Published 20 March 2024

အာဆီယံ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးကွန်ရက်ဆု ရွေးချယ်ရေးအတွက် အလုပ်သမားဝန်ကြီးဌာန အလုပ်ရုံနှင့်အလုပ်သမားဥပဒေစစ်ဆေးရေးဦးဌာန မှ တာဝန်ရှိသူများက စက်ရုံ အလုပ်ရုံ များ ကို ကွင်းဆင်းစစ်ဆေးခဲ့ကြောင်း အဆိုပါဦးစီးဌာန၏သတင်း ထုတ်ပြန်ချက်အရသိရသည်။

လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးဆိုင်ရာ ကိစ္စရပ်များကို အလေးအနက်ထား အကောင်အထည်ဖော် ဆောင်ရွက်နေသည့် လုပ်ငန်းရှင်များအား အသိအမှတ်ပြုသည့်အနေဖြင့် အာဆီယံ လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးကွန်ရက် (ASEAN-OSHNET) မှ ချီးမြှင့်သည့် အာဆီယံ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးကွန်ရက် ထူးခြားစွမ်းဆောင်ဆု (ASEAN-OSHNET Excellence Award)၊ ကောင်းမွန်သည့် အလေ့အထကျင့်စဉ် စွမ်းဆောင်ဆု (ASEAN-OSHNET Best Practice Award) များကို မြန်မာနိုင်ငံမှ လုပ်ငန်းရှင်များ ရရှိစေရေး အလုပ်သမားဝန်ကြီးဌာန၊ အလုပ်ရုံနှင့် အလုပ်သမား ဥပဒေစစ်ဆေးရေးဦးစီးဌာနမှ ASEAN-OSHNET ၏ သတ်မှတ်ချက်များနှင့်အညီ ၂ နှစ် တစ်ကြိမ် ရွေးချယ်ပေးလျက်ရှိကြောင်းသိရသည်။

ထို့ကြောင့် ၂၀၂၄ ခုနှစ်၊ ဖေဖော်ဝါရီလတွင် အာဆီယံ လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးကွန်ရက်ဆုနှင့် ပတ်သက်သည့် ရှင်းလင်းဆွေးနွေးပွဲများ ကျင်းပပြုလုပ်ခဲ့ခြင်း၊ ဆုလျှောက်လွှာထုတ်ယူခြင်းနှင့် တင်သွင်းခြင်း လုပ်ငန်းများဆောင်ရွက်ခဲ့ရာ ASEAN-OSHNET Excellence ဆုအတွက် စက်ရုံ (၁၁) ရုံ၊ ASEAN-OSHNET Best Practices ဆုအတွက် စက်ရုံ (၉) ရုံ လျှောက်လွှာတင်သွင်းခဲ့ကြောင်းသိရသည်။

ဆုရွေးချယ်ရေး ကော်မတီမှ လုပ်ငန်းညှိနှိုင်းအစည်းအဝေး ကျင်းပ၍ စက်ရုံများအား ကနဦး ရွေးချယ်ခဲ့ရာ ASEAN-OSHNET Excellence Award ဆုအတွက် စက်ရုံ (၁၀) ရုံ၊ ASEAN-OSHNET Best Practice Award ဆုအတွက် စက်ရုံ (၆) ရုံမှ ပဏာမအဆင့်အောင်မြင်ခဲ့ကြောင်း သိရသည်။

ပဏာမအဆင့် အောင်မြင်ခဲ့သည့်စက်ရုံများအား အလုပ်ရုံနှင့် အလုပ်သမားဥပဒေစစ်ဆေး ရေးဦးစီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာန၊ လုပ်ငန်းခွင်နှင့် ပတ်ဝန်းကျင်ဌာနခွဲ၊ ပြင်ပကျွမ်းကျင်ပညာရှင်၊ ပြည်သူ့ကျန်းမာရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနရှိ ကိုယ်စားလှယ်များ ပါဝင်သည့် ASEAN-OSHNET ဆုရွေးချယ်ရေးကော်မတီက ကွင်းဆင်းစစ်ဆေး ၍ ရွေးချယ်မည်ဖြစ်ရာ မတ်လ ၁၈ ရက်က ရန်ကုန်တိုင်းဒေသကြီး၊ မင်္ဂလာဒုံမြို့နယ်ရှိ Myanmar Brewery Limited စက်ရုံ (Excellence)၊ Dento MEC သွားတိုက်တံ နှင့် သွားတိုက်ဆေး စက်ရုံ (Best Practices)၊ OJI GS Packaging Co., Ltd (Best Practices) များသို့ ကွင်းဆင်း စစ်ဆေးခြင်းများ ဆောင်ရွက်ခဲ့ကြောင်း သိရသည်။
Yangon Times/LW
#Local_News
#Published_ 20 March 2024
#YMG_News #Yangon_Times #Yangon_Media_Group

Published_ 20 March 2024

ငွေအရင်းအနှီးလိုအပ်သည့် ဆီစက်ပိုင်ရှင်များကို အတိုးနှုန်းသက်သာစွာဖြင့်ချေးငွေများ ချေးပေးမည်ဖြစ်၍ဆီစက်ချေးငွေ အဆိုပြုလွှာများလျှောက်ထားနိုင်ကြောင်း သိရသည်။

လုပ်ငန်းသုံးလှည့်ပတ် ရင်းနှီးငွေအနည်းဆုံးကျပ် သိန်း ၁၀၀ မှ အများဆုံး ကျပ် သိန်း ၃၀၀၀ အထိချေးနိုင်ပြီး ချေးငွေဆပ်ရမည့်သက်တမ်းတစ်နှစ် သတ်မှတ်ထားသည်။

မတည်ရင်းနှီးငွေအနည်းဆုံး ကျပ်  သိန်း ၂၀၀ မှ အများဆုံး ကျပ် သိန်း ၃၀၀၀ အထိချေးနိုင်ပြီး ချေးငွေသက်တမ်း(၃)နှစ်(၃)ရစ်ဆပ်ရမည်ဖြစ်ကာ အတိုးနှုန်းတစ်နှစ်လျှင်(၅%)သတ်မှတ်ထားသည်ုဆိုသည်။

ဆီစက်လုပ်ငန်းများ ဖွံ့ဖြိုးရေးချေးငွေကို အောက်ပါအချက်များနှင့် ညီညွတ်ပါက လျှောက်ထားနိုင်သည် ။

(က) လက်ရှိ လုပ်ငန်းလည်ပတ်လုပ်ကိုင်နေသော ဆီစက် ဖြစ်ရမည်၊

(ခ) လုပ်ငန်းအမည်ပေါက် လိုင်စင် (သက်တမ်းရှိ)ရရှိရမည်၊

(ဂ) ချေးငွေအတွက် အာမခံအဖြစ် အမည်ပေါက်ပိုင်ဆိုင် သော မရွှေ့မပြောင်းနိုင်သည့်ပစ္စည်းများ၊ လယ်ယာ မြေလုပ်ပိုင်ခွင့်လက်မှတ် ပုံစံ(၇) ပေးအပ်နိုင်ရမည်၊

(ဃ) နိုင်ငံပိုင်ဘဏ်များနှင့် ပုဂ္ဂလိကဘဏ်များတွင် လက်ရှိ ချေးငွေရယူထားသူများအနေဖြင့် ဆီစက်ဖွံ့ဖြိုးရေး ချေးငွေရယူလိုပါက သီးခြားအာမခံ တင်သွင်းနိုင်မှသာ လျှောက်ထားနိုင်ပါသည်၊

(င) FDA လက်မှတ်ရရှိပြီးသူ၊ အသေးစားစက်မှုလုပ်ငန်း မှတ်ပုံတင်လက်မှတ်ရရှိပြီးသူ၊ သက်ဆိုင်ရာဒေသရှိဆီစက်ပိုင်ရှင်များအသင်း၊ ဆီကုန်သည်နှင့် ဆီစက် လုပ်ငန်းရှင်များအသင်းဝင် ဆီစက်လုပ်ငန်းရှင်များ အား ဦးစားပေးစဉ်းစားမည်ဖြစ်သည်ဟုထုတ်ပြန်ချက်တွင်ဖော်ပြထားသည်။

အဆိုပါချေးငွေများကို နိုင်ငံ့စီးပွားမြှင့်တင်ရေးရန်ပုံငွေမှ မတည်ထူထောင်ထားသည့် ဆီစက်လုပ်ငန်းများ ဖွံ့ဖြိုးရေးချေးငွေရန်ပုံငွေမှပေးခြင်းဖြစ်ပြီး ဆီစက်ချေးငွေ အဆိုပြုလွှာပုံစံများကို စီမံကိန်းနှင့်ဘဏ္ဍာရေးဝန်ကြီးဌာန website www. mopf.gov.mm ၊ စက်မှုကြီးကြပ်ရေးနှင့် စစ်ဆေးရေးဦးစီးဌာန website https://msmewebportal.gov.mm/ ၊ မြန်မာဆီစက်ပိုင်ရှင်များအသင်း website http://www.meoma.org ၊ မြန်မာနိုင်ငံ ဆီကုန်သည်နှင့် ဆီစက်လုပ်ငန်းရှင်များအသင်း website http://meoda.myanmarwebtraining.com ၊ MEB website www.meb.gov.mm ၊ MADB website www.madb.gov.mm တို့တွင် download ရယူနိုင်ကြောင်းသိရသည်။

ဆီစက်လုပ်ငန်းများဖွံ့ဖြိုးရေးချေးငွေ လျှောက်ထားရယူလိုသော ဆီစက်လုပ်ငန်းရှင်များသည် အောက်ပါ ရုံး၊ ဌာန၊ ဘဏ်ခွဲများတွင် ချေးငွေအဆိုပြုလွှာများရယူ၍ လျှောက်ထားနိုင်ပါသည် -
ပြည်ထောင်စုနယ်မြေ နေပြည်တော်၊ တိုင်းဒေသကြီး/ပြည်နယ်ရှိ ဆီစက်ပိုင်ရှင်များ အသင်းရုံးများအားလုံး၊ ဆီကုန်သည်နှင့် ဆီလုပ်ငန်းရှင်များအသင်း ရုံးများအားလုံး၊ စက်မှုကြီးကြပ်ရေးနှင့် စစ်ဆေးရေးဦးစီးဌာန ရုံးခွဲများအားလုံး၊ မြန်မာ့ စီးပွားရေးဘဏ်ခွဲများအားလုံး၊မြန်မာ့လယ်ယာ ဖွံ့ဖြိုးရေးဘဏ်ခွဲများအားလုံး၌လျှောက်ထားနိုင် ကြောင်း သိရသည်။
Yangon Times/tthl
#Local_News
#Published_ 20 March 2024
#YMG_News #Yangon_Times #Yangon_Media_Group

Published_ 20 March 2024

ရန်ကုန်မြို့၊ တက္ကသိုလ်ရိပ်သာလမ်းရှိ နေအိမ်ခြံအမှတ် (၅၄) ကို မတ်လ ၂၀ ရက်၊ မနက်ပိုင်းက လေလံတင်ရောင်းချခဲ့ရာ ဝယ်ယူမည့်သူမရှိခဲ့ကြောင်း ကမာရွတ်ခရိုင် တရားရုံးမှ အရာရှိထံမှသိရသည်။

မတ်လ ၂၀ ရက်၊ မနက်ပိုင်းကလေလံတင်ရောင်းချစဉ် ခြံအမှတ် ၅၄ ကို လေလံတင်ရောင်းချဖို့ သုံးကြိမ် သုံးခါ မေးမြန်းခဲ့ပေမယ့် ဝယ်ယူမယ့်သူ မရှိခဲ့ဘူးလို့ ကမာရွတ်ခရိုင်တရားရုံးမှအရာရှိက လာရောက်သတင်းယူသည့် ပြည်တွင်းပြည်ပမီဒီယာများကိုဖြေကြားခဲ့သည်ဟုဆိုသည်။

 ခြံအမှတ် ၅၄ ကို ကျပ်သိန်းပေါင်း ၃ သန်း ၁ သိန်း ၅ သောင်း (ကျပ် ၃၁၅ ဘီလီယံ) နှင့်လေလံကြမ်းခင်းဈေး သတ်မှတ်ပြီး နေအိမ်ရှေ့မှာပဲ လေလံတင်ရောင်းချမှုပြုလုပ်ဖို့ ကမာရွတ်ခရိုင် တရားရုံးက ဇန်နဝါရီ ၂၅ ရက်မှာ အမိန့်ချမှတ် ထားသည်။

 ပထမအကြိမ် လေလံတင် ရောင်းချတာ အောင်မြင်မှု မရှိသည့်အတွက် နောက်တစ်လအတွင်း လေလံတင်ရောင်းချမှုကို ဆက်လက်လုပ် ဆောင်ရွက်သွားရန် ရှိနေကြောင်း  သိရသည်။

ခြံအမှတ် ၅၄ နေအိမ်နှင့် ခြံကွက် အမွေမှုနှင့်ပတ်သက်၍ ခြံထဲမှ နှစ်ထပ်တိုက်ပါဝင်သည့် အနောက်ဘက်အခြမ်းကို ဒေါ်အောင်ဆန်းစုကြည် ရယူဖို့နှင့် တစ်ထပ်တိုက်ပါဝင်သည့် အရှေ့ဘက်ခြမ်းကို သားအကြီးဖြစ်သူ ဦးအောင်ဆန်းဦး ဘက်ကရယူရန်၂၀၁၆ ခုနှစ်မှာ ရန်ကုန်အနောက်ပိုင်းခရိုင်တရားရုံးက အမိန့်ချမှတ်ထားခဲ့ခြင်းဖြစ်သည်။

ယင်းဆုံးဖြတ်ချက်နှင့်ပတ်သက်ပြီးဦးအောင်ဆန်းဦး ကျေနပ်မမှုမရှိ၍ နေအိမ်ကို ရောင်းချပြီး ရရှိငွေကို တစ်ဝက်စီခွဲဝေဖို့ ပြည်ထောင်စု တရားလွှတ်တော်ချုပ်ကို ထပ်မံလျှောက်ထား တောင်းဆိုခဲ့ခြင်းဖြစ်ကြောင်း သိရသည်။
Yangon Times/tthl
#Local_News
#Published_ 20 March 2024
#YMG_News #Yangon_Times #Yangon_Media_Group

Published_ 20 March 2024

သင်္ကြန်နှစ်သစ်ကူး ရုံးပိတ်ရက်များဖြစ်သည့် ဧပြီလ(၁၃)ရက်မှ(၂၁)ရက်အတွင်း  မြန်မာနိုင်ငံရင်းနှီးမြှုပ်နှံ မှုကော်မရှင်၏ ခွင့်ပြုချက်ရယူခြင်းမရှိသည့် ကုမ္ပဏီများမှနိုင်ငံခြားသားများ၏ Business Visaသက်တမ်းမတိုးနိုင်သေးကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှထုတ်ပြန်လိုက်သည်။

ရုံးပိတ်ရက်ကာလအတွင်း Online Recommendation Letter for Visa Extension WebpageအားSystem Maintenance ပြုလုပ်မည်ဖြစ်၍ Visa သက်တမ်းမတိုးနိုင်သေးခြင်းဖြစ်သည်ဟုဆိုသည်။

ထုတ်ပြန်ချက်တွင် ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာန အနေဖြင့် Myanmar Companies Online (MyCO) တွင် ဖွဲ့စည်းထားသည့် ကုမ္ပဏီများအနက် မြန်မာနိုင်ငံရင်းနှီးမြှုပ်နှံ မှုကော်မရှင်၏ ခွင့်ပြုချက်ရယူခြင်းမရှိသည့် ကုမ္ပဏီများမှ နိုင်ငံခြားသားများ၏ Business Visa အမျိုးအစားအား ဗီဇာ သက်တမ်းတိုးနိုင်ရေးအတွက် အသုံးပြုလျက်ရှိသည့် Online Recommendation Letter for Visa Extension Webpage အား နှစ်သစ်ကူး ရုံးပိတ်ရက်များဖြစ်သည့် ၁၃-၄-၂ဝ၂၄ ရက် နေ့မှ ၂၁-၄-၂ဝ၂၄ ရက်နေ့အထိ ၉ ရက် အတွင်း System Maintenance ပြုလုပ်မည် ဖြစ်ပါသဖြင့် အသုံးပြု၍ရမည် မဟုတ်ကြောင်း အသိပေးကြေညာအပ်ကြောင်း ဖော်ပြပါရှိသည်။
Yangon Times/tthl
#Local_News
#Published_ 20 March 2024
#YMG_News #Yangon_Times #Yangon_Media_Group

ပဲခူးတိုင်းဒေသကြီး ပြည်မြို့ရှိ အပန်းဖြေဆင်စခန်းများထဲမှ နတ်မှော်ဆင်စခန်းကို သင်္ကြန်ကာလအတွင်း ဖွင့်လှစ်ထားမယ်လို့ ပြည်ဆင်စခန်းရှိ တာဝန်ရှိသူများထံက သိရပါတယ်။
Yangon Times/LW
#Local_News
#Published_ 20 March 2024
#YMG_News #Yangon_Times #Yangon_Media_Group

နဂါးနှစ်ကောင်ဆရာတော်ကြီးရဲ့ စျာပနပူဇာပွဲမှာ မတ်လ(၅)ရက်မှာ အောက်စဖိုဒ်ဆရာတော်ကြီး၊ ဧပြီလ(၁)ရက်မှာ တောင်တန်းသာသနာ ပြုဆရာတော်ဘဒ္ဒန္တသုခမိန္ဒ( စဝ်ဆုခမ်း)၊ ဧပြီလ(၂) ရက်မှာ ကျိုင်းတုံမြို့မှ ဘဒ္ဒန္တပညာသီရိ (စပ်တုပီစိုင်း)၊ ဧပြီလ(၃)ရက်မှာ သီတဂူဆရာတော်ကြီး၊ ဧပြီလ(၄)ရက်မှာ နောင်ချိုမြို့မှ ကမ္ဘော‌ဇတိပိဠကဆရာတော် ဘဒ္ဒန္တဝီရိယာနန္ဒ၊ ဧပြီလ(၅)ရက်မှာ မိုင်းဖုန်းဆရာတော်ကြီးတို့မှ တရားတော်တွေဟောကြားမယ်။
Yangon Times/tthl
#Local_News
#Published_ 20 March 2024
#YMG_News #Yangon_Times #Yangon_Media_Group

မန္တလေးမြို့ ၊ ချမ်းမြသာစည်မြို့နယ်အတွင်းမှာတည်ရှိတဲ့ မဟာမုနိမြတ်စွာဘုရားကြီး ရင်ပြင်တော်ပေါ်မှာ လာမယ့် တပေါင်းလပြည့်နေ့ ညနေပိုင်းမှာ ဆီမီးတစ်သောင်း ပူဇော်ပွဲ ကျင်းပမှာ ဖြစ်ပါတယ်၊ အခုလို တပေါင်းလပြည့်နေ့မှာ မဟာမုနိဘုရားကြီးရင်ပြင်ပေါ် ဆီမီးတစ်သောင်းပူဇော်ပွဲ ကျင်းပတာဟာ ပထမဆုံးဖြစ်ပါတယ်လို့ မဟာမုနိဘုရားကြီးဂေါပကအဖွဲ့က တာဝန်ရှိသူတစ်ဦးကပြောပါတယ်။
Yangon Times/NN
#Local_News
#Published_ 20 March 2024
#YMG_News #Yangon_Times #Yangon_Media_Group

အိမ်နီးချင်းနိုင်ငံတွေရဲ့ ရိုးပြတ်မီးရှို့တဲ့ နေရာတွေက ထွက်ရှိတဲ့ ပြောင်းသီးနှံတွေတင်သွင်းခြင်းကို ထိုင်းပိတ်ပင်ပါက မြန်မာအပါအဝင် နှစ်ဖက်တင်ပို့တဲ့  နိုင်ငံတွေက စိုက်ပျိုးတင်ပို့သူတွေနဲ့ တင်သွင်းတဲ့ အစာစပ်လုပ်ငန်းတွေ  အခက်အခဲရှိလာနိုင်တယ်လို့ မြန်မာနိုင်ငံပြောင်းလုပ်ငန်းအသင်းက သိရပါတယ်။
Yangon Times/NN
#Local_News
#Published_ 20 March 2024
#YMG_News #Yangon_Times #Yangon_Media_Group

လက်ဝှေ့ရွှေခါးပတ်ချန်ပီယံ ဘိလပ်မြေစတားဟာ ကျန်းမာရေးကောင်းမွန်တဲ့သူတစ်ဦးဖြစ်တယ်။ အခုက ခရီးကပြန်လာပြီး ‌ရုတ်တရတ် ဦးနှောက်သွေးကြောပြတ်ပြီး ကွယ်လွန်သွားတာဖြစ်တယ်။
(သဲအိမ်ကျေးရွာမှဒေသခံတစ်ဦး)

လက်ဝှေ့ရွှေခါးပတ်ချန်ပီယံ ဘိ‌လပ်မြေစတားရဲ့နောက်ဆုံးခရီးအတွက် လိုအပ်တာတွေကို မြန်မာနိုင်ငံရိုးရာလက်ဝှေ့အဖွဲချုပ်အနေနဲ့ စီစဉ်ဆောင်ရွက်ပေးသွားဖို့ ရှိတယ်။(မြန်မာနိုင်ငံရိုးရာလက်ဝှေ့အဖွဲချုပ်အမှုဆောင် ဦးသန်းစိုးအောင်)
Yangon Times/tthl
#Local_News
#Published_ 20 March 2024
#YMG_News #Yangon_Times #Yangon_Media_Group

Published_ 20 March 2024

ပြန်ကြားရေး ဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီး ဌာနနှင့် အိန္ဒိယနိုင်ငံအစိုးရတို့ အကြား စာဆိုဗိမာန်တည်ဆောက် ခြင်းစီမံကိန်း သဘောတူညီ ချက် (Project Agreement) လက်မှတ်ရေးထိုးခြင်း အခမ်း အနားကို ယမန်နေ့ ညနေပိုင်း က ရန်ကုန်မြို့၊ ပြည်လမ်းရှိ LOTTE ဟိုတယ်၌ ကျင်းပသည်။

လက်မှတ်ရေးထိုးခြင်း အခမ်း အနားသို့ ပြန်ကြားရေးဝန်ကြီး ဌာန ပြည်ထောင်စုဝန်ကြီး ဦးမောင်မောင်အုန်း၊ ရန်ကုန် တိုင်းဒေသကြီး ဝန်ကြီးချုပ် ဦးစိုးသိန်း၊ ရန်ကုန်မြို့တော်ဝန် ဦးဗိုလ်ဌေး၊ ရန်ကုန်တိုင်းဒေသကြီး လူမှုရေးရာဝန်ကြီး ဦးဌေးအောင်၊ မြန်မာနိုင်ငံဆိုင်ရာ အိန္ဒိယနိုင်ငံ သံအမတ်ကြီး Mr.Vinay Kumar နှင့် အိန္ဒိယနိုင်ငံ သံရုံးမှ တာဝန်ရှိ သူများ၊ ဌာနဆိုင်ရာ အကြီးအကဲ များ၊ မြန်မာနိုင်ငံ သတင်းမီဒီယာ ကောင်စီဥက္ကဋ္ဌ၊ မြန်မာနိုင်ငံ ဂီတအစည်းအရုံးဥက္ကဋ္ဌ၊ မြန်မာ နိုင်ငံ ရုပ်ရှင်အစည်းအရုံး ဒုတိယ ဥက္ကဋ္ဌနှင့် ဖိတ်ကြားထားသူများ တက်ရောက်ကြသည်။

ရှေးဦးစွာ ပြည်ထောင်စု ဝန်ကြီး ဦးမောင်မောင်အုန်းက ကျေးဇူးတင်စကား ပြောကြားပြီး‌နောက် မြန်မာနိုင်ငံဆိုင်ရာ အိန္ဒိယနိုင်ငံ သံအမတ်ကြီး Mr.Vinay Kumar က စီမံကိန်း ပူးပေါင်းဆောင်ရွက်ခွင့်ရသည့် အတွက် အိန္ဒိယနိုင်ငံ အစိုးရ ကိုယ်စား မုဒိတာစကား ပြော ကြားသည်။

ယင်းနောက် ပြည်ထောင်စု ဝန်ကြီး ဦးမောင်မောင်အုန်းနှင့် အိန္ဒိယနိုင်ငံ သံအမတ်ကြီး Mr.Vinay Kumar တို့၏ ရှေ့ မှောက်၌ ပုံနှိပ်ရေးနှင့် ထုတ်ဝေရေးဦးစီးဌာန ညွှန်ကြားရေး မှူးချုပ် ဦးဝင်းကျော်အောင်နှင့် အိန္ဒိယနိုင်ငံသံရုံး ဒုတိယ အကြီးအကဲ Mr.Ashish Sharma တို့သည် စာဆိုဗိမာန်တည် ဆောက်ခြင်းစီမံကိန်း သဘော တူညီချက် (Project Agreement) ကို လက်မှတ်ရေးထိုး လဲလှယ်ကြသည်။

ထို့နောက် ပြည်ထောင်စု ဝန်ကြီး ဦးမောင်မောင်အုန်းနှင့် အိန္ဒိယနိုင်ငံ သံအမတ်ကြီးတို့ သည် အမှတ်တရ ဂုဏ်ပြု လက်ဆောင်များ အပြန်အလှန် ပေးအပ်ကြပြီး ပြည်ထောင်စု ဝန်ကြီး ဦးမောင်မောင်အုန်း၊ ရန်ကုန်တိုင်းဒေသကြီး ဝန်ကြီးချုပ်၊ အိန္ဒိယနိုင်ငံ သံအမတ်ကြီးနှင့် တက်ရောက်လာကြသူများသည် စုပေါင်းမှတ်တမ်းတင် ဓာတ်ပုံ ရိုက်ကြသည်။

ဆက်လက်၍ ပြည်ထောင်စု ဝန်ကြီး ဦးမောင်မောင်အုန်း၊ ရန်ကုန်တိုင်းဒေသကြီး ဝန်ကြီးချုပ်၊ အိန္ဒိယ သံအမတ်ကြီးနှင့် တက် ရောက်လာကြသူများအား ပုံနှိပ် ရေးနှင့် ထုတ်ဝေရေးဦးစီးဌာန က ဂုဏ်ပြုညစာဖြင့် တည်ခင်း ဧည့်ခံခဲ့ကြောင်းသိရသည်။
Yangon Times/NN
#Local_News
#Published_ 20 March 2024
#YMG_News #Yangon_Times #Yangon_Media_Group

Published_ 20 March 2024

စွယ်တော်မြတ်စေတီတော် မင်္ဂလာကန်တော်အတွင်း (လူလျှောက်လမ်း) တည်ဆောက်နေကြောင်း ရန်ကုန်မြို့တော် စည်ပင်သာယာရေးကော်မတီမှသိရသည်။

အဆိုပါ မရမ်းကုန်းမြို့နယ်၊ အမှတ် (၅) ရပ်ကွက်ရှိ စွယ်တော် မြတ်စေတီတော် မင်္ဂလာကန် တော်အတွင်း RC Driving Pile အခြေပြု သံကူကွန်ကရစ်တံတား (လူလျှောက်လမ်း) အရှည် ၇၇၀ ပေ၊ အကျယ် ၇ ပေ တည်ဆောက်နေခြင်းဖြစ်ပြီး ရန်ကုန်တိုင်း ဒေသကြီး ဝန်ကြီးချုပ် ဦးစိုးသိန်းနှင့် အစိုးရ အဖွဲ့ဝင်များသည် ယမန်နေ့ ညနေပိုင်းက စွယ်တော်မြတ် စေတီတော် မင်္ဂလာကန်တော် အတွင်း (လူလျှောက်လမ်း) တည်ဆောက်နေမှုကို ကြည့်ရှု စစ်ဆေးကြ ကြောင်းသိရသည်။

ထို့နောက် တိုင်းဒေသကြီး ဝန်ကြီးချုပ် နှင့်အဖွဲ့သည် မရမ်းကုန်းမြို့နယ်၊ အမှတ် (၅) ရပ်ကွက်ရှိ စွယ်တော် မြတ်စေတီတော် မင်္ဂလာကန် တော်အတွင်း RC Driving Pile အခြေပြု သံကူကွန်ကရစ်တံတား (လူလျှောက်လမ်း) အရှည် ၇၇၀ ပေ၊ အကျယ် ၇ ပေ တည်ဆောက် နေမှုကို လိုက်လံကြည့်ရှုရာ တာဝန်ရှိသူများက လုပ်ငန်း များကို ရှင်းလင်းတင်ပြကြ သည်။

ရှင်းလင်းတင်ပြချက်များနှင့် စပ်လျဉ်း၍ တိုင်းဒေသကြီး ဝန်ကြီးချုပ်က ပြည်သူများ စိတ်အေးချမ်းသာစွာ အနားယူ အပန်းဖြေနိုင်ရေး၊ ကိုယ်လက် လှုပ်ရှား လေ့ကျင့်ခန်းများပြုလုပ် နိုင်ရေး၊ ကန်ပတ်ဝန်းကျင် သန့်ရှင်းသာယာလှပရေး ဆောင် ရွက်ရန်၊ ကန်ဘေးပတ်ဝန်းကျင် အလင်းရောင်ကောင်းစွာရရှိရေး လျှပ်စစ်မီးများ ထွန်းရန်နှင့် လိုအပ်သည်များ မှာကြားပြီး လုပ်ငန်းခွင်အတွင်း လှည့်လည် ကြည့်ရှုစစ်ဆေးကြကြောင်းသိရသည်။
Yangon Times/NN
#Local_News
#Published_ 20 March 2024
#YMG_News #Yangon_Times #Yangon_Media_Group

Published_ 20 March 2024

 ပဲခူးတိုင်းဒေသကြီးရှိ မိုးယွန်းကြီးအင်းတွင် ​ဖေဖော်ဝာရီလအတွင်း ကောက်ယုခဲ့သည့်စာရင်းအရ ငှက်မျိုးစိတ် ၁၂၃မျိုး ငှက်ကောင်ရေသုံးသောင်း​ကျော် ကျက်စားနေပြီ ဖြစ်ကြောင်း မိုးယွန်းကြီးအင်း တောရိုင်း တိရစ္ဆာန်ဘေးမဲ့တောမှ တာဝန်ရှိသူတစ်ဦးက ပြောသည်။ 

"မိုးယွန်းကြီးအင်းမှာ ဖေဖော်ဝါရီ လကောက်ယူထားတဲ့ ငှက်စာရင်းကောက်တာက ၁၂၃မျိုး ကောင်ရေသုံး​သောင်း​လေး​ထောင်​ကျော်ရှိတယ် အမျိုးအစားတွေကခရုတုပ် ၊ စစ္စလီ ၊ မြစ်တွေး ကြိုးကြာ ၊ငှက်ကြား​၊ရေကြက် ၊ဒေါင်းလန်းခြေထောက်စတဲ့ငှက်တွေဖြစ်တယ်၊အရင်နှစ်​ဖေ​ဖော်ဝါရီလကထက်​ကောင်​ရေပိုများတယ် "ဟု၎င်းကပြောသည်။ 

ပြီးခဲ့သည့်​ဖေ​ဖော်ဝါရီလကောက်ယူထားသည့်စာရင်းအရ​ရေ​ပျော် ဆောင်းခိုငှက်၅၃မျိုး ဌာနေငှက် ၇၀မျိုုး စုစုပေါင်း ငှက်မျိုးစိတ်၁၂၃မျိုး ရှိ ပြီးကောင်ရေ အနေဖြင့် ဆောင်းခိုငှက်(၁၆၆၀၀)ကာင်နှင့် ဌာနေငှက်(၁၈၀၀၀)စသည်ဖြင့် စုစုပေါင်းငှက်ကောင်ရေ ၃၄၆၀၀ရှိ ကြောင်း ယင်းဆောင်းခိုငှက်များသည်ဧပြီလမှစတင်ကာ၎င်းတို့၏ဌာနေသို့ပြန်လည်ပျံသန်းကြ​ကြောင်းသိရသည်။

မိုးယွနိုးကြီးအင်းတွင်ဆော င်းခိုငှက် ဌာနေငှက်နှင့်ကုန်းငှက်များအပြင်ငါးမျိုးစိတ်၄၀ကျော်ရှိကြောင်း ၊မိုးယွန်းကြီးအင်းသို့ငှက်ကြည်ဝါသနာရှင်များလာရောက်လည်ပတ်ကြောင်းး  ပြီး ခဲ့သည့်၂၀၂၃ခုနှစ်​ဖေ​ဖော်ဝါရီလထက်ငှက်ကောင်ရေ​လေး​ထောင်​ခြောက်ရာပို​ကြောင်းသိရသည်။

ရွှေ့ပြောင်းငှက်များဖြစ်သည့် ဆော င်းခိုငှက်များသည် ကမ္ဘာမြောက်ခြမ်းမှ ကမ္ဘာ့တောင်ခြမ်းကို လာပြီးဆောင်းခိုကြကြောင်း၊ ဆောင်း ခိုငှက်များသည် ရေဝပ်ဒေသဂေဟစနစ်ကြီးကောင်းမွန်သည့်အတွက် လာရောက်ကျက်စားကြခြင်းဖြစ်ကြောင်း ရေဝပ်ဒေသမကောင်းပဲ ပျက်ဆီးနေပါကလည်း ငှက်များလာရောက်ခိုနားမည်မဟုတ်ကြောင်း၊ ယင်းငှက်များမလာပါက ရေဝပ်ဒေသဂေဟစနစ်ကြီး ပျက်ဆီးသွားလျင် ဒေသခံတွေက မှီခိုအားထား၍မရနိုင်တော့သည့်အတွက် ငှက်များလာခြင်းအားဖြင့် လူများကိုလည်း အကျိုးပြု​ကြောင်းသိရသည်။
Yangon Times/NN
#Local_News
#Published_ 20 March 2024
#YMG_News #Yangon_Times #Yangon_Media_Group