#Local_News
Published_26 March 2024

မနက်ဖြန်ကျင်းပမည့်တပ်မတော်နေ့ကို ညပိုင်းကျင်းပရခြင်းမှာ ယခင်သမိုင်းအစဉ်အလာရှိသကဲ့သို့ဖြစ် သည့်အပြင် လေယာဉ်၊ ရဟတ်ယာဉ်များ၏ ညဘက်စွမ်းရည်ပြမှု ထူးခြားစွာတွေ့မြင်ရန် ဖြစ်ကြောင်း နစက သတင်းထုတ်ပြန်ရေးအဖွဲ့ခေါင်းဆောင်လည်း ဖြစ်၊ပြန်ကြားရေးဝန်ကြီးဌာန ဒုဝန်ကြီးလည်း ဖြစ်သော ဗိုလ်ချုပ်ဇော်မင်းထွန်း က ယနေ့ မတ်လ ၂၆ ရက်တွင် ပြောကြားလိုက်သည်။

ယင်းက“၇၉ နှစ်မြောက် တပ်မတော်နေ့အခမ်းအနားကို ညနေပိုင်းမှာ စစ်ရေးပြအခမ်းအနား ပြုလုပ်သွားမှာဖြစ်ပါ တယ်။ ဒါနဲ့ ပတ်သက်ပြီး မီဒီယာများ သိလိုသူများက ညနေပိုင်း၊ ညပိုင်းအချိန်မှာလုပ်တာနဲ့ ပတ်သက်ပြီး မေးမြန်း တာရှိပါတယ်။ တပ်မတော်နဲ့ပတ်သက်တဲ့ သမိုင်းကြောင်းလေးကို အရင်ပြောချင်ပါတယ်။ တပ်မတော်နေ့ကို ၁၉၄၆ ခုနှစ်မှာ ပထမအကြိမ် စတင်ကျင်းပခဲ့တာဖြစ်ပါတယ်။ ဒီလိုကျင်းပတဲ့အခါ မနက်ပိုင်းကျင်းပခဲ့တာ မျိုးရှိပါတယ်။ ညနေပိုင်း၊ ညပိုင်းကျင်းပခဲ့တာမျိုး ရှိပါတယ်။ တပ်မတော်နေ့ကို ညနေပိုင်း၊ ညပိုင်းစစ်ရေးပြ အခမ်းအနားပြုလုပ်မှုနဲ့ ပတ်သက်ပြီး ၁၉၅၄ ခုနှစ် ၉ နှစ်မြောက်တပ်မတော်နေ့ကနေ ၁၉၆၇ ခုနှစ် ၂၂ နှစ်မြောက် တပ်မတော်နေ့အထိ ၁၄ ကြိမ်တိုင်တိုင် ညနေပိုင်း၊ ညပိုင်းမှာ ကျင်းပခဲ့တာဖြစ်ပါတယ်။ ဒီနှစ်မှာလည်း ညနေပိုင်း၊ ညပိုင်းကျင်းပရခြင်းဖြစ်ပါတယ်။ နောက်တစ်ခုကတော့ ရာသီဥတုအခြေအနေအရဖြစ်ပါတယ်။ ဒီနှစ်ဟာ အယ်လ်နီညိုကျရောက်နေတဲ့နှစ်ဖြစ်လို့ ရာသီဥတုအခြေအနေအရလည်း ညနေပိုင်း၊ ညပိုင်းမှာကျင်းပရ ခြင်းဖြစ်ပါတယ်။ ထူးခြားမှုအနေနဲ့ကတော့ ညပိုင်းမှာ စစ်ရေးပြအခမ်းအနားကျင်းပချိန်မှာ လေယာဉ်၊ ရဟတ်ယာဉ်များရဲ့ ညဘက်စွမ်းရည်ပြပျံသန်းမှုကို ထူးခြားစွာတွေ့မြင်ရမှာဖြစ်ကြောင်း ပြောလိုပါတယ်” ဟု ပြောကြားလိုက်ခြင်း ဖြစ်သည်။

မနက်ဖြန် မတ်လ ၂၇ ရက်တွင် ပြုလုပ်မည့် ၇၉ နှစ်မြောက် တပ်မတော်နေ့စစ်ရေးပြအခမ်းအနားမှာ ချီတက်ကြမည့် စစ်ရေးပြစစ်ကြောင်းကြီးများ တန်းစီကွင်းကနေ စစ်ရေးပြကွင်းကြီးထိ ချီတက်ရာလမ်း ကြောင်းတစ်လျှောက် ဂုဏ်ပြုပန်းစည်းကမ်းလိုသူများအနေဖြင့်လည်း ကြိုတင်စာရင်းပေးသွင်းနိုင်ကြောင်း နစက အနေဖြင့် ထုတ်ပြန်ထားသေးသည်။

(၇၉)နှစ်မြောက်တပ်မတော်နေ့စစ်ရေးပြအခမ်းအနား၌ ပါဝင်စစ်ရေးပြကြမည့် စစ်ရေးပြ စစ်ကြောင်းကြီးများ ဝတ်စုံပြည့် စစ်ရေးပြလေ့ကျင့်ခြင်းကို ပြီးခဲ့သည့် မတ်လ ၂၂ ရက်က နေပြည်တော်စစ် ရေးပြ ကွင်း၌ ဆောင် ရွက်ခဲ့ကြကြောင်း သိရသည်။

စစ်ရေးပြလေ့ကျင့်မှုတွင် အနော်ရထာစစ်ကြောင်း၊ ကျန်စစ်သားစစ်ကြောင်း၊ ဘုရင့်နောင်စစ်ကြောင်း၊ အောင် ဇေယျစစ်ကြောင်း၊ ဆင်ဖြူရှင် စစ်ကြောင်း၊ ဗန္ဓုလစစ်ကြောင်းနှင့် အောင်ဆန်းစစ်ကြောင်းများပါဝင်ပြီး စုရပ်ဖြစ်သည့် သစ်တပ်ကွင်းမှ စစ်ရေးပြကွင်းသို့ တပ်မတော်စစ်တီးဝိုင်းအဖွဲ့များ၏ တီးခတ်မှု နှင့်အတူစစ်ချီ သီချင်းများသီဆို၍ ညီညာစွာချီတက်ကြပြီးစစ်ရေးပြ အခမ်းအနား အစီအစဉ်အတိုင်း လေ့ကျင့်ဆောင်ရွက်ခဲ့ကြခြင်း ဖြစ်ကြောင်း သိရသည်။

အဆိုပါ စစ်ရေးပြအခမ်းအနားကို တပ်မတော်(ကြည်း၊ရေ၊လေ)နှင့် မြန်မာနိုင်ငံရဲတပ်ဖွဲ့တို့မှ အရာရှိ၊စစ်သည် များ၊ အမျိုးသမီးတပ်ဖွဲ့ဝင်များ၊ အမျိုးသမီးအထူးတပ်ဖွဲ့ဝင်များ၊ တပ်မတော်(လေ)မှ လေယာဉ်၊ ရဟတ်ယာဉ်များဖြင့် ပြုလုပ်ခဲ့ခြင်း ဖြစ်ကြောင်း သိရသည်။

#Local_News #တပ်မတော်နေ့ကိုညပိုင်းကျင်းပ #ဗိုလ်ချုပ်ဇော်မင်းထွန်း #Yangon_Times/PP

ရန်ကုန်၊ မန္တလေးအပါအဝင်ဒေသ(၉)ခုမှာ နေ့အပူချိန်တိုးဖို့ ရှိတယ်။ နေပြည်တော်၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ကရင်ပြည်နယ်နှင့် မွန်ပြည်နယ်တို့မှာ နေ့အပူချိန်များ အနည်းငယ်တိုးလာနိုင်တယ်။ အပူကြောင့်ဖျားနာနေမကောင်းမဖြစ်နေဖို့လိုတယ်။
#Local_News
Published_ 26 March 2024
မန္တလေးနှင့်ဒေသ(၉)ခု #နေ့အပူချိန်တိုး
#tthl #Yangon_Times

#Local_News
Published_ 26 March 2024

စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းဈေးနှုန်းများကျဆင်းလျက်ရှိကြောင်း ကွမ်းစိုက်တောင်သူများထံမှ သိရသည်။ 

မုံရွာမြို့နယ်၌ ဖြစ်ပေါ်နေသော ကွမ်းဈေးနှုန်းများ အနေဖြင့် အရည်အသွေးအပေါ်မူတည်၍ ဖေဖော်ဝါရီလ​နောက်ဆုံးပတ်တွင် ကွမ်းတစ်ပိဿာလျှင် ငွေကျပ် ၅,၀၀၀-၇,၀၀၀ ဖြင့်လည်းကောင်း၊ မတ်လပထမပတ်တွင် ငွေကျပ် ၃,၀၀၀-၄,၀၀၀ ဖြင့်လည်းကောင်း၊ မတ်လ ဒုတိယပတ်တွင် ငွေကျပ် ၂,၀၀၀-၂,၅၀၀ ဖြင့်လည်းကောင်း၊ ဆက်တိုက်ကျဆင်းလျက်ရှိကြောင်း သိရသည်။

အဆိုပါ စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းကို ဆောင်းစိုက်နှင့် မိုးစိုက်ဟူ၍ နှစ်မျိုးခွဲ၍ စိုက်ပျိုးကြရာ မိုးစိုက်သည် ပိုးကျလွယ်သည့်အတွက် အနည်းငယ်သာ စိုက်ပျိုးကြပြီး ဆောင်းစိုက်ကိုသာ ပိုမိုစိုက်ပျိုးကြကြောင်း ၊ကွမ်းကို တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ စိုက်ပျိုးကြကြောင်း သိရသည်။

ပွင့်လင်းရာသီချိန်တွင် ကွမ်းအထွက်နှုန်းတိုးလာပြီး ဈေးကွက်အတွင်း ကုန်စည်ဝင်ရောက်မှု များပြားကာ ဈေးနှုန်းများ ဆက်လက်ကျဆင်းရှိကြောင်း  သိရသည်။

#Local_News #ကွမ်းဈေးနှုန်းများကျဆင်း #YMG/ NN #Yangon-Times

#Local_News
Published_ 26 March 2024

ထိုင်းနိုင်ငံမှ နိုင်ငံတကာအဆင့်မီ တက္ကသိုလ် ၃၀ ကျော် ပါဝင်ပြသမည့် (၇) ကြိမ်မြောက် ထိုင်းတက္ကသိုလ်ပေါင်းစုံ ပညာရေးပြပွဲကို ဧပြီ (၇) ရက် နံနက် (၉) နာရီမှ ညနေ (၄) နာရီအထိ ရန်ကုန်မြို့ ကမ္ဘာအေးဘုရားလမ်းရှိ ဆီဒိုးနားဟိုတယ်၌ကျင်းပသွားမှာဖြစ်ကြောင်း သိရပါတယ်။

ထိုင်းတက္ကသိုလ်ပေါင်းစုံ ပညာရေးပြပွဲကို ထိုင်းတက္ကသိုလ်ဘွဲ့ရ မြန်မာကျောင်းသားများ အသင်း Association of Myanmar Alumni from Universities in Thailand က ကြီးမှူးကျင်းပတာဖြစ်ပါတယ်။

ပြပွဲတွင် ထိုင်းနိုင်ငံမှ နိုင်ငံတကာအဆင့်မီ နာမည်ကျော်တက္ကသိုလ် ၃၂ ခု ပါဝင်ပြသမည်ဖြစ်ပြီး၊ တက္ကသိုလ်၊ ကောလိပ်များ၊ ပညာရေးအဖွဲ့အစည်းများ၏ ကိုယ်စားလှယ်များထံမှ သတင်းအချက်အလက်များကိုတစ်ပြိုင်နက်တည်း ရရှိနိုင်မှာ ဖြဟ်ပါတယ်။

မြန်မာ ကျောင်းသား/သူများအနေဖြင့် ပညာရေးပြပွဲသို့ မည်သူမဆို ဝင်ကြေး အခမဲ့ဖြင့် လာရောက်လေ့လာနိုင်မှာဖြစ်ပြီး ထိုင်းတက္ကသိုလ်အများအပြားနှင့် တိုက်ရိုက်ဆွေးနွေးမှုများ ပြုလုပ်နိုင်ကာ scholarships ၁၀၀ ရာခိုင်နှုန်းထိပေးမယ့် တက္ကသိုလ်များလည်း ပါဝင်မည်ဖြစ်ကြောင်း သိရသည်။

#Local_News #ထိုင်းတက္ကသိုလ်၃၀ကျော် #ပညာရေးပြပွဲ #Ymg_mnn #Yangon_Media_Group

#World_News
Published 26 March 2024

အစ္စရေးလ်နဲ့ ပါလက်စ်တိုင်း စစ်သွေးကြွ ဟားမတ်စ်တို့ကြား ချက်ချင်းအပစ်အခတ် ရပ်စဲရေးကို တောင်းဆိုထားတဲ့ ဖြေရှင်းဆုံးဖြတ်ချက်တစ်ခုကို ကုလသမဂ္ဂလုံခြုံရေးကောင်စီက တနင်္လာနေ့မှာ အတည်ပြုလိုက်ပြီး အမေရိကန်ကတော့ ကြားနေမဲသာ ပေးခဲ့ကာ ယင်းရဲ့မဟာမိတ် အစ္စရေးလ်နဲ့ ကတောက်ကဆ ဖြစ်ခဲ့ရပါတယ်။

ကျန်တဲ့ကောင်စီအဖွဲ့ဝင် ၁၄ နိုင်ငံက ထိုဖြေရှင်းဆုံးဖြတ်ချက်ကို ထောက်ခံမဲပေးခဲ့ပြီး ဓားစာခံအားလုံး ခြွင်းချက်မရှိ ချက်ချင်းလွှတ်ပေးရေးလည်း တောင်းဆိုချက်ထဲမှာ ပါဝင်ပါတယ်။

ဖြေရှင်းဆုံးဖြတ်ချက်ကို မဖြစ်မနေ အသက်သွင်းရမှာဖြစ်ပြီး အသုံးမချနိုင်တာမျိုး လက်မခံနိုင်ဘူးလို့ ကုလအထွေထွေ အတွင်းရေးမှူးချုပ် အန်တိုနီယိုဂူတာရက်စ်က ဆိုရှယ်မီဒီယာမှာ ပြောကြားလိုက်ပါတယ်။

အမေရိကန်မှ ဗီတိုအာဏာမသုံးလိုက်ခြင်းကြောင့် ယခင်ရပ်တည်ချက်ကနေ နောက်ဆုတ်သွားတယ်ဆိုတာ ရှင်းလင်းနေပြီး အစ္စရေးလ်တို့ရဲ့ စစ်ရေးအားထုတ်မှုတွေနဲ့ ဓားစာခံလွတ်မြောက်ရေး ကြိုးပမ်းမှုများကို ထိခိုက်စေတယ်လို့ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူက ပြောပြပါတယ်။

ကုလသမဂ္ဂမှ မဲခွဲဆုံးဖြတ်ပြီးနောက် ဂါဇာတောင်ပိုင်းမြို့ရာဖာမှာ ပြုလုပ်မယ့် စစ်ဆင်ရေးအကြောင်း ဆွေးနွေးသွားမယ့် အမေရိကန်ခရီးစဥ်ကို အစ္စရေးလ်ဝန်ကြီးချုပ်က ပယ်ဖျက်လိုက်ပါတယ်။

ဂါဇာစစ်ပွဲ ၆ လနီးပါးကြာမြင့်လာချိန်မှာ အမေရိကန်က ဗီတိုအာဏာဖြင့် အစ္စရေးလ်လက်စားချေနိုင်ဖို့ကို ကာကွယ်ပေးနေခဲ့ပါတယ်။

ဒါပေမဲ့ ပါလက်စ်တိုင်းဘက်မှ လူပေါင်း ၃၂၀၀၀ ကျော်သေဆုံးထားကြောင်း ပါလက်စ်တိုင်း ကျန်းမာရေးဝန်ကြီးဌာနမှ တိုင်ကြားလာကာ စစ်ပွဲပြေငြိမ်းရန် နိုင်ငံတကာမှ ဖိအားပေးလာပြီးနောက် အမေရိကန်က ကြားနေမဲပေးခဲ့ကာ လုံခြုံရေးကောင်စီရဲ့ ချက်ချင်းအပစ်အခတ် ရပ်စဲရေးတောင်းဆိုချက်ကို ခွင့်ပြုခဲ့ရပါတယ်။

ဟားမတ်စ်တို့က ကုလဆုံးဖြတ်ချက်ကို လက်ခံကြိုဆိုလိုက်ပြီး နှစ်ဖက်စလုံးမှ အကျဥ်းသားလဲလှယ်ရေး အသင့်ပြင်ဆင်ထားကြောင်း ဖော်ပြသွားပါတယ်။

အမေရိကန်အနေနဲ့ ဆုံးဖြတ်ချက်ထဲက အချို့အရာများကို ထောက်ခံပေမယ့် အရာအားလုံးကို သဘောတူတာတော့ မဟုတ်ကြောင်း၊ ဓားစာခံအရင်လွှတ်ပေးပြီး အပစ်အခတ်ရပ်စဲရေး စတင်နိုင်ကြောင်း၊ ဒီလိုလုပ်ဖို့ ဟားမတ်စ်တို့ကို ဖိအားပေးသင့်ကြောင်း ကုလသမဂ္ဂဆိုင်ရာ အမေရိကန်သံအမတ် လင်ဒါသောမတ်စ်ဂရင်းဖီးလ်က ပြောပါတယ်။

ရာဖာမှာရှိနေတဲ့ စစ်ဘေးရှောင် ပါလက်စ်တိုင်းတွေကတော့ အပစ်အခတ်ရပ်စဲရေး ချက်ချင်းအသက်သွင်းပေးဖို့ မျှော်လင့်နေကြပါတယ်။

#World_News #ကုလသမဂ္ဂလုံခြုံရေးကောင်စီ #မဲခွဲအတည်ပြု #Source: Reuters

#Local_News
Published_ 26 March 2024

ယခုဘဏ္ဍာနှစ်အတွင်းသစ်တောထွက်ပစ္စည်းတင်ပို့မှုမှ အမေရိကန်ဒေါ်လာသန်း၆၀ ကျော်ဖိုး ပြည်ပသို့ရရှိခဲ့ကြောင်းစီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

ယခု၂၀၂၃-၂၄ဘဏ္ဍာနှစ် ၂၀၂၃ဧပြီလ ၁ ရက်နေ့မှ ၂၀၂၄ ခုနှစ်မတ်လ ၁၅ရက်နေ့အထိ ဆယ်တစ်လခွဲကာလအတွင်း သစ်တောထွက်ပစ္စည်းအမေရိကန်ဒေါ်လာ ၆၀သန်း ကျော်ဖိုး ပြည်ပသို့ တင်ပို့ရောင်းချခဲ့ခြင်းဖြစ်သည်။

ထို့အပြင်ဆယ့်တစ်လခွဲကာလအတွင်း သစ်တောထွက်ပစ္စည်းတင်ပို့မှု အမေရိကန်ဒေါ်လာ (၆၃ဒသမ၉၇၁) သန်းရှိရာ နိုင်ငံပိုင်တင်ပို့မှုမှအမေရိ ကန်ဒေါ်လာ(ဝဒသမ၇၇၇)  သန်း  နှင့် ပုဂ္ဂလိကတင်ပို့မှုမှ အမေရိကန်ဒေါ်လာ (၆၃ဒသမ၁၉၄) သန်း  တင်ပို့ထားသည်။

မြန်မာနိုင်ငံမှ ပြည်ပသို့ သစ်တောထွက်အပြင် လယ်ယာထွက်ကုန်ပစ္စည်း၊ တိရစ္ဆာန်ထွက်ပစ္စည်း၊ ရေထွက်ပစ္စည်း၊ သတ္တုတွင်းထွက်ပစ္စည်း၊ စက်မှု့ကုန်ချောနှင့်  အခြားပို့ကုန်ပစ္စည်းများ တင်ပို့လျက်ရှိ ရာပြည်ပပို့ကုန်တင်ပို့မှု စုစုပေါင်းမှ အမေရိကန်ဒေါ်လာ(၁၃၉၈၅ဒသမ၀၂၂)သန်းရှိကြောင်း သိရသည်။

#Local_News #အမေရိကန်ဒေါ်လာသန်း၆၀ #ပြည်ပသို့ တင်ပို့ရောင်းချ #YMG /NN #Yangon-Times

#Local_News
Published 26 March 2024

ရန်ကုန်တိုင်းဒေသကြီး၊ အင်းစိန်မြို့နယ်၊ ဒညင်းကုန်းရပ်ကွက် တညင်းကုန်းဈေးရှိ လူနေအိမ်တိုက်ခန်းတွင် မီးလောင်မှုဖြစ်ပွားကြောင်း မီးသတ်တပ်ဖွဲ့နှင့်သွားရောက်ကူညီပေးသည့်ပရဟတိအသင်းများထံက သိရသည်။

မတ်လ ၂၆ရက် မနက် ၉နာရီ၄၇ မိနစ်ခန့်က မီးလောင်မှုဖြစ်ပွားခဲ့သဖြင့် အင်းစိန်မြို့နယ်မီးသတ်စခန်းမှ မီးသတ်ယာဉ်(၂)စီး၊ ရွှေလင်ဗန်းစက်မှုဇုန် သီးသန့်မီးသတ်စခန်းမှ မီးသတ်ယာဉ်(၂)စီး၊ ဒညင်းကုန်းနယ်မြေမီးသတ်စခန်းမှ မီးသတ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရာ ၁၀နာရီ တွင် မီးငြှိမ်းသွားကြောင်း သိရသည်။

"ဈေးဝန်းထဲက လူနေတိုက်ခန်းအပေါ်ဆုံးလေးလွှာမှာ လောင်တာ မီးကအရမ်းတော့မများဘူး အခန်းထဲပဲ လှိုက်လောင်သလိုဖြစ်တာ အိမ်တွင်းပရိဘောဂတွေတော့ လောင်သွားတယ်"ဟု သွားရောက်ကူညီပေးသည့် ပရိဟိတအသင်းမှတာဝန်ရှိသူက ပြောသည်။

မီးလောင်သည့်အကြောင်းရာနှင့်ဆုံးရှုံးမှုတန်ဖိုးကို သက်ဆိုင်ရာက စစ်ဆေးလျက်ရှိကြောင်း မီးလောင်မှုကြောင့် ထိခိုက်ဒဏ်ရာရရှိမှု မရှိကြောင်း သိရသည်။

Photo -Thurein Tun-FB
#Local_News #နေအိမ်တိုက်ခန်း မီးလောင်မှုဖြစ် #YMG/LW #Yangon_Times

Published 26 March 2024

တစ်နေ့ကို စားသောက်ချိန် အပိုင်းအခြားကာလ ၈ နာရီအောက်ရှိသူတွေဟာ နှလုံးရောဂါတစ်ခုခုဖြင့် သေဆုံးနိုင်ခြေ ပိုမိုများပြားကြောင်း လေ့လာချက်တစ်ခုမှာ တွေ့ရှိထားပါတယ်။

မတ်လ ၁၈ ရက်နေ့မှ ၂၁ ရက်နေ့အတွင်း ချီကာဂိုမှာ တင်ပြခဲ့တဲ့ သုတေသနထဲမှာ စားသောက်ချိန်ကို အပိုင်းအခြားကာလ နည်းနည်းဖြင့် စားသောက်သူတွေဟာ တစ်နေ့ကို ၁၂ နာရီကာလအတွင်း စားသုံးသူတွေထက် နှလုံးရောဂါဖြင့် သေဆုံးနိုင်ခြေ ပိုများနေပါတယ်။

အစားစားချိန် ကန့်သတ်ခြင်းပုံစံက တစ်နေ့အတွင်း စားသောက်ချိန်ကို ၄ နာရီမှ ၁၂ နာရီအတွင်းသာ ထားရှိတာ ဖြစ်ပါတယ်။

ထိုလူအများစုဟာ တစ်နေ့ကို ၈ နာရီကာလအတွင်းသာ စားသုံးကြပြီး ကျန်တဲ့ ၁၆ နာရီမှာ အစားမစားကြပါဘူး။

ထိုသို့စားသုံးခြင်းက နှလုံးနဲ့ သက်ဆိုင်တဲ့ ကျန်းမာရေးဖြစ်စဥ်တွေ တိုးတက်စေတယ်လို့ ယခင်လေ့လာချက်တွေမှာ ဖော်ပြထားပါတယ်။

ကိုယ်အလေးချိန်ကျစေပြီး နှလုံးကျန်းမာရေး တိုးတက်စေကြောင်း ရှန်ဟိုင်းကျဲ့တုန်တက္ကသိုလ်မှ ပရော်ဖက်ဆာ ဗစ်တာဝမ်ကျိကျောင်က ပြုစုရေးသားထားပါတယ်။

ယခုတွေ့ရှိချက်မှာတော့ တစ်နေ့ကို စားသောက်ချိန် ၈ နာရီကာလအတွင်း စားသုံးသူတွေဟာ နှလုံးရောဂါတွေကနေ သေဆုံးနိုင်ခြေ ၉၁ ရာခိုင်နှုန်း ပိုများနေပါတယ်။

ဒီလိုမျိုး အချိန်ကန့်သတ်စားသုံးခြင်းဖြင့် အကြောင်းတစ်စုံတစ်ရာကြောင့် အသက်သေဆုံးနိုင်ခြေကို လျှော့ချမပေးပါဘူး။

စားသုံးချိန်ကန့်သတ်ခြင်းက လတ်တလော လူပြောများနေပေမယ့် ပိုမိုကျန်းမာအသက်ရှည်စေတာတော့ မဟုတ်ဘူးလို့ ဝမ်ကျိကျောင်က ဆိုပါတယ်။

ပါဝင်စမ်းသပ်ခံသူတွေကို ၈ နှစ်ကနေ ၁၇ နှစ်လောက်အထိ လိုက်လံဆန်းစစ်ထားတာ ဖြစ်ပါတယ်။

သို့ပေမယ့် အချက်အလက်အများစုက ကိုယ်တိုင်တင်ပြထားတာကြောင့် ယုံကြည်စိတ်ချရမှုအပိုင်းမှာ စဥ်းစားစရာရှိပါတယ်။

ထိုသို့စားသုံးခြင်းပုံစံက ရေတိုမှာ အကျိုးရှိပေမယ့် ရေရှည်မှာတော့ ဆိုးကျိုးတွေ ရှိလာနိုင်ပါတယ်။

ဒီအကြောင်းကို နောက်ထပ်လေ့လာမှုများ ပြုလုပ်သွားဖို့ စတန်းဖို့ဒ်တက္ကသိုလ်မှ ဒေါက်တာ ခရစ္စတိုဖာဂါ့ဒ်နာက အလေးပေးဖော်ပြသွားပါတယ်။
Source: India Today.
#World_Health
#Published_ 26 March 2024
#YMG_News #Yangon_Times #Yangon_Media_Group

 Published 26 March 2024

သိပ္ပံပညာရှင်တွေဟာ ရောဂါကူးစက်ထားတဲ့ ဆဲလ်များမှ HIV ကို အောင်မြင်စွာ ဖျက်ဆီးနိုင်ခဲ့ပြီး ရောဂါကုသမှု ရရှိရန် မျှော်လင့်ချက် တိုးလာပြီဖြစ်ပါတယ်။

အမ်စတာဒမ် UMC မှ အဖွဲ့ဟာ မျိုးဗီဇပြုပြင်ခြင်းနည်းပညာကို အသုံးပြုပြီး ဓာတ်ခွဲခန်းထဲမှာ ဆဲလ်တွေထဲက ဗိုင်းရပ်စ်အစအနအားလုံးကို ဖယ်ရှားနိုင်ခဲ့တယ်လို့ ဖော်ပြခဲ့ပါတယ်။

နယ်သာလန်သုတေသီအဖွဲ့က မျိုးဗီဇပြုပြင်ခြင်းနည်းပညာဖြင့် တိရိစ္ဆာန်တွေ၊ အပင်တွေ၊ အဏုဇီဝပိုးမွှားတွေရဲ့ ဒီအင်န်အေကို အလွန်တိကျစွာ ပြောင်းလဲနိုင်ပါတယ်။

ဒီအင်န်အေမှာ လိုချင်တဲ့နေရာကို အတိအကျဖြတ်တောက်ပြီး ဆဲလ်တွေမှာ HIV ကူးစက်ခြင်းကို လုံးဝဖျက်ဆီးလိုက်တာ ဖြစ်ပါတယ်။

ဗိုင်းရပ်စ်က ဒီအင်န်အေထဲမှာ အသေအချာ တွယ်ဝင်နေတာကြောင့် HIV ဟာ ကုသရ အလွန်ခက်ခဲပါတယ်။

အမျိုးမျိုးသော ဆဲလ်တွေထဲက HIV မျိုးကွဲတွေအားလုံးကို ဖျက်ဆီးနိုင်အောင် ဘေးကင်းစိတ်ချရတဲ့ နည်းလမ်းဖြစ်ရန် ရည်ရွယ်ထားကြောင်း ဖော်ပြထားပါတယ်။

ဗိုင်းရပ်စ်ကို ဒီလိုမျိုး လက်တွေ့ဖျက်ဆီးဖို့အတွက် နောက်ထပ်သုတေသနများ ပြုလုပ်ရန် လိုအပ်သေးတယ်လို့ သိပ္ပံပညာရှင်များ သတိပေးထားပါတယ်။

နောက်ထပ်ဦးတည်ချက်ကတော့ ဗိုင်းရပ်စ်မကူးစက်တဲ့ဆဲလ်တွေကို မထိစေဘဲ HIV ကူးစက်ထားတဲ့ ဆဲလ်တွေကိုသာ ပစ်မှတ်ထားတာ ဖြစ်ပါတယ်။

ဒီနည်းပညာက အောင်မြင်နိုင်ခြေရှိပေမယ့် ရေရှည်ကုသရာမှာတော့ ပိုးသတ်ဆေးတွေ လိုအပ်နိုင်ပါသေးတယ်။
Source: New York Post.
#World_Health
#Published_ 26 March 2024
#YMG_News #Yangon_Times #Yangon_Media_Group

Published_25 March 2024

AA က စစ်တွေမြို့သို့ပို့မည့် ငွေကျပ် ၁ ဘီလီယံခန့်တန်ဖိုးရှိ မူးယစ်ဆေးဝါးများကို မတ်လ ၂၁ ရက် ဖမ်းဆီးရ မိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

စစ်တွေမြို့နေ AA အဖွဲ့ ထောက်ပံ့ရေးတာဝန်ခံ တရားခံပြေး သန့်ဇင်ဦးက ဘူးသီးတောင် မြို့နေ AA အဖွဲ့ ထောက်ပံ့ရေးတာဝန်ခံ တရားခံပြေး မေယုထွန်း နှင့် ချိတ်ဆက်၍ မူးယစ်ဆေးဝါးများကိုရန်ကုန်မြို့မှတစ်ဆင့် စစ်တွေမြို့နှင့် ဘူးသီးတောင် မြို့များသို့ ပို့ဆောင်နေကြောင်း သတင်းအရ လုံခြုံရေး တပ်ဖွဲ့ဝင်များက တာ မွေမြို့နယ်၊ မေတ္တာညွန့်ရပ်ကွက်၊ စက်မှု(၅)လမ်း၊ အိမ်အမှတ် (၃၀၁)သို့ ဝင်ရောက်စစ်ဆေးရှာဖွေခဲ့ရာမှ အထက်ပါအတိုင်း ဖမ်းမိခဲ့ခြင်း ဖြစ်ကြောင်း သိရသည်။

အဆိုပါနေအိမ်တွင် မူးယစ်ဆေးဝါးများသယ်ယူပို့ဆောင်ပေးသည့် ထွန်းသိန်းအောင်နှင့်၎င်း၏ ဇနီးဖြစ်သူ စုမြတ် ဝေတို့ ၂ ဦးအား ဖမ်းဆီးရမိခဲ့ပြီး ယင်းတို့၏ ထွက်ဆိုချက်အရ မရမ်းကုန်းမြို့နယ်၊ ဘုရင့်နောင်ဆိပ်ကမ်းရှိ အမှတ်(၂)တံတား၌ဆိုက်ကပ်ထားသော ရန်ကုန်-စစ်တွေပြေးဆွဲသည့်“အမ်ဗွီ-စိန်ပြည့်မင်း”ကုန်တင်သင်္ဘော ကိုဝင်ရောက်ရှာဖွေ စစ်ဆေးခဲ့ရာ ကတ္တူဖာများအတွင်း၌ WY စာတန်းပါ(ပန်းရောင်)စိတ်ကြွရူးသွပ်ဆေးပြား ၁ သန်းပြား၊ ကာလတန်ဖိုး ငွေကျပ် ၁ ဘီလီယံခန့်ကို ထပ်မံသိမ်းဆည်းရမိခဲ့ကြောင်း သိရသည်။

စုမြတ်ဝေ၏ ထွက်ဆိုချက်အရ မတ်လ ၁၄ ရက်တွင် စစ်တွေမြို့၊ ဘောက်သီးစုရပ်ကွက်နေ အစ်မဝမ်း ကွဲ၏ခင်ပွန်းဖြစ်သူ တရားခံပြေး သန့်ဇင်ဦးမှ မူးယစ်ဆေးဝါးများကို ရန်ကုန်မြို့မှ စစ်တွေမြို့သို့ ပို့ဆောင် ပေးပါက ငွေကျပ်သိန်း ၂၀၀ ပေးမည်ဟု ပြောကြားသောကြောင့် ခင်ပွန်းဖြစ်သူ ထွန်းသိန်းအောင်နှင့် တိုင်ပင် ကာ သဘောတူလက်ခံခဲ့ကြောင်း၊ မတ်လ ၂၀ ရက်တွင် တရားခံပြေး သန့်ဇင်ဦး၏သား တရားခံပြေး ကျော်ပိုင် သူ လာရောက်ပို့ဆောင်ပေးသည့် မူးယစ်ဆေးဝါးများကို “ဂေါ်ဇီလာ”ဆပ်ပြာတောင့်များနှင့်အတူ ရောနှော ထုပ်ပိုးပြီး ကတ္တူဖာများအတွင်းထည့်ကာ ရခိုင် ပြည်နယ်၊ စစ်တွေမြို့သို့ပို့ဆောင်ရန် မရမ်းကုန်းမြို့နယ်၊ ဘုရင့်နောင်ဆိပ်ကမ်းရှိ အမှတ်(၂) တံတား၌ ဆိုက်ကပ်ထားသော ရန်ကုန်-စစ်တွေပြေးဆွဲသည့် “အမ်ဗွီ-စိန်ပြည့်မင်း” ကုန်တင်သင်္ဘောပေါ်သို့ တင်ဆောင်ပေးခဲ့ကြောင်း သိရသည်။

၂၀၁၆ ခုနှစ်မှစ၍ ယနေ့အထိ AA သောင်းကျန်းသူအဖွဲ့နှင့် ဆက်စပ် ပတ်သက်သည့် မူးယစ်ဆေးဝါး ဖမ်းဆီးရမိမှုမှာ ၉ ကြိမ်ရှိပြီး သိမ်းဆည်းရမိ မူးယစ် ဆေးဝါး ကာလတန်ဖိုး ၂၉၄ ဒသမ ၈၂ ဘီလီယံကျပ်ဖြစ် ကြောင်း နစက သတင်းထုတ်ပြန်ရေးအဖွဲ့၏ ထုတ်ပြန်ချက်အရ သိရသည်။

ယခုအခါ တရားခံပြေး သန့်ဇင်ဦး နှင့် ကျော်ပိုင်သူ အပါအဝင် ဆက်စပ်တရားခံများအား ဖော်ထုတ်ဖမ်း ဆီးရမိရေး ဆက်လက်ဆောင်ရွက်လျက်ရှိ ကြောင်းလည်း သိရသည်။
Yangon_Times/PP
#Local_News
#Published_ 25 March 2024
#YMG_News #Yangon_Times #Yangon_Media_Group

Published_ 25 March 2024

ရန်ကုန်စီးပွားရေးတက္ကသိုလ်မှာ ( ၂၀၂၄ - ၂၀၂၅ ) ပညာသင်နှစ်အတွက် စီးပွားရေးစီမံခန့်ခွဲမှုဆိုင်ရာ MBA၊EMBAတန်းများအပါအဝင်မဟာဘွဲ့သင်တန်း (၁၀) ခုနှင့် ဘွဲ့လွန်ဒီပလိုမာသင်တန်း (၂) ခုအတွက် ဝင်ခွင့်လျှောက်လွှာများကို လာမည့် မတ်လ ၂၈ ရက်၌ စတင်လျှောက်ထားနိုင်ပြီဖြစ်ကြောင်း သိရသည်။  

 လျှောက်ထားနိုင်သော မဟာဘွဲ့သင်တန်းများမှာ

၁။ စီးပွားရေးလုပ်ငန်းစီမံခန့်ခွဲမှုမဟာဘွဲ့ (Master of Business Administration - MBA)

၂။ ပြည်သူ့ရေးရာစီမံခန့်ခွဲမှုပညာမဟာဘွဲ့ (Master of Public Administration - MPA) Online သင်တန်း 

၃။ ဖွံ့ဖြိုးရေးပညာမဟာဘွဲ့ (Master of Development Studies - MDevS) Online သင်တန်း 

၄။ ဘဏ်လုပ်ငန်းနှင့် ဘဏ္ဍာရေးပညာမဟာဘွဲ့ (Master of Banking and Finance - MBF) Online သင်တန်း 

၅။ အသုံးချစာရင်းအင်းပညာမဟာဘွဲ့ (Master of Applied Statistics - MAS) Online သင်တန်း

၆။ ဈေးကွက်စီမံခန့်ခွဲမှုပညာမဟာဘွဲ့ (Master of Marketing Management - MMM) Online သင်တန်း 

၇။ ဧည့်ဝတ်နှင့်ခရီးသွားလာရေးစီမံခန့်ခွဲမှုမဟာဘွဲ့ (Master of Hospitality and Tourism Management - MHTM) Online သင်တန်း 

၈။ စီးပွားရေးလုပ်ငန်းစီမံခန့်ခွဲမှုမဟာဘွဲ့ (Executive Master of Business Administration - EMBA) 

၉။ ပြည်သူ့ရေးရာစီမံခန့်ခွဲမှုပညာမဟာဘွဲ့ (Executive Master of Public Administration - EMPA)(Online သင်တန်း)

၁၀။ ဖွံ့ဖြိုးရေးပညာမဟာဘွဲ့ (Executive Master of Development Studies - EMDevS) (Online သင်တန်းတို့ဖြစ်သည်။

ယင်းအပြင် ဘွဲ့လွန်ဒီပလိုမာသင်တန်းများအနေဖြင့်

၁။ သုတေသနပညာဘွဲ့လွန်ဒီပလိုမာ (Post Graduate Diploma in Research Studies - PGDRS) Online သင်တန်း

၂။ ဈေးကွက်ဆိုင်ရာစီမံခန့်ခွဲမှုဘွဲ့လွန်ဒီပလိုမာ (Post Graduate Diploma in Marketing Management - PGDMM) Online သင်တန်းတို့ကိုဖွ င့်လှစ်မည်ဟုဆိုသည်။

အဆိုပါ မဟာဘွဲ့သင်တန်းများနှင့် ဘွဲ့လွန်ဒီပလိုမာသင်တန်းများအနေဖြင့် အသိအမှတ်ပြု တက္ကသိုလ်တစ်ခုခုမှ ဘွဲ့ရရှိပြီးသူဖြစ်ရမည်။

 အခြားတက္ကသိုလ်တစ်ခုခုတွင် သင်တန်းတစ်ခုခုကို တစ်ပြိုင်တည်း တက်ရောက်နေသူ မဖြစ်စေရ။
 သက်ဆိုင်ရာ သင်ရိုးနှင့်အညီ သတ်မှတ်ထားသော အချိန်အတိုင်း ပြည့်မီစွာ တက်ရောက်နိုင်သူ ဖြစ်ရမည်။

 သင်တန်းဝင်ခွင့်ရေးဖြေစာမေးပွဲနှင့် လူတွေ့ အကဲဖြတ်စစ်ဆေးခြင်းတို့ကို လူကိုယ်တိုင် လာရောက်ဖြေဆိုအောင်မြင်သူဖြစ်ရမည်။

 Executive တန်းများအတွက် (၁-၇-၂၀၂၄) ရက်နေ့တွင် အသက် (၃၀) နှစ် ပြည့်ပြီးသူဖြစ်ရမည်။
 MBF (Online) သင်တန်းအတွက် ဘဏ်လုပ်ငန်း၊ ဘဏ္ဍာရေးဆိုင်ရာ လုပ်ငန်းခွင်တစ်ခုခုတွင် လုပ်ငန်းခွင် အတွေ့အကြုံ လုပ်သက်အနည်းဆုံး (၂) နှစ်ရှိပြီး (၁-၇-၂၀၂၄) ရက်နေ့တွင် အသက် (၂၅) နှစ် ပြည့်ပြီးသူဖြစ်ရမည်။ 

 MAS (Online) သင်တန်းအတွက် လုပ်ငန်းခွင် လုပ်သက်အနည်းဆုံး (၂) နှစ်နှင့် (၁-၇-၂၀၂၄) ရက်နေ့တွင် အသက် (၂၅) နှစ်ပြည့်ပြီးသူ ဖြစ်ရမည်။ Computing Skills တတ်ကျွမ်းသူ ဖြစ်ရမည်။
 
MMM (Online) သင်တန်းအတွက် ဈေးကွက်စီမံခန့်ခွဲမှုဆိုင်ရာလုပ်ငန်းခွင် (အလယ်အလတ်အဆင့်စီမံခန့်ခွဲမှု) အတွေ့အကြုံ လုပ်သက်အနည်းဆုံး (၂) နှစ်ရှိပြီး (၁-၇-၂၀၂၄) ရက်နေ့တွင် အသက်(၂၅) နှစ် ပြည့်ပြီးသူဖြစ်ရမည်။ 
 
MHTM (Online) သင်တန်းအတွက် ဧည့်ဝတ်နှင့်ခရီးသွားလာရေး စီမံခန့်ခွဲမှုဆိုင်ရာလုပ်ငန်းခွင် (အလယ် အလတ်အဆင့်စီမံခန့်ခွဲမှု) အတွေ့ အကြုံလုပ်သက် အနည်းဆုံး (၂) နှစ်ရှိပြီး (၁-၇-၂၀၂၄) ရက်နေ့တွင် အသက် (၂၅) နှစ် ပြည့်ပြီးသူဖြစ်ရမည်။
 
EMBA သင်တန်းအတွက် အစိုးရဝန်ထမ်းဖြစ်လျှင် ပြန်တမ်းဝင်အရာရှိ လုပ်သက်အနည်းဆုံး (၈) နှစ် ရှိရမည်ဖြစ်ပြီး၊ နိုင်ငံတကာအဖွဲ့အစည်းနှင့် ပုဂ္ဂလိကစီးပွားရေး လုပ်ငန်းများမှ ဝန်ထမ်းဖြစ်လျှင် Executive Level (စီမံခန့်ခွဲမှုအဆင့်) လုပ်သက်အနည်းဆုံး (၈) နှစ် ရှိရမည်။
 
EMPA နှင့် EMDevS (Online သင်တန်း) အတွက် အစိုးရဝန်ထမ်းဖြစ်လျှင် ပြန်တမ်းဝင်အရာရှိ လုပ်သက် အနည်းဆုံး (၂) နှစ်ရှိရမည်ဖြစ်ပြီး၊ နိုင်ငံတကာအဖွဲ့အစည်းနှင့် ပုဂ္ဂလိကစီးပွားရေး လုပ်ငန်းများမှ ဝန်ထမ်းဖြစ်လျှင် Executive Level (စီမံခန့်ခွဲမှု အဆင့်) လုပ်သက် (၂) နှစ် ရှိရမည် ဖြစ်ပြီး 
 
သင်တန်းနှင့်သက်ဆိုင်သော စာရွက်စာတမ်းများနှင့် သတ်မှတ်ထားသည့် လျှောက်လွှာပုံစံများကို အောက်ဖော်ပြပါ ဌာနများတွင် သတ်မှတ်ရက်အတွင်း တင်သွင်းလျှောက်ထားနိုင်ကြောင်း သိရသည်။
 
 ၁။MBA (ပုံမှန်) , EMBA(ပုံမှန်) လျှောက်လွှာတင်ရမည့်ရက် - (၂၈-၃-၂၀၂၄ မှ ၂၃-၅-၂၀၂၄) 
ရေးဖြေဖြေဆိုရမည့်ရက် - (၂၆-၅-၂၀၂၄) တနင်္ဂနွေနေ့ ဆက်သွယ်ရမည့်ဖုန်း - (၀၁ ၈၆၆၄၆၈၄) - လှိုင်နယ်မြေ

၂။ MPA(Online) , EMPA(Online)
လျှောက်လွှာတင်ရမည့်ရက် - (၃-၄-၂၀၂၄ မှ ၁၄-၆-၂၀၂၄) ရေးဖြေဖြေဆိုရမည့်ရက် - (၁၅-၆-၂၀၂၄) (၁၆-၆-၂၀၂၄) 
 
၃။ MDevS(Online) , EMDevS(Online)
လျှောက်လွှာတင်ရမည့်ရက် - (၂၈-၃-၂၀၂၄ မှ ၂၁-၆-၂၀၂၄)ရေးဖြေဖြေဆိုရမည့်ရက် - (၂၃-၆-၂၀၂၄) 

၄။ MBF , MHTM , MMM (Online) 
လျှောက်လွှာတင်ရမည့်ရက် - (၂၈-၃-၂၀၂၄ မှ ၆-၆-၂၀၂၄) ရေးဖြေဖြေဆိုရမည့်ရက် - (၂၃-၆-၂၀၂၄)
 
၅။ MAS(Online)
လျှောက်လွှာတင်ရမည့်ရက် - (၆-၅-၂၀၂၄ မှ ၂၆-၇-၂၀၂၄) ရေးဖြေဖြေဆိုရမည့်ရက် - (၂၈-၇-၂၀၂၄) 

၆။ PGDRS (Online) 
လျှောက်လွှာတင်ရမည့်ရက် - (၂၈-၃-၂၀၂၄ မှ ၂၃-၅-၂၀၂၄)
ရေးဖြေဖြေဆိုရမည့်ရက် - ၂၇-၅-၂၀၂၄ 

၇။ PGDMM (Online) 
လျှောက်လွှာတင်ရမည့်ရက် - (၂၈-၃-၂၀၂၄ မှ၂၈-၆-၂၀၂၄)ရေးဖြေဖြေဆိုရမည့်ရက် - ၈-၇-၂၀၂၄(တနင်္လာနေ့)တို့ဖြစ်ကြောင်း သိရသည်။
Yangon Times/tthl
#Local_News
#Published_ 25 March 2024
#YMG_News #Yangon_Times #Yangon_Media_Group

Published_ 25 March 2024

ရန်ကုန်စီးပွားရေးတက္ကသိုလ်မှာ ( ၂၀၂၄ - ၂၀၂၅ ) ပညာသင်နှစ်အတွက် စီးပွားရေးစီမံခန့်ခွဲမှုဆိုင်ရာ MBA၊EMBAတန်းများအပါအဝင်မဟာဘွဲ့သင်တန်း (၁၀) ခုနှင့် ဘွဲ့လွန်ဒီပလိုမာသင်တန်း (၂) ခုအတွက် ဝင်ခွင့်လျှောက်လွှာများကို လာမည့် မတ်လ ၂၈ ရက်၌ စတင်လျှောက်ထားနိုင်ပြီဖြစ်ကြောင်း သိရသည်။  

 လျှောက်ထားနိုင်သော မဟာဘွဲ့သင်တန်းများမှာ

၁။ စီးပွားရေးလုပ်ငန်းစီမံခန့်ခွဲမှုမဟာဘွဲ့ (Master of Business Administration - MBA)

၂။ ပြည်သူ့ရေးရာစီမံခန့်ခွဲမှုပညာမဟာဘွဲ့ (Master of Public Administration - MPA) Online သင်တန်း 

၃။ ဖွံ့ဖြိုးရေးပညာမဟာဘွဲ့ (Master of Development Studies - MDevS) Online သင်တန်း 

၄။ ဘဏ်လုပ်ငန်းနှင့် ဘဏ္ဍာရေးပညာမဟာဘွဲ့ (Master of Banking and Finance - MBF) Online သင်တန်း 

၅။ အသုံးချစာရင်းအင်းပညာမဟာဘွဲ့ (Master of Applied Statistics - MAS) Online သင်တန်း

၆။ ဈေးကွက်စီမံခန့်ခွဲမှုပညာမဟာဘွဲ့ (Master of Marketing Management - MMM) Online သင်တန်း 

၇။ ဧည့်ဝတ်နှင့်ခရီးသွားလာရေးစီမံခန့်ခွဲမှုမဟာဘွဲ့ (Master of Hospitality and Tourism Management - MHTM) Online သင်တန်း 

၈။ စီးပွားရေးလုပ်ငန်းစီမံခန့်ခွဲမှုမဟာဘွဲ့ (Executive Master of Business Administration - EMBA) 

၉။ ပြည်သူ့ရေးရာစီမံခန့်ခွဲမှုပညာမဟာဘွဲ့ (Executive Master of Public Administration - EMPA)(Online သင်တန်း)

၁၀။ ဖွံ့ဖြိုးရေးပညာမဟာဘွဲ့ (Executive Master of Development Studies - EMDevS) (Online သင်တန်းတို့ဖြစ်သည်။

ယင်းအပြင် ဘွဲ့လွန်ဒီပလိုမာသင်တန်းများအနေဖြင့်

၁။ သုတေသနပညာဘွဲ့လွန်ဒီပလိုမာ (Post Graduate Diploma in Research Studies - PGDRS) Online သင်တန်း

၂။ ဈေးကွက်ဆိုင်ရာစီမံခန့်ခွဲမှုဘွဲ့လွန်ဒီပလိုမာ (Post Graduate Diploma in Marketing Management - PGDMM) Online သင်တန်းတို့ကိုဖွ င့်လှစ်မည်ဟုဆိုသည်။

အဆိုပါ မဟာဘွဲ့သင်တန်းများနှင့် ဘွဲ့လွန်ဒီပလိုမာသင်တန်းများအနေဖြင့် အသိအမှတ်ပြု တက္ကသိုလ်တစ်ခုခုမှ ဘွဲ့ရရှိပြီးသူဖြစ်ရမည်။

 အခြားတက္ကသိုလ်တစ်ခုခုတွင် သင်တန်းတစ်ခုခုကို တစ်ပြိုင်တည်း တက်ရောက်နေသူ မဖြစ်စေရ။
 သက်ဆိုင်ရာ သင်ရိုးနှင့်အညီ သတ်မှတ်ထားသော အချိန်အတိုင်း ပြည့်မီစွာ တက်ရောက်နိုင်သူ ဖြစ်ရမည်။

 သင်တန်းဝင်ခွင့်ရေးဖြေစာမေးပွဲနှင့် လူတွေ့ အကဲဖြတ်စစ်ဆေးခြင်းတို့ကို လူကိုယ်တိုင် လာရောက်ဖြေဆိုအောင်မြင်သူဖြစ်ရမည်။

 Executive တန်းများအတွက် (၁-၇-၂၀၂၄) ရက်နေ့တွင် အသက် (၃၀) နှစ် ပြည့်ပြီးသူဖြစ်ရမည်။
 MBF (Online) သင်တန်းအတွက် ဘဏ်လုပ်ငန်း၊ ဘဏ္ဍာရေးဆိုင်ရာ လုပ်ငန်းခွင်တစ်ခုခုတွင် လုပ်ငန်းခွင် အတွေ့အကြုံ လုပ်သက်အနည်းဆုံး (၂) နှစ်ရှိပြီး (၁-၇-၂၀၂၄) ရက်နေ့တွင် အသက် (၂၅) နှစ် ပြည့်ပြီးသူဖြစ်ရမည်။ 

 MAS (Online) သင်တန်းအတွက် လုပ်ငန်းခွင် လုပ်သက်အနည်းဆုံး (၂) နှစ်နှင့် (၁-၇-၂၀၂၄) ရက်နေ့တွင် အသက် (၂၅) နှစ်ပြည့်ပြီးသူ ဖြစ်ရမည်။ Computing Skills တတ်ကျွမ်းသူ ဖြစ်ရမည်။
 
MMM (Online) သင်တန်းအတွက် ဈေးကွက်စီမံခန့်ခွဲမှုဆိုင်ရာလုပ်ငန်းခွင် (အလယ်အလတ်အဆင့်စီမံခန့်ခွဲမှု) အတွေ့အကြုံ လုပ်သက်အနည်းဆုံး (၂) နှစ်ရှိပြီး (၁-၇-၂၀၂၄) ရက်နေ့တွင် အသက်(၂၅) နှစ် ပြည့်ပြီးသူဖြစ်ရမည်။ 
 
MHTM (Online) သင်တန်းအတွက် ဧည့်ဝတ်နှင့်ခရီးသွားလာရေး စီမံခန့်ခွဲမှုဆိုင်ရာလုပ်ငန်းခွင် (အလယ် အလတ်အဆင့်စီမံခန့်ခွဲမှု) အတွေ့ အကြုံလုပ်သက် အနည်းဆုံး (၂) နှစ်ရှိပြီး (၁-၇-၂၀၂၄) ရက်နေ့တွင် အသက် (၂၅) နှစ် ပြည့်ပြီးသူဖြစ်ရမည်။
 
EMBA သင်တန်းအတွက် အစိုးရဝန်ထမ်းဖြစ်လျှင် ပြန်တမ်းဝင်အရာရှိ လုပ်သက်အနည်းဆုံး (၈) နှစ် ရှိရမည်ဖြစ်ပြီး၊ နိုင်ငံတကာအဖွဲ့အစည်းနှင့် ပုဂ္ဂလိကစီးပွားရေး လုပ်ငန်းများမှ ဝန်ထမ်းဖြစ်လျှင် Executive Level (စီမံခန့်ခွဲမှုအဆင့်) လုပ်သက်အနည်းဆုံး (၈) နှစ် ရှိရမည်။
 
EMPA နှင့် EMDevS (Online သင်တန်း) အတွက် အစိုးရဝန်ထမ်းဖြစ်လျှင် ပြန်တမ်းဝင်အရာရှိ လုပ်သက် အနည်းဆုံး (၂) နှစ်ရှိရမည်ဖြစ်ပြီး၊ နိုင်ငံတကာအဖွဲ့အစည်းနှင့် ပုဂ္ဂလိကစီးပွားရေး လုပ်ငန်းများမှ ဝန်ထမ်းဖြစ်လျှင် Executive Level (စီမံခန့်ခွဲမှု အဆင့်) လုပ်သက် (၂) နှစ် ရှိရမည် ဖြစ်ပြီး 
 
သင်တန်းနှင့်သက်ဆိုင်သော စာရွက်စာတမ်းများနှင့် သတ်မှတ်ထားသည့် လျှောက်လွှာပုံစံများကို အောက်ဖော်ပြပါ ဌာနများတွင် သတ်မှတ်ရက်အတွင်း တင်သွင်းလျှောက်ထားနိုင်ကြောင်း သိရသည်။
 
 ၁။MBA (ပုံမှန်) , EMBA(ပုံမှန်) လျှောက်လွှာတင်ရမည့်ရက် - (၂၈-၃-၂၀၂၄ မှ ၂၃-၅-၂၀၂၄) 
ရေးဖြေဖြေဆိုရမည့်ရက် - (၂၆-၅-၂၀၂၄) တနင်္ဂနွေနေ့ ဆက်သွယ်ရမည့်ဖုန်း - (၀၁ ၈၆၆၄၆၈၄) - လှိုင်နယ်မြေ

၂။ MPA(Online) , EMPA(Online)
လျှောက်လွှာတင်ရမည့်ရက် - (၃-၄-၂၀၂၄ မှ ၁၄-၆-၂၀၂၄) ရေးဖြေဖြေဆိုရမည့်ရက် - (၁၅-၆-၂၀၂၄) (၁၆-၆-၂၀၂၄) 
 
၃။ MDevS(Online) , EMDevS(Online)
လျှောက်လွှာတင်ရမည့်ရက် - (၂၈-၃-၂၀၂၄ မှ ၂၁-၆-၂၀၂၄)ရေးဖြေဖြေဆိုရမည့်ရက် - (၂၃-၆-၂၀၂၄) 

၄။ MBF , MHTM , MMM (Online) 
လျှောက်လွှာတင်ရမည့်ရက် - (၂၈-၃-၂၀၂၄ မှ ၆-၆-၂၀၂၄) ရေးဖြေဖြေဆိုရမည့်ရက် - (၂၃-၆-၂၀၂၄)
 
၅။ MAS(Online)
လျှောက်လွှာတင်ရမည့်ရက် - (၆-၅-၂၀၂၄ မှ ၂၆-၇-၂၀၂၄) ရေးဖြေဖြေဆိုရမည့်ရက် - (၂၈-၇-၂၀၂၄) 

၆။ PGDRS (Online) 
လျှောက်လွှာတင်ရမည့်ရက် - (၂၈-၃-၂၀၂၄ မှ ၂၃-၅-၂၀၂၄)
ရေးဖြေဖြေဆိုရမည့်ရက် - ၂၇-၅-၂၀၂၄ 

၇။ PGDMM (Online) 
လျှောက်လွှာတင်ရမည့်ရက် - (၂၈-၃-၂၀၂၄ မှ၂၈-၆-၂၀၂၄)ရေးဖြေဖြေဆိုရမည့်ရက် - ၈-၇-၂၀၂၄(တနင်္လာနေ့)တို့ဖြစ်ကြောင်း သိရသည်။
Yangon Times/tthl
#Local_News
#Published_ 25 March 2024
#YMG_News #Yangon_Times #Yangon_Media_Group