အိန္ဒိယနှင့်ဘင်္ဂလားဒေရှ့် နိုင်ငံတို့က ဝယ်ယူနေတဲ့အတွက် ပြည်တွင်းနနွင်းတတ်ဈေးကွက်ဟာ ဈေးထက်ဝက်ခန့် မြင့်လာတယ်လို့ ကုန်သည်တွေထံက သိရပါတယ်။
Yangon_Times/LW
#Local_News
#Published_ 02 April 2024
#YMG_News #Yangon_Times #Yangon_Media_Group

Published 2 April 2024

မြန်မာနိုင်ငံ၊ ရှမ်းပြည်နယ်၊ မူဆယ်မြို့သို့ တရားမဝင် ဝင်ရောက်နေထိုင်ပြီး အွန်လိုင်းလိမ်လည်မှုလုပ်ငန်းများ လုပ်ကိုင်နေသည်ဟု သံသယရှိသူ တရုတ်နိုင်ငံသား ၃၅၂ ဦးနှင့် မြန်မာ နိုင်ငံသား ၄၈၆ ဦးတို့အား ဖော်ထုတ်ဖမ်းဆီးရမိခဲ့ကြောင်း နိုင်ငံပိုင်သတင်းစာ၏ထုတ်ပြန်ချက်အရသိရသည်။

မြန်မာ - တရုတ် နှစ်နိုင်ငံအကြား အွန်လိုင်းလိမ်လည်မှုလုပ်ငန်းများတိုက်ဖျက်ရေးအတွက် နှစ်နိုင်ငံတရားဥပဒေစိုးမိုးရေးအဖွဲ့အစည်းများအကြား ပူးပေါင်းဆောင်ရွက်မှုတစ်ရပ်အား ၂၀၂၄ ခုနှစ်၊ မတ်လအတွင်း မြန်မာနိုင်ငံ၊ ရှမ်းပြည်နယ် (မြောက်ပိုင်း)၊ မူဆယ်မြို့တွင် ဆောင်ရွက်ခဲ့ကြကြောင်းသိရသည်။

စစ်ဆင်ရေးကာလအတွင်း ၂၀၂၄ ခုနှစ်၊ မတ်လ ၂၈ ရက်နေ့မှ ၃၁ ရက်နေ့အထိ မြန်မာနိုင်ငံ၊ ရှမ်းပြည်နယ်၊ မူဆယ်မြို့သို့ တရားမဝင် ဝင်ရောက်နေထိုင်ပြီး အွန်လိုင်းလိမ်လည်မှုလုပ်ငန်းများ လုပ်ကိုင်နေသည်ဟု သံသယရှိသူ တရုတ်နိုင်ငံသား ၃၅၂ ဦး (ကျား ၃၃၇ ဦး ၊ မ ၁၅ ဦး) နှင့် မြန်မာ နိုင်ငံသား ၄၈၆ ဦးတို့အား ဖော်ထုတ်ဖမ်းဆီးရမိခဲ့ပြီး ဥပဒေနှင့်အညီ အရေးယူဆောင်ရွက်ခဲ့ကြောင်းသိရသည်။

ဖမ်းဆီးရမိသော တရုတ်နိုင်ငံသား ၃၅၂ ဦးကို တရုတ်နိုင်ငံ၌ လုပ်ထုံးလုပ်နည်းနှင့်အညီ ဆက်လက်အရေးယူဆောင်ရွက်နိုင်ရေးအတွက် ပြည်နှင်လွှဲပြောင်းပေးခဲ့ရာ ၃၀၀ ဦးကို ၂၉-၃-၂၀၂၄ ရက်နေ့တွင်လည်းကောင်း၊ ၃၀ ဦးကို ၃၀-၃-၂၀၂၄ ရက်နေ့တွင်လည်းကောင်း၊ ၂၂ ဦးကို ၃၁-၃-၂၀၂၄ ရက်နေ့တွင်လည်းကောင်း မူဆယ်မြို့၊ မြန်မာ - တရုတ် နှစ်နိုင်ငံနယ်စပ်၊ မန့်ဝိန်းဂိတ်မှတစ်ဆင့် တရုတ်နိုင်ငံရဲတပ်ဖွဲ့သို့ လုပ်ထုံးလုပ်နည်းနှင့်အညီ အမြန်ဆုံးပြည်နှင်လွှဲပြောင်းပေးခဲ့ကြောင်းသိရသည်။
Yangon_Times/LW
#Local_News
#Published_ 02 April 2024
#YMG_News #Yangon_Times #Yangon_Media_Group

2 April 2024

လူရွှင်‌တော်၊သရုပ်‌ဆောင်ဦးနေကျော် ရုတ်တရတ်ကျန်းမာရေးချို့တဲ့ပြီး ဆေးရုံတင်ရမည့်အနေအ ထားဖြစ်နေကြောင်း လူရွှင်‌တော်၊သရုပ်‌ဆောင်မေတ္တာမြင့်မြတ်ဟိန်းထံမှသိရသည်။

ယင်းကဲ့သို့ ဦးနေကျော်ကျန်းမာ‌ ရေးချို့တဲ့ပြီး အောက်ဆီဂျင်ရူရကာ ဆေးရုံတင်ဖို့ရှိနေကြောင်းယနေ့ဧပြီလ(၂)ရက်တွင် လူရွှင်‌တော်၊သရုပ်‌ဆောင်မေတ္တာမြင့်မြတ်ဟိန်းမှ သူ၏လူမှုကွန်ရက်စာမျက်နှာ၌ဖော်ပြပြီး အကူအညီတောင်းခံထားခြင်းဖြစ်သည်။

မေတ္တာမြင့်မြတ်ဟိန်းက" အလှူရှင်များခင်ဗျာ လက်ရှိအဖေဦးနေကျော်ဟာ ကျန်းမာရေးချို့တဲ့ပီး အလုပ်တခုမှ အရေးပေါ်ကားနဲ့အိမ်ကိုပြန်ပို့ရတဲ့အနေအထားလေးတခုဖြစ်ခဲ့ပါတယ်။

လက်ရှိအိမ်မှာ အောက်ဆီဂျင်ရှူနေရပါတယ်ခင်ဗျာ အခြေအနေက ဆေးရုံတင်ရမယ့်အနေအထားမျိုးဖစ်နေသည့်အတွက် ကျနော်တယောက်ထဲ အားနဲ့လည်း ခက်ခဲနေလို့ အလှူရှင်များထံမှ အလှူခံခြင်းဖြစ်ပါတယ်။အဖေဦးနေကျော်ကိုချစ်ကြတဲ့မိသားစုများ အလှူရှင်များ မြင်တွေ့ကြပါစေခင်ဗျာ လှူဒါန်းချင်သူများကျနော့်ကိုဆက်သွယ်ပေးပါခင်ဗျာ Kpay - 09450708800 ပါ"ဟုသူ၏
Myittar Myint Myat Heinအကောင့်၌ဖော်ပြထား ကြောင်းသိရသည်။
Yangon_Times/tthl
#Local_News
#Published_ 01 April 2024
#YMG_News #Yangon_Times #Yangon_Media_Group

Published_ 01 April 2024

အမေဖြစ်သူ ကင်ဆာဝေဒနာရှင်အတွက်အလှူခံသည်ဆိုပြီး Facebookနှင့်မတ်ဆင်ဂျာမှလိမ်လည်အလှူခံသူများရှိ၍ သတိပြုရန်လိုအပ်ကြောင်း လှူမိသူများထံမှ သိရသည်။

Facebookနှင့်မတ်ဆင်ဂျာမှတစ်ဆင့် အမေ အူမကြီးကင်ဆာ အဆင့်၄ဖြစ်နေကြောင်း၊ဆေးသွင်းကုသရန်၊ခွဲစိတ်ကုသရန်ငွေလိုအပ်၍ Kpay 09687335376ကို  ငွေလှူဒါန်းရန် အကူအညီ ‌တောင်းခံခဲ့သည်ဟုဆိုသည်။

ယင်းသို့ အကူအညီတောင်းခံမှုကို လှူဒါန်းသူများရှိခဲ့ပြီး မသင်္ကာသဖြင့် လူနာကို ဆေးရုံသွားတွေ့ရန် အလှူခံကို ဆက်သွယ်တော့ ဖုံးမကိုင်တော့ ကြောင်း ၊ဆက်သွယ်သူကိုဘလော့ခြင်းများရှိကြောင်းနှင့်  သေချာအောင် စီစစ်ပြီးမှ စစ်မှန်တဲ့ ကင်ဆာရောဂါရှင်ဟုတ်မဟုတ် သိမှ ဆက်ကူနိုင်မှာဖြစ်တဲ့အတွက် ခေတ္တ မလှူကြရန််တောင်းပန်ထားသည်။

လူလိမ်မှန်းမသိ၍ လှူဒါန်းပေးရန် တစ်ဆင့်ခံနှိုး‌ဆော်ပေးမိသူကလည်း " ကျွန်တော့်တာဝန် ဖြစ်တဲ့အတွက်လှူထားတဲ့သူများကို လည်းပြန် လျှော်ဖို့ဆုံးဖြတ်ထားပါတယ်။ အနူးအညွတ်တောင်းပန်အပ်ပါတယ်"ဟု ဖော်ပြထားသည်။

လူနာအတွက်ဆိုပြီးလိမ်လည်ပြီး အလှူခံမှုများများပြားသဖြင့် အချို့ လူမှုကူညီရေးအဖွဲ့များသည် viberမှ မတ်ဆင်ဂျာမှ လူနာအားပြသခိုင်းခြင်းများ ကိုယ်တိုင်သွားရောက် ကြည့်ရူပြီးမှ လှူဒါန်းနေရကြောင်းလည်း လူမှုကူညီရေးအဖွဲ့များမှသိရသည်။

လိမ်လည်ပြီးအလှူခံသူများသည် ပြင်ပတွင်လိမ်လည်မှု ပုဒ်မ(၄၂၀)နှင့်ညှိစွန်းပြီး တရားလိုရှိပါက အရေးယူ ဆောင်ရွက်နိုင်သလို အွန်လိုင်းမှလိမ်လည်ရင်လည်း ဆိုက်ဘာpoliceများမှ စုံစမ်းပြီး Cyber Lawအရ အရေးယူနိုင်မည်ဖြစ်ကြောင်း သိရသည်။
Yangon_Times/tthl
#Local_News
#Published_ 01 April 2024
#YMG_News #Yangon_Times #Yangon_Media_Group

Published 2 April 2024

ရန်ကုန်တိုင်ဒဒေသကြီး လှိုင်သာယာမြို့နယ် BOCအဝိုင်းဂက်စ်ဆိုင်ရှေ့ယာဉ် တိုက် မှု ကြောင့် တစ်ဦးေ-သ ဆုံးကာ လေးဦး ထိခိုက်ဒဏ်ရာ ရရှိ ခဲ့ကြောင်း သွားရောက်ကူညီပေးသည့် သွေးဒါနမျိုးဆက်လူမှုကူညီရေးအသင်းထံ မှ သိရသည်။

ဧပြီ ၁ရက် ညနေ ၆နာရီ ခွဲ ဝန်းကျင် တွင် မီးခွက်ဈေးဘက် မှ မောင်းနှင်လာသော အငှားယာဉ် တစ်စီး မှာ မောင်းနှင်လာစဉ်လအရှိန် လွန် ပြီး လမ်းလယ် ရှိ ဘလောက် တုံး များ ကိုကျော်က တစ်ဖက်ယာဉ်ကြော ဖြစ်သည့် BOC အဝိုင်း gas ဆိုင်ရှေ့ အနီး ရပ်နေသည့် အမျိုးသားလေးဦးကို တိုက်မိ ခြင်း ဖြစ်ကြောင်း သိရသည်။

"' ညနေပိုင်း အလုပ်လွှတ်တဲ့ အချိန် လောက် ဖြစ်တာ အငှားယာဉ်မောင်းသမားက မူးနေတယ်လို့ တော့ ပြောကျတယ် မီးခွက်ဈေးဘက်ကနေ ကားမောင်းလာတာ အရှိန် လွန်ပြီးတော့ ဘလောက်တုံးတွေကို ကျော်တတ်ပြီးတော့ boc အဝိုင်း ဂတ်ဆိုင်ရှေ့မှာ ရပ် နေတဲ့ သူတွေကို ဝင်တိုက်မိတာ တစ်ဦးကတော့ ေ-သသွားတယ် သုံးဦးက အနီရောင် အဆင့် အဲ့ကားပေါ် ပါလာတဲ့ အမျိုးသမီး တစ်ဦးကတော့ ခေါင်းမူးရုံလောက်ပဲ ဖြစ်တယ် ""ဟု သွေးဒါနမျိုးဆက်လူမှုကူညီရေးအသင်းမှ အသင်းဝင်တစ်ဦးက ရန်ကုန်မီဒီယာဂရု ကိုပြောသည်။

အဆိုပါ ယာဉ်တိုက်မှုကြောင့် အမျိုးသား တစ်ဦး ေ-သဆုံး ပြီး အမျိုးသား ၃ဦး မှာ စိုးရိမ်ရ အဆင့်ဒဏ်ရာ များရရှိ ခဲ့ကာ ယင်းတို့မှာ အသက် ၃၀မှ ၅၀ကြားရှိ ကြောင်း သိရသည်။

ယာဉ်တိုက်မှု နှင့်ပက်သက်ပြီး အငှားယာဉ်မောင်းသူကို သက်ဆိုင်ရာက စစ်ဆေးလျက်ရှိကြောင်း သိရသည်။
Yangon_Times/LW
#Local_News
#Published_ 01 April 2024
#YMG_News #Yangon_Times #Yangon_Media_Group

Published 02 April 2024

အစ္စရေးလ်လက်ချက်လို့ သံသယရှိတဲ့ စစ်လေယာဥ်တွေဟာ ဆီးရီးယားနိုင်ငံရှိ အီရန်သံရုံးကို တနင်္လာနေ့က ဗုံးကျဲတိုက်ခိုက်ခဲ့ရာ အီရန်ရဲ့ တပ်မှူး ၃ ဦးအပါအဝင် စစ်ရေးအကြံပေးပုဂ္ဂိုလ် ၇ ဦးသေဆုံးခဲ့တယ်လို့ အီရန်ဘက်က ပြောကြားလိုက်ပါတယ်။

ဒီတိုက်ခိုက်မှုကြောင့် အစ္စရေးလ်စစ်ပွဲအတွင်း ဒေသတွင်းရန်သူများနဲ့ တင်းမာမှုကြီး မြင့်တက်လာတဲ့ သဘောဖြစ်နေပါတယ်။

သံရုံးခြံဝင်းအတွင်း ပျက်စီးသွားတဲ့ အဆောက်အအုံကြားကနေ အရေးပေါ်ကယ်ဆယ်ရေးသမားများ ဝင်ရောက်နေပုံတွေကို ရိုက်တာသတင်းထောက်များ မြင်တွေ့ခဲ့ရပါတယ်။

ဒါမတ်စ်ကပ်စ်ရှိ အီရန်ကောင်စစ်ဝန်ရုံးကို ပစ်မှတ်ခဲ့ပြီး အပြစ်မဲ့လူတွေ သေစေခဲ့တဲ့ အကြမ်းဖက်တိုက်ခိုက်မှုကြီးကို ပြင်းပြင်းထန်ထန် ရှုတ်ချကြောင်း ဆီးရီးယား နိုင်ငံခြားရေးဝန်ကြီး ဖေဆယ်လ်မက်ခ်ဒက်က ပြောကြားလိုက်ပါတယ်။

ကျဆုံးသွားတဲ့ အီရန်စစ်ရေးအရာရှိ ၇ ဦးထဲမှာ မိုဟာမက်ရီဇာဇာဟယ်ဒီလည်း ပါဝင်ပြီး Quds Force မှာ အကြီးတန်းတပ်မှူးတစ်ဦး ဖြစ်ပါတယ်။

အစ္စရေးလ်က ဆီးရီးယားရှိ အီရန်စစ်ရေးအချက်အခြာများနဲ့ လက်ခွဲများကို ပစ်မှတ်ထားတာ ကြာပြီဖြစ်ပြီး ယခုတိုက်ခိုက်မှုကတော့ ပထမဆုံးဖြစ်ပါတယ်။

အစ္စရေးလ်စစ်တပ်က ဆီးရီးယားရှိ အီရန်အစ္စလာမ် တော်လှန်ရေးအစောင့်တပ်တွေနဲ့ အီရန်နောက်ခံပြု လက်ဘနွန်လက်နက်ကိုင် ဟက်ဇ်ဘိုလာတို့ကို လေကြောင်းတိုက်ခိုက်မှုများ ပိုမိုပြုလုပ်လာပါတယ်။

အမည်မဖော်လိုတဲ့ အစ္စရေးလ်အရာရှိ ၄ ဦးရဲ့အဆိုအရ အစ္စရေးလ်က တိုက်ခိုက်မှုလုပ်ခဲ့တာ ဖြစ်တယ်လို့ နယူးယော့ခ်တိုင်းမ်သတင်းက ဖော်ပြထားပါတယ်။

ဒါဟာ ဒေသတွင်းလုံခြုံရေးနဲ့ ငြိမ်းချမ်းရေးကို အကြီးအကျယ် ခြိမ်းခြောက်ရာကျပြီး ကုလသမဂ္ဂလုံခြုံရေးကောင်စီ အနေနဲ့ ရှုတ်ချပေးဖို့ ဆီးရီးယားဆိုင်ရာ အီရန်သံအမတ်က တိုက်တွန်းလိုက်ပါတယ်။

ဒီရာဇဝတ်မှုဟာ လက်တုန့်မပြန်ဘဲနဲ့ မပြီးဆုံးနိုင်ဘူးလို့ ဟက်ဇ်ဘိုလာအဖွဲ့က ပြောပါတယ်။

အီရတ်၊ ဂျော်ဒန်၊ အိုမန်၊ ပါကစ္စတန်၊ ဆော်ဒီ၊ ကာတာ၊ ယူအေအီးအပါအဝင် မွတ်ဆလင်နိုင်ငံများအပြင် ရုရှားကလည်း တိုက်ခိုက်မှုကို ရှုတ်ချလိုက်ပါတယ်။

ထိုဒေသတွင်း တင်းမာမှုထပ်မံမြင့်မားလာမှာကို အမေရိကန်က စိုးရိမ်နေပါတယ်။
Source: Reuters
#World_News
#Published_ 28 March 2024
#YMG_News #Yangon_Times #Yangon_Media_Group

#World_Health
Published 02 April 2024

ချိုချဥ်သကြားလုံး၊ ရေခဲမုန့်တို့လို ဆိုးဆေးပါတဲ့ စားစရာတွေကို ကလေးတွေက ပိုမိုစားသုံးမိကြပြီး ဆိုးဆေးတွေရဲ့ ဘေးထွက်ဆိုးကျိုးတွေဟာ ကလေးဘဝတွေကတည်းက သက်ရောက်နေခဲ့ပါတယ်။

အစားအစာတွေမှ အရောင်ဆိုးဆေး အနည်းငယ်မျှ စားသုံးခြင်းကို ကျန်းမာရေးဝန်ကြီးဌာနတွေက အသိအမှတ်ပြုထားပေမယ့် အနည်းငယ်မျှ စားသုံးရုံဖြင့် ကျန်းမာရေးထိခိုက်နိုင်တာကြောင့် တတ်နိုင်သမျှ အနည်းဆုံးသာ စားသင့်ပါတယ်။

မုန့်အများစုမှာ ကလေးတွေအတွက် အန္တရာယ်အပေးနိုင်ဆုံး တာထရာဇင်း အများအပြား ပါဝင်နေပါတယ်။

ဒီလိုအရောင်ဆိုးဆေးတွေကို အလွန်အကျွံစားသုံးမိပါက ဆတ်ဆတ်ထိမခံ အပြုအမူမျိုးတွေ့ရပြီး ထိုအရာတွေကို ရှောင်ရှားလိုက်ပြီး ဆိုးဆေးမပါတာတွေ ပြောင်းကျွေးလိုက်ပါက ကဏာမငြိမ် အပြုအမူမျိုးတွေ ပျောက်သွားတယ်လို့ သိပ္ပံနည်းကျ လေ့လာချက်တွေ မြင်တွေ့ရပါတယ်။

ထုပ်ပိုးမှုတွေမှာ အရောင်တွေပါဝင်ပေမယ့် အထဲက ဒိန်ခဲ ဒိန်ချဥ်တို့ကတော့ သဘာဝအရောင်သာ ဖြစ်တာကြောင့် ကလေးတွေအတွက် ပြဿနာမဖြစ်စေပါဘူး။

အချို့သော သကြားလုံးတွေကလည်း အရောင်တွေဖြင့် ထုပ်ပိုးထားတတ်ပြီး သဘာဝအရောင်သာပါဝင်တာမျိုးကို သေချာရွေးချယ်သင့်ပါတယ်။

#World_Health #ဆိုးဆေးပါသောစားစရာ #ကျန်းမာရေးကိုထိခိုက်စေ #Source: The Jerusalem Post

#World_Health
Published 02 April 2024

အိပ်ရာမဝင်ခင် တစ်နာရီခန့်အလိုမှာ ချောကလက်မည်း စားသုံးဖြင်းဖြင့် ပိုမိုကောင်းမွန်စွာ အိပ်စက်နိုင်စေကြောင်း ပညာရှင်များက ဆိုပါတယ်။

ချောကလက်မည်းတွေဟာ အာဟာရဓာတ် ကြွယ်ဝရုံမက လူတွေကို စိတ်ပြေလျော့စေနိုင်တဲ့ ဆယ်ရိုတိုနင်ဟော်မုန်း ထုတ်လုပ်မှုကိုလည်း အားပေးပါတယ်။

ဒါ့အပြင် အိပ်ရာမဝင်ခင်မှာ ငှက်ပျောသီး၊ အခွံမာသီးများ၊ မြေပဲထောပတ်တို့ကလည်း အလားတူ အကျိုးကျေးဇူး ပေးစွမ်းနိုင်ပါတယ်။

မြေပဲထောပတ်ကို နောက်ကျမှ စားသုံးခြင်းဖြင့် အိပ်စက်မှုကို ကောင်းမွန်စေသလို သွေးတွင်းသကြားဓာတ်ကို တည်ငြိမ်စေပြီး ကြွက်သားဖွံ့ဖြိုးမှုကို ထောက်ပံ့ပေးတယ်လို့ Bed Kingdom မှ ပညာရှင်များက ရှင်းပြပါတယ်။

 ငှက်ပျောသီးကတော့ မဂ္ဂနီဆီယမ်ပါဝင်ပြီး ကိုယ်တွင်းလည်ပတ်မှု ဖြစ်စဥ်များကို မျှတအောင် ထိန်းညှိပေးကာ မယ်လာတိုနင် ထုတ်လုပ်မှုကို မြှင့်တင်ပေးပါတယ်။

ပြောင်းဖူးပေါက်ပေါက်ဟာလည်း ထရစ်ပ်တိုဖန်ပါဝင်ကာ ဆယ်ရိုတိုနင်ကို ထုတ်လုပ်ပေးပါတယ်။

ဒိန်ခဲဟာဆိုရင် ဗိုက်ပြည့်တင်းစေတာကြောင့် အိပ်နေစဥ် ဆာလောင်ပြီး နိုးထတာမျိုး မဖြစ်စေပါဘူး။

#World_Health #နှစ်ခြိုက်စွာအိပ်ပျော်ရန် #အိပ်ရာမဝင်ခင်ဘာစားသင့်သလဲ #Source: New York Post

၁ ဧပြီ ၂၀၂၄

နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် နေပြည်တော်သို့ရောက်ရှိနေသည့် တရုတ်နိုင်ငံခြားရေးဝန်ကြီးဌာန၊ အာရှရေးရာ အထူးကိုယ်စားလှယ် မစ္စတာ တိန့်ရှီကျွင်ကို ဧပြီလ(၁)ရက် နံနက် ပိုင်းတွင်တွေ့ဆုံ၍ ငြိမ်းချမ်းရေးလုပ်ငန်းစဉ်များတွင် တရုတ်နိုင်ငံ ပါဝင်ဆောင်ရွက်ပေးနေမှုများအပါအဝင် မြန်မာ့     နိုင်ငံရေးအခြေအနေများ ဆွေးနွေးခဲ့ကြပါတယ်။

နစက ဥက္ကဋ္ဌရုံးအစည်းအဝေးခန်းမ၌ ကျင်းပတဲ့ အဆိုပါတွေ့ဆုံမှုမှာ နစကအစိုးရဘက်မှ ဗိုလ်ချုပ်မှူးကြီး  မင်းအောင်လှိုင်နှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ နိုင်ငံခြားရေး ဝန်ကြီးဌာန  ပြည်ထောင်စုဝန်ကြီး ဦးသန်းဆွေ၊ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေး ကော်မတီဥက္ကဋ္ဌ ဒုတိယဗိုလ်ချုပ်ကြီး ထွန်ထွန်းနောင်၊ နှင့်တာဝန်ရှိသူများ တက်ရောက်ကြပြီး အာရှရေး ရာအထူး ကိုယ်စားလှယ်နှင့်အတူ မြန်မာနိုင်ငံဆိုင်ရာ တရုတ်နိုင်ငံသံရုံးမှ တာဝန်ရှိ သူများ တက်ရောက်ခဲ့ကြပါတယ်။

ဗိုလ်ချုပ်မှူးကြီးနှင့် အာရှရေးရာအထူးကိုယ်စားလှယ်တို့သည် တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်း ရေးတွေ့ဆုံဆွေးနွေးမှုများ ဆောင်ရွက်လျက်ရှိသကဲ့သို့ ငြိမ်းချမ်းရေးလုပ်ငန်းစဉ်များတွင် တရုတ်နိုင်ငံ အနေဖြင့်  ကူညီဆောင်ရွက်ပေးလျက်ရှိမှုအခြေအနေများ၊ မူးယစ်ဆေးဝါး  တားဆီး ကာကွယ်ရေး၊ အွန်လိုင်းလောင်းကစားမှု  များနှင့် အွန်လိုင်းလိမ်   လည်မှုများပပျောက်စေရေးနှစ်နိုင်ငံပူးပေါင်းဆောင်ရွက်လျက်ရှိသည့်ကိစ္စရပ်များ၊ နှစ်နိုင်ငံ နယ်စပ်ဒေသကုန်သွယ်ရေးကိစ္စရပ်များ၊ မြန်မာနိုင်ငံ၏နိုင်ငံရေးဖြစ်ပေါ်ပြောင်းလဲမှု အခြေအနေတွေကို ဆွေးနွေး ခဲ့ကြတာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

အာရှရေးရာအထူးကိုယ်စားလှယ်သည် တရုတ်နိုင်ငံ၊ကူမင်းမြို့တွင်ကျင်းပလျက်ရှိနေသည့် မြန်မာနိုင်ငံ၏ အပစ် အခတ်ရပ်စဲရေးနှင့် ငြိမ်းချမ်း ရေးဆွေးနွေးပွဲများတွင် ကြားဝင်ညှိနှိုင်းဆောင်ရွက်ပေး  နေသူဖြစ်ကြောင်းသိရှိရ  ပါတယ်။

-ymg/knl

ဂျပန်ကာကွယ်ရေး အသုံးစရိတ်မြှင့်တင်မယ့် အစိုးရလှုပ်ရှားမှုကို ဆန့်ကျင်ရန်အတွက် ဂျပန်နိုင်ငံသားအချိုဟာ တိုကျိုမြို့ ရှင်ဂျူကူဘူတာရုံ အပြင်ဘက်မှာ ကြာသပတေးနေ့က စုရုံးခဲ့ကြပါတယ်။
#Asia_News
Published_ 1 April 2024
#ပြည်သူအချို့ကန့်ကွက်ဆန္ဒပြ #ဂျပန်အစိုးရ၏ကာကွယ်ရေးအသုံးစရိတ်မြှင့်တင်
#YMG_News #Yangon_Times #Yangon_Media_Group

#Daily_News
Published_ 1 April 2024

၁။ သင်္ကြန်ကာလအတွက် ကြိုတင်ဝယ်ယူမှုများတာကြောင့် ကြက်သွန်ဖြူဈေးပြန်မြင့်လာ

၂။ အယ်နီညိုကြောင့် အပူဆုံးစံချိန်သစ်တင်ခဲ့သည့် ဒေသ(၇)ခုရှိ၊ ဒေသ(၁၂)ခုပုံမှန်ထက်ပိုပူဦးမည်

၃။ မော်လမြိုင်နှင့်ချောင်းဆုံမြို့ပေါ်ရှိ စစ်ဘေးရှောင်များအတွက် စားနပ်ရိက္ခာနှင့်ရေလိုအပ်နေ

၄။ ဂျပန်အစိုးရ၏ကာကွယ်ရေးအသုံးစရိတ်မြှင့်တင်ရေးအစီအစဥ်အား ပြည်သူအချို့ကန့်ကွက်ဆန္ဒပြ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Publiahed 1 April 2024

မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ (၆၅)လမ်းနှင့် (၁၃၉)လမ်းကြားတွင် နေအိမ် နှင့်ဈေးဆိုင်တစ်ဆိုင် တို့ မီးလောင်ကျွမ်းမှု ဖြစ်ပွားခဲ့ကြောင်း မီးသတ်တပ်ဖွဲ့ထံက သိရသည်။

ဧပြီ ၁ရက် မွန်းတည့် ၁၂နာရီ ၂၇မိနစ် ခန့်က လောင်ကျွမ်း ခဲ့ ခြင်း ဖြစ်ကာ မီးသတ်တပ်ဖွဲ့ မှlevel 1 ယာဉ်အုပ်စု ဖြင့်ထွက်ခွာငြှိမ်းသတ် ခဲ့သဖြင့် ၁၂နာရီ ၄၈ မိနစ် တွင် မီးငြိမ်းခဲ့ကြောင်း သိရသည်။

"ကိုယ်ပိုင်အထက်တန်းကျောင်းလောင်တာမဟုတ်ပါဘူး နေအိမ်နဲ့ ဈေးဆိုင်လောင်တာပါ "ဟု ပြည်ကြီးတံခွန် မြို့နယ်မှုး ဦးကျော်ကျော်ဦးက ရန်ကုန်မီဒီယာဂရုကိုပြောသည်။

မီးလောင်ခဲ့ သည့် စာရေးကိရိယာရောင်း၀ယ်ရေးဆိုင်အတွင်းမှမီးသတ်တပ်ဖွဲ့၀င်များမီးကြွင်းမီးကျန်များရှင်းလင်းမီးငြိမ်းသတ်နေစဉ် ရွှေဆွဲကြိုး ရွှေလက်ကောက် ရွှေလက်စွတ်များပြာပုံအတွင်းတွေ့ရှိ၍ပိုင်ရှင်ဖြစ်သူအားပြန်လည်အပ်နှံပေးခဲ့ကြောင်း မီးသတ်တပ်ဖွဲ့ထံက သိရသည်။

#Local_News#နေအိမ်နှင့် ဈေးဆိုင်မီးလောင် #YMG/LW #Yangon Times