နွေစပျစ်သီးများ တစ်ပိသာကျပ်တစ်သောင်းအထိ ဈေးကောင်းရ
' နွေရာသီမှာ ကျန်သစ်သီးဝလံအထွက်နည်းချိန်မှာ ရာသီစာစပျစ်လေး ဈေးကောင်းရနေတာပါ  '
Yangon_Times/NN
#Local_News
#Published_ 04 April 2024
#YMG_News #Yangon_Times #Yangon_Media_Group

အခုတအားပူနေပေမယ့် သင်္ကြန်အကြိုနေ့ ဧပြီလ (၁၃)ရက်‌လောက် နီးရင် သင်္ကြန်မိုးရွာဖို့ရှိပြီး နေ့အပူချိန်အနည်းငယ် ကျဆင်းသွားနိုင်တယ်။
(မိုးလေဝသနှင့်ဇလဗေဒညွှန်ကြားမှုဦးစီးဌာန၊ညွှန်ကြားရေးမှူးဦးလှထွန်း)
Yangon_Times/tthl
#Local_News
#Published_ 04 April 2024
#YMG_News #Yangon_Times #Yangon_Media_Group

Published 4 April 2024

ရန်ကုန်တိုင်းဒေသကြီး သင်္ဃန်းကျွန်းမြို့နယ် တွင် ယာဥ်တစ်စီးမှဓာတ်တိုင်ဝင်ရောက်တိုက်မိပြီးယာဥ်ပေါ်ပိမှု ဖြစ်ပွားခဲ့ကြောင်း သုဝဏ္ဏပရဟိတ အသင်းထံမှ သိရသည်။

ဧပြီလ ၃ရက် ည ၁၁နာရီ အချိန်ခန့် က သင်္ဃန်းကျွန်းမြို့နယ် (က)ရပ်ကွက် နှင်းဆီကုန်းအဝိုင်း အနီး တွင် အိမ်စီးကားတစ်စီး မှ ဓါတ်တိုင်ကို ဝင်တိုက် မိ ပြီး တိုက်မိသည့်အရှိန် ဖြင့် ဓါတ်တိုင်မှာ ယာဉ်ပေါ်သို့ပိမိသွားခြင်း ဖြစ်ကြောင်း သိရသည်။

ယာဉ်တိုက်မှု ဖြစ်သည့်နေရာသို့ ပရဟိတ အသင်းများ မှ လာရောက်ကူညီ ပေးခဲ့ကြောင်း သိရသည်။

အဆိုပါ ယာဉ် မောင်းသူမှာ အမျိုးသမီး တစ်ဦး ဖြစ် ပြီး ယာဉ်တိုက် မှု ကြောင့် ထိခိုက် ဒဏ်ရာ ရရှိ မှု မဖြစ်ခဲ့ကြောင်းသိရသည်။
Yangon_Times/LW
#Local_News
#Published_ 04 April 2024
#YMG_News #Yangon_Times #Yangon_Media_Group

'  ပြည်တွင်းစား ဆန်ချော‌ဈေးကွက်အေးလို့ တစ်အိတ်ကျပ်ငါးထောင်အထိ ကျဆင်းလာပါတယ်၊ သက်ြန်ကာလပြီး
ရင်တော့ အရောင်းအဝယ် ပုံမှန်ပြန်လာနိုင်တယ်၊ ဈေးတက်ဖို့တော့မမျှော်လင့်ပါဘူး '
Yangon_Times/NN
#Local_News
#Published_ 04 April 2024
#YMG_News #Yangon_Times #Yangon_Media_Group

Published 4 April 2024

 နေပြည်တော်လေဆိပ်၏အရှေ့ဘက်မှ ယနေ့ ဧပြီလ၄ ရက် နံနက် ၁၀နာရီခွဲအချိန်က
ဒရုန်း ၄ စင်းပျံသန်းလာရာ လေဆိပ်ရှိ လေကြောင်းရန်ကာကွယ်ရေးတပ်ဖွဲ့များက အဆိုပါ ဒရုန်းများကို အောင်မြင်စွာပစ်ချဖျက်ဆီးခဲ့ကြောင်း နစကသတင်းထုတ်ပြန်ရေးအဖွဲ့ကထုတ်ပြန်လိုက်သည်။

အလားတူ နေပြည်တော်၊ ဇေယျာသီရိမြို့နယ်၏ အရှေ့တောင်ဘက်မှ ဒရုန်း ၃ စင်း ပျံသန်းဝင်ရောက်လာမှုကိုလည်း လေကြောင်းရန်ကာကွယ်ရေးတပ်ဖွဲ့က ပစ်ချဖျက်ဆီးခဲ့ကြောင်းသိရသည်။

၎င်းဖြစ်စဉ်များ၌ လူ၊ အဆောက်အဦ ထိခိုက်ပျက်စီးမှုမရှိခဲ့ကြောင်းနှင့် လုံခြုံရေးတပ်ဖွဲ့ဝင်များက လုံခြုံရေး ဆိုင်ရာကိစ္စများ ဆက်လက်ဆောင်ရွက်လျက်ရှိကြောင်းသိရသည်။
Yangon_Times/PP
#Local_News
#Published_ 04 April 2024
#YMG_News #Yangon_Times #Yangon_Media_Group

သင်္ကြန်ကာလနီးတဲ့အတွက် ကြက်သွန်နီက အရမ်းရောင်းကောင်းတယ် အရင်ထက်ကိုနှစ်ဆလောက် ရောင်းရတယ် ဒါပေမယ့် ကြက်သွန်နီက ဈေးမတတ်ဘူး သယ်ယူစရိတ်က အရင်ထက် ဈေးမြင့်လာတယ် အရင်က တစ်ပိသာကိုသယ်ခက ၁၃၀ကျပ်ကနေ အခု ၁၇၀ကျပ် ပေးရတယ် ဒါကြောင့် လာမယ့်အပတ်ထဲမှာ ကြက်သွန်နီဈေးက ထက်တတ်ဖို့ ရှိတယ်လို့ ခန့်မှန်းတယ်ဟု ကြက်သွန်ပွဲရုံများထံက သိရသည်။
Yangon_Times/LW
#Local_News
#Published_ 04 April 2024
#YMG_News #Yangon_Times #Yangon_Media_Group

ရွှေတိဂုံစေတီတော် အရှေ့ဘက်မုခ် ကားလမ်းဝဲယာတစ်လျှောက်ရှိ ကျူးကျော်ဈေးတန်းတွေဟာ ရွှေတိဂုံစေတီတော်ရဲ့မြေနယ်နိမိတ်မဟုတ်လို့  စည်ပင်နဲ့ပေါင်းပြီး ရှင်းလင်းပေးခဲ့တယ်။စေတီတော် ဝတ္ထုကံမြေအတွင်းမှာ ဘုရားဖူးပြည်သူ‌တွေအသုံးပြုနိုင်ဖို့  သန့်စင်ခန်း‌တွေကို စနစ်တကျတည်ဆောက်ပေးထားပြီး ဝန်ထမ်း‌တွေ ခန့်ထားကာ သန့်ရှင်းရေးကို အချိန်ပြည့်ဆောင်ရွက်ပေးလျက်ရှိတယ်။
Yangon_Times/tthl
#Local_News
#Published_ 04 April 2024
#YMG_News #Yangon_Times #Yangon_Media_Group

4 April 2024

ရန်ကုန်ကန်တော်ကြီးထဲရှိကျောက်တောင်ပုံUTOPIA Towerကို မူလလက်ရာမပျက်ပြုပြင်နေကြောင်းရန်ကုန်မြို့တော်စည်ပင်သာယာ ရေးကော်မတီမှသိရသည်။

အဆိုပါ UTOPIA Tower သည် အထပ်ပေါင်း ၆ ထပ်ရှိပြီး အမြင့် ၉၆ ပေ ရှိကာUTOPIA Tower အဆောက်အဦအား စည်ပင် သာယာရေးကော်မတီအင်ဂျင်နီ ယာဌာန(အဆောက်အအုံ)မှ ပြန်လည်ပြုပြင်ဆောင်ရွက်နေခြင်းဖြစ်သည်။

UTOPIA Tower ပြုပြင်မွမ်းမံမှုကို ရန်ကုန်တိုင်းဒေသကြီး၊စည်ပင်သာယာရေးဝန်ကြီး၊ရန်ကုန်မြို့တော်စည်ပင်သာယာရေးကော်မတီဥက္ကဌ (မြို့တော်ဝန်) ဦးဗိုလ်ဌေးနှင့်အဖွဲ့ဝင်များကြည့်ရူ စစ်ဆေးခဲ့ပြီး မြို့တော်ဝန်က အဆောက်အဦအားမူလလက်ရာမပျက်သတ်မှတ်စံချိန်စံညွှန်းနှင့်အညီပြုပြင် ဆောင် ရွက်ရန် မှာကြားပြီး လိုအပ်သည်များ ဖြည့်ဆည်းဆောင်ရွက်ပေးခဲ့သည်။

ယင်းအပြင်မြို့တော်ဝန်နှင့်အဖွဲ့သည်  ဗဟန်းမြို့နယ်၊နတ်မောက်လမ်းရှိ ကန်တော်ကြီးသဘာဝဥယျာဉ်သို့သွားရောက်၍ အင်ဂျင်နီယာဌာန(ရေနှင့်သန့်ရှင်းမှု)မှ ကန်တော်ကြီးရေပြင် သန့်ရှင်းရေးအတွက် ရေမှော်များ၊ဒိုက်များ၊ကြာများနှင့်အမှိုက်များအား AQUAMARINE-2 စက်ဖြင့် ဆယ်ယူရှင်း လင်းနေမှုကိုကြည့်ရှုစစ်ဆေးပြီး မြို့တော်ဝန်က ဆယ်ယူရှင်းလင်းသည့် အမှိုက်များအား စနစ်တကျစွန့်ပစ်ရန် နှင့်ကန်တော်ကြီးရေပြင်ကြည်လင်သန့်ရှင်းရေးအလေးထားဆောင်ရွက်ရန်မှာကြားခဲ့ ကြောင်း၊

ကန်တော်ကြီးသဘာဝဥယျာဥ်ရှိ နံနက်ခင်းကျန်းမာရေးအားကစားလေ့ကျင့်ခန်းပြုလုပ်သည့် ဘဲဥပုံသဏ္ဌန်တံတားသို့သွားရောက်၍ အင်ဂျင်နီ ယာဌာန(လမ်းနှင့် တံတား)မှ ဆွေးမြေ့နေသည့်တံတားကြမ်းခင်းများပြန်လည်ပြုပြင်ဆောင်ရွက်ထားရှိမှုအားကြည့်ရှုစစ်ဆေးကာ လိုအပ်သည်များ ဖြည့်ဆည်းဆောင်ရွက်ပေးခဲ့ ကြောင်းသိရသည်။
Yangon_Times/tthl
#Published 04 April 2024
#Yangon_Media_Group
#YMG_News #Yangon_Times

Published 4 April 2024

ရန်ကုန်တိုင်းဒေသကြီး အတွင်းရှိ ခရိုင်/ မြို့နယ်များတွင် ဗဟိုမဏ္ဍပ် အပါအဝင် ရေကစားမဏ္ဍပ် ၂၀၀ကျော်၊ လမ်းလျှောက်သင်္ကြန် (၂)ခုတို့ဖြင့် မြန်မာ့ရိုးရာသင်္ကြန်ပွဲတော်ကို ကျင်းပသွားမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ ထံ မှ သိရသည်။

ရန်ကုန်တိုင်းဒေသကြီး ခရိုင်/ မြို့နယ်များတွင် ဗဟိုမဏ္ဍပ် ၄၃ ခု၊ ရေကစားမဏ္ဍပ် ၁၇၆ ခု၊ လမ်းလျှောက်သင်္ကြန် နှစ်ခုတို့ဖြင့် စည်ကားသိုက်မြိုက်စွာ ကျင်းပမည်ဖြစ်ကြောင်း သိရသည်။

မြန်မာ့ရိုးရာမဟာသင်္ကြန် ပွဲတော်ကို ပြည်သူ့ရင်ပြင်၌အများ ပြည်သူ ပျော်ရွှင်လွတ်လပ်စွာဖြင့် ပါဝင်ရေကစားနိုင်ရေး တိုင်းဒေသကြီး ဌာနဆိုင်ရာ ရေကစားမဏ္ဍပ် (၁၀) ခု၊ လမ်းလျှောက်သင်္ကြန် (၁)ခု၊ဖျော်ဖြေရေးမဏ္ဍပ် (၁)ခုနှင့် မြို့တော်ခန်းမတွင် ရန်ကုန် မြို့တော် မဟာသင်္ကြန်မဏ္ဍပ် နှင့် လမ်း လျှောက်သင်္ကြန်ကို ဆောင်ရွက်သွားမည်ဖြစ်ကြောင်း သိရသည်။

ထို့ပြင် ဖျော်ဖြေရေးအစီအစဉ်များ၊ စတုဒိသာ ကျွေးမွေးမည့် အစီအစဉ်များပါဝင်ကြောင်း၊ မြို့တော်ခန်းမ ရှေ့မဟာသင်္ကြန်မဏ္ဍပ်တွင် ဌာနဆိုင်ရာကိုယ်စားပြု ယိမ်းအဖွဲ့များ၊ ရုပ်ရှင်၊ ဂီတ၊ သဘင် အဖွဲ့များ၊ တိုင်းရင်းသားရိုးရာ ယဉ်ကျေးမှု အကအဖွဲ့များ၏ ဖျော်ဖြေမှုများဖြင့် နေ့စဉ်အလှည့်ကျ ဖျော်ဖြေတင်ဆက်သွားမည် ဖြစ်ကြောင်းလည်း သိရသည်။
Yangon_Times/LW
#Published 04 April 2024
#Yangon_Media_Group
#YMG_News #Yangon_Times

#World_News
Published 04 April 2024
ဗုဒ္ဓဟူးနေ့က ထိုင်ဝမ်မှာ ၂၅ နှစ်အတွင်း အင်အားအပြင်းထန်ဆုံး မြေငလျင်လှုပ်ခတ်သွားခဲ့ပြီး လူ ၉ ဦးသေဆုံးကာ ၉၀၀ ကျော် ဒဏ်ရာရရှိခဲ့ပါတယ်။

အမျိုးသားဥယျာဥ်ရှိ ဟိုတယ်တစ်ခုသို့ မီနီဘတ်စ်များဖြင့် ခရီးသွားနေတဲ့ အလုပ်သမား ၅၀ ကတော့ ပျောက်ဆုံးနေပါတယ်။

အင်အား ၇.၂ အဆင့်ရှိ မြေငလျင်ရဲ့ ဗဟိုချက်အနီးရှိ ဟွေလျန်ကောင်တီဒေသမှာ အချို့အဆောက်အအုံများ ဘေးအန္တရာယ်ရှိလောက်တဲ့အထိ တိမ်းစောင်းသွားခဲ့ပါတယ်။

ဒေသစံတော်ချိန် နံနက် ၈ နာရီမှာ ကမ်းလွန်ကို ဝင်ရောက်လာပြီး အကြီးအကျယ် မြေပြိုခြင်းများ ဖြစ်ပွားခဲ့ပါတယ်။
လူအချို့က တဲတွေ ခိုလှုံနေရာတွေမှာ ညအိပ်အနားယူနေရပြီး အရေးပေါ်ကယ်ဆယ်ရေးများက ထိခိုက်ပျက်စီးထားတဲ့ အဆောက်အအုံတွေကို ထောက်ခံထားဖို့ ကြိုးစားနေပါတယ်။

အန္တရာယ်ရှိနေတဲ့ အဆောက်အအုံတွေထဲက လူတွေအားလုံးကို ဖယ်ရှားထားပြီး တိုက် ၄ ခုကို ဖြိုချဖို့လုပ်နေပြီလို့ ဟွေလျန်မြို့တော်ဝန် ဆုချန်ဝေက ပြောပြပါတယ်။

နောက်ဆက်တွဲငလျင်ရိုက်ခတ်မှု အကြိမ် ၅၀ ကျော်ရှိခဲ့တယ်လို့ မိုးလေဝသဌာနက ဆိုပါတယ်။
သတင်းတွေကို တိုက်ရိုက်တင်ဆက်နေစဥ်မှာပဲ ငလျင်လှုပ်ခြင်းကို ရိုက်ကူးရရှိခဲ့ပါတယ်။
ပြည်သူတွေ အလုပ်၊ ကျောင်းများသို့ သွားနေစဥ်မှာ ငလျင်လှုပ်ခတ်ခဲ့တာ ဖြစ်ပြီး ဂျပန်တောင်ပိုင်းနဲ့ ဖိလစ်ပိုင်တို့မှာ ဆူနာမီသတိပေးချက် ထုတ်ပြန်ထားတာကို နောက်ပိုင်းမှာ ပြန်လည်ရုတ်သိမ်းခဲ့ပါတယ်။

ဟွေလျန်မြို့အနီး လိုဏ်ဂူတွေမှာ ပိတ်မိနေသူ ၇၀ ခန့်ကို ကယ်ထုတ်ထားတယ်လို့ မီးသတ်အဖွဲ့က ဆိုပါတယ်။
အခုအချိန်မှာ အရေးကြီးဆုံးက လူတွေကို ကယ်ဆယ်ရမှာဖြစ်တယ်လို့ ရွေးချယ်ခံသမ္မတ လဲ့ချင်တေက တိုက်အပျက်အစီးတစ်ခုနားမှာ ပြောကြားသွားပါတယ်။

အမေရိကန်က လိုအပ်တဲ့ အကူအညီများ ပံ့ပိုးရန်အသင့်ရှိနေတယ်လို့ ဆိုပါတယ်။
၁၉၉၉ ခုနှစ်က လှုပ်ခတ်ခဲ့တဲ့ အင်အား ၇.၆ အဆင့် မြေငလျင်ပြီးနောက်ပိုင်း  အကြီးမားဆုံးလှုပ်ခတ်ခဲ့တာဖြစ်တယ်လို့ ဗဟိုသတင်းဌာနက ထုတ်ပြန်လိုက်ပါတယ်။

Source: Reuters
#World_News
#Published 04 April 2024
#Yangon_Media_Group
#YMG_News #Yangon_Times

#World_Science
Published 04 April 2024
တရုတ်ပြည်ခေတ်ဆိုးစဥ်ကာလများအတွင်း အုပ်စိုးခဲ့တဲ့  ၆ ရာစုခေတ် တရုတ်ဘုရင်မင်းမြတ်တစ်ပါးရဲ့ ရုပ်ကြွင်းကျန်များမှ ရှေးဟောင်း ဒီအင်န်အေကို ရှေးဟောင်းသုတေသီများ ရှာဖွေတွေ့ရှိခဲ့ကြပြီး ဘုရင်ရဲ့ မျက်နှာကို ပြန်လည်ပုံဖော်တည်ဆောက်ခဲ့ကြပါတယ်။

ဧကရာဇ်ဝူဟာ တရုတ်ပြည် ကျိုးမြောက်ပိုင်းမင်းဆက် တစ်စိတ်တစ်ဒေသကို အုပ်စိုးခဲ့ပြီး ရုန်းရင်းဆန်ခတ်ကာလအတွင်း ရှေးခေတ်က တရုတ်မြောက်ပိုင်း စည်းလုံးညီညွတ်ရေးကို ဖော်ဆောင်ခဲ့ပါတယ်။

၁၉၉၆ တုန်းက တရုတ်အနောက်မြောက်ပိုင်းမှာ အုတ်ဂူတစ်ခု ရှာဖွေတွေ့ရှိခဲ့ပြီး ဧဏရာဇ်ရုပ်ကြွင်းများမှ မျိုးဗီဇအရာများ တွေ့ရှိခဲ့ကာ ဦးခေါင်းခွံအပြည့်အစုံနီးပါးလည်း ပါဝင်ပါတယ်။

ဧကရာဇ်ရဲ့ ပုံပန်းသွင်ပြင်၊ ကျန်းမာရေးအခြေအနေ၊ မျိုးရိုးများကို နားလည်နိုင်ရန် အချက်အလက်များ လေ့လာခဲ့ကြပါတယ်။

ရှေးဟောင်းသုတေသီများရဲ့ အဆိုအရ ဧကရာဇ်ဝူဟာ ရှန်ဘေလို့ခေါ်တဲ့ လူသိနည်းတဲ့မျိုးရိုးက ဖြစ်ပြီး ယနေ့ခေတ် တရုတ်နဲ့ မွန်ဂိုလီးယား အရှေ့မြောက်ဘက်နဲ့ အရှေ့ဘက်တို့ရှိနေရာမှာ နေထိုင်ခဲ့ပါတယ်။

ဒီအင်န်အေမျိုးဗီဇ အချက်အလက်များအရ ဧကရာဇ်ဝူဟာ ဆံပင်အနက်၊ မျက်လုံးအညို၊ အသားအရောင်ရင့်တဲ့ပုံစံ ရှိပါတယ်။

ဖူဒန်တက္ကသိုလ်ရှိ တွဲဖက်ပရော်ဖက်ဆာ ရှောင်ကျင်ဝမ်ပြောကြားရာမှာ ရှန်ဘေလူမျိုးတွေက မုတ်ဆိတ်မွှေးထူထူ၊ နှာတံရှည်ရှည်၊ ဆံပင်အဝါရှိကြပါတယ်။

ဆန်းစစ်ချက်များအရ ဧကရာဇ်ဝူဟာ အာရှအရှေ့ပိုင်း သို့မဟုတ် အာရှအရှေ့မြောက်ပိုင်း မျက်နှာသွင်ပြင်မျိုး ရှိမယ်လို့ သိထားပါတယ်။

ဒီအင်န်အေ လေ့လာချက်အရ ဧကရာဇ်ဟာ အသက် ၃၆ နှစ်မှာ ရုတ်တရက်နတ်ရွာစံခဲ့တာ ဖြစ်နိုင်ပါတယ်။

ကွယ်လွန်ခဲ့ရတဲ့ အကြောင်းအရင်း အတိအကျကို မသိရပေမယ့် သူ့မှာ လေဖြတ်ဝေဒနာဖြစ်နိုင်တဲ့ မျိုးရိုးဗီဇ တွေ့ခဲ့ရပါတယ်။

ဦးခေါင်းခွံအပါအဝင် မျိုးဗီဇအချက်အလက်များကို အသုံးပြုကာ ဧကရာဇ်က ဘယ်လိုပုံစံလဲဆိုတာကို ပုံဖော်ခဲ့ကြကာ 3D မျက်နှာပုံစံကို ပြန်လည်ဖန်တီးခဲ့ကြပါတယ်။

အရေပြား၊ ဆံပင်နဲ့ မျက်လုံးအရောင်တို့ကတော့ ရုပ်ကြွင်းတွေတစ်မျိုးတည်းနဲ့ ခန့်မှန်းလို့မရဘူးလို့ ဒန်ဒီးတက္ကသိုလ်မှ ပို့ချသူ တိုဘီယက်စ်ဟူလ်တန်က ပြောပြသွားပါတယ်။

Source: WION.

#World_Science

၃ ဧပြီ ၂၀၂၄

Quick Loan အမည်ဖြင့် Google Play Store ရှိ Application တစ်ခုသည်  မြန်မာနိုင်ငံမှပြည်သူများ၏ကိုယ်ရေး အချက်အလက်များနှင့်ငွေကြေးများကို လိမ်လည်လှည့်ဖျားရယူရန်ကြိုးစားနေကြောင်းတွေ့ရှိရလို့ ယင်းကို သုံးစွဲ ခြင်းရှောင်ရှားကြဖို့ မြန်မာနိုင်ငံတော် ဗဟိုဘဏ်က သတိပေးသတင်းထုတ်ပြန်ထားပါတယ်။

Quick Loan အမည်ဖြင့် Google Play Store ရှိ Application တစ်ခုသည် မြန်မာ နိုင်ငံတော်ဗဟိုဘဏ်မှ မည်သည့်လုပ်ငန်းလိုင်စင်မှရယူထားခြင်းမရှိဘဲ မြန်မာနိုင်ငံတော်ဗဟိုဘဏ် Logo အား အလွဲသုံးစားပြုလုပ်၍ တရားမဝင်ငွေရေးကြေးရေးဝန်ဆောင်မှုလုပ်ငန်းအနေဖြင့် ချေးငွေရယူနိုင်ကြောင်းကြော်ငြာကာ မိဘပြည်သူတို့၏ အရေးကြီးသည့် ကိုယ်ရေးကိုယ်တာ သတင်းအချက်အလက်များကိုလည်းကောင်း၊ ငွေကြေးများကိုလည်းကောင်း၊ ယင်း Application မှတစ်ဆင့် လိမ်ညာလှည့်ဖြားပြီး ရယူရန် ကြိုးပမ်းဆောင်ရွက်နေကြောင်း   တွေ့ရှိရ   တယ် လို့ အဆိုပါ သတင်းထုတ်ပြန်ချက်မှာဖော်ပြထားပါတယ်။

မိဘပြည်သူများအနေဖြင့် ဤလိမ်ညာလှည့်ဖြားသူများ၏အစီအစဉ်များတွင် ပါဝင်ခြင်းမရှိကြရန်နှင့် အလားတူ မဟုတ်မမှန်သော မသမာမှုလုပ်ငန်းများကို ရှောင်ရှားကြဖို့ ဗဟိုဘဏ်က တိုက်တွန်းထားပါတယ်။ ယင်းအပြင်

အဆိုပါလိမ်ညာလှည့်ဖြားမှုနှင့် သက်ဆိုင်သူများအား တည်ဆဲဥပဒေများနှင့်အညီ ထိရောက်စွာအရေးယူနိုင်ရေး    အတွက် တရားဥပဒေ စိုးမိုးရေးအဖွဲ့အစည်းများနှင့် ပူးပေါင်းဆောင်ရွက်လျက်ရှိနေတယ်လို့ သတင်းထုတ်ပြန် ချက်မှာ အသိပေးထားပါတယ်။

-ymg/knl