#Local_News
Published 17 March 2024

လန်ချန်း-မဲခေါင်ပူးပေါင်းဆောင်ရွက်မှုများကို ဖြေပေးရမည့်“လန်ချန်း-မဲခေါင်ဗဟုသုတအမေးအဖြေပြိုင်ပွဲ” ကိုမြန်မာနိုင်ငံဆိုင်ရာတရုတ်သံရုံးမှကြီးမှူးကျင်းပမည်ဖြစ်ပြီး အဖြေမှန်သူများအားလက်ဆောင်များချီးမြှင့်သွားမည်ဖြစ်ကြောင်း သိရသည်။

(၇) ကြိမ်မြောက် လန်ချန်း-မဲခေါင်သီတင်းပတ်ကို ဂုဏ်ပြုတဲ့အနေဖြင့် မြန်မာနိုင်ငံဆိုင်ရာ တရုတ်သံရုံးမှ တတိယအကြိမ်မြောက် “လန်ချန်း-မဲခေါင်ဗဟုသုတအမေးအဖြေပြိုင်ပွဲ” ကို သံရုံး Facebook Page ၌ကျင်းပသွားမည်ဖြစ်သည်ဟုဆိုသည်။

 Facebook Page မှာ မတ်လ ၁၈ ရက်မှ ၂၂ ရက်နေ့အထိ လန်ချန်း-မဲခေါင်ပူးပေါင်းဆောင်ရွက်မှုနှင့်ပတ်သက်သော မေးခွန်း ၃ ခုကို နေ့စဉ်ထုတ်ပြန်သွားမည်ဖြစ်သည်။

 နေ့စဉ်အဖြေအားလုံးမှန်သူများထဲမှ ၃ ဦးကို ကျပန်းရွေးချယ်ကာ Xiaomi ခြင်ဖမ်းစက်နဲ့ သုံးမျိုးပါစာရေးကိရိယာပစ္စည်းကို လက်ဆောင်အနေဖြင့် ချီးမြှင့်သွားမည်ဖြစ်ကြောင်းနှင့် ဆုရရှိသူစာရင်းကို လန်ချန်း-မဲခေါင်သီတင်းပတ် ပြီးဆုံးပြီးနောက် ကြေညာပေးသွားမည်ဖြစ်ပြီး အားလုံးပါဝင်ဆင်နွှဲကြဖို့ ဖိတ်ခေါ်ထားကြောင်းသိရသည်။

#"လန်ချန်း-မဲခေါင်ဗဟုသုတအမေးအဖြေပြိုင်ပွဲ #အဖြေမှန်သူကိုလက်ဆောင်များချီးမြှင့်
#tthl #Yangon_Times

#Local_News
Published 17 March 2024

တစ်လအတွင်း တရားမဝင်ကုန်သွယ်မှု(၈၀)မှု ဖမ်းဆီးရမိ၊သတင်း‌ပေးသူများကိုဆုကြေးငွေ( ၈၀၃.၅၆၄)သန်းချီးမြှင့်မည်ဖြစ်ကြောင်း နိုင်ငံပိုင်သတင်းစာတွင်ဖော်ပြထားသည်။

 ပြီးခဲ့သည့် ဖေဖော်ဝါရီလက တာဝန်သိပြည်သူသတင်းပေးမှု ၈၇ ကြိမ်ရှိခဲ့ရာ သတင်းမှားငါးကြိမ်နှင့် နောက်ကျသတင်း နှစ်ကြိမ်ရှိခဲ့ပြီး ဖမ်းဆီးရမိမှုအကြိမ် ၈၀ တွင် ခန့်မှန်းတန်ဖိုးငွေကျပ် ၄၀၁၇ ဒသမ ၈၂ သန်းရှိခဲ့သည်ဟုဆိုသည်။

အဆိုပါဖမ်းမိတန်ဖိုး၏ ၂၀ ရာခိုင်နှုန်းကို သတင်းပေးဆုကြေးငွေအဖြစ် ချီးမြှင့်သွားမည်ဖြစ်ရာ စုစုပေါင်းကျပ် ၈၀၃ ဒသမ ၅၆၄ သန်းကို ချီးမြှင့်သွားမည်ဟု သိရသည်။ 

သို့ဖြစ်ရာ တရားမဝင်ကုန်သွယ်မှုသတင်းများကို သိရှိလိုပါက ဖုန်း- ၀၉၄၀၄၃၃၉၉၆၉၊ အော်တိုတယ်လီဖုန်း- ၀၆၇-၄၀၉၈၈၃ နှင့် အီးမေးလ်- antiillegaltradeinfo@gmail. com သို့ အချိန်မီဆက်သွယ်သတင်းပေးပို့ခြင်းဖြင့် တာဝန်သိနိုင်ငံသား ပြည်သူတစ်ဦးအဖြစ် ပူးပေါင်းပါဝင်ရန် ဖိတ်ခေါ်ထားကြောင်း သိရသည်။

#Local_News #ကုန်သွယ်မှု(၈၀)မှုဖမ်းဆီးရမိ #ဆုကြေးငွေသန်း(၈၀၀)ကျော်ချီးမြှင့် #tthl #Yangon_Times

#Local_News
Published 17 March 2024

မြန်မာနိုင်ငံ ဗမာတိုင်းရင်းသား လုပ်ငန်းရှင်များအသင်းကြီး (UMBEEA)မှကြီးမှူး၍"မြန်မာ့ရိုးရာ နှစ်သစ်ကူးသင်္ကြန်အကြိုစျေးရောင်းပွဲတော် ၂၀၂၄" ကန်သာယာ စျေးဝယ်စင်တာ၌ (၃)ရက် တိုင်တိုင်ကျင်းပမည်ဖြစ်ကြောင်းသိရသည်။

၂၀၂၄-ခုနှစ်၊ မတ် (၂၄၊၂၅၊၂၆)ရက်နေ့များတွင် Wyndham Hotel ၏ ကန်သာယာစျေးဝယ်စင်တာ(Shopping Mall) တွင် ကျင်းပမည်ဖြစ်သည်။

အခုနှစ်တွင် ဆိုင်ခန်းပေါင်း (၅၆)ခန်းခင်းကျင်းရောင်းချနိုင်ရန်ပြင်ဆင်ထားပြီး သင်္ကြန်အငွေ့ အသက်သီချင်းများ၊စတုဒိတာ‌များလည်း ပြင်ဆင်ထားမည်ဟုဆိုသည်။

(၃)ရက်တာ ကျင်းပမည့် သင်္ကြန်အကြို စျေးရောင်းပွဲတော်ကြီးအတွက် ဆိုင်ခန်းနေရာများကိုလည်း  အသင်းဝင်များရော အသင်းဝင်မဟုတ်သူများကိုပါ ရောင်းချပေးနေပြီးပြည်တွင်း MSMEs လုပ်ငန်းရှင်များမှ ချက်ချင်း ဝယ်ယူကြရာဆိုင်ခန်းနေရာစုစုပေါင်း၏ 25% ကို တစ်ထိုင်တည်းရောင်းချပြီးဖြစ်သည်ဟုဖော်ပြထားသည်။

မြန်မာနိုင်ငံ ဗမာတိုင်းရင်းသား လုပ်ငန်းရှင်များအသင်းကြီး (UMBEEA)၏ ဒုတိယအကြိမ် "မြန်မာ့ရိုးရာ နှစ်သစ်ကူးသင်္ကြန်အကြိုစျေးရောင်းပွဲတော် ၂၀၂၄" အတွက် ရှင်းလင်းပွဲ အခမ်းအနားကို UMFCCI တွင် ကျင်းပခဲ့ရာMOU ရေးထိုးထားသော မိတ်ဖက်အဖွဲ့အစည်းများမှ တာဝန်ရှိသူများ၊ပြည်တွင်းမှ MSMEs လုပ်ငန်းရှင်များ နှင့် တာဝန်ရှိသူများ အသီးသီးတက်ရောက်ခဲ့ကြောင်းသိရသည်။

ဆိုင်ခန်းဖြင့် ရောင်းချရန်စိတ်ဝင်စားသူများအနေ ဖြင့်UMBEEA အသင်း Page မှ လည်းကောင်းViber no. 095107724 သို့ တိုက်ရိုက် ဆက်သွယ် ဆောင်ရွက်နိုင်ကြောင်း သိရသည်။

#Local_News #ကန်သာယာစျေးဝယ်စင်တာ #"မြန်မာ့ရိုးရာနှစ်သစ်ကူးသင်္ကြန်အကြိုစျေးရောင်းပွဲတော် #tthl #Yangon_Times

#Local_News
Published 17 March 2024

'မြန်မာ့တိုင်းရင်းဆေးသမားတော်နေ့'အကြိုလှုပ်ရှားမှုအဖြစ်လူနာ(၂၅၀)ကိုတိုင်းရင်းဆေး သမားတော်ကြီးများမှတိုင်းရင်း‌ဆေးပညာဖြင့် ကုသပေးခဲ့ကြောင်း ကျန်းမာရေးဝန်ကြီးဌာနမှ သိရသည်။

လူနာများ၏သွေးတိုးရောဂါ၊ ဆီးချိုရောဂါ၊ ဒူးနာ၊ ခါးနာ၊ ကျီးပေါင်းရောဂါများ၊ အဆစ်ရောင်၊ အဆစ်နာရောဂါများ၊ ထုံနာကျဉ်နာ၊ လေငန်း၊ လေဖြတ်၊ ပါးရွဲ့ ရောဂါများ၊ အာရုံကြောအားနည်း ရောဂါများ၊ မီးယပ်ရောဂါများ၊ လိပ်ခေါင်း၊ ဂရင်ဂျီနာနှင့် အနာပေါက်ရောဂါများ၊ ကလေးသူငယ်နာရောဂါများနှင့် အဖျားရောဂါလူနာများအား ကုသပေးရာ စုစုပေါင်းလူနာဦးရေ ၂၅၀ ကို လိုအပ်သော ကျန်းမာရေးစောင့်ရှောက်မှုအဖြစ် သောက်ဆေး၊ လိမ်းဆေးပေးခြင်း၊ အကြောပြင်ကုသခြင်း၊ ကြပ်ထုပ်ထိုးကုသခြင်းနှင့် ဆေးစည်း၊ ဆေးကပ်ခြင်း စသည့်ကုသမှုများ ဆောင်ရွက်ပေးခဲ့ခြင်းဖြစ်သည်။

အဆိုပါ ဆေးကုသခြင်းအစီအစဉ်ကို တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ဒေါက်တာစုစုဒွေး ဦးဆောင်၍ ခုတင်(၁၀၀) ဆံ့ တိုင်းရင်းဆေးရုံ၊ နေပြည်တော်မှဆေးရုံအုပ်ကြီး ဒေါ်မူမူချိုပါဝင်သော ဆေးကုသရေးအဖွဲ့နှင့် မြန်မာနိုင်ငံတိုင်းရင်း ဆေးကောင်စီ၊ မြန်မာနိုင်ငံ တိုင်းရင်းဆေးဆရာအသင်း (ဗဟို) နှင့် နေပြည်တော်တိုင်းရင်းဆေးဆရာအသင်းတို့မှ တိုင်းရင်းဆေးသမားတော်ကြီးများကကုသပေးခဲ့ ခြင်းဖြစ်သည်။

 ဆေးကုသခြင်းကို နေပြည်တော်အမျိုး သားပရဆေးဥယျာဉ်ရှိ ခုတင် (၁၀၀)ဆံ့တိုင်းရင်းဆေးရုံ ပြင်ပလူနာဌာနခွဲ၌ကျင်းပရာကျန်းမာရေးဝန်ကြီး ဌာန ပြည်ထောင်စုဝန်ကြီးပါမောက္ခဒေါက်တာ သက်ခိုင်ဝင်း၊ ဒုတိယဝန်ကြီးပါမောက္ခ ဒေါက်တာအေးထွန်း၊ ညွှန်ကြားရေးမှူး ချုပ်များ၊ မြန်မာနိုင်ငံတိုင်းရင်းဆေးကောင်စီ ဥက္ကဋ္ဌ၊ မြန်မာနိုင်ငံတိုင်းရင်းဆေးဆရာအသင်း (ဗဟို) ဥက္ကဋ္ဌ၊ မြန်မာနိုင်ငံတိုင်းရင်းဆေးဝါးထုတ်လုပ်သူများနှင့် ဆေးပစ္စည်းလုပ်ငန်းရှင်များအသင်းဥက္ကဋ္ဌ၊ နေပြည်တော်တိုင်းဒေသကြီး တိုင်းရင်းဆေးဆရာအသင်းဥက္ကဋ္ဌနှင့် တာဝန်ရှိသူများက ကြည့်ရှုအားပေးကြပြီး လာရောက်ပြသသည့်လူနာများကို တိုင်းရင်းဆေးဝါးများ လက်ဆောင်ဝေငှပေးခဲ့‌ကြောင်း သိရသည်။

#Local_News #တိုင်းရင်း‌ဆေးပညာဖြင့်ကုသပေး #tthl #Yangon_Times

#World_Technology
Published 17 March 2024

ချစ်ရခင်ရသူတွေနဲ့ ခွဲခွာဆုံးရှုံးရတာဟာ လူတိုင်းအတွက် အကြေကွဲရဆုံး ဖြစ်ရပ်တွေထဲက တစ်ခုဖြစ်ပြီး နည်းလမ်းအမျိုးမျိုးဖြင့် ဖြေသိမ့်ဖို့ ကြိုးစားကြရပါတယ်။

မိခင်ဖြစ်သူကို မမျှော်လင့်ဘဲ ဆုံးရှုံးလိုက်ရတဲ့ ဆီးရီးယား သရုပ်ဆောင်မင်းသမီး မယ်လက်စ်ဟာ ကွယ်လွန်သူပုံစံမျိုး ဖန်တီးထားတဲ့ AI အခြေပြု ကွန်ပျူတာစနစ် ‘ပရောဂျက်ဒီဇင်ဘာ’ကို အသုံးပြုပြီး နှစ်သိမ့်နိုင်ခဲ့ပါတယ်။

AI စနစ်က သူမအတွက် ကျေနပ်မှုပေးနိုင်ခဲ့သလို တကယ့်အစစ်အမှန်လို ဖြစ်တာမျိုးတွေကလည်း ထိတ်လန့်စရာဖြစ်ခဲ့ပါတယ်။

မယ်လက်စ်ဟာ ၂၀၁၅ ခုနှစ်က ဆီးရီးယားမှ ထွက်ခွာစဥ် အမေဖြစ်သူနဲ့ ကွဲကွာခဲ့ကာ ဂျာမနီသို့ ပြောင်းရွှေ့ခဲ့ပါတယ်။

သမီးလေးမွေးပြီးနောက် ပြန်လာပြီး အမေနဲ့တွေ့ချင်ခဲ့ပေမယ့် အခွင့်မရခဲ့ဘဲ အမေဖြစ်သူ နာဂျာဟာ ၂၀၁၈ ခုနှစ်မှာ ကျောက်ကပ် အလုပ်မလုပ်တော့တာကြောင့် မထင်မှတ်ဘဲ ကွယ်လွန်ခဲ့ပါတယ်။

ဆုံးရှုံးမှုအတွက် ဖြေသိမ့်ရန် ၄ နှစ်လောက် ခက်ခဲခဲ့ရပြီး ပရောဂျက်ဒီဇင်ဘာကို အသုံးပြုခဲ့ပါတယ်။

သူ့အမေနဲ့ ပတ်သက်တဲ့ အချက်အလက်တွေကို အွန်လိုင်းကနေ ဖြည့်စွက်ခဲ့ရပါတယ်။

OpenAI ရဲ့ GPT2 ဗားရှင်းမှ AI စကားပြောစက်ဟာ ထည့်သွင်းလိုက်တဲ့ အချက်အလက်တွေပေါ် မူတည်ပြီး မယ်လက်စ်အမေရဲ့ ကိုယ်ရေးအကျဥ်းကို ဖန်တီးလိုက်ပါတယ်။

ဒီလိုကွန်ပျူတာစနစ်တွေဟာ အင်တာနက်မှ စာအုပ်၊ ဆောင်းပါး၊ စာသားတွေကနေ အချက်အလက်များ ရယူကာ မေးလာသမျှကို တုန့်ပြန်ဖြေကြားရန် ဖန်တီးထားတာ ဖြစ်ပါတယ်။

အသုံးပြုသူတွေက ၁၀ ဒေါ်လာမျှဖြင့် တစ်နာရီကြာအောင် ပြောဆိုအသုံးပြုနိုင်မှာ ဖြစ်ပါတယ်။

စကားပြောစက်ကို အသုံးပြုခဲ့တဲ့ မယ်လက်စ်ရဲ့ အတွေ့အကြုံက တကယ်ခံစားရသလိုမျိုး ဖြစ်ရတဲ့ အချိန်တွေရှိသလို ကြောက်ရွံ့စရာကောင်းတဲ့ အချိန်တွေလည်း ရှိခဲ့ပါတယ်။

ပရောဂျက်ဒီဇင်ဘာကို အသုံးပြုသူပေါင်း ၃၀၀၀ ကျော်ရှိနေပြီး အများစုက ကွယ်လွန်သူများနဲ့ စကားပြောဆိုတဲ့ပုံစံမျိုး ပြုလုပ်ချင်ကြတာ ဖြစ်ပါတယ်။

အသုံးပြုသူတွေက ချစ်ရသူကို ရုတ်တရက် ဆုံးရှုံးလိုက်ရတဲ့သူတွေ ဖြစ်တယ်လို့ ပရောဂျက်တည်ထောင်သူ ဂျေဆန်ရိုရာက ဆိုပါတယ်။

ထိုပရောဂျက်က နှစ်သိမ့်မှုပေးနိုင်ပေမယ့် သတိပြုသုံးစွဲဖို့ မယ်လက်စ်က မှာကြားလိုက်ပါတယ်။

ဝမ်းနည်းမှုကို သဘာဝအတိုင်း ဖြေသိမ့်တာက AI စက်ရုပ်တွေ အသုံးပြုတာထက်တော့ ပိုကောင်းပါတယ်။

#World_Technology #အမျိုးသမီးကြောက်လန့်ဖွယ်တုန့်ပြန်ဖြေဆိုမှု #ကွယ်လွန်သူမိခင် #Source: WION

မော်တင်စွန်းဘုရားပွဲ‌တော်ကို ကုန်းလမ်းအပြင်ရေလမ်းနဲ့ပါလာနိုင်ပါတယ်၊ ပွဲ‌တော်ကာလမှာဘုရားဖူးလာသူ‌တွေတစ်ရက်ကို ဦး‌ရေပျှမ်းမျှသုံးထောင်ကနေ ငါးထောင်ဝန်းကျင်လောက်ရှိတယ်၊ ဘုရားဖူးပြီးရင် သဘာဝအလှအပတွေနဲ့ပတ်သက်တဲ့ ကျောက်ကလပ်နဲ့ ငွေတောင်ကမ်းခြေမှာအပန်းဖြေသူတွေ ၊ ရေလှိုင်းစီးသူတွေ ၊ ကျောက်ဆောင်တွေ၊ အလှဓာတ်ပုံရိုက်သူတွေနဲ့အပန်းဖြေကြတယ်
#Local_News
Published_ 17 March 2024
#ကျောက်ကလပ်နှင့်ငွေတောင်ကမ်းခြေ #မော်တင်စွန်းဘုရားဖူး
#YMG/NN #Yangon_Times

#World_Science
Published 17 March 2024

တောင်ကိုရီးယား သုတေသီများက ဆန်စေ့တွေထဲမှာ အမဲသားဆဲလ်များ ထည့်သွင်းကြီးထွားလာစေရန် စမ်းသပ်ပြုလုပ်နေကြပြီး အသားရရှိဖို့ ခြံထွက်နွားများနေရာမှာ အစားထိုးနိုင်ကာ ရေရှည်တည်တံ့ အလွယ်တကူရရှိနိုင်ပြီး ပတ်ဝန်းကျင်ထိန်းသိမ်းရေးနဲ့ ကိုက်ညီမယ့် ပရိုတိန်းရင်းမြစ်ဖြစ်လာရန် အဓိကခြေလှမ်းဖြစ်တယ်လို့ ဆိုလိုက်ပါတယ်။

အမဲသားဆန်ဆိုတာက တိရိစ္ဆာန်ကြွက်သားနဲ့ အဆီဆဲလ်တွေ မွေးမြူထုတ်လုပ်ဖို့အတွက် ဆန်စေ့အမှုန်တွေအပေါ် အခြေခံတာဖြစ်တယ်လို့ ယွန်ဆေးတက္ကသိုလ်မှ ပရော်ဖက်ဆာ ဂျင်ကီဟောင်က ပြောပြပါတယ်။

သုတေသနပြုလုပ်ရာမှာ ဆန်စေ့တွေကို ဆဲလ်ကြီးထွားမှုအတွက် အကောင်းဆုံး အခြေအနေဖြစ်စေမယ့် အင်မ်ဇိုင်းများဖြင့် ရောစပ်ကာ ပန်းနုရောင်ဆန်စေ့များနဲ့ ဆင်တူတဲ့ နောက်ဆုံးမျိုးစပ်ပစ္စည်း ဖြစ်လာစေရန် ဖန်တီးပြုစုထားတဲ့ နွားဆဲလ်တွေ ထည့်သွင်းလိုက်ပါတယ်။

ဓာတ်ခွဲခန်းထုတ် အသားထုတ်ကုန်တွေ ဖန်တီးနေတာဟာ ဒီတက္ကသိုလ် တစ်ခုတည်းမဟုတ်ဘဲ အခြားကုမ္ပဏီတွေလည်း ရှိနေပါတယ်။

စားသောက်ကုန်အဖြစ် ထုတ်လုပ်နိုင်ရင် သမားရိုးကျ မွေးမြူရေးလုပ်ငန်း အလုပ်မဖြစ်တဲ့နေရာတွေမှာ ပရိုတိန်းရင်းမြစ်တစ်ခု ဖြစ်လာနိုင်တယ်လို့ ပရော်ဖက်ဆာက ဆိုပါတယ်။

အမဲသားဆန်ဟာ သာမန်ဆန်တွေထက် ပရိုတိန်း ၈ ရာခိုင်နှုန်းနဲ့ အဆီဓာတ် ၇ ရာခိုင်နှုန်း ပိုမိုပါဝင်ကာ မရှိမဖြစ် အမိုင်နိုအက်ဆစ်များလည်း ကြွယ်ဝပါတယ်။

ဆန်တစ်ကီလိုဂရမ်ကို ၂ ဒေါ်လာခန့် ကျသင့်မှာ ဖြစ်တာကြောင့် ဈေးဆိုင်တွေမှာ ယှဥ်ပြိုင်ရောင်းချနိုင်မယ့် ဆန်ဖြစ်လာနိုင်တယ်လို့ ဆိုပါတယ်။

ဆိုးလ်မြို့ရှိ ကိုရီးယား အသားကင်ဆိုင်မှာ အမဲသားဆန်ကို နမူနာတင်သွင်းထားတဲ့ ခွန်ဒေါင်ကျူက ထိုစိတ်ကူးဟာ ဆန်းသစ်ရာကျတယ်လို့ ဆိုလိုက်ပါတယ်။

ဒါပေမဲ့ တကယ့်အမဲသားလိုမျိုး အနှစ်သာရ ရှိမယ်မထင်ဘူးလို့လည်း ဆိုပါတယ်။

#World_Science #ပရိုတိန်းရင်းမြစ် #အမဲသားဆန် #တောင်ကိုရီးယားသိပ္ပံပညာရှင်များတီထွင် #Source: Reuters

ဆီးရီးယားတွင်တစ်နေ့ကို လျှပ်စစ်မီး(၄)နာရီသာရရှိကာ ပြည်သူများအခြေခံ လိုအပ်ချက်ပြဿနာများကြုံတွေ့လျက်ရှိ

ဆီးရီးယားနိုင်ငံ ဒေသအများစုမှာ အခုဆိုရင် လျှပ်စစ်မီး တစ်နေ့ကို ၄ နာရီသာရရှိနေပါတယ်။
၁၃ နှစ်ကြာပြီဖြစ်တဲ့ စစ်ဘေးကြောင့် တိုင်းပြည်ရဲ့ လျှပ်စစ်ဓာတ်အား ထုတ်လုပ်မှု ၄ ပုံ ၃ ပုံလျော့ကျနေရပြီး ပြည်သူတွေရဲ့ နေ့စဥ်နေထိုင်မှုဘဝတွေကို ဆိုးဆိုးရွားရွား ထိခိုက်နေတယ်လို့ တရားဝင်အချက်အလက်များအရ သိရပါတယ်။
#World_Crisis
Published_ 16 March 2024
#လျှပ်စစ်မီး(၄)နာရီသာရရှိ #ဆီးရီးယား
#YMG_News #Yangon_Times #Yangon_Media_Group

#Daily_News
Published_ 16 March 2024

၁။ နွေရာသီအားလပ်ရက်၌ နေ့အပူချိန်နှင့်ခရမ်းလွန်‌ရောင်ခြည်အန္တရာယ်များသတိပြုကာကွယ်ရန်လို

၂။ သရက်ပင်ပိုးမွှားများကျရောက်နေသည့်အတွက် အရည်အသွေးကျဆင်းနိုင်

၃။ နယ်မြေအေးချမ်းမှုမရှိသေးသည့်အတွက် တောင်ငူမြို့အနီး စစ်ဘေးရှောင်လာသူ ဦးရေထပ်တိုးလာဟုဆို

၄။ ဆီးရီးယားတွင် တစ်နေ့ကိုလျှပ်စစ်မီး(၄)နာရီသာရရှိကာ ပြည်သူများအခြေခံ လိုအပ်ချက်ပြဿနာများကြုံတွေ့လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published_ 16 March 2024

ရန်ကုန်တိုင်းတွင် ဓာတ်အားစနစ်ချို့ယွင်းမှုဖြစ်ပေါ်နေ၍ယာယီဓာတ်အား ပြတ်တောက်နေပါကြောင်းနှင့် ဓာတ်အားပြန်လည်ပေးနိုင်ရေး  အချိန်နှင့်တစ်ပြေးညီကြိုးပမ်းဆောင်ရွက်လျှက်ရှိကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း ၏ထုတ်ပြန်ချက်အရသိရသည်။

ထုတ်ပြန်ချက်တွင် မတ်လ(၁၆)ရက် (၁၅:၃၃) နာရီ အချိန်ခန့်တွင် ဓာတ်အားစနစ် ချို့ယွင်းမှုဖြစ်ပေါ် သွားပါသဖြင့် ရန်ကုန်တိုင်းဒေသကြီးအတွင်း ယာယီဓာတ်အား ပြတ်တောက်နေပါကြောင်းနှင့် ဓာတ်အားပြန်လည်ပေးနိုင်ရေး  အချိန်နှင့်တစ်ပြေးညီ ကြိုးပမ်းဆောင်ရွက်လျှက်ရှိပါကြောင်း မိဘပြည်သူများထံသို့ လေးစားစွာ အသိပေးပန်ကြားအပ်ကြောင်း ဖော်ပြထားသည်။

တာမွေမြို့နယ် YESC ကလည်း မီးသုံးစွဲသူမိဘပြည်သူများသို့အသိပေးပန်ကြားခြင်း (၁၆.၃.၂၀၂၄)ရက်နေ့  (၁၅:၃၀)ခန့်အချိန်တွင် SystemBreakdown ဖြင့် တာမွေတစ်မြို့နယ်လုံးဓာတ်အားပြတ်တောက်နေပါကြောင်း အသိပေးပန်ကြားအပ်ကြောင်း ဖော်ပြထားသည်။

သင်္ဃန်းကျွန်းမြို့နယ် YESC က လည်း 16-3-24(15:30)SYSTEM BREAK DOWN ဖြစ်ပေါ်မှုကြောင့် သင်္ဃန်းကျွန်းမြို့နယ် ယာယီဓာတ်အားပြတ်တောက်နေကြောင်း ဖော်ပြထားသည်။

#Local_News #ဓာတ်အားစနစ်ချို့ယွင်းမှု #ယာယီဓာတ်အားပြတ်တောက် #tthl #Yangon_Times

#Local_News
Published_ 16 March 2024

ရန်ကုန်မြို့တော် မဟာသင်္ကြန် ရေသဘင်ပွဲတော်ကျင်းပနိုင်ရေးအတွက် မြို့တော်ခန်းမရှေ့၌ မဟာသင်္ကြန်ဖျော်ဖြေရေးမဏ္ဍပ်နှင့် ရေကစားမဏ္ဍပ်တည်ဆောက်ရေးလုပ်ငန်းများ စတင်ဆောင် ရွက်လျက်ရှိကြောင်းရန်ကုန်မြို့တော်စည်ပင် သာယာရေးကော်မတီမှ သိရသည်။

ယင်းကဲ့သို့လုပ်ငန်းဆောင်ရွက်မှုအခြေအနေများကို ရန်ကုန်မြို့တော် မဟာသင်္ကြန် ရေသဘင်ပွဲတော် ကျင်းပရေး ဦးစီးကော်မတီ ဥက္ကဋ္ဌ၊ ရန်ကုန်မြို့တော်စည်ပင်သာယာရေးကော်မတီ ဥက္ကဋ္ဌ(မြို့တော်ဝန်) ဦးဗိုလ်ဌေးနှင့် အတွင်းရေးမှူး၊ ကော်မတီဝင်များ၊ ဌာနမှူးများနှင့် တာဝန်ရှိသူများက မတ်လ(၁၅)ရက်တွင်ကြည့်ရူစစ်ဆေးခဲ့သည်။

ရန်ကုန်မြို့တော် မဟာသင်္ကြန် ရေသဘင်ပွဲတော် ကျင်းပနိုင်ရေးအတွက် ကျောက်တံတားမြို့နယ် မဟာဗန္ဓုလလမ်း၊ မြို့တော်ခန်းမရှေ့ မဟာသင်္ကြန် ဖျော်ဖြေရေးမဏ္ဍပ်နှင့် ရေကစားမဏ္ဍပ် တည်ဆောက်နေမှုလုပ်ငန်းအားကြည့်ရှုစစ်ဆေးပြီး မဏ္ဍပ်များကြံခိုင်ကောင်းမွန်အောင်တည်ဆောက်ရေး၊ ယာဉ်သွားလာမှုအနှောင့်အယှက်မဖြစ်စေရေးနှင့် လုပ်ငန်းခွင်အန္တရာယ်ကင်းရှင်းရေးတို့ကို အလေးထား ဆောင်ရွက်ရန်မှာကြားကာ လိုအပ်သည်များ ဖြည့်ဆည်း ဆောင်ရွက်ပေးခဲ့ကြောင်း သိရသည်။

#Local_News #သင်္ကြန်ဖျော်ဖြေရေးမဏ္ဍပ် #ရေကစားမဏ္ဍပ်တည်ဆောက်ရေး #tthl #Yangon_Times

နေ့အပူချိန်တွေကြောင့် အပူရှပ်တာ၊ အပူကြောင့် သတိလစ်ပြီး အသက်ဆုံးရှုံးတာ၊ အပူကြောင့်နွမ်းနယ်တာ၊ နှာစေး၊ချောင်းဆိုး၊ ဖျားနာတာနဲ့ ခရမ်းလွန်ရောင်ခြည်ကြောင့် အရေပြားကင်ဆာဖြစ်တာနဲ့မျက်စိကွယ်တာတွေဖြစ်နိုင်လို့ အထူးသတိပြုကာကွယ်ကြဖို့ လိုအပ်တယ်။ မကွေးတိုင်း၊ပြည်သူ့ကျန်းမာရေးဦးစီးဌာနမှူး ဒေါက်တာနန္ဒဝင်း
#Local_News
Published_ 16 March 2024
#နွေရာသီအားလပ်ရက် #ခရမ်းလွန်‌ရောင်ခြည်အန္တရာယ်
#tthl #Yangon_Times