Published _27 March 2024

ရန်ကုန်မြို့လယ် Sule Square အနီး ဗုံးပေါက်ကွဲမှုဖြစ်ပွား ၍ အရွယ်မရောက်သေးသူများအပါအဝင် ၅ ဦးခန့် ပြင်းထန်ဒဏ်ရာရခဲ့ကြောင်း သိရသည်။

ယနေ့ မတ်လ (၂၇) ရက် ည ၇ နာရီခွဲခန့်အချိန်ကဆူးလေဘုရားလမ်းနှင့် အနော်ရထာလမ်းထောင့်တွင် အထက်ပါအတိုင်း ဖြစ်ပွားခဲ့သောကြောင့်သန့်ရှင်းရေးဝန်ထမ်း အချို့၊ အမှိုက်သိမ်း လူငယ် အချို့နှင့် လမ်းသွား လမ်းလာလူငယ် အပါအဝင် (၅)ဦးထက်မနည်း ထိခိုက်ဒဏ်ရာ ပြင်းထန်စွာ ရရှိခဲ့ကြောင်း သိရသည်။

“အမှိုက်ကောက်တဲ့ ကလေးတွေလည်း ပါတယ်။အခုတော့ ဆေးရုံကြီးကို သယ်ယူပို့ဆောင်ထားတယ်”ဟု ဒေသ အုပ်ချုပ်ရေးအဖွဲ့ ဝင် တစ်ဦးက ပြောသည်။

လက်ရှိတွင် ဆူးလေလမ်းမနှင့် အနော်ရထာလမ်းတစ်ဝိုက်တွင် လုံခြူံရေး များက စိစစ်နေကြောင်း သိရသည်။
Yangon_Times/PP
#Local_News
#Published_ 27 March 2024
#YMG #Yangon_Times #Yangon_Media_Group

အမေရိကန် အထက်တန်းကျောင်းသားများ ကိုယ်စားလှယ်အဖွဲ့တစ်ဖွဲ့ဟာ တရုတ်ပြည်အနှံ့ရှိ သမိုင်းဝင်နဲ့ ယဥ်ကျေးမှုအမွေအနှစ် နေရာများကို သွားရောက်လည်ပတ်ကြပြီး တရုတ်ကျောင်းသားအဖွဲ့နဲ့အတူ ရင်းနှီးချစ်ကြည်ရေးလှုပ်ရှားမှုများ ဆောင်ရွက်ခဲ့ပါတယ်။
#World_News
#Published_ 27 March 2024
#YMG_News #Yangon_Times #Yangon_Media_Group

နယူးဒေလီ, မတ် ၂၇ (ရိုက်တာ)

အိန္ဒိယနိုင်ငံက အမေရိကန်ဒေါ်လာ ၃.၇ ဘီလျံအကုန်အကျခံကာ မိုင်၁၀၀၀ခန့်ရှည်လျားသည့် မြန်မာနှင့်နယ်စပ်  တစ်လျှောက် ခြံစည်းရိုးခတ်ဖို့ စီစဉ်နေတယ်လို့ အဆိုပါကိစ္စနှင့်တိုက်ရိုက်သက်ဆိုင်တဲ့ သတင်းအရင်းအမြစ်က ရိုက်တာသတင်းဌာနကိုပြောပါတယ်။ မှောင်ခိုလုပ်ငန်းတွေနှင့် တရားမဝင်လှုပ်ရှားမှုတွေကိုဟန့်တားနိုင်ဖို့လို့ ဆိုပါ တယ်။

နယူးဒေလီက နယ်စ်တွင်ခြံစည်းရိုးများခတ်ကာ  ဆယ်စုနှစ်များစွာကြာခဲ့တဲ့ ဗီဇာမလိုဘဲဝင်ထွက်သွားလာခွင့်ကို  လည်း အဆုံးသတ်မယ်လို့ နှစ်ဆန်းကတည်းက ပြောခဲ့ပါတယ်။

အိန္ဒိယအစိုးရကော်မတီတစ်ရပ်ဟာ ခြံစည်းရိုးခတ်မယ့် ကုန်ကျစရိတ်ကို ဒီလစောစောပိုင်းမှာ အတည်ပြုခဲ့ပါ တယ်။ ကော်မတီက အတည်ပြုပြီးနောက် ဝန်ကြီးချုပ် နာရင်ဒရာမိုဒီရဲ့ အစိုးရအဖွဲ့က အတည်ပြုပေးဖို့လိုအပ်ပါ သေးတယ်လို့ အစိုးရ အရင်းအမြစ်တွေက ပြောပါတယ်။

အိန္ဒိယ-မြန်မာနယ်စပ် ပဋိပက္ခတွေကြောင့် နယူးဒေလီအနေနှင့် အိန္ဒိယသို့ လူမှုတင်းမာမှုတွေကူးစက်လာမှာကို စိုးရိမ်နေပါတယ်။

စစ်အခြေစိုက် စခန်းတွေ နှင့် နယ်စပ်ကို လမ်းတွေနှင့်ချိတ်ဆက်နိုင်အောင်နယ်စပ်ခြံစည်းရိုးတစ်လျောက်မှာ အိန္ဒိယနိုင်ငံအတွင်းဘက်မှာ အပြိုင်လမ်းတွေဖောက်လုပ်ဖို့ အိန္ဒိယအကြီးတန်းအရာရှိတွေရဲ့ကော်မတီတစ်ရပ်က သဘောတူခဲ့ပါတယ်လို့ သတင်းအရသိရပါတယ်။ ခြံစည်းရိုးနှင့် ယင်းနှင့်ကပ်လျက် လမ်းအတွက် ကုန်ကျစရိတ် ဟာ တစ်ကီလိုမီတာကို ရူပီး ၁၂၅သန်းကုန်ကျမယ်လို့ တွက်ချက်ထားပါတယ်။ အဲဒီကုန်ကျစရိတ်ဟာ ၂၀၂၀ခုနှစ်က ဘင်္ဂလားဒေ့ရှ်နှင့် နယ်စပ်ခြံစည်းရိုးကာစဉ်က ကုန်ကျစ၇◌ိတ် တစ်ကီလိုမီတာကို ၅၅သန်း  နှုန်းထက် နှစ်ဆခန့်ဈေးကြီးနေပါတယ်။ဘာဖြစ်လို့လဲဆိုတော့ အဲဒီနယ်စပ်တလျောက်မှာ တောင်တွေထူထပ်ခြင်း နှင့် ကျူးကျော်ဝင်ရောက်မှုနှင့် ပျက်စီးယိုယွင်းမှုကို ဟန့်တားဖို့နည်းပညာအသုံးပြုကြရမှာကြောင့်ဖြစ်တယ်လို့ သတင်းမှာဖော်ပြထားပါတယ်။

@ymg/knl

#Daily_News
Published_ 27 March 2024

၁။ အမေရိကန် UAF ၏ နိုင်ငံတကာအသိအမှတ်ပြု အရည်အသွေး ထောက်ခံချက်လက်မှတ် ISOကို မြန်မာ‌ဆောက်လုပ်ရေး ကုမ္ပဏီတစ်ခုရရှိ

၂။ ပြည်သူ့ရင်ပြင်တွင် တည်ဆောက်နေသည့် ရေဂါလံ၂သိန်းဆံ့ မြေအောက်ရေလှောင်ကန် တည်ဆောက်မှု ၉၀ ရာခိုင်နှုန်း ပြီးစီးပြီဟုဆို

၃။ ကမ္ဘာ့ဈေးကွက်၌ မြန်မာ့ရော်ဘာ ဈေးရရှိမှု နည်းပါးနေ

၄။ အမေရိကန် အထက်တန်းကျောင်းသား ကိုယ်စားလှယ်အဖွဲ့ တရုတ်ပြည်သို့ လာရောက်ကာ တရုတ်ကျောင်းသားများနှင့် ပူးပေါင်းလှုပ်ရှားမှုများ ပြုလုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published_ 27 March 2024

ပြေစာများတွင်  အခွန်အမှတ်တံဆိပ်ကပ်ရန်  ပျက်ကွက်မှုအတွက် သတင်းပေးတင်ပြသူများကို တပ်ရိုက်သည့်  ဒဏ်ကြေးငွေ၏ ၃၀ ရာခိုင်နှုန်းကို ဆုကြေးအဖြစ် ချီးမြှင့်သွားမည်ဖြစ်ကြောင်း စီမံကိန်းနှင့်ဘဏ္ဍာရေး ဝန်ကြီးဌာန၊ ပြည်တွင်းအခွန် များ ဦးစီးဌာနက အသိပေးထုတ်ပြန်ထားသည်။

စားသောက်ဆိုင်လုပ်ငန်းရှင်များ ၊ ဟိုတယ်နှင့်တည်းခိုခန်း လုပ်ငန်းရှင်များ၊ ရုပ်သံလွှင့်မီဒီယာလုပ်ငန်းရှင်များ ၊ ရွှေ ထည်လက်ဝတ်ရတနာရောင်းချသည့် လုပ်ငန်းရှင်များ ၊ လက်ကိုင်ဖုန်း Handset နှင့် ဆက်စပ်ပစ္စည်းများ ရောင်းချမှု၊ ဝန်ဆောင်မှုဆောင်ရွက်သည့် လုပ်ငန်းရှင်များ အနေဖြင့် ကျသင့်ကုန်သွယ်လုပ်ငန်းခွန်ကို စားသုံးသူပြည်သူများဆီက တစ်ပါတည်းကောက်ခံပေးရန် တာဝန်ရှိသကဲ့သို့ သက်ဆိုင်ရာအခွန်ရုံးကိုလည်း ပေးသွင်းရန်တာဝန်ရှိကြောင်း ဆိုသည်။

ထို့အပြင်ပြေစာ သို့မဟုတ် ငွေလက်ခံရရှိကြောင်း အထောက်အထားများနှင့် သက်မှတ်ချက်များနှင့် အညီ အခွန်အမှတ် တံဆိပ်ကပ်ရန် ပျက်ကွက်မှုအတွက် စာရွက်စာတမ်း အထောက်အထားဖြင့်ဖြစ်စေ၊ အသံဖိုင်ဖြင့်ဖြစ်စေ တင်ပြလာပါက သတင်းပေးတင်ပြသူကို ဒဏ်ရိုက်သည့် ဒဏ်ကြေးငွေ၏ ၃၀ ရာခိုင်နှုန်းကို ဆုကြေးအဖြစ် ချီးမြှင့်မည်ဖြစ်ကြောင်း၊လက်ကိုင်ဖုန်းများအပေါ်၌ အခွန်အမှတ်တံဆိပ်ကပ်ရန် ပျက်ကွက်မှုအတွက် သတင်းပေး တင်ပြသူကို ၂၀ ရာခိုင်နှုန်း ဆုကြေးအဖြစ် ချီးမြှင့်မည် ဖြစ်ကြောင်းသိရသည်။

စားသုံးသူပြည်သူများအနေဖြင့်ကျသင့်ငွေပေးချိန်၌ အခွန်အမှတ်တံဆိပ်ကပ်ထားသည့်  ပြေစာကို တောင်းယူခြင်းနှင့် လုပ်ငန်းရှင်များ ကလည်း စားသုံးသူများတောင်းခံသည် ဖြစ်စေ၊ မတောင်းခံသည် ဖြစ်စေ အခွန်အမှတ်တံဆိပ် ကပ်ထားသည့်  ပြေစာများကို မဖြစ်မနေ ထုတ်ပေးခြင်းများကို ပူးပေါင်းပါဝင်လိုက်နာဆောင်ရွက်ကြရန်လည်း အသိပေးနှိုးဆော်ထားသည် ။
Yangon_Times/NN
#Local_News
#Published_ 27 March 2024
#YMG_News #Yangon_Times #Yangon_Media_Group

Published_ 27 March 2024

အိန္ဒိယနိုင်ငံ၏ Holi နေ့ထူးနေ့မြတ်အခါသမယတွင် နယူးဒေလီမြို့ရှိ မြန်မာသံရုံးတွင် Holi ပွဲတော်အား စည်ကားသိုက်မြိုက်စွာ ကျင်းပခဲ့‌ကြောင်း မြန်မာနိုင်ငံခြားရေးဝန်ကြီးဌာနမှသိရသည်။

၂၀၂၄ ခုနှစ်၊ မတ်လ ၂၅ ရက်နေ့တွင် ကျရောက်သည့်Holi နေ့ထူးနေ့မြတ်အခါသမယတွင်အိန္ဒိယနိုင်ငံဆိုင်ရာ မြန်မာသံအမတ်ကြီး ဦးမိုးကျော်အောင် ဦးဆောင်၍ Indo-Myanmar Friendship Association သည် မြန်မာ-အိန္ဒိယ အသိုက်အဝန်းအတွင်း ယဉ်ကျေးမှုဖလှယ်ရေးနှင့် အပြန်အလှန် ချစ်ကြည်မှု၊ နားလည်မှုများ တိုးပွားခိုင်မာစေရန် ရည်ရွယ်၍ Holi ပွဲတော်အားကျင်းပခဲ့သည်ဟုဆို သည်။

အဆိုပါပွဲတော်သို့ မြန်မာသံရုံးနှင့် မြန်မာစစ်သံရုံးမှ သံရုံးဝန်ထမ်းများနှင့်မိသားစုဝင်များ အိန္ဒိယနိုင်ငံရောက် မြန်မာနိုင်ငံသားများနှင့် မြန်မာသင်တန်းသားများ၊ နယူးဒေလီမြို့အခြေစိုက် ဘရူနိုင်းနိုင်ငံသံအမတ်ကြီး၊ ထိုင်းနိုင်ငံသံအမတ်ကြီး၊ နီပေါနိုင်ငံသံအမတ်ကြီး၊ သီရိလင်္ကာနိုင်ငံ သံအမတ်ကြီး၊ ကာဇက်စတန်နိုင်ငံသံအမတ်ကြီး၊ ကင်ညာနိုင်ငံသံအမတ်ကြီးနှင့်၊ အာဆီယံနိုင်ငံ များ၊  မိတ်ဖက်နိုင်ငံများမှ သံတမန်များနှင့် သံတမန်မိသားစုဝင်များ၊ ဗုဒ္ဓ၊ ဟိန္ဒူ၊ အစ္စလာမ်နှင့် ဂျိန်းဘာသာဝင် ဘာသာရေးခေါင်းဆောင်များ၊ အိန္ဒိယမိတ်ဆွေများ၊ စီးပွားရေးလုပ်ငန်းရှင်များ၊ Indo-Myanmar Friendship Association အဖွဲ့ဝင်များ တက်ရောက်ခဲ့ကြသည်။

အခမ်းအနားအစီအစဉ်အရ မြန်မာသံရုံးဝန်ထမ်းများနှင့် မြန်မာသင်တန်းသားများက မြန်မာအကအလှများဖြင့်လည်းကောင်း၊ အိန္ဒိယအကအဖွဲ့က အိန္ဒိယရိုးရာအကအလှများ၊ တေးသံသာများဖြင့် ဖျော်ဖြေ၍ မြန်မာနှင့် အိန္ဒိယအစားသောက်များဖြင့် တည်ခင်းဧည့်ခံခဲ့ပြီး တက်ရောက်လာကြသည့် ဧည့်သည်တော်များက အိန္ဒိယရိုးရာ ရောင်စုံအမှုန့်များ ပက်ဖြန်း၍ ပျော်ရွှင်စွာ ပါဝင်ဆင်နွှဲခဲ့ကြကြောင်း သိရသည်။

မြန်မာနိုင်ငံ၊ရန်ကုန်မြို့တွင်လည်း Indian Association Myanmar ၏ကြီးမှူးစီစဉ်မှုဖြင့် Colour Festival Holi 2024 ပွဲတော်ကို  မတ်လ(၂၄)ရက်တွင်အင်းလျားလိတ်‌ဟိုတယ်၌ ကျင်းပခဲ့ကြောင်း သိရသည်။
Yangon_Times/tthl
#Local_News
#Published_ 27 March 2024
#YMG_News #Yangon_Times #Yangon_Media_Group

ရန်ကုန်တိုင်းဒေသကြီး သင်္ဃန်းကျွန်းမြို့နယ်၊(င/က)ရပ်ကွက်၊ ပန်းရိုက်လမ်းက မီးဘေးသင့်ပြည်သူတွေမှာ အများစုမှာ အခြေခံ လူတန်းစားတွေဖြစ်တဲ့အတွက် ပြန်လည်ထူထောင်ရေးလုပ်ငန်းအတွက် အခက်ခဲဖြစ်နေတယ်လို့ မီးဘေးသင့်ပြည်သူတွေကို ကူညီပေးနေတဲ့ သုဝဏ္ဏပရဟိတအသင်းထံက သိရပါတယ်။
Yangon_Times/LW
#Local_News
#Published_ 27 March 2024
#YMG_News #Yangon_Times #Yangon_Media_Group

မတ် လ ၃၀ နဲ့၃၁ ရက်တွေမှာ  အာဖဂန်နစ္စတန် အသင်းနဲ့ ရန်ကုန်မှာ ခြေစမ်းပွဲနှစ်ပွဲ ယှဉ်ပြိုင်ကစားမှာဖြစ်တယ်။ဧပြီလ ၅ ရက် ထိုင်းမှာကူဝိတ်၊ ကာဂျစ်စတန် အသင်းများနှင့် လေ့ကျင့်ရေးခြေစမ်းပွဲ ယှဉ်ပြိုင်မယ်။AFC Futsal Asian Cup 2024 ပြိုင်ပွဲမှာတော့ မြန်မာဖူဆယ်အသင်းဟာ အိမ်ရှင်ထိုင်းအသင်း၊ ဗီယက်နမ် အသင်း၊ တရုတ်အသင်းတို့နဲ့ ယှဉ်ပြိုင်ရမှာဖြစ်ပါတယ်။
Yangon_Times/tthl
#Local_News
#Published_ 27 March 2024
#YMG_News #Yangon_Times #Yangon_Media_Group

'ကမ္ဘာ့ဈေးကွက်မှာ မြန်မာ့ရော်ဘာဈေးရရှိတာ နည်းပါးနေတယ်လို့ မြန်မာနိုင်ငံရော်ဘာ စိုက်ပျိုးထုတ်လုပ်တင်ပို့ရောင်းချသူများအသင်းက သိရပါတယ်။  '
Yangon_Times/NN
#Local_News
#Published_ 27 March 2024
#YMG_News #Yangon_Times #Yangon_Media_Group

ပြည်သူ့ရင်ပြင်တွင် တည်ဆောက်နေသည့် ရေလှောင်ကန်တည်ဆောက်မှုမှာ ၉၀ ရာခိုင်နှုန်းပြီးစီးနေပြီး မကြာမီကျရောက်မည့် မြန်မာ့ရိုးရာမဟာသင်္ကြန်ရေသဘင်ပွဲတော်တွင်လည်း ပြည်သူများပျော်ရွှင်စွာ ရေကစားနိုင်ရန် အဆိုပါမြေအောက်ရေလှောင်ကန်အား အချိန်မီ တည်ဆောက်လျက်ရှိကြောင်းသိရသည်။
Yangon_Times/LW
#Local_News
#Published_ 27 March 2024
#YMG_News #Yangon_Times #Yangon_Media_Group

" အမေရိကန် UAF ရဲ့ ISO ရရှိဖို့ ပြီးခဲ့တဲ့နှစ် ၉လပိုင်းက စတင်ပြီးတော့ လက်မှတ်ရရှိဖို့ အစစအရာရာ ကြိုးစားခဲ့ရပါတယ်။ Training တွေပေးရတယ်။ အဲလိုအဆင့်ဆင့်ကြိုးစားပြီးတော့မှ စစ်ဆေးရေးအဖွဲ့က စစ်ဆေးတယ်။အဲလိုစစ်ဆေးပြီးတော့မှ ISO လက်မှတ်ကို ရရှိခဲ့ခြင်းဖြစ်ပါတယ်" မန်နေဂျင်းဒါရိုက်တာ ဦးဝဏ္ဍစိုး(ဖိုးလမင်းမြန်မာကုမ္ပဏီလီမိတက်)
Yangon_Times/tthl
#Local_News
#Published_ 27 March 2024
#YMG_News #Yangon_Times #Yangon_Media_Group

Published_ 27 March 2024

နေပြည်တော်ရှိ တပ်မတော်ပန်းခြံသို့မတ်လ(၂၈) ရက် မှ (၃၁)ရက်အထိ ဖွင့်လှစ်‌ပေးထားမည်ဖြစ်ပြီးမည်သူမဆိုအခမဲ့ဝင်ရောက်ကြည့်ရှုအပန်းဖြေလေ့လာနိုင်ကြောင်းသိရသည်။

(၇၉)နှစ်မြောက် တပ်မတော်နေ့ကို ဂုဏ်ပြုသောအားဖြင့် နေပြည်တော်ရှိ တပ်မတော်ပန်းခြံ၌ ရေပန်းများ၊ မီးအလှများ တပ်ဆင်ထားရှိပြီး တပ်မတော်နေ့အထိမ်းအမှတ် မီးရှူးတိုင်၊ ပထမ၊ ဒုတိယ၊ တတိယ မြန်မာနိုင်ငံတော်ကို ထူထောင်ခဲ့သော အနော်ရထာ၊ ဘုရင့်နောင်၊ အလောင်းဘုရား မင်းမြတ်သုံးပါးရုပ်တုတို့အား အများ ပြည်သူ မည်သူမဆို အခမဲ့ဝင်ရောက်ကြည့်ရှုအပန်းဖြေလေ့လာနိုင်ရန် တပ်မတော်ပန်းခြံအား မတ် ၂၈ ရက်မှ ၃၁ ရက်အထိ နေ့စဉ် ညနေ ၅ နာရီခွဲမှ ည ၉ နာရီခွဲအထိ ဖွင့်လှစ်ထားရှိမည်ဖြစ်ကြောင်း သိရသည်။
Yangon_Times/tthl
#Local_News
#Published_ 27 March 2024
#YMG_News #Yangon_Times #Yangon_Media_Group