၁၉ ဧပြီ ၂၀၂၄

ဟိန္ဒူအမျိုးသားရေးဝါဒီ ဝန်ကြီးချုပ်နာရင်ဒရာမိုဒီအတွက် အောင်ပွဲအသေအချာဖြစ်စေမည့် ခြောက်ပတ် ကြာ အိန္ဒိယရွေးကောက်ပွဲကို ဧပြီ ၁၉ ရက် သောကြာနေ့မှာ စတင်လိုက်ပါတယ်။

ကမ္ဘာ့အကြီးမားဆုံးရွေးကောက်ပွဲဖြစ်သည့် အိန္ဒိယရွေးကောက်ပွဲတွင် မဲဆန္ဒရှင်ပေါင်း ၉၆၈သန်းက ဆန္ဒမဲ ပေးကြမည်ဖြစ်ပါတယ်။

ဟိန္ဒူတို့ရဲ့ အထွတ်အမြတ်ထးရာ ဂင်္ဂါမြစ်ကမ်းဘေးရှိ ဟာရီဒွာမြို့က မဲရုံတစ်ရုံရဲ့အပြင်ဘက်မှာ မဲပေးကြ မယ့် လူတန်းကြီး ဟာ မဲရုံမဖွင့်ခင်ကတည်းက အရှည်ကြီးဖြစ်နေတာတွေ့ကြရပါတယ်။

“ ကျွန်တော်ဒီနေ့မဲလာပေးတာဟာ နိုင်ငံက ဦးတည်နေတဲ့လမ်းကြောင်းအပေါ် သဘောကျလို့ဖြစ်တယ်” လို့ အသက် ၂၇နှစ်အရွယ် ဆိုက်ကားဆရာ ဂန်ဂါဆင်းကပြောပါတယ်။

“ ကျွန်တော်က ကိုယ်ရေးကိုယ်တာအတွက်မဟုတ်ဘဲ နိုင်ငံချမ်းသာရေးအတွက်စိတ်ထားပြီး မဲပေးမှာပါ” လို့သူကပြောပါတယ်။

အသက် ၇၃နှစ်အရွယ်မိုဒီဟာ ဝန်ကြီးချုပ်ရာထူးကို ဆယ်စုနှစ်တစ်စုကြာယူထားခဲ့ပြီးတဲ့တိုင် ဆက်လက် ပြီး လူကြိုက်များနေဆဲဖြစ်ပါတယ်။

“ စံချိန်းချိုးတဲ့အထိ မဲတွေပေးကြဖို့ အားလုံးကိုတောင်းဆိုပါတယ်” လို့ မိုဒီက မဲပေးပွဲစတင်တဲ့အချိန်မှာ ဆိုရှယ်မီဒီယာ အိတ်စ် ကနေ ရေးသားခဲ့ပါတယ်။

မိုဒီဟာ  ၂၀၁၄နှင့် ၂၀၁၉ ရွေးကောက်ပွဲနှစ်ခုစလုံးမှာ တောင်ပြိုကမ်းပြိုအနိုင်ရခဲ့တဲ့ အာဏာရ ဘီဂျေပီ ပါတီကိုဦးဆောင်နေခဲ့ပါတယ်။

ရွေးကောက်ပွဲတွေကို ဧပြီ ၁၉ရက်မှ ဇွန်လ(၁)ရက်အထိ အဆင့်(၇)ဆင့်ဖြင့် အိန္ဒိယနိုင်ငံတစ်လွှားက မဲရုံပေါင်းတစ်သန်းကျော်မှာ ကျင်းပသွားမှာဖြစ်ပါတယ်။

မဲတွေကို ဇွန်(၄)ရက်နေ့မှာ ရေတွက်မှာဖြစ်ပြီး ပုံမှန်အားဖြင့် အဲဒီရက်မှာပဲ ရလာဒ်ကို ကြေညာ လေ့ရှိပါတယ်။

Source AFP

ဟိုအရင်တုန်းကလို ပုဂံနံရံပန်းချီတွေကို ပုဂံသဲပန်းချီအဖြစ် ကူးဆွဲသူအချို့ဟာ အခြားသူတွေမကူးဆွဲနိုင်အောင် မူလနံရံပန်းချီလက်ရာတွေကိုဖျက်ဆီးခဲ့တာတွေမလုပ်ဖို့လိုတယ်။ ပြည်တွင်းဘုရားဖူးတွေရဲ့ ဝယ်ယူအားပေးမှုတွေတက်ခဲ့ပေမယ့် နိုင်ငံခြားသားဝယ်ယူမှုကတော့ နည်းပါးနေသေးတယ်။ ပုဂံမှာလာဝယ်ယူတာထက်အွန်လိုင်းက မှာယူတာအနည်းငယ်သာ ရှိနေသေးတယ်။(ပုဂံသဲပန်းချီရောင်းဝယ်ရေးလုပ်ငန်းပိုင်ရှင် ကိုမင်း)
#Local_News
Published_ 19 April 2024
#ပုဂံသဲပန်းချီ #ပုဂံနံရံပန်းချီ
#tthl #Yangon_Times

အစ္စရေးက အီရန်ကို လက်တုန့်ပြန် တိုက်ခိုက်

၁၉ ဧပြီ ၂၀၂၄

အစ္စရေးက အီရန်ကို သောကြာနေ့မှာလက်တုန့်ပြန်တိုက်ခိုက်မှုများပြုလုပ်ခဲ့တယ်လို့ အမေရိကန်မီဒီယာ   များက သတင်းဖော်ပြကြပြီးနောက် အီရန်နိုင်ငံပိုင်မီဒီယာကလည်း အီရန် အလယ်ပိုင်း အစ်စ်ဖန်ဟန် ပြည်နယ်တွင် ပေါက်ကွဲမှုများဖြစ်ခဲ့တယ်လို့ သတင်းရေးသားကြပါတယ်။

အီရန်မြို့တော်တော်များများမှာရှိတဲ့ လေကြောင်းရန်ကာကွယ်ရေးစနစ်တွေတုန့်ပြန်လုပ်ဆောင်မှုတွေရှိခဲ့ တယ်လို့ အီရန်နိုင်ငံပိုင်မီဒီယာတွေက သတင်းဖော်ပြကြပါတယ်။ အစ်ဖန်ဟန် မြို့အနီးတစ်ဝိုက်မှာ ပေါက်ကွဲသံတွေကြားတယ်လို့လည်း အီရန်ရဲ့ တရားဝင်ရုပ်သံက သတင်းထုတ်လွှင့်ပါတယ်။

ပြီးခဲ့တဲ့ ရက်သတ္တပ်က အစ္စရေးကို အီရန်က ဒုံးကျည်ရာပေါင်းများစွာနှင့် ပစ်လွှတ်တိုက်ခိုက်ပြီးတဲ့နောက်  အီရန်ကိုပြန်တိုက်ခိုက်မယ်လို့ အစ္စရေးက သတိပေးထားခဲ့ပြီးဖြစ်ပါတယ်။

အီရန်ရဲ့ ဖာစ်သတင်းအေဂျင်စီက သတင်းပေးပို့ရာမှာ အစ်ဖန်ဟန်လေဆိပ်နှင့် ရှက်ကာရီလေတပ်အခြေ စိုက် စခန်းအမှတ်(၈)တွေအနီး ကွာဂျာဗာရက်စတန်အနီး ပေါက်ကွဲမှုသုံးခုအသံကြားရတယ်လို့ပြော ပါတယ်။

အီရန် အာကာသအေဂျင်စီပြောရေးဆိုခွင့်ရသူ ဟိုစိန်ဒါလီရီယန်ကလည်း ဒရုန်းတော်တော်များများကို အောင်မြင်စွာပစ်ချခဲ့တယ်လို့ပြောပါတယ်။

ဒုံးကျည်ဖြင့်တိုက်ခိုက်မှု မကြားရသေးဘူးလို့လည်း သူကပြောပါတယ်။

အကြီးအကျယ်ထိခိုက်မှုတွေနှင့် ကြီးမားတဲ့ပေါက်ကွဲမှုတွေဖြစ်ခဲ့တယ်လို့ သတင်းတွေမှာ မတွေ့ရဘူးလို့ လည်း တရားဝင် IRNA သတင်းအေဂျင်စီက ပြောပါတယ်။

ကျယ်လောင်တဲ့ပေါက်ကွဲသံတွေဆိုတာဟာ လေကြောင်းရန်ကာကွယ်ရေးစနစ်က လေထဲက ပစ်မှတ်  တွေကို ပစ်ချတဲ့အသံတွေဖြစ်တယ်လို့ အစ်ဖန်ဟန်မှ အကြီးတန်းစစ်ဘက်အရာရှိ ဗိုလ်ချုပ် ဆီယာဗက် မီဟန်ဒိုးစ်က နိုင်ငံပိုင်ရုပ်သံကိုပြောကြားပါတယ်။

Source AFP

#Local_News
Published 19 April 2024

ရှမ်းပြည်နယ်မြောက်ပိုင်း၊ သီပေါမြို့ရှိ သီတဂူစက္ခုဒါနဆေးရုံကြီးတွင် မေလအတွင်း၌ အခမဲ့မျက်စိခွဲစိတ်ကုသပေးသွားမည်ဖြစ်ရာ ကုသလိုသူများအနေဖြင့် မေ၁ရက်၌ လူနာမှတ်တမ်းစာအုပ်လုပ်နိုင်ပြီဖြစ်ကြောင်း သိရသည်။

အဆိုပါ  သီပေါမြို့၊ မဟာမြတ်မုနိဘုရားကြီးဝင်းအတွင်းရှိ သီပေါသီတဂူစက္ခုဒါနဆေးရုံကြီးတွင် လာမည့်မေလ(၆)ရက်မှ မေလ (၈) ရက်အထိ သုံးရက်ကြာ အခမဲ့မျက်စိခွဲစိတ်ကုသပေးသွားမည်ဖြစ်ပြီးထိုသို့ အခမဲ့ခွဲစိတ်ကုသပေးမှုသည် (၅၃)ကြိမ်မြောက် ကုသပေးခြင်းဖြစ်ကြောင်း သိရသည်။

အဆိုပါ သီပေါမြို့ သီတဂူစက္ခုဒါနဆေးရုံကြီးအား သီတဂူဆရာတော်ဘုရားကြီးက (၂၀၀၈) ခုနှစ်တွင် ဦးစီးဖွင့်လှစ်ပေးခဲ့ခြင်းဖြစ်ပြီး ကိုဗစ်-၁၉ ရောဂါ ကာလမှစတင်ကာ စမ်းသပ်ခွဲစိတ်ကုသပေးမှုများအား ယာယီရပ်ဆိုင်းခဲ့ပြီး ၂၀၂ ၂ခုနှစ်၊ မေလတွ င် (၄၈)ကြိမ်မြောက် ပြန်လည်ဖွင့်လှစ် ခွဲစိတ်ကုသဆောင်ရွက်ပေးခဲ့ကြောင်း သိရသည်။

#Local_News #သီပေါမြို့သီတဂူစက္ခုဒါနဆေးရုံကြီး #အခမဲ့မျက်စိခွဲစိတ်ကုသပေး #YMG/ NN #Yangon_Times

#Local_News
Published 19 April 2024

ထိုင်းနိုင်ငံ၊ ဆူရတ်ဌာနီမြို့တွင် အလုပ်လုပ်ကိုင်နေသည့် မြန်မာဇနီးမောင်နှံ ၂ ဦး မှာ ဧပြီလ ၁၆ ရက်က ဖွင့်လှစ်ခဲ့သည့် ထိုင်းအစိုးရထီဖွင့်ပွဲ မှ ၉၃၄၅၉၈ ဂဏန်းဖြင့် ဘတ်(၆) သန်းဆု ဆွတ်ခူးရရှိခဲ့ကြောင်း ထိုင်းရောက် မြန်မာအလုပ်သမားအရေးကူညီဆောင်ရွက်ပေးသည့်အဖွဲ့ထံက သိရသည်။

အဆိုပါ ဇနီး မောင်နှံ ၂ ဦး မှာ ၂ နှစ်ကျော်အရွယ် သားငယ်နှင့်အတူ ထိုင်းနိုင်ငံ၊ ဆူရတ်ဌာနီမြို့ရှိ ရေခဲစက်ရုံတွင် ၃ နှစ်ခန့်အလုပ်လုပ်ကိုင်နေကြသူများဖြစ်ပြီး သားဖြစ်သူမှ ထီထိုးမည်ဟု ပြောဆိုခဲ့တာကြောင့် ထိုင်းထီကိုပထမဦးအကြိမ် ကံစမ်းကြည့်ရာမှ ယခုကဲ့သို့ ထိုင်းအစိုးရထီ၏ပထမဆုဖြစ်သည့် ဘတ် (၆) သန်းဆုကို ဆွတ်ခူးခဲ့ခြင်း ဖြစ်ကြောင်း သိရသည်။

ထိုင်းထီ ဘတ်(၆)သန်းဆုပေါက်ခဲ့ကြသူ ၂ ဦးမှာ အသက် ၂၀ ကျော်အရွယ် လူငယ်ဇနှီးမောင်နှစ်ဦးဖြစ်ပြီး တနင်္သာရီတိုင်းဒေသကြီး မှ ထားဝယ်လူမျိုးဖြစ်ကြောင်း သိရသည်။

ကံထူးရှင် ဇနှီးမောင်နှံ ၂ ဦးမှ ဆုငွေထုတ်ယူဖို့အတွက် ထိုင်းရောက် မြန်မာအလုပ်သမားအရေးကူညီဆောင်ရွက်ပေးသည့်အဖွဲ့မှ ကူညီပေးခဲ့ရာ ဧပြီ ၁၇ ရက်တွင် ဆုငွေများ ရရှိခဲ့ကြောင်း သိရသည်။

#Local_News #မြန်မာဇနီးမောင်နှံ #ထိုင်းထီဘတ်၆သန်းဆုဆွတ်ခူးသွား #YMG/LW #Yangon_Times

#World_Politics
Published 19 April 2024

ကုလသမဂ္ဂလုံခြုံရေးကောင်စီမှာ ပါလက်စ်တိုင်း အမြဲတမ်းအဖွဲ့ဝင် ဖြစ်မြောက်ရေးကို အမေရိကန်က ဗီတိုအာဏာသုံး ကန့်ကွက်ပယ်ချလိုက်သဖြင့် ပါလက်စ်တိုင်းတို့အတွက် ကုလသမဂ္ဂ အဖွဲ့ဝင်ဖြစ်ရေး ကြိုးပမ်းမှုကို ကြာသပတေးနေ့က ထိရောက်စွာ တားဆီးခံခဲ့ရပါတယ်။

ပါလက်စ်တိုင်းကို ကုလသမဂ္ဂအဖွဲ့ဝင်အဖြစ် လက်ခံပေးဖို့ အဖွဲ့ဝင် ၁၉၃ နိုင်ငံပါ ကုလအထွေထွေ ညီလာခံကြီးမှာ တင်သွင်းတဲ့ အဆိုပြုမူကြမ်းကို အမေရိကန်က ဗီတိုအာဏာ သုံးခဲ့တာဖြစ်ပြီး ဗြိတိန်နဲ့ ဆွစ်ဇာလန်တို့က ကြားနေမဲပေးခဲ့ကာ ကျန် ၁၂ နိုင်ငံက ထောက်ခံမဲပေးခဲ့ပါတယ်။

အမေရိကန်အနေနဲ့ နှစ်နိုင်ငံစည်းမျဥ်းကို ဆက်လက်ထောက်ခံသွားမှာ ဖြစ်ကြောင်း၊ ဒီမဲပေးမှုက ပါလက်စ်တိုင်းတို့ရဲ့ နိုင်ငံဖြစ်တည်မှုကို ဆန့်ကျင်တဲ့သဘော မဟုတ်ကြောင်း၊ အဖွဲ့အစည်းများကြား တိုက်ရိုက်ညှိနှိုင်းချက်တွေကနေသာ ဆုံးဖြတ်တာဖြစ်ကြောင်း ကုလသမဂ္ဂဆိုင်ရာ အမေရိကန် လက်ထောက်သံအမတ် ရောဘတ်ဝုဒ်က ကောင်စီမှာ ပြောကြားသွားပါတယ်။

ပါလက်စ်တိုင်းသမ္မတ မာမော့အက်ဘက်စ်က အမေရိကန်ရဲ့ ဗီတိုအာဏာသုံးခြင်းကို တရားမျှတမှုမရှိ ကျင့်ဝတ်မရှိဘူးလို့ ရှုတ်ချလိုက်ပါတယ်။

ကုလသမဂ္ဂဆိုင်ရာ ပါလက်စ်တိုင်းသံအမတ် ရီယက်မန်ဆော်က အဆိုပြုတင်သွင်းချက် မအောင်မြင်ပေမယ့် ပါလက်စ်တိုင်းတို့ရဲ့ စိတ်ဆန္ဒတွေ ကျိုးပျက်သွားမှာမဟုတ်ဘဲ ကြိုးပမ်းအားထုတ်မှုတွေ ရပ်တန့်သွားမှာ မဟုတ်ဘူးလို့ ပြောကြားလိုက်ပါတယ်။

အစ္စရေးလ်နဲ့ ပါလက်စ်တိုင်း စစ်သွေးကြွ ဟားမတ်စ်တို့ ဂါဇာကမ်းမြောင်မှာ စစ်ဖြစ်နေတာ ၆ လခန့် ကြာမြင့်တဲ့အချိန်မှာပဲ ပါလက်စ်တိုင်းတို့က ကုလအမြဲတမ်းအဖွဲ့ဝင်ဖြစ်ရေး ကြိုးပမ်းလာတာ ဖြစ်ပါတယ်။

ထောက်ခံမဲပေးခဲ့တဲ့ ၁၂ နိုင်ငံနဲ့ ပတ်သက်ပြီး အစ္စရေးလ်သံအမတ် ဂျီလက်အာဒန်က ငြိမ်းချမ်းရေးရဖို့ မဖြစ်နိုင်လုနီးပါး ဖြစ်နေပြီလို့ ဆိုလိုက်ပါတယ်။

လက်ရှိမှာ ပါလက်စ်တိုင်းဟာ ကုလသမဂ္ဂ အဖွဲ့ဝင်နိုင်ငံမဟုတ်ဘဲ စောင့်ကြည့်သူအဖြစ်သာ ရှိနေပါတယ်။

နိုင်ငံနှစ်ခု ငြိမ်းချမ်းစွာရပ်တည်ရေး စည်းမျဥ်းကို အကောင်အထည် မဖော်နိုင်ခြင်းက ဒေသတွင်းရှိ သန်းပေါင်းချီတဲ့လူတွေအတွက် ဘေးအန္တရာယ်များစေမှာ ဖြစ်တယ်လို့ ကုလအထွေထွေ အတွင်းရေးမှူး အန်တိုနီယိုဂူတာရက်စ်က ကြာသပတေးနေ့ အစောပိုင်းမှာ ပြောကြားခဲ့ပါတယ်။

#World_Politics #ပါလက်စ်တိုင်း #အမေရိကန်ဗီတိုအာဏာပယ်ချ #Source: Reuters

#Local_News

Published 19 April 2024

ဖူဆယ်အာရှဖလားပြိုင်ပွဲတွင် ယနေ့ ဧပြီ(၁၉) ရက်ည‌နေ၌အိမ်ရှင်ထိုင်းနှင့်မြန်မာအသင်းတို့သည်ထိုင်းနိုင်ငံ၊ ဘန်ကောက်ရှိ Humark Indoor Stadium, Bangkokတွင်ယှဉ်ပြိုင်မည် ‌ဖြစ်ကြောင်းမြန်မာ နိုင်ငံဘောလုံးအဖွဲ့ချုပ်မှ သိရသည်။

ဖူဆယ်အာရှဖလားပြိုင်ပွဲတွင် ပွဲဦးထွက်အ‌နေဖြင့် မြန်မာအသင်းနှင့်ဗီယက်နမ်အသင်းယှဉ်ပြိုင်ရာ၌ တစ်ဖက်တစ်ဂိုးစီဖြင့်သရေကျခဲ့သည်။

မြန်မာဖူဆယ်အသင်းသည် ဧပြီ(၁၇)ရက်မှာ ထိုင်းနိုင်ငံဘန်ကောက်မှာ ဗီယက်နမ်အသင်းနဲ့ အုပ်စု ပထမပွဲစဉ်အဖြစ်ယှဉ်ပြိုင်ခဲ့သည်။

မြန်မာ့လက်ရွေးစင်အသင်း နည်းပြချုပ် Mr. Bunlert Charoenwong က "ဒီနေ့ပွဲမှာ ဗီယက်နမ်လို အသင်းကောင်း တစ်သင်းကို သရေကျခဲ့တဲ့ အတွက် ပျော်ရွှင်ရပါတယ်။ ကစားသမားတွေက ကျွန်တော့် နည်းစနစ်အတိုင်း အကောင်းဆုံး ကစားနိုင်ခဲ့သလို ခံစစ်ကစားပုံကလည်း တော်တော်ကို ကောင်းခဲ့ပါတယ်။ ဒါပေမဲ့ အချို့ ကစားသမားတွေက စိတ်လှုပ်ရှားမှုတွေ ရှိနေပါသေးတယ်။ ကစားသမားသစ်တွေအတွက်လည်း အတွေ့အ ကြုံ ကောင်းတွေ ရရှိမှာပါ။ ထိုင်းနဲ့ ပွဲအပါအဝင် နောက်ပွဲစဉ်အတွက်လည်း ကောင်းဆုံး ပြင်ဆင်သွားမှာပါ"လို့ AFC Futsal Asian Cup 2024 ပြိုင်ပွဲ  ဗီယက်နမ်အသင်းနှင့် ပွဲအပြီးမှာ ပြောကြားခဲ့သည်။

Readmore>>>
မြန်မာ-ဗီယက်နမ်ပွဲစဉ်တွင် ပထမပိုင်းအချိန်အထိ နှစ်ဘက်အသင်းမှ ဂိုးရရှိဖို့ အသည်းအသန်ကြိုးပမ်း‌ခဲ့ကြပေမယ့် ဂိုးမရကြဘဲ ဒုတိယပိုင်းမှ တစ်ဂိုး-တစ်ဂိုးစီဖြင့် သရေကျခဲ့သည်။

ရှေ့ဆက်ပြီး ဧပြီ(၁၉)ရက်မှာ အိမ်ရှင်ထိုင်းနှင့် မြန်မာအသင်းဆက်ပြိုင်ရမှာဖြစ်ပြီး ဧပြီ(၂၁)ရက်မှာတော့ တရုတ်နှင့်ယှဉ်ပြိုင်ရမှာဖြစ်ကြောင်း သိရသည်။

#Local_News #ဖူဆယ်အာရှဖလားပြိုင်ပွဲ #အိမ်ရှင်ထိုင်းနှင့်မြန်မာပြိုင် #tthl #Yangon_Times

#Local_News
Published 19 April 2024

ဒေါ်အောင်ဆန်းစုကြည်နှင့်ပတ်သက်သည့် မေးမြန်းချက်အပါအဝင် မြန်မာနိုင်ငံနှင့်ပတ်သက်သည့်မေးခွန်းများကို တရုတ်နိုင်ငံ၊နိုင်ငံခြားရေးဝန်ကြီး ဌာနမှပြန်လည်ဖြေကြားခဲ့ပြီး မြန်မာနိုင်ငံ‌ဆိုင်ရာ တရုတ်သံရုံးမှ သတင်းထုတ်ပြန်လိုက်‌ကြောင်း သိရသည်။

ဧပြီလ ၁၇ ရက်၌ ကျင်းပပြုလုပ်သည့် တရုတ်နိုင်ငံခြားရေးဝန်ကြီးဌာန ပုံမှန်သတင်းစာရှင်းလင်းပွဲတွင် ရိုက်တာသတင်းဌာနမှသတင်းထောက်က မြန်မာနိုင်ငံ နိုင်ငံတော်အတိုင်ပင်ခံပုဂ္ဂိုလ်ဟောင်း ဒေါ်အောင်ဆန်းစုကြည်ကို အကျဉ်းထောင်မှ နေအိမ်အကျယ်ချုပ်သို့ ပြောင်းရွှေ့လိုက်သည်ဟု သတင်းမီဒီယာများတွင်ဖော်ပြကြကြောင်း၊

 တရုတ်နိုင်ငံသည် မြန်မာနိုင်ငံ ငြိမ်းချမ်းရေးဆွေးနွေးမှုအတွက် ကြားဝင်စေ့စပ်ရာတွင် အရေးကြီးသော ကဏ္ဍမှပါဝင်နေကြောင်း၊ 

ဒေါ်အောင်ဆန်းစုကြည် လွတ်မြောက်လာသည့်သတင်းအပေါ်  တရုတ်နိုင်ငံက ကြိုဆိုပါသလား ဟူသည့် မေးမြန်းချက်အပေါ် တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Mr. Lin Jian မှ အောက်ပါအတိုင်း ပြောကြားခဲ့သည်ဟုဆိုသည်။

Mr. Lin Jian က တရုတ်နိုင်ငံသည် အဆိုပါသတင်းကိုသတိထားမိပါကြောင်း၊ မြန်မာနိုင်ငံဘက်အသီးသီးက တရားဥပဒေမူဘောင်အတွင်း၌ ဆွေးနွေးညှိနှိုင်းပြီး သက်ဆိုင်ရာ ပြဿနာကိုဖြေရှင်းရန် တရုတ်နိုင်ငံမှ အားပေးထောက်ခံမှုကို ထပ်လောင်းပြောကြားလိုကြောင်း ဖြေကြား ခဲ့ကြောင်း မြန်မာနိုင်ငံ‌ဆိုင်ရာတရုတ်သံရုံးမှ ထုတ်ပြန်လိုက်သည်။

#Local_News #မြန်မာနိုင်ငံငြိမ်းချမ်းရေးဆွေးနွေးမှု #tthl #Yangon_Times

#Local_News
Published_18 April 2024

ရခိုင်ပြည်နယ်၊ ဘူးသီးတောင်မြို့နယ်အတွင်း လက်နက်ကြီးကျ၍ ဒေသခံ ၄ ဦးသေဆုံး၍ အသက် ၁၂ နှစ်အရွယ် ကလေးငယ် ၁ ဦးအပါအဝင် ၈ ဦး ပြင်းထန်စွာဒဏ်ရာရခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ဧပြီလ ၁၇ ရက် ညနေ ၅ နာရီခွဲခန့်တွင် ရခိုင်ပြည်နယ်၊ ဘူးသီးတောင်မြို့အတွင်းသို့ မြို့၏အရှေ့မြောက်ဘက်မှ လက်နက်ကြီး များဖြင့် AA အဖွဲ့ကပစ်ခတ်ခဲ့သောကြောင့် လက်နက်ကြီးကျည်များ အမှတ်(၂)ရပ် ကွက် တွင်း သို့ ကျရောက်ပေါက်ကွဲခဲ့သဖြင့် အပြစ်မဲ့အရပ်သားပြည်သူ အမျိုးသား ၁ ဦး၊ အမျိုးသမီး ၃ ဦး၊ စုစုပေါင်း ၄ ဦး သေဆုံးပြီး ၁၂ နှစ်အရွယ်ကလေးငယ် ၁ ဦးအပါအဝင် ၈ ဦး ပြင်းထန်စွာ ထိခိုက်ဒဏ်ရာရရှိခဲ့ကြောင်း သိရသည်။

ယခုအခါ အဆိုပါ ထိခိုက်ဒဏ်ရာရရှိသူ များအား လုံခြုံရေးတပ်ဖွဲ့ဝင်များက နယ်မြေခံတပ်မတော်ဆေးရုံသို့ ပို့ဆောင်၍ လိုအပ်သောဆေးဝါးကုသမှုများ ဆောင်ရွက်ပေးလျက်ရှိကြောင်း သိရသည်။

ယင်းအပြင် ဧပြီလ ၁၇ ရက်က ဘူးသီးတောင်မြို့နယ်၊ အမှတ်(၅)ရပ်ကွက်အတွင်းကားပစ္စည်းဆိုင်တစ်ဆိုင်မှ မီးစတင်လောင်ကျွမ်းခဲ့ရာ အခြားနေအိမ်များသို့ ထပ်မံကူးစက်လောင်ကျွမ်းခဲ့သောကြောင့်နှစ်ထပ်တိုက်နေအိမ် ၃၀ လုံးခန့်နှင့် ပျဉ်ထောင်၊သွပ်မိုး နေအိမ် ၂၀ လုံးကျော် စုစုပေါင်းနေအိမ် ၅၀ လုံးကျော် မီးလောင်ပျက်စီးဆုံး ရှုံးခဲ့ကြောင်း သိရသည်။

အဆိုပါ ရပ်ကွက်၌ နေထိုင်သော ဒေသခံပြည်သူများအနေဖြင့် မတ်လ ၃၁ ရက်မှ စတင်၍ ၎င်းရပ်ကွက်၌ နေထိုင်ခြင်းမရှိပဲ ဘူးသီးတောင်မြို့နယ် တောင်ပိုင်းရှိ ကျေးရွာများသို့ ပြောင်းရွှေ့နေထိုင်လျက်ရှိကြောင်း သိရှိရသောကြောင့် တာဝန်ရှိသူများက မီးလောင်မှုနှင့် ပတ်သက်၍ စုံစမ်းစစ်ဆေးလျက်ရှိကြောင်း သိရသည်။

#Local_News #လက်နက်ကြီးကျဒေသခံ၄ဦးသေဆုံး #၈ဦးပြင်းထန်စွာဒဏ်ရာရခဲ့ #Yangon_Times/PP

#Local_News
Published 19 April 2024

မြန်မာ-ထိုင်း နယ်စပ်ကုန်သွယ်ရေး ရန်ကုန်-ကော့သောင်း-ရနောင်းနှင့်ရနောင်း-ကော့သောင်း-ရန်ကုန် ကို ကမ်းရိုးတန်းဆိပ်ကမ်းမှ ကွန်တိန်နာစနစ်ဖြင့် ကုန်သွယ်ဆောင်ရွက်ခွင့်ပြုကြောင်း စီးပွားရေး နှင့် ကူးသန်းရောင်းဝယ်ရေး ဝန်ကြီးဌာန၊ ကုန်သွယ်ရေး ဦးစီးဌာန၏ ထုတ်ပြန်ကြေညာချက်အရသိရသည်။

ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေးအတွက် နယ်စပ်ကုန်သွယ်ရေးနည်းလမ်းအသစ်တစ်ခုအဖြစ် ယခုလို ကုန်သွယ်မှု ဆောင်ရွက်ခွင့်ပြုခြင်းဖြစ်ကြောင်း သိရသည်။

ထို့ကြောင့် ပို့ကုန်သွင်းကုန်လုပ်ငန်းရှင်များ အနေဖြင့် ပို့ကုန်တင်ပို့ခြင်းကို ရန်ကုန်-ကော့သောင်း-ရနောင်း နှင့် သွင်းကုန်တင်သွင်းခြင်း ကို ရနောင်း-ကော့သောင်း-ရန်ကုန်မှ နယ်စပ်ကုန်သွယ်ရေးနည်းလမ်းဖြင့်ဆောင်ရွက်ခြင်း အတွက် သက်ဆိုင်ရာဌာနများ၏ လုပ်ထုံးလုပ်နည်းများနှင့်အညီ ပူးတွဲပါစံပြလုပ်ငန်းစဉ်SOP များအတိုင်း လိုက်နာဆောင်ရွက်ရမည် ဖြစ်ကြောင်း အသိပေးကြေညာထားသည်။

#Local_News #ရန်ကုန်-ကော့သောင်း- ရနောင်း #ကွန်တိန်နာစနစ်ဖြင့်ကုန်သွယ်ခွင့်ပြု #YMG/LW #Yangon_Times

Published 19 April 2024

အဆင့်မြင့်စမတ်ဖုန်းတွေ အလွယ်တကူ ရရှိနိုင်တဲ့ခေတ်ကြီးမှာ အခြေခံဖုန်းခေါ်ဆိုမှုသာ လုပ်နိုင်တဲ့ သာမန်ဆဲလ်ဖုန်းတွေကို တမင်ရွေးချယ် အသုံးပြုနေတဲ့သူတွေလည်း ရှိပါတယ်။

အွန်လိုင်းလှုပ်ရှားမှုတွေ ပိုမိုခေတ်စားလာရာမှာ စမတ်ဖုန်းတွေက မရှိမဖြစ် ပစ္စည်းဖြစ်လာပါတယ်။

အမျိုးမျိုးသော လုပ်ဆောင်ချက်တွေကို စမတ်ဖုန်းတွေနဲ့သာ အသုံးပြုနိုင်ပေမယ့် အချို့လူတွေကတော့ စမတ်ဖုန်းအသုံးမပြုဘဲ သာမန်ဆဲလ်ဖုန်းများကိုသာ သုံးနေကြပါတယ်။

ဒါပေမဲ့ ဒီဂျစ်တယ်လောကကနေ အာရုံလွှဲပြောင်းချင်သူတွေကတော့ သာမန်ဆဲလ်ဖုန်းတွေကို ပြန်လည်စွဲကိုင်လာကြပါတယ်။

ဖင်လန်နိုင်ငံနဲ့ အမေရိကန် အော်လ်တိုတက္ကသိုလ်မှ သုတေသနတစ်ခု ပြုလုပ်ကြကာ လူအနည်းငယ်ကို မေးမြန်းခဲ့ကြပါတယ်။

စမတ်ဖုန်းနဲ့ အဆက်အသွယ်ဖြတ်တဲ့ အကျိုးဆက်တွေ၊ ကျန်းမာရေးအတွက် ရည်ရွယ်တဲ့ သာမန်ဆဲလ်ဖုန်း အသုံးပြုပုံတွေကို ရှာဖွေခဲ့ကြပါတယ်။

အချို့သော ဆဲလ်ဖုန်းတွေဆိုရင် ဈေးကြီးပြီး ပြည်တွင်းဈေးကွက်မှာ မရှိတဲ့အတွက် အာဖရိကကနေ မှာယူတဲ့ ဥရောပသားတွေရှိတယ်လို့ ကွန်ပျူတာသိပ္ပံဌာနမှ ပရော်ဖက်ဆာ ယန်းလင်းဗစ်က ဆိုပါတယ်။

စမတ်ဖုန်းမသုံးချင်ကြတော့တဲ့ အကြောင်းအရင်းတွေက အမျိုးမျိုး ဖြစ်နေကြပြီး အချို့မိဘတွေဆိုရင် ကလေးတွေ စမတ်ဖုန်းစွဲလမ်းမှုမဖြစ်အောင် ယင်းတို့ကိုယ်တိုင် အသုံးမပြုကြတာ ဖြစ်ပါတယ်။

စမတ်ဖုန်းမကိုင်တဲ့ သူတွေကတော့ တီထွင်ကြံဆပြီး နေထိုင်ကြရပါတယ်။

ကပ်ရောဂါကာလမှာဆိုရင် စမတ်ဖုန်းရဲ့ သက်ရောက်မှုက အလွန်ကြီးမားတာကို မြင်တွေ့နိုင်ပါတယ်။

စမတ်ဖုန်းမပါဘဲ နေထိုင်နိုင်ဖို့ နည်းလမ်းမျိုးစုံ ကြံဆရတယ်လို့ ဆိုရမှာဖြစ်ပါတယ်။

အချို့ဆိုရင် စမတ်ဖုန်းလိုအပ်တဲ့အခါ ရင်းနှီးသူတစ်ယောက်ယောက်ရဲ့ ဖုန်းကို ငှားရမ်းအသုံးပြုကြရပါတယ်။

ဒါကြောင့် လက်တွေ့ကျကျ ပြောရမယ်ဆိုရင် စမတ်ဖုန်းမရှိဘဲ နေထိုင်ဖို့ဆိုတာ ပြောင်းလဲချင့်ချိန်တတ်ဖို့ လိုအပ်ပါတယ်။

Source: The Jerusalem Post

Published 19 April 2024

ကိုယ်အလေးချိန် ထိန်းသိမ်းဖို့ ကြိုးစားတဲ့အခါ အစားအသောက်ပုံစံနဲ့ လေ့ကျင့်ခန်းများအပြင် အခြားအရာတွေလည်း ပါဝင်ပါတယ်။

လုံလောက်စွာ အိပ်စက်ခြင်းက စိတ်ပိုင်းဆိုင်ရာရော ရုပ်ပိုင်းဆိုင်ရာ ကျန်းမာရေးအတွက်ပါ အရေးကြီးပါတယ်။

အိပ်ချိန်နည်းလွန်းခြင်းက ကိုယ်အလေးချိန်ချရာမှာ အနှောင့်အယှက် ဖြစ်စေနိုင်ပြီး ဝိတ်တက်စေနိုင်ပါတယ်။

အိပ်စက်ခြင်းစက်ဝန်းနဲ့ ကိုယ်အလေးချိန်ကြား ဆက်စပ်မှုကို အာဟာရပညာရှင် အမ်မာမီအက်ဂါဝယ်က ရှင်းပြသွားပါတယ်။

အစားမှန် လေ့ကျင့်ခန်းမှန် ပြုလုပ်တဲ့ကြားက ကိုယ်အလေးချိန် မကျဘူးဆိုရင် လုံလောက်စွာ မအိပ်စက်ရတာကြောင့် ဖြစ်နိုင်ပါတယ်။

ကိုယ်အလေးချိန်ကို အိပ်စက်ခြင်းက သက်ရောက်နေတဲ့ နည်းလမ်း ၃ မျိုးကတော့ ..

(၁) အိပ်ရေးပျက်တယ်ဆိုရင် အဆီမလောင်ကျွမ်းဘဲ အဆီသိုလှောင်လာကာ ကယ်လိုရီအနည်းငယ်သာ လောင်ကျွမ်းပါတယ်။

(၂) အိပ်ရေးပျက်ပါက ဖိစီးမှုဟော်မုန်း မြင့်တက်စေပြီး အဆီလောင်ကျွမ်းမှု နှောင့်နှေးစေပါတယ်။

(၃) ဇီဝကမ္မဖြစ်စဥ် မြန်တယ်ဆိုရင် ကယ်လိုရီပိုမိုလောင်ကျွမ်းတဲ့အတွက် အိပ်ရေးပျက်ရင်တော့ ဇီဝကမ္မဖြစ်စဥ်နှေးစေကာ ကိုယ်အလေးချိန်ကျဖို့ ခက်စေပါတယ်။

Source: NDTV