#World_Science
Published 05 December 2024

▪️ ကမ္ဘာ့သက်တမ်းအရင့်ဆုံး အက္ခရာစာလုံး အရေးအသားများကို ဆီးရီးယားရှိ သင်္ချိုင်းတစ်ခုကို တူးဖော်ရင်း လက်ချောင်းအရှည်ရှိတဲ့ ရွှံ့အိုးတွေမှာ ရှေးဟောင်းသုတေသန ပညာရှင်များ တွေ့ရှိခဲ့ကြပါတယ်။

▪️ ထိုစာတွေဟာ ၂၄၀၀ဘီစီဝန်းကျင်လောက်က ဖြစ်မယ်လို့ အမေရိကန် ဂျွန်ဟော့ကင်းစ်တက္ကသိုလ်မှ သုတေသီများ တွေ့ရှိခဲ့ပါတယ်။

▪️ အက္ခရာအရေးအသားတွေက လူတွေ နေထိုင်ပုံ စဉ်းစားတွေးတောပုံ ဆက်သွယ်ပုံတို့ကို ပြောင်းလဲစေတယ်လို့ ရှေးဟောင်းသုတေသီ ဂလန်းရှဝါ့ဇ်က ပြောပါတယ်။

▪️ ထိုအရေးအသားပုံစံက အထက်တန်းလွှာတွေအပြင် အခြားလူတွေပါ အသုံးပြုနိုင်တဲ့အတွက် ပြုပြင်ပြောင်းလဲလာတဲ့ ဘာသာစကား ဖြစ်နိုင်တယ်လို့ ပညာရှင်များ ဆိုပါတယ်။

▪️ ထိုလူတွေဟာ နေရာဒေသအမျိုးမျိုးကနေ ဆက်သွယ်ရေး နည်းပညာအသစ်များ စမ်းသပ်နေခဲ့ကြတယ်လို့ တွေ့ရှိခဲ့ကြပါတယ်။

▪️ ရွှံ့အိုးပေါ်က ပေါက်ထွင်းရာလေးတွေက အခြားပစ္စည်းနဲ့ ဆက်စပ်နေနိုင်တယ်လို့ သိရပါတယ်။

▪️ ရွှံအိုးထဲမှာ ပါတဲ့ဟာတွေ၊ ဘယ်ကလာလဲဆိုတာတွေ၊ ဘယ်သူပိုင်လဲ ဆိုတာတွေကို ဖော်ပြထားတာ ဖြစ်နိုင်တယ်လို့ ဒေါက်တာရှဝါ့ဇ်က ရှင်းပြပါတယ်။

▪️ ကာဗွန်အချိန်ပြ နည်းပညာများအသုံးပြုပြီး အုတ်ဂူတွေ၊ ရှေးဟောင်းပစ္စည်းတွေ, အရေးအသားတွေဟာ ၂၄၀၀ဘီစီလောက်က ဖြစ်မယ်လို့ အတည်ပြုတာ ဖြစ်ပါတယ်။

▪️ ယခင်ကတော့ အက္ခရာကို ၁၉၀၀ဘီစီအီးနောက်ပိုင်း အီဂျစ်တဝိုက်မှာ ဖန်တီးခဲ့တယ်လို့ ထင်ထားပေမယ့် ယခုတွေ့ရှိချက်တွေက ကွဲပြားတဲ့နေရာကဖြစ်ပြီး ပိုမိုသက်တမ်းရင့်တယ်လို့ ဆိုနေကြပါတယ်။

#Source: WION

၂၉ကြိမ်မြောက် အာရှတီဗီဆုပေးပွဲကို အင်ဒိုနီးရှားနိုင်ငံ ဂျာကာတာမှာ ကျင်းပခဲ့ပြီး ဂီတ၊ ဖန်တီးမှု၊ ဇာတ်ကြောင်းတိုကို ပေါင်းစပ်ပြီး အာရှရုပ်သံတွေရဲ့ အကောင်းဆုံးတွေကို ဂုဏ်ပြုခဲ့ကြပါတယ်။
#Asia_Event
Published 4 December 2024
#အာရှရုပ်သံဆုပေးပွဲ #ဂျာကာတာ
#YMG #Yangon_Times #Yangon_Media_Group

#Daily_News
Published 4 December 2024

၁။ ‌အမျိုးသားကန်တော်ကြီးဥယျာဉ်(ပြင်ဦးလွင်)၏ နှစ်(၁၀၀)ပြည့် အထိမ်းအမှတ် ပန်းပွဲတော်ကျင်းပမည်

၂။ နိုဝင်ဘာလအတွင်းပြည်ပသို့ ဆန်နှင့်ဆန်ကွဲတန်ချိန်သုံးသိန်းကျော်တင်ပို့ထားပြီး အင်ဒိုနီးရှားသို့ ဆန်အများဆုံးတင်ပို့

၃။ အထည်ချုပ်လုပ်ငန်းများ အလုပ်သမားအခက်အခဲများကြုံနေ

၄။ (၂၉)ကြိမ်မြောက် အာရှရုပ်သံဆုပေးပွဲအား အင်ဒိုနီးရှားနိုင်ငံဂျာကာတာတွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 4 December 2024

▪️ မြန်မာနိုင်ငံသို့ ခေတ္တပြန်လိုသည့် စင်ကာပူနိုင်ငံရောက်PV အမျိုးအစားနိုင်ငံကူးလက်မှတ် ကိုင်ဆောင်ထားသည့် မြန်မာနိုင်ငံသားများကို PJ အမျိုးအစားနိုင်ငံကူးလက်မှတ်သို့ ပြောင်းလဲပေးမည်ဟု စင်ကာပူရှိ မြန်မာသံရုံးက ထုတ်ပြန်လိုက်သည်။

▪️ ထိုသို့ပြောင်းလဲထုတ်ပေးရာတွင် စင်ကာပူနိုင်ငံ၌ အလုပ်လုပ်ကိုင်ပြီး ဝင်ငွေခွန် ပေးဆောင်ကြသည့် မြန်မာနိုင်ငံသားများအား မြန်မာနိုင်ငံသို့ ခေတ္တပြန်လိုသည့် အခြေအနေအရ PV အမျိုးအစားမှ PJ အမျိုးအစားနိုင်ငံကူးလက်မှတ်သို့ ပြောင်းလဲဆောင်ရွက်ပေးမည်ဖြစ်ကြောင်း၊PV အမျိုးအစား နိုင်ငံကူးလက်မှတ်နှင့် စင်ကာပူနိုင်ငံတွင် အလုပ်လုပ်ကိုင်၍ နေထိုင်ခွင့်ကတ် ကိုင်ဆောင်ကြသည့် မြန်မာနိုင်ငံသားများမှာ ဝင်ငွေခွန်ပေးဆောင်ပြီး မှတ်တမ်းများနှင့် မြန်မာနိုင်ငံသို့ ခေတ္တပြန်ဝင်ရောက်အပြီး စင်ကာပူနိုင်ငံသို့ ထွက်ခွာရန် ရန်ကုန်အပြည်ပြည်ဆိုင်ရာ လေဆိပ်တွင်လည်းကောင်း၊ OWIC ကတ်ပြုလုပ်ရာတွင်လည်းကောင်း အဆင်မပြေမှုများနှင့် ကြုံတွေ့ရကြောင်း၊ စင်ကာပူရှိ မြန်မာသံရုံးမှ ကူညီမှုပြုရေး ဆက်သွယ်ပြောကြားမှုများရှိနေကြောင်း သံရုံးက ထုတ်ပြန်သည်။

▪️ PV မှ PJ သို့ပြောင်းလဲနိုင်ရန်အတွက် အသွားအပြန် လေယာဉ်လက်မှတ်၊ သက်တမ်းရှိသည့် အလုပ်လုပ်ကိုင်ခွင့်ကတ်၊ နိုင်ငံကူးလက်မှတ်၊ အလုပ်ရှင်၏ ခွင့်စာ အစရှိသည်တို့ကို နှစ်ပတ်ကြိုတင်ရက်ချိန်းရယူရန်လိုအပ်ကြောင်း၊ နာရေးကဲ့သို့ အရေးပေါ်ကိစ္စဖြင့် မြန်မာနိုင်ငံသို့ ပြန်လိုသူများအနေဖြင့် ရက်ချိန်းရယူရန်အဆင်မပြေပါက သံရုံးသို့ နံနက် ၉ နာရီခွဲမှ ၁၁ နာရီအတွင်း လူကိုယ်တိုင်လာရောက်လျှောက်ထားနိုင်ကြောင်း ၊သာမန်အားဖြင့် PV အမျိုးအစားနိုင်ငံကူးလက်မှတ် ကိုင်ဆောင်သူများအနေဖြင့် သက်တမ်းကုန်ဆုံးရက် ၁၄ လအောက်မှသာ PJ အမျိုးအစားသို့ ပြောင်းလဲလျှောက်ထားခြင်းဖြင့် မလိုလားအပ်သည့် အချိန်ကုန်၊ ငွေကုန်ခြင်းမှ ရှောင်ရှားနိုင်ရန် သံရုံးနှင့် ပူးပေါင်းဆောင်ရွက်ပေးရန် မေတ္တာရပ်ခံအပ်ကြောင်း  မြန်မာသံရုံး၏ သတင်းထုတ်ပြန်ချက်တွင် ဖော်ပြထားသည်။

#YMG/SW#Yangon_Times

မြန်မာနိုင်ငံရဲ့ ထုတ်ကုန်‌တွေကို ဂျပန်နိုင်ငံနဲ့ နိုင်ငံတကာဈေးကွက်ကို ထိုးဖောက် ဝင်ရောက်နိုင်ဖို့နဲ့  မြန်မာ့ပို့ကုန်‌တွေပြည်ပကို တိုးမြှင့်တင်ပို့နိုင်ဖို့ ရည်ရွယ်ပြီး အာဆီယံ-ဂျပန်စင်တာနဲ့ ပူးပေါင်းကာ စီမံကိန်း‌တွေကို အကောင်အထည်ဖော် ဆောင်ရွက်လျက်ရှိတယ်လို့ တိုကျိုမြို့ရှိ မြန်မာသံရုံးမှ သိရပါတယ်။
#Local_News
Published 4 December 2024
#တိုကျိုမြို့ရှိမြန်မာသံရုံး #အာဆီယံ-ဂျပန်စင်တာ
#YMG/SW#Yangon_Times

ပြည်တွင်းရှိ အထည်ချုပ်လုပ်ငန်းနဲ့ စက်ရုံတွေမှာ အလုပ်သမားအခက်အခဲတွေ ကြုံတွေ့နေရတယ်လို့ မြန်မာနိုင်ငံအထည်ချုပ်လုပ်ငန်းရှင်များအသင်းက သိရပါတယ်။
#Local_News
Published 4 December 2024
#အထည်ချုပ်လုပ်ငန်း #အလုပ်သမားအခက်အခဲ
#YMG/NN #Yangon_Times

နိုဝင်ဘာလအတွင်းပြည်ပနိုင်ငံတွေကို ကန်ဒေါ်လာသန်း၁၅၀ ကျော်တန်ဖိုးရှိတဲ့ ဆန်နဲ့ဆန်ကွဲတန်ချိန်သုံးသိန်းကျော်တင်ပို့ထားပြီး အင်ဒိုနီးရှားနိုင်ငံကိုဆန်တန်ချိန် တစ်သိန်းကျော်နဲ့အများဆုံးတင်ပို့ထားတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 4 December 2024
#ဆန်အများဆုံးတင်ပို့ #အင်ဒိုနီးရှား
#YMG/NN #Yangon_Times

အမျိုးသားကန်တော်ကြီးဥယျာဉ်(ပြင်ဦးလွင်)ရဲ့နှစ်(၁၀၀)ပြည့် အထိမ်းအမှတ်  (၁၇)ကြိမ်မြောက်ပန်းပွဲတော် (Floral Fantasia) ကို ယခုလ ၁၄ ရက်ကစပြီး ဇန်နဝါရီလ ၁၂ရက်အထိ စည်ကားသိုက်မြိုက်စွာကျင်းပမယ်လို့ သိရပါတယ်။
#Local_News
Published 4 December 2024
#အမျိုးသားကန်တော်ကြီးဥယျာဉ် #ပန်းပွဲတော်ကျင်းပ
#YMG/SW#Yangon_Times

#Local_News
Published 4 December 2024

▪️ မန္တလေးမြို့ ပြည်ကြီးတံခွန်မြို့နယ်၌  ယနေ့မနက်အစောပိုင်းက နေအိမ် မီးလောင်မှု တစ်ခုဖြစ်ပွားခဲ့ကြောင်း မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)မှ သိရသည်။

▪️ ဒီဇင်ဘာ ၄ နံနက် ၁၂နာရီ၅၀မိနစ် အချိန်ခန့်က မန္တလေးမြို့ ပြည်ကြီးတံခွန်မြို့နယ် ကျွဲဆည်ကန် ၁၁ လမ်းတွင် နေအိမ်မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းအရ မြန်မာနိင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး) မှ ရေဂါလံ ၃၄၀၀ ဆံ့ ရေသယ်ယာဥ် ၊ အရေးပေါ် ရှာဖွေကယ်ဆယ်ရေးယာဥ်များနှင့် ရှာဖွေကယ်ဆယ်ရေးအဖွဲ့၀င်များ ထွက်ခွာကာ သက်ဆိုင်ရာမီးသတ်တပ်ဖွဲ့၀င်များအား ထောက်ပံ့ကူညီခြင်း ၊ မီးလောင်ပြင်တွင် ဒဏ်ရာရရှိသူ ကျားတစ်ဦးအား ရှေးဦးပြုစု ကုသပေးခြင်းများ ကူညီဆောင်ရွက်ခဲ့ကြောင်း သိရသည်။

▪️ မနက် ၁ နာရီအချိန်တွင် မီးငြိမ်းသတ်နိုင်ခဲ့ပြီး ယင်းဖြစ်စဉ်ကြောင့် လူသေဆုံးမှု မရှိသော်လည်း ထိခိုက်သူအား ဆေးရုံသို့တင်ပို့ခဲ့ကြောင်း သိရသည်။

#YMG/NN #Yangon_Times

#World_News
Published 04 December 2024

▪️ အင်္ဂါနေ့က ပြုလုပ်တဲ့ နိုင်ငံခြားရေးဝန်ကြီးများ အစည်းအဝေးမှာ နေတိုး(NATO)မဟာမိတ်အဖွဲ့ဝင် ဖြစ်ရေးအတွက် ဖိတ်ကြားရန် ယူကရိန်းရဲ့ တောင်းဆိုချက်ကို နေတိုးက လက်ရှောင်ခဲ့သဖြင့် ယူကရိန်းက အနာဂတ် လုံခြုံရေး အာမခံချက်ရရှိဖို့အတွက် နေတိုးအဖွဲ့ဝင် ဖြစ်ရေးမှတပါး အခြားမရှိဘူးလို့ ကြေညာလိုက်ပါတယ်။

▪️ ယူကရိန်းကို အဖွဲ့ဝင်ဖြစ်ရေး ဖိတ်ခေါ်လိုက်ပါက ဒီဖြစ်ရပ်ကို တားဆီးဖို့ စစ်ပွဲဆင်နွှဲနေတဲ့ ရုရှားအကြောင်းပြချက် တစ်ခုကိုလည်း ဖယ်ရှားပြီးသား ဖြစ်လိမ့်မယ်လို့ ယူကရိန်း နိုင်ငံခြားရေးဝန်ကြီး အန်ဒရီဆစ်ဘီဟာက စာရေးသားပေးပို့ခဲ့ပါတယ်။

▪️ နေတိုးအဖွဲ့က ဖိတ်ကြားချက် ထုတ်ပြန်ဖို့ နေ့ရက်ကို မသတ်မှတ်ရသေးဘဲ အဖွဲ့ဝင်နိုင်ငံ ၃၂ နိုင်ငံကြား ဘုံသဘောတူညီချက် မရသေးဘူးလို့ သံတမန်များက ဆိုပါတယ်။

▪️ မကြာခင် အမေရိကန်သမ္မတ ရာထူးရယူတော့မယ် ဒေါ်နယ်ထရမ့်အစိုးရရဲ့ သက်ရောက်မှုကို မသိရမချင်း အဖွဲ့ဝင်နိုင်ငံအချို့က စောင့်ဆိုင်းနေပါသေးတယ်။
ညစာစားပွဲအပြီးမှာ လစ်သူရေးနီးယား နိုင်ငံခြားရေးဝန်ကြီး ဂေဘရီယယ်လီယပ်စ်လန်းစ်ဘာဂျစ်က အဖွဲ့ဝင်ဖြစ်ရေးကိစ္စ တိုးတက်မှုမရှိသေးဘူး သတင်းထောက်တွေကို ပြောသွားပါတယ်။

▪️ ချက်နိုင်ငံခြားရေးဝန်ကြီး ယန်းလီပက်ဗ်စကီက ယူကရိန်းကို ဖိတ်ကြားဖို့က လိုအပ်တယ်ဆိုပေမယ့် သဘောတူညီချက် မရသေးဘူးလို့ ဆိုပါတယ်။

▪️ ရုရှားနဲ့ ဆက်ဆံရေးနီးစပ်တဲ့ ဟန်ဂေးရီးယား နိုင်ငံခြားရေးဝန်ကြီး ပီတာဆစ်ဂျာတိုကတော့ ယူကရိန်း နေတိုးအဖွဲ့ဝင်ဖြစ်ရေးကို ဆန့်ကျင်နေဆဲ ဖြစ်ပါတယ်။

▪️ ယူကရိန်းအနေနဲ့ နေတိုးတစ်ဖွဲ့လုံးထက်စာရင် အနောက်တိုင်း တစ်နိုင်ငံချင်းစီကနေ လုံခြုံရေး အာမခံချက်များ ရနိုင်တယ်လို့ သံတမန်အချို့က အကြံပြုပါတယ်။

▪️ နေတိုးမဟာမိတ် သဘောတူညီချက်အရ တစ်နိုင်ငံတိုက်ခိုက်ခံရပါက ဝိုင်းဝန်းခုခံတိုက်ခိုက်ရမှာဖြစ်တဲ့အတွက် ယူကရိန်းက နေတိုးအဖွဲ့ဝင် ဖြစ်ချင်နေတာ ဖြစ်ပါတယ်။

#Source: Reuters

#Local_News
Published 4 November 2024

▪️ ၂၀၂၅ ခုနှစ်၊ မတ်လတွင်ဖြေဆိုမည့် တက္ကသိုလ်ဝင်စာမေးပွဲအချိန်ဇယားအား ပညာရေးဝန်ကြီးဌာန၏ မြန်မာနိုင်ငံစာစစ်ဦးစီးဌာနမှ ဒီဇင်ဘာ ၄ ရက် ရက်စွဲဖြင့်ထုတ်ပြန်ခဲ့သည်။

▪️ အဆိုပါထုတ်ပြန်ချက်၌ ၂၀၂၅ ခုနှစ် တက္ကသိုလ်ဝင်စာမေးပွဲ၏ မြန်မာစာဘာသာရပ်အား မတ် ၁၇ ရက်၊ အင်္ဂလိပ်စာဘာသာရပ်အား မတ် ၁၈ ရက်၊ သင်္ချာဘာသာရပ်အား မတ် ၁၉ ရက်တို့တွင် နံနက် ၉ နာရီမှ မွန်းတည့် ၁၂ နာရီအထိ ဖြေဆိုရမည်ဖြစ်ပြီး ဓာတုဗေဒဘာသာရပ်နှင့်ပထဝီဝင်ဘာ သာရပ်တို့အား မတ် ၂၀ ရက်၊ ရူပဗေဒဘာရပ်နှင့်သမိုင်းဘာသာရပ်တို့အား မတ် ၂၁ ရက်၊ ဇီဝဗေ ဒဘာသာရပ်နှင့်ဘောဂဗေဒဘာသာရပ်တို့အား မတ် ၂၂ ရက်တို့တွင် နံနက် ၉ နာရီမှ မွန်းတည့် ၁၂ နာရီအထိ ဖြေဆိုရမည်ဖြစ်သည်။

▪️ မြန်မာနိုင်ငံစာစစ်ဦးစီးဌာနမှထုတ်ပြန်ခဲ့သည့် ၂၀၂၅ ခုနှစ် တက္ကသိုလ်ဝင်စာမေးပွဲအချိန်ဇယားအရ စာမေးပွဲဖြေဆိုမည့် ကျောင်းသား၊ ကျောင်းသူများမှာ ပိတ်ရက်မရှိဖြေဆိုရမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 4 December 2024

▪️ ကုလသမဂ္ဂဖွံ့ဖြိုးမှုအစီအစဉ် (UNDP) ၏  eLearning Portal for MSMEs တွင်အသေးစား၊ အငယ်စားနှင့် အလတ်စားစီးပွားရေးလုပ်ငန်းများ (MSME) အတွက် လုပ်ငန်းလည်ပတ်မှုအတွင်းနှင့် ပြင်ပပတ်ဝန်းကျင်မှတစ်ဆင့် ရင်ဆိုင်ကြုံတွေ့နိုင်သည့်ထိခိုက်ဆုံးရှုံးနိုင်ခြေအမျိုးမျိုး၊ စိန်ခေါ်မှုအမျိုးမျိုးအတွက် “ထိခိုက်ဆုံးရှုံးနိုင်ခြေများ စီမံခန့်ခွဲမှု (Risk Management)” သင်တန်းကို ဖွင့်လှစ်သင်ကြားပေးလျက်ရှိကြောင်း သိရသည်။

▪️ ထိုသင်တန်းမှတစ်ဆင့် မိမိစီးပွားရေးလုပ်ငန်းအတွက် ထိခိုက်ဆုံးရှုံးနိုင်ခြေစီမံခန့်ခွဲမှု (Risk Management) ရဲ့ အရေးပါပုံ၊ ရင်ဆိုင်ကြုံတွေ့နိုင်သည့် ထိခိုက်ဆုံးရှုံးနိုင်ခြေ (Risk) အမျိုးအစားများဖြစ်ပေါ်လာချိန်တွင် ထိရောက်စွာတုံ့ပြန်နိုင်ရန် အကဲဖြတ်သုံးသပ်ခြင်း၊ ဆက်သွယ်ဆောင်ရွက်ခြင်းနှင့် စောင့်ကြည့်ခြင်းစသည့် ထိခိုက်ဆုံးရှုံးနိုင်ခြေစီမံခန့်ခွဲမှု လုပ်ငန်းစဉ်များ၊ ထိခိုက်ဆုံးရှုံးနိုင်ခြေများကို ထည့်သွင်းစီမံတတ်သည့် အလေ့အထနှင့်ခံနိုင်ရည်ရှိမှု၊ထိခိုက်ဆုံးရှုံးနိုင်ခြေစီမံခန့်ခွဲမှုစွမ်းရည်ကို လက်တွေ့အသုံးချမှု စသည်များကို မြန်မာဘာသာစကားနှင့် စနစ်တကျ လေ့လာသင်ယူနိုင်ပြီ ဖြစ်ကြောင်း သိရသည်။

▪️ ထို့အပြင် သင်ခန်းစာအားလုံးလေ့လာပြီး Final test ဖြေဆိုအောင်မြင်ပါက UNDP ကပေးအပ်သည့်“သင်တန်းပြီးဆုံးကြောင်းလက်မှတ် (Certificate of Completion)” ကိုလည်း အခမဲ့ ရရှိမည်ဖြစ်ကြောင်း၊ တက်ရောက်လိုသူများအနေဖြင့် ကုလသမဂ္ဂဖွံ့ဖြိုးမှုအစီအစဉ် (UNDP) ၏ eLearning Portal for MSMEs ၏ လူမှုကွန်ရက်စာမျက်နှာတွင်ဖော်ပြထားသောလင့်ခ်ကိုနှိပ်ပြီး မြန်မာဘာသာစကားဖြင့် တက်ရောက်နိုင်မည်ဖြစ်ကြောင်း သိရသည်။

#YMG/SW#Yangon_Times