၁၂ ဧပြီ ၂၀၂၄

နေပြည်တော်ကို ဘာသာပေါင်းစုံကိုယ်စားပြုသည့်နေရာတစ်ခုအဖြစ်ရည်ရွယ်၍ နေပြည်တော်ကောင်စီနယ်မြေ တွင် ဘာသာပေါင်းစုံမှ ဘာသာရေးအသင်းအဖွဲ့များအတွက် ဘာသာရေးဆိုင်ရာ  အဆောက်အဦများ ဆောက်လုပ် နိုင်ရန်အတွက် နိုင်ငံတော်မှ မြေပေးမိန့်များထုတ်ပေးခဲ့ကြောင်းသိရပါတယ်။

အဆိုပါမြေပေးမိန့်များထုတ်ပေးသည့် အခမ်းအနားတစ်ခုကို ဧပြီ ၁၂ ရက် မနက်ပိုင်းက နေပြည်တော်ကောင်စီ နယ်မြေရှိ ဇမ္ဗူသီရိခန်းမ၌ ကျင်းပပြုလုပ်ပြီး နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်အမှာစကားပြောကြားပြီး သက်ဆိုင်ရာ ဘာသာရေးအဖွဲ့ကိုယ်စားလှယ်များထံ မြေပေးမိန့်များ ထုတ်ပေးခဲ့တာဖြစ်ပါတယ်။

ယင်းအတွက် ဗုဒ္ဓဘာသာကိုယ်စားလှယ်၊ ကက်သလစ်ခရစ်ယာန်ဘာသာကိုယ်စားလှယ်၊ နှစ်ခြင်းခရစ်ယာန် ဘာသာကိုယ်စားလှယ်၊ အင်္ဂလီကန်ခရစ်ယာန်ဘာသာကိုယ်စားလှယ်၊ ဆွန်နီအစ္စလာမ်ဘာသာကိုယ်စားလှယ်၊ ရှီ ယာအစ္စလာမ်ဘာသာကိုယ်စားလှယ်၊ဟိန္ဒူဘာသာကိုယ်စားလှယ်တို့ကအသီးသီးလက်ခံရယူခဲ့ကြကြောင်းသတင်း ထုတ်ပြန်ချက်မှာဖော်ပြထားပါတယ်။

“နေပြည်တော် ကောင်စီနယ်မြေသည် ဘာသာပေါင်းစုံအတူတကွယှဉ်တွဲ နေထိုင် ပြီးငြိမ်းချမ်းစွာဖြင့်  နေထိုင်နိုင် သည့် နေရာတစ်ခုဖြစ်ကြောင်း၊ နေပြည်တော်တွင် ခရစ်ယာန်ဘာသာဝင်နှင့် အစ္စလာမ်ဘာသာဝင်နှင့် ဟိန္ဒူဘာ သာဝင်များနည်းပါးကြောင်း၊ တစ်နိုင်ငံလုံးကိုကိုယ်စားပြုသည့် ဘာသာပေါင်းစုံနေထိုင်သည့်နေရာတစ်ခုဖြစ် အောင်ဆောင်ရွက်ပြီး နေပြည်တော်အား ဘာသာပေါင်းစုံကို ကိုယ်စားပြုသည့် နေရာတစ်ခုဖြစ်အောင်   ရည်ရွယ်   ဆောင်ရွက်ခြင်းဖြစ်ကြောင်း” ဗိုလ်ချုပ်မှူးကြီးမင်းအောင်လှိုင်က အခမ်းအနားတွင်ပြောကြားခဲ့ပါတယ်။

ယခုအခမ်းအနားကို နှစ်သစ်ကူးအခါသမယတွင် ကျင်းပ ပြုလုပ်ခဲ့ခြင်းဖြစ်ပြီး ထူးခြားသည့်အခမ်းအနား တစ်ခုဖြစ် ကြောင်း၊ ဘာသာပေါင်းစုံနှင့် ပတ်သက်ပြီး မေတ္တာလက်ဆောင်တစ်ခုပေးချင်သဖြင့် ယခုအခမ်းအနားကို ကျင်းပပြု လုပ်ခဲ့ခြင်းဖြစ်ကြောင်းလည်း ဗိုလ်ချုပ်မှူးကြီးက ပြောပါတယ်။

လက်ရှိဖြစ်ပေါ်နေ သည့် ပဋိပက္ခများမှာ နိုင်ငံရေးအရဖြစ်ပေါ်လာသည့် ပြဿနာများကို နိုင်ငံရေးအရ ဖြေရှင်း ခြင်းမရှိဘဲ ပြည်ပမှနိုင်ငံရေးအရသွေးထိုးလှုံ့ဆော်မှု၊ တိုင်းရင်းသားရေးအရ သွေးထိုးလှုံ့ဆော်မှုနှင့် ဘာသာရေးအရ သွေးထိုးလှုံဆော်မှုများကြောင့် အကြမ်းဖက်သည့် နည်းလမ်းများဖြင့် ဆောင်ရွက်လာခြင်းဖြစ်တယ်လို့ ဗိုလ်ချုပ်မှူး ကြီးက လက်ရှိနိုင်ငံရေးအခြေအနေများကိုသုံးသပ်ပြခဲ့ပါတယ်။

ယင်းပဋိပက္ခများချုပ်ငြိမ်းစေရေးအတွက် ပြည်သူပြည်သားတိုင်းသက်ဆိုင်ရာ ဘာသာတရားများအလိုက် ဘာသာ ရေးအသိများရှိစေရေး ဝိုင်းဝန်းဆောင်ရွက်ကြစေလိုကြောင်းနှင့် လူများ၏အသိများကို ပြုပြင်နိုင်သည်မှာ ဘာသာ ရေးအသိပင်ဖြစ်ကြောင်းလည်း ဗိုလ်ချုပ်မှူးကြီးက တိုက်တွန်းသွားပါတယ်။

ထို့နောက် ဘာသာရေးအဖွဲ့အစည်းများမှကိုယ်စားလှယ်များကလည်း ကိုးကွယ်မှု ဘာသာတရားများ မတူကွဲပြား လျက်ရှိသော်လည်း တိုင်းပြည်တည်ငြိမ်အေးချမ်းရေး၊ သာယာဝပြောရေး၊ ဘာသာဝင်များအားလုံးငြိမ်းချမ်းစွာ .. အတူယှဉ်တွဲနေထိုင်ရေးတို့တွင် တစ်စိတ်တည်း၊ တစ်ဝမ်းတည်းရှိနေရမည်မှာ အမှန်တရားပင်ဖြစ်တယ်လို့ ပြန်လည်ပြောကြားခဲ့ကြောင်း သတင်းထုတ်ပြန်ချက်အရသိရပါတယ်။

“ယခုကဲ့သို့ ပြည်ထောင်စုနယ်မြေနေပြည်တော်တွင် မိမိတို့ဘာသာရေးအသင်းအဖွဲ့များ အတွက် မြေနေရာများ ပေးအပ်ချီးမြှင့်ခြင်းကြောင့် မတူကွဲပြားသော ဘာသာဝင်များ အားလုံး အတူယှဉ်တွဲကိုးကွယ်နိုင်ရေးအတွက် စည်းလုံးညီညွတ်ခြင်းပြယုဂ်ဖြစ်သော ဘာသာရေး အဆောက်အဦများတစ်စုတစ်ဝေးတည်းပေါ်ပေါက်လာတော့ မည်ဖြစ်သဖြင့် နစက ဥက္ကဋ္ဌနှင့် တာဝန်ရှိသူတွေကို အထူးကျေးဇူးတင်ရှိကြောင်းလည်း အဆိုပါကိုယ်စားလှယ်များ က ဆက်လက်ပြောကြားခဲ့ကြပါတယ်။

အခမ်းအနားသို့ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီးရဲဝင်းဦးနှင့် ကောင်စီအဖွဲ့ဝင်များ၊ ပြည် ထောင်စုဝန်ကြီးများနှင့် ပြည်ထောင်စုအဆင့် ပုဂ္ဂိုလ်များ၊ ကာကွယ်ရေးဦးစီးချုပ်ရုံးမှ အဆင့်မြင့် တပ်မတော် အရာ ရှိကြီးများ၊နေပြည်တော်ကောင်စီဥက္ကဋ္ဌ၊ နေပြည်တော်တိုင်းစစ်ဌာနချုပ်တိုင်းမှူး၊ ဒုတိယဝန်ကြီးများ၊ ဘာသာ ပေါင်းစုံချစ်ကြည်ညီညွတ်ရေးအဖွဲ့(ဗဟို)၊ နေပြည်တော်ဘာသာပေါင်းစုံ ချစ်ကြည်ညီညွတ်ရေးအဖွဲ့၊ ခရစ်ယာန်  ဘာသာရေးအသင်းအဖွဲ့များ၊ အစ္စလာမ်ဘာသာ ရေးအသင်းအဖွဲ့များ၊ ဟိန္ဒူ ဘာသာရေးအသင်းအဖွဲ့များမှ ဥက္ကဋ္ဌ များနှင့် တာဝန်ရှိသူများ၊ ဌာနဆိုင်ရာတာဝန်ရှိသူများ တက်ရောက်ခဲ့ကြပါတယ်။

@ymg/knl

အမေရိကန်နဲ့ နောက်ထပ်စစ်ရေး ပူးပေါင်းဆောင်ရွက်မယ့် ဂျပန်အစိုးရလုပ်ရပ်ကို ဂျပန်ပြည်သူတွေက ဆန္ဒပြတဲ့အနေနဲ့ အင်္ဂါနေ့က စုဝေးခဲ့ကြပြီး ဒီလုပ်ရပ်ဟာ စစ်ပွဲဖြစ်လာနိုင်တယ်လို ယူဆနေကြပါတယ်။
#World_News
Published_ 12 April 2024
#ဂျပန်နှင့်အမေရိကန် #ဂျပန်ပြည်သူများဆန္ဒပြ
#YMG_News #Yangon_Times #Yangon_Media_Group

#Daily_News
Published_ 12 April 2024

၁။ ရှမ်းရှေ့လမ်း‌ကြောင်းမှ မြန်မာ့သရက်တရုတ်သို့ တင်ပို့ရာတွင် ကုန်သွယ်မှုအတားအဆီးများအား နှစ်ဖက်ညှိုနှိုင်းပေါင်းစပ်အဖြေရှာနေ

၂။ သင်္ကြန်တွင်း YBSယာဉ်စီးခပိုတောင်းသူ၊ မူးပြီးမောင်းသူများအားယာဉ်မောင်းခွင့်ပိတ်သည်အထိ အရေးယူမည်

၃။ ရှမ်းပြည်ထွက်ကုန်စိမ်းများ ရန်ကုန်ဈေးကွက်တွင် အရောင်းအေးသော်လည်း ယခင်ထက် ၃၀ရာခိုင်နှုန်းခန့်ဈေးမြင့်တက်

၄။ ဂျပန်နှင့်အမေရိကန်စစ်ရေးပူးပေါင်းဆောင်ရွက်ဦးမည့်အစီအစဉ်အား ဂျပန်ပြည်သူများဆန္ဒပြ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ရန်ကုန်တိုင်းဒေသကြီး၊ အင်းစိန််မြို့နယ်၊ တညင်းကုန်းလက်ကား‌ဈေးကြီးမှာ အသစ်ဖွင့်လှစ်တော့မယ့် ဈေးရုံ အမှတ် ၅ ကို လာမယ့် မေလ ၁ရက်မှာ ဖွင့်လှစ်တော့မှာ ဖြစ်တယ်လို့ တညင်းကုန်းလက်ကားဈေးကြီး လုပ်ငန်းရေးရာဌာနက သိရပါတယ်။
#Local_News
Published_ 12 April 2024
#တညင်းကုန်းလက်ကား‌ဈေးကြီး #ကံစမ်းမဲအစီစဉ်များလဲပါရှိ
#YMG/LW #Yangon_Times

ပြီးခဲ့တဲ့လဆန်းပိုင်းကအနည်းငယ်ကျဆင်းသွားတဲ့ မတ်ပဲဈေးနှုန်း‌တွေ အခုရက်ပိုင်းအတွင်း ပြန်တက်နေပြီး အိန္ဒိယဝယ်လို
အားရှိနေတာ‌ကြောင့် ဈေးဆက်ကောင်းနိုင်တယ်လို့ မြန်မာကုန်သွယ်မှုမြှင့်တင်ရေးအဖွဲ့က သိရပါတယ်။
#Local_News
Published_ 12 April 2024
#မတ်ပဲဈေးပြန်တက်လာ #အိန္ဒိယဝယ်လိုအားရှိ
#YMG/NN #Yangon_Times

#Local_News
Published 12 April 2024

ဗဟိုဘဏ်၏ညွှန်ကြားချက်များကို မလိုက်နာ၍နိုင်ငံခြားငွေလဲကုမ္ပဏီ (၁)ခုကိုလိုင်စင်ရုပ်သိမ်းပြီး နိုင်ငံခြားငွေဝယ်ယူရောင်းချလဲလှယ်ပေးခွင့်လိုင်စင်ရကုမ္ပဏီ (၁၈)ခု၏လုပ်ငန်းလိုင်စင်များကို (၆)လ ဆိုင်းငံ့လိုက်ကြောင်းမြန်မာနိုင်ငံတော်ဗဟိုဘဏ်မှ ထုတ်ပြန်လိုက်သည်။

အဆိုပါ နိုင်ငံခြားငွေလဲကုမ္ပဏီ (၁၈)အား နိုင်ငံခြား ငွေများ ဝယ်ယူရောင်းချလဲလှယ်ပေးခွင့်လိုင်စင်ကို ဧပြီ ၁၁ ရက်ကစပြီး ၆ လဆိုင်းငံ့လိုက်သည်ဟု‌ဆိုသည်။

လိုင်စင် (၆) လဆိုင်းငံ့လိုက်သည့် ကုမ္ပဏီများထဲတွင် လေယာဉ်လိုင်း၊ဟိုတယ်၊ရင်းနှီးမြုပ်နှံမှုကုမ္ပဏီများ၊money Changerကုမ္ပဏီများအပါအဝင်ကုမ္ပဏီ(၁၈)ခုပါဝင်သည်။

ယင်းအပြင် မြန်မာနိုင်ငံတော်ဗဟိုဘဏ်မှ ထုတ်ပြန်သည့်စည်းမျဉ်း၊ စည်းကမ်းနဲ့ ညွှန်ကြားချက်များကို လိုက်နာမှုမရှိသည့်Shwe Khaing Toe ကုမ္ပဏီလီမိတက်၏လုပ်ငန်းလိုင်စင်ကိုလည်း ဧပြီ ၁၁ ရက်မှစပြီး ရုပ်သိမ်းလိုက်သည်ဟုဆိုသည်။

မြန်မာနိုင်ငံတော် ဗဟိုဘဏ်အနေဖြင့် စည်းကမ်းမလိုက်နာသည့် နိုင်ငံခြားငွေလဲကုမ္ပဏီများ၏ လုပ်ငန်းလိုင်စင်များကို ရုပ်သိမ်းခြင်း၊ ဆိုင်းငံ့ပြီး အရေးယူခြင်းများပြုလုပ်နေသလို နိုင်ငံခြားငွေကြေးဈေးကွက်မှာလည်း ပို့ကုန်သွင်းကုန်လုပ်ငန်းရှင်များကို နိုင်ငံခြားငွေများထုတ်ရောင်းပေးနေကြောင်း သိရသည်။

#Local_News #နိုင်ငံခြားငွေလဲကုမ္ပဏီ(၁)ခု # ကုမ္ပဏီ(၁၈)ခုကို လိုင်စင်(၆)လဆိုင်းငံ့ #tthl #Yangon_Times

ရှမ်းပြည်နယ်ကထွက်ရှိတဲ့ ကုန်စိမ်းတွေဟာ သင်္ကြန်ကာလနီးပေမယ့် ရန်ကုန်ဈေးကွက်မှာ အရောင်းဝယ်အေးနေတယ်လို့ သီရိမင်္ဂလာဈေးရှိ ရှမ်းကုန်စိမ်းပွဲရုံတွေထံက သိရပါတယ်။ ဈေးနှုန်းတွေကတော့ ယခင်ရက်တွေထက်ပစ္စည်းတစ်ခုလျှင် ၃၀ ရာခိုင်နှုန်း ဈေးမြင့်တက်လာတယ်လို့ ဆိုပါတယ်။
#Local_News
Published_ 12 April 2024
#ရှမ်းပြည်ထွက်ကုန်စိမ်း #၃၀ရာခိုင်နှုန်းခန့်ဈေးမြင့်တက်
#YMG/LW #Yangon_Times

သင်္ကြန်တွင်းYBS ယာဉ်စီးခပိုတောင်းသူတွေကို YRTC သို့တိုင်ကြားနိုင်ပြီး YBS ယာဉ်မောင်းခွင့်ယာယီပိတ်တဲ့အထိ အရေးယူမှာဖြစ်တယ်။ မူးပြီးမောင်းသူတွေကိုလည်း ယာဉ်ထိန်းရဲတွေမှ Alcohol Tester အရက်သောက်ထားခြင်း ရှိမရှိစစ်ဆေးပြီး ယာဉ်ထိန်းရဲတွေက ထိရောက်စွာအရေးယူတော့မှာဖြစ်တယ်။
(YRTCမှ တွဲဖက်အတွင်း ရေးမှူးဦးလျန်ကျင့်မန်)
#Local_News
Published_ 12 April 2024
#YBS ယာဉ်စီးခပိုတောင်းသူ #မူးပြီးမောင်းသူများ
#tthl #Yangon_Times

မြန်မာ့သရက်သီးများ တရုတ်နိုင်ငံသို့ ရှမ်းပြည်နယ်အရှေ့ပိုင်းဖြစ်တဲ့ကျိုင်းတုံ-မိုင်းလား-တာလော့လမ်း‌ကြောင်းမှ  တင်ပို့ရာတွင် ကုန်သွယ်မှုအတားအဆီးများအတွက် အဆင်‌ပြေစေရန်နှစ်ဖက် ညှိနှိုင်းပေါင်းစပ်အဖြေရှာနေတယ်လို့ သရက်စိုက်ပျိုးသူများနှင့်ကုန်သည်တွေဆီက သိရပါတယ်။
#Local_News
Published_ 12 April 2024
#ကျိုင်းတုံ-မိုင်းလား-တာလော့ #အဆင်‌ပြေစေရန်နှစ်ဖက်အဖြေရှာနေ
#YMG/NN #Yangon_Times

#Local_News
Published 12 April 2024

အဆို‌တော်အောင်လနှင့် အဆိုတော်ဝိုင်းစုခိုင်သိန်းတို့ ပြောထားသည့် အသံဖိုင်လူမှုကွန်ရက်ပေါ်ပြန့်နှံ့ခဲ့၍ အသံဖိုင်ပါ‌ အောင်လ‌ပြောထားသည့်စကားများအရနစ်နာခဲ့ရသည့် အေးသောင်း(ခေါ်)အေးဝတ်ရည်သောင်းအပါအဝင် ထိခိုက်နစ်နာခဲ့သူများကို  ‌အဆိုတော်အောင်လမှ နိုင်ငံပိုင်သတင်းစာမှ တစ်ဆင့်ပြန်လည်တောင်းပန်ခဲ့ကြောင်းသိရသည်။

အသံဖိုင်ကြောင့် မရည်ရွယ်ဘဲ အေးသောင်းအပါ အဝင် ထိခိုက်နစ်နာစေခဲ့သူများကို လေးစားစွာ အနူးအညွတ်တောင်းပန်ကြောင်း၊

အ‌ဆိုပါ ကာယကံရှင်နှင့် ပတ်သက်၍ ပြန့်နှံ့နေသော အသံဖိုင်အတွင်း၌ဖော်ပြထားသကဲ့သို့ အဆက်အသွယ်မရှိခဲ့သည့်အပြင် လူမှုရေး၊ စီးပွားရေးအဆက်အသွယ်မရှိသည်မှာလည်း ယနေ့တိုင်ဖြစ်ကြောင်း၊

သို့ဖြစ်ပါ၍ကာယကံရှင် မိတ်ဆွေတို့အား ထိခိုက်နစ်နာစေခဲ့သည့်အတွက် ကျွန်တော့်အား ခွင့်လွှတ် ပေးပါရန် အနူးအညွတ်တောင်းပန်အပ်ကြောင်း ဖော်ပြထားသည်။

လူမှုကွန်ရက်ပေါ်ပြန့်နှံ့ခဲ့သည်  အောင်လပြောထားသည့်အသံဖိုင်တွင် သရုပ်ဆောင်အေးသောင်း(ခေါ်) အေးဝတ်ရည်သောင်း၊နန်းဆုဦး၊နန်းမွေ့စံ၊သင်ဇာဝင့်ကျော်စသည့်နာမည်များပါပါဝင်နေပြီး သရုပ်ဆောင်အေးသောင်း(ခေါ်) အေးဝတ်ရည်သောင်း၊နန်းဆုဦးကတော့  အောင်လပြောသော အကြောင်းအရာများမမှန်ကန်‌‌ကြောင်းနှင့်တရားဝင်မတောင်းပန်ပါက တရားဥပဒေအရ ဆောင်ရွက်ရန်ရှိကြောင်း ၎င်းတို့၏ လူမှုကွန်ရက်မှတစ်ဆင့် ရေးထားဖော်ပြခဲ့ရာ ယခုလို အောင်လမှ သတင်းစာမှတစ်ဆင့်ပြန်တောင်းပန်ခြင်းဖြစ်ကြောင်း သိရသည်။

#Local_News #အေးသောင်းအပါအဝင်အသံဖိုင် #အဆိုတော်အောင်လ #နိုင်ငံပိုင်သတင်းစာမှပြန်တောင်းပန် #tthl #Yangon_Times

#World_Health
Published 12 April 2024

ငယ်ရွယ်စဉ် အလုပ်ချိန်ပုံမှန်မဟုတ်ဘဲ လုပ်ရသူတွေဟာ အသက်အရွယ် နောက်ပိုင်းမှာ ကျန်းမာရေးကို ထိခိုက်စေနိုင်ကြောင်း လေ့လာတွေ့ရှိထားပါတယ်။

ဒီသုတေသနမှာ အစောပိုင်းအသက်တွေမှာ အလုပ်လုပ်ချိန်တွေက အနာဂတ်မှာ ဘဝအပေါ် သက်ရောက်ပုံတွေကို တွေ့ရှိခဲ့ပါတယ်။

သုတေသနထဲမှာ အလုပ်လုပ်ချိန်တွေကို အပိုင်း ၄ ပိုင်းခွဲခြားထားပါတယ်။

ပုံမှန်အချိန်က နံနက် ၆ နာရီနဲ့ နောက်ပိုင်းမှစကာ ညနေ ၆ နာရီပြီးခြင်း။

ညနေပိုင်း နေ့လယ် ၂ နာရီနောက်ပိုင်းမှစကာ ည ၁၂ နာရီပြီးခြင်း။

ညပိုင်းအချိန် ၉ နာရီနောက်ပိုင်းမှစကာ နံနက် ၈ နာရီပြီးခြင်း။

အမျိုးမျိုးသောအချိန်တွေကတော့ ပုံမှန်မဟုတ်တဲ့ အလုပ်ချိန်တွေ ဖြစ်ပါတယ်။

အမျိုးမျိုး‌ေသာ အလုပ်လုပ်ချိန် လုပ်သူတွေက အိပ်ရေးမဝခြင်း၊ ရုပ်ပိုင်းဆိုင်ရာ စိတ်ပိုင်းဆိုင်ရာ လုပ်ဆောင်ချက်များ ကျဆင်းခြင်း၊ အသက် ၅၀ လောက် ရောက်တဲ့အခါ ပုံမှန်အလုပ်ချိန် လုပ်ခဲ့သူတွေထက် ကျန်းမာရေးပြဿနာ ပိုမိုဆိုးရွားခြင်းတို့ ဖြစ်စေနိုင်ကြောင်း နယူးယော့ခ်တက္ကသိုလ်မှ ပရော်ဖက်ဆာ ဒေါက်တာဟန်က ပြောပြခဲ့ပါတယ်။

အလုပ်ချိန်ကို ပြောင်းလဲဖို့က ခက်ခဲပေမယ့် ကျန်းမာရေးနဲ့ ညီညွတ်စွာ စားသောက်ခြင်း၊ လေ့ကျင့်ခန်းလုပ်ခြင်း၊ စိတ်ပြေလျော့ခြင်းတို့ဖြင့် ကျန်းမာရေးပြဿနာ ဖြစ်နိုင်ခြေကို လျှော့ချနိုင်ပါတယ်။

လူမည်းလူမျိုးတွေက ကျန်းမာရေးပြဿနာ ပိုမိုဆိုးရွားနိုင်ကာ အမျိုးသမီးတွေက အိပ်စက်မှုပြဿနာ ပိုမိုဆိုးရွားနိုင်ပါတယ်။

ဒီအချက်အလက်တွေဟာ အသက် ၁၄ မှ ၂၂ နှစ်အတွင်း လူပေါင်း ၇၃၀၀ ကျော်ကို လေ့လာခဲ့တာ ဖြစ်ပါတယ်။

အလုပ်မရှိတာထက် ပုံမှန်မဟုတ်တဲ့ အလုပ်ချိန် လုပ်ကြသူတွေဟာ ရေရှည်ကျန်းမာရေးအပေါ် ပိုမိုဆိုးရွားစွာ ထိခိုက်စေတယ်လို့ သုံးသပ်ရမှာ ဖြစ်ပါတယ်။

#World_Health #ပုံမှန်မဟုတ်သောအလုပ်ချိန် #ကျန်းမာရေးထိခိုက်နိုင် #Source: WION

#World_Health
Published 12 April 2024

ဗြိတိန်ဆရာဝန်တစ်ဦးက ကျားအင်္ဂါအလွှာပါးလေးကို အဏုကြည့်မှန်ဖြင့် ကြည့်ရှုပုံကို တစ်တော့ပေါ်မှာ တင်ခဲ့ပါတယ်။

အကျယ်ချဲ့ကြည့်ရာမှာ ပန်းရောင်သမ်းနေတဲ့ပုံကို ဒေါက်တာ ကာရန်ရာဂျ်က ဗီဒီယိုတင်ခဲ့ပါတယ်။

ထိုပစ္စည်းဟာ ဆလင်ဒါ ၃ ခုဖြင့်ဖွဲ့စည်းထားပြီး ပထမ ၁ ခုနဲ့ ၂ ခုက ကော်ပိုရာကာဗာနိုဆာတို့ ဖြစ်တယ်လို့ ဆိုပါတယ်။

ကော်ပိုရာကာဗာနိုဆာက အကြီးဆုံးဆလင်ဒါ ၂ ခုဖြစ်ပြီး အင်္ဂါအလျားလိုက်အတိုင်း ရှိနေကာ ထောင်မတ်စဥ်မှာ သွေးတွေပြည့်လာတဲ့ နေရာဖြစ်ပါတယ်။

ပုံကိုထပ်မံအကျယ်ချဲ့ရာမှာ ကော်ပိုရာကာဗာနိုဆာထဲမှာ အကိုင်းခက်များကဲ့သို့ သွေးကြောမျှင်လေးများက သွေးတွေကို သယ်ပို့ပေးပါတယ်။

သွေးကြောများနဲ့ အင်္ဂါအဖောင်းအပွများကြား နေရာလွတ် သေးသေးလေးတွေက ကျယ်လာတဲ့နေရာ ဖြစ်ပါတယ်။

တတိယမြောက် ဆလင်ဒါကတော့ ဆီးလမ်းကြောင်းရှိနေတဲ့ ကော်ပတ်စ်စပွန်ဂျီယိုစမ် ဖြစ်ပါတယ်။

ထိုဆလင်ဒါက ထောင်မတ်စဥ် သွေးများပြည့်လာပြီး ဆီးလမ်းကြောင်းကို ဖိလိုက်တာ ဖြစ်ပါတယ်။

ဒါကြောင့် လိင်အင်္ဂါထောင်မတ်စဥ် ဆီးသွားဖို့ ခက်ခဲတာဖြစ်ပါတယ်။

တစ်တော့ကြည့်သူတွေကတော့ ကျားအင်္ဂါအသားလွှာကို ဘယ်ကရလဲလို့ မေးနေကြပါတယ်။

ဘယ်လိုပဲဖြစ်ဖြစ် ဒီလိုနည်းနဲ့ လူအများစိတ်ဝင်စားအောင် ပြုလုပ်နိုင်ခဲ့ပါတယ်။

#World_Health #ကျားအင်္ဂါအလွှာပါးလေး #Source: New York Post #အဏုကြည့်မှန်ဖြင့်မြင်ရပုံ