ရန်ကုန်တိုင်းအတွင်းက ၂၄နာရီ မီးရရှိတဲ့ ကွန်ဒိုအခန်းတွေ အငှားဈေးကွက်သာမက အရောင်းဝယ်ဈေးကွက်ပိုဖြစ်ထွန်းလာတယ်လို့မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းထံက သိရပါတယ်။
#Local_News
Published_ 27 April 2024
#ကွန်ဒိုအခန်း #အငှားနှင့်အရောင်းဝယ်ဈေးကွက်
#YMG/LW #Yangon_Times

#Local_News
Published 27 April 2024

▪️ ဧရာဝတီတိုင်းဒေသကြီး၊ ကြံခင်းမြို့နယ်၊ အကောက်တောင်ခြေ၊ သောကြာဒူးကျေးရွာအနီး ဧရာဝတီမြစ်အတွင်းရေဆင်းချိုးရာမှ အမျိုးသားလေးဦး ရေနစ်​ေ-သဆုံးမှု ဖြစ်ပွားကြောင်း မီးသတ်တပ်ဖွဲ့ထံ မှ သိရသည်။

▪️ ဧပြီ ၂၇ ရက် မနက် ၉နာရီခွဲ အချိန်ခန့်က ကြံခင်းမြို့နယ်၊ အကောက်တောင်ခြေ၊ သောကြာဒူးကျေးရွာအနီး ဧရာဝတီမြစ်အတွင်းသို့ အမျိုးသား(၅)ဦးရေဆင်းကူးရာမှ အမျိုးသား လေးဦးရေနစ်မှု ​ေ-သဆုံးမှုဖြစ်ပွားခဲ့ကြောင်း သိရသည်။

▪️ အဆိုပါ ရေနစ်မှုဖြစ်ပွားကြောင်းသတင်းရရှိသဖြင့် ကြံခင်းမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ရွှေတောင်ပရဟိတလူမှုကူညီရေးအသင်းဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ပေးခဲ့ကြောင်း သိရသည်။

▪️ ရေနစ်သေဆုံးသူ အမျိုးသား(၄)ဦးအား ရွှေဆိပ်သာလူမှုကူညီရေးအသင်းနှင့် မေတ္တာမွန်လူမှုကူညီရေးအသင်းတို့မှ သူနာတင်ယာဉ်များဖြင့် အင်ပင်မြို့တိုက်နယ်ဆေးရုံသို့ ပို့ဆောင်ပေးခဲ့ကြောင်းသိရသည်။

#YMG/LW #Yangon_Times

#Local_News
Published_ 27 April 2024

▪️ ရန်ကုန်တိုင်းဒေသကြီး ၊ ဒဂုံမြို့နယ်၊ အလုံလမ်းရှိ လွှတ်တော်ဝင်းအဆောက်အဦ အမိုးစလပ် (Slab) များရေယို၍ ပြုပြင်ရန် ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာန လွှတ်တော်နှင့်နေအိမ်အဆောက်အဦများ ထိန်းသိမ်းရေးအဖွဲ့(ရန်ကုန်)မှ အိတ်ဖွင့်တင်ဒါလျှောက်လွှာများခေါ်ယူနေကြောင်း သိရသည်။

▪️ ယခု ၂၀၂၄-၂၅ ဘဏ္ဍာရေးနှစ်တွင်  တိုင်းဒေသကြီးငွေလုံးငွေရင်းအသုံးစရိတ်၊ မြန်မာကျပ်ငွေဖြင့် ပြုပြင်ခြင်းလုပ်ငန်းများဆောင်ရွက်ရန်   လုပ်ကိုင်လိုသူများကို အိတ်ဖွင့်တင်ဒါခေါ်ယူထားခြင်းဖြစ်ကြောင်း သိရသည်။

▪️ အဆိုပါ လွှတ်တော်ဝင်းအဆောက်အဦ အမိုးမလုံခြင်းကို Water Proofing Membrane ကပ်ခြင်းလုပ်ငန်း ဆောင်ရွက်ရမည် ဖြစ်သည့် အတွက် စိတ်ပါဝင်စားလုပ်ကိုင်လိုသူများကို တင်ဒါလျှောက်လွှာပုံစံတစ်စောင် ငွေကျပ် ၃၆,၀၀၀ နှုန်းဖြင့် ရောင်းချခေါ်ယူနေခြင်းဖြစ်‌ပြီး တင်ဒါလျှောက်လွှာများကို  ရန်ကုန်တိုင်းဒေသကြီး လွှတ်တော်ဝင်းအတွင်းရှိ လွှတ်တော်နှင့်နေအိမ်အဆောက်အဦများ ထိန်းသိမ်းရေးအဖွဲ့(ရန်ကုန်)၊ မြို့ပြဌာနခွဲ၌လာမည့်  ဧပြီလ ၂၉ ရက်မှ  စတင်ကာ မေလ ၁၃ ရက်အထိ နံနက် ၁၀ နာရီမှ ညနေ ၄ နာရီအတွင်း ရောင်းချပေးသွားမည် ဖြစ်ကာ  မေလ ၁၄ ရက်၌ တင်ဒါတင်သွင်းရမည်  ဖြစ်ကြောင်း သိရသည်။

▪️ အထက်ပါ သတ်မှတ်ရက်ထက် ကျော်လွန်တင်သွင်းလာသည့် လျှောက်လွှာပုံစံများကို လက်ခံဆောင်ရွက်ပေးမည်  မဟုတ်ဘဲ တင်ဒါဖွင့်ဖောက်ရက်ကိုမူ  ထပ်မံကြေညာပေးသွားမည်ဖြစ်ကြောင်း သိရသည်။

#YMG/ NN #Yangon_Times

ရန်ကုန်တိုင်းအတွင်းက ၂၄နာရီ မီးရရှိတဲ့ ကွန်ဒိုအခန်းတွေ  အငှားဈေးကွက်သာမက အရောင်းဝယ်ဈေးကွက်ပိုဖြစ်ထွန်းလာတယ်လို့မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းထံက သိရပါတယ်။
#Local_News
Published_ 27 April 2024
#ကွန်ဒိုအခန်း #အငှားနှင့်အရောင်းဝယ်ဈေးကွက်
#YMG/LW #Yangon_Times

နယ်‌‌ဒေသတွေမှာ ဆန်ကြိတ်ခွဲရာမှာ လုပ်ကိုင်ကြတဲ့ လုပ်သားရှားပါးမှုကြောင့် ရန်ကုန်ဈေးကွက်သို့ဆန်အဝင်နည်းပါးပြီး ဝယ်လိုအားနဲ့ရောင်းလိုအားမမျှတာကြောင့် ဈေးနှုန်းတွေမြင့်တက်လာတယ်လို့ မြန်မာနိုင်ငံဆန်စပါးကုန်သည်များအသင်းက သိရပါတယ်။
#Local_News
Published_ 27 April 2024
#ဆန်စက်လုပ်သားရှားပါးမှု #ဆန်စပါးကုန်သည်များအသင်း
#YMG/NN #Yangon_Times

ကွယ်လွန်သွားတဲ့ အီတလီရှေးဟောင်းပညာရှင်ဟာ မြန်မာနိုင်ငံအတွက်........
၂၀၁၂ ခုနှစ်မှ ၂၀၂၀ ပြည့်နှစ်အထိ အီတလီအစိုးရရဲပံ့ပိုးကူညီမှု၊ UNESCO ရဲ့ Project များဖြင့် မြန်မာနိုင်ငံရဲ့ ရှေးဟောင်း မြို့တွေဖြစ်တဲ့ သရေခေတ္တရာ၊ ဗိဿနိုး၊ ဟန်လင်း၊ ပုဂံနဲ့ မြောက်ဦးမြို့တွေမှာ ရှေးဟောင်းသုတေသနနှင့် အမျိုးသားပြတိုက်ဦးစီးဌာန ဝန်ထမ်းများနှင့်အတူ Geographic Information System (GIS) မြေပုံရေးဆွဲခြင်း၊ တူးဖော်သုတေသနပြုခြင်း၊ ထိန်းသိမ်းရေးဆောင်ရွက်ခြင်း၊ Assessment ကောက်ယူမှတ်တမ်းတင်ခြင်းနှင့် ဗိသုကာဆိုင်ရာလုပ်ငန်းများတွင် စာတွေ့လက်တွေ့ ပါဝင်ဆောင်ရွက်သင်ကြားပေးခဲ့တယ်။
#Local_News
Published_ 27 April 2024
#မြောက်ဦးကမ္ဘာ့အမွေအနှစ်ဝင် #UNESCOရဲ့Projectများ
#tthl #Yangon_Times

#Local_News
Published 27 April 2024

▪️ ထိုင်း-မြန်မာနယ်စပ် မြဝတီချစ်ကြည်ရေး တံတားအမှတ် ၁ ကိုဧပြီ၂၇ ရက် ယနေ့ မနက် ပိုင်း ၁၀နာရီ မှ ပြန်လည် ဖွင့်လှစ်လိုက်ကြောင်း ဒေသခံပြည်သူများထံကသိရသည်။

▪️ ဧပြီလ ၂၁ရက်နေ့က မြန်မာ-ထိုင်းချစ်ကြည်ရေးတံတားအမှတ် (၁) တွင်တံတားကူးလက်မှတ်ကုန်သွားသဖြင့် မြဝတီမှသွားလာခွင့်ကို ယာယီပိတ်ထားလိုက်ပြီး ထိုင်းဖက်မှ မြ၀တီ အပြန်ဖက်ကိုတော့ သွားလာခွင့်ပေးခဲ့ကြောင်း သိရသည်။

▪️ "အခုက အမှတ် ၁ တံတားကနေ မြဝတီဘက်ကနေ မဲဆောက်ဘက်ကို ဝင်လိုရသလို မဲဆောက်ကနေ မြဝတီဘက်ကိုလာတာ လည်းရပြီ ဒီနေ့မနက်ပိုင်းမှာ အဝင်ကော အထွက်ကောသွားလာလို့ရပါပြီ"ဟု မြဝတီမြို့ရှိ ဒေသခံတစ်ဦးကပြောသည်။

▪️ ထို့ကြောင့် ထိုင်း-မြန်မာချစ်ကြည်ရေးတံတားမှ (၇) ရက်ယာယီလက်မှတ်နှင့် ဖြတ်သန်းနိုင်သလို Passport ဖြင့်လည်း ဖြတ်သန်းနိုင်ပြီ ဖြစ်ကြောင်း သိရသည်။

▪️ ကုန်ကားများ အဓိက ဖြတ်သန်းသွားလာနေသည့် ထိုင်း-မြန်မာ အမှတ် ၂ ချစ်ကြည်ရေး တံတားမှာတော့ တိုက်ပွဲများကြောင့် ပျက်စီးသွားသည့် အဆောင်များကို ပြင်ဆင်မှုများ လုပ်ဆောင်နေသဖြင့် ဖွင့်လှစ်နိုင်ခြင်းမရှိသေးကြောင်း သိရှိရသည်။

#YMG/LW #Yangon_Times

#Local_News
Published_ 27 April 2024

▪️ နေပြည်တော်တွင် မေလ ၁ ရက်နေ့တွင် ကျင်းပမည့် MSMEs ထုတ်ကုန်ပြပွဲ၌ ပြခန်းစုစုပေါင်း (၅၄)ခန်း ပါဝင်ပြသသွားမည်ဖြစ်ကြောင်း သိရသည်။

▪️ အလုပ်သမားနေ့ကို ဂုဏ်ပြုသည့်အနေဖြင့် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs) ထုတ်ကုန်များ ပြပွဲကိုနေပြည်တော် ကောင်စီနယ်မြေ ဒက္ခိဏသီရိမြို့နယ် ဒက္ခိဏသီရိဈေးအတွင်း မေလ (၁) ရက်မှ မေလ (၅) ရက်အထိ ငါးရက်တိုင်တိုင် ကျင်းပမည်ဖြစ်ကြောင်း သိရသည်။

▪️ အဆိုပါ ပြပွဲတွင် နေပြည်တော် ကောင်စီနယ်မြေ (၈) မြို့နယ်မှ ပြည်တွင်း MSMEs ထုတ်ကုန်များ၊ စက်မှုထုတ်ကုန်များ၊ ဒေသထွက်ကုန်များနှင့် ဌာနဆိုင်ရာပြခန်းစုစုပေါင်း (၅၄)ခန်း ပါဝင်ပြသမည်ဖြစ်ကြောင်း သိရသည်။

#YMG/ NN #Yangon_Times

#Lcoal_News
Published 27 April 2024

▪️ ပဲခူးတိုင်းဒေသကြီး၊ ညောင်လေးပင်မြို့နယ်၊ ပြွန်တန်ဆာမြို့၊ ဘိုင်းဒါးကျေးရွာအနီး၊ ရန်ကုန်-မန္တလေးလမ်းမကြီး၊ မိုင်တိုင်အမှတ်(၈၈/၀)နှင့် (၈၈/၁)ကြားတွင် Canter (၆)ဘီးယာဉ်၊ Light truck ယာဉ် နှင့် ၂၂ဘီးယာဉ်တို့ သုံးစီးဆင့်တိုက်မှုကြောင့် ၃ဦး​ေ-သဆုံးကာ ၁၀ဦး ထိခိုက်ဒဏ်ရာရရှိခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

▪️ ဧပြီ ၂၆ရက် မွန်းတည့် ၁၂နာရီ ၅၀မိနစ်က Canter (၆)ဘီးယာဉ်နှင့် Light truck ယာဉ်တို့ မျက်နှာချင်းဆိုင်တိုက်မိမှုဖြစ်ပွားပြီး Light truck ယာဉ်နောက်မှ ကပ်ပါလာသော Hino(၂၂)ဘီး ဘိလပ်မြေသယ်ယာဉ်သည်ရှေ့မှ Light truck ယာဉ်အား တိုက်မိကာ ဆက်လက်ပြီး လမ်းဘေးနေအိမ်သို့ ဝင်တိုက်မှုဖြစ်ပွားခဲ့ကြောင်း သိရသည်။

▪️ ယာဥ်တိုက်မှုကြောင့် Canter (၆)ဘီးယာဉ်ယာဉ်ပေါ်ပါ အမျိုးသား(၆)ဦး ထိခိုက်ဒဏ်ရာရရှိခဲ့ပြီးအမျိုးသား(၂)ဦး(သေဆုံး)နှင့် အမျိုးသမီး(၁)ဦး(သေဆုံး)ကာ Light Truckယာဉ်ပေါ်ပါ အမျိုးသား(၂)ဦး ထိခိုက်ဒဏ်ရာရ၊ Hino(၂၂) ဘီး ဘိလပ်မြေသယ်ယာဉ်ပေါ်ပါ အမျိုးသား(၁)ဦးနှင့် အမျိုးသမီး (၁)ဦးတို့ ထိခိုက်ဒဏ်ရာရရှိခဲ့ကြောင်း သိရသည်။

▪️ ယာဉ်တိုက်မှုဖြစ်ရာနေရာသို့ ညောင်လေးပင်မြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ ဒိုက်ဦးမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ပြွန်တန်ဆာနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး သန္ဓေမီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူပေါင်း၍ ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြောင်း သိရသည်။

▪️ အဆိုပါယာဉ်တိုက်မှုကြောင့် ​ေ-သဆုံးသူများနှင့် ထိခိုက်ဒဏ်ရာရရှိသူများကို ရွှေဇာမြေလူမှုကူညီရေးအသင်း၊ ရွှေရဲနွယ်လူမှုကူညီရေးအသင်းယာဉ်များဖြင့် ပြွန်တန်ဆာဆေးရုံကို ပို့ဆောင်ပေးခဲ့ကြောင်း သိရသည်။

#YMG/LW #Yangon_Times

#World_News
Published 27 April 2024

▪️ ယခုနောက်ဆုံး အပစ်အခတ်ရပ်စဲရေး အဆိုပြုချက်အပေါ် အစ္စရေးလ်ဘက်မှ တရားဝင်တုန့်ပြန်ချက်ကို ဟားမတ်စ်တို့က စနေနေ့မှာ လက်ခံရရှိခဲ့ပြီး ယင်းတို့ဘက်မှ ပြန်လည်ဖြေကြားခြင်း မပြုခင် လေ့လာသုံးသပ်သွားမယ်လို့ ဟားမတ်စ်အဖွဲ့ရဲ့ ဂါဇာလက်ထောက် အကြီးအကဲက ထုတ်ပြန်လိုက်ပါတယ်။

▪️ ဧပြီ ၁၃ ရက်နေ့က ကြားဝင်စေ့စပ်သူများဖြစ်တဲ့ အီဂျစ်နဲ့ ကာတာတို့ထံ တင်ပြခဲ့တဲ့ အဆိုပြုချက်အပေါ် အစ္စရေးလ်တို့ရဲ့ တရားဝင်တုန့်ပြန်မှုကို ဟားမတ်စ်တို့ ယနေ့ လက်ခံရရှိခဲ့တယ်လို့ လက်ရှိကာတာမှာ ရှိနေတဲ့ ခါလီအယ်လ်ဟိုင်ယာက ထုတ်ပြန်ပြောကြားလိုက်ပါတယ်။

▪️ ဂါဇာမှာ စစ်ပွဲဖြစ်ပွားနေတာ ၆ လခန့် ကြာမြင့်နေပြီဖြစ်ရာ ညှိနှိုင်းလို့မရသေးဘဲ ဟားမတ်စ်ဘက်က စစ်ပွဲအဆုံးသတ်ရမယ်ဆိုတာမျိုးကိုပဲ အလိုရှိနေပါတယ်။

▪️ အီဂျစ်မှ ကိုယ်စားလှယ်အဖွဲ့တစ်ဖွဲ့က အစ္စရေးလ်မှ တာဝန်ရှိသူများနဲ့ ဆွေးနွေးရန် သောကြာနေ့က အစ္စရေးလ်သို့ သွားရောက်ခဲ့ပြီး စစ်ပွဲအဆုံးသတ်ရေး၊ ဟားမတ်စ်တို့ ဖမ်းဆီးထားတဲ့ လက်ကျန်ဓားစာခံများ လွှတ်ပေးရေးတို့အတွက် ညှိနှိုင်းမှုများ ပြန်လည်စတင်ရန် နည်းလမ်းရှာနေပါတယ်။

▪️ အစ္စရေးလ်ဘက်က အဆိုပြုချက်အသစ် တင်ပြတာမျိုးမရှိပေမယ့် ဓားစာခံ ၃၃ ဦး လွှတ်ပေးရေး သဘောတူညီချက်မျိုးကိုတော့ စဥ်းစားလိုတယ်လို့ အမည်မဖော်လိုသူ အရာရှိတစ်ဦးက ဆိုပါတယ်။

▪️ အမေရိကန်နဲ့ အခြား ၁၇ နိုင်ငံက ပဋိပက္ခအဆုံးသတ်ရေးအတွက် ဓားစာခံအားလုံးကို ပြန်လွှတ်ပေးရန် ဟားမတ်စ်တို့ကို ကြာသပတေးနေ့က မေတ္တာရပ်ခံထားပါတယ်။

▪️ ဟားမတ်စ်တို့က နိုင်ငံတကာဖိအားတွေအောက် အလျှော့မပေးဖို့ စိတ်ဆုံးဖြတ်ထားပေမယ့် ပြည်သူတွေရဲ့ လိုအပ်ချက်၊ အခွင့်အရေးများကို ထည့်တွက်ထားတဲ့ အဆိုပြုချက်မျိုးဆိုရင်တော့ စဥ်းစားသွားမယ်လို့ သောကြာနေ့က ထုတ်ပြန်လိုက်ပါတယ်။

▪️ အစ္စရေးလ်ဘက်က ငြင်းပယ်ထားတဲ့ အချက်တွေကိုပဲ ဟားမတ်စ်တို့က ဆက်လက်အလိုရှိနေပြီး အပြီးသတ် အပစ်အခတ် ရပ်စဲရေးနဲ့ ဂါဇာမှ အစ္စရေးလ်တပ်များ ဆုတ်ခွာရန် တောင်းဆိုမှုကို မပြုလုပ်ခဲ့တဲ့ အမေရိကန်နဲ့ အခြားနိုင်ငံများကို ဝေဖန်လိုက်ပါတယ်။

▪️ အိမ်ဖြူတော် နိုင်ငံတော်လုံခြုံရေး အကြံပေး ဂျိတ်ခ်ဆာလီဗန်က စစ်ပွဲအဆုံးသတ်ရေးနဲ့ လက်ကျန်ဓားစာခံများ လွှတ်ပေးရေး ဆွေးနွေးရာမှာ အရှိန်ရနေတာကို မြင်တွေ့နေရတယ်လို့ သောကြာနေ့က ပြောပါတယ်။

#Source: Reuters

#Local_News
Published_ 27 April 2024

▪️ တရုတ်ပြည်သူ့သမ္မတနိုင်ငံကြက်ခြေနီအသင်းမှ နည်းပညာနှင့် ရန်ပုံငွေအကူအညီဖြင့် ဆောင်ရွက်သွားမည့် အစီအစဉ်များကိုမြန်မာနိုင်ငံကြက်ခြေနီ အသင်းနှင့်တွေ့ဆုံဆွေးနွေးခဲ့ကြောင်း သိရသည်။

▪️ ဧပြီလ (၂၃) ရက်နေ့ကတရုတ်ပြည်သူ့သမ္မတနိုင်ငံကြက်ခြေနီအသင်းမှ ဒုတိယဥက္ကဌ Mr. ZHANG Xiaobin နှင့် အဖွဲ့ဝင်များနှင့်မြန်မာနိုင်ငံကြက်ခြေနီအသင်း အသင်းဥက္ကဌ ပါမောက္ခဒေါက်တာမျိုးညွန့်တို့တွေ့ဆုံစဉ် ဆွေးနွေးခဲ့ခြင်းဖြစ်သည်။

▪️ ထိုသို့တွေ့ဆုံရာတွင် မြန်မာနိုင်ငံကြက်ခြေနီအသင်းမှ နိုင်ငံတစ်ဝန်း ဆောင်ရွက်လျှက်ရှိသော လူမှုကရုဏာလုပ်ငန်းများနှင့် ရှေ့လုပ်ငန်းစဉ်များကို ရှင်းလင်းတင်ပြခဲ့ပြီး နှစ်နိုင်ငံကြက်ခြေနီအသင်းများ ပူးပေါင်းဆောင်ရွက်မည့် “ကျောင်းအခြေပြု ရှေးဦးပြုစုခြင်းဆိုင်ရာ စွမ်းဆောင်ရည်များ တိုးမြှင့်ခြင်း” အစီအစဉ်အတွက် လုပ်ငန်းစီမံချက်များ၊ ၂၀၂၄-၂၀၂၅ ခုနှစ်အတွင်း ရှေးဦးပြုစုခြင်းသင်တန်းများဖွင့်လှစ်ရာတွင် တရုတ်ပြည်သူ့သမ္မတနိုင်ငံကြက်ခြေနီအသင်းမှ နည်းပညာနှင့် ရန်ပုံငွေအကူအညီဖြင့် ဆောင်ရွက်သွားမည့် အစီအစဉ်များကို ဆွေးနွေးခဲ့သည်။

▪️ အဆိုပါ တွေ့ဆုံပွဲသို့ အသင်းဥက္ကဌနှင့်အတူ ဒုတိယဥက္ကဌဒေါက်တာဒေါ်တင်တင်လေး၊ အချိန်ပြည့်/ အချိန်ပိုင်းအလုပ်အမှုဆောင်များ၊ ဒုတိယအထွေထွေအတွင်းရေးမှူးနှင့် တာဝန်ရှိသူများ တက်ရောက်ခဲ့ပြီး တရုတ်ပြည်သူ့သမ္မတနိုင်ငံကြက်ခြေနီအသင်း ဒုတိယဥက္ကဌနှင့်အတူ Deputy Supervisor of the RCSC Ms. SONG Yi နှင့် အဖွဲ့ဝင် Mr. HAI Liman၊ Mr. YIN Zheng နှင့် Ms. CHENG Xiaoqing တို့လည်း တက်ရောက်ခဲ့သည်။

▪️ ထို့နောက် တရုတ်ပြည်သူ့သမ္မတနိုင်ငံကြက်ခြေနီအသင်းမှ ဒုတိယဥက္ကဌနှင့်အဖွဲ့သည်  အသင်းရန်ကုန်ရုံးခွဲအတွင်း ကြည့်ရှုလေ့လာခဲ့ပြီး Central Hotel တွင် ဖွင့်လှစ်လျှက်ရှိသော “မူကြိုကျောင်းများမှ ဆရာ၊ ဆရာမများအတွက်စွမ်းဆောင်ရည်မြှင့်တင်ခြင်းသင်တန်း” သို့သွားရောက် ကြည့်ရှုလေ့လာခဲ့ပြီး

▪️ တရုတ်ပြည်သူ့သမ္မတနိုင်ငံကြက်ခြေနီအသင်းမှ ဒုတိယဥက္ကဌနှင့်အဖွဲသည် ဧပြီလ (၂၄) ရက်နေ့တွင် ဒဂုံမြို့သစ်(မြောက်ပိုင်း)မြို့နယ်ရှိ ကြက်ခြေနီ အသင်းခွဲသို့ရောက်ရှိပြီး ရန်ကုန်တိုင်းဒေသကြီး ကြက်ခြေနီကြီးကြပ်မှုကော်မတီ ဥက္ကဌ ဒေါက်တာဇော်ဌေးနှင့် ကော်မတီဝင်များ၊ မြို့နယ်ကြက်ခြေနီ အသင်းခွဲဥက္ကဌနှင့် ကြက်ခြေနီစေတနာလုပ်အားရှင်များအား တွေ့ဆုံခဲ့သည်။ 

▪️ ထို့နောက် ဒဂုံမြိုသစ်(မြောက်ပိုင်း) မြို့နယ် အမှတ် (၂) အခြေခံပညာအထက်တန်းကျောင်းတွင် ဖွင့်လှစ်လျက်ရှိသော ရှေးဦးပြုစုခြင်း (အခြေခံ) သင်တန်းကို ကြည့်ရှုလေ့လာခဲ့ကြောင်း သိရသည်။

▪️ ဆက်လက်၍ နေ့လည်ပိုင်းတွင် နိုင်ငံအတွင်း ပူးပေါင်းဆောင်ရွက်လျှက်ရှိသော မိတ်ဖက်ကြက်ခြေနီအသင်းများမှ တာဝန်ရှိသူများနှင့် အသင်းရန်ကုန်ရုံးခွဲ အစည်းအဝေးခန်းမ၌ တွေ့ဆုံခဲ့သည်။

▪️ ဧပြီလ (၂၅) ရက်နေ့တွင် တရုတ်ပြည်သူ့သမ္မတနိုင်ငံကြက်ခြေနီအသင်း ဒုတိယဥက္ကဌနှင့်အဖွဲ့သည် ဒဂုံဆိပ်ကမ်းမြို့နယ်ကြက်ခြေနီအသင်းခွဲမှ မြို့နယ်ကြက်ခြေနီအသင်းခွဲရုံးတွင် ကူညီဆောင်ရွက်လျှက်ရှိသော ကြက်ခြေနီအခမဲ့ဆေးခန်းတွင် ကျန်းမာရေးစောင့်ရှောက်ပေးမှုများကို ကြည့်ရှုလေ့လာခဲ့ကြောင်း သိရသည်။

#tthl #Yangon_Times

#Local_News
Published_27 April 2024

▪️ ၂၀၂၃-၂၀၂၄ ပညာသင်နှစ်တွင် တိုင်းဒေသကြီး၊ ပြည်နယ်အသီးသီးမှ နဝမတန်း လူရည်ချွန် ၁၄၀ ဦး၊ ဒသမတန်းလူရည်ချွန် ၁၄၀ ဦး၊ ဧကာဒသမတန်းလူရည်ချွန် ၁၃၇ ဦးအပြင် ဒွါဒသမတန်း ၁၃၇ ဦး၊ စုစုပေါင်း ၅၅၄ ဦး ရွေးချယ်မွေးထုတ်ပေးနိုင်ခဲ့ကြောင်း နစက ဥက္ကဌက ပြောသည်။

▪️ ဧပြီလ ၂၆ ရက်ကနေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟို ဌာန-၂ (MICC-II)၌ နိုင်ငံတော် စီမံ အုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က၂၀၂၄ ပညာသင်နှစ် လူရည်ချွန်မောင်မယ်များအား တွေ့ဆုံစဉ် အထက်ပါအတိုင်းပြောကြားခြင်း ဖြစ်သည်။

▪️ ယခုပညာသင်နှစ်တွင် KG+12 ပညာရေးစနစ်အရ အခြေခံပညာ၏ နောက်ဆုံးအတန်းဖြစ်သည့် ဒွါဒသမတန်းကို ဖွင့်လှစ်ခဲ့သည့်အတွက် လူရည်ချွန်ရွေးချယ်သည့်အခါ ဒွါဒသမတန်းကိုပါ ရွေးချယ်နိုင်ခဲ့ခြင်းဖြစ်ကြောင်း ၎င်းက ပြောသည်။

▪️ လူရည်ချွန် ကျောင်းသားကျောင်းသူများကို ရွေးချယ်သည့်အခါ စာပေဘာသာရပ်များကိုသာ စစ်ဆေးအကဲဖြတ်ရုံတစ်ခုတည်းမဟုတ်ဘဲ ရုပ်ပိုင်းဆိုင်ရာကျန်းမာကြံ့ခိုင်မှု၊ စိတ်ဓာတ်၊ စည်းကမ်း၊ ပညာ၊ စာရိတ္တ ပိုင်းဆိုင်ရာကောင်းမွန်မှုကိုပါ စနစ်တကျ စိစစ်ရွေးချယ်ခဲ့ကြခြင်းဖြစ်ကြောင်းလည်း သိရသည်။

▪️ ယခုနှစ် လူရည်ချွန်မောင်မယ်များကို ယခင်နှစ်များအတိုင်း နဝမတန်း လူရည်ချွန်များအား ရှေးဟောင်းအမွေအနှစ်ဒေသ ပုဂံမြို့၊ ဒသမတန်း လူရည်ချွန်များကို ရှမ်းပြည်နယ်တောင်ပေါ်ဒေသ တောင်ကြီးမြို့၊ ဧကာဒသမတန်းလူရည်ချွန်များအား ဧရာဝတီတိုင်းဒေသကြီး၊ ပင်လယ်ကမ်းခြေငွေဆောင်မြို့သို့ စေလွှတ်သကဲ့သို့ ဒွါဒသမတန်း လူရည်ချွန်များကိုလည်း ပင်လယ်ကမ်းခြေ ချောင်းသာလူရည်ချွန်စခန်း အသီးသီးကို လေ့လာရေးခရီးစဉ်စေလွှတ်သွားမည်ဖြစ်ကြောင်း ယင်းကပြောသည်။

▪️ ယင်းသို့စေလွှတ်ရန် စီစဉ်ရခြင်းမှာ လူရည်ချွန်မောင်မယ်များအချင်းချင်း ချစ်ခင်ရင်းနှီး မှုရရှိခြင်း၊ အသိပညာဗဟုသုတများ ဖလှယ်နိုင်ခြင်းအပြင် လူရည်ချွန်စခန်းအခြေစိုက်ရာဒေသများ၏ ဒေသန္တရဗဟုသုတများရရှိခြင်း၊ ရိုးရာယဉ်ကျေးမှုဓလေ့များ သိရှိနားလည်ပြီး မိမိနိုင်ငံနှင့်လူမျိုးအားချစ်မြတ်နိုးစိတ်၊ တန်ဖိုးထားထိန်းသိမ်းလိုစိတ်များ ကိန်းအောင်းရှင်သန်လာစေရန်ဖြစ်ကြောင်း သိရသည်။

#Yangon_Times/PP