၄ ဘဏ္ဍာနှစ်ကုန်ဆုံးခါနီးတွင် ဗဟိုဘဏ်မှ ပိုကုန်သွင်းကုန်လုပ်ငန်းရှင်များကို ဒေါ်လာများဆက်တိုက်ထုတ်ရောင်းပေးနေခြင်းလည်းဖြစ်သည်။

နိုင်ငံခြားငွေကြေးဈေးကွက်အတွင်း တစ်ဒေါ်လာ ကျပ် ၃,၅၀၀ ဝန်းကျင်သာရှိနေရာမှ ဖေဖော်ဝါရီလမှစတင်ကာ ငွေလဲလှယ်နှုန်း တဖြည်းဖြည်းမြင့်တက်လာခဲ့ရာမှ  မတ် ၁၅ ရက်ယ‌နေ့တွင် တစ်ဒေါ်လာလျှင် ၃၆၆၀ ကျပ် အထိရောက်ရှိလာကြောင်း သိရသည်။

ထိုသို့ ဒေါ်လာလဲလှယ်နှုန်းများ မြင့်တက်နေချိန် နိုင်ငံခြားငွေလဲလှယ်ရောင်းချသည့်လုပ်ငန်း လုပ်ကိုင်သည့် Money Changer ငါးခုကို ဗဟိုဘဏ်က ထုတ်ပြန်ထားသည့် စည်းမျဉ်းစည်းကမ်းနှင့် ညွှန်ကြားချက်များကိုမလိုက်နာသာ့်အတွက်  လိုင်စင်ခြောက်လနှင့် သုံးလဆိုင်းငံ့ထားကြောင်း သိရသည်။

#Local_News #Online_Trading_Platform #ယနေ့ဗဟိုဘဏ်ထုတ်ရောင်း #YMG/NN #Yangon_Times

#Local_News
Published 15 March 2024

နေပြည်တော်-ရန်ကုန်အမြန်လမ်းမကြီး၊ မိုင်တိုင်အမှတ်(၁၆၆/၁ )အနီးတွင် ပန်းတင်ဆောင်လာသောကုန်တင်ယာဉ်သည် အရှိန်မထိန်းနိုင်ဘဲ တိမ်းမှောက် မှု ဖြစ်ပွားခဲ့ကြောင်း အမြန်လမ်း မီးသတ်တပ်ဖွဲ့ထံ က သိရသည်။

မတ်လ၁၄ရက် ည ၁၁ နာရီ ၁၅ မိနစ်ခန့်က ဖြစ်ပွားခဲ့ကာ ယာဉ်အတွင်းညှပ်နေသောကြောင့် ပလွေးအမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ပေးခဲ့ရကြောင်း သိရသည်။

ထိုသို့ ကယ်ဆယ်ရေးလုပ်ငန်းများ လုပ်ဆောင်ပေးရာ မတ်လ ၁၅ ရက် ၀၀ ၀၂ အချိန်တွင် လုပ်ငန်းပြီးစီးခဲ့ကြောင်း သိရသည်။

အဆိုပါ ယာဉ်ပေါ်ပါ အမျိုးသား(၂)ဦးအနက် အမျိုးသား(၁)ဦးထိခိုက်ဒဏ်ရာ(မစိုးရိမ်ရ)အား ပလွေးအမြန်လမ်းမီးသတ်စခန်းမှ သူနာတင်ယာဉ်ဖြင့် နေပြည်တော်ကုတင် (၁၀၀၀) ဆေးရုံကြီးသို့ပို့ဆောင်ပေးခဲ့ကြောင်း သိရသည်။

#Local_News #နေပြည်တော်-ရန်ကုန်အမြန်လမ်း #အရှိန်မထိန်းနိုင်ဘဲတိမ်းမှောက်#YMG/LW #Yangon_Times

#World_Discovery
Published 15 March 2024

တွေ့ရှိချက် အထောက်အထားသစ်အရ နို့တိုက်သတ္တဝါတွေကသာ နို့ချိုထုတ်လုပ်ပေးနိုင်တာ မဟုတ်ဘဲ တီကောင်နဲ့ဆင်တူတဲ့ ကုန်းတစ်ပိုင်း ရေတစ်ပိုင်း သတ္တဝါတစ်မျိုးဟာလည်း နို့တိုက်တဲ့ အပြုအမူမျိုးတွေ့ရပါတယ်။

ဖားနဲ့ ကင်းလိပ်ချောလိုမျိုး သတ္တဝါဖြစ်တဲ့ ဆေစီလီယန် (Siphonops annulatus)တွေဟာ ခြေလက်မဲ့သတ္တဝါများ ဖြစ်ပြီး အကောင်ပေါက်များအတွက် နို့ကဲ့သို့အရာကို ထုတ်လုပ်ပေးပါတယ်။

လေ့လာချက်ထဲမှာ အကောင်ပေါက်လေးတွေက သူတို့ရဲ့မိခင်ကို နို့ရည်ပိုတိုက်ပေးစေချင်နေတဲ့ အနေအထား မြင်တွေ့ရပြီး ကုန်းနေရေနေသတ္တဝါတွေမှာ ယခင်က မတွေ့ရဘူးတဲ့ ပုံစံမျိုး ဖြစ်ပါတယ်။

အဆိုပါ ရှာဖွေတွေ့ရှိချက်အတွက် ဘီဘီစီစီးရီး Life in Cold Blood ကို ဂုဏ်ပြုရမှာ ဖြစ်ပါတယ်။

ဆေစီလီယန်မိခင်နဲ့ ကလေးတွေကို ကိုယ်တွင်းကြည့်ကင်မရာဖြင့် သုတေသီများ ကြည့်ရှုခဲ့ကြပါတယ်။

အကောင်ပေါက်လေးတွေက အလွန်နို့ဆာနေတဲ့အတွက် မိခင်ရဲ့ အပြင်အသားလွှာဖြူကနေ နို့စို့နေကြပါတယ်။

ထိုအရေပြားဟာ အလွန်အာဟာရ ပြည့်ဝပြီး ပရိုတိန်းတွေ အဆီတွေ ပါဝင်နေတယ်လို့ တွေ့ရှိခဲ့ကြပါတယ်။

အာဟာရပြည့်ဝနေတဲ့ အရေပြားဆီက နို့ရည်တစ်လုတ်စာဖြင့်တော့ အကောင်ပေါက်လေးတွေ ကြာရှည်ခံနိုင်ရည် မရှိတာကိုလည်း တွေ့ရှိခဲ့ကြပါတယ်။

ဒါကြောင့် အခြားဖြစ်စဥ်ကိုလည်း ဦးတည်ကြရပါတယ်။

ကလေးတွေရဲ့ဦးခေါင်းတွေက မိခင်ရဲ့ နို့ရည်ထွက်အပေါက်မှာပဲ အမြဲရှိနေပြီး အချို့ဆိုရင် ခေါင်းကအထဲပင် ရောက်နေတယ်လို့ ဘရာဇီးလ် ဘူတန်တန်တက္ကသိုလ်မှ စာတမ်းပြုစုသူ ကားလို့စ်ဂျဲရတ်ဒ်က ဆိုပါတယ်။

နို့ရည်ပြွန်တွေကနေ သကြားတွေနဲ့ ဖက်တီးအက်ဆစ်တွေ ပါဝင်တဲ့ နို့ရည်ကဲ့သို့အရာများ ထုတ်လုပ်ပေးကာ လူတွေနဲ့ နွားတွေမှာလိုမျိုး ဖြစ်ပါတယ်။

နို့တိုက်သတ္တဝါတွေလိုပဲ ဆေစီလီယန် အကောင်ပေါက်တွေဟာလည်း သူတို့အမေကို နို့ရည်ပိုမိုထုတ်ပေးဖို့ တောင်းဆိုတဲ့သဘော မြင်တွေ့ရပါတယ်။

ဒီလိုသတ္တဝါတွေမှာ ယခုလိုတွေ့ရှိရတာဟာ မှတ်သားစရာကောင်းတယ်လို့ ဖလော်ရီဒါသဘာဝသမိုင်းပြတိုက်မှ မာဆယ်ကိုတေက ပြောပြလိုက်ပါတယ်။

#World_Discovery #နို့ချိုထုတ်လုပ် #ကုန်းနေရေနေသတ္တဝါတစ်မျိုး #Source: WION

#World_News
Published 15 March 2024

သမ္မတဗလာဒီမာပူတင်ရဲ့ ရုရှားဟာ ယူကရိန်းတပ်တွေကို အနိုင်ရလာပါက ယူကရိန်းမှာတင် ရပ်တန့်သွားမှာမဟုတ်တဲ့ ပြိုင်ဘက်ရန်သူဖြစ်တယ်လို့ ပြင်သစ်သမ္မတ အီမန်နျူရယ်မက်ခရွန်က သတ်မှတ်လိုက်ပြီး ဥရောပတွေအနေနဲ့ ပျော့ညံ့မနေဘဲ တုန့်ပြန်နိုင်ရန် အသင့်ပြင်ဆင်ထားသင့်ကြောင်း တိုက်တွန်းလိုက်ပါတယ်။

အနာဂတ်မှာ ယူကရိန်းနိုင်ငံအတွင်း ပြင်သစ်တပ်များ နေရာချသွားဖို့အကြောင်းကို ထည့်မစဥ်းစားလို့မရဘူးလို့ မက်ခရွန်က ပြီးခဲ့တဲ့လမှာ အငြင်းပွားစရာ ပြောကြားခဲ့ရာ ခေါင်းဆောင်အများအပြားက ထောက်ခံခြင်းမရှိသလို အချို့ကတော့ ထောက်ခံကြောင်း ထုတ်ဖော်ခဲ့ကြပါတယ်။

ရုရှားသာ စစ်ပွဲအနိုင်ရပါက ဥရောပအပေါ် လူအများယုံကြည်မှု ရှိတော့မှာမဟုတ်ကြောင်း မက်ခရွန်က ရုပ်သံအင်တာဗျူးတစ်ခုမှာ ပြောပြသွားပါတယ်။

မက်ခရွန်က အတိုက်အခံခေါင်းဆောင်များနဲ့ အပြင်းအထန် သဘောမတူညီကြောင်း၊ ယူကရိန်းကို ထောက်ပံ့ဖို့ ကန့်ကွက်မဲပေးတာမျိုးနဲ့ ကြားနေမဲပေးခြင်းတို့ဟာ ငြိမ်းချမ်းရေးရစေမှာ မဟုတ်ဘဲ ရှုံးနိမ့်ရာလမ်းစဥ်ပဲ ဖြစ်တယ်လို့ ပြောပြသွားပါတယ်။

မက်ခရွန်အစိုးရရဲ့ လက်ယာစွန်းရောက် အဓိကအတိုက်အခံပါတီ မရင်းလီပင်က ယူကရိန်းနဲ့ လက်မှတ်ရေးထိုးတဲ့ လုံခြုံရေးသဘောတူညီချက်နဲ့ ပတ်သက်ပြီး ပါလီမန်မှာ ကြားနေမဲ ပေးခဲ့တာဖြစ်ပြီး လက်ဝဲနိုင်ငံရေး အန်ဘိုးပါတီကတော့ ဆန့်ကျင်မဲ ပေးခဲ့ပါတယ်။

ဥရောပမှာ စစ်ဖြစ်ခဲ့ရင် ရုရှားကိုအပြစ်တင်ရမှာ ဖြစ်ပေမယ့် တုန့်ပြန်ခြင်းမရှိဘဲ ပျော့ညံ့နေဖို့ ဆုံးဖြတ်မယ်ဆိုရင်တော့ အရှုံးကိုရွေးချယ်ပြီးသား ဖြစ်ကြောင်း၊ ဒီလိုမျိုး အဖြစ်မခံနိုင်ကြောင်း ဆိုလိုက်ပါတယ်။

ရုရှားက ပြင်သစ်နိုင်ငံတွင်းနဲ့ ပြင်ပတို့မှာ ပြင်သစ်အကျိုးစီးပွားတွေကို လိုက်ပြီးတိုက်ခိုက်နေပေမယ့် ပြင်သစ်ကတော့ ရုရှားကို ဘယ်တော့မှ စတင်တိုက်ခိုက်မှာ မဟုတ်ဘူးလို့လည်း ပြောပါတယ်။

နျူကလီးယား တိုက်ခိုက်မှုတွေနဲ့ ပူတင်ခြိမ်းခြောက်နေတာဟာ မသင့်လျော်ဘူးလို့ အပြစ်တင်လိုက်ပါတယ်။

ယူကရိန်းဟာ စစ်မြေပြင်မှာ အခြေအနေ ခက်ခဲနေပြီး မဟာမိတ်များထံမှ ထောက်ပံ့မှုများ ပိုမိုလိုအပ်နေပါတယ်။

ရုရှားသမ္မတနဲ့ တစ်နေ့နေ့မှာ ငြိမ်းချမ်းရေး ဆွေးနွေးနိုင်မယ်လို့ မက်ခရွန်က မျှော်လင့်နေပါတယ်။

#World_News #ယူကရိန်းကိုရုရှားအနိုင်ရ #ဥရောပအနေဖြင့်အသင့်ပြင်ထား #Source: Reuters

#World_Health
Published 15 March 2024

အမျိုးသမီးများ အသက် ၅၀ ဝန်းကျင်မှာ ဓမ္မတာဆုံးခြင်း ဖြစ်ပွားလေ့ရှိပါတယ်။

ထိုအချိန်မှာ တစ်ဦးနဲ့တစ်ဦး ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ လက္ခဏာတွေ ခံစားရတာ မတူညီကြပါဘူး။

ပုံမှန်မဟုတ် ဓမ္မတာလာခြင်း၊ မိန်းမကိုယ် ခြောက်သွေ့ခြင်း၊ စိတ်အပြောင်းအလဲဖြစ်ခြင်း၊ အသားအရေ ပူစပ်ခြင်း၊ ကိုယ်အလေးချိန်တက်ခြင်း၊ ဇီဝကမ္မဖြစ်စဥ် မကောင်းခြင်း၊ အိပ်ပျော်ရန် ခက်ခဲခြင်းတို့က အဖြစ်များတဲ့ လက္ခဏာတွေ ဖြစ်ပါတယ်။

အချို့သော အာဟာရဓာတ်များ ဖြည့်စွက်ပေးခြင်းဖြင့် ထိုလက္ခဏာများ သက်သာစေရန် အကူအညီဖြစ်စေပါတယ်။

 
(၁) ဖောလိတ်

ဓမ္မတာဆုံးတဲ့ ကာလအတွင်း ပြောင်းလဲမှုများကို ဖောလိတ်က သက်သာစေရန် အကူအညီဖြစ်စေပြီး ပူစပ်ခြင်းနဲ့ စိတ်အပြောင်းအလဲ ဖြစ်ခြင်းတို့ကို သက်သာစေပါတယ်။

 
(၂) ဗိုက်တာမင်-ဘီ၁၂

ဘီ၁၂ က အားအင်ထုတ်လုပ်ခြင်းနဲ့ အာရုံကြောလုပ်ဆောင်ချက်တို့ကို ထောက်ပံ့ပေးရာမှာ အရေးပါပြီး ဓမ္မတာဆုံးခြင်းကာလမှာ အလွန်ပင်ပန်းနွမ်းနယ်နေရင် ဘီ၁၂ ထည့်သွင်းစားသုံးသင့်ပါတယ်။

 
(၃) မဂ္ဂနီဆီယမ်

မဂ္ဂနီဆီယမ်ကြွယ်ဝတဲ့ အစားအစာတွေက အိပ်စက်ခြင်းကို ထောက်ပံ့ပေးပြီး စိတ်ကျခြင်း၊ စိတ်အပြောင်းအလဲ ဖြစ်ခြင်းတို့ကို သက်သာစေကာ နှလုံးကျန်းမာရေးကို ကောင်းမွန်စေပါတယ်။

 
(၄) ကယ်လ်စီယမ်

ဓမ္မတာဆုံးပြီးနောက် အမျိုးသမီးတွေဟာ အရိုးပွရောဂါ ခံစားရနိုင်ဖွယ်ရှိတာကြောင့် ကယ်လ်စီယမ်ကြွယ်ဝတဲ့ အစားအစာတွေကို လုံလောက်စွာ စားသုံးသင့်ပြီး အရိုးကျန်းမာရေး ကောင်းမွန်အောင် ထိန်းသိမ်းသင့်ပါတယ်။

 
(၅) ဗိုက်တာမင်-ဒီ

ဗိုက်တာမင်-ဒီက ခန္ဓာကိုယ်ထဲမှာ ကယ်လ်စီယမ်စုပ်ယူမှုကို အားကောင်းစေပြီး စိတ်ကျခြင်းတို့ကို သက်သာစေပါတယ်။

#World_Health #အမျိုးသမီးဓမ္မတာဆုံးခြင်း #သက်သာစေမည့်အာဟာရဓာတ်(၅)မျိုး #Source: DoctorNDTV

အီရန်နိုင်ငံမှသဘာဝဓာတ်ငွေ့ဖိအားတိုးမြှင့်ထုတ်လုပ်ရန် ကန်ထရိုက်တာများနှင့်ရေနံဝန်ကြီးဌာနတို့သဘောတူလက်မှတ်ရေးထိုး

အီရန်ရေနံနှင့် သဘာဝဓာတ်ငွေ့ဝန်ကြီးဌာနက ကာတာနဲ့ ပူးတွဲလုပ်ဆောင်နေတဲ့ South Pars ဓာတ်ငွေ့ကွင်းပြင်ကြီးမှာ ဖိအားတိုးမြှင့်ထုတ်လုပ်ရန်အတွက် ပြည်တွင်းကန်ထရိုက်တာများနဲ့ အဓိက သဘောတူစာချုပ်များကို တနင်္ဂနွေနေ့က လက်မှတ်ရေးထိုးခဲ့ပါတယ်။
#World_News
Published_ 14 March 2024
#အီရန်နိုင်ငံမှသဘာဝဓာတ်ငွေ့ #ကန်ထရိုက်တာများနှင့်ရေနံဝန်ကြီးဌာန
#YMG_News #Yangon_Times #Yangon_Media_Group

#Daily_News
Published_ 14 March 2024

၁။ ၂၀၂၆ ကမ္ဘာ့ဖလားခြေစစ်ပွဲမြန်မာ-ဆီးရီးယားပွဲစဥ် ရက်ပိုင်းအတွင်းကန်မည်၊ သုဝဏ္ဏကွင်းနှင့်ရုပ်သံလိုင်း၌တိုက်ရိုက်ကြည့်ရှုနိုင်

၂။ ပို့ကုန်မူဝါဒဖြေလျော့ပေးသည့်အတွက် ပြောင်းဈေးအနည်းငယ်ပြန်တက်

၃။ တညင်းကုန်းလက်ကားဈေးတွင် မကြာခင်ဖွင့်လှစ်တော့မည့် ဈေးရုံအမှတ်(၅) ရှိ ဆိုင်ခန်းနေရာများကို မတ်လ ၁၇ ရက်တွင် မဲနှိုက်ရွေးချယ်ပေးသွားမည်ဟုဆို

၄။ အီရန်နိုင်ငံမှသဘာဝဓာတ်ငွေ့ဖိအားတိုးမြှင့်ထုတ်လုပ်ရန် ကန်ထရိုက်တာများနှင့်ရေနံဝန်ကြီးဌာနတို့ သဘောတူလက်မှတ်ရေးထိုး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ကလေးပျောက်ခြင်းနှင့် အမျိုးသမီးများ'တို့ဆေး'မိခြင်းခပ်စိပ်စိပ်ဖြစ်နေတယ်။ "မိဘတွေအနေနဲ့ ကလေးတွေကို မျက်စိအောက်ကအပျောက်မခံဘဲ တစ်ယောက်တည်းဘယ်မှ မလွှတ်ဖို့အရေးကြီးတယ်။'တို့ဆေး'မိတဲ့အမျိုးသမီးငယ်အများစုဟာ အသက် ၂၀ကျော်မှ ၃၀‌ကျော်အတွင်း လူငယ်အမျိုးသမီးတွေ အဖြစ်များနေပြီး လူကုန်ကူးဖို့ရည်ရွယ်ချက်ရှိပုံရတဲ့အတွက် လူငယ်အမျိုးသမီးတွေအနေနဲ့  အဖော်နဲ့သွားလာကြဖို့လိုတယ်။"
ပုလဲအရန်မီးသတ်တပ်ဖွဲ့
#Local_News
Published_ 14 March 2024
#'တို့ဆေး'မိခြင်းခပ်စိပ်စိပ်ဖြစ်နေ #သတိထားကာကွယ်ရန်လို
#tthl #Yangon_Times

'လူအများစုကခြံလှောင်စနစ်ပဲမွေးတာများတယ်၊ လွတ်ကျောင်းစနစ်သိပ်မမွေးကြဘူး၊ ခြံလှောင်စနစ်ကဥနှုန်းမှန်တယ်၊ လွတ်ကျောင်းဘဲက ဥအတက်အကျမငြိမ်ဘူး'
#Local_News
Published_ 14 March 2024
#ဥနှုန်းမှန်လိုမွေးမြူသူပိုများ #ခြံလှောင်စနစ်ဖြင့်မွေးမြူ
#YMG/NN #Yangon_Times

#Lcoal_News
Published 14 March 2024

မော်လမြိုင်မြို့၊ မော်လမြိုင်-မုဒုံသွားလမ်းမ ရွှေနတ်တောင်ဘုရားလမ်း၀ကျော်၊ ထောက်ပို့တပ်ရှေ့အနီးတွင် ယာဉ်တိုက်မှု ဖြစ်ပွားခဲ့ပြီး ယာဉ်မောင်းအမျိုးသမီးတစ်ဦး ထိခိုက်ဒဏ်ရာရရှိခဲ့ကြောင်း ဒေသခံ ပရဟိတအသင်းများထံမှ သိရသည်။

မတ်လ ၁၄ရက် နေ့ခင်း၁၁နာရီခန့်က အမျိုးသမီးတစ်ဦးမောင်းလာသည့် ဟိုင်းဂျက်ယာဉ်မှ ရှေ့ကမောင်းနှင်နေသည့် ကုန်တင်ယာဥ်ကကို နောက်က၀င်တိုက်မိခဲ့ကြောင်း သိရသည်။

အဆိုပါယာဉ် တိုက်မှု ကြောင့် ဟိုက်ဂျက်ယာဉ်မောင်းအမျိုးသမီးမှာ ကားခေါင်းခန်းတွင် ညှပ်နေသဖြင့်ကယ်ဆယ်ရေးအဖွဲ့များက ကယ်တင်ခဲ့ရာ အမျိုးသမီးမှာပေါင်တွင် ထိုးဖောက်ဒဏ်ရာရရှိခဲ့ကြောင်း သိရသည်။

ထိခိုက်ဒဏ်ရာရရှိသူကို ရွှေနတ်တောင် Rescue ကားဖြင့် မော်လမြိုင်ဆေးရုံသို့ ပို့ဆောင်ပေးခဲ့ကြောင်း သိရသည်။

#Lcoal_News #ယာဉ်တိုက်မှုဖြစ် #ယာဉ်မောင်းအမျိုးသမီးတစ်ဦးထိခိုက်ဒဏ်ရာရ #YMG/LW #Yangon_Times

မြန်မာ-ဆီးရီးယားပွဲစဉ်(အိမ်ကွင်း)ကို အားပေးလိုသူတွေအနေနဲ့ သုဝဏ္ဏ‌ဘောလုံးကွင်းမှာကြည့်ရှုနိုင်မှာဖြစ်သလို SKYNET SPORTS 4 နဲ့ SKYNET SPORTS HD ရုပ်သံလိုင်းတွေကနေ တိုက်ရိုက် ( LIVE ) ကြည့်ရှုနိုင်မှာဖြစ်တယ်။
#Local_News
Published_ 14 March 2024
#၂၀၂၆ကမ္ဘာ့ဖလားခြေစစ်ပွဲ #မြန်မာ-ဆီးရီးယားပွဲစဥ်
#tthl #Yangon_Times

'၃၅/၆၅ကနေ ဒါတွေက တခြားနိုင်ငံတွေထိုင်းတို့ဗီယက်နမ်တို့ ရောင်းထားပြီးသားဖြစ်နေလို ဖြေလျော့ပေးဖို့ စာတင်ကြတော့ ၇၀/၃၀တော့ဖြစ်တယ်၊ မတ် ၃၁ ရက် အထိဖြေလျော့ပေးထားတယ်
#Local_News
Published_ 14 March 2024
#ပြောင်းဈေးအနည်းငယ်ပြန်တက် #ပို့ကုန်မူဝါဒဖြေလျော့
#YMG/NN #Yangon_Times