#Local_News
Published 23 April 2024

▪️ ဗိုလ်တထောင်ကျိုက်ဒေးအပ်ဆံတော်ဦးစေတီတော်၊ ဘုရားဝန်းအတွင်း "တိလောက သီတလ မဟာဗောဓိစေတီတော်မြတ် တည်ထားပူဇော်မည့်နေရာတွင် အနန္တရာယိက မြေသန့်မင်္ဂလာနှင့် ပန္နက်တော်တင်၊ တွင်းတော်ဝန်း မင်္ဂလာအခမ်းအနားကို ၂ဝ၂၄ - ခုနှစ်၊ ဧပြီလ (၂၃)ရက် နံနက် (၀၆:၃၆) နာရီ ၌ပြုလုပ်ကျင်းပခဲ့ကြောင်း
ဗိုလ်တထောင်ကျိုက်ဒေးအပ်ဆံတော်ဦးစေတီတော်၊ ဘဏ္ဍာတော်ထိန်းဂေါပကအဖွဲ့မှ သိရသည်။

▪️ အဆိုပါ အခမ်းအနားကို “နမောတဿ” သုံးကြိမ်ရွတ်ဆို ဘုရားကန်တော့၍ ဖွင့်လှစ်ခဲ့ပြီး ဗိုလ်တထောင်ကျိုက်ဒေးအပ်ဆံတော်ဦးစေတီတော်၊ ဘဏ္ဍာတော်ထိန်းဂေါပကအဖွဲ့၏ သြဝါဒါစရိယဆရာတော်၊ နိုင်ငံတော်ဗဟိုသံဃာ့ဝန်ဆောင်၊ အဂ္ဂမဟာဂန္ထဝါစကပဏ္ဍိတ၊ သ.စ.အ ဓမ္မာစရိယ၊  ပါဠိပါရဂူ ၊ မင်္ဂလာရာမပါဠိတက္ကသိုလ်၊ ဆရာတော်
ဘဒ္ဒန္တ ပညာသာရာဘိဝံသထံမှ ပရိသတ်များက ငါးပါးသီလခံယူဆောက်တည်ကြကာ၊ ဆရာတော်သံဃာတော်များအား ရုံးအဖွဲ့မှူး ဦးကျော်နိုင်ထွန်း မှ  ပရိတ်ရေ, ပရိတ်ပန်း, ပရိတ်ချည်, ပရိတ်သဲ, ပရိတ်ကျောက်တို့ကို ဆက်ကပ်၍ ဆရာတော်သံဃာတော် အရှင်သူမြတ်များက အန္တရာယ်ကင်း ပရိတ်တရားတော်များ ရွတ်ပွားသရဇ္ဈာယ် ချီးမြှင့်တော်မူခဲ့ကြောင်းသိရသည်။

▪️ ထို့နောက်  ဆရာတော် သံဃာတော် အရှင်သူမြတ်များအား အလှည့်ကျသဘာပတိ ဦးစိန်သန်းမှ  လှူဖွယ်ဝတ္ထုပစ္စည်းများ ဆက်ကပ် လှူဒါန်းကြပြီး ဗိုလ်တထောင်ကျိုက်ဒေးအပ်ဆံတော်ဦးစေတီတော် ၊ ဘဏ္ဍာတော်ထိန်းဂေါပကအဖွဲ့၏ သြဝါဒါစရိယဆရာတော်၊ နိုင်ငံတော်ဗဟိုသံဃာ့ဝန်ဆောင် ၊ အဂ္ဂမဟာဂန္ထဝါစကပဏ္ဍိတ ၊ သ.စ.အ ဓမ္မာစရိယ၊  ပါဠိပါရဂူ ၊ မင်္ဂလာရာမကျောင်း၊ ဆရာတော် ဘဒ္ဒန္တ ပညာသာရာဘိဝံသထံမှ အနုမောဒနာတရားနာယူ၍ အလှူဒါနအစုစုအတွက် ရေစက်သွန်းချအမျှ ပေးဝေ၍  ဆရာတော် သံဃာတော် အရှင်သူမြတ်များက ကမ္မဝါစာဖတ်ကာ မြေသန့်မင်္ဂလာ ပြုတော်မူ၍ အခမ်းအနားကို "ဗုဒ္ဓသာသနံ စိရံ တိဋ္ဌတု" သုံးကြိမ်ရွတ်ဆို ဆုတောင်း၍
ပန္နက်တော်တင်၊တွင်းတော်ဝန်မင်္ဂလာအခမ်းအနားကို ဘဏ္ဍာတော်ထိန်းဂေါပကအဖွဲ့ဝင်များက ဆက်လက်ကျင်းပ၍ အခမ်းအနားကို အောင်မြင်စွာကျင်းပပြုလုပ်ခဲ့ကြောင်း သိရသည်။

#YMG/ NN #Yangon-Times

#Local_News
Published_ 23 April 2024

▪️ ရေလမ်းကြောင်းပြောင်းလဲလာသဖြင့် သင်္ဘော၊ ရေယာဉ်များသွားလာနိုင်မည့် ဗိုလ်မြတ်ထွန်းတံတားရေလမ်းနှင့် ဧရာဝတီတံတား(ညောင်တုန်း)ရေလမ်းများကို ပြောင်းလဲသတ်မှတ်လိုက်ကြောင်း ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနမှ သိရသည်။

▪️ ဗိုလ်မြတ်ထွန်းတံတားရေလမ်းကို မူလက အစုန်လမ်းရေလယ်တိုင်အမှတ်(၁၄)မှ(၁၅)အကြားမှလည်းကောင်း သတ်မှတ်ပေးထားပြီး ယခုအခါ ဧပြီ(၂၅)ရက်မှစပြီး အစုန်လမ်းကို ရေလယ်တိုင်(၁၁)မှ(၁၂)အကြားမှ သွားလာရမည်ဟု ပြောင်းလဲသတ်မှတ်လိုက်သည်။

▪️ အဆိုပါ ဗိုလ်မြတ်ထွန်းတံတားရေလမ်းမှာပဲ မူလက အဆန်လမ်းရေလယ်တိုင်အမှတ်(၁၃)မှ (၁၄)အကြားမှ လည်းကောင်း သတ်မှတ်ပေးထားပြီး ယခုအခါဧပြီ(၂၅)ရက်မှစပြီး အဆန်လမ်းကို ရေလယ်တိုင်(၁၀)မှ (၁၁)အကြားမှ သွားလာရမည်ဟု ပြောင်းလဲသတ်မှတ်လိုက်သည်။

▪️ ဧရာဝတီတံတား(ညောင်တုန်း)ရေလမ်းကို မူလက အစုန်လမ်းရေလယ်တိုင်အမှတ် (၁၅)မှ(၁၆)အကြားမှ လည်းကောင်း သတ်မှတ်ပေးထားပြီး ယခုအခါ ဧပြီ(၂၅)ရက်မှစပြီး အစုန်လမ်းကိုရေလယ်တိုင်( ၁၆)မှ (၁၇)အကြားမှ သွားလာရမည်ဟု ပြောင်းလဲသတ်မှတ်လိုက်ခြင်းဖြစ်သည်။

▪️ ယင်းဧရာဝတီတံတား(ညောင်တုန်း)ရေလမ်းကိုပဲ မူလကအဆန်လမ်းရေလယ်တိုင်အမှတ် (၁၄)မှ(၁၅)အကြားမှ လည်းကောင်း သတ်မှတ်ပေးထားပြီးယခုအခါ ဧပြီ(၂၅)ရက်မှစပြီး အဆန်လမ်းကိုရေလယ်တိုင်( ၁၅)မှ (၁၆)အကြားမှ သွားလာရမည်ဟု ပြောင်းလဲသတ်မှတ်လိုက်ခြင်းဖြစ်သည်။

▪️ ရေလယ်တိုင်နှစ်ခုကြား ရေယာဉ်များယှဉ်ပြိုင်ခုတ်မောင်းခြင်းမပြုရန် သတိပေးထားသလို တွဲဆိုင်းယာဉ်များ တစ်တွဲခြင်းသာ ချိတ်ဆွဲဖြတ်သန်းကြရန်နှင့် အစုန်ကိုဦးစားပေး၍ လမ်းကြောင်းမှန်ဖြင့်ထိန်းသိမ်းမောင်းကြရန်လည်း ရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ ထုတ်ပြန်ထားကြောင်းသိရသည်။

#tthl #Yangon_Times

#Local_News
Published_23 April 2024

လာမည့်ပညာသင်နှစ်အတွင်းအခြေခံပညာကျောင်းများ ပြန်လည်ဖွင့်လှစ်ချိန်တွင် ကျောင်းသား ကျောင်းသူများ အေးချမ်းစွာဖြင့် ပညာသင်ကြားနိုင်ရေး ကြိုတင်ပြင်ဆင်ထားရှိရန်ကြောင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင်က ပြည်ထောင်စုအစိုးရအဖွဲ့အစည်းအဝေး အတွင်း ပြောကြားလိုက်သည်။

ဇွန်လအတွင်း အခြေခံပညာကျောင်းများ ပြန်လည်ဖွင့်လှစ်တော့မည် ဖြစ်သဖြင့် စာသင်ကျောင်းများ သန့်ရှင်း သာယာလှပရေး၊ ကျောင်းဥပဓိရုပ်များကောင်းမွန်စေရေး နှင့် ပရိဘောဂများပြည့်စုံကောင်းမွန်စေရေးအတွက် ကြိုတင်ပြင်ဆင်ဆောင်ရွက်ပေး ထားရန်၊ အကြောင်းအမျိုးမျိုးကြောင့် ပညာရေးနှောင့်နှေးခဲ့ရသည့် ဒေသအချို့တွင် လည်းအခြေခံပညာကျောင်းများ ပြန်လည်ဖွင့်လှစ်သင်ကြားနိုင်ရန် လုပ်ဆောင်ထားကြရန် အ စည်းအဝေးသို့ တက်ရောက်လာသော ပြည်ထောင်စုဝန်ကြီးများနှင့် တာဝန်ရှိသူများ အား ယင်းက အထက် ပါအတိုင်း ပြောကြားခဲ့ခြင်း ဖြစ်သည်။

ယင်းအပြင် ပညာရေးနှင့်ပတ်သက်၍ သက်ဆိုင်ရာဝန်ကြီးဌာနများအလိုက် ဖွင့်လှစ်လျက် ရှိသည့် သင်တန်းများ ကို ပညာရည်အဆင့်များအလိုက် ထိုက်သင့်သည့်ဘွဲ့များပေးအပ် နိုင်ရေးစီစဉ်ဆောင်ရွက်လျက်ရှိကြောင်းလည်း ၎င်းက ပြောသည်။

အကြမ်းဖက်မှုဖြစ်စဉ်များကြောင့် ထိခိုက် ပျက်စီးခဲ့ရသည့်ကျောင်းများ ပြန်လည်ကောင်းမွန်စေရေးနှင့် လာမည့် ပညာသင်နှစ် တွင် ကျောင်းများအားလုံးဖွင့်လှစ်သင်ကြားနိုင်ရေး ကြိုးပမ်းဆောင်ရွက်ကြရန် လိုကြောင်း၊ ကျောင်း နေအရွယ်ကလေးအားလုံး လုံလုံခြုံခြုံဖြင့် ပညာသင်ကြားနိုင်ရေး ကြိုးပမ်းဆောင် ရွက်ပေးရန် တာဝန်ရှိကြောင်း နစက ဥက္ကဌက ထည့်သွင်းပြောကြားခဲ့သည်။

အလားတူ စာကြည့်တိုက်များနှင့် ပတ်သက်၍လည်း စာကြည့်တိုက်လုပ်ငန်းများ စဉ်ဆက်မပြတ် လည်ပတ်မှုရှိစေရေး၊ စာကြည့်တိုက်များတွင် ရှိသင့်ရှိထိုက်သည့် စာအုပ်စာပေများ စုံစုံလင်လင်ထားရှိနိုင်ရေး၊ ကျေးလက်နေပြည်သူများ အသိပညာတိုးပွားနိုင်ပြီး လူမှုစီးပွားဘဝဖွံ့ဖြိုးတိုးတက်ရေးကို အဓိက အထောက်အကူပြုပေးနိုင်သည့် စာအုပ်စာပေများထားရှိနိုင်ရေး စဉ်ဆက်မပြတ် ကြိုးပမ်းဆောင်ရွက်သွားရန်လိုကြောင်းနှင့် အများပြည်သူများ၏ လူမှုစီးပွားဘဝတိုးတက်အောင် စာပေကုသိုလ်ဖြင့် ဆောင်ရွက်ကြစေလိုကြောင်း၊ ထိုသို့ဆောင်ရွက်ရာတွင်လည်း ကောက်ရိုးမီးကဲ့သို့ မဟုတ်ဘဲ ရေရှည်အတွက်ကြည့်၍ စီမံဆောင်ရွက်ကြစေလိုကြောင်း ယင်းကပြောကြားခဲ့သည်။

#Yangon_Times/PP

၂၃ ဧပြီ ၂၀၂၄

တော်ဝင်မလေးရှားရေတပ်စစ်ရေးပြအခမ်းအနားအတွက် အစမ်းလေ့ကျင့်နေကြတဲ့ ရေတပ်ရဟတ်    ယာဉ်နှစ်စီး ယနေ့ ဧပြီ ၂၃ရက် က လေပေါ်တွင် အချင်းချင်းတိုက်မိကြပြီး လူ၁၀ ဦးသေဆုံးခဲ့တယ်လို့ မလေးရှားရေတပ်က သတင်းထုတ်ပြန်ပါတယ်။

ဧပြီ၂၃ရက် မနက် ၉နာရီ၃၂မိနစ်မှာ မလေးရှားနိုင်ငံ အနောက်ပိုင်း ပါရက်ပြည်နယ်မှာရှိတဲ့ လမ်မတ် ရေတပ်အခြေစိုက်စခန်းမှာ အဆိုပါမတော်တဆမှုဖြစ်ပွားခဲ့တာဖြစ်ပြီး လေယာဉ်နှစ်စီးလုံးမှာလိုက်ပါလာ  သူ ၁၀ဦးစလုံးသေဆုံးသွားတယ်လို့ ရေတပ်ကပြောပါတယ်။

“ အခင်းဖြစ်တဲ့နေရာမှာပဲ အားလုံးသေဆုံးသံားကြပါတယ်။ သူတို့ကို လမ်မတ်စစ်ဆေးရုံကို ဘယ်သူဘယ်ဝါသတ်မှတ်အတည်ပြုဖို့ ပို့ဆောင်ပေးလိုက်ပါပြီ” လို့ ရေတပ်ကဆက်ပြောပါတယ်။

Source: Reuters

#World_News
Published 23 April 2024

မြေငလျင်လှုပ်ခတ်မှုကြီး ခံခဲ့ရတဲ့ ထိုင်ဝမ်အရှေ့ဘက်ခရိုင်ဟွေလျန်မှာ တနင်္လာနေ့နောက်ပိုင်းနဲ့ အင်္ဂါနေ့အစောပိုင်းတို့မှာ နောက်ဆက်တွဲ ငလျင်တွေ များစွာ လှုပ်ရှားမှုများ ရှိခဲ့ပေမယ့် အသေးစားထိခိုက်မှုသာ ရှိခဲ့တယ်လို့ သိရကာ ဆားကစ်ပြားကုမ္ပဏီ TSMC လည်း လုပ်ငန်းလည်ပတ်ရေးမှာ ထိခိုက်မှုမရှိဘူးလို့ ဆိုပါတယ်။

နေရာအများစု ကျေးလက်ဆန်ပြီး လူဦးရေနည်းပါးတဲ့ ဟွေလျန်ဟာ ဧပြီ ၃ ရက်နေ့က အင်အား ၇.၂ အဆင့်ရှိ မြေငလျင်တစ်ခုလှုပ်ခတ်ခဲ့ပြီး အနည်းဆုံး လူ ၁၄ ဦးသေဆုံးကာ နောက်ဆက်တွဲ ရိုက်ခတ်ချက်ပေါင်း တစ်ထောင်ကျော်ရှိထားပါတယ်။

မြို့တော်ထိုင်ပေအပါအဝင် ထိုင်ဝမ် မြောက်ပိုင်း၊ အရှေ့ပိုင်း၊ အနောက်ပိုင်းတို့မှ အဆောက်အအုံတွေဟာ တစ်ညလုံးယိမ်းခါနေခဲ့ပါတယ်။

နောက်ဆက်တွဲ ရိုက်ခတ်ချက်တွေက နောက်ထပ်ဆက်ဖြစ်နိုင်သေးပြီး ပြင်းထန်ဖွယ်တော့ မရှိဘူးလို့ မြေငလျင်တိုင်းတာရေးဌာန ညွှန်ကြားရေးမှူး ဝူချီယင်ဖူက သတင်းထောက်တွေကို ပြောပြခဲ့ပါတယ်။

ထိုင်ဝမ်ဒေသတစ်ခုလုံးမှာ ယခုအပတ်အတွင်း မိုးသည်းထန်မယ်လို့ ခန့်မှန်းထားသဖြင့် ဟွေလျန်မှလူတွေကတော့ နောက်ထပ်ဒုက္ခတွေအတွက် ပြင်ဆင်ရဖို့ရှိနေပါတယ်။

ဧပြီ ၃ ရက်နေ့က ထိခိုက်ခဲ့တဲ့ အဆောက်အအုံ ၂ ခုကို လူမနေထိုင်အောင် ရှင်းလင်းထားပြီးဖြစ်ကာ တိုက်က စောင်းနေပြီလို့ ဟွေလျန်မီးသတ်ဌာနက ဆိုပါတယ်။

ကမ္ဘာပေါ်မှာ ဆားကစ်ပြားထုတ်လုပ်ရာ အကြီးမားဆုံးကုမ္ပဏီဖြစ်တဲ့ TSMC စက်ရုံတွေဟာ ထိုင်ဝမ်ကျွန်းရဲ့ အနောက်ဘက် ကမ်းရိုးတန်းမှာတည်ရှိပြီး စက်ရုံအချို့မှ ဝန်ထမ်းတွေကို ကယ်ထုတ်ထားကာ ဘေးကင်းလုံခြုံရေးစနစ်တွေကတော့ ပုံမှန်လုပ်ဆောင်နေပြီး အားလုံးဘေးကင်းတယ်လို့ ထုတ်ဖော်ပြောကြားထားပါတယ်။

အချို့လမ်းတွေမှာ ကျောက်တုံးများပြုတ်ကျလာသဖြင့် ပိတ်ထားရကာ အစိုးရက ရုံးတွေနဲ့ ကျောင်းတွေကို ခေတ္တပိတ်ခိုင်းထားပါတယ်။

ထိုင်ဝမ်ဟာ မြေကြီးအပေါ်ယံလွှာ ၂ ခုဆုံရာအနီးမှာ တည်ရှိနေတာကြောင့် မြေငလျင်ဒဏ် ခံစားရလေ့ရှိပါတယ်။

#World_News #နောက်ဆက်တွဲမြေငလျင်များစွာထပ်မံလှုပ်ရှား #ကြီးကြီးမားမားထိခိုက်ပျက်စီးခြင်းမရှိ #Source: Reuters

Published 23 April 2024

ရေဓာတ်ပြည့်ဝစွာ နေထိုင်ဖို့က အလွန်အရေးကြီးပြီး ရေလုံလောက်စွာ မသောက်ဘူးဆိုရင် ကျန်းမာရေး အကျိုးဆက်တွေ ဖြစ်လာနိုင်ပါတယ်။

ခန္ဓာကိုယ်မှ ချွေး၊ ဆီးတို့ကနေ ရေဓာတ်များ ဆုံးရှုံးနေပြီး ပြန်လည်ဖြည့်တင်းဖို့ လိုအပ်ပါတယ်။

တစ်နေ့တာအတွင်း ရေဘယ်လောက်လောက် သောက်သုံးသင့်သလဲ၊ အခြားသောက်စရာတွေကကော ရေဓာတ်ထဲ ထည့်တွက်သင့်သလားလို့ စဥ်းစားစရာ ရှိပါတယ်။

NHS Eatwell ရဲ့လမ်းညွှန်ချက်အရ တစ်နေ့ကို ရေ ၆ ခွက်မှ ၈ ခွက်အထိ သောက်သုံးသင့်ပါတယ်။

ဒါဟာ ရေတစ်လီတာခွဲမှ နှစ်လီတာအထိ ရှိနေပါတယ်။

ဥရောပအစားအစာ ဘေးကင်းရေးအဖွဲ့က အမျိုးသားတွေဟာ တစ်နေ့ကို ရေ ၂ လီတာ၊ အမျိုးသမီးတွေကတော့ ၁.၆ လီတာ သောက်သုံးသင့်တယ်လို့ ၂၀၁၀ ခုနှစ်က အကြံပြုခဲ့ပါတယ်။

သာမန်ရေသန့်ဗူးတစ်ဗူးမှာ ရေ ၅၀၀ မီလီလီတာပါဝင်သလို ရေလိုအပ်ချက်က အကြောင်းအရာ အမျိုးမျိုးကြောင့် ကွဲပြားနိုင်ပါတယ်။

ကိုယ်ဝန်ဆောင် အမျိုးသမီးတွေက တစ်နေ့ကို ရေ ၃၀၀ မီလီလီတာလောက် ပိုမိုလိုအပ်ပြီး နို့တိုက်မိခင်တွေကတော့ ၇၀၀ မီလီလီတာလောက် ပိုမိုလိုအပ်နိုင်ပါတယ်။

အားကစား၊ လေ့ကျင့်ခန်းတို့ ပြုလုပ်ပြီးတဲ့အခါ ချွေးထွက်ရာကနေ ဆုံးရှုံးသွားတဲ့ ရေဓာတ်ကို ပြည့်ပေးဖို့ လိုအပ်ပါတယ်။

လက်ဖက်ရည်၊ အကြမ်းရည်၊ သကြားမပါတဲ့ ကော်ဖီတို့ဟာလည်း ရေဓာတ်ဖြည့်ပေးတယ်လို့ ထည့်တွက်ရမှာ ဖြစ်ပါတယ်။

အရက်ကတော့ ရေဓာတ်ဖြည့်တယ်လို့ ထည့်စဥ်းစားလို့မရဘဲ ဆီးပိုသွားစေပါတယ်။

ရေကို လုံလောက်စွာ မသောက်တဲ့အခါ ရေဓာတ်ခန်းခြောက်လာနိုင်ပါတယ်။

ရေငတ်ခြင်း၊ ဆီးက ဝါရင့်ရင့် အနံ့ပြင်းခြင်း၊ ခေါင်းမူးဝေခြင်း၊ ပင်ပန်းနွမ်းနယ်ခြင်း၊ ပါးစပ် နှုတ်ခမ်း မျက်လုံးများ ခြောက်သွေ့ခြင်း၊ ဆီးသွားနည်းခြင်းတို့က ရေဓာတ်ခန်းခြောက်တဲ့ လက္ခဏာတွေ ဖြစ်ပါတယ်။
Source: Metro
#World_Health
#Published_ 23 April 2024
#YMG_News #Yangon_Times #Yangon_Media_Group

Published 23 April 2024

ကိုယ်အလေးချိန် ထိရောက်စွာချဖို့အတွက်ဆိုရင် ကယ်လိုရီကို နည်းနည်းစားပြီး များများလောင်ကျွမ်းပေးဖို့ လိုအပ်ပါတယ်။

ကိုယ်အလေးချိန်ကျရန် အကူအညီဖြစ်စေတဲ့ အစားအစာများစွာထဲကမှ နွေရာသီနဲ့ ကိုက်ညီတာကတော့ သခွားသီးဖြစ်ပါတယ်။

သခွားသီးက ကိုယ်အလေးချိန် ကျစေရန် ဘယ်လိုကူညီပေးသလဲဆိုတော့ ..
 
(၁) ကယ်လိုရီနည်းပါးခြင်း
သခွားသီးတစ်ခွက်မှာ ကယ်လိုရီ ၁၆ ဂရမ်ခန့်သာ ပါဝင်ပြီး အပူအပင်မရှိ စိတ်ချစွာ စားသုံးနိုင်ပါတယ်။
 
(၂) ရေဓာတ်မြင့်မားခြင်း
ရေဓာတ်ဖြည့်ပေးရုံသာမက ကိုယ်အလေးချိန် ကျစေရန် ကူညီပေးကာ ဆာလောင်စိတ်ကို ထိန်းချုပ်ပေးပါတယ်။
 
(၃) အမျှင်ဓာတ်ကြွယ်ဝခြင်း
အမျှင်ဓာတ်က ဗိုက်ပြည့်ဝနေစေတာကြောင့် နောက်ထပ် ကယ်လိုရီမစားဖြစ်အောင် ကာကွယ်ပေးပါတယ်။
 
အခြားအကျိုးကျေးဇူးများအနေဖြင့်
-        အာဟာရဓာတ်များ ကြွယ်ဝစွာ ပါဝင်ခြင်း
-        ဓာတ်တိုးဆန့်ကျင်ပစ္စည်းများ ပါဝင်ခြင်း
-        ရေဓာတ်ခန်းခြောက်ခြင်းမှ ကာကွယ်ခြင်း
-        သွေးတွင်းသကြားဓာတ် ထိန်းသိမ်းပေးခြင်း
-        ရောင်ရမ်းခြင်းမှ ကာကွယ်ပေးခြင်း

Source: DoctorNDTV
#World_Health
#Published_ 23 April 2024
#YMG_News #Yangon_Times #Yangon_Media_Group

Published_ 22 April 2024

လွှတ်တော်ဝင်းအတွင်းCCTVများတိုးချဲ့တပ်ဆင်ရန်၊တပ်ဆင်ထားပြီးဖြစ်သည့်  CCTVများကို စနစ်အဆင့်မြှင့်တင်မွမ်းမံရန်နှင့် လွှတ်‌တော်နှင့်အိမ်တော်များထိန်းသိမ်းရေးလုပ်ငန်းများဆောင်ရွက်ရန်တင်ဒါခေါ်ယူထားကြောင်း သိရသည်။

ယင်းကဲ့သို့ ထိန်းသိမ်းရေးလုပ်ငန်းများဆောင်ရွက် ရန်ရှိ၍ လုပ်ငန်းများဆောင်ရွက်နိုင်ရန် ဧပြီ(၂၂) ရက်ထုတ်နိုင်ငံပိုင်သတင်းစာ၌ အိတ်ဖွင့်တင်ဒါ ခေါ်ယူထားသည်။

လွှတ်တော်ဝင်းအတွင်း IP CCTVကင်မရာများ တိုးချဲ့တပ်ဆင်ရန်အတွက် တင်ဒါခေါ်ယူထားသလို  တပ်ဆင်ထားပြီးဖြစ်သည့် Analong CCTVများကို IP CCTVကင်မရာစနစ်အဆင့်မြှင့်တင်မွမ်းမံခြင်းလုပ်ငန်း၊ Lighting Spare Partsများဝယ်ယူခြင်းများဆောင်ရွက်မည်ဟုဆိုသည်။

လွှတ်တော်တွင်းရှိအဆောင်၊အဆောက်အဦများတွင် ရေလုံလုပ်ငန်းများဆောင်ရွက်ခြင်း၊ကြွေပြားများပြုပြင်ခြင်း၊နံရံမှန်များကြံ့ခိုင်မှုစစ်ဆေးခြင်း၊ ဆီလီကွန်ထိုးခြင်း၊ သမ္မတနားနေဆောင် ဆေးသုတ်ခြင်း၊porticoအဆင်းလမ်းပြုပြင်ခြင်းလုပ်ငန်းများဆောင်ရွက်ကြမည်ဖြစ်ကြောင်း ဖော်ပြပါရှိသည်။

အဆိုပါလုပ်ငန်းများအတွက် တင်ဒါများကို ဧပြီ(၂၄)ရက်မှ‌ မေလ(၈)ရက်အထိတင်ဒါလျှောက် လွှာများ ရောင်းချပေးမည်ဖြစ်ပြီး မေလ(၉)ရက်နောက်ဆုံးထားလျှောက်ထားနိုင်ကြောင်း သိရသည်။
Yangon_Times/tthl
#Local_News
#Published_ 22 April 2024
#YMG_News #Yangon_Times #Yangon_Media_Group

Published 22 April 2024

ကျေးလက်ဒေသဖွံ့ဖြိုးတိုးတက်ရေးဦးစီးဌာန အနေဖြင့်၂၀၂၄-၂၀၂၅ ခုနှစ်တွင် ကျေးရွာ ၅၈၁ ရွာ၌ သောက်သုံးရေ ရရှိရေးဆောင်ရွက်ပေးမည် ဖြစ်ကြောင်း ကျေးလက်ဒေသဖွံ့ဖြိုးတိုးတက်ရေးဦးစီးဌာန မှ သိရသည်။

ဦးစီးဌာနအနေဖြင့် နှစ်စဉ်နွေရာသီ သောက်သုံးရေပြတ်လပ်မှု ဖြစ်နိုင်ခြေရှိသော ကျေးရွာများကို ကြိုတင်စာရင်းကောက်ယူခြင်း၊ ကျေးရွာများနှင့် တိုက်ရိုက်ဆက်သွယ်ကာ သောက်သုံးရေ အလျင် အမြန်ဖြန့်ဝေပေးခြင်းများ ဆောင်ရွက်လျက်ရှိကြောင်း သိရသည်။

ယခုနှစ် နွေရာသီတွင် နိုင်ငံတစ်ဝန်း ရေရှားပါးနိုင်သည့်ကျေးရွာပေါင်း ၁၀၂ ရွာ ခန့်မှန်းထားကြောင်း သိရသည်။
ထို့ကြောင့် ၂၀၂၄-၂၀၂၅ ခုနှစ်တွင် ကျေးရွာ ၅၈၁ ရွာ၌ သောက်သုံးရေ ရရှိရေးလုပ်ငန်းပေါင်း ၆၄၄ ခုအထိ အကောင်အထည်ဖော် ဆောင်ရွက်သွားမည်ဖြစ်ကြောင်း သိရသည်။
Yangon_Times/LW
#Local_News
#Published_ 22 April 2024
#YMG_News #Yangon_Times #Yangon_Media_Group

Publicshed 22 April 2024

ရန်ကုန်ယူနိုက်တက်(ယူ-၂၀)ဘောလုံးအသင်းအတွက် ကစားသမားသစ်များအားယနေ့မှ စတင်၍ ရွေးချယ်
နေပြီဖြစ်ကြောင်းသိရသည်။

လာမည့် ၂၀၂၄ ဘောလုံးရာသီတွင်ယှဉ်ပြိုင်သွားမည့် ရန်ကုန်ယူနိုက်တက် (ယူ-၂၀) အသင်းတွင် လိုအပ်သည့်နေရာများကိုထပ်မံဖြည့်တင်းရန်အတွက် ကစားသမားအသစ်ရွေးချယ်မှုများပြုလုပ်နေခြင်းဖြစ်သည်။

ထိုသို့ရွေးချယ်ရာတွင် ဧပြီလ ၂၂ရက်မှ ၂၆အထိ  (၅ ရက်) တိုင်တိုင် Yangon United Sports Complex ၌ ရွေးချယ်နေခြင်းဖြစ်ကြောင်းသိရသည်။

လာရောက်ရွေးချယ်ခံသူများအနေဖြင့်  ၂၀၀၄ ခုနှစ် ဇွန်လ၁ရက် နောက်ပိုင်း မွေးဖွားသူဖြစ်ရမည်ဖြစ်ပြီး ရန်ကုန်ယူနိုက်တက် အသင်းတွင် ပါဝင်ကစားနိုင်မည့်အခွင့်အရေးကောင်းတစ်ခုဖြစ်သည့်အတွက် စိတ်ပါဝင်စားသည့် လူငယ်ဘောလုံးအားကစားသမားများအားဖိတ်ခေါ်ထားကြောင်းသိရသည်။
Yangon_Times/NN
#Local_News
#Published_ 22 April 2024
#YMG_News #Yangon_Times #Yangon_Media_Group

၁၄ ကြိမ်မြောက် ပေကျင်းနိုင်ငံတကာ ရုပ်ရှင်ပွဲတော် (BJIFF)ကို တရုတ်မြို့တော်မှာ ကြာသပတေးနေ့က စတင်ကျင်းပခဲ့ပြီး ရုပ်ရှင်လောက တိုးတက်ရေးနဲ့ ယဥ်ကျေးမှုဖလှယ်ရေးတို့ ဆွေးနွေးရန် ပြည်တွင်းနဲ့ပြည်ပမှ ထူးချွန်ရုပ်ရှင်ထုတ်လုပ်သူများ စုဝေးရောက်ရှိလာပါတယ်။
#World_Entertainment
#Published_ 22 April 2024
#YMG_News #Yangon_Times #Yangon_Media_Group

#Daily_News
Published_ 22 April 2024

၁။ နိုင်ငံရေးမျက်နှာစာကို ပြန်မဖွင့်‌ပေးရင် လက်နက်ကိုင်ကိုအားပေးတာနှင့် အတူတူပဲဟု ဦးကိုကိုကြီးပြော

၂။ သင်္ကြန်ပြီးကာလတွင် ငရုပ်ပွဝယ်လိုအားနည်းပြီး ဈေးထက်ဝက်ခန့် ကျဆင်း

၃။ ကုန်ကြမ်းရှားပါးမှုကြောင့် တစ်နိုင်တစ်ပိုင် ပုသိမ်ထီးလုပ်ငန်းများ ရပ်ဆိုင်းနေ

၄။ (၁၄)ကြိမ်မြောက် ပေကျင်းနိုင်ငံတကာရုပ်ရှင်ပွဲတော် တရုတ်မြို့တော်တွင် စတင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group