22 March 2024

သင်္ကြန်ပိတ်ရက်တွင် System Maintenance လုပ်ရန်ရှိ၍ FDA၏Online E-Submissionလျှောက် ထားမှုကို ခေတ္တရပ်ဆိုင်းထားမည်ဖြစ်ကြောင်းအစားအသောက်နှင့် ဆေးဝါးကွပ်ကဲရေးဦးစီးဌာန (FDA)၏ထုတ်ပြန်ချက်အရသိရသည်။

အစားအသောက်နှင့် ဆေးဝါးကွပ်ကဲရေးဦးစီးဌာန (FDA)၏ Food,Drugs,  Medical Device နှင့် Cosmeticsများ E-Submissionကိုဧပြီ(၁၃)ရက်မှ(၂၁)ရက်အထိရပ်ဆိုင်းထားမည်ဖြစ်သည်ဟုဆိုသည်။
 
ဧပြီလ(၂၂)ရက်မှာတော့ ပြန်လည်ဖွင့်လှစ်ပေးမည် ဖြစ်ပြီးE-Submissionလျှောက်ထားမှုပြန်လည် လက်ခံသွားမည်ဖြစ်ကြောင်း အစားအသောက်နှင့် ဆေးဝါးကွပ်ကဲရေးဦးစီးဌာန (FDA)၏ထုတ်ပြန်ချက်အရသိရသည်။

ကျန်းမာရေးဝန်ကြီးဌာန အစားအသောက်နှင့် ဆေးဝါးကွတ်ကဲရေး ဦးစီးဌာနက အသေးစား၊ အငယ်စားနှင့် အလတ်စားစီးပွားရေး လုပ်ငန်းများအား အားပေးမြှင့်တင်နိုင်ရန်ရည်ရွယ်၍ အစားအသောက်ထုတ်လုပ်ခြင်း ထောက်ခံချက်လျှောက်ထားမှုများအတွက် ပေးသွင်းရမည့်ပမာဏကို(၇)သိန်းခွဲမှ ‌၂၅‌၀၀၀၀ ကျပ်သို့ ပြောင်းလဲ သတ်မှတ်ပေးထားကြောင်းလည်း သိရသည်။
Yangon_Times/tthl
#Local_News
#Published_ 22 March 2024
#YMG_News #Yangon_Times #Yangon_Media_Group

Published_ 22 March 2024

ဆောက်လုပ်ရေးဝန်ကြီးဌာန ၊ မြို့ပြနှင့် အိမ်ရာဖွံ့ဖြိုးရေးဉီးစီးဌာနမှ တာဝန်ယူ ဆောက်လုပ်ထားသည့် ဒဂုံမြို့သစ် (တောင်ပိုင်း) မြို့နယ် ၊သုခဒဂုံပြည်သူ့အငှားအိမ်ရာအတွင်း၌ နေထိုင်ခွင့်ကျပြီးဖြစ်သော်လည်း မတ်လလ၃၁ရက်နောက်ဆုံးထား၍ နေထိုင်ခြင်းမရှိသည့် အိမ်ခန်းများအား ပြန်လည်သိမ်းယူသွားမည်ဖြစ်ကြောင်း သိရသည်။

အဆိုပါ  သုခဒဂုံပြည်သူ့အငှား အိမ်ရာတွင် နေရေးအခက်အခဲရှိသော ပြည်သူများအား သတ်မှတ်စည်းကမ်းချက်များနှင့် အညီ နေထိုင်ရန် အိမ်ခန်းနေရာ ချထားပေးခဲ့ခြင်းဖြစ်သည် ။

ပထမအဆင့် ငှားရမ်းနေထိုင်ခွင့် ရရှိသူများကို ၂၀၂၃ခုနှစ် ဒီဇင်ဘာလ ၁ရက်နေ့မှ စတင်ပြီး နေထိုင်ခွင့်ပြုခဲ့ရာမှ အချို့ငှားရမ်းနေထိုင်ခွင့်ရရှိသူများက နေထိုင်ခွင့် ရရှိပြီးဖြစ်သော်လည်း လာရောက်နေထိုင်ခြင်းမရှိကြောင်း တွေ့ရှိရကြောင်း၊ ထို့ကြောင့်  သုခဒဂုံ ပြည်သူ့အငှားအိမ်ရာတွင် အိမ်ခန်းငှားရမ်းခွင့် ရရှိထားသူများအနေဖြင့် လာမည့်  မတ်လ၃၁ရက်နေ့ နောက်ဆုံးထားပြီး အငှားချထားသော အိမ်ခန်းတွင် လာရောက်နေထိုင်ရန်နှင့် နေထိုင်ခြင်းမရှိပါက အိမ်ခန်းအား ဌာနမှ ပြန်လည်သိမ်းယူပြီး အမှန်တကယ်နေထိုင်ရန် အခက်အခဲရှိသူများအား ပြန်လည်နေရာ ချထားပေးသွားမည် ဖြစ်‌ကြောင်း
သိရသည်။

၎င်းအပြင် အခန်းမဲပေါက်သည့် အိမ်ခန်းများတွင်သတ်မှတ် စည်းကမ်းအတိုင်း နေထိုင်ရန် နှင့် နေထိုင်ခြင်းမရှိသည့်  အိမ်ခန်းများကိုလည်း ပြန်လည်သိမ်းယူမည်ဖြစ်
ကြောင်းသိရသည်။
Yangon Times/NN
#Local_News
#Published_ 22 March 2024
#YMG_News #Yangon_Times #Yangon_Media_Group

ပြင်သစ်စကားနှင့် ယဉ်ကျေးမှုပွဲတော်အဖြစ် ဂီတပညာရှင် မာ့ခ်အိုင်မွန်၊ မီလာဘက်ဆွန်တို့နဲ့အတူ မတ်လ(၂၃)ရက်မှာ ဆင်နွှဲသွားမယ်။ မတ်လ(၂၃)ရက်မှာ ပြင်သစ်ပညာရေးဆိုင်ရာ သတင်းအချက်အလက် မျှဝေဆွေးနွေးပွဲ ကျင်းပဖို့ရှိတယ်။ မတ်လ (၂၉)ရက်၊ ညနေ (၇း၁၅) မှာ ပြင်သစ် ရုပ်ရှင်ကား ပြင်သစ်ယဉ်ကျေးမှုဌာနမှ အခမဲ့ပြသမယ်။
Yangon Times/tthl
#Local_News
#Published_ 22 March 2024
#YMG_News #Yangon_Times #Yangon_Media_Group

မွန်ပြည်နယ်ကျိုက်ထိုမြို့ရှိ ကျိုက်ထီးရိုးစေတီတော်ကို ဘုရားဖူးလာရောက်ရင်းကျန်ခဲ့တဲ့ နိုင်ငံသားစိစစ်ရေးကတ်ပြား မှတ်ပုံတင်တွေ ကို ကျိုက်ထီရိုးဂေါပကရုံးမှာ သိမ်းပေးထားတဲ့အတွက် ပျောက်ဆုံးသူများရှိပါက ဂေါပကရုံးကို ဆက်သွယ်စုံစမ်းနိုင်တယ်လို့ သိရပါတယ်။
Yangon Times/LW
#Local_News
#Published_ 22 March 2024
#YMG_News #Yangon_Times #Yangon_Media_Group

ရန်ကုန်ဈေးကွက်သို့ ကြက်သွန်နီအဝင်များပြီး ဈေးကျဆင်း၊ အိန္ဒိယအိပ်စပို့ဖွင့်ချိန် ဈေးဆက်ကျနိုင်
' ရန်ကုန်အဝင်များပြီး ဝယ်သူမရှိလို့ ဈေးကျနေတယ်၊ အိန္ဒိယက အိပ်စပို့ပိတ်တာက မတ်၃၁ရက်နောက်ဆုံးပဲ ပိတ်တာ၊ ပြန်ဖွင့်မှာ ၊အဲ့ဒီအချိန် မြန်မာ့ကြက်သွန်နီဈေး ထပ်ကျနိုင်တယ်၊'
Yangon Times/NN
#Local_News
#Published_ 22 March 2024
#YMG_News #Yangon_Times #Yangon_Media_Group

ရေခဲစက်တွေ ရောင်းအားတက်တယ်။ ရေခဲစက်အတွက် အသုံးပြုရတဲ့ ရေခဲမိုပစ္စည်းပါ ပြတ်တဲ့အထိ ရောင်းအားတက်လာတယ်။ သား၊ ငါးလုပ်ငန်း‌တွေက ရေခဲရိုက်ရန်ရေခဲတုံးကြီးတွေ သုံးတယ်။ နွေရာသီအအေး‌‌ဖျော်ရန်၊ ရေခဲချောင်းများ ထုတ်လုပ်ရန်အတွက်ဝယ်ယူ အသုံးပြုကြတယ်။ စွမ်းသစ်ရေခဲစက်ထုတ်လုပ်ရေးလုပ်ငန်းမှ တာဝန်ရှိသူတစ်ဦး
Yangon Times/tthl
#Local_News
#Published_ 22 March 2024
#YMG_News #Yangon_Times #Yangon_Media_Group

ပြည်တွင်းစက်သုံးဆီ ဈေးကွက်ဟာ နှစ်ပတ်အတွင်း ဓါတ်ဆီတစ်လီတာကို ကျပ် ၁၀၀ကျော် ဈေးမြင့်တတ်လာတယ်လို့ စက်သုံးဆီတင်သွင်း သိုလှောင်ဖြန်ဖြူးခြင်းလုပ်ငန်း ကြီးကြပ်ရေးကော်မတီရဲ့ ဈေးနူန်း သတ်မှတ်ချက်တွေအရ သိရပါတယ်။
Yangon Times/LW
#Local_News
#Published_ 22 March 2024
#YMG_News #Yangon_Times #Yangon_Media_Group

Published_ 22 March 2024

လူ့စွမ်းအားအရင်းအမြစ်ဖွံ့ဖြိုးမှုဌာန၊ရန်ကုန်တက္ကသိုလ်မှ'ကျောက်မျက်ခွဲခြားခြင်း ဒီပလိုမာသင်တန်း'အတွက်ဘွဲ့လွန်ဒီပလိုမာသင်တန်းသား၆၀ဦးခန့်ခေါ်ယူမည်ဖြစ်ရာ သင်တန်းဝင်ခွင့်လျှောက်လွှာများအားယခုလအတွင်း ခေါ်ယူသွားမည် ဖြစ်ကြောင်းသိရသည်။

အဆိုပါ လူ့စွမ်းအားအရင်းအမြစ်ဖွံ့ဖြိုးမှုဌာန၊ ရန်ကုန်တက္ကသိုလ်၏ အစီအစဉ်ဖြင့် ၊ရန်ကုန်တက္ကသိုလ် ဘူမိဗေဒဌာနမှ ကျောက်မျက်ခွဲခြားခြင်း ဒီပလိုမာသင်တန်းအား ဘွဲ့လွန်ဒီပလိုမာသင်တန်းအဖြစ် ဖွင့်လှစ်သွားမည်ဖြစ်ကြောင်း သိရသည်။

သင်တန်းအောင်လက်မှတ်အမျိုးအစားမှာ ကျောက်မျက်ခွဲခြားခြင်း ဒီပလိုမာဖြစ်ပြီး သင်တန်းတက်ရောက်လိုသူသည် ‌တက္ကသိုလ်တစ်ခုခုမှဘွဲ့ရရှိသူဖြစ်ရမည်ဖြစ်ကြောင်းသိရသည်။

သင်တန်းကာလမှာ ၉လ + Project Paper ဖြစ် ကာသင်တန်းသားဦးရေ ၆၀ခန့်အထိ ခေါ်ယူသွားမည်ဖြစ်ကြောင်း သိရသည်။

ထို့အပြင် လျှောက်လွှာများအား မတ်လ၂၅ရက်နေ့မှစတင်ခေါ်ယူသွားမည်ဖြစ်ပြီး သင်တန်းကို မတ်လ၂၈ရက်၌စတင်ဖွင့်လှစ်သွားမည်ဖြစ်ကြောင်းသိရသည်။

တက်ရောက်လိုသူများအနေဖြင့် အခန်း(M-106) ၊ ဘူမိဗေဒဌာန၊ မန္တလေးဆောင်၊ ရန်ကုန်တက္ကသိုလ်သို့ ဆက်သွယ်နိုင်ပြီး အသေးစိတ်အချက်အလက်များကို ၊ဘူမိဗေဒဌာန၊(မန္တလေးဆောင်) ဖုန်း- ၀၉-၇၇၇၆၈၉၂၁၅၊၀၉-၄၂၀၁၆၂၆၅၁၊M-106 ရန်ကုန်တက္ကသိုလ်တွင် စုံစမ်းနိုင်ကြောင်းသိရသည်။
Yangon Times/NN
#Local_News
#Published_ 22 March 2024
#YMG_News #Yangon_Times #Yangon_Media_Group

22 March 2024

မြန်မာနိုင်ငံမှာ သဘာ‌ဝဘေးအန္တရာယ်အနေဖြင့် မုန်တိုင်းဘေးအန္တရာယ်ကို ဧပြီလကုန်နှင့်မေလဆန်းတို့တွင် ကြုံတွေ့ရလေ့ရှိတဲ့အတွက် ပြည်သူ လူထု ကျန်းမာရေးအတွက် လိုအပ်သည်များကိုကြိုတင်စု‌ဆောင်းပြင်ဆင်ထားရန်လိုအပ်ကြောင်း  သိရသည်။

ယင်းကဲ့သို့ကြိုတင်ပြင်ဆင်ထားရန်လိုအပ်ကြောင်း ကို ကျန်းမာရေးဝန်ကြီးဌာန၊ဒုတိယဝန်ကြီးက ကျန်းမာရေးစောင့်ရှောက်မှုဆိုင်ရာစီမံခန့်ခွဲမှု လုပ်ငန်းကော်မတီ အစည်းအဝေးမှာ အခုလိုထည့်သွင်းပြောကြားပြီးမှာကြားခဲ့သည်။

ဒုတိယဝန်ကြီးက "'လွန်ခဲ့သောနှစ်များအတွင်း မုန်တိုင်းဖြစ်ပေါ်ခဲ့မှုများကို ပြန်လည်သုံးသပ်ရာတွင် မုန်တိုင်း ဘေးအန္တရာယ်ကို ဧပြီလကုန်နှင့် မေလဆန်းတို့တွင်လည်းကောင်း၊ အောက်တိုဘာလနှင့် နိုဝင်ဘာလများတွင်လည်းကောင်း ကြုံတွေ့ရလေ့ရှိကြောင်း၊

ထိုသို့ဆောင်ရွက်နိုင်ခဲ့မှုများကြောင့် မုန်တိုင်းဘေးအန္တရာယ်၏ နောက်ဆက်တွဲ ကူးစက်ရောဂါများ ကြီးမားသည့်ကပ်အသွင်ဖြစ်ပွားမှုများ မရှိခဲ့ပါကြောင်း၊

ယမန်နှစ်က ဖြစ်ပွားခဲ့သော မိုခါမုန်တိုင်း ဘေးအန္တရာယ်ဖြစ်စဉ်တွင် ကျန်းမာရေးကဏ္ဍအနေဖြင့် မိုးလေဝသနှင့်ဇလဗေဒညွှန်ကြားမှုဦးစီးဌာနမှ ထုတ်ပြန်သည့် သတိပေးချက်များအား စဉ်ဆက် မပြတ်စောင့်ကြပ်ကြည့်ရှုကာ ကျန်းမာရေးစောင့်ရှောက်မှုဆိုင်ရာစီမံခန့်ခွဲမှုလုပ်ငန်း ကော်မတီ အတွင်းတွင်လည်းကောင်း၊ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီ၏ လုပ်ငန်းကော်မတီများအချင်းချင်းလည်းကောင်း ချိတ်ဆက်ညှိနှိုင်းမှုများနှင့် ပူးပေါင်း ဆောင်ရွက်မှုများ လုပ်ဆောင်ခဲ့ပါကြောင်း၊

သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီအနေဖြင့် သဘာဝဘေးအန္တရာယ်ဆိုင်ရာ စီမံခန့်ခွဲမှုဗဟိုဌာန (Disaster Management Centre - DMC) ကို ဖွင့်လှစ်ခဲ့ပြီး ကျန်းမာရေး ဝန်ကြီးဌာနအနေဖြင့်လည်း (၇-၅-၂၀၂၃) ရက်နေ့မှစတင်၍ ကျန်းမာရေးဝန်ကြီးဌာန၊ ဝန်ကြီးရုံး၌ Public Health Emergency Operations Center ကို ဖွင့်လှစ်ဆောင်ရွက်ခဲ့ကြောင်း၊

မုန်တိုင်းမကျရောက်မီအချိန်မှာ  အရေးပေါ်ကျန်းမာရေးအဖွဲ့များ ကြိုတင်စုဖွဲ့ခြင်း၊ ဆေးဝါးနှင့် ပစ္စည်းကိရိယာများ မပျက်စီးစေရေးဆောင်ရွက်ခြင်း၊ လိုအပ်မည့် ဆေးဝါးနှင့် ပစ္စည်းကိရိယာများ ကြိုတင်ပေးပို့ခြင်း၊ ကျန်းမာရေးဌာနအဆောက်အဦများ ထိခိုက်ပျက်စီးမှု နည်းပါးစေရေး ဆောင်ရွက်ခြင်း၊ ကျန်းမာရေးဝန်ထမ်းများအတွက် သောက်သုံးရေသန့်များနှင့် စားနပ်ရိက္ခာများ ကြိုတင်စုဆောင်းခြင်း၊ ဆေးရုံများနှင့်ကျန်းမာရေးဌာနများတွင် အသုံးပြုရန် စက်သုံးဆီများ ကြိုတင်စုဆောင်းခြင်းစသည်တို့ကို လုပ်ဆောင်ခဲ့ကြောင်း၊ 

မုန်တိုင်းကျရောက်ပြီးချိန်တွင် ကျန်းမာရေးစောင့်ရှောက်မှုလုပ်ငန်းများ ပြတ်တောက်သွားခြင်း မရှိစေရန်အတွက် အရေးပေါ်ကျန်းမာရေးစောင့်ရှောက်မှု လုပ်ငန်းများဆောင်ရွက်ခြင်း၊ ဆေးရုံများတွင် ခွဲစိတ်ကုသမှုများအပါအဝင် ပုံမှန်ကျန်းမာရေး စောင့်ရှောက်မှုလုပ်ငန်းများကို အမြန်ဆုံးပြန်လည် စတင်ဆောင်ရွက်ခြင်း၊ ဘေးအန္တရာယ်၏ နောက်ဆက်တွဲအနေဖြင့် ကူးစက် ရောဂါများ ကပ်အသွင်ဖြစ်ပွားမှုများ မရှိစေရေးစောင့်ကြပ်ကြည့်ရှုခြင်း၊ ရောဂါကာကွယ်ရေး လုပ်ငန်းများ အရှိန်အဟုန်ဖြင့်ဆောင်ရွက်ခြင်း၊ ကူးစက်ရောဂါ ဖြစ်ပွားမှုများကို အချိန်နှင့် တစ်ပြေးညီ တုံ့ပြန်ဆောင်ရွက်ခြင်းစသည့် လုပ်ငန်းများအား ဌာနဆိုင်ရာများ၊ မိတ်ဖက် အဖွဲ့ အစည်းများနှင့် ပူးပေါင်းဆောင်ရွက်ခဲ့ကြောင်း၊

ဘေးအန္တရာယ်ဖြစ်စဉ်များအတွက် ကြိုတင်ပြင်ဆင်မှုနှင့် တုံ့ပြန်ဆောင်ရွက်မှုအစီအစဉ်များ အားကောင်းစွာဆောင်ရွက်နိုင်ခြင်းဖြင့် ပြည်သူများ၏ အသက်အန္တရာယ်နှင့် ကျန်းမာရေး ထိခိုက်မှုများအား ကာကွယ်နိုင်မည် ဖြစ်ကြောင်း ပြောခဲ့သည်။

ထို့အပြင်တိုင်းဒေသကြီး/ ပြည်နယ်အချို့တွင် ဖြစ်ပွားခဲ့သည် ရေကြီးမှုဖြစ်စဉ်များအားလည်း ကြိုတင်ပြင်ဆင်မှုနှင့် တုံ့ပြန်ဆောင်ရွက်မှု အစီအစဉ်များကို ပူးပေါင်းဆောင်ရွက်မှု အားကောင်းစွာဖြင့် ဆောင်ရွက်နိုင်ခဲ့ကာ ဘေးအန္တရာယ်၏ နောက်ဆက်တွဲ ကျန်းမာရေး ပြဿနာများဖြစ်ပွားမှုကို ကာကွယ်နိုင်ခဲ့ကြောင်း ယခုနှစ်တွင်လည်း သဘာဝဘေးအန္တရာယ်များကို ယင်းကဲ့သို့ ကာကွယ်ဆောင်ရွက်ရန်မှာကြားခဲ့ကြောင်း သိရသည်။
Yangon Times/tthl
#Local_News
#Published_ 22 March 2024
#YMG_News #Yangon_Times #Yangon_Media_Group

Published 22 March 2024

အမေရိကန်တရားရေးရာဌာနနဲ့ အတူ ပြည်နယ် ၁၅ ခုတို့ဟာ အက်ပဲလ်(Apple)ကုမ္ပဏီကို စမတ်ဖုန်းဈေးကွက် လက်ဝါးကြီးအုပ်စိုးမိုးခြင်းကိစ္စနဲ့ ပတ်သက်ပြီး ဈေးကွက်မျှတစွာ ယှဥ်ပြိုင်ရေးဆိုင်ရာ တရားဥပဒေစွဲဆိုချက်တစ်ခုဖြင့် မတ်လ ၂၁ ရက်နေ့က အမှုဖွင့်လိုက်ပါတယ်။

အစောပိုင်းတုန်းကလည်း သမ္မတဟောင်း ဒေါ်နယ်ထရမ့်နဲ့ လက်ရှိသမ္မတ ဂျိုးဘိုင်ဒင် အစိုးရခေတ်လက်အောက်တို့မှာ အိုင်ဖုန်းထုတ်လုပ်သူအက်ပဲလ်ရဲ့ ပြိုင်ဘက်တွေဖြစ်တဲ့ Alphabet ရဲ့ ဂူဂဲလ်၊ Meta ပလက်ဖောင်း၊ Amazon.com တို့ တရားစွဲခံရဖူးပါတယ်။

ထိုကုမ္ပဏီတွေဟာ ဈေးကွက်မျှတစွာ ယှဥ်ပြိုင်ရေးဥပဒေများကို ချိုးဖောက်တဲ့အတွက် သုံးစွဲသူတွေအနေနဲ့ ဈေးကြီးကြီးပေးမဝယ်သင့်ကြောင်းနဲ့ ဒါတွေကို ဒီအတိုင်းထားလိုက်ပါက အက်ပဲလ်ဟာ စမတ်ဖုန်းဈေးကွက်မှာ ဆက်လက်ခြယ်လှယ်နေလိမ့်မယ်လို့ အစိုးရရှေ့နေချုပ် မာရစ်ဂါးလန်းက ထုတ်ပြန်ကြေညာလိုက်ပါတယ်။

အက်ပဲလ်ဟာ အခြားပြိုင်ဘက်ကုမ္ပဏီတွေထက် အိုင်ဖုန်းတစ်လုံးစာလျှင် ၁၅၉၉ ဒေါ်လာလောက်အထိ ဝင်ငွေပိုမိုရရှိနေတယ်လို့ တရားရေးရာဌာနက ဖော်ပြထားပါတယ်။

အက်ပဲလ်ရဲ့ စီးပွားရေးမိတ်ဖက်များဖြစ်တဲ့ ဆော့ဖ်ဝဲဖန်တီးသူများ၊ ခရက်ဒစ်ကတ် လုပ်ငန်းများ၊ ဂူဂဲလ်စသဖြင့် လုပ်ငန်းတွေကနေလည်း မမြင်နိုင်တဲ့ အခကြေးငွေတွေ စည်းကြပ်ကောက်ခံနေကာ တဖြည်းဖြည်းနဲ့ သုံးစွဲသူဘက်မှ ဝယ်ယူစရိတ်မြင့်မားလာပြီး အက်ပဲလ်အတွက် အမြတ်အစွန်း ပိုမိုရရှိစေတယ်လို့ အရာရှိများက ဖော်ပြပါတယ်။

အက်ပဲလ်ကတော့ ထိုစွပ်စွဲချက်များကို ငြင်းဆိုလိုက်ကာ တရားစွဲဆိုချက်တွေက ယင်းတို့ရဲ့ ထုတ်ကုန်တွေ ဈေးကွက်မှာ ကွဲထွက်အောင်မြင်နေစေတဲ့ ပင်မစည်းမျဥ်းဥပဒေသများကို ခြိမ်းခြောက်နေတယ်လို့ ဆိုလိုက်ပါတယ်။

တရားစွဲဆိုချက်သာ အောင်မြင်ပါက အက်ပဲလ်ထံမှ အများပြည်သူ မျှော်လင့်လေ့ရှိတဲ့ နည်းပညာပိုင်း ဖန်တီးမှုစွမ်းရည်တွေမှာ ထိခိုက်လာနိုင်ဖွယ်ရှိတယ်လို့ အက်ပဲလ်က ဖော်ပြလိုက်ပါတယ်။

နယူးဂျာစီ နယူဝါ့ခ်ရှိ အမေရိကန် ဖက်ဒရယ်တရားရုံးတစ်ခုမှာ အမှုဖွင့်လိုက်တဲ့ စာမျက်နှာ ၈၈ ခုပါ တရားစွဲဆိုချက်ထဲမှာ အက်ပဲလ်ကုမ္ပဏီမှ တရားမျှတမှု မရှိစွာ ခြယ်လှယ်နေတဲ့ စမတ်ဖုန်းဈေးကွက် လွတ်လပ်မျှတမှုရရှိရေး၊ သုံးစွဲသူများအတွက် ဈေးနှုန်းချိုသာတဲ့ စမတ်ဖုန်းများ ယှဥ်ပြိုင်ထုတ်လုပ်ရေး၊ ဆော့ဖ်ဝဲဖန်တီးသူများအတွက် အခကြေးငွေလျှော့ချရေး၊ အနာဂတ်အတွက် ဆန်းသစ်တီထွင်မှု ထိန်းသိမ်းရေးတို့ကို ရှေးရှုဖော်ပြထားပါတယ်။

တရားရေးရာဌာနနဲ့အတူ ကိုလံဘီယာခရိုင်ပြည်နယ်ကလည်း အက်ပဲလ်နဲ့ ပတ်သက်ပြီး ပြုပြင်ပြောင်းလဲမှုများ ပြုလုပ်ပေးရန်ရည်ရွယ်ကာ တရားစွဲဆိုချက်တစ်ခု လျှောက်တင်ခဲ့ပါတယ်။
Source: WION
#World_News
#Published_ 21 March 2024
#YMG_News #Yangon_Times #Yangon_Media_Group

Published 22 March 2024

မန္တလေးတိုင်းဒေသကြီး၊ အမရပူရမြို့နယ်၊ ဆောက်တောဝကျေးရွာအပိုင်၊ မန်ကျည်းချိုကွေ့၊ မြစ်ငယ်- ထုံးဘိုဖြတ်လမ်းတွင် ၁၂ ဘီးတွဲကား အဖြူရောင်ယာဉ်သည် အရှိန်မထိန်းနိုင်ဘဲ လမ်းညာဘက်ဘေးရှိ ရေမြောင်းအတွင်းသို့ ထိုးကျမှုဖြစ်ပွားကြောင်း မီးသတ်တပ်ဖွဲ့နှင့်လူမှုကူညီရေးအသင်းများထံကသိရသည်။

မတ်လ ၂၁ရက် ည ၈နာရီ ၇မိနစ်ခန့်က ဖြစ်ပွားခဲ့ ကာ ယာဉ် တိုက်မှုကြောင့် ယာဉ်အတွင်း လူညှပ်နေသဖြင့်အမရပူရမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရကြောင်း သိရသည်။

အဆိုပါ ယာဉ် တိမ်းမှောက် မှု ကြောင့် ယာဉ်မောင်းဖြစ်သူ အမျိုးသားတစ်ဦး​ေ-သဆုံးခဲ့ကာ
ဖြစ်စဥ်တွင် ဒဏ်ရာရရှိသူ ယာဥ်နောက်လိုက်အား လောကပါလလူမှုကူညီရေးအသင်း လူနာတင်ယာဥ်ဖြင့် လည်းကောင်း၊ သေဆုံးသူ ယာဥ်မောင်း၏ ရုပ်အလောင်းအား ထာဝရတွဲလက်များလူမှုကယ်ဆယ်ရေးအသင်း လူနာတင်ယာဥ်ဖြင့်လည်းကောင်း မန္တလေးပြည်သူ့ဆေးရုံကြီးသို့ ပို့ဆောင်ပေးခဲ့ကြောင်းသိရသည်။
Yangon_Times/LW
#Local_News
#Published_ 22 March 2024
#YMG_News #Yangon_Times #Yangon_Media_Group

 Published 22 March 2024

အူမကြီးကင်ဆာဟာ အူမ သို့မဟုတ် အစာဟောင်းအိမ်ကနေ အစပြုတဲ့ ကင်ဆာဖြစ်ပါတယ်။

အဖြစ်အများဆုံး ကင်ဆာတွေထဲက တစ်မျိုးဖြစ်သလို စောစီးစွာ ရောဂါတွေ့ရှိပြီး နေထိုင်စားသောက်မှုပုံစံ ပြောင်းလဲလိုက်ပါကလည်း ကာကွယ်နိုင်ပါတယ်။

အမျှင်ဓာတ်ပါဝင်တဲ့ အစားအစာ စားသုံးခြင်းက အူမကြီးကင်ဆာ ဖြစ်နိုင်ခြေကို လျော့ကျစေပါတယ်။

အူမကြီးထဲမှာ ရောင်ရမ်းမှုကိုလည်း လျှော့ချပေးနိုင်တာကြောင့် အမျှင်ဓာတ်ကြွယ်ဝတဲ့ အစားအစာများကို ဖော်ပြလိုက်ပါတယ်။
 
(၁) ပဲကြီး၊ ပဲနီလေး၊ ကုလားပဲ၊ စားတော်ပဲတို့ဟာ အမျှင်ဓာတ် ကြွယ်ဝပြီး ပရိုတိန်း ဗိုက်တာမင်တို့လည်း ပါဝင်ပါတယ်။
 
(၂) ဆန်၊ အုတ်စပါး၊ ဘာလီ၊ ဆန်ညိုတို့ဟာ အမျှင်ဓာတ်ကြွယ်ဝပြီး ကျန်းမာရေးကို အကောင်းဆုံး ဖြစ်စေပါတယ်။
 
(၃) အသီးအနှံအမျိုးမျိုးကို အသီးလိုက်စားသုံးခြင်းက အမျှင်ဓာတ် အများဆုံးရရှိနိုင်ပါတယ်။
 
(၄) ပန်းဂေါ်ဖီစိမ်း၊ မုန်လာဥနီ၊ ဟင်းနုနွယ်၊ ကိုက်လံ၊ ကန်စွန်းဥတို့ဟာ အမျှင်ဓာတ် ပေးစွမ်းပါတယ်။
 
(၅) ဗာဒံသီး၊ လျှော်စေ့၊ ဖရုံသီးတို့ဟာ အမျှင်ဓာတ်ကြွယ်ဝပါတယ်။
 
(၆) ပိုးတီထုပ်ဟာ အမျှင်ဓာတ်ကြွယ်ဝပြီး ကင်ဆာဆန့်ကျင်တဲ့ အစွမ်းသတ္တိရှိပါတယ်။
 
(၇) ပါစတာနဲ့ ပေါင်မုန့်ကြမ်းတို့က အမျှင်ဓာတ်များများ ရစေပါတယ်။
 
(၈) ပြောင်းဖူးပေါက်ပေါက်ဆုပ်ဟာလည်း အမျှင်ဓာတ်ကြွယ်ဝပြီး ထောပတ်နဲ့ ဆားရှောင်နိုင်ရင် အကောင်းဆုံးဖြစ်ပါတယ်။
 
(၉) ဆီးသီးခြောက်တွေဟာ အမျှင်ဓာတ်ကြွယ်ဝတာကြောင့် ဝမ်းသွားရ လွယ်ကူစေပါတယ်။
 
(၁၀) လျှော်စေ့မှာ အမျှင်ဓာတ်များ ပါဝင်ပြီး အချိုပွဲတွေမှာ အမှုန်ခြေထည့်စားနိုင်ပါတယ်။
Source: DoctorNDTV
#World_Health
#Published_ 22 March 2024
#YMG_News #Yangon_Times #Yangon_Media_Group