စိုက်ပျိုးရေးဦးစီးဌာန ကော်ဖီ-ရာသီသီးနှံဌာနခွဲက ဖွင့်လှစ်သင်ကြားပေးမယ် မှိုမျိုးစုံမွေးမြူစိုက်ပျိုးထုတ်လုပ်နည်းသင်တန်းကို လာမယ့်မေလမှာ ထပ်မံဖွင့်လှစ်သွားမယ်လို့ စိုက်ပျိုးရေးဦးစီးဌာန ကော်ဖီ-ရာသီသီးနှံဌာနခွဲက သိရပါတယ်။
#Local_News
Published_ 18 March 2024
#မှိုမျိုးစုံမွေးမြူစိုက်ပျိုးထုတ်လုပ်နည်း #သင်တန်းဖွင့်လှစ်
#YMG/LW #Yangon_Times

သင်္ကြန်ပိတ်ရက်‌တွေဖြစ်တဲ့ ဧပြီ(၁၃)(၁၄)(၁၅)ကိုဘိုကင်တင်သူအများဆုံးဖြစ်နေပြီး သင်္ကြန်ပိတ်ရက်မှာတော့တစ်သိန်းတန်အခန်းဟာ နှစ်သိန်းဖြစ်သွားကာ တည်းခိုစရိတ်တွေ တက်လာနိုင်‌ခြေရှိတယ်။
ချောင်းသာကမ်းခြေ ဟိုတယ်လမ်းညွှန်ဝန်ဆောင်မှုလုပ်ငန်းမှ ကိုနေအောင်
#Local_News
Published_ 18 March 2024
#သင်္ကြန်ရက်ပိတ်ရက် #ကမ်းခြေဘိုကင်တင်သူများနေ
#tthl #Yangon_Times

ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်၊ ဟိုင်းကြီးကျွန်း ပင်လယ်ကမ်းစပ်ရှိ
မြတ်မော်တင်စွန်းစေတီတော်ပြုပြင်မှုလုပ်ငန်းများ ရာနှုန်းပြည့်နီးပါးပြီးစီး‌နေပြီဖြစ်ပြီး သုံးထပ်ကျောင်းနဲ့ အာရုံခံတံဆောင်းတွေ တည်ဆောက်ဖို့ ပါဝင်လှူဒါန်းနိုင်တယ်လို့ ငပုတောမြို့နယ် အထွေထွေအုပ်ချုပ်ရေးမှူးဦးစီးဌာနက သိရပါတယ်။
#Local_News
Published_ 18 March 2024
#သုံးထပ်ကျောင်းဆောင် #အာရုံခံတန်ဆောင်း
#YMG/NN #Yangon_Times

တရုတ်-မြန်မာနယ်စပ်မှာ မြေငှားပြီး လာရောက်စိုက်ပျိုးတဲ့ တရုတ်အာလူးတွေကလည်း ဈေးကွက်ထဲအဝင်များနေ ပြည်တွင်းက စိုက်တဲ့အာလူးကလည်းရာသီပေါ်ချိန်ဖြစ်နေတော့ ကုန်အဝင်များပြီး ပြည်တွင်းအဝယ်ကလည်း သယ်ယူပို့ဆောင်ရေးအခက်အခဲတွေ အရောင်းပါးတာတွေကြောင့် အာလူးဈေးကထိုးကျသွားတယ်။ အာလူးစိုက်တောင်သူတွေအနေနဲ့လည်း ရာသီပေါ်စမှာပဲ ဈေးကကျတော့ အခက်အခဲတွေ ဖြစ်တာပေါ့။
#Local_News
Published_ 18 March 2024
#ပြည်တွင်းအာလူးဈေးထိုးကျ #တရုတ်-မြန်မာနယ်စပ်
#YMG/LW #Yangon_Times

လာမယ့်မတ်လ(၂၀)ရက်မှ (၂၄)ရက် (၄)ရက်တာအတွင်းမှာ တနင်္သာရီ၊ မွန်၊ ကရင်၊ ရန်ကုန်၊ ပဲခူး၊ ဧရာဝတီအစရှိတဲ့ မြန်မာနိုင်ငံတောင်ပိုင်းဒေသတွေ၊ ရှမ်း၊ ကချင်အစရှိတဲ့ မြန်မာနိုင်ငံမြောက်ပိုင်းဒေသတွေမှာ မိုးထစ်ချုန်းရွာဖိုများပြီး မြန်မာနိုင်ငံအလယ်ပိုင်းဒေသတွေတော့ရွာနိုင်ခြေနည်းတယ်။
မိုးလေဝသနှင့်ဇလဗေဒညွှန်ကြားမှုဦးစီးဌာန၊ညွှန်ကြားရေးမှူးဦးလှထွန်း
#Local_News
Published_ 18 March 2024
#အချိန်အခါမဟုတ်မိုးရွာ #မိုးထစ်ချုန်းရွာ
#tthl #Yangon_Times

#Local_News
Published_ 18 March 2024

မင်းတုန်းမင်းတြားကြီးနှင့် ကုမ္မာဒေဝီခုနစ်ရွာ မိဖုရားကြီး၊ အိမ်ရှေ့စံကနောင်မင်းနှင့် မြောက်ဆောင်တော် သခင်သီရိသင်္ခါမဟေတို့၏ တီတော်ဖြစ်သည့်သုံးဆယ်(ဒေါ်)ထိပ်တင်ဦး ကံတော်ကုန်သွားကြောင်း ကုန်းဘောင်ဆက်ဆွေတော်မျိုးတော်များအသင်း(အောက်မြန်မာပြည်)မှ သိရသည်။

ကုန်းဘောင်ဆက်ဆွေတော်မျိုးတော်များ အသင်း(အောက်မြန်မာပြည်)အနေဖြင့် ထပ်တူ ထပ်မျှ ဝမ်းနည်းကြောင်း ယခုလို ဖော်ပြထားသည်။

မင်းတုန်းမင်းတြားကြီးနှင့် ကုမ္မာဒေဝီခုနစ်ရွာ မိဖုရားကြီး၊ အိမ်ရှေ့စံကနောင်မင်းနှင့် မြောက်ဆောင်တော် သခင်သီရိသင်္ခါမဟေတို့၏တီတော်၊ 

မဟာသုသီရိဓမ္မရာဇာ သုံးဆယ်မင်းသားကြီးနှင့် သီရိစိတ္တဝတ္တီ ရန်အောင်မြင်ထိပ်ထားတို့၏မြစ်တော်၊ 

သုံးဆယ်ထိပ်တင် ကိုယ်တော်ကြီးနှင့် ခင်ခင်လေးဖုရား တို့၏မြေးတော်၊သုံးဆယ် ထိပ်တင်ဖုရားလေးနှင့် ဦးကျော်သိန်းတို့၏သမီးတော်၊ 

ရန်ကုန်မြို့၊ မရမ်းကုန်းမြို့နယ်၊ (၈)မိုင်၊ ရွှေနှင်းဆီကျောင်းလမ်း၊ (၅)ရပ်ကွက်နေ ဒုတိယဗိုလ်မှူးကြီးထွန်းရှိန်၏ဇနီး သုံးဆယ်ထိပ်တင်ဦး သက်တော် (၉၄)နှစ်သည် မတ်လ(၁၆) ရက်(စနေနေ့) ည ၁၁:၅၆ နာရီတွင် ရန်ကုန်မြို့၊ ကန်သာယာဆေးရုံ၌ ကံတော်ကုန်သွားပါသဖြင့်ကျန်ရစ်သူသုံးဆယ် အနွယ်တော်များနှင့်  ထပ်တူထပ်မျှဝမ်းနည်းရပါကြောင်း ဖော်ပြပါရှိပြီး ဆွေတော်မျိုးတော်အပေါင်းကလည်း ဝမ်းနည်းကြောင်း ၎င်းတို့၏လူမှုကွန်ရက် စာမျက်နှာထက်၌ ဖော်ပြထားသည်။

#Local_News #တီတော်သုံးဆယ်(ဒေါ်)ထိပ်တင်ဦး #အသက်(၉၄)နှစ်ကံတော်ကုန် #tthl #Yangon_Times

#Local_News
Published_ 18 March 2024

ခွန်ခမာချန်ပီယံခါးပတ်လုပွဲ၌ မြန်မာကိုယ်စားပြုစိုးမိုးဇော်သည် ဥပါကစ္စတန်သား အာဆတ်ကို မတ်လ(၁၇)ရက်တွင် ဒိုင်အမှတ်ဖြင့် အနိုင်ရရှိခဲ့ကြောင်း သိရသည်။

စိုးမိုးဇော်က အတွေ့အကြုံရင့်သည့် ဥပါကစ္စတန်နိုင်ငံသားပြိုင်ဘက်ဖြစ်သူ အာဆတ်ကို ငါးချီပြည့်ချိန်အထိအသာစီးဖြင့်ယှဉ်ပြိုင်ခဲ့ပြီး ဒိုင်အမှတ်ဖြင့် အနိုင်ရခဲ့ခြင်းဖြစ်သည်။

"မနက်ဖြန်မှာ Training ပြန်စမယ်။ ဒီပွဲမှာလိုအပ်ချက်တွေပြန်ပြင်သွားမယ်"ဟု စိုးမိုးဇော်ကလေ့ကျင့်မှုဗီဒီယိုများတင်ပေးရင်းဖော်ပြထား သည်။

ခွန်ခမာခါးပတ်လုပွဲအတွက် မြန်မာနိုင်ငံကိုယ်စားပြု ယှဉ်ပြိုင်နေသော စိုးမိုးဇော်အနေဖြင့် ယခုပွဲစဉ်သည် ဒုတိယမြောက်ပွဲစဉ်ဖြစ်ပြီး၊ ပထမပွဲစဉ်တွင် ခွန်ခမာဖိုက်တာ သီးဗာရစ်ကို ရှုံးနိမ့်ထားသည်။

ယခု ကျင်းပသည့် ခွန်ခမာချန်ပီယံခါးပတ်လုပွဲသည် လက်ဝှေ့ဖိုက်တာ (၇)ဦး ပတ်လည်စနစ်ဖြင့်ယှဉ်ပြိုင်၍ ခွန်ခမာချန်ပီယံဆု ရရှိရန်၆၃.၅ ကီလိုတန်း ပြိုင်ပွဲအနေဖြင့်ယှဉ်ပြိုင်နေကြသည့် ပွဲတစ်ပွဲလည်းဖြစ်ပြီး ယခုပွဲ၌ခါးပတ်လုမည့် လက်ဝှေ့ဖိုက်တာအများစုသည်ကမ္ဘောဒီးယားနိုင်ငံသား ဖိုက်တာများဖြစ်‌ကြောင်းလည်း သိရသည်။

#Local_News #ခွန်ခမာခါးပတ် #စိုးမိုးဇော်ဆက်တိုက်လေ့ကျင့်နေ #tthl #Yangon_Times

#Local_News
Published 18 March 2024

မန္တလေးတိုင်းဒေသကြီး၊ ချမ်းအေးသာစံမြို့နယ်၊ 65 လမ်း 31 လမ်းရှိ ဘုန်းကြီးကျောင်းတွင်မီးလောင်မှုဖြစ်ပွားကြောင်း မီးသတ်တပ်ဖွဲ့နှင့် ဒေသခံပရဟိတ အသင်းများထံက သိရသည်။

မတ်လ ၁၈ ရက်နေ့လည် ၂နာရီ ၁၅မိနစ် အချိန်ခန့်က မီးလောင်မှုဖြစ်ပွားခဲ့ကာ level 1 ယာဉ်အုပ်စုများ ထွက်ခွာငြိမ်းသတ်ခဲ့သောကြောင့် ၂နာရီ ၄၀မိနစ် ခန့်က မီးငြှိမ်းခဲ့ကြောင်း သိရသည်။

မီးလောင်သည့် ဖြစ်စဉ်နှင့် ဆုံးရှုံးမှုတန်ဖိုးများကို သက်ဆိုင်ရာမှ စစ်ဆေးလျက်ရှိကြောင်း သိရသည်။

#Local_News #မီးလောင်မှုဖြစ် #YMG/LW #Yangon_Times

#Local_News
Published 18 March 2024

ပွင့်လင်းရာသီ ဖြစ်သည့် အတွက်ကုန်ကြမ်းပေါများချိန်ဖြစ်သော်လည်း အလှူရာသီဖြစ်နေသောကြောင့် ရေချို၊ရေငန် ငါးခြောက်များ အရောင်းအဝယ်ပိုမို ကောင်းလာ၍ဈေးကောင်းရနေကြောင်း ဘုရင့်နောင်ဈေးမှ ငါးပိ  ငါးခြောက်ထုတ်လုပ်ရောင်းချသူများထံမှ သိရသည်။

"အခုကအလှူရာသီဆိုတော့ ငါးခြောက်အရောင်းအဝယ်ပိုကောင်းလာတယ်။ ငါးခြောက်ဈေးကောင်းရတယ်။ အွန်လိုင်းကလည်း ရောင်းအားကောင်းတယ်။ ကုန်ကြမ်းကလည်း ခုချိန်ကရေချိုငါးရော ပင်လယ် ငါးလည်းရတယ်ဆိုတော့  ကုန်ကြမ်းရရှိတာ အဆင်ပြေတယ်။ များတယ်ဆိုပေမယ့် ဝယ်လိုအားကကောင်းနေတော့ဈေးမကျဘူး‌၊ ကောင်းနေတယ် "ဟု ငါးပိ၊ ငါးခြောက်ရောင်းချသူတစ်ဦးက ပြောသည်။ 

လက်ရှိတွင် ငါးခြောက်ကုန်ကြမ်းရရှိမှုအနေဖြင့် မွေးမြူရေးငါးရရှိသည့်အပြင်သဘာဝမှရရှိသည့် အင်းငါးများလည်းရရှိချိန်ဖြစ်ပြီး ပင်လယ်ငါးလည်းရရှိချိန်ဖြစ်ရာ ကုန်ကြမ်းပေါများစွာရရှိနေကြောင်း သိရသည်။

ယနေ့တွင်ဘုရင့်နောင်ဈေးကွက်၌ ငါးဒန်အသားမျှင် ၊တံသွယ်ချိုသန့် ၊ငါးရံ့ပြားလတ်ကြီး ၊ရခိုင်ငါးကွန်းရှပ် ၊ ငါးနီတူခေါင်းပြတ်၊ ငါးနီတူခြွေသေး၊ ငါးကြင်းကောင်၊ သင်လုံးလတ်ကြီး၊ ငါးကျည်းအလတ် ၊ငါးရံ့ပြားလတ်ကြီး၊ ငါးရံ့လုံးကြီး၊ ငါးနီတူခေါင်းပါ၊  ငါးကြင်းတုံး၊ငါးဂျီးကြီး၊ ငါးခုံးမ စသည်ဖြင့် ငါးခြောက်အမျိုးအစားအလိုက်တစ်ပိသာလျှင် ကျပ်၈,၀၀၀မှ ၈၈,၀၀၀ကျပ်  စသည့်ဖြင့်ဈေးနှုန်းအသီးသီးရှိနေကြောင်းသိရသည်။

ငါးခြောက်ဈေးကွက်အနေဖြင့်ပွဲရုံကြီး များတွင်လက်ကားဝယ်ယူမှု နည်းသော်လည်းအွန်လိုင်းမှတဆင့်လက်လီဝယ်ယူမှုမှာမူ ရောင်းအားရှိ ကြောင်းယခုကာလသည်အလှူမင်္ဂလာပြုလုပ်သူ များပြားသည့်အတွက် ငါးခြောက်ဝယ်လိုအားပိုမိုကောင်းလာကြောင်း သိရသည်။

#Local_News #ငါးခြောက်ဈေးကောင်းရနေ #ကုန်ကြမ်းပေါများချိန် #YMG/ NN#Yangon-Times

#Local_News
Published 18March 2024

ယခုဘဏ္ဍာနှစ်ဆယ့်တစ်လကျော်ကာလအတွင်းပြည်ပသို့သတ္ထုတွင်းထွက်တင်ပို့မှုမှအမေရိကန်ဒေါ်လာသန်း၂၅၀ ကျော်ရရှိပြီး ယခင်ကာလတူထက်သန်း ၆၀ ​ကျော်လျော့ကြောင်း စီးပွားရေးနှင့် ကူးသန်းရောင်းဝယ်ရေးဝန်ုကြီးဌာနမှသိရသည်။ 

၂၀၂၃-၂၄ဘဏ္ဍာနှစ် ၂၀၂၃ ခုနှစ် ဧပြီလ ၁ ရက်နေ့မှ ၂၀၂၄ ခုနှစ် မတ်လ ၈ ရက်နေ့အထိ ပြည်ပနိုင်ငံများသို့ သတ္ထုတွင်းထွက် တင်ပို့မှုအနေဖြင့် နိုင်ငံပိုင်မှ အမေရိကန်ဒေါ်လာ(၃၃ဒသမ၂၅၅) သန်းရရှိပြီးပုဂ္ဂလိကပိုင်မှအမေရိကန်ဒေါ်လာ(၂၂၃ဒသမ၁၈၅)သန်းရရှိသည့်အတွက် စုစုပေါင်းအမေရိကန်ဒေါ်လာ (၂၅၆ဒသမ၄၄၀) သန်းရရှိ​ကြောင်း သိရသည်။

ယခင်နှစ်ကာလတူအချိန်တွင် ပြည်ပသို့ သတ္ထုတွင်းထွက်တင်ပို့မှုအနေဖြင့် နိုင်ငံပိုင်မှ အမေရိကန်ဒေါ်လာ(၂၂ဒသမ၄၁၉)  သန်းရရှိပြီး ပုဂ္ဂလိကပိုင်မှ အမေရိကန်ဒေါ်လာ (၃၀၀ဒသမ၉၄၇) သန်းရရှိသည့်အတွက်စုစုပေါင်းအမေရိကန်ဒေါ်လာ (၃၂၃ဒသမ၃၆၆) သန်းရရှိခဲ့ရာ ယခုဘဏ္ဍာနှစ်တွင်ယခင်ကာလတူထက်အ​မေရိကန်ဒေါ်လာ(၆၆ဒသမ၉၂၆)သန်းလျော့နည်းကြောင်း သိရသည်။

၂၀၂၃-၂၄ ဘဏ္ဍာနှစ်ဆယ့်တစ်လ​ကျော်တွင်ပြည်ပသို့သတ္ထုတွင်းထွက်တင်ပို့မှုမှ အမေရိကန်ဒေါ်လာ(၂၅၆ဒသမ၄၄၀) သန်းရရှိခဲကြောင်း ပြည်ပသို့တင်ပို့သည့်ကျောက်မျက်ရတနာများမှာ ရွှေ ၊ကျောက်စိမ်း၊ ပုလဲ၊ စိန်၊ ခဲ ၊ခဲမဖြူ၊ အဖြိုက်နက် ၊ငွေ၊ ကြေးနီ၊ သွပ်၊ ကျောက်မီးသွေးနှင့်အခြား သတ္တုအမျိုးမျိုးကိုတင်ပို့ကြောင်း သိရသည်။

ထို့အပြင် မြန်မာနိုင်ငံမှ ပြည်ပနိုင်ငံများသို့ လယ်ယာထွက်ပစ္စည်း၊ တိရစ္ဆာန်ထွက်ပစ္စည်း၊ ရေထွက်ပစ္စည်း၊ သတ္တုတွင်းထွက်ပစ္စည်း၊ သစ်တောထွက်ပစ္စည်း၊ စက်မှုကုန်ချောနှင့် အခြားပို့ကုန်များ တင်ပို့ရာပို့ကုန်တင်ပို့မှုမှ စုစုပေါင်း အမေရိကန်ဒေါ်လာသန်း(၁၃၇၁၆ဒသမ၂၄၆) သန်းရရှိထားကြောင်း သိရသည်။

#Local_News #အမေရိကန်ဒေါ်လာသန်း၂၅၀ကျော်ရရှိ #ယခင်နှစ်ထက်သန်း ၆၀ ကျော်​လျော့နည်း #YMG/ NN #Yangon_Times

#Local_News
Published 18 March 2024

၂၀၂၄ ခုနှစ်၊ မတ်လ ၂၂ ရက်နေ့မှစ၍ တာချီလိတ်နယ်စပ်ဒေသတွင် တင်သွင်း/တင်ပို့လုပ်ငန်းများနှင့်ဆက်စပ်သည့် အကောက်ခွန်ဆိုင်ရာ ကုန်ပစ္စည်းရှင်းလင်းရေးလုပ်ငန်းစဉ်များကို MACCS စနစ်ဖြင့် ဆောင်ရွက်သွားမည်ဖြစ်ကြောင်း အကောက်ခွန်ဦးစီးဌာန စီမံကိန်းနှင့်ဘဏ္ဍာရေးဝန်ကြီးဌာန ကြေညာချက်အရသိရသည်။

အကောက်ခွန်ဦးစီးဌာနသည် ရန်ကုန်ဧရိယာ၊ မြဝတီနယ်စပ်ဒေသ၊ မူဆယ်နယ်စပ်ဒေသနှင့် ချင်းရွှေဟော်နယ်စပ်ဒေသတို့တွင် မြန်မာအလိုအလျောက် ကုန်စည်ရှင်းလင်းရေးစနစ်(Myanmar Automated Cargo Clearance System)ကို အသုံးပြုလျက်ရှိပြီး ယခုအခါ တိုးချဲ့ဒေသအဖြစ် တာချီလိတ်နယ်စပ်ဒေသတွင် ၂၀၂၄ ခုနှစ်၊ မတ်လ ၂၂ ရက်နေ့မှစတင်၍ အသုံးပြုသွားမည်ဖြစ်ကြောင်း သိရသည်။

တာချီလိတ်နယ်စပ်ဒေသတွင် MACCS စနစ် အောင်မြင်စွာ အသုံးပြုနိုင်ရေးအတွက် အကောက်ခွန်ဦးစီးဌာနမှ ဝန်ထမ်းများ၊ ကုန်သွယ်မှုဆက်စပ်ဌာနများ၊ တာချီလိတ်နယ်စပ်ကုန်သည်ကြီးများအသင်း၊ တာချီလိတ်မြို့ရှိ ကုန်ပစ္စည်းတင်သွင်း/ တင်ပို့သည့် ကုမ္ပဏီများနှင့် အကောက်ခွန်ဝန်ဆောင်မှုလုပ်ငန်းရှင်များအသင်းတို့၏ ပူးပေါင်းပါဝင်မှုဖြင့် အကောင်အထည်ဖော်ခဲ့ရာ ကုန်သွယ်မှုဆက်စပ်ဌာနများနှင့် လုပ်ငန်းညှိနှိုင်းအစည်းအဝေးပြုလုပ်ခြင်း၊ MACCS User များအတွက် စနစ်အသုံးပြုမှုဆိုင်ရာ စာတွေ့လက်တွေ့သင်တန်းများ ဖွင့်လှစ်ပို့ချခြင်းနှင့် စနစ်စမ်းသပ်အသုံးပြုခြင်း (Running Test) တို့ကို ဆောင်ရွက်ခဲ့ပြီးဖြစ်ကြောင်းသိရသည်။

ထို့ကြောင့် တာချီလိတ်နယ်စပ်ဒေသနှင့်ဆက်စပ်သည့် ကုန်သွယ်မှုလမ်းကြောင်း တစ်လျှောက်ရှိ စစ်ဆေးရေးစခန်းများတွင် တင်သွင်း/တင်ပို့လုပ်ငန်းများနှင့် ဆက်စပ်သည့် အကောက်ခွန်ဆိုင်ရာ ကုန်ပစ္စည်းရှင်းလင်းရေးလုပ်ငန်းစဉ်များကို MACCS စနစ်ဖြင့် ဆောင်ရွက်မည်ဖြစ်သဖြင့် တာချီလိတ်နယ်စပ်ဒေသတွင် တင်သွင်း/တင်ပို့လုပ်ငန်းများ ဆောင်ရွက်နေသည့် ကုမ္ပဏီများနှင့် အကောက်ခွန်ဝန်ဆောင်မှုဆောင်ရွက်သူများအနေဖြင့် အကောက်ခွန်ဆိုင်ရာ ကုန်ပစ္စည်းရှင်းလင်းရေးလုပ်ငန်းစဉ်များကို မတ်လ၂၂ ရက်နေ့မှစ၍ MACCS စနစ်ဖြင့် ဆောင်ရွက်နိုင်ပြီဖြစ်ပါကြောင်း အသိပေးကြေညာထားသည်။

#Local_News #MACCS စနစ် #အကောက်ခွန်ဆိုင်ရာကုန်ပစ္စည်း #YMG/LW #Yangon_Times

#Local_News
Published_ 18 March 2024

ယခုတစ်ပတ်စားအုန်းဆီဈေးသည် ပြီးခဲ့သည့်အပတ်နှင့်သိပ်မကွာဘဲ ဈေးနှုန်းတန့်နေကြောင်း သိရသည်။

ပြီးခဲ့သည့်အပတ်က စားအုန်းဆီအခြေခံလက်ကားရည်ညွှန်းဈေးနှုန်းတစ်ပိဿာ ကျပ် ၅၂၁၅ ဖြစ်ကြောင်း ထုတ်ပြန်ကြေညာခဲ့ပြီး ယခုအပတ်မှာတော့တစ်ပိဿာ ကျပ် ၅၂၅၀ကျပ်သတ်မှတ်သည့် အတွက်  ၃၅ကျပ်သာဈေးကွာခြားမှုရှိခဲ့သည်။

ယခုအပတ်အတွင်း ကမ္ဘာ့စားအုန်းဆီထုတ်လုပ်တင်ပိုသည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ မတ် ၁၈ ရက်မှ မတ် ၂၄ရက်အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၅၂၅၀ ဖြစ်ကြောင်း ထုတ်ပြန်ကြေညာထားသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီအနေဖြင့် စားအုန်းဆီ ကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံတွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိကြောင်း၊

ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေးထုတ်ပြန်ထားသည်။

အပတ်စဉ် အခြေခံလက်ကားရည်ညွှန်းဈေးနှုန်းများကိုသိရှိလိုပါက  စားသုံးသူရေးရာ ဦးစီးဌာန၏ Website: www.doca.gov.mm ၊ Facebook Page နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။

#Local_News #စားအုန်းဆီဈေးမတက် #စားအုန်းဆီဈေး၅၂၅၀ကျပ်သတ်မှတ် #tthl #Yangon_Times