#Local_News
Published 5 December 2024

▪️ လာမည့် ဒီဇင်ဘာ ၉ ရက်နေ့တွင် ပြုလုပ်မည့် အာဆီယံ ချန်ပီယံရှစ် AFF Mitsubishi Electric Cup 2024 အုပ်စု အဖွင့်ပွဲစဉ် ဖြစ်သည့်မြန်မာနှင့် အင်ဒိုနီးရှား ပွဲစဉ်ကြည့်ပရိတ်သတ်များအပြန် အဆင်ပြေစေရန် Bus ကားများ အခမဲ့စီစဉ်ပေးထားမည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ်မှ သိရသည်။

▪️ အဆိုပါ မြန်မာနှင့် အင်ဒိုနီးရှား ပွဲစဉ်အတွက် ပွဲကြိုလက်မှတ်များအား ဒီဇင်
ဘာ ၆ ရက်မှ စတင်၍  မြန်မာနိုင်ငံ ဘောလုံးအဖွဲချုပ်ရုံး၊ ဝေဇယန္တာလမ်းမကြီး၊ (သု၀ဏ္ဏကွင်းရှေ့)တွင် မနက်၁၀နာရီမှ၊ ညနေ ၄နာရီ အတွင်း ရောင်းချပေးသွားမည် ဖြစ်သည်။

▪️ ထို့အပြင် ပွဲနေ့ဖြစ်သည့် ဒီဇင်ဘာ၉ ရက်၊ သု၀ဏ္ဏကွင်းတွင်အထူးတန်း လက်မှတ်များအား ဂိတ်(၂)၊ ရိုးရိုးတန်း လက်မှတ်များအားဂိတ်(၈)တို့တွင် ရုံးချိန်အတွင်း ရောင်းချပေးသွားမည်ဖြစ်ကြောင်း ဆိုထားသည်။

▪️ လက်မှတ်ခနှုန်းထားများမှာ အထူးတန်း- ၅၀၀၀ ကျပ် ၊ရိုးရိုးတန်း- ၂၀၀၀ ကျပ် အထိ အသီးသီးရှိပြီး ပရိသတ်များ ပွဲပြီးအပြန် အဆင်ပြေစေရေးအတွက် နီးစပ်ရာနေရာများသို ရောက်ရှိနိုင်ရန် Bus ကားများ အခမဲ့စီစဉ်ထားကြောင်း သိရသည်။

#YMG/NN #Yangon_Times

ရှမ်းပြည်နယ်က ပြောင်းစိုက်တောင်သူတွေရဲ့ စိုက်ဧကခုနှစ်သိန်းကျော်ကို ပြောင်းခင်းခြေရာခံတဲ့ စနစ်စတင်ဖော်ဆောင်နေတယ်လို့ မြန်မာနိုင်ငံပြောင်းလုပ်ငန်းအသင်းကနေ သိရပါတယ်။
#Local_News
Published 5 December 2024
#ပြောင်းခင်းခြေရာခံစနစ် #ရှမ်းပြည်နယ်
#YMG/NN #Yangon_Times

လက်ရှိကျင်းပနေတဲ့ ယူနက်စကိုရဲ့(၁၉) ကြိမ်မြောက် ကမ္ဘာ့ဒြပ်မဲ့ယဉ်ကျေးမှုအမွေအနှစ်ဆိုင်ရာ ညီလာခံမှာ မြန်မာ့ရိုးရာအတာသင်္ကြန်ကို မြန်မာတို့ရဲ့ ကိုယ်ပိုင်ဒြပ်မဲ့ယဉ်ကျေးမှုအဖြစ် အတည်ပြုမဲခွဲဆုံးဖြတ်သွားဖို့ရှိတယ်လို့ သိရပါတယ်။
#Local_News
Published 5 December 2024
#ကမ္ဘာ့ဒြပ်မဲ့ယဉ်ကျေးမှု #မြန်မာ့ရိုးရာအတာသင်္ကြန်
#YMG/SW#Yangon_Times

#World_News
Published 05 December 2024

▪️ မြောက်ကိုရီးယားနဲ့ ရုရှားတို့ ဇွန်လက သဘောတူညီခဲ့တဲ့ ဘက်စုံမဟာဗျူဟာမြောက် မိတ်ဖက်ဆက်ဆံမှု သဘောတူစာချုပ်ဟာ ဗုဒ္ဓဟူးနေ့က မော်စကိုမှာ စာရွက်စာတမ်းများ လက်မှတ်ရေးထိုးဖလှယ်ခဲ့ကြကာ စတင်အသက်ဝင်လာပြီဖြစ်ကြောင်း မြောက်ကိုရီးယား သတင်းအေဂျင်စီ KCNA က ဖော်ပြပါတယ်။

▪️ ဇွန်လက ပြုံယမ်း ထိပ်သီးအစည်အဝေးမှာ ရုရှားသမ္မတ ဗလာဒီမာပူတင်နဲ့ မြောက်ကိုရီးယားခေါင်းဆောင် ကင်မ်ဂျုံအန်းတို့ တွေ့ဆုံစဉ် သဘောတူ လက်မှတ်ရေးထိုးခဲ့ကြတာ ဖြစ်ပြီး တစ်နိုင်ငံမှ လက်နက်အင်အားဖြင့် တိုက်ခိုက်ခံရပါက စစ်ရေးကူညီပြီး အပြန်အလှန် ကာကွယ်ဖို့ ပါဝင်ပါတယ်။

▪️ အဆိုပါ သဘောတူစာချုပ်ဟာ လွှမ်းမိုးချုပ်ကိုင်မှု၊ ချုပ်ချယ်မှုများမရှိဘဲ လူမျိုးပေါင်းစုံပါဝင်ပြီး လွတ်လပ်တဲ့ ကမ္ဘာကြီး ထူထောင်ရေးကို အရှိန်မြှင့်နိုင်မယ့် အင်အားတစ်ခုဖြစ်လာမယ်လို့ KCNA က ဖော်ပြထားပါတယ်။

▪️ ရုရှားနဲ့ ယူကရိန်းစစ်ပွဲ တင်းမာမှုမြင့်တက်နေပြီး မြောက်ကိုရီးယားတပ်သား ၁သောင်းကျော်ကို ရုရှားဘက်ကနေ တိုက်ခိုက်ရန် နေရာချထားချိန်မှာ ပူတင်က စစ်ရေးပူးပေါင်းမှု ဆက်လက်တိုးမြှင့်ရန် ပူတင်က သဘောတူခဲ့တာ ဖြစ်ပါတယ်။

▪️ မြောက်ကိုရီးယားကနေ လက်နက်ခဲယမ်းများ၊ ဟောင်ဝစ်ဇာများ၊ ဒုံးကျည်လောင်ချာများပါတဲ့ ကွန်တိန်နာထောင်ချီ တင်ပို့ပေးထားတယ်ဆိုတာကို နှစ်နိုင်ငံစလုံးမှ ငြင်းဆိုထားပါတယ်။

#Source: Reuters

#Local_News
Published 5 December 2024

▪️ ပိုးသတ်ဆေးမှတ်ပုံတင်အဖွဲ့၏ (၄၄)ကြိမ်မြောက် အစည်းအဝေး၌ ပိုးသတ်ဆေးအမျိုးပေါင်း ၁၄၆ မျိုးအား မှတ်ပုံတင်ခွင့်ပြုပေးနိုင်ရေးတင်ပြထားကြောင်း  စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနမှ သိရသည်။

▪️ ပိုးသတ်ဆေးမှတ်ပုံတင်အဖွဲ့၏ (၄၄)ကြိမ်မြောက် အစည်းအဝေးကို ယမန်နေ့က  အစည်းအဝေးတွင် ပိုးသတ်ဆေးမှတ်ပုံတင်အဖွဲ့ဥက္ကဋ္ဌ ဒုတိယဝန်ကြီးက မိမိတို့နိုင်ငံသည် စိုက်ပျိုးရေးနိုင်ငံဖြစ်သည့် အားလျော်စွာ စိုက်ပျိုးထုတ်ကုန်များ အထွက်နှုန်းတိုးတက်ကောင်းမွန်စေရေးအတွက် ပိုးမွှားကာကွယ်ရေးလုပ်ငန်းများတွင် အရေးပါသည့် ပိုးသတ်ဆေးများ အရည်အသွေး ပြည့်မီရေး၊ သဘာဝပတ်ဝန်းကျင်အပေါ် ထိခိုက်မှုမဖြစ်ပေါ်စေရေးနှင့် စားသုံးသူဘေးကင်းလုံခြုံရေးအတွက် ပိုးသတ်ဆေးမှတ်ပုံတင်အဖွဲ့က ထိန်းကျောင်းကြပ်မတ်ပြီး ပိုးသတ်ဆေးဥပဒေပါပြဋ္ဌာန်းချက်များကို လိုက်နာမှုမရှိသူများ၊ ဖောက်ဖျက်ကျူးလွန်သူများ လျော့နည်းပပျောက်သွားသည်အထိ ပိုးသတ်ဆေးဥပဒေ ဥပဒေလုပ်ထုံးလုပ်နည်းပါ သတ်မှတ်ထားသည့်အတိုင်း အရေးယူဆောင်ရွက်မှုများ တိတိကျကျ ဆောင်ရွက်ရန်လိုအပ်ကြောင်း၊

▪️ ရေရှည်တွင် ပိုးသတ်ဆေး၊ မှိုသတ်ဆေး၊ ပေါင်းသတ်ဆေးများ လျှော့ချသုံးစွဲနိုင်ရေးအတွက် မျှတသော ဂေဟစနစ်ကိုအခြေခံသည့် စိုက်ပျိုးထုတ်လုပ်မှုထွန်းကားလာစေရေး ကြိုးစားကြရမည်ဖြစ်ကြောင်း၊ အလားတူ မြန်မာနိုင်ငံမှထုတ်လုပ်သည့် စိုက်ပျိုးရေးနှင့်မွေးမြူရေးထွက်ကုန်ပစ္စည်းများကို အပြည်ပြည်ဆိုင်ရာ (Food Safety Standard) များနှင့်အညီ ညီညွတ်စေရေး လေ့လာဆောင်ရွက်နိုင်ရေးအတွက် မိမိတိုပိုးသတ်ဆေး မှတ်ပုံတင်အဖွဲ့ဝင်များအနေဖြင့် ပွင့်ပွင့်လင်းလင်းဆွေးနွေးကြစေလိုကြောင်း ပြောကြားသည်။

▪️ ထို့နောက် ပိုးသတ်ဆေးမှတ်ပုံတင်အဖွဲ့အတွင်းရေးမှူးက ပိုးသတ်ဆေးမှတ်ပုံတင်အဖွဲ့၏ (၄၄)ကြိမ်မြောက် အစည်းအဝေးတွင် ပိုးသတ်ဆေးအမျိုးပေါင်း ၁၄၆ မျိုးအား မှတ်ပုံတင်ခွင့်ပြုပေးနိုင်ရေး တင်ပြရာအစည်းအဝေး တက်ရောက်လာကြသူများက သက်ဆိုင်ရာကဏ္ဍများအလိုက် ဝိုင်းဝန်းဆွေးနွေးဆောင်ရွက်ကြကြောင်း သိရသည်။

အဆိုပါ ပိုးသတ်ဆေးမှတ်ပုံတင်အဖွဲ့၏ (၄၃)ကြိမ်မြောက် အစည်းအဝေးပြီးဆုံးသည့် ကာလအထိ ပိုးသတ်ဆေး စုစုပေါင်း ၄၂၈၇ မျိုးကို မှတ်ပုံတင်ခွင့်ပြုခဲ့ပြီးဖြစ်ကြောင်း သိရသည်။

#YMG/NN #Yangon_Times

#World_Health
Published 05 December 2024

▪️ အသင့်စား ခေါက်ဆွဲထုပ်တွေက ပြုလုပ်ရလွယ်ကူပြီး အရသာရှိတာကြောင့် လူအများ လွယ်လင့်တကူ ဝယ်ယူစားသုံးနေကြပါတယ်။

▪️ ဒါပေမဲ့ ကျန်းမာရေးနဲ့ မညီညွတ်တဲ့ ပါဝင်ပစ္စည်းများကြောင့် ပုံမှန်စားသုံးပါက ကျန်းမာရေးပြဿနာများ ဖြစ်လာနိုင်ပါတယ်။

▪️ ရံဖန်ရံခါမှ စားသုံးတာက ကိစ္စမရှိပေမယ့် ဒါကိုပဲ မှီခိုစားနေရင်တော့ ပြဿနာဖြစ်လာနိုင်ပါတယ်။

▪️ (၁) ဆိုဒီယမ်ပါဝင်မှုများခြင်း - အသင့်စားခေါက်ဆွဲထုပ်တွေမှာ အနံ့အရသာ ကောင်းမွန်ပြီး ကြာရှည်ခံစေဖို့ ဆားနဲ့ပြုလုပ်ရတာကြောင့် သွေးပေါင်ချိန်တိုးခြင်း၊ ကျောက်ကပ်ထိခြင်း၊ နှလုံးရောဂါတို့ ဖြစ်နိုင်ခြေ များစေပါတယ်။

▪️ (၂) မကောင်းတဲ့အဆီများပါဝင်ခြင်း - ခေါက်ဆွဲပုံစံဖြစ်ပြီး ကြာရှည်ခံဖို့ ဆီထဲထည့်ကြော်တဲ့အတွက် မကောင်းတဲ့ ကိုလက်စ်ထရောလ်များ ပါဝင်ကာ နှလုံးသွေးကြောရောဂါများ ဖြစ်နိုင်ခြေ များစေပါတယ်။

▪️ (၃) အာဟာရဓာတ်မပါဝင်ခြင်း - သန့်စင်ပြီးသား ဂျုံမှုန့်တွေနဲ့ အဓိကပြုလုပ်ထားတာကြောင့် စွမ်းအင်အတွက် လိုအပ်တဲ့ အာဟာရဓာတ်များ မပေးနိုင်ပါဘူး။

▪️ (၄) တာရှည်ခံဆေးများပါဝင်ခြင်း - TBHQ တာရှည်ခံဆေးများကို ပုံမှန်စားမိတဲ့အခါ မူးဝေခြင်းနဲ့ ရေရှည်မှာ အင်္ဂါထိခိုက်ခြင်းတို့ ဖြစ်စေနိုင်ပါတယ်။

▪️ (၅) အစာခြေစနစ်ကိုနှောင့်ယှက်ခြင်း - သန့်စင်ပြီးဂျုံမှုန့်က အစာကြေဖို့ ခက်ခဲပြီး ဝမ်းချုပ်ခြင်း၊ ဝမ်းဖောခြင်းတို့ ဖြစ်နိုင်တဲ့အပြင် အူလမ်းကြောင်း ကျန်းမာရေးကိုလည်း ထိခိုက်စေပါတယ်။

▪️ (၆) ဇီဝဖြစ်စဉ်ရောဂါဖြစ်နိုင်ခြင်း - သွေးပေါင်ချိန်များခြင်း၊ သွေးတွင်းသကြားဓာတ်များခြင်း၊ ကိုလက်စ်ထရောလ်ပမာဏ ပုံမှန်မဖြစ်ခြင်းတို့ ဖြစ်စေနိုင်ကာ ဆီးချိုရောဂါ၊ နှလုံးရောဂါ၊ လေဖြတ်ခြင်းတို့ ဖြစ်နိုင်ပါတယ်။

▪️ (၇) ကိုယ်အလေးချိန်တက်နိုင်ခြင်း - ကယ်လိုရီများပြီး အာဟာရတန်ဖိုး နည်းတာကြောင့် ကိုယ်အလေးချိန် တက်လာနိုင်ပါတယ်။

▪️ (၈) ရေရှည်ကျန်းမာရေးအတွက် မသင့်လျော်ခြင်း - အသင့်စားခေါက်ဆွဲတွေပဲ စားပါက အသီးများ၊ ဟင်းရွက်များစတဲ့ ကျန်းမာရေးနဲ့ ညီညွတ်တဲ့ အစားအစာများ မစားမိတာကြောင့် အာဟာရချို့တဲ့လာနိုင်ပါတယ်။

#Source: DoctorNDTV

#Local_News
Published 5 December 2024

▪️ ပြည်ပတင်ပို့မှု လုံးဝမရှိသော ပြည်တွင်းစားဆန်များကို စျေးကစားမှုမပြုလုပ်ပဲ ရည်ညွှန်းဈေးအတိုင်းသာ ရောင်းဝယ်ရန် မြန်မာနိုင်ငံဆန်စပါးအသင်းချုပ်(MRF )က တိုက်တွန်းထုတ်ပြန်ထားသည်။

▪️ ပြည်တွင်းစားဆန်များဖြစ်သည့် ရွှေဘိုပေါ်ဆန်း၊ဧရာဝတီပေါ်ဆန်း၊ ဧရာမင်း၊ ဧရာပဒေသာ၊ မဂျမ်းတော၊မနေသုခစသည့် ဆန်အမျိုးအစားများကို သိုလှောင်ဈေးကစားမှုများ(လုံးဝ) မပြုလုပ်ရန်နှင့် ရည်ညွှန်းဈေးသတ်မှတ်ချက်အတိုင်းသာ ရောင်းဝယ်ရန် တိုက်တွန်းထားပြီး လက်ရှိတွင် အဆိုပါ ပြည်တွင်းစားဆန်ပေါ်ဆန်းများကို ပြည်ပ ပို့၍ဈေးတက်သည်၊ သဘာဝဘေးဒဏ်ကြောင့် အထွက် အလွန်ထိခိုက်သည်ဆိုကာ ရည်ရွယ်ချက်ရှိရှိဖြင့် အချို့သောကုန်သည်များမှ ထုတ်ပြန်လာသည့် သတင်းများမှာ သတင်းအမှားသာဖြစ်ကြောင်း ထုတ်ပြန်ချက်တွင်ရေးသားထားသည်။

▪️ ထို့အပြင်ယခုကာလအတွင်း လူမှုကွန်ရက်စာမျက်နှာများတွင် ဆန်ဈေးနှုန်းများကို တိုးမြှင့်ရောင်းချသည့် ကြော်ငြာများအားတွေ့ရှိလာရခြင်း၊ ဈေးကွက်အတွင်း၌လည်း ဆန်ဈေးနှုန်းများကို ရည်ညွှန်းဈေးထက် ပိုမိုတိုးမြှင့်ရောင်းချမှုများကိုတွေ့ရှိရခြင်း၊ အထူးသဖြင့် ရွှေဘိုပေါ်ဆန်း၊ ဧရာဝတီပေါ်ဆန်း ဆန်များကို စပါးသစ်ပေါ်ချိန်တွင် ဈေးကိုမြှင့်တင်ရန် ရည်ရွယ်ချက်ရှိရှိ လုပ်ဆောင်မှုအချို့ကို ကြားသိနေရကြောင်း ၊ထို့ကြောင့်စပါးအသစ်ပေါ်ချိန် ရွှေဘိုနှင့် ဧရာဝတီပေါ်ဆန်း ဆန်များကို ရည်ရွယ်ချက်ရှိရှိ ဈေးမြှင့်တင်ရောင်းချပါက အရေးယူသွားမည်ဖြစ်ကြောင်း မြန်မာနိုင်ငံဆန်စပါးအသင်းချုပ်က ထုတ်ပြန်ထားသည်။

#YMG/SW#Yangon_Times

#World_Science
Published 05 December 2024

▪️ ကမ္ဘာ့သက်တမ်းအရင့်ဆုံး အက္ခရာစာလုံး အရေးအသားများကို ဆီးရီးယားရှိ သင်္ချိုင်းတစ်ခုကို တူးဖော်ရင်း လက်ချောင်းအရှည်ရှိတဲ့ ရွှံ့အိုးတွေမှာ ရှေးဟောင်းသုတေသန ပညာရှင်များ တွေ့ရှိခဲ့ကြပါတယ်။

▪️ ထိုစာတွေဟာ ၂၄၀၀ဘီစီဝန်းကျင်လောက်က ဖြစ်မယ်လို့ အမေရိကန် ဂျွန်ဟော့ကင်းစ်တက္ကသိုလ်မှ သုတေသီများ တွေ့ရှိခဲ့ပါတယ်။

▪️ အက္ခရာအရေးအသားတွေက လူတွေ နေထိုင်ပုံ စဉ်းစားတွေးတောပုံ ဆက်သွယ်ပုံတို့ကို ပြောင်းလဲစေတယ်လို့ ရှေးဟောင်းသုတေသီ ဂလန်းရှဝါ့ဇ်က ပြောပါတယ်။

▪️ ထိုအရေးအသားပုံစံက အထက်တန်းလွှာတွေအပြင် အခြားလူတွေပါ အသုံးပြုနိုင်တဲ့အတွက် ပြုပြင်ပြောင်းလဲလာတဲ့ ဘာသာစကား ဖြစ်နိုင်တယ်လို့ ပညာရှင်များ ဆိုပါတယ်။

▪️ ထိုလူတွေဟာ နေရာဒေသအမျိုးမျိုးကနေ ဆက်သွယ်ရေး နည်းပညာအသစ်များ စမ်းသပ်နေခဲ့ကြတယ်လို့ တွေ့ရှိခဲ့ကြပါတယ်။

▪️ ရွှံ့အိုးပေါ်က ပေါက်ထွင်းရာလေးတွေက အခြားပစ္စည်းနဲ့ ဆက်စပ်နေနိုင်တယ်လို့ သိရပါတယ်။

▪️ ရွှံအိုးထဲမှာ ပါတဲ့ဟာတွေ၊ ဘယ်ကလာလဲဆိုတာတွေ၊ ဘယ်သူပိုင်လဲ ဆိုတာတွေကို ဖော်ပြထားတာ ဖြစ်နိုင်တယ်လို့ ဒေါက်တာရှဝါ့ဇ်က ရှင်းပြပါတယ်။

▪️ ကာဗွန်အချိန်ပြ နည်းပညာများအသုံးပြုပြီး အုတ်ဂူတွေ၊ ရှေးဟောင်းပစ္စည်းတွေ, အရေးအသားတွေဟာ ၂၄၀၀ဘီစီလောက်က ဖြစ်မယ်လို့ အတည်ပြုတာ ဖြစ်ပါတယ်။

▪️ ယခင်ကတော့ အက္ခရာကို ၁၉၀၀ဘီစီအီးနောက်ပိုင်း အီဂျစ်တဝိုက်မှာ ဖန်တီးခဲ့တယ်လို့ ထင်ထားပေမယ့် ယခုတွေ့ရှိချက်တွေက ကွဲပြားတဲ့နေရာကဖြစ်ပြီး ပိုမိုသက်တမ်းရင့်တယ်လို့ ဆိုနေကြပါတယ်။

#Source: WION

၂၉ကြိမ်မြောက် အာရှတီဗီဆုပေးပွဲကို အင်ဒိုနီးရှားနိုင်ငံ ဂျာကာတာမှာ ကျင်းပခဲ့ပြီး ဂီတ၊ ဖန်တီးမှု၊ ဇာတ်ကြောင်းတိုကို ပေါင်းစပ်ပြီး အာရှရုပ်သံတွေရဲ့ အကောင်းဆုံးတွေကို ဂုဏ်ပြုခဲ့ကြပါတယ်။
#Asia_Event
Published 4 December 2024
#အာရှရုပ်သံဆုပေးပွဲ #ဂျာကာတာ
#YMG #Yangon_Times #Yangon_Media_Group

#Daily_News
Published 4 December 2024

၁။ ‌အမျိုးသားကန်တော်ကြီးဥယျာဉ်(ပြင်ဦးလွင်)၏ နှစ်(၁၀၀)ပြည့် အထိမ်းအမှတ် ပန်းပွဲတော်ကျင်းပမည်

၂။ နိုဝင်ဘာလအတွင်းပြည်ပသို့ ဆန်နှင့်ဆန်ကွဲတန်ချိန်သုံးသိန်းကျော်တင်ပို့ထားပြီး အင်ဒိုနီးရှားသို့ ဆန်အများဆုံးတင်ပို့

၃။ အထည်ချုပ်လုပ်ငန်းများ အလုပ်သမားအခက်အခဲများကြုံနေ

၄။ (၂၉)ကြိမ်မြောက် အာရှရုပ်သံဆုပေးပွဲအား အင်ဒိုနီးရှားနိုင်ငံဂျာကာတာတွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 4 December 2024

▪️ မြန်မာနိုင်ငံသို့ ခေတ္တပြန်လိုသည့် စင်ကာပူနိုင်ငံရောက်PV အမျိုးအစားနိုင်ငံကူးလက်မှတ် ကိုင်ဆောင်ထားသည့် မြန်မာနိုင်ငံသားများကို PJ အမျိုးအစားနိုင်ငံကူးလက်မှတ်သို့ ပြောင်းလဲပေးမည်ဟု စင်ကာပူရှိ မြန်မာသံရုံးက ထုတ်ပြန်လိုက်သည်။

▪️ ထိုသို့ပြောင်းလဲထုတ်ပေးရာတွင် စင်ကာပူနိုင်ငံ၌ အလုပ်လုပ်ကိုင်ပြီး ဝင်ငွေခွန် ပေးဆောင်ကြသည့် မြန်မာနိုင်ငံသားများအား မြန်မာနိုင်ငံသို့ ခေတ္တပြန်လိုသည့် အခြေအနေအရ PV အမျိုးအစားမှ PJ အမျိုးအစားနိုင်ငံကူးလက်မှတ်သို့ ပြောင်းလဲဆောင်ရွက်ပေးမည်ဖြစ်ကြောင်း၊PV အမျိုးအစား နိုင်ငံကူးလက်မှတ်နှင့် စင်ကာပူနိုင်ငံတွင် အလုပ်လုပ်ကိုင်၍ နေထိုင်ခွင့်ကတ် ကိုင်ဆောင်ကြသည့် မြန်မာနိုင်ငံသားများမှာ ဝင်ငွေခွန်ပေးဆောင်ပြီး မှတ်တမ်းများနှင့် မြန်မာနိုင်ငံသို့ ခေတ္တပြန်ဝင်ရောက်အပြီး စင်ကာပူနိုင်ငံသို့ ထွက်ခွာရန် ရန်ကုန်အပြည်ပြည်ဆိုင်ရာ လေဆိပ်တွင်လည်းကောင်း၊ OWIC ကတ်ပြုလုပ်ရာတွင်လည်းကောင်း အဆင်မပြေမှုများနှင့် ကြုံတွေ့ရကြောင်း၊ စင်ကာပူရှိ မြန်မာသံရုံးမှ ကူညီမှုပြုရေး ဆက်သွယ်ပြောကြားမှုများရှိနေကြောင်း သံရုံးက ထုတ်ပြန်သည်။

▪️ PV မှ PJ သို့ပြောင်းလဲနိုင်ရန်အတွက် အသွားအပြန် လေယာဉ်လက်မှတ်၊ သက်တမ်းရှိသည့် အလုပ်လုပ်ကိုင်ခွင့်ကတ်၊ နိုင်ငံကူးလက်မှတ်၊ အလုပ်ရှင်၏ ခွင့်စာ အစရှိသည်တို့ကို နှစ်ပတ်ကြိုတင်ရက်ချိန်းရယူရန်လိုအပ်ကြောင်း၊ နာရေးကဲ့သို့ အရေးပေါ်ကိစ္စဖြင့် မြန်မာနိုင်ငံသို့ ပြန်လိုသူများအနေဖြင့် ရက်ချိန်းရယူရန်အဆင်မပြေပါက သံရုံးသို့ နံနက် ၉ နာရီခွဲမှ ၁၁ နာရီအတွင်း လူကိုယ်တိုင်လာရောက်လျှောက်ထားနိုင်ကြောင်း ၊သာမန်အားဖြင့် PV အမျိုးအစားနိုင်ငံကူးလက်မှတ် ကိုင်ဆောင်သူများအနေဖြင့် သက်တမ်းကုန်ဆုံးရက် ၁၄ လအောက်မှသာ PJ အမျိုးအစားသို့ ပြောင်းလဲလျှောက်ထားခြင်းဖြင့် မလိုလားအပ်သည့် အချိန်ကုန်၊ ငွေကုန်ခြင်းမှ ရှောင်ရှားနိုင်ရန် သံရုံးနှင့် ပူးပေါင်းဆောင်ရွက်ပေးရန် မေတ္တာရပ်ခံအပ်ကြောင်း  မြန်မာသံရုံး၏ သတင်းထုတ်ပြန်ချက်တွင် ဖော်ပြထားသည်။

#YMG/SW#Yangon_Times

မြန်မာနိုင်ငံရဲ့ ထုတ်ကုန်‌တွေကို ဂျပန်နိုင်ငံနဲ့ နိုင်ငံတကာဈေးကွက်ကို ထိုးဖောက် ဝင်ရောက်နိုင်ဖို့နဲ့  မြန်မာ့ပို့ကုန်‌တွေပြည်ပကို တိုးမြှင့်တင်ပို့နိုင်ဖို့ ရည်ရွယ်ပြီး အာဆီယံ-ဂျပန်စင်တာနဲ့ ပူးပေါင်းကာ စီမံကိန်း‌တွေကို အကောင်အထည်ဖော် ဆောင်ရွက်လျက်ရှိတယ်လို့ တိုကျိုမြို့ရှိ မြန်မာသံရုံးမှ သိရပါတယ်။
#Local_News
Published 4 December 2024
#တိုကျိုမြို့ရှိမြန်မာသံရုံး #အာဆီယံ-ဂျပန်စင်တာ
#YMG/SW#Yangon_Times