#World_Health
Published 22 March 2025

▪️ Autogene cevumeranလို့ အမည်ပေးထားတဲ့ လူတစ်ယောက်ရဲ့ မျိုးဗီဇကိုယ်ခံအားအလိုက် ထုတ်လုပ်တဲ့ ကာကွယ်ဆေးဟာ ပန်ကရိယကင်ဆာ ကုသရာမှာ စိတ်ချသေချာတဲ့ရလဒ် တွေ့ထားတယ်လို့ လေ့လာချက်အသစ်တစ်ခုမှာ ဖော်ပြထားပါတယ်။

▪️ mRNAနည်းပညာကို အသုံးပြုတဲ့ ကင်ဆာကာကွယ်ဆေးဖြစ်ပြီး ကိုယ်ခံအားစနစ်ကို လှုံ့ဆော်ပေးနိုင်ကာ ခွဲစိတ်ပြီးနောက်ပိုင်း ရောဂါပြန်ဖြစ်နိုင်ခြေကို လျှော့ချပေးနိုင်မယ့် အလားအလာ ရှိနေပါတယ်။

▪️ ကုသရေး ကင်ဆာကာကွယ်ရေးတွေက ကိုယ်ခံအားစနစ်ကို လှုံ့ဆော်ပေးပြီး ရှိနေတဲ့ကင်ဆာကို တိုက်ဖျက်ပေးကာ သာမန်ကာကွယ်ဆေးတွေနဲ့ မတူတာက ကင်ဆာဖြစ်ပြီးသားလူနာတွေကို ပေးရတာ ဖြစ်ပါတယ်။

▪️ ဒီကာကွယ်ဆေးတွေက အကျိတ်ပရိုတိန်းတွေကို ပစ်မှတ်ထားဖို့ Tဆဲလ်တွေကို လေ့ကျင့်ပေးကာ ကင်ဆာဆဲလ်တွေကို ကိုယ်ခံအားစနစ်ကနေ တုံ့ပြန်တိုက်ဖျက်ဖို့ လှုံ့ဆော်ပေးပါတယ်။

▪️ ပထမအဆင့် စမ်းသပ်ချက်မှာ လူနာ ၁၆ ဦးပါဝင်ခဲ့ပြီး အကျိတ်ကိုပစ်မှတ်ထားတဲ့ ကိုယ်ခံအားဆဲလ်တွေကို လှုံ့ဆော်ပေးနိုင်ခဲ့ပါတယ်။

▪️ ဒါ့အပြင် အဆိုပါ ကိုယ်ခံအားစနစ်ဆဲလ်တွေက အချို့လူနာတွေထဲမှာ ၄ နှစ်နီးပါးလောက် ကျန်ရှိနေတာကြောင့် ကင်ဆာပြန်ဖြစ်နိုင်ခြေ လျော့နည်းသွားကြောင်း တွေ့ရပါတယ်။

▪️ ပထမအဆင့် စမ်းသပ်မှုရလဒ်တွေက ကျေနပ်စရာကောင်းတယ်လို့ ပန်ကရိယကင်ဆာခွဲစိတ်ဆရာဝန် ဒေါက်တာ ဘာလာချန်ဒရန်က ပြောပါတယ်။

▪️ ပန်ကရိယကင်ဆာက အသက်ရှင်မှုနှုန်း အနည်းဆုံးကင်ဆာတွေထဲက တစ်ခုဖြစ်ပြီး လက်ရှိကုသနည်းတွေဖြစ်တဲ့ ဓာတုကုထုံး၊ ဓာတ်ရောင်ခြည်တို့က ထိရောက်မှုအပိုင်းမှာ အကန့်အသတ်ရှိတာကြောင့် ကုထုံးအသစ်တွေ အားချင်းလိုအပ်လာပါတယ်။

▪️ ယခု autogene cevumeranကာကွယ်ဆေးက လူနာတစ်ဦးချင်းရဲ့ အကျိတ်တွေထဲမှာ ဗီဇပြောင်းလဲမှုများကို အခြေခံပြီး ဖန်တီးထားတာ ဖြစ်ပါတယ်။

▪️ စမ်းသပ်မှု ဒုတိယအဆင့်မှာတော့ လူနာအများအပြားမှာ autogene cevumeranရဲ့ ထိရောက်ဘေးကင်းမှုကို စမ်းသပ်လေ့လာသွားမှာဖြစ်ပါတယ်။

#Source: India Today

ဂျာမနီစက်မှုလုပ်ငန်းကြီးဖြစ်တဲ့ Siemensက ကမ္ဘာတဝှမ်းမှ လုပ်သားအင်အား ၂ ရာခိုင်နှုန်းခန့်ရှိတဲ့ အလုပ်အကိုင်ပေါင်း ၆ ထောင်ကျော် လျှော့ချသွားမယ့် အစီအစဉ်ကို အင်္ဂါနေ့က ကြေညာသွားပါတယ်။
#World_Business
Published 21 March 2025
#ဂျာမနီစက်မှုလုပ်ငန်းကြီး #ကမ္ဘာတဝှမ်းမှ လုပ်သားအင်အားလျှော့ချ
#YMG #Yangon_Times #Yangon_Media_Group

#Daily_News

Published 21 March 2025

၁။ ရက်ပိုင်းအတွင်း ရွှေဈေးကျပ်တစ်သိန်းအထိ မြင့်တက်

၂။ မသန်စွမ်းသူများအတွက်စီးပွားရေးချေးငွေများကို ထုတ်ချေးပေးသွားမည်

၃။ ခေါ်စာအသစ်တင်ခြင်းကို စာချုပ်လုပ်သား အားလုံးစေလွှတ်ပြီးမှသာ ဆောင်ရွက်နိုင်မည်

၄။ ဂျာမနီစက်မှုလုပ်ငန်းကြီး Siemens ကမ္ဘာတဝှမ်းမှလုပ်သားအင်အား(၆)ထောင်ခန့် လျှော့ချသွားရန်ကြေညာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 21 March 2025

▪️ ယနေ့နေ့လည်ပိုင်းက လမ်းမတော်မြို့နယ် ၅ ရပ်ကွက်ဘုန်းကြီးလမ်းအလယ် ဘလောက်တွင်တိုက်ခန်းမီးလောင်မှုဖြစ်ပွားခဲ့ကြောင်း သိရသည်။

▪️ ၂၁.၃.၂၀၂၅ ရက်၊ နေ့လည် ၁၁နာရီ ၂၄ မိနစ် အချိန်ခန့်က ရန်ကုန်တိုင်းဒေသကြီး၊ လမ်းမတော်မြို့နယ်၊ (၅)ရပ်ကွက်၊ ဘုန်းကြီးလမ်းအလယ်ဘလောက်တွင် မီးလောင်မှုဖြစ်ပွားကြောင်း သတင်းရရှိသဖြင့် ကျောက်တံတားမြို့နယ်မီးသတ်စခန်းမှ မီးသတ်ယာဉ်(၃)စီးနှင့် အလုံမြို့နယ်မီးသတ်စခန်းမှ မီးသတ်ယာဉ်(၂)စီးတို့ဖြင့် ထွက်ခွာငြှိမ်းသတ်ခဲ့ပြီး ၁၁နာရီ ၄၅ မိနစ် အချိန်က မီးငြိမ်းခဲ့ကြောင်း သိရသည်။

▪️ အဆိုပါ မီးလောင်မှုဖြစ်ပွားရာသို့အနာဂတ်အလင်းတန်းပရဟိတအသင်းမှ NO.3မီးသတ်အထောက်အကူပြုယာဉ်တစ်စီးနှင့် စေတနာ့ဝန်ထမ်း(၆)ဦးထွက်ခွါ၍ နယ်မြေခံမီးသတ်တပ်ဖွဲ့ဝင်များ၊ပရဟိတအသင်းအဖွဲ့ဝင်များ၊သက်ဆိုင်အဖွဲ့အစည်းများနှင့်အတူ မီးငြိမ်းသတ်ခြင်းလုပ်ငန်းများအားပူးပေါင်းကူညီဆောင်ရွက်ပေးခဲ့ကြောင်း သိရသည်။

#YMG/SW #Yangon_Times

စက်သုံးဆီ ရည်ညွှန်းဈေးနှုန်းတွေကတော့ ရန်ကုန်ဈေးကွက်ထဲမှာ အမျိုးအစားအားလုံး ဈေးဆက်လက်ကျဆင်းနေပြီး သုံးပတ်တာအတွင်း တစ်လီတာကို ကျပ်၂၅၀ ကျော် အထိကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက သိရပါတယ်။
#Local_News
Published 21 March 2025
#စက်သုံးဆီဈေးနှုန်းဆက်တိုက်ကျ  #သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
#YMG/NN #Yangon_Times

ပြည်တွင်းမှ လုပ်သားများကို ပြည်ပသို့စေလွှတ်ဖို့အတွက် ခေါ်စာအသစ် တင်ခြင်းကို လက်ရှိစာချုပ်လုပ်သား အားလုံးစေလွှတ်ပြီးမှသာ ခွင့်ပြုသွားမှာဖြစ်တယ်လို့ မြန်မာနိုင်ငံ ပြည်ပအလုပ်အကိုင် ဝန်ဆောင်မှုလုပ်ငန်းရှင်များအသင်း(MOEAA)က ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီတွေကို အကြောင်းကြားစာပေးပိုထားပါတယ်။
#Local_News
Published 21 March 2025
#MOEAA #ခေါ်စာအသစ်တင်ခြင်း
#YMG/SW #Yangon_Times

လုပ်ငန်းစတင် ထူထောင်လိုတဲ့ မသန်စွမ်းသူ‌တွေအတွက် စီးပွားရေးချေးငွေ‌တွေကို ထုတ်ချေးပေးသွားမယ်လို့ ‌ရွှေမင်းသားဖောင်ဒေးရှင်း(မြန်မာ)မှ သိရပါတယ်။
#Local_News
Published 21 March 2025
#မသန်စွမ်းသူများ #ရွှေမင်းသားဖောင်ဒေးရှင်း
#YMG/SW #Yangon_Times

ကမ္ဘာ့ရွှေစံချိန်တင်မြင့်တက်နေတာကြောင့် ငါးရက်တာအတွင်း ရွှေ  ရည်ညွှန်းဈေး တစ်ကျပ်သားကို ကျပ်တစ်သိန်း အထိမြင့်တက်လာတယ်လို့  ‌ရန်ကုန်တိုင်းဒေသကြီး ရွှေလုပ်ငန်းရှင်များအသင်းက သိရပါတယ်။
#Local_News
Published 21 March 2025
#ရွှေဈေးကျပ်တစ်သိန်းအထိမြင့်တက် #ရွှေလုပ်ငန်းရှင်များအသင်း
#YMG/NN #Yangon_Times

#Local_News
Published 21 March 2025

▪️ ရန်ကုန် - မန္တလေးအမြန်လမ်းမကြီးတွင် ဖြစ်ပွားခဲ့သည့် ယာဉ်မတော်တဆမှုအများစုမှာယာဉ်မောင်းမကျွမ်းကျင်မှုနှင့် မဆင်မခြင်အရှိန်ပြင်း မောင်းနှင်မှုများကြောင့် သာဖြစ်ကြောင်း အမြန်လမ်းရဲတပ်ဖွဲ့မှ သိရသည်။

▪️ အဆိုပါ အမြန်လမ်းမကြီးတွင် ယခုနှစ် ဇန်နဝါရီနှင့် ဖေဖော်ဝါရီလ နှစ်လအတွင်းအတွင်း ယာဉ်မတော်တဆမှု (၂၆) မှု ဖြစ်ပွားခဲ့ကာယာဉ်မတော်တဆမှုကြောင့် စုစုပေါင်း (၁၁) ဦး ‌ေ-သဆုံးကာ (၆၆) ဦး ဒဏ်ရာရရှိခဲ့ကြောင်း သိရသည်။

▪️ ယင်း ယာဉ်မတော်တဆမှုများသည် ယာဉ်မောင်းမကျွမ်းကျင်မှုနှင့် မဆင်မခြင်အရှိန်ပြင်း မောင်းနှင်မှုများကြောင့် သာဖြစ်ကြောင်း သိရသည်။

▪️ ထို့အပြင် အမြန်လမ်းမကြီးရဲတပ်ဖွဲ့အနေဖြင့် ရန်ကုန်-မန္တလေး အမြန်လမ်းမကြီး တလျှောက် ယာဉ်အန္တရာယ်၊ လမ်းအန္တရာယ် ကင်းရှင်းစေရန် သတ်မှတ်အရှိန်နှုန်းထက် ကျော်လွန်မောင်းနှင်သော မော်တော်ယာဉ်များအား အရှိန်နှုန်း တိုင်းတာစက်များဖြင့် တိုင်းတာစစ်ဆေးပြီးအရေးယူခြင်းများကို အလေး ထားဆောင်ရွက်ရှိကြောင်း သိရသည်။

#YMG/NN #Yangon_Times

#Local_News
Published 21 March 2025

▪️ ရခိုင်ပြည်နယ်၏ မြို့တော်စစ်တွေတွင် အတာသင်္ကြန်ပွဲတော်ကို ရခိုင်ရိုးရာ စည်ကားသိုက်မြိုက်ပျော်ရွှင်အောင် ကျင်းပဆောင်ရွက်သွားမည်ဖြစ်ကြောင်း ရခိုင်ပြည်နယ်အစိုးရအဖွဲ့ရုံးအစည်းအဝေးခန်းမ၌ ကျင်းပသော မြန်မာသက္ကရာဇ် ၁၃၈၆ ခုနှစ်၊ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ကျင်းပနိုင်ရေးလုပ်ငန်း ညှိနှိုင်းအစည်းအဝေးမှ သိရသည်။

▪️ အတာသင်္ကြန်ပွဲတော်ကို စည်ကားစွာကျင်းပသွားမည့်အပြင် ရခိုင်ရိုးရာ စဉ်လာမပျက် နံ့သာသွေးပွဲ၊ ဘုရားရေသပ္ပါယ်ပွဲ၊ သက်ကြီး ပူဇော်ပွဲနှင့် အန္တရာယ်ကင်းပရိတ်တရားနာယူပွဲများလည်း ကျင်းပသွားမည်ဖြစ်ကြောင်း ရခိုင်ပြည်နယ်ဝန်ကြီးချုပ် ဦးထိန်လင်းက ပြောကြားသည်။

▪️ နှစ်သစ်ကူး အတာသင်္ကြန်ပွဲတော်ကို ဧပြီလ ၁၃ ရက်နေ့၊ အကြိုနေ့မှ ဧပြီလ ၁၆ ရက်နေ့၊ သင်္ကြန်အတက်နေ့အထိ ကျင်းပသွားမည်ဖြစ်ပြီး နေပြည်တော်၊ အခြားတိုင်းဒေသကြီးနှင့် ပြည်နယ်အသီးသီးတွင်လည်း စည်ကားသိုက်မြိုက်စွာကျင်းပ ရန် ဆောင်ရွက်လျက်ရှိကြောင်း၊ ၂၀၂၄ ခုနှစ်တွင် ပါရာဂွေးနိုင်ငံ၌ ကျင်းပခဲ့သည့်(၁၉)ကြိမ်မြောက် ကမ္ဘာ့ဒြပ်မဲ့ယဉ်ကျေးမှု အမွေအနှစ် ညီလာခံတွင်လည်း မြန်မာနိုင်ငံမှ မြန်မာ့ရိုးရာနှစ်သစ်ကူး အတာ သင်္ကြန်ပွဲတော်သည် ယူနစ်စကို၏ လူသားမျိုးနွယ်ဆိုင်ရာ ဒြပ်မဲ့ယဉ်ကျေးမှုအမွေအနှစ်စာရင်းတွင် ပါဝင်ခွင့်ရရှိခဲ့ရာ မြန်မာ့ရိုးရာမဟာသင်္ကြန်ပွဲတော်ကို တစ်နိုင်ငံလုံးအတိုင်းတာဖြင့် စည်ကားသိုက်မြိုက်စွာ ကျင်းပမည်ဖြစ်သည့်အတွက် ရခိုင်ပြည်နယ်တွင်လည်း ယခင်နှစ်များနည်းတူ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။

#YMG/SW #Yangon_Times

#World_Health
Published 21 March 2025

▪️ မကြာခဏ လိင်မှုပြုတဲ့ ယောက်ျားတွေဟာ နှလုံးရောဂါပြဿနာများမှ ခံစားရနိုင်ခြေ ပိုနည်းတယ်လို့ သိပ္ပံပညာရှင်များ ပြောလာပါတယ်။

▪️ တစ်နှစ်ကို ၁၀၃ ကြိမ်ခန့် လိင်မှုပြုလုပ်ခြင်းဖြင့် နှလုံးကျန်းမာရေးအတွက် အထိရောက်ဆုံး ကာကွယ်မှုပေးနိုင်တယ်လို့ ဆိုကြပါတယ်။

▪️ ဒါဟာ တစ်ပတ်ကို ၂ ကြိမ်ခန့် ပြုလုပ်တဲ့သဘောဖြစ်ပါတယ်။
ဒါကိုမှ များတယ်ထင်နေရင်လည်း သိပ်စိတ်ပူစရာမရှိဘဲ တစ်နှစ်ကို ၅၂ ကြိမ်မျှ ပြုလုပ်ရင်တောင် အကျိုးကျေးဇူးသိသာတယ်လို့ ယမန်နှစ်ဒီဇင်ဘာလက ဖော်ပြထားပါတယ်။

▪️ နှလုံးရောဂါ ကာကွယ်နိုင်ဖို့အတွက် အနည်းဆုံးသတ်မှတ်ချက်က တစ်ပတ်ကို တစ်ကြိမ်ဖြစ်ပါတယ်။

▪️ လိင်မှုကိစ္စပြုလုပ်တာဟာ နှလုံးခုန်နှုန်းနဲ့ သွေးလည်ပတ်မှုတို့ကို မြှင့်တင်ပေးတဲ့ လေ့ကျင့်ခန်းတစ်မျိုးဖြစ်ပါတယ်။

▪️ နှလုံးရောဂါဖြစ်စေနိုင်မယ့် ဖိစီးမှုပမာဏကို လျှော့ချပေးပါတယ်။

▪️ မကြာခဏ လိင်မှုပြုခြင်းက စိတ်ခံစားချက် ဆက်သွယ်လာစေပြီး စိုးရိမ်ပူပန်မှုကို လျော့ကျစေသဖြင့် နှလုံးကျန်းမာရေးကို သွယ်ဝိုက်စွာ ထောက်ကူပေးပါတယ်။

▪️ အမျိုးသားတွေဟာ သွေးပေါင်ချိန်၊ ကိုလက်စ်ထရောလ်၊ နေထိုင်စားသောက်မှုပုံစံများကြောင့် အမျိုးသမီးတွေထက် နှလုံးရောဂါ ပိုမိုစောစီးစွာ ဖြစ်နိုင်တယ်လို့ ဒေါက်တာ လောရန့်စ်ကန်နင်ဂမ်က ပြောပါတယ်။

▪️ ဒါပေမဲ့လည်း လိင်ကိစ္စကို အများကြီးလုပ်ဖို့ ဆိုလိုတာမဟုတ်ပါဘူး။
တစ်နှစ်ကို ၁၂ ကြိမ်အောက် ဒါမှမဟုတ် တစ်နေ့ကို တစ်ကြိမ်ထက်ပိုလုပ်တာမျိုးကတော့ နှလုံးကျန်းမာရေးကို ထိခိုက်နိုင်ပါတယ်။

▪️ ဒါဟာ လှုပ်ရှားလေ့ကျင့်ခန်းကို အလွန်အကျွံပြုလုပ်တဲ့အခါ အကျိုးကျေးဇူးလျော့သွားသလိုမျိုး လိင်မှုကိစ္စ လွန်ကျူးရင်လည်း နှလုံးကျန်းမာရေးကို ဘေးဖြစ်စေနိုင်ပါတယ်။

#Source: Metro

#World_Health
Published 21 March 2025

▪️ ကိုယ်ဝန်ဆောင်ချိန် အစောပိုင်းကာလအတွင်း ဖောလစ်အက်ဆစ်ဖြည့်စွက်အားဆေး အသုံးပြုပါက မွေးလာတဲ့ကလေး အသက် ၆ နှစ်အရွယ်ရောက်တဲ့အခါ အပြောအဆိုနဲ့ အပြုအမူပိုင်းစွမ်းရည် သိသိသာသာ တိုးတက်စေနိုင်တယ်လို့ သုတေသနတစ်ခုမှာ ယူဆထားပါတယ်။

▪️ လေ့လာချက်အရ ကိုယ်ဝန်အစောပိုင်းကာလမှာ ဖောလစ်အက်ဆစ် အသုံးပြုခြင်းနဲ့ ကလေးတွေမှာ ဦးနှောက်ကျန်းမာရေးရလဒ်တို့ကြား အပြုသဘောဆောင်တဲ့ ဆက်စပ်မှုကို တွေ့လာပြီး ပမာဏမြင့်မားရင်တောင် ဆိုးကျိုးတွေ့ရတဲ့ အထောက်အထား မရှိဘူးလို့ စတန်းဖို့ဒ်တက္ကသိုလ်မှ အာရုံကြောပရော်ဖက်ဆာ ဒေါက်တာ ကင်မ်ဖို့ဒ်မီဒေါက ပြောပါတယ်။

▪️ ဖောလစ်အက်ဆစ်ဆိုတာက ဗိုက်တာမင်-ဘီတစ်မျိုး ဖြစ်ပြီး အစိမ်းရောင်အရွက်များ၊ ကြက်ဥများ၊ ပန်းဂေါ်ဖီစိမ်း၊ အချဉ်သီးတို့မှာ ပါဝင်ပြီး လူတိုင်းအတွက် အရေးပါသလို အထူးသဖြင့် ကိုယ်ဝန်ဆောင်များနဲ့ ကိုယ်ဝန်ရလိုသူများအတွက် အရေးကြီးပါတယ်။

▪️ လက်ရှိမှာ ကိုယ်ဝန်ဆောင်အမျိုးသမီး အများစုအတွက် နေ့စဉ်လိုအပ်တဲ့ ဖောလစ်အက်ဆစ်ပမာဏက ၀.၄ မီလီဂရမ်ဖြစ်ပါတယ်။

▪️ ဝက်ရူးပြန်ရောဂါရှိတဲ့ မိခင်တွေကနေမွေးတဲ့ ကလေး ၂၆၂ ဦးနဲ့ သာမန်မိခင်တွေကနေမွေးတဲ့ ကလေး ၈၃ ဦးတို့ကို စောင့်ကြည့်လေ့လာခဲ့ကြပါတယ်။

▪️ ကိုယ်ဝန်ဆောင်ကာလ ပထမ ၁၂ ပတ်အတွင်း မိခင်တွေကို အဖွဲ့ခွဲပြီး ဖောလစ်အက်ဆစ် ပမာဏအမျိုးမျိုး အသုံးပြုစေပြီး လေ့လာခဲ့ပါတယ်။

▪️ ကလေးတွေကို အပြောအဆိုစွမ်းရည်များ စမ်းသပ်မှုပြုလုပ်သလို မိဘတွေကိုလည်း ကလေးတွေရဲ့ လူမှုပေါင်းသင်းရေး၊ ဆက်ဆံရေး၊ နေ့စဉ်နေထိုင်မှုစွမ်းရည်တို့ကို မေးမြန်းခဲ့ပါတယ်။

▪️ ဖောလစ်အက်ဆစ် အသုံးပြုတဲ့မိခင်တွေရဲ့ ကလေးတွေက ပျမ်းမျှအားဖြင့် IQ ၁၀၈ မှတ်ရရှိပြီး ဖြည့်စွက်အားဆေး အသုံးမပြုတဲ့ မိခင်တွေရဲ့ ကလေးတွေကတော့ ၉၆ မှတ်သာ ရှိပါတယ်။

▪️ ဖောလစ်အက်ဆစ်ကို ပမာဏအနည်းငယ် အသုံးပြုတဲ့မိခင်တွေရဲ့ ကလေးတွေကတော့ ၁၁၀ မှတ်ဝန်းကျင်ရရှိပြီး ပမာဏမြင့်မားသူတွေကတော့ ၁၀၈ မှတ်ခန့်ရှိကာ နှစ်ဖွဲ့စလုံးက သာမန်အမှတ် ၁၀၃ ထက် ပိုများနေပါတယ်။

▪️ ဒါကြောင့် ကိုယ်ဝန်ဆောင်အစောပိုင်းမှာ ဖောလစ်အက်ဆစ် ပမာဏများများ အသုံးပြုပါက ကလေးဦးနှောက်ကျန်းမာရေးကို အကျိုးပြုဆဲဖြစ်တယ်လို့ မီဒေါက ပြောသွားပါတယ်။

#Source: New York Post