Published 08 April 2024

အသီးအနှံနဲ့ အရွက်များကို ရောစပ်သောက်သုံးခြင်းက နေမကောင်းဖြစ်တဲ့အခါ ကိုယ်ခံအားကို ထောက်ပံ့ပေးနိုင်ပါတယ်။

လိုအပ်တဲ့ ဗိုက်တာမင်နဲ့ သတ္တုဓာတ်များ ရှိမှသာ ခွန်အားရှိနေစေပြီး ကိုယ်ခံအားက အလုပ်လုပ်နေမှာ ဖြစ်ပါတယ်။

ဘယ်လိုဖျော်ရည်တွေက ကိုယ်ခံအားကို အထောက်အကူပြုလဲဆိုတော့ …
 
(၁) လိမ္မော်သီး၊ ကျွဲကောသီးနှင့် အချဥ်သီးများ
ယင်းအသီးတွေမှာ အဓိကပါဝင်တဲ့ ဗိုက်တာမင်စီက ဆဲလ်များထိခိုက်ခြင်းမှ ကာကွယ်ပေးပြီး ချို့တဲ့ပါက ရောဂါတွေကို ကာကွယ်နိုင်စွမ်း မရှိတော့ပါဘူး။
 
(၂) ပန်းသီးစိမ်း၊ မုန်လာဥနီနှင့် လိမ္မော်သီး
ထိုအသီးတွေကို ပေါင်းစပ်သောက်သုံးပါက ရောဂါကူးစက်မှုများကို တိုက်ဖျက်ပေးနိုင်သလို ဓာတ်တိုးဆန့်ကျင်ပစ္စည်း ဘီတာကယ်ရိုတင်းလည်း ရရှိစေပါတယ်။
 
(၃) သကြားမုန်လာ၊ မုန်လာဥနီ၊ ဂျင်းနှင့်ပန်းသီး
ထိုဖျော်ရည်က ကိုယ်ခံအားစနစ်ကို ကူညီပေးကာ ရောင်ရမ်းခြင်းကို သက်သာစေပြီး ရောဂါပိုးကူးစက်မှုများကို ကာကွယ်ပေးပါတယ်။
 
(၄) ခရမ်းချဥ်သီး
အခြားပါဝင်ပစ္စည်းများ မထည့်ဘဲ လတ်ဆတ်တဲ့ ခရမ်းချဥ်သီးဖျော်ရည် သောက်သုံးခြင်းက အကောင်းဆုံးဖြစ်ပြီး ပါဝင်တဲ့ ဖောလိတ်က ကိုယ်ခံအားစနစ်ကို ထောက်ပံ့ပေးပါတယ်။
 
(၅) ကိုက်လံ၊ ခရမ်းချဥ်သီးနှင့် တရုတ်နံနံ
ရောင်ရမ်းခြင်းကို ဆန့်ကျင်ပေးတဲ့ အစွမ်းသတ္တိရှိကာ ကြိတ်ပြီးသောက်သုံးခြင်းဖြင့် အာရုံကြောတွေကို နိုးထစေပါတယ်။
 
(၆) စတော်ဘယ်ရီနှင့် ကီဝီ
ထိုအသီးတွေက ဗိုက်တာမင်စီ အလွန်ကြွယ်ဝတဲ့အပြင် နို့နှင့်ရောစပ်ပါက ဗိုက်တာမင်ဒီပါ ရရှိကာ တုပ်ကွေးလိုမျိုး ရောဂါများကို ကာကွယ်ပေးပါတယ်။
 
(၇) စတော်ဘယ်ရီနှင့် သရက်သီး
သရက်သီးနဲ့ ဗာဒံစေ့မှရတဲ့ ဗိုက်တာမင်အီးဟာ ဓာတ်တိုးဆန့်ကျင်အာနိသင် ပေးစွမ်းပြီး ကိုယ်ခံအားကို ထောက်ပံ့ပေးပါတယ်။
 
(၈) ဖရဲသီးပူရှိန်း
ဖရဲသီးမှာပါဝင်တဲ့ ဗိုက်တာမင်စီနဲ့ အာဂျင်နင်းဓာတ်က ကိုယ်ခံအားကို မြှင့်တင်ပေးပါတယ်။
 
(၉) ဖရုံစေ့
ဇင့်ဓာတ်ကြွယ်ဝတာကြောင့် ရောင်ရမ်းခြင်းကို ဆန့်ကျင်ခြင်းနဲ့ ကိုယ်ခံအားစနစ်တို့အပေါ် ကူညီပေးပါတယ်။
 
(၁၀) ပန်းသီးစိမ်း၊ ကိုက်လံ၊ ဆလတ်ရွက်
အဆိုပါ ဟင်းရွက်ဖျော်ရည်ကတော့ အာဟာရဓာတ် များစွာပါဝင်ပြီး ကိုယ်ခံအားမြှင့်တင်ပေးပါတယ်။
 
တစ်ကိုယ်ရည်သန့်ရှင်းစွာ နေထိုင်ခြင်း၊ ရေဓာတ်ထိန်းသိမ်းခြင်း၊ ကောင်းစွာအိပ်စက်ခြင်း၊ စိတ်ဖိစီးမှုလျှော့ချခြင်း၊ လေ့ကျင့်ခန်းလုပ်ခြင်းတို့ဖြင့်လည်း ကိုယ်ခံအားကောင်းမွန်အောင် ပြုလုပ်နိုင်ပါတယ်။
Source: Healthline.
#World_Health
#Published_ 08 April 2024
#YMG_News #Yangon_Times #Yangon_Media_Group

Published 08 April 2024

အတိတ်က စိတ်ထိခိုက်မှုကနေ နောက်ဆက်တွဲခံစားရတဲ့ ဝေဒနာ(PTSD)ကြောင့် ဖြစ်လာနိုင်တဲ့ နောက်ကြောင်းပြန် ခံစားရမှုကို ခွေးတွေအနံ့ခံနိုင်အောင် လေ့ကျင့်ပေးနိုင်ခဲ့ကြောင်း သုတေသနအသစ်မှာ ဆိုထားပါတယ်။

လူသားတွေ ယခင်က တွေ့ကြုံခဲ့ဖူးတဲ့ ထိခိုက်ခံစားမှုများ ပါဝင်နေတဲ့ လေရှူထုတ်ခြင်းမှ အနံ့အသက်ကို ခွေးတွေသိရှိအောင် သိပ္ပံပညာရှင်များ လေ့ကျင့်ပေးနိုင်ခဲ့ပါတယ်။

တွေ့ရှိချက်များကို အသုံးပြုပြီး PTSD အထောက်အကူပြု ခွေးတွေကို ပိုမိုထိရောက်မှုရှိအောင် ပြုလုပ်နိုင်တယ်လို့ သိပ္ပံပညာရှင်များ ဆိုပါတယ်။

PTSD ဝေဒနာဆိုတာက ထိတ်လန့်ခြင်း ဒါမှမဟုတ် စိတ်ဖိစီးခြင်းဖြစ်စေတဲ့ အဖြစ်အပျက်များကြောင့် စိတ်ပိုင်းဆိုင်ရာ ပြဿနာတစ်ခုဖြစ်ပြီး အတိတ်က ထိုဖြစ်ရပ်တွေ အိပ်မက်ဆိုးတွေ ခြောက်လှန့်ခြင်းကို ခံစားကြရပါတယ်။

လူသားတွေရဲ့ အနံ့တွေမှာ အငွေ့ပျံအော်ဂဲနစ်ဒြပ်ပေါင်း (VOC)ဖြင့် ဖွဲ့စည်းထားကာ ခန္ဓာကိုယ်ကနေ အမျိုးမျိုးပုံစံဖြင့် ထွက်ရှိစေပါတယ်။

လူ ၂၆ ယောက်ဖြင့် စမ်းသပ်ခဲ့ကာ လူတဝက်ခန့်က PTSD ဝေဒနာလိုအပ်ချက်များနဲ့ ကိုက်ညီခဲ့ပါတယ်။

စမ်းသပ်ခံလူတွေကို နှာခေါင်းစည်းထဲသို့ လေရှူထုတ်ခိုင်းပြီး တစ်ချိန်တည်းမှာပဲ ယခင်က ဖြစ်ရပ်ဆိုးတွေကို စဥ်းစားခိုင်းခဲ့ပါတယ်။

အနံ့ခံခိုင်းဖို့အတွက် ခွေး ၂၅ ကောင်ကို ခေါ်ယူစမ်းသပ်ကာ အိုင်ဗီနဲ့ ကယ်လီဆိုတဲ့ ၂ ကောင်သာ စမ်းသပ်ချက်များကို ကျွမ်းကျွမ်းကျင်ကျင် ဆောင်ရွက်နိုင်ခဲ့ပါတယ်။

နှာခေါင်းစည်းများမှ အနံ့တွေကို ခွေးတွေမှတ်မိအောင် သုတေသီများက လေ့ကျင့်ပေးကြပါတယ်။

ထိုအခါမှာ စိတ်ဖိစီးမှုရှိနေတဲ့ နှာခေါင်းစည်းနမူနာများနဲ့ စိတ်ဖိစီးမှုမရှိတဲ့ နမူနာများကို ခွဲခြားသိရှိခဲ့ကြပါတယ်။

အိုင်ဗီက ၇၄ ရာခိုင်နှုန်း တိကျမှုရှိပြီး စိုးရိမ်ပူပန်စိတ်နဲ့ ပတ်သက်လို့ အနံ့ခံသိရှိကာ ကယ်လီကတော့ ၈၁ ရာခိုင်နှုန်းရှိပြီး ရှက်ရွံ့စိတ်ကို သိရှိတာဖြစ်ပါတယ်။
Source: WION.
#World_Science
#Published_ 08 April 2024
#YMG_News #Yangon_Times #Yangon_Media_Group

ယခုလအတွင်း သက်ြန်ကာလအတွက် ရဟန်းခံရှင်ပြုအလှုပွဲများ ကျင်းပချိန်ဖြစ်တာကြောင့် သကြားဈေးကောင်းရနေတယ်လို့ မြန်မာနိုင်ငံသကြားနှင့် ကြံထွက်ပစ္စည်းလုပ်ငန်းရှင်များအသင်းက သိရပါတယ်။
Yangon_Times/NN
#Local_News
#Published_ 06 April 2024
#YMG_News #Yangon_Times #Yangon_Media_Group

၇ ဧပြီ ၂၀၂၄

အီကွေဒေါနိုင်ငရှိ မက္ကဆီကိုသံရုံးကို အီကွေဒေါ လုံခြုံရေးတပ်ဖွဲ့များက သောကြာနေ့ညပိုင်းမှာ စီးနင်းဝင်ရောက်ပြီး ဒုတိယ  သမ္မတ   ဟောင်း ဂျော့ဂလက်စ်ကို ဖမ်းဆီးခေါ်ဆောင်သွားပြီးနောက် မက္ကဆီကိုနိုင်ငံက အီကွေဒေါနှင့် သံတမန်အဆက်အသွယ်ဖြတ်  တောက်ကြောင်း ကြေညာလိုက်ပါတယ်။

အီကွေဒေါလုံခြုံရေးတပ်ဖွဲ့ဟာ အီကွေဒေါနိုင်ငံ မြို့တော် ကွီတိုမှာရှိတဲ့  မက္ကဆီကိုသံရုံးထဲမှာ အီကွေဒေါနိုင်ငံက ဖမ်းဝရမ်း   ထုတ်ထားတဲ့  အီကွေဒေါဒုတိယသမ္မတဟောင်း  ဂျော့ဂလက်စ်ကို ဝင်ရောက်စီးနင်းဖမ်းဆီးခဲ့ကြတာဖြစ်ပါတယ်။

မက္ကဆီကို သမ္မတ အင်ဒရကစ်မန်နျူယယ်လိုပက် အိုဘရာဒါက အီကွေဒေါနှင့်သံတမန်ဖြတ်တောက်ဖို့ သူ့နိုင်ငံခြားရေးဝန်ကြီးကို ညွှန်ကြားခဲ့ပါတယ်။ “ ဒီလိုလုပ်ဆောင်တာဟာ နိုင်ငံတကာဥပဒေနှင့် မက္ကဆီကိုရဲ့ အချုပ်အခြာအာဏာကို ပြောင်ပြောင်တင်းတင်း ချိုးဖောက်ခြင်းဖြစ်တယ်” လို့ အိုဘရာဒါကပြောပါတယ်။

ဒုသမ္မတ ဂလက်စ်ဟာ ဒုက္ခသည်တစ်ဦးဖြစ်ပြီး သူရင်ဆိုင်နေရတဲ့ ညှင်းပန်းနှိပ်စက်ခံရမှုနှင့် အနှောက်အယှက်ပေးခံရမှုတွေ ကြောင့် ခိုလှုံခွင့်ရဖို့ကြိုးစားနေသူဖြစ်တယ်လို့ မက္ကဆီကို သမ္မတ အိုဘရာဒါကပြောပါတယ်။

အီကွေဒေါသမ္မတရုံးက ဂလက်စ်ကိုဖမ်းဆီးတာမှန်ကန်ကြောင်း အိတ်စ် X မှာ အတည်ပြုပါတယ်။

“ မည်သည့်ရာဇဝတ်သားကိုမျှ နိုင်ငံရေးအရညှင်းပန်းနှိပ်ကွပ်ခံရတဲ့သူလို့ မသတ်မှတ်နိုင်ဘူး”လို့ သမ္မတရုံးကပြောပါတယ်။ ဂလက်စ်ဟာ အဂတိလိုက်စားမှု နှစ်ကြိမ်ကျူးလွန်ခဲ့ပြီး ပြစ်ဒဏ်ချမှတ်ခံရသူဖြစ်တယ်။ပြီးတော့ သက်ဆိုင်တဲ့အာဏာပိုင်အဖွဲ့က ဖမ်းဝရမ်းထုတ်ခံထားရသူဖြစ်တယ်” လို့ အီကွေဒေါသမ္မတရုံးကဆက်ပြောပါတယ်။

ဗိုလစ်ဗီးယား၊ချီလီနှင့်ဘရာဇီးလ်တို့ကလည်း အီကွေဒေါလုပ်ရပ်ကိုရှုံ့ချထားကြပါတယ်။ ဟွန်ဒူးရပ်စ်နိုင်ငံကလည်း လက်တင်အမေ ရိကန်နှင့် ကာရစ်ဘီးယားနိုင်ငံများအဖွဲ့ အရေးပေါ်အစည်းအဝေးခေါ်ပေးဖို့ တောင်းဆိုလိုက်ပါတယ်။

မက္ကဆီကိုနိုင်ငံက သောကြာနေ့ စီးနင်းဝင်ရောက်ဖမ်းဆီးမှုမတိုင်ခင်ကလေးတင်မှာ ဂလက်စ်ကို နိုင်ငံရေးခိုလှုံခွင့်  ပေးခဲ့တာ   ဖြစ်ပါတယ်။ မက္ကဆီကိုနိုင်ငံခြားရေးဝန်ကြီးဌာနက  ဂလက်စ်အနေနှင့် အီကွေဒေါကနေ ဘေးကင်းလုံခြုံစွာထွက်ခွာခွင့် ရရှိရေး  ကြိုးစားစီစဉ်နေဆဲမှာ ယခုလို အီကွေဒေါလုံခြုံရေးတပ်ဖွဲ့က သံရုံးထဲဝင်ရောက်စီးနင်းကာ သူတို့ရဲ့ ဒုသမ္မတဟောင်း ဂလက်စ်ကို ဖမ်းဆီးခေါ်ဆောင်သွားခဲ့ခြင်းဖြစ်ပါတယ်။

Source : Agencies News

@ymg/knl

ဗိုလ်တထောင်စေတီရဲ့ စတုတ္ထအကြိမ်မြောက် ကုသိုလ်ပြု မေတ္တာသွေးလှူဒါန်းပွဲကို ဗိုလ်တထောင်စေတီတော် ၊ဆိပ်ကမ်းလုပ်သားပေါင်းစုံဓမ္မာရုံမှာ ကျင်းပသွားမှာဖြစ်ပြီး သွေးလှူဒါန်းလိုချင်သူတွေ အနေနဲ့ ပါဝင်လှူဒါန်းနိုင်တယ်။
Yangon_Times/tthl
#Local_News
#Published_ 06 April 2024
#YMG_News #Yangon_Times #Yangon_Media_Group

 Published 07 April 2024

အမေရိကန်တက္ကဆပ်မှ မွေးမြူရေးခြံလုပ်သားတစ်ဦးဟာ အလွန်ကူးစက်ပျံ့နှံ့လွယ်တဲ့ ငှက်တုပ်ကွေးရောဂါ ကူးစက်ခံရပြီးနောက် ကျွမ်းကျင်သူများက သတိပေးချက်များ ထုတ်ပြန်လာပါတယ်။

အဆိုပါကူးစက်မှုကို အမေရိကန် ရောဂါထိန်းချုပ်ကာကွယ်ရေး(CDC)မှ ဧပြီ ၁ ရက်နေ့မှာ အတည်ပြုလိုက်ပါတယ်။

သိပ္ပံပညာရှင်တွေက သေဆုံးပြီးသား အန္တာတိကပင်ဂွင်းထောင်ချီကို စစ်ဆေးနေကြပြီး H5N1 ငှက်တုပ်ကွေးဗိုင်းရပ်စ်က နို့စားနွားများထံ ကူးစက်ခဲ့ကာ လူကိုကူးစက်တာဖြစ်ပြီး ထိုမွေးမြူရေးခြံလုပ်သားမှာ ဗိုင်းရပ်စ်တွေ့ရှိခဲ့တာ ဖြစ်ပါတယ်။

လူနာဟာ မျက်စိနာသလိုမျိုး မျက်လုံးနီခြင်းသာ ရောဂါလက္ခဏာပေါ်ပြီး ပြန်လည်သက်သာနေပြီ ဖြစ်ပါတယ်။

လူနာကို သီးခြားခွဲထားခိုင်းထားပြီး တုပ်ကွေးပိုးသတ်ဆေးဖြင့် ကုသနေတယ်လို့ CDC က ဖော်ပြထားပါတယ်။

တက္ကဆပ်မှာတင် မဟုတ်ဘဲ ငှက်တုပ်ကွေးဟာ အမေရိကန် အခြားပြည်နယ်တွေမှာလည်း နွားတွေကို ကူးစက်ထားပါတယ်။

အမေရိကန်မှာ ငှက်တုပ်ကွေးရောဂါ လူသားတွေထံ ကူးစက်တာဟာ ဒါဒုတိယအကြိမ်ဖြစ်ပြီး ပထမဆုံးအကြိမ်ကတော့ ၂၀၂၂ က ကိုလိုရာဒိုမှာ ဖြစ်ခဲ့ပါတယ်။

ဒီတုပ်ကွေးရောဂါက နှစ်ပေါင်းများစွာတိုင်အောင် ကပ်ရောဂါစာရင်းထဲမှာ ထိပ်ဆုံးကရှိနေပြီး ကပ်ရောဂါဖြစ်လာနိုင်ခြေ များတယ်လို့ ပစ်ဘာ့ဂ်မှ ငှက်တုပ်ကွေးသုတေသီ ဒေါက်တာ ဆူရက်ရှ်ကူချီပူဒီက ပြောပြပါတယ်။

ဒီဗိုင်းရပ်စ်သာ မျိုးဗီဇပြောင်းသွားရင် ကိုဗစ်ထက် အဆ ၁၀၀ ပိုဆိုးနိုင်ပြီး အသက်သေဆုံးနိုင်ခြေ များနိုင်ကြောင်း ကာကွယ်ဆေးစက်ရုံမှ အကြံပေး ဂျွန်ဖူလ်တန်က ပြောပြခဲ့ပါတယ်။

တစ်ကမ္ဘာလုံးအရဆိုရင် ၂၀၀၃ ဇန်နဝါရီကနေ ၂၀၂၄ ဖေဖော်ဝါရီအထိ နိုင်ငံပေါင်း ၂၃ နိုင်ငံကနေ ငှက်တုပ်ကွေးရောဂါ ကူးစက်သူ ၈၈၇ ဦးရှိခဲ့ကာ အသက်ဆုံးပါးနိုင်ခြေရှိသူ ၄၆၂ ဦးရှိခဲ့ကြောင်း WHO က ဆိုပါတယ်။

ငှက်တုပ်ကွေးဗိုင်းရပ်စ်တွေ မွေးမြူရေးခြံထဲမှာ ပျံ့ပွားပြီဆိုရင် ရောဂါပိုးရှိသူ တိရိစ္ဆာန်တွေ အရာဝတ္ထုတွေကို ထိတွေ့တဲ့သူတွေမှာ ကူးစက်နိုင်ခြေ ရှိပါတယ်။

ငှက်တုပ်ကွေးနဲ့ ပတ်သက်ပြီး လူတွေမှာ ခုခံကာကွယ်နိုင်စွမ်း မရှိသေးတာကြောင့် ရောဂါကူးစက်မှုတွေ ဖြစ်ပွားလာပါက အသက်ဆုံးပါးနိုင်မှုနှုန်း မြင့်မားနိုင်ပါတယ်။

Influenza A ဗိုင်းရပ်စ်ကြောင့် မွေးမြူရေးတိရိစ္ဆာန်တွေမှာ ရောဂါဖြစ်ပွားကြပြီး ဝမ်းလျှောခြင်း၊ အသက်ရှူရခက်ခဲခြင်း၊ ဦးခေါင်းဖောရောင်ခြင်း၊ ရုတ်တရက်သေဆုံးခြင်းတို့ ဖြစ်တတ်ပါတယ်။

လူတွေမှာတော့ ချောင်းဆိုးခြင်း၊ ခေါင်းကိုက်ခြင်း၊ လည်ချောင်းနာခြင်း၊ ဖျားနာခြင်း စသဖြင့် လက္ခဏာအပျော့စားသာ ဖြစ်နိုင်ကာ ပြင်းထန်ရင်တော့ အဆုတ်ရောင်အထိ ဖြစ်နိုင်ပါတယ်။

ငှက်တုပ်ကွေးအတွက် တိကျတဲ့ကုသမှု မရှိသေးဘဲ ပိုးသတ်ဆေးများကိုသာ ညွှန်းပေးလေ့ရှိပါတယ်။
Source: India Today.
#World_Health
#Published_ 06 April 2024
#YMG_News #Yangon_Times #Yangon_Media_Group

Published_6 April 2024

ရှမ်းပြည်နယ်(အရှေ့ပိုင်း)တာချီလိတ်မြို့၊နဂါးနှစ်ကောင်ကျောင်းတိုက် ဦးစီး ပဓာန နာယက နိုင်ငံတော်ဩ ဝါဒစရိယ အဘိဓဇမဟာရဋ္ဌဂုရု၊အဘိဓဇအဂ္ဂမဟာ သဒ္ဓမ္မ ဇောတိက ဒေါက်တာဘဒ္ဒန္တဓမ္မသီရိ နဂါးနှစ်ကောင် ဆရာတော်ဘုရားကြီး၏ အန္တိမ ဈာပနသာဓုကီဋ္ဌနပူဇာသဘင် အခမ်းအနားအား ယနေ့ ဧပြီလ ၆ ရက် မွန်းလွဲပိုင်းက တာချီလိတ်မြို့ ၌ ကျင်းပပြုလုပ်ခဲ့ကြောင်း သိရသည်။

အဆိုပါ အန္တိမဈာပနသာဓုကီဋ္ဌနပူဇာသဘင် အခမ်းအနားသို့ နိုင်ငံတော်သံဃ မဟာနာယကအဖွဲ့ ဥက္ကဋ္ဌ အဂ္ဂမဟာပဏ္ဍိတ အဂ္ဂမဟာသဒ္ဒမ္မဇောတိကဓဇ သန်လျင် မင်းကျောင်းဆရာတော် ဒေါက်တာ ဘဒ္ဒန္တ စန္ဒိမာ ဘိဝံသ အမှူးပြုသည့် ဆရာတော်၊ သံဃာတော်များ ကြွရောက်ချီးမြှင့်တော်မူကြပြီး ညှိနှိုင်းကွပ်ကဲ ရေးမှူး (ကြည်း၊ရေ၊ လေ)၊ ဗိုလ်ချုပ်ကြီးမောင်မောင်အေး၊ ကောင်စီအဖွဲ့ဝင်များ၊ ပြည်ထောင်စုဝန်ကြီးများ၊ ရှမ်း ပြည်နယ် ဝန်ကြီးချုပ်၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိ ကြီးများ၊ တြိဂံဒေသတိုင်း စစ်ဌာနချုပ်တိုင်းမှူး၊ တိုင်းရင်းသား စာပေနှင့်ယာဉ်ကျေးမှု အဖွဲ့များ၊ ဌာနဆိုင်ရာတာဝန်ရှိသူများ၊ ဒေသခံ ပြည်သူလူထုများ၊ ရပ်မိရပ်ဖများ၊ ဆရာတော်ဘုရားကြီး၏ ဆွေတော်၊ မျိုးတော်များနှင့် ဖိတ်ကြားထားသော ဧည့်သည် တော်များ စည်ကားသိုက်မြိုက်စွာ တက်ရောက်ပူဇော်ကြကြောင်း သိရသည်။

ကြွရောက်တော်မူကြသည့် ဆရာတော်ဘုရားကြီးများမှ သံဝေဂ သုံး ဂါထာကို ရွတ်ဆိုပွားများ၍ အခမ်း အနားကို ဖွင့်လှစ်ကြပြီးနောက် ညှိနှိုင်း ကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီး မောင်မောင်အေး နှင့် အခမ်းအနားသို့ တက်ရောက်လာကြသူများ က သန်လျင်မင်းကျောင်းဆရာတော်ကြီးထံမှ ငါးပါးသီလ ခံယူ ဆောက်တည်ကြကြောင်း သိရသည်။

နဂါးနှစ်ကောင်ကျောင်းတိုက်ဆရာတော်ဘုရားကြီး၏ ဥတုဇ ရုပ်ကလပ်တော် အား စိန်ကတ္တီပါ လွှမ်းခြုံကြပြီး နောက် နိုင်ငံတော် သံဃာ့မဟာနာယကအဖွဲ့၊ ရှမ်းပြည်နယ် သံဃာ့နာယကအဖွဲ့၊ သာသနာ ရေးနှင့် ယဉ် ကျေးမှု ဝန်ကြီးဌာန၊ ပြည်ပထေရဝါဒသာသနာပြုအဖွဲ့များမှ ပေးပို့သော သံဝေဂ ဉာဏ်ပွားတော်မူ ကြောင်း သဝဏ်လွှာများကို သက်ဆိုင်ရာ ပင့်ဖိတ်ထားသော ဆရာတော်ကြီးများက ဖတ်ကြားပူဇော်ကြကာ နဂါးနှစ် ကောင်ဆရာတော်ဘုရားကြီး၏ထေရုပ္ပတ္တိကို ဖတ်ကြားပူဇော်ကြပြီးနောက် တက်ရောက် လာကြသည့် ဧည့်သည်တော်ကြီးများက ပံသုကူသင်္ကန်းနှင့် လှူဖွယ်ပစ္စည်းများကို ဆရာတော်ဘုရားကြီး၏ ရုပ်ကလပ်တော် အနီး သတ်မှတ်နေရာများတွင် တင်လှူပူဇော်ကြပြီး သံဃာတော်များက အနိစ္စာ ဝတသင်္ခါရ အစချီသံဝေဂ သုံး ဂါထာကို ရွတ်ဆို ပွားများ၍ ပံသုကူ သင်္ကန်း အလှူ တော်ခံကာ လှူဒါန်းမှုအတွက် ရေစက်သွန်းချ အမျှပေးဝေခဲ့ကြကြောင်း သိရသည်။

၎င်းနောက်နဂါးနှစ်ကောင်ကျောင်းတိုက်ဆရာတော် ဘုရားကြီး၏ ဥတုဇ ရုပ် ကလပ်တော်အား လောင်တိုက် တော်ပေါ်သို့ ပင့်ဆောင်ကြပြီးနောက် ဆရာတော်၊ သံဃာတော်များက အနိစ္စာဝတသင်္ခါရာအစချီသော သံဝေဂဂါထာကိုရွတ်ပွားတော်မူ ကြပြီး သာဓုသုံးကြိမ်ခေါ်ဆိုကာ တေဇောဓာတ်ဖြင့် မီးပူဇော်ကြကြောင်း သတင်း ရရှိသည်။
Yangon_Times/PP
#Local_News
#Published_ 06 April 2024
#YMG_News #Yangon_Times #Yangon_Media_Group

လွန်ခဲ့တဲ့ နှစ်ပေါင်းငါးထောင်နီးပါးခန့်က အုပ်စိုးခဲ့တယ်လို့ ယူဆထားတဲ့ ဒဏ္ဍာရီဧကရာဇ်ဝါကို ဂုဏ်ပြုတဲ့ အခမ်းအနားပွဲကြီးကို တရုတ်အနောက်မြောက်ပိုင်း ရှန်ရှီပြည်နယ် ဟွမ်လင်းကောင်တီရှိ ဧကရာဇ်ဂူဗိမာန်မှာ ကြာသပတေးနေ့က ကျင်းပခဲ့ပါတယ်။
ဟွမ်ဒီလို့လည်းခေါ်တဲ့ ဧကရာဇ်ဝါဟာ တရုတ်ဒဏ္ဍာရီသမိုင်းမှာ အလွန်ထင်ရှားပြီး တရုတ်ပြည်ကြီးရဲ့ ဘိုးအေလို့ ယုံကြည်နေကြပါတယ်။
#Asia_Culture
#Published_ 06 April 2024
#YMG_News #Yangon_Times #Yangon_Media_Group

#Daily_News
Published_ 06 April 2024

၁။ နွေစပါးပေါ်ချိန် အိပ်စပို့တာများ ဈေးချဝယ်ယူနေ၍ ပြည်ပပို့ဆန်များ ဈေးကျနေ

၂။ မေလမှစပြီး Green Card မရှိသည့်‌ ဆရာ၊ဆရာမများ ပုဂ္ဂလိကကျောင်းများ၌ အလုပ်မရနိုင်တော့ဟုဆို

၃။ ကုန်ပစ္စည်းတန်ဖိုးထက် သယ်ယူစရိတ်တန်ဆာခ ပိုများသဖြင့် ယခုနှစ်တွင် မြေထည်ပစ္စည်း ဝယ်လိုအားကျဆင်း

၄။ ဒဏ္ဍာရီလာတရုတ်ဧကရာဇ်ကို ဂုဏ်ပြုခြင်းအခမ်းအနား ဧကရာဇ်ဗိမာန်တွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

အသစ်ပြဌာန်းလိုက်တဲ့ ပုဂ္ဂလိကပညာရေးဥပဒေအရ မေလကနေစပြီး ကိုယ်ပိုင်ကျောင်းဆရာလက်မှတ် Green Card‌ မရှိတဲ့ ကျောင်းဆရာ၊ဆရာမ တွေကို  ပုဂ္ဂလိကကျောင်းတွေမှာ အလုပ်ခန့်လို့မရတော့ဘူး။ ပုဂ္ဂလိကကျောင်းတွေအပြင် သင်တန်းကျောင်းတွေအားလုံး ဧပြီ(၁၂)ရက် နောက်ဆုံးထားမှတ်ပုံတင်မှ ပိတ်သိမ်းမခံရမှာ ဖြစ်တယ်။
(မြန်မာနိုင်ငံ ပုဂ္ဂလိကကျောင်းများအသင်း ဥက္ကဌဦးနေအုပ်)
Yangon_Times/tthl
#Local_News
#Published_ 06 April 2024
#YMG_News #Yangon_Times #Yangon_Media_Group

ကုန်ပစ္စည်းတန်ဖိုးထက် သယ်ယူစရိတ် တန်ဆာခပိုများတဲ့အတွက် ယခုနှစ်မှာ မြေထည်ပစ္စည်း ဝယ်လိုအား ကျလာတယ်လို့ မြေထည်လုပ်ငန်း လုပ်ကိုင်သူတွေထံက သိရပါတယ်။
Yangon_Times/LW
#Local_News
#Published_ 06 April 2024
#YMG_News #Yangon_Times #Yangon_Media_Group

နွေစပါးပေါ်ချိန် အိပ်စပိုတာတွေ ဈေးချဝယ်ယူနေ၍ ပြည်ပပို့ဆန်တွေ ဈေးကျနေတယ်လို့ မြန်မာနိုင်ငံ ဆန်စပါးကုန်သည်များအသင်းမှ သိရပါတယ်။
Yangon_Times/NN
#Local_News
#Published_ 06 April 2024
#YMG_News #Yangon_Times #Yangon_Media_Group