#Local_News
Published 29 March 2024

မန္တလေးတိုင်းဒေသကြီး၊ အောင်မြေသာစံမြို့နယ်၊ သီရိမင်္ဂလာအရှေ့ရပ်ကွက်၊ (၂၂) လမ်း၊ (၈၉) လမ်းနှင့် လမ်း (၉၀) ကြား၊ အကွက်အမှတ် (၁၉၃)ရှိ ရွှေပန်းတိမ်လုပ်ငန်းတစ်ခုကို ဓ-ားပြတိုက်မှုဖြစ်ပွားခဲ့ကြောင်း ဒေသခံများထံက သိရသည်။

မတ်လ ၂၈ရက် ညနေ ၅နာရီ ဝန်းကျင်က ကားနံပါတ်ကို ဆေးသုတ်ကာ ဖျက်ထားသည့်မတ်တူးအဖြူရောင် ယာဉ်ဖြင့် လူတစ်စု လာရောက်ပြီး ဓ-ားပြတိုက်ခဲ့ခြင်း ဖြစ်ကြောင်း သိရသည်။

"အခုဓါးပြတိုက်ခံရတာက ရဲယောင်ဆောင်ပြီး ဝင်လာတာလာတဲ့ လူတစ်စုမှာ ရဲဝတ်စုံနဲ့လူလဲပါလာတယ် ပြောတယ် ပန်းတိမ်က ရွေထည်တွေပါသွားတယ်။ ဘယ်လောက်ပါသွားတယ်တော့ မကြားသေးဘူး ရွှေဈေးက မြင့်နေတော့ တန်ဖိုးကတော့များနိုင်တယ်"ဟု မန္တလေးမြို့ရှိ ဒေသခံ တစ်ဦးကပြောသည်။

အဆိုပါ ဓ-ားပြတိုက်ခံရခြင်းကြောင့်ရွှေပန်းတိမ် လုပ်ငန်းရှိ ရွှေနားဆွဲ၊ ရွှေလက်စွပ်၊ ရွှေကလစ်အပါအဝင် ရွှေထည်ပစ္စည်းအချို့ လုယက်ခံလိုက်ရကာ ဖြစ်စဉ်နှင့်ပက်သက်ပြီး သက်ဆိုင်ရာက စုံစမ်းစစ်ဆေးလျက်ရှိကြောင်း သိရသည်။

#Local_News #မန္တလေး အောင်မြေသာစံ #ရွှေပန်းတိမ်လုပ်ငန်းတစ်ခု #ဓ-ားပြတိုက်မှုဖြစ်ပွား #YMG/LW #Yangon_Times

#Local_News
Published 29 March 2024

ရွှေတိဂုံစေတီတော် ဓာတ်ပုံပြပွဲကိုမတ်လ ၂၉ ရက်မှ ဧပြီလ ၄ ရက်နေ့အထိ ကျင်းပပြုလုပ်သွားမည်ဖြစ်ကြောင်း စေတီတော်ဘဏ္ဍာတော်ထိန်း ဂေါပကအဖွဲ့ထံက သိရသည်။

အဆိုပါ ဓါတ်ပုံပြပွဲတွင် ရွှေတိဂုံစေတီတော်၏ ထူးခြားထင်ရှားနေရာများ၊ခေတ်အဆက်ဆက်ပြောင်းလဲ တိုးတတ်လာသောမြင်ကွင်းများ၊စေတီတော်ကြီးဆိုင်ရာ သိမှတ်ဖွယ်ရာများပါရှိသည့် ဓါတ်ပုံများကို အများပြည်သူလေ့လာနိုင်ရန် ပြသခြင်းဖြစ်ကြောင်း သိရသည်။

ယင်းဓာတ်ပုံပြပွဲကို ရင်ပြင်တော်မြောက်ဘက်ရာဟုထောင့်ရှိ ချမ်းသာကြီးတန်ဆောင်းမှာ ကျင်းပမှာဖြစ်ပြီ ဓါတ်ပုံပေါင်း ၂၀၀ကျော်ပြသမည်ဖြစ်ကြောင်း သိရသည်။

#Local_News #ရွှေတိဂုံစေတီတော်ဓါတ်ပုံပြပွဲ #YMG/LW #Yangon_Times

#World_News
Published 29 March 2024

နိုင်ငံရပ်ခြားအဖွဲ့အစည်း ၆၀၀ ကျော်သို့ ကုန်ပစ္စည်များတင်ပို့နေခြင်းကို ရပ်တန့်ရန် အမေရိကန်ပြည်ထောင်စုက အမေရိကန် ကုမ္ပဏီတွေကို တောင်းဆိုလိုက်ကာ ထိုကုန်ပစ္စည်းတွေဟာ ယူကရိန်းကို ကျူးကျော်ရန် ကြိုးပမ်းနေတဲ့ ရုရှားတို့အသုံးပြုစရာ ဖြစ်လာမှာကို စိုးရိမ်ရတယ်လို့ အမေရိကန် အရာရှိတစ်ဦးက ကြာသပတေးနေ့မှာ ပြောကြားလိုက်ပါတယ်။

ကုန်သွယ်ရေးဝန်ကြီးဌာနက မကြာသေးမီက ရက်သတ္တပတ်တွေမှာ အနည်းဆုံး ကုမ္ပဏီ ၂၀ သို့ သတိပေးစာ ပေးပို့ခဲ့ပြီး ယူကရိန်းမှာ ရုရှားတို့စစ်ပွဲဆင်နွှဲနေခြင်းကို ဟန့်တားဖို့ ကြိုးစားနေတာဖြစ်ကြောင်း အမေရိကန် ကုန်သွယ်ရေးဌာနမှ အရာရှိတစ်ဦးက ဆိုလိုက်ပါတယ်။

ထိုကုမ္ပဏီမှ ထုတ်လုပ်ရောင်းချခဲ့တဲ့ ပစ္စည်းတွေကို ယူကရိန်းနိုင်ငံအတွင်း တွေ့ရှိခဲ့တဲ့ ဒုံးကျည်တွေ ဒရုန်းတွေမှာ တွေ့ရပါတယ်။

ယူကရိန်းကို ရုရှားတို့ကျူးကျော်ကတည်းက အမေရိကန်နဲ့အတူ အခြားနိုင်ငံ ၃၀ လောက်ဟာ ရုရှားရဲ့နည်းပညာပိုင်း ရရှိအသုံးပြုနိုင်စွမ်းကို လျှော့ချနိုင်ရန် ရည်ရွယ်ကာ ဒဏ်ခတ်ပိတ်ဆို့မှုများ ပြုလုပ်ခဲ့ပေမယ့် ယူကရိန်းစစ်မြေပြင်တွေမှာ ကျန်ခဲ့တဲ့ ရုရှားလက်နက်တွေမှာ အမေရိကန် အစိတ်အပိုင်းများကို တွေ့ရှိရပါတယ်။

နိုင်ငံရပ်ခြားကုမ္ပဏီတွေကို ရောင်းချလိုက်ရာကနေ ရုရှားကို ရောက်ရှိလာမှာ စိုးရိမ်တဲ့အတွက် အမေရိကန် ကုမ္ပဏီတွေအနေနဲ့ တင်ပို့မှုရပ်ဆိုင်းရန် စာဖြင့်တောင်းဆိုလိုက်တယ်လို့ လက်ထောက်အတွင်းရေးမှူး မက်သရူးအိတ်ဇဲလ်ရော့ဒ်က ဝါရှင်တန်ဒီစီမှာ ပြုလုပ်တဲ့ နှစ်စဥ်တင်ပို့မှုထိန်းချုပ်ရေး အစည်းအဝေးမှာ ပြောကြားလိုက်ပါတယ်။

ထုတ်ကုန်ပစ္စည်းများ ရုရှားသို့ရောက်ရှိခြင်းကို ကာကွယ်နိုင်ရန် ကုန်သွယ်ရေး၊ နိုင်ငံခြားရေးနဲ့ ဘဏ္ဍာရေးဌာနများမှ အကြီးတန်း အမေရိကန်အရာရှိများက အမေရိကန်ကုမ္ပဏီများမှ ခေါင်းဆောင်များနဲ့ ဆွေးနွေးနိုင်ရန် တိုက်ရိုက်ချိတ်ဆက်နေတယ်လို့ အိတ်ဇဲလ်ရော့ဒ်က ပြောပြသွားပါတယ်။

#World_News #ရုရှားသို့လက်နက်နည်းပညာများရောက်ရှိ #ကုန်ပစ္စည်းများတင်ပို့ရပ်ဆိုင်း #Source: Reuters

#Local_News
Published_ 29 March 2024

လန်ချန်း-မဲခေါင်ပူးပေါင်းဆောင်ရွက်မှု (၈)နှစ်မြောက် နှစ်ပတ်လည်နေ့ အထိမ်းအမှတ်ဂုဏ်ပြုဧည့်ခံပွဲအခမ်းအနားကို မတ်လ ၂၈ ရက်တွင် နေပြည်တော်၌ခမ်းနားစွာကျင်းပခဲ့ကြောင်း သိရသည်။

အခမ်းအနားတွင်သံအမတ်ကြီး Mr. Chen Haiက "လန်ချန်း-မဲခေါင်ပူးပေါင်းဆောင်ရွက်မှုယန္တရား စတင်ဖော်ဆောင်လာသည့် ၈ နှစ်အတွင်း၌ အဖွဲ့ဝင်နိုင်ငံများ ဖွံ့ဖြိုးတိုးတက်မှုအတွက် တက်ကြွမှုခွန်အားများဖြည့်သွင်းပေးပြီး ဒေသတွင်းလုံခြုံရေးအတွက် ခိုင်ခံ့သောဒိုင်းကာကြီးတည်ဆောက်ပေးကာ ပြည်သူများစိတ်နှလုံးချင်းဆက်နွယ်မှုအတွက် သံယောဇဉ်ကြိုးကို ခိုင်မြဲစွာချည်နှောင်လိုက်ကြောင်း၊

လန်ချန်း-မဲခေါင်ပူးပေါင်းဆောင်ရွက်မှုသည် မြန်မာနိုင်ငံတွင် အောင်မြင်မှုအသီးအပွင့်များစွာပွင့်လန်းလာပြီး ဒေသခံပြည်သူများကို လက်တွေ့ကျကျ အကျိုးဖြစ်ထွန်းစေကြောင်း၊

 တရုတ်-မြန်မာ လန်ချန်း-မဲခေါင်ပူးပေါင်းဆောင်ရွက်မှုသည် တက်ကြွမှုခွန်အားနှင့် အလားအလာများရှိကြောင်း၊ တရုတ်ပုံစံခေတ်မီမှုသည် မဲခေါင်မြစ်နိုင်ငံများ ဖွံ့ဖြိုးတိုးတက်မှုအတွက် အကျိုးစီးပွားအသစ်များ သယ်ဆောင်လာပေးသကဲ့သို့ လန်ချန်း-မဲခေါင်ပူးပေါင်းဆောင်ရွက်မှုအတွက်လည်း စွမ်းဆောင်ချက်အသစ်များဖြည့်ဆည်းပေးလိုက်ကြောင်း၊ 

တရုတ်နိုင်ငံသည် ချစ်ခင်ရင်းနှီးခြင်း၊ ရိုးသားစွာဆက်ဆံခြင်း၊ အပြန်အလှန် အကျိုးဖြစ်ထွန်းခြင်း၊ အားလုံးပါဝင်ခြင်းဟူသည့် အိမ်နီးချင်းနိုင်ငံများနှင့် သံတမန်ဆက်ဆံရေးအယူအဆကို တစ်ဆင့်တိုးကျင့်သုံးကာ မြန်မာနိုင်ငံ စသည့် မဲခေါင်မြစ်နိုင်ငံများနှင့်အတူ လန်ချန်း-မဲခေါင်အေးအတူပူအမျှအသိုက်အဝန်းကို တည်ဆောက်သွားပြီး ဒေသတွင်းပြည်သူများအကျိုးစီးပွားကို အဆက်မပြတ်တိုးမြှင့်သွားမည်ဖြစ်ကြောင်း" ပြောကြားခဲ့သည်။

မြန်မာနိုင်ငံမှဒုတိယဝန်ကြီးချုုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေကလည်း"တရုတ်နိုင်ငံက မတည်ထူထောင်သည့် လန်ချန်း-မဲခေါင်ပူးပေါင်းဆောင်ရွက်မှုအထူးရန်ပုံငွေက မဲခေါင်မြစ်နိုင်ငံများကို ပံ့ပိုးကူညီပေးမှုအား ကျေးဇူးတင်ရှိပါကြောင်း၊ မြန်မာနိုင်ငံကဖော်ဆောင်သည့် စီမံကိန်း ၁၀၆ ခုသည် မြန်မာနိုင်ငံ လူမှုစီးပွားဖွံ့ဖြိုးတိုးတက်မှုအတွက် တက်တက်ကြွကြွ အကျိုးထမ်းဆောင်ပေးခဲ့ကြောင်း၊ မြန်မာနိုင်ငံက လန်ချန်း-မဲခေါင်ပူးပေါင်းဆောင်ရွက်မှု ပူးတွဲဥက္ကဋ္ဌ ထမ်းဆောင်စဉ်ကာလအတွင်း ကောင်းမွန်စွာတာဝန်ထမ်းဆောင်ခဲ့ပြီး အနာဂတ်တွင်လည်း အဖွဲ့ဝင်နိုင်ငံများနှင့်အတူ လန်ချန်း-မဲခေါင်ပူးပေါင်းဆောင်ရွက်မှုကို ဆက်လက်နက်နက်ရှိုင်းရှိုင်း ဖော်ဆောင်သွားမည်ဖြစ်ကြောင်း "ပြောကြားခဲ့သည်။

အဆိုပါအခမ်းအနားသို့ မြန်မာနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ဒုတိယဝန်ကြီးချုပ်နှင့် ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီးမြထွန်းဦးနှင့် စက်မှုဝန်ကြီးဌာန၊ အလုပ်သမားဝန်ကြီးဌာန၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန စသည့် လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေပံ့ပိုးမှုဖြင့် စီမံကိန်းဖော်ဆောင်သည့်ဝန်ကြီးဌာန ၁၄ ခုမှ ဝန်ကြီးများ၊ မြန်မာနိုင်ငံအခြေစိုက် လာအို၊ ထိုင်း၊ ဗီယက်နမ်၊ ကမ္ဘောဒီးယားနိုင်ငံမှ သံတမန်များနှင့် မြန်မာနိုင်ငံသက်ဆိုင်ရာဌာနမှကိုယ်စားလှယ်များ စုစုပေါင်း လူ ၂၀၀ ခန့် တက်ရောက်ခဲ့ကြောင်း သိရသည်။

#Local_News #လန်ချန်း-မဲခေါင် #ဒေသတွင်းပြည်သူများအကျိုးစီးပွား #tthl #Yangon_Times

#World_Science
Published 29 March 2024

ကျွန်ုပ်တို့နေစကြဝဠာရှိ အဓိကနေရာတွေထဲက ရေခဲတွေထဲကနေ ဂြိုဟ်သားသက်ရှိများကို ရှာဖွေတွေ့ရှိနိုင်ဖွယ် ရှိတယ်လို့ သုတေသီများ ငြင်းခုံနေကြပါတယ်။

ဆေတန်ဂြိုဟ်နဲ့ ဂျူပီတာဂြိုဟ်တို့ကို လှည့်ပတ်နေတဲ့ လတွေမှာ ရေခဲလွှာအောက် သမုဒ္ဒရာပြင်ကျယ်ကြီးများ ရှိနေပြီး ဂြိုဟ်သားသက်ရှိမျိုးစိတ် အများအပြား နေထိုင်ရာနေရာ ဖြစ်နိုင်တယ်ဆိုတာကို သိပ္ပံပညာရှင်များ ငြင်းခုံလာကြတာ ကြာပါပြီ။

ကမ္ဘာမြေပေါ်မှ စွမ်းအားမြင့်တယ်လီစကုပ်များဖြင့်လည်း အတည်ပြုနိုင်ပေမယ့် ထိုအရာများမှ ရေများကို ဆန်းစစ်ရန် လိုအပ်နေပါတယ်။

ရေခဲလွှာတွေကနေ ထွက်လာတဲ့ ရေပန်းဖွားပုံစံတွေက စဥ်းစားစရာဖြစ်လာပြီး သိပ္ပံပညာရှင်တွေက အာကာသယာဥ်များလွှတ်ကာ လေ့လာနေပြီဖြစ်ပါတယ်။

ကိရိယာပစ္စည်းတွေသုံးပြီး လေ့လာချက်တွေက ပိုမိုသေချာလာစေသလို ကမ္ဘာမြေပေါ်ကလိုမျိုး သက်ရှိတွေ တွေ့ရှိလာနိုင်တယ်လို့ ဝါရှင်တန်တက္ကသိုလ်မှ ဦးဆောင်စာတမ်းပြုစုသူ ဖေဘီယန်ကလင်နာက ယုံကြည်နေပါတယ်။

လတ်တလော လေ့လာချက်များအရ အဆိုပါ ရေမွှားများ အနည်းငယ်မျှရှိလျှင်ပင် ဂြိုဟ်သားသက်ရှိ ဖြစ်တည်မှုကို တွေ့နိုင်ခြေရှိနေပါတယ်။

နာဆာနဲ့ အခြားအာကာသအေဂျင်စီများ ပူးပေါင်းလုပ်ဆောင်တဲ့ ကာဆီနီမစ်ရှင်မှာဆိုရင် ဆေတန်ရဲ့လတွေထဲက တစ်ခုဖြစ်တဲ့ အင်ဆဲလာဒပ်စ် တောင်ဝင်ရိုးစွန်းမှာ ကွဲအက်ကြောင်းတွေ မြင်တွေ့ရပြီး ဓာတ်ငွေ့နဲ့ ရေခဲမှုန်များ ထုတ်လွှတ်နေပါတယ်။

ယူရိုပါလကမ္ဘာကို ကူညီလေ့လာပေးမယ့် ယူရိုပါကလစ်ပါမစ်ရှင်ကို အောက်တိုဘာလမှာ ပြုလုပ်မှာဖြစ်ပြီး ကိရိယာများ ပိုမိုပါဝင်မှာ ဖြစ်ပါတယ်။

အနာဂတ် အာကာသမစ်ရှင်များအတွက် ဖန်တီးထားတဲ့ အာကာသကိရိယာတွေဟာ ရေပန်းဖွားများရှိ ဆဲလ်အဆင့် အရာဝတ္ထုတွေကို ရှာဖွေတွေ့ရှိနိင်တဲ့ စွမ်းရည်ရှိပါတယ်။

#World_Science #ယူရိုပါလမှရေပန်းဖွားပုံစံ #သက်ရှိဂြိုဟ်သားများရှာတွေ့နိုင် #Source: WION

#World_Health
Published 29 March 2024

အသီးတွေ အရွက်တွေ အခွံနွှာစားတာ ကောင်းလား မကောင်းဘူးလား ဆိုတာနဲ့ အာဟာရဓာတ်တွေက အခွံမှာပဲ ပါတာလားဆိုတာကို လူအများသိချင်နေကြပါတယ်။

ခရမ်းချဥ်သီး၊ ငရုတ်ပွသီး၊ ဆလတ်ရွက်၊ ဂေါ်ဖီတို့ကို အခွံမနွှာကြပါဘူး။

လိမ္မော်သီး၊ မုန်လာဥနီတို့ကိုတော့ အမြဲတမ်းအခွံနွှာကြပါတယ်။

ပန်းသီး၊ သခွားသီးတို့နဲ့ ပတ်သက်လာရင်တော့ အငြင်းပွားစရာရှိပါတယ်။

လူအများက သခွားသီးအခွံမှာ အာဟာရဓာတ်တွေ ပါဝင်တယ်လို့ယူဆကြပြီး အခွံပါ စားသုံးကြပေမယ့် တကယ်တမ်းက သခွားသီးမှာ အာဟာရတန်ဖိုး များများစားစား မရှိလှပါဘူး။

ရံဖန်ရံခါမှာတော့ အခွံပေါ်မှာ အမှုန်အမွှားတွေ၊ အညစ်အကြေးတွေ ပေနေနိုင်တာကြောင့် အခွံနွှာသင့်တာမျိုးရှိပါတယ်။

ပန်းသီးအခွံနွှာစားခြင်းက အမျှင်ဓာတ်အချို့ လျော့နည်းနိုင်ပေမယ့် ဗိုက်တာမင်တွေတော့ မလျော့နည်းပါဘူး။

ပန်းသီးအတွင်းထဲမှာလည်း ဗိုက်တာမင်တွေ ဆက်လက်ရှိနေပါတယ်။

ဒါကြောင့် အသီးအရွက်တွေကို လှီးဖြတ်အခွံနွှာပြီး စားသုံးတဲ့အခါ အာဟာရလျော့နည်းမှာကို စိုးရိမ်နေစရာ မလိုပါဘူး။

ခံတွင်းပြဿနာရှိသူတွေအတွက်တော့ ပန်းသီးကို အခွံနွှာစားသင့်ပါတယ်။

အခွံနွှာပြီး ပစ်ထားလိုက်ရင်တော့ အလျင်အမြန် ဓာတ်ပေါင်းသွားနိုင်တာကြောင့် ကြိုတင်ပြင်ဆင်မယ်ဆိုရင် အခွံမနွှာတာ ပိုမိုကောင်းမွန်ပါတယ်။

#World_Health #အသီးနှင့်အရွက်များအခွံနွှာစားသုံး #အာဟာရတန်ဖိုး #Source: The Jerusalem Post

ဆားဘီးယားနိုင်ငံဟာ ကော့ဆိုဗိုနဲ့ မက်တိုဟီဂျာစီရင်စုပြည်နယ်တို့ကို ဘယ်တော့မှလက်လွတ်ခံမှာ မဟုတ်သလို နေတိုးမဟာမိတ်အဖွဲ့ကိုလည်း ဘယ်တော့မှပူးပေါင်းမှာမဟုတ်ဘူးလို့ ယူဂိုဆလားဗီးယားကို နေတိုးဗုံးကျဲတိုက်ခိုက်ခဲ့တဲ့ ၂၅ နှစ်ပြည့် အထိမ်းအမှတ်ပွဲမှာ ဆားဘီးယားသမ္မတ အဲလက်ဇန်ဒါဗူရှစ်က တနင်္ဂနွေနေ့မှာ ပြောကြားလိုက်ပါတယ်။
#World_Event
Published 28 March 2024
#ယူဂိုဆလားဗီးယားအားနေတိုးတိုက်ခိုက်ခဲ့ #(၂၅)နှစ်မြောက်အထိမ်းအမှတ်အောက်မေ့ပွဲ
#YMG_News #Yangon_Times #Yangon_Media_Group

၂၈ မတ် ၂၀၂၄

ထိုင်းနိုင်ငံသို့တရားမဝင်ခိုးဝင်လာကြတဲ့ မြန်မာနိုင်ငံသား ၇၉ ဦးပါတဲ့ အုပ်စု (၅)စုကို လွန်ခဲ့တဲ့ နှစ်ရက်အတွင်း Thong Pha Phum ခရိုင်အတွင်းမှာ ဖမ်းဆီးရမိခဲ့တယ်လို့ သိရပါတယ်။ သူတို့နှင့်အတူ မှောင်ခိုသွင်းသူ ၅ ဦးကိုလည်းဖမ်းဆီးမိခဲ့ပါတယ်။

ပထမဖမ်းဆီးမှုမှာ ရဲ၊စစ်သားနှင့် ဒေသအရာရှိတွေပါဝင်တဲ့အဖွဲ့ဟာ သမ်ဘွန်သာခါနန်က အိမ်တစ်အိမ်အောက်မှာ ပုန်းနေကြ တဲ့ မြန်မာအမျိုးသား (၉)ဦးကို ဗုဒ္ဓဟူးနေ့ မနက်၁၀နာရီခန့်က ဖမ်းဆီးရမိခဲ့တာဖြစ်ပါတယ်။

သူတို့အားလုံးကို တရားမဝင် ဝင်ရောက်မှုနှင့် ဖမ်းဆီးထားပြီး အိမ်ပိုင်ရှင် ဘန်လတ်ဘိုရစ်ဆတ်ကိုလည်း ဝှက်ထားပေးတဲ့ အတွက် ဖမ်းဆီးခဲ့ပါတယ်။

အဲဒီနေ့ နှောငင်းပိုင်းမှာလည်း ရဲတွေဟာ သွန်ပါပမ်လမ်းဆုံအနီးမှာ ကချာနာပူရီလိုင်စင်ပြားတပ်ထားတဲ့ ပစ်ကပ်ကားတစ်စီး ကိုရပ်ဖို့ပြောတာကို မရပ်ဘဲမောင်းပြေးတဲ့အတွက် ရဲအရာရှိနှစ်ဦးဟာ ကားနောက်ခန်းကို ခုန်တက်လိုက်ခဲ့ကြပါတယ်။ ဒါပေမယ့် ကားကရပ်မပေးခဲ့ပါဘူး။ အခြားအရာရှိတွေက ကားနောက်ကို ထပ်ချပ်မကွာလိုက်တော့မှ စစ်ဆေးရေးဂိတ်နှင့် ၅ကီလိုမီတာအကွာမှာကားကရပ်သွားပါတယ်။ အဲဒီကားမှာ မြန်မာနိုင်ငံသား အမျိုးသား ၅ ဦးနှင့် အမျိုးသမီး ၃ ဦးတို့ကိုတွေ့ရှိဖမ်းဆီးခဲပြီး ယာဉ်မောင်းကိုပါ ဖမ်းဆီးခဲ့ပါတယ်။

ဖမ်းဆီးရမိတဲ့မြန်မာနိုင်ငံသားတွေက သူတို့ဟာ ဘုရားသုံးဆူအနီးနယ်စပ်ပေါက်ကနေ ခြေလျင်လမ်းလျှောက်ဝင်လာခဲ့ကြတာ ဖြစ်တယ်လို့ ပြောကြပါတယ်။ စစ်ဆေးရေးဂိတ်တော်တော်များများမှာ သူတို့ဟာ လမ်းညွှန်တစ်ဦးရဲ့အကူအညီနှင့် ကျော်ဖြတ်နိုင်ခဲ့ကြတယ်လို့ဆိုပါတယ်။

နောက်တစ်နာရီအကြာမှာ ရဲတွေဟာ တမ်ဘွန်စစ်ဆေးရေးဂိတ်မှာ မရပ်ဘဲမောင်းပြေးတဲ့ ထရပ်ကားတစ်စီးနောက်လိုက်ပြီး ဖမ်းဆီးခဲ့ရာမှာ မြန်မာအမျိုးသား (၆)ဦးနှင့် ထိုင်းမှောင်ခိုကူးသူ (၂)ဦးကို ဖမ်းဆီးရမိခဲ့ပါတယ်။

အင်္ဂါနေ့ညမှာ တမ်ဘွန်သာခါနမ်အပန်းဖြေစခန်းအနီး မှောင်ခိုကူးသူ (၁)ဦးနှင့် တရားမဝင်အလုပ်လာရှာသူ ၁၉ ဦးတို့ကို ဖမ်းဆီးရမိခဲ့ပါတယ်။ မှောင်ခိုကူးသူဟာ “ ဝင်း” လို့သိထားကြပြီး ဆန်ခလာပူရီဒေသခံဖြစ်ကာ တိုရိုတာကားကို ကိုယ်တိုင် မောင်းလာသူဖြစ်ပါတယ်။

Source BKK Post

@ymg/knl

#Daily_News
Published_ 28 March 2024

၁။ ပုဂံတွင် ပုန်းရည်အစရှိသည့်ဒေသထွက်ကုန်များ ရောင်းအားတက်ပြီး E-bike အငှားလုပ်ငန်းဖြစ်ထွန်းနေ

၂။ နွေရာသီကျောင်းပိတ်ရက်တွင် ဆယ်အိမ်တန်းကမ်း​ခြေသို့လာရောက်အပန်းဖြေသူပိုများလာ

၃။ ရန်ကုန်လမ်း‌လျှောက်သင်္ကြန်၌ ရေကစားမဏ္ဍပ်၊‌ ဖျော်ဖြေရေးမဏ္ဍပ်များနှင့်အတူ စားသောက်ဆိုင်ခန်း (၁၅၀)ပါမည်ဟုဆို

၄။ ယူဂိုဆလားဗီးယားအား နေတိုးတိုက်ခိုက်ခဲ့သည့်(၂၅)နှစ်မြောက် အထိမ်းအမှတ်အောက်မေ့ပွဲ ဆားဘီးယားနိုင်ငံတွင်ကျင်းပ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 28 March 2024

ရန်ကုန်-မော်လမြိုင် အမြန်လမ်းတွင် ကားတစ်စီးအရှိန်လွန်ကာ ချောက်ထဲထိုးကျသဖြင့် နှစ်ဦး​ေ-သဆုံးကြောင်း လူမူကူညီရေးအသင်းများထံက သိရသည်။

ယနေ့မနက် ၁၁နာရီအချိန်က သထုံမြို့နယ်နောင်ဘိုကျေးရွာ ဘူတာလမ်းထိပ်အလွန် ရန်ကုန်-မော်လမြိုင်ကားလမ်း တံတားဘေးရှိ ချောက်ထဲသို့ ထိုးကျတိမ်းမှောက်ခဲ့ကြောင်း သိရသည်။

အဆိုပါကားတစ်စီး ချောက်ထဲ ထိုးကျတိမ်းမှောက်ခဲ့ခြင်းကြောင့် ယာဉ်ပေါ်ပါအမျိုးသား၂ဦး ​ေ-သဆုံးခဲ့ကြောင်း သိရသည်။

​ေ-သဆုံးသွားသည့် အမျိုးသား(2)ဦး ကို ဖြစ်စဥ်နေရာ မှသိမ်ဆိပ်ရင်ခွဲရုံသို့ ပီတိနှလုံးသားအသင်းက သွားရောက်ပို့ဆောင်ကူညီပေးခဲ့ကြောင်း သိရသည်။

#Local_News #ကားတစ်စီးအရှိန်လွန်ပြီးချောင်းထဲပြုတ်ကျ #နှစ်ဦး​ေ-သဆုံး #YMG/LW #Yangon_Times

ဇီဝဇိုးငှက်သိုက်ကို တရုတ်သို့ အဓိကထားတင်ပို့ရောင်းချပြီး လက်ရှိဈေးကွက်အခြေအနေမှာ ပစ္စည်းပြတ်သည်အထိ ဝယ်ယူမှုရှိနေပါတယ်။ အချို့တရုတ်ကုန်သည်တွေကလည်း ပြည်တွင်းရှိ တရုတ်ကုန်သည်တွေနဲ့ ချိတ်ဆက်ကာဇီဝဇိုးဌက်သိုက်မွေးမြူထုတ်လုပ်သူတွေထံလာရောက်ပြီး ကုန်ရရှိရန် ကြိုတင်မှာယူတာတွေရှိနေတယ်လို့ ဆိုပါတယ်။
#Local_News
Published 28 March 2024
#ဇီဝဇိုးငှက်သိုက်ဈေးကွက် #ဌက်သိုက်မွေးမြူထုတ်လုပ်သူ
#YMG/LW #Yangon_Times

လမ်းလျှောက်သင်္ကြန်မှာ လမ်းတစ်လျှောက်ရေမှုန် ရေမွှားလျှောက်လမ်း၊ ရေကစားမဏ္ဍပ်‌တွေ၊ ဂီတအနုပညာရှင်တွေရဲ့ ဖျော်ဖြေရေးမဏ္ဍပ်တို့နဲ့အတူ စားသောက်ဆိုင်ခန်းပေါင်း (၁၅၀)ပါ ထည့်သွင်းဆောင်ရွက်သွားဖို့ရှိတယ်။
#Local_News
Published 28 March 2024
#ရန်ကုန်လမ်းလျှောက်သင်္ကြန် #ဖျော်ဖြေရေးမဏ္ဍပ်
#tthl #Yangon_Times