ရှမ်းပြည်နယ်က စိုက်ပျိုးထွက်ရှိတဲ့ ရှမ်းကြက်သွန်ဖြူဈေးကွက်ဟာ ယခုမတ်လ လဆန်းပိုင်းကတည်းက ဈေးတဖြည်းဖြည်း ကျဆင်းလာရာ လက်ရှိမှာ တစ်ပိသာကို ကျပ် ၅၀၀၀ဝန်းကျင်သာ ရှိတော့တယ်လို့ အောင်ပန်းရှိ ကုန်သည်တွေထံက သိရပါတယ်။

Yangon Times/LW
#Local_News
#Published_ 19 March 2024
#YMG_News #Yangon_Times #Yangon_Media_Group

သရုပ်ဆောင်အလင်းရောင်မှာ အခုနှစ် Asia Top Awards (2024)မှာ အကောင်းဆုံး သရုပ်ဆောင်ဆု  Best Actor ဆုကို ရရှိခဲ့တာဖြစ်ပြီး ရှမ်းတိုင်းရင်းသားအဆိုတော် The Sai ကတော့ ပထမဦးဆုံးအကြိမ်အနေဖြင့် Asia Top Award (Culture Integration) ဆု၊ တိုင်းရင်းသားရုပ်ရှင်၊မှတ်တမ်းရုပ်ရှင်တွေရိုက်ကူးထုတ်လုပ်တဲ့ မြန်မာနိုင်ငံသား Director & Producer ကျော်ကျော်ဝင်းကလည်း အခုနှစ်မှာ ASIA TOP AWARDS 2024 Director & Producer ဆုကို ဆွတ်ခူးခဲ့သည်။
Yangon Times/tthl
#Local_News
#Published_ 19 March 2024
#YMG_News #Yangon_Times #Yangon_Media_Group

အခုရက်ပိုင်းအတွင်း ထိုင်းနိုင်ငံကို ပြောင်းအဓိက တင်ပို့ရာလမ်းကြောင်းဖြစ်တဲ့ တာချီလိတ် နယ်စပ်ကုန်သွယ်ရေး
လမ်းကြောင်းထဲမှာပါဝင်တဲ့ တာကောတံတား ယာဉ်ကြောပိတ်ဆို့တာတွေ ဖြစ်နေပြီး တာလေတံတားမှာလည်း‌ ပြောင်းတန်ချိန်တွေကို ဝိတ်လျော့တင်နေရတဲ့အတွက်  အခက်အခဲတွေ ရှိနေတယ်လို့  မြန်မာနိုင်ငံပြောင်းလုပ်ငန်းအသင်းကသိရပါတယ်။
Yangon Times/NN
#Local_News
#Published_ 19 March 2024
#YMG_News #Yangon_Times #Yangon_Media_Group

Published_ 19 March 2024

သမီးလှကျွန်း ပင်လယ်လိပ်မျိုး ထိန်းသိမ်းရေးစခန်း၌ လိပ်ကျင်းပေါင်း ၁၃၀ကျော်တွေ့ရှိပြီး ငါးနှစ်တာအတွင်းအများဆုံးတွေ့ရှိရကြောင်း သမီးလှကျွန်း ပင်လယ်လိပ်မျိုး ထိန်းသိမ်းရေးစခန်း မှသိရသည်။

ယခု၂၀၂၃-၂၄ ဘဏ္ဍာနှစ်၌ လိပ်ဥကျင်း ၁၃၇ကျင်း တွေ့ရှိထားခြင်းဖြစ်သည်။

' ဒီပမာဏကဒီဘဏ္ဍာနှစ်လက်ရှိအချိန်ထိ တွေ့တာပါ ၊အရင်နှစ် တွေက၆၀၊၇၀လောက် ပဲတက်တယ်၊ အရင်လွန်ခဲ့တဲ့ ၅နှစ်နဲ့ယှဉ်ရင်ဒီ နှစ်ကပိုများတယ် ' ဟု သမီးလှကျွန်း ပင်လယ်လိပ်မျိုးထိန်းသိမ်းရေးစခန်း မှ တာာဝန်ရှိသူတစ်ဦးက ပြောသည်။

အဆိုပါ ပင်လယ်လိပ်ထိမ်းသိမ်းရေးစခန်းသည် မြန်မာနိုင်ငံကမ်းရိုးတန်းတ​လျောက် ငါးလုပ်ငန်းဦိးဌာနမှ ပင်လယ်လိပ်မျိုးထိန်း သိမ်း​ဆောင်ရွက်​နေ​သော​ ဒေသများအနက် ပင်လယ်လိပ် အများဆုံးတက်​ရောက်ဥချသည့် နေရာဒေသဖြစ်သည်။

ထိုသို့ဥချသည့် လိပ်များတွင် ပြင်သာလိပ်အများဆုံးတက်​ရောက် ၍ဥလေ့ရှိကာပင်လယ်လိပ်များ တက်ရောက်ဥချမျိုးပွားသည့်နှုန်းကျဆင်းမသွားစေရန် ပင်လယ်လိပ်များ၊ နေထိုင်ရာစားကျက်နှင့်ဥချရာ ကမ်းခြေများ ပျက်ဆီးပျောက်ဆုံးခြင်းဖြစ်ပေါ်လာမှု့ တားဆီးရန်နှင့် ရေရှည်ဆက်လက်တည်တံခိုင်မြဲရန်ရည်ရွယ်၍ ဒေသတွင်း၌ ဟောပြောမှုများ ပြုလုပ်လေ့ရှိကြောင်းသိရသည်။

ထို့အပြင် မျိုးတုန်းလုနီးပါးလိပ်များကိုထိန်းသိမ်းလျက်ရှိရာ ပတ်ဝန်းကျင်ဒေသခံများ၏ပူးပေါင်းမှု့များလည်းလိုအပ်သည့်အတွက် ကမ်းခြေရှိ ကျေးရွာများတွင် ဟောပြောပွဲများ ပြုလုပ်လေ့ရှိခြင်းဖြစ်ကြောင်း သိရသည်။
Yangon Times/NN
#Local_News
#Published_ 19 March 2024
#YMG_News #Yangon_Times #Yangon_Media_Group

Published_ 19 March 2024

မြန်မာ - ရုရှား မီဒီယာပူးပေါင်းဆောင်ရွက်မှုအဖြစ်လာမည့်စက်တင်ဘာလတွင်ကျင်းပမည့်ရုရှားသတင်းဌာနတစ်ခု၏နှစ် (၁၂၀)ပြည့်အခမ်းအနားသို့ မြန်မာမီဒီယာအဖွဲ့ကိုဖိတ်ကြားလိုသည်ဟု ရုရှားသတင်းဌာနကတာဝန်ရှိသူများက ဆွေးနွေးခဲ့ကြောင်း သိရသည်။

မြန်မာ - ရုရှား နှစ်နိုင်ငံပြည်သူများ ချစ်ခင်ရင်းနှီးမှုနှင့် ကူးလူးဖလှယ်ဆက်ဆံမှုများ တိုးမြှင့်လုပ် ဆောင်လာစေရေး မီဒီယာကဏ္ဍပူးပေါင်းဆောင် ရွက်ရေးဆိုင်ရာတွေ့ဆုံဆွေးနွေးပွဲ၌ ထည့်သွင်း ဆွေးနွေးခဲ့ခြင်းဖြစ်သည်။

တွေ့ဆုံဆွေးနွေးပွဲတွင်  နှစ်နိုင်ငံသတင်းဖလှယ်မှု၊ အပြန်အလှန် သွားရောက်လေ့လာမှု၊ သင်တန်းများ ဖွင့်လှစ်လေ့လာမှု၊ ဂီတအနုပညာဖလှယ်မှု၊ နိုင်ငံတော် သံစုံတီးဝိုင်းလေ့ကျင့်ရေးနှင့်ပတ်သက်၍ နားလည်မှုစာချွန်လွှာ နှစ်ဖက်ပြုစု၍ လက်မှတ်ရေးထိုးနိုင်ရန်နှင့် လာမည့်စက်တင်ဘာလအတွင်း ITAR – TASS သတင်းဌာန နှစ် ၁၂၀ ပြည့်အခမ်းအနားသို့ မြန်မာမီဒီယာအဖွဲ့အား ဖိတ်ကြားလိုမှုတို့ကို ဆွေးနွေးကြသည်။

ဆွေးနွေးပွဲသို့ မြန်မာ့အသံနှင့် ရုပ်မြင်သံကြား ညွှန်ကြားရေးမှူးချုပ် ဦးရဲနိုင်၊ MI Channel ညွှန်ကြားရေးမှူး ဒေါ်လိန်းမောင်းပန်နှင့် အဖွဲ့၊ The Global New Light of Myanmar သတင်းစာမှ အထွေထွေမန်နေဂျာ ဦးဝင်းဇော်ဌေး၊ စာတည်းမှူးချုပ် ဦးအောင်သူရနှင့်အဖွဲ့၊ ရုရှားနိုင်ငံ ITAR-TASS သတင်းဌာန ဒုတိယညွှန်ကြားရေးမှူးချုပ် မစ္စတာ မီခေးလ်း ဂက်စ်မန်း ဦးဆောင်သောအဖွဲ့တို့ တက်ရောက်ကြကြောင်းသိရသည်။
Yangon Times/tthl
#Local_News
#Published_ 19 March 2024
#YMG_News #Yangon_Times #Yangon_Media_Group

Published 19 March 2024

အလုပ်ရှင်မှ အမှန်တစ်ကယ်ခေါ်ယူမည်မဟုတ်သည့် Demend Letter များကို ဦးစီးဌာနသို့တင်ပြီး ပြည်ပသို့အလုပ်သွားရောက် အလုပ်လုပ်လိုသူ များ စီက ငွေကြေးလိမ်လည်ကောက်ခံနေသည့်အေဂျင်စီများကိုစိစစ်တွေ့ရှိပါက ထိရောက်စွာအရေးယူမည်ဟု အလုပ်သမားဝန်ကြီးဌာနက မတ်လ ၁၉ရက် တွင် ဝန်ကြီးဌာန၏ တရားဝင် လူမှုကွန်ယက်စာမျက်နှာ က တဆင့် သတိပေး လိုက်သည်။

အချို့အေဂျင်စီများသည် ဦးစီးဌာနကို Demand letter တင်ပြီးဦးစီးဌာနမှ သက်ဆိုင်ရာ သံရုံးကိုစိစစ်ရန်ပေးပို့ချိန်တွင် စိစစ်ခံမှုမရှိခြင်း၊ ထောက်ခံချက်သွားမယူခြင်း တို့ရှိပြီး ဦးစီးဌာနမှ သက်ဆိုင်ရာသံရုံးသို့အကြောင်းကြားသည့်စာအား အေဂျင်စီသို့ မိတ္တူပေးပို့သည်ကို အခွင့်ကောင်းယူကာ အလုပ်သမားများထံမှ ဝန်ဆောင်ခများ ကောက်ခံခြင်း၊ အလုပ်သမားများမှ ‌အချိန်မီပြည်ပမထွက်ခွာရ၍ အေဂျင်စီထံဆက်သွယ် ရာတွင် ဦးစီဌာနမှ ခွင့်မပြုသေး၍ မစေလွှတ်နိုင်သည့်ပုံစံဖြင့်လွှဲချခြင်း စသည့်အပြုအမူများလုပ်ဆောင်နေသည်ကို စိစစ်တွေ့ရှိရပြီး အထူးသဖြင့် မလေးရှား Demend Letter များ ဖြစ်ကြောင်းသတိပေးထုတ်ပြန်ချက်တွင် ဖေါ်ပြထားသည်။

ထို့ကြောင့် အလုပ်ရှင်မှ အမှန်တစ်ကယ်ခေါ်ယူမည်မဟုတ်သည့် Demend Letter များကို ဦးစီးဌာနတို့တင်ပြီး ငွေကြေးလိမ်လည်ကောက်ခံနေသည့်အေဂျင်စီများကို စိစစ်တွေ့ရှိရပါက ထိရောက်စွာအရေးယူခံရမည်ဖြစ်ကြောင်းသတိပေးထားသည်။

အလုပ်သမားဝန်ကြီးဌာန အနေဖြင့်အေဂျင်စီလိုင်စင်ခွင့်ပြုထုတ်ပေးထားခြင်းသည် ပြည်သူများအပေါ်၊ ပြည်ပသို့သွားရောက်မည့်သူများအပေါ် လိမ်လည်လှည့်ဖြားရန်အတွက်မဟုတ်ဘဲ ပြည်ပအလုပ်အကိုင် အခွင့်အလမ်းများရှာဖွေပေးပြီး အလုပ်သမားများ၏ လူမှုစီးပွားဘဝ ဖွံ့ဖြိုးတိုးတက်စေရန်ဝန်ဆောင်ခများရယူကာ ကုသိုလ်လည်းရ ဝမ်းလည်းဝစေရန်ဖြစ်ကြောင်း ၊ပြည်ပအလုပ်အကိုင်အကျိုးဆောင်လိုင်စင်ရအေဂျင်စီများအားလုံး ကျင့်ဝတ်နှင့်ညီသော အေဂျင်စီကောင်းများ ဖြစ်စေလိုကာ မိမိ၏ပြုလုပ်မှု ပျက်ကွက်မှုကြောင့် ဝန်ကြီးဌာန၏ ပုံရိပ်၊ အေဂျင်စီများ၏ ပုံရိပ်တို့ကို မထိခိုက်စေလိုကြောင်းသတိပေးချက်တွင်ရေးသားထားသည်။
Yangon Times/LW
#Local_News
#Published_ 19 March 2024
#YMG_News #Yangon_Times #Yangon_Media_Group

Published 19 March 2024

ရန်ကုန်တိုင်းဒေသကြီး၊ သာကေတမြို့နယ်၊ ဆယ်တောင်ရပ်ကွက်၊ သာကေတတံတားအဆင်းတွင် မတ်လ ၁၈ရက် ည ၇နာရီ ခန့် က မီးလောင်မှုဖြစ်ပွားခဲ့ရာ မိနစ် ၄၀ကြာ ငြိမ်းသတ်ခဲ့ရပြီး လူထိခိုက်ဒဏ်ရာရရှိမှု မရှိကြောင်း မီးသတ်တပ်ဖွဲ့နှင့်ပရဟိတ အသင်း များထံ ကသိရသည်။

အဆိုပါ မီးလောင်မှု တွင် ဆီဘောက်ဆာယာဉ် မီးလောင်ရာ မှ အနီးရှိ အလုပ်သမားများနေထိုင်သည့် နေအိမ်တန်လျား များပါ မီးလောင်ခဲ့ကြောင်း သိရသည်။

"" လူကထိခိုက်မှုမရှိပါဘူး အခုနေရာ က သန်လျင် တံတားစီမံကိန်း အတွက် အသုံးပြုတဲ့စက်ယန္တရား တွေကို ထည့်ဖို့ ဆီတန့်လေးတွေရှိတယ် ဂါလံ၁၄၀၀ ၁၅၀၀ ဆံ လှောင်ကန်လေးတွေပေါ့ အဲ့ထဲ ကို ဆီဘောက်ဆာ က ခွဲပြီး ဆီဖြည့် တဲ့ နေရာ မှာလောင်တာ လို့ ယူဆရတယ်။ အဆောက်အဦး တွေ ကတော့ဆောက်လုပ်ရေး အတွက် အလုပ်သမားတွေ နေတာ တို့ ဆောက်လုပ်ရေးပစ္စည်းတွေ ထားဆဲ့အဆောက်အဦးတွေ လောင်သွားတာပါ'"မီးလောင်ပြင် ကိုသွားရောက်ကူညီပေးသည့် ရှင်သန်ရေးကူညီမှု အသင်းမှအသင်းသား တစ်ဦးကပြောသည်။

မီးလောင်မှု ကို Level 1 ယာဉ်အုပ်စုဖြင့် ငြှိမ်းသတ်ခဲ့ရပြီး ည၇နာရီ ၃၇မိနစ် တွင် မီးငြိမ်းသွားကြောင်းသိရသည်။
Yangon Times/LW
#Local_News
#Published_ 19 March 2024
#YMG_News #Yangon_Times #Yangon_Media_Group

Published 19 March 2024

အမေရိကန်က ယူကရိန်းကို ဆက်လက်ပြီး လက်နက်ထောက်ပံ့ရန် ငွေကြေးပြတ်လပ်နေပြီး ကွန်ဂရက်လွှတ်တော်ကလည်း ထောက်ပံ့ငွေပြန်လည်ဖြည့်တင်းပေးဖို့ အရိပ်အယောင် သိပ်မမြင်ရပေမယ့် သမ္မတဂျိုးဘိုင်ဒင်ရဲ့ အစိုးရအဖွဲ့ဟာ ယူကရိန်းကို ထောက်ပံ့ရန် သန္နိဌာန်ချထားဆဲ ဖြစ်ကြောင်း ဥရောပမဟာမိတ်များ ယုံကြည်လာစေရန်အတွက် အမေရိကန် ကာကွယ်ရေးဝန်ကြီး လွိုက်အော်စတင်က ကြိုးပမ်းသွားမှာ ဖြစ်ပါတယ်။

ရီပတ်ဘလစ်ကန် အောက်လွှတ်တော်ဥက္ကဌ မိုက်ခ်ဂျွန်ဆန်က ယူကရိန်းအတွက် ဒေါ်လာ ၆၀ ဘီလီယံကျော် ထောက်ပံ့သွားမယ့် မူကြမ်းတစ်ခုကို မဲဆန္ဒပေးဆုံးဖြတ်ဖို့ ယခုထက်ထိ ငြင်းဆန်နေပြီး အိမ်ဖြူတော်ကတော့ ယူကရိန်းကို အထောက်အပံ့များ ပေးပို့နိုင်ရန် နည်းလမ်းများ အသည်းအသန် ရှာဖွေနေပါတယ်။

ဂျာမနီနိုင်ငံ ရမ်စတိန်းလေတပ် အခြေစိုက်စခန်းမှာ ကျင်းပတဲ့ ယူကရိန်းကာကွယ်ဆက်သွယ်ရေးအဖွဲ့ (UDCG)လို့ခေါ်တဲ့ လစဉ်အစည်းအဝေးပွဲကို အော်စတင်က ဦးဆောင်သွားမှာ ဖြစ်ပြီး ယူကရိန်းကို စစ်ရေးကူညီနေတဲ့ မဟာမိတ် ၅၀ လောက်ပါဝင်ပါတယ်။

အော်စတင်ဟာ ဆီးကျိတ်ကင်ဆာ ကုသမှုခံယူပြီးနောက်ပိုင်း ပထမဆုံးနိုင်ငံခြားခရီးစဉ် ထွက်နေတာဖြစ်ပြီး အမေရိကန်က ယူကရိန်းကိုကူညီရန် ကတိပြုဆုံးဖြတ်ထားဆဲ ဆိုတာကို အလေးပေးပြောဆိုသွားမှာ ဖြစ်တယ်လို့ ပင်တဂွန်က ဆိုပါတယ်။

ငွေကြေးထောက်ပံ့မှု ပြတ်လပ်လာခြင်းက ယူကရိန်း စစ်မြေပြင် အခြေအနေအပေါ် သက်ရောက်နေပြီးဖြစ်ကာ ယူကရိန်းတပ်တွေက ရှားပါးရင်းမြစ်များကို စီမံထိန်းချုပ်သုံးစွဲနေရပါတယ်။

အမေရိကန် အရာရှိတွေက နောက်ထပ်ပမာဏအချို့ကို ရှာပေးနိုင်ဖွယ်ရှိပေမယ့် ကွန်ဂရက်မှ အတည်မပြုသေးတဲ့ ပမာဏကို အစားထိုးရန်အတွက်တော့ မလုံလောက်ဘူးလို့ ဆိုကြပါတယ်။

ယူကရိန်းကို ကာလကြာမြင့်စွာ ဘဏ္ဍာရေး၊ စစ်ရေး၊ စီးပွားရေး ထောက်ပံ့သွားမယ်ဆိုတဲ့ စကားက အမေရိကန်လွှတ်တော်မှာ တကယ်လက်တွေ့ ဖြစ်ပျက်နေတာတွေကြောင့် အရာမရောက်ဘူးလို့ အမေရိကန်ရှိ အတ္တလန္တိတ်ကောင်စီ ဥရောပစင်တာမှ ရေချယ်ရစ်ဇိုက ပြောပြသွားပါတယ်။

ဘိုင်ဒင်တို့က ကွန်ဂရက်ကနေ ယူကရိန်းထောက်ပံ့ရေးကြီး အတည်မပြုနိုင်ဘဲ ဖြစ်နေသလို နိုင်ငံခြားရေးဝါဒ စွမ်းအားအများစုကိုလည်း ဂါဇာစစ်ပွဲအပေါ် အရေးစိုက်နေတာကြောင့် ဥရောပထောက်ပံ့မှုက အချက်အခြာ ကျလာပါတယ်။

ဒါပေမဲ့ အမေရိကန် အကူအညီမပါဘဲ ဥရောပထောက်ပံ့မှု သပ်သပ်ဖြင့် ရုရှားတပ်တွေကို ယူကရိန်း တွန်းလှန်နိုင်မှာ မဟုတ်ဘူးဆိုတဲ့ အမှန်တရားရှိနေကြောင်း အမေရိကန်အရာရှိများက ပြောပါတယ်။

ရုရှားက မေလနှောင်းပိုင်းလောက်က စတင်ပြီး ယူကရိန်းကို နောက်ထပ်ထိုးစစ်ဆင်ရန် ပြင်ဆင်နေတယ်လို့ ယူကရိန်းသမ္မတ ဗိုလိုဒီမီယာဇယ်လန်စကီက ပြောလိုက်ပါတယ်။
Source: Reuters
#World_News
#Published_ 19 March 2024
#YMG_News #Yangon_Times #Yangon_Media_Group

#World_Science
Published 19 March 2024

ခွေးမွေးခြင်းဖြင့် စိတ်ဖိစီးမှုတွေ ပြေလျော့စေတယ်လို့ ခွေးပိုင်ရှင်တွေ ပြောကြတာကို အခုဆိုရင် လေ့လာချက်တစ်ခုကလည်း ထောက်ခံလိုက်ပါတယ်။

တောင်ကိုရီးယား ဂွန်ဂုခ်တက္ကသိုလ်မှ သုတေသီတွေက ခွေးတွေနဲ့ အတူရှိနေခြင်းဟာ လူတွေအတွက် စိတ်ပြေလျော့စေပြီး အာရုံစူးစိုက်မှု ကောင်းစေတယ်လို့ တွေ့ရှိခဲ့ကြပါတယ်။

လေ့လာချက်အတွက် သုတေသီတွေက စမ်းသပ်ခံအယောက် ၃၀ ကိုခေါ်ယူကာ အေရိုလို့အမည်ပေးထားတဲ့ ချစ်စရာခွေးလေးနဲ့အတူ လှုပ်ရှားပြုမူပုံများကို လျှပ်တိုင်နားကြပ်များမှတဆင့် ဦးနှောက်လှိုင်းများ တိုင်းတာခဲ့ကြပါတယ်။

တစ်ယောက်ချင်းစီကို ၃ မိနစ်အတွင်း တွေ့ဆုံခြင်း၊ လမ်းလျှောက်ခြင်း၊ ဆော့ကစားခြင်း၊ အစာကျွေးခြင်း၊ နှိပ်ပေးခြင်း၊ ပွေ့ဖက်ခြင်း၊ ဓာတ်ပုံရိုက်ခြင်း စတဲ့ အပြုအမူများ ပြုလုပ်စေခဲ့ပါတယ်။

ထိုအခါမှာ ခွေးနဲ့ဆော့ကစားခြင်းဖြင့် လူတစ်ယောက် စိတ်ပြေလျော့စေပြီး အာရုံစူးစိုက်မှု ကောင်းမွန်စေတာကို တွေ့ရှိခဲ့ကြပါတယ်။

အေရိုနဲ့ ဆော့ကစားခြင်း၊ လမ်းလျှောက်ထွက်ခြင်းတို့ဖြင့် စမ်းသပ်ခံသူတွေမှာ အယ်လ်ဖာ ဦးနှောက်လှိုင်းတွေ ထွက်လာကာ စိတ်ပြေလျော့ခြင်းကို ပေးစွမ်းပါတယ်။

ခွေးကို အမွေးပွတ်သပ်ပေးပြီး နှိပ်နယ်ပေးပါက ဘီတာဦးနှောက်လှိုင်းများ ထုတ်လွှတ်ကာ အာရုံစူးစိုက်မှု ကောင်းစေပါတယ်။

စမ်းသပ်ခံသူအားလုံးဟာ အေရိုကို အစာကျွေးပြီး ပွေ့ဖက်ရတဲ့အခါ စိတ်အခြေအနေ ကောင်းမွန်တယ်လို့ ဆိုပါတယ်။

ခွေးတွေနဲ့အတူ အချို့သောလှုပ်ရှားပြုမူပုံတွေက စိတ်ပြေလျော့စေခြင်း၊ စိတ်ခံစားမှု တည်ငြိမ်စေခြင်း၊ အာရုံစူးစိုက်မှုကောင်းခြင်း၊ ဖန်တီးမှုကောင်းမွန်စေခြင်းတို့ ပေးနိုင်တယ်လို့ လေ့လာချက်မှာ တွေ့ရပါတယ်။

ခွေးတွေနဲ့အတူ ရှိနေခြင်းက လူတွေရဲ့ စိတ်ကျန်းမာရေးကို ကောင်းမွန်စေတယ်ဆိုတာ ဒါပထမဆုံး လေ့လာချက်မဟုတ်သလို အသက် ၄၅ နှစ်အထက် ခွေးပိုင်ရှင်တွေဟာ ဒီမန်ရှာရောဂါ ဖြစ်နိုင်ခြေ ၄၀ ရာခိုင်နှုန်း ပိုမိုလျော့နည်းတယ်လို့လည်း တွေ့ရှိထားပါတယ်။

#World_Science #အာရုံစူးစိုက်မှုကောင်းစေ #သိပ္ပံပညာရှင်များဆို #Source: New York Post

#World_Technology
Published 19 March 2024

လူလုပ်အသိဉာဏ်(AI)စနစ် အသုံးပြုကာ အသံပြဿနာရှိတဲ့သူတွေ စကားပြောနိုင်ရန် ကူညီပေးမယ့် ကပ်ခွာအသစ်တစ်မျိုးကို သုတေသီများ ဖန်တီးလိုက်ပါတယ်။

AI က လည်ချောင်းကြွက်သား လှုပ်ရှားမှုတွေကို ကြည့်ရှုကာ စကားအဖြစ်သို့ ပြောင်းလဲပေးမှာ ဖြစ်ပါတယ်။

ထိုကပ်ခွာလေးကို ကြွက်သားလှုပ်ရှားမှုဖြင့်သာ စွမ်းအင်ပေးထားတာ ဖြစ်တယ်လို့ အမေရိကန် အခြေစိုက်သုတေသီများက လေ့လာဖော်ပြခဲ့ပါတယ်။

အရေပြားကို ကပ်ပြီးနောက် လည်မျိုကြွက်သား လှုပ်ရှားမှုများကို လျှပ်စစ်အချက်ပြမှုအဖြစ် ပြောင်းလဲပေးပြီး AI အမျိုးအစားမှ ဖန်တီးတဲ့ စကားအဖြစ်သို့ ဘာသာပြန်ပေးပါတယ်။

ဒီနောက် အသုံးပြုသူပြောချင်တဲ့ စာသားတွေကို စပီကာကနေ အသံထွက်လာတာဖြစ်ပြီး လက်ရှိမှာတော့ ထည့်သွင်းပြီးသား စကားတွေကိုသာ ပြောနိုင်ပါသေးတယ်။

လူရဲ့အသံကြိုး မလိုအပ်တာကြောင့် အသံကြိုး ပျက်စီးထားတဲ့ လူတွေမှာလည်း ကပ်ခွာစက်ဖြင့် ပြောဆိုနိုင်မှာ ဖြစ်တယ်လို့ ကယ်လီဖိုးနီးယား တက္ကသိုလ်မှ ဦးဆောင်စာတမ်းပြုစုသူ ကျိယွမ်ချီက AFP သတင်းဌာနသို့ ပြောကြားခဲ့ပါတယ်။

ရေစိုခံကပ်ခွာလေးက အကြွေစေ့အရွယ်မျှသာရှိပြီး မျက်နှာပြင်က ရော်ဘာလက်အိတ်လို အထိအတွေ့ရှိပါတယ်။

သုတေသီတွေက အသံပြဿနာရှိသူ ၈ ဦးဖြင့် စမ်းသပ်ခဲ့ပါတယ်။

ကပ်ခွာက မတ်တပ်ရပ်ချိန်၊ လမ်းလျှောက်ချိန်၊ ပြေးနေချိန်တို့မှာလည်း အလုပ်လုပ်တာကို တွေ့ရှိခဲ့ပါတယ်။

စမ်းသပ်ခံသူတွေ ပြောချင်တဲ့စကားတွေကို ကပ်ခွာစက်လေးက ၉၅ ရာခိုင်နှုန်းနီးပါး မှန်ကန်စွာ ပြောပေးနိုင်ပါတယ်။

#World_Technology #စကားပြောနိုင်စေမည့်AIကပ်ခွာစက် #သိပ္ပံပညာရှင်များတီထွင် #Source: WION

ဒုတိယကမ္ဘာစစ်အတွင်း အမေရိကန်ကျဲခဲ့သည့်ဗုံးများကြောင့် လာအိုဒေသခံများယနေ့အထိ ထိတ်လန့်စိုးရိမ်နေရဆဲ

လာအိုနိုင်ငံမှာ အမေရိကန်တို ဗုံးကျဲစစ်ဆင်ရေး အများအပြား ပြုလုပ်ခဲ့ပြီးနောက် ဆယ်စုနှစ်တွေအကြာမှာ လာအိုနိုင်ငံက လူတွေဟာ ပြင်ပဒဏ်ရာများ၊ အတိတ်ဆိုးများနဲ့ ဆက်လက်ရင်ဆိုင်နေရဆဲ ဖြစ်ပါတယ်။
#World_History
Published_ 18 March 2024
#အမေရိကန်ကျဲခဲ့သည့်ဗုံး #လာအိုဒေသခံများယနေ့အထိထိတ်လန့်
#YMG_News #Yangon_Times #Yangon_Media_Group

#Daily_News
Published_ 18 March 2024

၁။ အချိန်အခါမဟုတ်မိုးရွာဦးမည်ဖြစ်၍ မိုးကြောင့် စိုက်ပျိုးသီးနှံမပျက်ရအောင်ဆောင်ရွက်ထားရန်လိုဟုဆို

၂။ တရုတ်အာလူးတွေ ကုန်အဝင်များနေသဖြင့်  ပြည်တွင်းအာလူးဈေးထိုးကျပြီး တောင်သူတွေအခက်တွေ့

၃။ မြတ်မော်တင်စွန်းစေတီတော်ပြုပြင်မှုမှာ ရာနှုန်းပြည့်နီးပါးပြီးစီး၊ သုံးထပ်ကျောင်းဆောင်နှင့် အာရုံခံတန်ဆောင်များ တည်ဆောက်ရန်ပါဝင်လှူဒါန်းနိုင်

၄။ ဒုတိယကမ္ဘာစစ်အတွင်း အမေရိကန်ကျဲခဲ့သည့်ဗုံးများကြောင့် လာအိုဒေသခံများ ယနေ့အထိထိတ်လန့်စိုးရိမ်နေရဆဲ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group