လမ်းလျှောက်သင်္ကြန်မှာ လမ်းတစ်လျှောက်ရေမှုန် ရေမွှားလျှောက်လမ်း၊ ရေကစားမဏ္ဍပ်‌တွေ၊ ဂီတအနုပညာရှင်တွေရဲ့ ဖျော်ဖြေရေးမဏ္ဍပ်တို့နဲ့အတူ စားသောက်ဆိုင်ခန်းပေါင်း (၁၅၀)ပါ ထည့်သွင်းဆောင်ရွက်သွားဖို့ရှိတယ်။
#Local_News
Published 28 March 2024
#ရန်ကုန်လမ်းလျှောက်သင်္ကြန် #ဖျော်ဖြေရေးမဏ္ဍပ်
#tthl #Yangon_Times

ရန်ကုန်တိုင်းဒေသကြီး ကွမ်းခြံကုန်းမြို့နယ်မှာတည်ရှိတဲ့ ဆယ်အိမ်တန်းကမ်းခြေကို ယခုနွေရာသီ ကျောင်းပိတ်ရက်မှာ လာရောက်လည်ပတ် အပန်းဖြေသူများလာပါတယ်။ ပြည်တွင်း ခရီးသွားအေဂျင်စီတွေရဲ့အစီအစဉ်တွေနဲ့ လာရောက်လည်ပတ်အပန်းဖြေကျသလို ကိုယ့်အစီအစဉ်ဖြင့် ကိုယ်လာရောက်လာလည်ပတ်သူတွေလည်းရှိတယ်လို့ ဆိုပါတယ်။
#Local_News
Published 28 March 2024
#ချောင်းသာကမ်းခြေ #ရေဆော့ကစားနိုင်
#YMG/LW #Yangon_Times

ပုဂံဒေသထွက် အဝတ်အထည်ပုဂံချည်သားထည်‌တွေ၊ ထန်းလျက်၊ ဇီးဖျော်ရည်၊ ပုန်းရည်၊ ပြည်တွင်းခရီးသွားတည်းခိုခန်းတွေ လည်ပတ်စရာ  E-bike ဘက်ထရီဆိုင်ကယ်ငှားရမ်းတဲ့ လုပ်ငန်းတွေဖြစ်ထွန်းနေတယ်။
#Local_News
Published 28 March 2024
#ဒေသထွက်ကုန်များရောင်းအားတက် #E-bikeအငှားလုပ်ငန်းဖြစ်ထွန်း
#tthl #Yangon_Times

#Local_News
Published_ 28 March 2024

ရုရှားဖက်ဒရေးရှင်းနိုင်ငံ ဒုတိယကာကွယ်ရေးဝန်ကြီး Colonel General Alexander Vasilyevich Fomin ဦးဆောင်သော ကိုယ်စားလှယ်အဖွဲ့နှင့် နိုင်ငံခြားစစ်သံရုံးများမှ စစ်သံမှူးများနှင့် တာဝန်ရှိသူများသည် ပြည်ထောင်စုနယ်မြေ နေပြည်တော် ဒက္ခိဏသီရိ မြို့နယ်ရှိ ဗုဒ္ဓဥယျာဉ်ဝတ္ထုကံတော်တွင် တည်ထားပူဇော်သည့် ကမ္ဘာပေါ်ရှိထိုင်တော်မူ ကျောက်ဆစ် ဗုဒ္ဓရုပ်ပွားတော်များအနက် ဉာဏ်တော်အမြင့်ဆုံးဖြစ်သည့် မာရဝိဇယ ဗုဒ္ဓရုပ်ပွားတော်မြတ်ကြီးအား မတ်လ ၂၇ ရက်နေ့ နံနက်ပိုင်းတွင် သီးခြားစီ လာရောက်ဖူးမြော် ကြည်ညိုခဲ့ကြကြောင်း သိရှိရပါတယ်။

#YMG_News #Yangon_Times #Yangon_Media_Group

#Local_News
Published 28 March 2024

ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ ရွှေပေါက္ကံမြို့သစ်၊ ၁၈ / ၁၉ ရပ်ကွက်၊ ကနောင်မင်းသားကြီးလမ်း တွင် မီးလောင်မှုဖြစ်ပွားကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

မတ်လ (၂၈) ရက် နံနက် (၆)နာရီ (၅၅)မိနစ်အချိန်က အဆိုပါ နေရာတွင် မီးလောင်မှု ဖြစ်ပွားကြောင်း သတင်းအရLevel 1 ယာဉ်အုပ်စုများဖြင့် မီးသတ်တပ်ဖွဲ့ထွက်ခွာငြှိမ်းသတ်ခဲ့ရာ နံနက် (၇)နာရီ (၇)မိနစ် အချိန်မီးငြှိမ်းသတ်နိုင်ခဲ့ကြောင်း သိရသည်။

မီးလောင်သည့်ဖြစ်စဉ်နှင့်ဆုံးရှုံးမှုတန်ဖိုးက သက်ဆိုင်ရာက စစ်ဆေးလျက်ရှိကြောင်း သိရသည်။

#Local_News #ကနောင်မင်းသားကြီးလမ်း #မီးလောင်မှုဖြစ်ပွား #YGM/LW #Yangon_Times

#World_Science
Published 28 March 2024

ပြီးခဲ့တဲ့ ၄ နှစ်အတွင်း ဆယ်ကျော်သက်များကြား အင်တာနက်ပေါ်မှ အနိုင်ကျင့်ခြင်း(ဆိုက်ဘာအနိုင်ကျင့်ခြင်း)ဖြစ်စဥ်များ ၁၃ ရာခိုင်နှုန်း ပိုမိုအဖြစ်များလာပြီး ၂၀၂၂ ခုနှစ်မှာ အင်တာနက်ပေါ်မှ အနိုင်ကျင့်ခံရခြင်း ကြုံတွေ့ခဲ့ရတဲ့ ဆယ်ကျော်သက် ၁၆ ရာခိုင်နှုန်းခန့် ရှိခဲ့တယ်လို့ WHO ဥရောပမှ မကြာသေးမီက ထုတ်ပြန်လိုက်ပါတယ်။

ဒါဟာ နေရာမရွေး အချိန်မရွေး ဖြစ်ပွားနေတဲ့ အနိုင်ကျင့်ခြင်းနဲ့ အကြမ်းဖက်ခြင်းတို့ကို ဖြေရှင်းကြဖို့ အားလုံးကို သတိပေးလိုက်တာဖြစ်ကြောင်း WHO ဥရောပဆိုင်ရာ ညွှန်ကြားရေးမှူး ဟန်းစ်ကလူဂေးက ပြောပြလိုက်ပါတယ်။

မကြာသေးမီလများက ယောက်ျားလေး ၁၅ ရာခိုင်နှုန်းနဲ့ မိန်းကလေး ၁၆ ရာခိုင်နှုန်းတို့ အင်တာနက်ပေါ်မှ အနိုင်ကျင့်ခြင်း ကြုံတွေ့ခဲ့ရကြောင်း ဖော်ပြထားပါတယ်။

ကိုဗစ်ကပ်ရောဂါ နောက်ပိုင်းကတည်းက လူငယ်တွေမှာ အွန်လိုင်းပေါ်မှာ ပြောဆိုလှုပ်ရှားမှုများ ပိုမိုပြုလုပ်လာတာကြောင့် ဒီလိုအဖြစ်များလာတာပါ။

မိဘတွေရဲ့ လူမှုစီးပွားရေး အခြေအနေက ကလေးတွေရဲ့ အပြုအမူပေါ် သိပ်ပြီးသက်ရောက်မှု မရှိဘဲ ကနေဒါမှာကတော့ အနည်းငယ်နိမ့်ကျတဲ့ လူငယ်တွေမှာ ပိုပြီးအနိုင်ကျင့်ခံနေရပါတယ်။

အင်တာနက်ပေါ်မှ အနိုင်ကျင့်ခြင်းဖြစ်စဥ် ဖြစ်ပွားမှုနှုန်းက တစ်နိုင်ငံနဲ့တစ်နိုင်ငံ မတူညီကြဘဲ ဘူလ်ဂေးရီးယား၊ လစ်သူယေးနီးယား၊ မော်လ်ဒိုဗာ၊ ပိုလန်တို့မှ ယောက်ျားလေးများက အများဆုံး ခံစားနေရပြီး စပိန်ကတော့ အနည်းဆုံး ဖြစ်နေပါတယ်။

တင်ပြချက်တစ်ခုအရ ဆယ်ကျော်သက် ၈ ယောက်မှာ ၁ ယောက်နှုန်းက အခြားသူများကို အင်တာနက်ပေါ်မှ အနိုင်ကျင့်ဖူးတယ်လို့ ဝန်ခံထားပါတယ်။

လူငယ်တွေဟာ နေ့စဥ်နေ့တိုင်း အွန်လိုင်းပေါ်မှာ အချိန်အတော်များများ ရှိနေတာကြောင့် အနိုင်ကျင့်မှု အနည်းငယ်ပြောင်းလဲရင်တောင်မှ လူပေါင်းထောင်ပေါင်းများစွာရဲ့ ကျန်းမာရေးကို ထိခိုက်စေနိုင်တယ်လို့ ညွှန်ကြားရေးမှူးက ဆိုပါတယ်။

ထိုတင်ပြချက်ဟာ ဥရောပ၊ အာရှအလယ်ပိုင်း၊ ကနေဒါစသဖြင့် နိုင်ငံပေါင်း ၄၄ နိုင်ငံမှ ကလေးငယ်နဲ့ ဆယ်ကျော်သက် ၂၇၉၀၀၀ ဦးကို လေ့လာထားတာ ဖြစ်ပါတယ်။

လူငယ်တွေ၊ မိသားစုတွေကို အင်တာနက်ပေါ်မှ အနိုင်ကျင့်ခြင်းနဲ့ ပတ်သက်ပြီး အသိပညာပေးဖို့ လိုအပ်သလို ဒီလိုအနိုင်ကျင့်ခြင်းမျိုးကို လျှော့ချနိုင်ရန် ဆိုရှယ်မီဒီယာတွေကို ထိန်းကွပ်ပေးဖို့ လိုအပ်ကြောင်း ဖော်ပြထားပါတယ်။

#World_Science #Source: WION #အင်တာနက်ပေါ် #အခြားသူများကိုအနိုင်ကျင့်နေ

Published 28 March 2024
ညဘက်အိပ်ရာမဝင်မီ မျက်နှာသစ်ခြင်းက ဘယ်လောက်အရေးကြီးလဲ ဆိုတာကို တော်တော်များများ မသိကြပါဘူး။

ညဘက်မျက်နှာသစ်ခြင်းက မိတ်ကပ်ဖယ်ရှားရုံမက တစ်နေကုန်ကပ်ငြိနေတဲ့ အညစ်အကြေးတွေကိုလည်း ဖယ်ရှားမှာ ဖြစ်ပါတယ်။

မျက်နှာပေါ်ကစုပြုံလာတဲ့ အညစ်အကြေးတွေကို မှန်ပေါ်မှာ မမြင်ရနိုင်ဘူးလို့ နယူးယော့ခ်စီးတီးမှ UnionDerm တည်ထောင်သူ အရေပြားပညာရှင် အန်းချာပတ်စ်က ပြောပြပါတယ်။

အိပ်ရာမဝင်ခင် မျက်နှာသစ်ခြင်းဖြင့် ချွေးပေါက်ပိတ်ဆို့ခြင်းမှ ကာကွယ်ပေးပြီး ဝက်ခြံနဲ့အခြားအရေပြားပြဿနာများ ဖြစ်ခြင်းမှ ကာကွယ်ပေးပါတယ်။

အိပ်နေစဥ်မှာ အရေပြားအနေနဲ့ သဘာဝအတိုင်း သစ်လွင်စေပြီး ပိုမိုကျန်းမာဝင်းလက်စေပါတယ်။

အညစ်အကြေးတွေကို ဖယ်ရှားပေးတဲ့အတွက် အစိုဓာတ်ထိန်းသိမ်းဆေးရည်တွေနဲ့ ဆီရမ်အရည်များ အသားထဲသို့ ဝင်စေရန်အထောက်အကူပေးပါတယ်။

လူနေထူထပ်တဲ့ မြို့ပြနေရာတွေမှာ အညစ်အကြေးများ အဆိပ်အတောက်များ ထိတွေ့ခဲ့ရတာကိုလည်း မျက်နှာသစ်ခြင်းဖြင့် ဖယ်ရှားနိုင်ပါတယ်။

အလှကုန်ပစ္စည်းများ အသုံးပြုနေတဲ့ အမျိုးသမီးတွေအတွက် မျက်နှာသစ်ခြင်းက ပိုပြီးတော့တောင်အရေးကြီးပါတယ်။

ကျန်းမာရေးနဲ့ ညီညွတ်တဲ့ မျက်နှာသစ်ဆေးတွေကို အသုံးပြုနိုင်ပေမယ့် အလွန်အကျွံတော့ မသုံးသင့်ပါဘူး။
အလွန်ပွတ်တိုက်ပြီး မျက်နှာချေးချွတ်တာမျိုးကိုလည်း ဆရာဝန်တွေက အကြံမပြုပါဘူး။
အရေပြားမှာ အဆီလွှာတစ်မျိုးက ကာကွယ်ပေးထားပြီး မကြာခဏ မျက်နှာသစ်ခြင်း၊ ကြမ်းကြမ်းတမ်းတမ်း ပွတ်တိုက်ခြင်းတို့ ပြုလုပ်ပါက ထိုအလွှာပျက်စီးသွားနိုင်ပါတယ်။

မျက်နှာသစ်ပြီးတဲ့အခါ ဆုံးရှုံးသွားတဲ့ရေဓာတ်ကို ဖြည့်တင်းရန် အစိုဓာတ်ဖြည့်အရည် အသုံးပြုသင့်ပါတယ်။
အရေပြားပြဿနာတစ်ခုခု ကြုံတွေ့နေရသူတွေအနေနဲ့ ကျွမ်းကျင်ပညာရှင်များနဲ့ ဆွေးနွေးတိုင်ပင်သင့်ပါတယ်။
#World_Health
#ညအိပ်ရာဝင်ခါနီးတိုင်းမျက်နှာသစ်သင့်သလား
#Source: New York Post.

#Local_News
Published_28 March 2024

ကမ္ဘာ့အင်အားကြီးနိုင်ငံအချို့ကနိုင်ငံငယ်တွေအပေါ်ကြားဝင်စွက်ဖက်ခြင်းမှာခေတ်သစ် ကိုလိုနီပြုခြင်းတစ် မျိုးဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသ ရေစည်သူ သတိုးသီရိသုဓမ္မ မင်းအောင်လှိုင်က (၇၉)နှစ်မြောက် တပ်မတော်နေ့အခမ်းအနား တွင် ပြောကြားသည့် မိန့်ခွန်းအတွင်း ထည့်သွင်းပြောကြားခဲ့သည်။

“ကမ္ဘာ့အင်အားကြီးနိုင်ငံအချို့ဟာ နိုင်ငံငယ်တွေအပေါ်မှာ ၎င်းတို့အလိုကျလိုက်ပါလုပ်ဆောင်လာစေရေးအ တွက် နည်းလမ်းမျိုးစုံနဲ့ ကြားဝင်စွက်ဖက်မှုများ ပြုလုပ်လျက်ရှိတယ်။ ဒါဟာ ခေတ်သစ် ကိုလိုနီပြုခြင်းတစ် မျိုးဖြစ်တယ်ဆိုတာ သတိထားနိုင်ဖို့လိုတယ်။ တို့နိုင်ငံဟာ ပထဝီအနေအထားအရ အရေးပါတဲ့နေရာမှာ တည်ရှိ နေတာကြောင့် ခေတ်သစ်ကိုလိုနီဝါဒအရ ၎င်းတို့ရဲ့အကျိုးစီးပွားကို ဆောင်ရွက်ပေးနိုင်မယ့် အစိုးရနဲ့ အဖွဲ့ အစည်းတွေကို ပုံသဏ္ဌာန် မျိုးစုံနဲ့ ထောက်ပံ့ကူညီမှုတွေ ပြုလုပ်လျက်ရှိတာ ပကတိဖြစ်ရပ်များက ပြနေသလို ၎င်းတို့ရဲ့အလိုကို လိုက်လျောခြင်းမရှိဘဲ နိုင်ငံတော်နဲ့ နိုင်ငံသားတို့ရဲ့ အကျိုးစီးပွားကို ရှေးရှုကာကွယ်နေတဲ့ အဖွဲ့အစည်းတွေကို စည်းလုံးမှုပျက်ပြားပြီး အင်အားချည့်နဲ့အောင် ကြိုးပမ်းလုပ်ဆောင်လျက်ရှိတယ်” ဟု ယင်းကပြောကြားခဲ့သည်။

ယင်းကြောင့် နိုင်ငံတော်ကာကွယ်ရေးနှင့်လုံခြုံရေးတာဝန်များကို ထမ်းဆောင်နေကြရသော တပ်မတော်သား ရဲဘော်များအနေဖြင့် အချင်းချင်းစည်းလုံးညီညွတ်ရန်လိုပြီး တပ်ဖွဲ့အချင်းချင်း ကြား တွင်လည်း စည်းလုံးညီ ညွတ်နေရန် လိုကြောင်း မိန့်ခွန်းအတွင်း ထည့်သွင်းမှာကြားခဲ့သည်။

တပ်ရင်းတပ်ဖွဲ့အသီးသီးရှိခေါင်းဆောင်များအနေဖြင့်လည်း ကျစ်လျစ်ခိုင်မာသော တပ်တွင်းစည်းလုံး ညီညွတ် ရေးကို တည်ဆောက်ကြမှသာ ပေးအပ်လာမည့် အမိန့်နှင့်တာဝန်များကို ကျေပွန်စွာထမ်း ဆောင်နိုင်မည် ဖြစ်ကြောင်းလည်း ပြောကြားခဲ့သည်။

#Local_News #ကမ္ဘာ့အင်အားကြီးနိုင်ငံအချို့ #ကိုလိုနီပြုခြင်းတစ်မျိုးဖြစ် #Yangon_Times/PP

Published 28 March 2024
အူမကြီးကင်ဆာဝေဒနာသည်တွေအနေနဲ့ တစ်နေ့ကို ကော်ဖီ ၂ ခွက်မှ ၄ ခွက်ခန့် သောက်သုံးခြင်းဖြင့် ရောဂါပြန်ဖြစ်နိုင်ခြေ နည်းပါးကာ အသက်ဆုံးရှုံးနိုင်ခြေ ကျဆင်းနိုင်တယ်လို့ မကြာသေးမီက သုတေသန တွေ့ရှိထားပါတယ်။

နယ်သာလန်နိုင်ငံမှာ အူမကြီးကင်ဆာ ဝေဒနာရှင် ၁၇၀၀ ကျော်ကို လေ့လာခဲ့ပြီး ကော်ဖီသောက်ခြင်းနဲ့ ရောဂါပြန်ဖြစ်ခြင်းတို့ကြား ဆက်စပ်နေပုံကို တွေ့ရှိခဲ့ကြပါတယ်။

တစ်နေ့ကို ၂ ခွက်ခန့်သောက်သုံးခြင်းက ကင်ဆာဖြစ်နိုင်ခြ လျော့ကျနိုင်သလို  ၅ ခွက်နဲ့အထက် သောက်သုံးသူတွေမှာတော့ အများဆုံးလျော့ကျနေပါတယ်။

ကော်ဖီများများသောက်ခြင်းက အူမကြီးကင်ဆာ ဝေဒနာသည်တွေမှာ အသက်ရှင်နှုန်းမြင့်မားစေတာ ဖြစ်ပါတယ်။

ကော်ဖီပုံမှန်သောက်သုံးခြင်းက အူမကြီးကင်ဆာ ခံစားနေရသူတွေမှာ အကျိုးကျေးဇူးဖြစ်စေတယ်လို့ လေ့လာချက်တွေမှာ တွေ့ရှိရပါတယ်။

အကျိုးကျေးဇူးရှိစေတယ်ဆိုပေမယ့် ပမာဏကိုတော့ သတိပြုမိဖို့ လိုအပ်ပါတယ်။

အူမကြီးကင်ဆာနဲ့ ပတ်သက်လို့ ကော်ဖီရဲ့သက်ရောက်မှု အကြောင်းအရင်းတွေကို သိရှိရဖို့ နောက်ထပ်လေ့လာမှုများ ပြုလုပ်ရန် လိုအပ်ပါသေးတယ်။

ကော်ဖီနဲ့ ကိုက်လံတို့မှာပါဝင်တဲ့ ကလိုရိုဂျင်းနစ်အက်ဆစ်က ဂလူးကို့စ်နဲ့ အင်ဆူလင်ထိန်းချုပ်မှုမှာ ပတ်သက်နေတယ်လို့ ကမ္ဘာ့ကင်ဆာသုတေသန ရန်ပုံငွေအဖွဲ့က ဆိုပါတယ်။

#World_Health
#တစ်နေ့ကိုကော်ဖီ(၂)ခွက်မှ(၄)ခွက်သောက်သုံးပါကအူမကြီးကင်ဆာ
#Source: WION.

၂၇ မတ် ၂၀၂၄

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည်  မတ် ၂၇ ရက် (၇၉)နှစ်မြောက် တပ်မတော်နေ့အထိမ်းအမှတ်အဖြစ်  သူရဲကောင်းဗိမာန်(နေပြည်တော်)တွင် သူရဲကောင်းစစ်သည်များအား ဂုဏ်ပြုပန်းခြင်းချ အလေးပြုခဲ့ကြပါတယ်။

ဗိုလ်ချုပ်မှူးကြီးနှင့်အတူ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချူပ်မှူးကြီးစိုးဝင်း၊ညှိနှိုင်းကွပ်ကွဲရေးမှူး၊ ကာကွယ်ရေးဦီးစီးချုပ်(ရေ)၊ကာကွယ်ရေးဦးစီးချုပ်(လေ)နှင့်အဆင့်မြင့်တပ်မတော်အရာရှိကြီးများ၊အငြိမ်းစားတပ်မတော် အရာရှိကြီးများတက်ရောက်ခဲ့ကြပါတယ်။

အဲဒီနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေး ဦးစီးချုပ်နှင့် တက်ရောက်လာကြသည့် တပ်မတော်အရာရှိကြီးများသည် သူရဲကောင်း ဗိမာန် (နေပြည်တော်) ဧည့်သည်တော်မှတ်တမ်းစာအုပ်တွင် လက်မှတ်ရေးထိုးခဲ့ကြကြောင်းသိရှိရပါတယ်။

W@ymg/knl

၂၇ မတ် ၂၀၂၄

နေပြည်တော်ရှိ ဇေယျာသီရိဗိမာန်ဧည့်ခန်းမဆောင်၌ မတ် ၂၇ရက်မနက်ကကျင်းပသည့် အငြိမ်းစားတပ်မတော်အရာရှိကြီး   များအား တပ်မတော်(ကြည်း၊ ရေ၊ လေ) မိသားစု များက ဂါရဝပြုကန်တော့သည့် အခမ်းအနားသို့ နိုင်ငံတော်သမ္မတ(ငြိမ်း) ဦးသိန်းစိန် (အငြိမ်းစား  ဗိုလ်ချုပ်ကြီး) နှင့် တပ်မတော်အရာရှိကြီးများတက်ရောက်ခဲ့ကြပါတယ်။

အငြိမ်းစားတပ်မတော်အရာရှိကြီးများ (၇၉)နှစ်မြောက် တပ်မတော်နေ့   စစ်ရေးပြ အခမ်း အနားသို့ တက်ရောက်လာစဉ် ယခု အခမ်းအနားကို ကျင်းပခဲ့ခြင်းဖြစ်ပါတယ်။

အဆိုပါအခမ်းအနားသို့ အငြိမ်းစားတပ်မတော်အရာရှိ ကြီး ၁၆ ဦးနှင့် ဇနီး ၁၀ ဦးတို့ကန်တော့ခံတက်ရောက်ကြပြီး နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှတို့ဦးဆောင်၍ နစက ဒုတိယ ဥက္ကဋ္ဌ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်းနှင့် ဇနီးဒေါ်သန်းသန်းနွယ်၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) ဗိုလ်ချုပ်ကြီး မောင်မောင်အေးနှင့်ဇနီး၊ ကာကွယ်ရေး   ဦးစီးချုပ်ရုံး (ကြည်း၊ ရေ၊ လေ)မှ တပ်မတော်အရာရှိကြီးများနှင့် ဇနီးများက တက်ရောက် ဂါရဝပြု ကန်တော့ခဲ့ကြပါတယ်။

အခမ်းအနားတွင် နိုင်ငံတော်သမ္မတ(ငြိမ်း)ဦးသိန်းစိန်နှင့်အတူ ယခင် ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးတင်အေး(ဒုတိယဗိုလ်ချုပ်ကြီးတင်အေး-ငြိမ်း)နှင့် ထိပ်တန်းတပ်မတော်အရာရှိကြီးအချို့ တက်ရောက်ခဲ့ကြကြောင်း  ထုတ်ပြန်သော ရုပ်သံသတင်းများအရသိရပါတယ်။

“ယခုအခမ်းအနားတက်ရောက်လာကြသည့် တပ်မတော်အငြိမ်းစားအရာရှိကြီးများသည် မိမိတို့၏မိဘဆရာများပင်ဖြစ်ပါ ကြောင်း” ဗိုလ်ချုပ်မှူးကြီးက ပြောကြားပြီး လက်ရှိတာဝန်ယူနေသည့် အခြေအနေများကို ရှင်းလင်းတင်ပြခဲ့ပါတယ်။ ဗုဒ္ဓဘာသာအစဉ်အလာနှင့်အညီ ယခုကဲ့သို့ အထက်အောက်ရိုသေလေးစားမှုဖြင့် ကျေးဇူးတရားကိုသိရှိစွာဂါရဝ ပြု ကန်တော့   ခြင်းသည် မိမိတို့တပ်မတော်၏ အစဉ်အလာကောင်းတစ်ခုပင်ဖြစ်တယ်လို့လည်း ဗိုလ်ချုပ်မှူးကြီးကပြောပါတယ်။

အဲဒီနောက် ကန်တော့ခံအငြိမ်းစားတပ်မတော်အရာရှိကြီးများကိုယ်စား နိုင်ငံတော်သမ္မတ(ငြိမ်း)ဗိုလ်ချုပ်ကြီး သိန်းစိန်၊ ဗိုလ်မှူးကြီးညွန့်ဆွေနှင့် ဒုတိယဗိုလ်ချုပ်ကြီး အောင်ထွေးတို့က ဆုမွန်ကောင်းများနှင့် ဩဝါဒ စကားများကို ပြောကြားခဲ့ကြ  ကြောင်းသတင်းရရှိပါတယ်။

@ymg/knl

Published _27 March 2024

ရန်ကုန်မြို့လယ် Sule Square အနီး ဗုံးပေါက်ကွဲမှုဖြစ်ပွား ၍ အရွယ်မရောက်သေးသူများအပါအဝင် ၅ ဦးခန့် ပြင်းထန်ဒဏ်ရာရခဲ့ကြောင်း သိရသည်။

ယနေ့ မတ်လ (၂၇) ရက် ည ၇ နာရီခွဲခန့်အချိန်ကဆူးလေဘုရားလမ်းနှင့် အနော်ရထာလမ်းထောင့်တွင် အထက်ပါအတိုင်း ဖြစ်ပွားခဲ့သောကြောင့်သန့်ရှင်းရေးဝန်ထမ်း အချို့၊ အမှိုက်သိမ်း လူငယ် အချို့နှင့် လမ်းသွား လမ်းလာလူငယ် အပါအဝင် (၅)ဦးထက်မနည်း ထိခိုက်ဒဏ်ရာ ပြင်းထန်စွာ ရရှိခဲ့ကြောင်း သိရသည်။

“အမှိုက်ကောက်တဲ့ ကလေးတွေလည်း ပါတယ်။အခုတော့ ဆေးရုံကြီးကို သယ်ယူပို့ဆောင်ထားတယ်”ဟု ဒေသ အုပ်ချုပ်ရေးအဖွဲ့ ဝင် တစ်ဦးက ပြောသည်။

လက်ရှိတွင် ဆူးလေလမ်းမနှင့် အနော်ရထာလမ်းတစ်ဝိုက်တွင် လုံခြူံရေး များက စိစစ်နေကြောင်း သိရသည်။
Yangon_Times/PP
#Local_News
#Published_ 27 March 2024
#YMG #Yangon_Times #Yangon_Media_Group