ဘန်ကောက်, မတ် ၂၇ (ရိုက်တာ)

ထိုင်းနိုင်ငံရဲ့ အောက်လွှတ်တော်က လက်ထပ်မှုတန်းတူရေး a marriage equality ဥပဒေကြမ်းကို မတ်လ ၂၇ ရက် ဗုဒ္ဓဟူးနေ့ က အတည်ပြုပေးလိုက်ပါတယ်။ အဲဒါကြောင့် ထိုင်းနိုင်ငံအနေနှင့် အာရှနိုင်ငံတွေထဲမှာ လိင်တူလက်ထပ်မှုကို တရားဝင်  စေမယ့် တတိယမြောက် နိုင်ငံအနေနှင့်ဖြစ်လာစေဖို့ နောက်တစ်ဆင့်နီးကပ်သွားပြီဖြစ်ပါတယ်။

ဒါပေမယ့် အဲဒီဥပဒေကြမ်းကို ဥပဒေဖြစ်လာစေဖို့ အထက်လွှတ်တော်(ဆီးနိတ်)က အတည်ပြုပြီး ဘုရင်မင်းမြတ်ရဲ့ ထောက်ခံချက်လိုအပ်ပါသေးတယ်။ ယခုဥပဒေကြမ်းကို ထိုင်းနိုင်ငံရဲ့ အဓိကပါတီကြီးတွေက ထောက်ခံပေးပြီး အောက်လွှတ် တော်အမတ် ၄၁၅ ဦးထဲမှာ ၄၀၀ ဦးက ထောက်ခံပေးခဲ့တာဖြစ်ပါတယ်။ ကန့်ကွက်တဲ့ မဲက ၁၀မဲပဲရှိပါတယ်။

“ လူ့အဖွဲ့အစည်းမှာ ကွာဟချက်တွေလျှော့ချဖို့နှင့် သာတူညီမျှမှုစတင်ဖန်တီးနိုင်ဖို့ ထိုင်းပြည်သူတွေအားလုံးအတွက် လုပ်ခဲ့ တာဖြစ်ပါတယ်” လို့ ပါလီမန်ကော်မတီဥက္ကဋ္ဌ ဒါနုဖွန်ပန်နာကန်တာက  ရလာဒ်မကြေညာခင် အမတ်တွေကို ပြောကြား ခဲ့ပါတယ်။

ဥပဒေကြမ်းအတည်ပြုပေးလိုက်နိုင်ခြင်းဟာ အာရှရဲ့ လွတ်လပ်မှုအရှိဆုံး လူ့အဖွဲ့အစည်းတွေထဲကတစ်ခုဖြစ်တဲ့ LGBT ကိစ္စတွေအပေါ် ထိုင်းနိုင်ငံရဲ့ ရပ်တည်ချက်ကို ခိုင်မြဲစေတဲ့ သိသာထင်ရှားတဲ့ ခြေလှမ်းလှမ်းလိုက်နိုင်ခြင်းဖြစ်ပါတယ်။  ဒါဟာ ရိုးရာအစဉ်အလာနှင့်  ရှေးရိုး ဗုဒ္ဓဘာသာတန်ဖိုးတွေနှင့်အတူ လွတ်လပ်ပွင့်လင်းတဲ့ သဘောထားတွေ အတူတကွ ယှဉ်တွဲ ရပ်တည်မယ့်အနေအထားဖြစ်ပါတယ်။

ဥပဒေကြမ် ဘုရင်မင်းမြတ်အတည်ပြုချက်ရယူဖို့ ရက်ပေါင်း ၁၂၀ ရက်အတွင်း သက်ဝင်လာနိုင်လာနိုင်ပါတယ်။ အဲသလိုဆိုရင် ထိုင်းနိုင်ငံဟာ အာရှမှ  တိုင်ပေ(ထိုင်ဝမ်ကျွန်း)နှင့် နီပေါနိုင်ငံတို့ နောက် တတိယမြောက် လိင်တူလက်ထပ်ခွင့် တရားဝင်တဲ့ နိုင်ငံဖြစ်လာပါလိမ့်မယ်။

ထိုင်းနိုင်ငံမှာ ယခုလိုဥပဒေတစ်ခုပေါ်ပေါက်လာဖို့ကြိုးပမ်းခဲ့ကြတာ ဆယ်စုနှစ်တစ်ခုကျော်ကြာခဲ့ပါပြီ။ နိုင်ငံရေး အုံကြွမှုတွေ နှင့် သဘောမတူညီမှုတွေကြောင့် နှောင့်နှေးကြန့်ကြာခဲ့ရတာဖြစ်ပါတယ်။

@ymg/knl

Published 27 March 2024

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီ (POEA) မှတစ်ဆင့် EPS စနစ်ဖြင့် မြန်မာအလုပ်သား၁၄၀ကျော်ကို စေလွှတ်သော လိုက်ကြောင်းသိရသည်။

အဆိုပါ အလုပ်သမား ၁၄၀ကျော် တွင်စိုက်ပျိုးရေးနှင့်မွေးမြူရေးလုပ်သားသစ် ၃၃ ဦး၊ ဆောက်လုပ်‌ရေးလုပ်သားသစ် ၃၀ ဦးနှင့် ကုန်ထုတ်လုပ်သားသစ် ၇၈ ဦး စုစုပေါင်းလုပ်သားသစ် ၁၄၁ ဦး ကိုမတ်လ ၁၇ရက် က ရန်ကုန်မြို့မှ အင်ချွန်းအပြည်ပြည်ဆိုင်ရာလေဆိပ်သို့ မြန်မာအမျိုးသားလေကြောင်းလိုင်း UB 8301 (Charter Flight) ခရီးစဉ်ဖြင့် ရောက်ရှိခဲ့ကြောင်းသိရသည်။

ရောက်ရှိလာသူ များ ကို မြန်မာသံရုံး၊ ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်း သိရသည်။

ယခုမတ်လအတွင်း EPS လုပ်သားဦးရေ စုစုပေါင်း ၈၆၂ ဦးရောက်ရှိခဲ့ပြီးဖြစ်ကြောင်းသိရသည်။
Yangon_Times/LW
#Local_News
#Published_ 27 March 2024
#YMG_News #Yangon_Times #Yangon_Media_Group

Published_ 27 March 2024

တရုတ်-မြန်မာဗုဒ္ဓဘာသာပူး‌ပေါင်းဆောင်ရွက်ရန်အတွက် မြန်မာနိုင်ငံ သံဃမဟာနာယကအဖွဲ့ဥက္ကဌအဖြစ်‌ ရွေးချယ်ခံရသော သန်လျင်မင်းကျောင်း ဆရာတော်အား‌တရုတ်သံအမတ်ကြီးနှင့် အဖွဲ့ဝင်များမှတွေ့ဆုံဖူးမြော်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်။

မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai သည် မတ်လ ၂၆ ရက်နေ့တွင် ရန်ကုန်မြို့၌ မြန်မာနိုင်ငံ နိုင်ငံတော်သံဃမဟာနာယကအဖွဲ့ဥက္ကဋ္ဌအဖြစ် ရွေးချယ်တင်မြှောက်ခံရသော သန်လျင်မင်းကျောင်းဆရာတော် အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ဒေါက်တာဘဒ္ဒန္တ စန္ဒိမာဘိဝံသအား သွားရောက်ဖူးမြော်ကြည်ညိုခဲ့သည်။

အဆိုပါတွေ့ဆုံပွဲသို့ သံရုံးမှ သံမှူး Mr. Pan Feng၊ အပြည်ပြည်ဆိုင်ရာ ထေရဝါဒဗုဒ္ဓသာသနာပြုတက္ကသိုလ်၊ ဒုတိယပါမောက္ခချုပ် ဦးစိန်မော်၊ မြန်မာ-တရုတ် ဗုဒ္ဓဘာသာချစ်ကြည်နှီးနှောဖလှယ်ရေးအဖွဲ့ ဥက္ကဋ္ဌ ဦးကျော်ဝင်းတို့လည်း တက်ရောက်ခဲ့သည်။

သံအမတ်ကြီး Mr. Chen Hai က သန်လျင်မင်းကျောင်းဆရာတော်ဘုရားကြီး နိုင်ငံတော် သံဃမဟာနာယကအဖွဲ့ ဥက္ကဋ္ဌအဖြစ်တာဝန်ထမ်းဆောင်ခြင်းအတွက် တရုတ်ဗုဒ္ဓဘာသာအသင်း၏ ဂုဏ်ပြုလွှာကို လွှဲပြောင်းပေးအပ်ခဲ့သည်။ 

သံအမတ်ကြီး Mr. Chen Hai က တရုတ်-မြန်မာနှစ်နိုင်ငံသည် တောတောင်ရေမြေချင်းဆက်စပ်လျက်ရှိပြီး ဗုဒ္ဓဘာသာကူးလူးဖလှယ်မှု သမိုင်းကြောင်းကြာရှည်ကြောင်း၊ တရုတ်နိုင်ငံက နှစ်နိုင်ငံ ဗုဒ္ဓဘာသာကူးလူးဖလှယ်မှုကို အလွန်အလေးထားကြောင်း၊ လတ်တလောနှစ်ပိုင်းတွင် မြန်မာနိုင်ငံနှင့်အတူလက်တွဲ၍ ပုဂံသဗ္ဗညုဘုရား ပြုပြင်ထိန်းသိမ်းခြင်း၊ ရန်ကုန်မြို့ ဗိုလ်တထောင်စေတီတော် ဆံတော်တိုက် လုံခြုံရေးမှန်တံခါးနှင့် အတွင်းနံရံများ Polycarbonate တပ်ဆင်ခြင်း စသည့်စီမံကိန်းများကို ကူညီလုပ်ဆောင်ခဲ့ကြောင်း၊ ကိုဗစ်-၁၉ ကပ်ရောဂါကာလအတွင်း မြန်မာနိုင်ငံဆိုင်ရာတရုတ်သံရုံးကလည်း မြန်မာနိုင်ငံမှ ဗုဒ္ဓဘာသာဘုရားကျောင်းများအတွက် ကပ်ရောဂါတိုက်ဖျက်ရေးပစ္စည်းများ လှူဒါန်းပေးအပ်ခဲ့ကြောင်း၊ ၎င်းတို့သည် တရုတ်-မြန်မာနှစ်နိုင်ငံ၏ အပြန်အလှန်ဖေးမကူညီသော အေးအတူပူအမျှအသိုက်အဝန်းစိတ်ဓာတ်ကို ထင်ဟပ်စေကြောင်း၊ သန်လျင်မင်းကျောင်းဆရာတော်ဘုရားကြီးသည် တရုတ်-မြန်မာ ဗုဒ္ဓဘာသာကူးလူးဖလှယ်မှုကို အမြဲတစေအလေးထားကြောင်း၊ ကိုယ်စားလှယ်အဖွဲ့ ဦးဆောင်ကာ တရုတ်နိုင်ငံသို့သွားရောက်၍ ပဉ္စမအကြိမ်မြောက် ကမ္ဘာ့ဗုဒ္ဓဘာသာဖိုရမ် တက်ရောက်ခဲ့ဖူးကြောင်း၊ သန်လျင်မင်းကျောင်း ဆရာတော်ဘုရားကြီးနှင့် နိုင်ငံတော် သံဃမဟာနာယကအဖွဲ့၏ ဂရုပြုထောက်ခံအားပေးမှုဖြင့် နှစ်နိုင်ငံက ဗုဒ္ဓဘာသာကူးလူးဖလှယ် ပူးပေါင်းဆောင်ရွက်မှုတွင် တစ်ဆင့်တိုးခိုင်မြဲတိုးတက်လာပြီး တရုတ်-မြန်မာ အေးအတူပူအမျှအသိုက်အဝန်း တည်ဆောက်မှုအတွက် တစ်တပ်တစ်အား အကျိုးထမ်းဆောင်ပေးမည်ဟု ယုံကြည်ကြောင်း လျှောက်ထားခဲ့သည်။

သန်လျင်မင်းကျောင်းဆရာတော်ဘုရားကြီးက တရုတ်နိုင်ငံမှ မိမိတာဝန်ထမ်းဆောင်မှုကို ဂုဏ်ပြုခြင်းနှင့် လတ်တလောနှစ်ပိုင်းအတွင်း မြန်မာနိုင်ငံ ကပ်ရောဂါတိုက်ဖျက်ရေးနှင့် လူမှုရေးပြည်သူ့ဘဝဖွံ့ဖြိုးတိုးတက်မှုအတွက် အင်တိုက်အားတိုက်ကူညီပေးမှုများကို ကျေးဇူးတင်ရှိကြောင်းနှင့် မိမိအကြိမ်များစွာ တရုတ်နိုင်ငံသို့ခရီးစဉ် သွားရောက်ခဲ့သည့်အတွေ့အကြုံကို ပြန်လည်မြွက်ကြားတော်မူခဲ့ပြီး မြန်မာ-တရုတ်နှစ်နိုင်ငံသည် အိမ်နီးချင်းကောင်း၊ ဆွေမျိုးပေါက်ဖော်ကောင်းဖြစ်ပြီး နက်ရှိုင်းစွာ ဗုဒ္ဓဘာသာကူးလူးဖလှယ်မှုရှိကြောင်း၊ ဗုဒ္ဓဘာသာသည် နှစ်နိုင်ငံပြည်သူများ စိတ်နှလုံးကိုချိတ်ဆက်ပေးသည့် အရေးပါပေါင်းကူးတံတားဖြစ်ကြောင်း၊ မိမိကိုယ်တိုင်သည်လည်း မြန်မာနိုင်ငံ နိုင်ငံတော်သံဃမဟာနာယကအဖွဲ့နှင့် ဗုဒ္ဓဘာသာဝင်များကိုဦးဆောင်၍ မြန်မာ-တရုတ်ချစ်ကြည်ရင်းနှီးစွာ ပူးပေါင်းဆောင်ရွက်မှုကို ဖော်ဆောင်ကာ မြန်မာ-တရုတ် နှစ်ထောင်ချီဗုဒ္ဓဘာသာကူးလူးဖလှယ်မှုကို လက်ဆင့်ကမ်းရေးအတွက် တက်ကြွသည့်အခန်းကဏ္ဍမှပါဝင်သွားမည်ဖြစ်ကြောင်း မြွက်ကြားတော်မူခဲ့ကြောင်း သိရသည်။
Yangon_Times/tthl
#Local_News
#Published_ 27 March 2024
#YMG_News #Yangon_Times #Yangon_Media_Group

Published 27 March 2024
ကျောက်ကပ်ရောဂါ နောက်ဆုံးအဆင့် ခံစားနေရတဲ့ အသက် ၆၂ နှစ်အရွယ်လူနာဟာ မျိုးဗီဇပြုပြင်ပြောင်းလဲထားတဲ့ ဝက်ကနေ ကျောက်ကပ်အသစ် လက်ခံခွဲစိတ်ခဲ့တဲ့ ပထမဆုံးလူသား ဖြစ်လာကြောင်း မာဆာချူဆက်စ် အထွေထွေဆေးရုံမှ ဆရာဝန်များက ကြာသပတေးနေ့မှာ ကြေညာလိုက်ပါတယ်။

မတ်လ ၁၆ ရက်နေ့မှာ ပြုလုပ်ခဲ့တဲ့ ခွဲစိတ်မှုဟာ ၄ နာရီကြာမြင့်ခဲ့ပြီး မှတ်ကျောက်တစ်ခု ဖြစ်ခဲ့ပါတယ်။

ရစ်ချတ်စလေးမန်းလို့ခေါ်တဲ့ လူနာဟာ ပြန်လည်သက်သာလာပြီး မကြာခင် ဆေးရုံမှဆင်းနိုင်တော့မှာ ဖြစ်ကြောင်း ဆေးရုံက ပြောပြပါတယ်။

စလေးမန်းဟာ ၇ နှစ်ကြာ ကျောက်ကပ်အရည် စွန့်ထုတ်ခြင်းများ ပြုလုပ်ခဲ့ပြီးနောက် ၂၀၁၈ ခုနှစ်မှာ ထိုဆေးရုံမှာပဲ လူသားကျောက်ကပ်ဖြင့် အစားထိုးခွဲစိတ်ခဲ့ပေမယ့် ၅ နှစ်အကြာမှာ ထိုကျောက်ကပ်ပျက်စီးသွားခဲ့ပြီး ကျောက်ကပ်အရည် စွန့်ထုတ်ခြင်း ပြန်လုပ်ခဲ့ရပါတယ်။

မျိုးဗီဇပြုပြင်ထားတဲ့ ဝက်ဟာ လက်ခံရယူမယ်လူသားကို အန္တရာယ်ဖြစ်စေမယ့် မျိုးဗီဇများကို ဖယ်ရှားထားပြီး လူသားနဲ့ ကိုက်ညီမှုရှိစေရန် အချို့သောမျိုးဗီဇများကို ထည့်သွင်းထားပါတယ်။

ဒါ့အပြင် လူသားများကို ကူးစက်နိုင်စေမယ့် ဗိုင်းရပ်စ်များကိုလည်း ဖယ်ရှားထားပါတယ်။

ဝက်အင်္ဂါကို လူနာရဲ့ခုခံအားစနစ်မှ လက်မခံတာမျိုး မဖြစ်ရအောင် အချို့သောဆေးဝါးများလည်း အသုံးပြုရပါတယ်။

ယခုလိုမျိုး သတ္တဝါတစ်မျိုးရဲ့ အတွင်းအင်္ဂါများကို အခြားသတ္တဝါတစ်မျိုးထဲသို့ အစားထိုးခွဲစိတ်ခြင်းနည်းလမ်းဟာ ကမ္ဘာတဝှမ်းမှာ ကိုယ်တွင်းအင်္ဂါ ရှားပါးပြတ်လပ်လာတဲ့ ပြဿနာကို ဖြေရှင်းနိုင်ဖွယ်ရှိနေပါတယ်။

#Source: The Jerusalem Post.
#World_Health
Published_ 27 March 2024
#YMG_News #Yangon_Times #Yangon_Media_Group

Published 27 March 2024

မတ်လ ၂၂ ရက်နေ့က ရုရှားမြို့တော်မော်စကိုအနီးရှိ ခရော့ကပ်စ်စီးတီးမြို့တော်ခန်းမမှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုဟာ ယူကရိန်းနဲ့အတူ အမေရိကန်နဲ့ ဗြိတိန်ပြည်ထောင်စုတို့လည်း ပါဝင်ပတ်သက်နေတယ်လို့ ယုံကြည်ကြောင်း ရုရှားထိပ်သီးလုံခြုံရေးအေဂျင်စီမှ ညွှန်ကြားရေးမှူးက မတ်လ ၂၆ ရက်နေ့မှာ ပြောကြားလိုက်ပါတယ်။

အနည်းဆုံး လူ ၁၃၉ ဦးသေဆုံးကာ ၁၈၂ ဦးဒဏ်ရာရရှိစေခဲ့တဲ့ အစုလိုက်ပစ်ခတ်မှုနဲ့ ပတ်သက်နေတယ်လို့ စွပ်စွဲခံထားရတဲ့ ၈ ယောက်မြောက် သံသယရှိသူကို ရုရှားတရားရုံးတစ်ခုက ရမန်ပေးကာ ထိန်းသိမ်းထားပါတယ်။

ထိုအကြမ်းဖက်တိုက်ခိုက်မှုကို အစ္စလာမ်အစွန်းရောက်တွေ ကိုယ်တိုင်ပြင်ဆင်တာဖြစ်သလို အနောက်တိုင်း အထူးအဖွဲ့များမှလည်း အားပေးအားမြှောက် လုပ်ခဲ့တာဖြစ်မယ်လို့ ဖက်ဒရယ်လုံခြုံရေးဝန်ဆောင်မှု (FSB)မှ ညွှန်ကြားရေးမှူး အဲလက်ဇန်ဒါဘော့နီကော့ဗ်က ယုံကြည်နေပါတယ်။

ဒီမတိုင်ခင်နေ့ကလည်း သမ္မတပူတင်က ထိုတိုက်ခိုက်မှုမှာ အစွန်းရောက်အစ္စလာမ်တွေ ပါဝင်ပတ်သက်တယ်ဆိုတာ သိရှိထားသလို ယူကရိန်းကလည်း တစ်စိတ်တစ်ပိုင်း ပတ်သက်နေမယ်လို့ စွပ်စွဲထားပါတယ်။

အစ္စလာမ်အကြမ်းဖက်အဖွဲ့က ထိုတိုက်ခိုက်မှုကို ယင်းတို့ပြုလုပ်ပါတယ်လို့ အတိအလင်း ကြေညာထားပေမယ့် ပူတင်ကတော့ ယူကရိန်းကို ဆက်လက်ပြီး အပြစ်တင်နေပါတယ်။

ထိုနည်းတူ ဘော့နီကော့ဗ်ကလည်း ယူကရိန်းဟာ အရှေ့အလယ်ပိုင်းက မထုတ်ဖော်ပြထားတဲ့ နေရာမှာ အစ္စလာမ်အစွန်းရောက်တွေကို ကူညီပြင်ဆင်ပေးတယ်လို့ ဆိုလိုက်ပါတယ်။

ယူကရိန်းသမ္မတနဲ့ အရာရှိများက ထိုတိုက်ခိုက်မှုနဲ့ မသက်ဆိုင်ဘူးလို့ အကြိမ်ကြိမ်ငြင်းပယ်ထားပြီး ရုရှားစွပ်စွဲချက်တွေဟာ အလိမ်အညာတွေလို့ တုန့်ပြန်ခဲ့ပါတယ်။

မော်စကိုမှာ တိုက်ခိုက်မှုပြုလုပ်ရန် စီစဥ်နေတယ်ဆိုတဲ့ သတင်းအချက်အလက်ကို အမေရိကန်က ရုရှားကို အသိပေးခဲ့ပါတယ်လို့ အမေရိကန် အမျိုးသားလုံခြုံရေးကောင်စီမှ ပြောရေးဆိုခွင့်ရှိသူ အက်ဒရီယန်ဝက်ဆန်က ပြောထားပါတယ်။

လက်ရှိအချက်အလက်များအရ ထိုတိုက်ခိုက်မှုဟာ အစ္စလာမ်အကြမ်းဖက် အဖွဲ့တစ်ခုရဲ့လက်ချက် ဖြစ်တယ်လို့ ညွှန်ပြနေကြောင်း ပြင်သစ်သမ္မတ မက်ခရွန်က တနင်္လာနေ့မှာ ပြောပြပါတယ်။

ရုရှားက ဒါကိုအကြောင်းပြချက်အနေဖြင့် ယူကရိန်းဘက်ကို လှည့်သွားနိုင်တယ်လို့လည်း မက်ခရွန်က သတိပေးလိုက်ပါတယ်။

ရုရှားတရားရုံးတစ်ခုက ကာဂျစ္စတန်နိုင်ငံဖွား အယ်လီရှာကာဆီမော့ဗ်ကို ရမန်ထိန်းသိမ်းထားပြီး တရားစွဲထားတဲ့ တရားခံ ၄ ဦးရဲ့ မိသားစုဝင်တွေကို စုံစမ်းမေးမြန်းရန် တာဂျစ်ကစ္စတန်သို့ စစ်ဆေးရေးများကို စေလွှတ်လိုက်ပါတယ်။

ယခင်နေ့တွေက တရားခံ ၄ ဦး အပြစ်ဝန်ခံထားပေမယ့် တရားရုံးသို့ရောက်ရှိစဥ် ဒဏ်ရာဒဏ်ချက်များ မြင်တွေ့ရတာကြောင့် နှိပ်စက်ခံခဲ့ရတယ်ဆိုတဲ့ အထောက်အထား ရှိနေပါတယ်။

ယခုအချိန်ထိတော့ သံသယရှိ သေနတ်သမား ၄ ဦးအပါအဝင် လူ ၁၁ ဦးကို ရုရှားအာဏာပိုင်များက ဖမ်းဆီးထိန်းသိမ်းထားပါတယ်။
Source: WION
#World_News
Published_ 27 March 2024
#YMG_News #Yangon_Times #Yangon_Media_Group

၂၇ မတ် ၂၀၂၄

ရုရှားဖက်ဒရေးရှင်းနိုင်ငံ ဒုတိယကာကွယ်ရေးဝန်ကြီး Colonel General Alexander Vasilyevich Fomin နှင့် အဖွဲဝင်များ (၇၉)နှစ်မြောက်တပ်မတော်နေ့အခမ်းအနားသို့ တက်ရောက်ရန် နေပြည်တော်သို့ရောက်ရှိနေပါတယ်။ ရုရှားဒုတိယကာကွယ်ရေးဝန်ကြီးနှင့်အဖွဲ့သည် မတ်လ ၂၆ရက်ညပိုင်းက နေပြည်တော်ရှိ ဇေယျာသီရိဗိမာန် ဥပစာ  ရင်ပြင်၌ ကျင်းပပြုလုပ်တဲ့ နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဇနီး ဒေါ်ကြူကြူလှတို့က တည်ခင်းဧည့်ခံသည့် ၂၀၂၄ ခုနှစ်၊ (၇၉)နှစ်မြောက် တပ်မတော်နေ့  အထိမ်းအမှတ်  အကြိုဂုဏ်ပြု ညစာစားပွဲကိုတက်ရောက်ခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

အဆိုပါ ဂုဏ်ပြုညစာစားပွဲသို့ ရုရှားဧည့်သည်တော်များနှင့်အတူ နစက ဒုတိယဥက္ကဋ္ဌ ဒုတိယတပ်မတော် ကာကွယ်   ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ဇနီးဒေါ်သန်းသန်းနွယ်၊ ညှိနှိုင်း  ကွပ်ကဲရေးမှူး (ကြည်း၊ ရေ၊ လေ)၊ကာကွယ်ရေးဦးစီးချုပ်(ရေ)၊ကာကွယ်ရေးဦးစီးချုပ်(လေ) ၊ကောင်စီအတွင်း   ရေးမှူး၊တွဲဖက်အတွင်းရေးမှူးနှင့် ကောင်စီဝင်များ၊ ပြည်ထောင်စုအဆင့်ပုဂ္ဂိုလ်များ၊  ပြည်ထောင်စုဝန်ကြီးများ၊  အဆင့်မြင့်တပ်မတော်အရာရှိကြီးများတက်ရောက်ခဲ့ကြပါတယ်။

ယင်းအပြင် ရဲဘော်သုံးကျိပ်ဝင် မိသားစုဝင်များ၊ အငြိမ်းစားတပ်မတော်ကာကွယ်ရေးဦးစီးချုပ်များ၏ မိသားစု ဝင်များ၊ အငြိမ်းစားတပ်မတော် (ကြည်း၊ ရေ၊ လေ) အရာရှိကြီး များ၊ လွတ်လပ်ရေးမော်ကွန်းဝင် ပထမအဆင့်၊ ဒုတိယအဆင့်နှင့် တတိယအဆင့် မော်ကွန်းဝင်ပုဂ္ဂိုလ်များ၊ နိုင်ငံခြားစစ်သံရုံးများမှ စစ်သံမှူးများနှင့် တာဝန်ရှိသူများ၊ တစ်နိုင်ငံလုံးပစ်ခတ် တိုက်ခိုက်မှုရပ်စဲရေး သဘော တူစာချုပ်(NCA) လက်မှတ်ရေးထိုးထားသည့် တိုင်းရင်းသား လက်နက်ကိုင်အဖွဲ့များမှ ကိုယ်စားလှယ်များ၊ နိုင်ငံရေးပါတီများမှ ဥက္ကဋ္ဌများနှင့် တာဝန်ရှိသူများ၊ အသွင်ပြောင်းပြည်သူ့စစ်၊ မူလပြည်သူ့စစ်နှင့် နယ်ခြားစောင့်ဗဟို အကြံပေးကွပ်ကဲရေးအဖွဲ့များနှင့် အခြား ဖိတ်ကြားထားသူတွေ တက်ရောက်ခဲ့ကြပါတယ်။

@ymg/knl

Published 27 March 2024

လူသားဆဲလ်တွေထဲက HIV ကူးစက်မှုကို သိပ္ပံပညာရှင်များက CRISPR နည်းပညာအသုံးပြုပြီး ဖယ်ရှားနိုင်ပြီလို့ BBC က ဖော်ပြထားပါတယ်။

အဆိုပါ မျိုးဗီဇဖြတ်တောက်ပြုပြင်တဲ့ နည်းပညာဟာ ၂၀၂၀ ခုနှစ်မှာ နိုဘယ်လ်ဆု ရရှိခဲ့ပြီး ဆဲလ်တွေထဲမှာ မျိုးဗီဇကက်ကြေး သဘောမျိုး အသုံးပြုတာဖြစ်ကာ မကောင်းတော့တဲ့ အပိုင်းအစများကို ဖယ်ရှားရန် ဒီအင်န်အေတွေကို ဖြတ်တောက်ရတာ ဖြစ်ပါတယ်။

HIV ဗိုင်းရပ်စ်က လူသားရဲ့ ခုခံအားစနစ်ကို တိုက်ခိုက်တာဖြစ်ပြီး မကုသဘဲထားပါက AIDS ရောဂါဖြစ်လာနိုင်ကာ
ကုသနည်းမရှိပါဘူး။

လက်ရှိကုသဆေးတွေက ဗိုင်းရပ်စ်တိုက်ခိုက်မှု ရပ်တန့်နိုင်ပေမယ့် မရှင်းလင်းနိုင်သေးပါဘူး။
CRISPR နည်းပညာဖြင့် HIV ကူးစက်နေတဲ့ အပိုင်းအစကို ဖယ်ရှားဖို့က အကျိုးပြုနိုင်ပေမယ့် ဆဲလ်တွေထဲသို့ ထည့်သွင်းဖို့နည်းလမ်းကတော့ ခက်ခဲနေဆဲဖြစ်ပြီး နောက်ထပ်လေ့လာမှုများ လိုအပ်နေသေးတယ်လို့ နော်တင်ဂမ်တက္ကသိုလ်မှ ပရော်ဖက်ဆာ ဒေါက်တာဂျိမ်းစ်ဒစ်ဆွန်က ပြောပြသွားပါတယ်။

ဆဲလ်တွေအများကြီးထဲမှာ ရှိနေတဲ့ HIV တွေကို ဖယ်ရှားဖို့က ခက်ခဲလိမ့်မယ်လို့ ဗိုင်းရပ်စ်ကျွမ်းကျင်ပညာရှင် ဒေါက်တာ ဂျိုနသန်စတွိုင်းက ဆိုပါတယ်။

ဘေးနားက အကောင်းအတိုင်းရှိနေတဲ့ ဆဲလ်တွေအပေါ် သက်ရောက်မှုတွေကိုလည်း ထည့်သွင်းစဉ်းစားရဦးမှာဖြစ်ပြီး CRISPR နည်းပညာကို အခြေခံအသုံးပြုနိုင်ဖို့ဆိုရင် နှစ်တွေကြာဦးမှာ ဖြစ်တယ်လို့ ပြောပြခဲ့ပါတယ်။

#Source: India Today.
#World_Health
Published_ 27 March 2024
#YMG_News #Yangon_Times #Yangon_Media_Group

လူအများမျှော်လင့်စောင့်စားနေကြတဲ့ Kung Fu Panda 4 ရုပ်ရှင်ဟာ အမေရိကားနဲ့ တရုတ်တိုမှာ ယခုလအတွင်း ထုတ်လွှင့်ပြသခဲ့ပြီး ထုတ်လုပ်သူ DreamWorks မှ ရုပ်ရှင်ဖန်တီးသူများက ကွဲပြားသော ယဥ်ကျေးမှုဓလေ့များ တင်ပြနိုင်ဖိုနဲ့ ပရိသတ်အများစုအတွက် အကောင်းဆုံးဇာတ်ကားများ ဖန်တီးနိုင်ဖိုက အရေးကြီးတယ်လို ယူဆထားကြောင်း CCTV ကို ပြောကြားလိုက်ပါတယ်။
World_Entertainment
Published_ 26 March 2024
#KungFu Panda4 #အမေရိကန်နှင့်တရုတ်တွင်ရုံတင်
#YMG_News #Yangon_Times #Yangon_Media_Group

၂၆ မတ် ၂၀၂၄

ဘာလ်တီမိုး, မတ် ၂၆ (ရိုက်တာ) အမေရိကန်ပြည်ထောင်စု ဘာလ်တီမိုးဆိပ်ကမ်းရှိ  လေးလမ်းသွား တံတားတစ်စင်းကို ကွန် တိန်နာသင်္ဘောတစ်စီးက ဝင်တိုက်မိပြီးနောက် တံတားပြိုကျကာ တံတားပေါ်က ကားတွေနှင့်လူတွေ တံတားအောက် မြစ်ထဲကို ထိုးကျသွားခဲ့ပါတယ်။

ကယ်ဆယ်ရေးသမားတွေက လူနှစ်ဦးကို ကယ်ထုတ်နိုင်ခဲ့ပြီး အဲဒီအထဲက တစ်ဦးဟာ စိုးရိမ်ရတဲ့အခြေအနေမှာရှိနေပါတယ်။ အဲဒီ ပါတက်စ်ကိုမြစ်ထဲ အသက်ရှင်ကျန်ရစ်နိုင်မယ့်သူတွေ ဆက်လက်ရှာဖွေနေပါတယ်။ ရေထဲကျိုးကြသွားခဲ့တဲ့ အဆိုပါ ဖရန်စစ်စကော့တ်ကီး တံတားဟာ ၁.၆ မိုင်ရှည်လျားပါတယ်။

အဆိုပါ ဒါလီကုန်တင်သင်္ဘောဟာ ဆိပ်ကမ်းကထွက်ခွာခဲ့ပြီးနောက် ထိန်းကျောင်းမောင်းနှင်၍မရတော့ဘဲဖြစ်ခဲ့ကာ ယင်းကို မာရီလန်းအရာရှိများ  ထံ အကြောင်းကြားခဲ့တယ်လို့ သတင်းအချို့မှာရေးသားပါတယ်။ ရေထဲသို့ ကားအစီးရေ အနည်းဆုံး (၇)စီးပြုတ်ကျသွားခဲ့ပြီး အတိအကျတော့ မသိဘူးလို့ ဘာလ်တီမိုးအရာရှိတွေကပြောပါတယ်။

ဘာလ်တီမိုးမြို့မီးသတ်ဋ္ဌာနပြောရေးဆိုခွင့်ရသူ ကေဗင် ကတ်ရိုက်က ရိုက်တာသတင်းဌာနကို ခပ်စောစောပိုင်းက ပြောကြား ရာမှာ များစွာသော ယာဉ်တွေနှင့်အတူ လူ၂၀ ဦးခန့် ရေထဲကျသွားတယ်လို့ဆိုပါတယ်။

ယခုမတော်တဆမှုဟာ ၂၀၀၇ခုနှစ်နောက်ပိုင်း အမေရိကန်ပြည်ထောင်စုမှာ အဆိုးရွာဆုံး တံတားပြိုကျမှုဖြစ်နိုင်ဖွယ်ရှိနေ ပါတယ်။ ၂၀၀၇ခုနှစ်က မီနီယာပိုလိစ်တံတားဟာ မစ်စစ္စပီမြစ်ထဲပြိုကျကာ လူ၁၃ ဦးသေဆုံးခဲ့ပါတယ်။

အဆိုပါ ဒါလီသင်္ဘောဟာ စင်္ကာပူအလံတင်ကွန်တိန်နာသင်္ဘောတစ်စီးဖြစ်ပြီး ပိုင်ရှင်မှာ ဂရေ့စ်အိုရှင်းကုမ္ပဏီဖြစ်ပါတယ်။  ဆိုင်နာဂျီမရင်းအုပ်စုက စီမံခန့်ခွဲနေပါတယ်။ သင်္ဘောဟာ တံတားရေလည်တိုင်တစ်လုံးကို တိုက်မိတာဖြစ်တယ်လို့ ဆိုင်နာဂျီ မရင်းအုပ်စုကပြောပါတယ်။

မတော်တဆမှုကြောင့်  အမေရိကန်ရဲ့ ကားတင်ပို့မှုအလုပ်အများဆုံးဆိပ်ကမ်းတစ်ခုဖြစ်တဲ့ ဘာလ်တီမိုးမှာ ယာဉ်အသွားအလာ တွေ ရပ်ဆိုင်းထားလိုက်ပါတယ်။

@ymg/knl

#Daily_News
Published_ 26 March 2024

၁။ အခုရက်ပိုင်းတွင် ရန်ကုန်၊ မန္တလေးနှင့်ဒေသ(၉)ခု၌ နေ့အပူချိန်တိုးမည်

၂။ တပေါင်းလပြည့်နေ့တွင် ရွှေတိဂုံစေတီတော်၌ ဗုဒ္ဓပူဇနိယတပေါင်းပွဲတော်အောင်ပွဲကျင်းခဲ့

၃။ တနင်္သာရီဒေသ၌ ဖရဲစိုက်ဧကများလျော့ချစိုက်ပျိုးလာ

၄။ KungFu Panda4 ရုပ်ရှင်ကား အမေရိကန်နှင့် တရုတ်တွင် ရုံတင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 26 March 2024

လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနက စိစစ်ထုတ်ပေးသည့် UIDနံပတ်ပါ အရပ်ခေါ်စမတ်ကတ်များကို မိမိ၏နိုင်ငံသားစိစစ်ရေးကတ်ပြားထုတ်ပေးသောမြို့နယ်ကို သွားရောက်ပြုလုပ်စရာမလိုဘဲ မိမိရောက်ရှိနေသော မြို့နယ်ရှိ လဝက ရုံးတွင်လည်း ပြုလုပ်နိုင်ကြောင်း သက်ဆိုင်ရာဌာနက ပြောကြားထားသည်။

နိုင်ငံကူးလက်မှတ်ပြုလုပ်ရာတွင် UID နံပတ်ပါ စမတ်ကတ်ပါရှိရမည်ဆိုသော အကြောင်းရာနှင့် ပတ်သက်ပြီး သတင်းမီဒီယာတစ်ခုမှ ဆက်သွယ်မေးမြန်းမှုကို သက်ဆိုင်ရာဌာနက ပြန်လည်ဖြေကြားထားခြင်း ဖြစ်သည်။

မြန်မာနိုင်ငံကူးလက်မှတ် ထုတ်ပေးရေးအဖွဲ့အနေဖြင့် မတ်လက ၁၉ ရက်ကစပြီး ပတ်စပို့စ်သက်တမ်းတိုးခြင်း အသစ်ပြုလုပ်ခြင်းများ လာရောက် လုပ်ဆောင်သူများ အနေဖြင့်လဝကမှ ထုတ်ပေးထားသည့် UID နံပါတ်ထုတ်ပေးထားကြောင်း အထောက်ထားလက်မှတ် ယူဆောင်လာရန် ညွှန်ကြားချက် ထုတ်ပြန်ထားသည်။

ထို့ကြောင့် ပြည်သူတွေအနေနဲ့ UID နံပတ်ပါ စမတ်ကတ်ကို ရယူလိုပါက နိုင်ငံသားစိစစ်ရေးကတ်ပြားထုတ်ပေးသည့် မြို့ကိုပြန်ပြီး လုပ်စရာမလိုဘဲ လက်ရှိကိုယ်နေထိုင်ရာမြို့မှာ ရှိသည့်လဝကရုံးတွင်ဖြစ်စေရပ်ကွက်များကို ဆင်းပြီး ပြုလုပ်ပေးနေသည့် UID နံပါတ် စမတ်ကတ်ကို အခမဲ့ ပြုလုပ်နိုင်ကြောင်း သိရသည်။

အစိုးရအဖွဲ့အစည်းအရပ်ဘက်အဖွဲ့အစည်း များအနေဖြင့် ပြည်သူ့ဝန်ဆောင်မှု လုပ်ငန်းများဆောင်ရွက်ပေးသည့် အခါတွင် အဆိုပါ UID နံပတ်အပေါ်အခြေခံပြီး ဆောင်ရွက်ပေးမှာဖြစ်သည့်အတွက် ပြည်သူတွေအနေဖြင့် UID မြန်မြန် ပြုလုပ်ပါက အကျိုးမြန်မြန် ခံစားရမည်ဖြစ်ကြောင်း ဖြေကြားထားသည်။

#Local_News #UIDနံပတ်ပါစမတ်ကတ် #လဝကရုံးများတွင်လည်းပြုလုပ်နိုင် #YMG/LW #Yangon_Times

ရွှေတိဂုံစေတီတော် တပေါင်းပွဲတော်ကြီးကို မတ်လ (၁၅)ရက်မှ (၂၄)ရက်(တပေါင်းလပြည့်နေ့)အထိ (၁၀) ရက်တိုင်တိုင် စည်ကားသိုက်မြိုက်စွာကျင်းပခဲ့တယ်။ ဩဝါဒါစရိယဆရာ‌ကြီး‌တွေနဲ့ ပင့်သံဃာတော်(၁၂၁)ပါး၊ သာသနာ့နွယ်ဝင် သီလရှင်(၂၇)ပါးတိုကိုသံဃဒါန ဆွမ်းဆန်တော်နဲ့ လှူဖွယ်ပစ္စည်း‌တွေ လောင်းလှူခဲ့ပါတယ်။
#Local_News
Published_ 26 March 2024
#ဗုဒ္ဓပူဇနိယတပေါင်းပွဲတော် #အောင်ပွဲအခမ်းအနားကျင်းပ
#tthl #Yangon_Times