၂၈ ဧပြီ ၂၀၂၄

သူ၏ သမ္မတအုပ်ချုပ်မှုအောက်တွင် အမေရိကန်သည် အခြေခံအားဖြင့် အားလုံးကိုပြန်စဉ်းစားရမည်ဟု ပြောထားပါတယ်။ သူသာ သမ္မတပြန်ဖြစ်ခဲ့ပါက ဥရောပနှင့် ဆက်ဆံရေးကို ပြန်ပြောင်းရန် သူက စီစဉ်ထားပါတယ်။အောက်ပါအချက်အလက်များမှာ သူ သမ္မတပြန်ဖြစ်ခဲ့ပါက ထရမ့်ကျင့်သုံးမည့် နိုင်ငံခြားရေးမူဝါဒအချို့ကို သုံးသပ်ဖော်ပြထားပါတယ်။

နေတိုး၏အဆိုပြုချက်နှင့် မစ်ရှင်

သူသာ သမ္မတဖြစ်ခဲ့လျှင် ယူကရိန်းသို့ အမေရိကန်က ပေးပို့ခဲ့သည့် လက်နက်ခဲယမ်းမီးကျောက်တန်ဖိုး ဒေါ်လာ ၂၀၀ဘီလျံနီးပါးအတွက် ဥရောပထံမှ အမေရိကန်သို့ ပြန်ပေးရန် တောင်းဆိုမည်၊  ယူကရိန်း သို့ နောက်ထပ်အကူအညီပေးဖို့လည်း သူကတိမပေးနိုင်ဟု ထရမ့်ကပြောပါတယ်။

ထရမ့်ဟာ သူပထမအကြိမ် သမ္မတဖြစ်စဉ်က သက်တမ်းကုန်ခါနီးတွင်နေတိုးသို့ကူညီသည့် ကာကွယ်ရေး ရန်ပုံငွေကို ဖြတ်တောက်ခဲ့ပါတယ်။ အမေရိကန်သည် နေတိုးထံ မျှတသည့်ရှယ်ယာထက်ပိုပြီး ပေးနေ   သည်ဟု သူက မကြာဏ အပြစ်တင်ခဲ့ပါတယ်။

ယူကရိန်း

အထူးသဖြင့် ယူကရိန်းစစ်ပွဲနှင့်ပတ်သက်၍ စစ်ရှိန်လျှော့ဖို့တောင်းဆိုခဲ့ပါတယ်။ သူ သမ္မတထပ်ဖြစ်ရင် ယင်းပဋိပက္ခကို ၂၄နာရီအတွင်းဖြေရှင်းပေးမယ်လို့လည်း ဆိုပါတယ်။ သူ့တွင် ဆုပ်ကိုင်ပြနိုသည့် အဆိုပြု ချက်ရှိပြီး ငြိမ်းချမ်းရေးသဘောတူညီချက်အရ ယူကရိန်းသည် အချို့သော ပိုက်နက်များကို ပေးအပ်ရ လိမ့်မည်ဟု ပြီးခဲ့တဲ့နှစ်က ရိုက်တာနှင့် အင်တာဗျူးတွင် ထရမ့်ကပြောခဲ့ပါတယ်။

ဧပြီလစောစောပိုင်းကလည်း ယူကရိန်းကို ထပ်မံပေးမည့် အကူအညီများကို ချေးငွေအနေနှင့်သာ သူ ပေးမည်ဟုပြောခဲ့ပါတယ်။ ယခုလနှောင်းပိုင်းက ဒေါ်လာ ၆၁ဘီလျံအကူအညီကိစ္စ ကွန်ဂရက်တွင် စေ့စပ် အပေးအယူလုပ်နေသည့်အပေါ် သူက အတော်ကြီးကို နှုတ်ဆိတ်နေခဲ့ပါတယ်။

တရုတ်၊ ကုန်သွယ်ရေးနှင့် အခွန်အကောက်

တရုတ်နိုင်ငံနှင့် အချို့သော ဥရောပမဟာမိတ်များအပေါ် အခွန်စည်းကြပ်မှုအသစ်များ သို့မဟုတ် ကုန်သွယ်ရေးကန့်သတ်မှုများ အကြီးအကျယ်လုပ်ဆောင်မည်ဟု ထရမ့်က မကြခဏဆိုသလို ခြိမ်း ခြောက်နေပါတယ်။

ကုန်သွယ်ရေး အတားအဆီးတွေလုပ်ဖို့ဆုံးဖြတ်ထာသည့် နိုင်ငံတွေအပေါ် လက်တုန့်ပြန် အခွန်စည်းကြပ် မှုတွေမြှင့်တင်ဆောင်ရွက်မယ်လို့လည်း ထရမ့်ကပြောထားပါတယ်။ နိုင်ငံတကာဈေးကွက်ကြီးကို ဖြတ်တောက်ပစ်နိုင်မည့် ၁၀ရာခိုင်နှုန်း ကမ္ဘာလုံးဆိုင်ရာ အခွန်အကောက်စိတ်ကူးကိုလည်း သူက လူသိရှင်ကြားပြောခဲ့ပါတယ်။

ကုန်သွယ်ရေးဦးစားအပေးဆုံးနိုင်ငံအဆင့်ကနေ တရုတ်ကို အဆုံးသတ်ပစ်မယ်လို့လည်း ထရမ့်က       ပြောထားပါတယ်။အမေရိကန်အထဲမှာရှိတဲ့ သန်စွမ်းအားကောင်းတဲ့ တရုတ်ပိုင်ဆိုင်မှုတွေ အပေါ် ကန့်သတ်မှုအသစ်တွေလုပ်မယ်လို့လည်း ထရမ့်ကပြောခဲ့ပါတယ်။

ထရမ့်က ထိုင်ဝမ်ကိစ္စကို ပြောခဲပါတယ်။ တရုတ်က ထိုင်ဝမ်ကိုကျူးကျော်ရင်ဘာလုပ်မလိုဆိုသည့် အပေါ်လည်းတုန့်ပြန်မှုမပေးဘဲ သူသာသမ္မတဖြစ်ရင် တရုတ်ဟာ ဘယ်တော့မှ ထိုင်ဝမ်ကိုကျုးကျော်ရဲမှာ မဟုတ်ဘူးလို့ပဲပြောခဲ့ပါတယ်။

မက္ကဆီကိုနှင့် မူးယစ်ဆေးဝါး

မက္ကဆီကိုမှာ မူးယစ်လုပ်ငန်းတွေလုပ်နေကြတဲ့ မူးယစ်လုပ်ငန်းအုပ်စုတွေကို သူ့အနေနှင့် နိုင်ငံခြား အကြမ်းဖက်အဖွဲ့အစည်းတွေအဖြစ်သတ်မှတ်ကြေညာမယ်လို့ ထရမ့်ကပြောထားပါတယ်။  သူတို့ရဲ့ ခေါင်းဆောင်တွေနှင့် အခြေခံအဆောက်အဦတွေကို တိုက်ခိုက်ဖို့ အထူးတပ်ဖွဲ့ကို သင့်လျော်သလို အသုံးပြုဖို့ ပင်တဂွန်ကိုသူညွှန်ကြားမယ်လို့လည်းဆိုပါတယ်။ အဲဒီအစီအစဉ်ကိုတော့ မက္ကဆီကို အစိုးရက ချီးမွမ်းဖို့သိပ်မရှိလှပါ။

အမေရိကန်ရေတပ်ကိုလည်း သူတို့လုပ်ငန်းတွေကို ပိတ်ဆို့တားဆီးဖို့ စေလွှတ်မယ်လို့ သူကပြောပါတယ်။

အစ္စရေးပဋိပက္ခ

အစ္စရေးခေါင်းဆောင်တွေကို သူကစောစောပိုင်းမှာ တိုက်ခိုက်ပြောဆိုမှုတွေလုပ်ခဲ့ပြီး အောက်တိုဘာ ၇ ရက် မှာ အမေရိကန်နိုင်ငံသားတွေ ဟားမာ့စ်ရဲ့ တိုက်ခိုက်ခံရပြီးတဲ့နောက်ပိုင်းမှာတော့ သူက ဟားမားကို ချေမှုန်းပစ်ကိုပစ်ရမယ်လို့ပြောလာခဲ့ပါတယ်။ သို့သော် သူသည် မူဝါဒဆိုင်ရာ ဖြေရှင်းမှုအချို့ကို အဆိုပြုခဲ့ပါတယ်။

ဟားမားကိုစာနာကြတဲ့ အမေရိကန်က အမြဲတမ်းနေထိုင်ခွင့်ရသူ(ကတ်အစိမ်းကိုင်ထားကြသူ)တွေကို  မိခင်နိုင်ငံပြန်ပို့မယ်လို့လည်း ထရမ့်ကပြောထားပါတယ်။

အာဖဂန်နစ္စတန်

၂၀၂၁ခုနှစ်မှာ အမေရိကန်တပ်တွေပြန်ရုပ်သိမ်းစဉ် ကျန်ခဲ့တဲ့ စစ်ဘက်ဆိုင်ရာ ပစ္စည်းတွေကို အာဖဂန်က ပြန်လည်ပေးအပ်ဖို့ သူတောင်းဆိုမယ်လို့ မဲဆွယ်ပွဲမှာ ထရမ့်ကပြောခဲ့ပါတယ်။ ၂၀၂၁ခုနှစ်တုန်းကတော့ သူ့အနေနှင့် အဲဒီစစ်ပစ္စည်းတွေကို ဗုံးကြဲပစ်မယ်လို့တစ်ကြိမ်ပြောခဲ့ပါတယ်၊ နောက်ပိုင်းမှာတော့ အဲဒါကို သူထပ်မပြောတော့ပါဘူး။

ရာသီဥတု

သဘာပတ်ဝန်းကျင်ဆိုင်ရာ ပါရီသဘောတူညီချက်ကနေ ထရမ့်သမ္မတဖြစ်စဉ်မှာ နှုတ်ထွက်ခဲ့ပါတယ်။  ဂျိုးဘိုင်ဒင်လက်ထက် ၂၀၂၁ မှာ အဲဒီအဖွဲ့ထဲ အမေရိကန်က ပြန်လည်ဝင်ရောက်ခဲ့ပါတယ်။ သူက အဲဒီ အဖွဲ့က ပြန်ထွက်မယ်လို့ မကြာခဏထပ်ပြောနေပါတယ်။

ဒုံးကျည်ကာကွယ်ရေး

အမေရိကန်နိုင်ငံတစ်လွှားမှာ ခေတ်မီဆန်းသစ်တဲ့ ဒုံကျည်ကာကွယ်ရေးစနစ်တည်ဆောက်မယ်လို့ ထရမ့်က ကတိပေးထားပါတယ်။သူက အသေးစိတ်တော့မပြောပါဘူး။ သူ့အစိုးရက တီထွင်ဖွဲ့စည်းခဲ့တဲ့ အာကာသတပ်ဟာ အဆိုပါလုပ်ငန်းစဉ်မှာ ဦးဆောင်တဲ့ အခန်းကဏ္ဍကနေပါဝင်မယ်လို့သူကဆိုပါတယ်။

Source Reuters

@ymg/knl

ရှမ်းပြည်နယ်တောင်ပိုင်းရှိ  အာလူးဈေးကွက်မှာ ဝယ်လိုအား အလွန်နည်းတဲ့အတွက် ပွဲရုံတွေမှာ ရောင်းရတဲ့ ဈေးနှုန်းမှာ အာလူးမျိုး ဝယ်ရတဲ့ ဈေးကိုပင်မရရှိတဲ့အတွက် အာလူးစိုက်တောင်သူတွေ အရှုံးပေါ်နေတယ်လို့ ရှမ်းပြည်နယ်ရှိ အာလူးစိုက်ပျိုးတဲ့တောင်သူတွေနဲ့ ပွဲရုံတွေထံက သိရပါတယ်။
#Local_News
Published_ 28 April 2024
#အာလူးစိုက်တောင်သူတွေ #ရှမ်းပြည်နယ်တောင်ပိုင်း
#YMG/LW #Yangon_Times

#Local_News
Publicshed 28 April 2024

▪️ မန္တလေးတိုင်းဒေသကြီး၊ မြင်းခြံမြို့နယ်၌ဒီဇယ်ပေပါများ တင်ဆောင်လာသော မော်တော်ယာဉ်(၁)စီးယနေ့တွင်  မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာနမှ သိရသည်။

▪️ ဖြစ်စဉ်မှာ ဧပြီ ၂၈ ရက်နေ့၊ နေ့လယ်၁၁နာရီ ၁၂အိနစ် အချိန်က ၊ မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့နယ်၊ လေးအိမ်တန်းကျေးရွာအုပ်စု၊ အင်ကြင်သာကျေးရွာအနီးတွင် ဒီဇယ်ပေပါများ တင်ဆောင်လာသော မော်တော်ယာဉ်(၁)စီး မီးလောင်မှုဖြစ်ပွားကြောင်း သိရသည်။

▪️ အဆိုပါမီးလောင်းမှုဖြစ်ပွားသည့် သတင်းရရှိသဖြင့် မြင်းခြံခရိုင်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၄)စီး၊ Foam မီးငြှိမ်းသတ်ယာဉ်(၁)စီး၊ မြင်းခြံမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး၊ မြင်းခြံနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ အဖြူရောင်လက်များပရဟိတအသင်းမှ ရေသယ်ယာဉ်(၁)စီး၊ နတ်ကြီးပင်ပရဟိတအသင်းမှ ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင် များဖြင့် ထွက်ခွာငြှိမ်းသတ်ခဲ့ရာ ၁၁ နာရီ မိနစ်၃၀  အချိန်၌  မီးငြိမ်းခဲ့ကြောင်းသိရသည်။

▪️ အဆိုပါဖြစ်စဉ်နှင့်ပတ်သက်၍ အသေးစိတ်စုံစမ်းလျှက်ရှိပြီး မီး‌လောင်မှုကြောင့် လူထိခိုက်မှုမရှိကြောင်း သိရသည်။

#YMG/ NN #Yangon-Times

#Local_News
Published 28 April 2024

▪️ သစ်တောဖုံးလွှမ်းမှု ပြန်လည်ကောင်းမွန်လာစေရေးအတွက် နိုင်ငံဧရိယာ၏  ၃၀ ရာခိုင်နှုန်းကို သစ်တော နယ်မြေနှင်  ၁၀ ရာခိုင်နှုန်းကို သဘာဝနယ်မြေအဖြစ် သတ်မှတ်ဖွဲ့စည်းနိုင်ရေး လျာထားဆောင်ရွက်လျက်ရှိကြောင်း သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ သိရသည်။ 

▪️မြန်မာနိုင်ငံ၏  သစ်တောဖုံးလွှမ်းမှုသည်  ၂၀၂၀ ပြည့်နှစ်တွင်  နိုင်ငံဧရိယာ၏  ၄၂ ဒသမ ၁၉ ရာခိုင်နှုန်းရှိပြီး ၂၀၁၀ ပြည့်နှစ်မှ ၂၀၂၀ ပြည့်နှစ်အတွင်း နှစ်စဉ်ပျမ်းမျှ ဧက ၇ သိန်းကျော် ပြုန်းတီးနေ ကြောင်း‌သိရသည်။

▪️ ထို့ကြောင့် သစ်တောဖုံးလွှမ်းမှု ပြန်လည်ကောင်းမွန်လာရေး၊ ကြိုးဝိုင်း/ကြိုးပြင်တောများ တိုးချဲ့ဖွဲ့စည်းရေး၊ သစ်တော စိုက်ခင်းများနှင့်  ကျေးရွာသုံး ထင်းစိုက်ခင်းများတည်ထောင်ရေး၊ သဘာဝတောများ ထိန်းသိမ်းကာကွယ်ရေး၊ ဂေဟစနစ်နှင့် ဇီဝမျိုးစုံမျိုးကွဲများ ကာကွယ်စောင့်ရှောက်ရေးနှင့်  တရားမဝင်သစ်ထုတ်လုပ်မှု တားဆီးရေးလုပ်ငန်းများကို အမျိုးသားရေး တာဝန်တစ်ရပ်အဖြစ် ဆောင်ရွက်သွားရမည် ဖြစ်ကြောင်း၊ ထို့ကြောင့် သစ်တောဖုံးလွှမ်းမှု ပြန်လည်ကောင်းမွန်လာစေရေးအတွက်  သစ်တော နယ်မြေနှင့် သဘာဝနယ်မြေအဖြစ် သတ်မှတ်ဖွဲ့စည်းနိုင်ရေး လျာထားဆောင်ရွက်လျက်ရှိခြင်းဖြစ်ကြောင်း သိရသည်။

#YMG/ NN #Yangon-Times

၂၈ ဧပြီ ၂၀၂၄

မြန်မာလှေသား (၇)ဦးပါဝင်တဲ့ ထိုင်းငါးဖမ်းစက်လှေတစ်စီး ယနေ့ ဧပြီ ၂၈ ရက် တနင်္ဂနွေနေ့ မနက်စောစောပိုင်းမှာ ကပ္ပလီ    ပင်လယ်အတွင်း မီးလောင်မှုဖြစ်ခဲ့လို့ ထိုင်းရေကြောင်းတပ်တစ်ခုက သွားရောက်ကယ်တင်ပေးနိုင်ခဲ့တယ်လို့ ထိုင်းမီဒီယာ     တွေက သတင်းဖော်ပြကြပါတယ်။ အဆိုပါ ငါးဖမ်လှေမှာ မြန်မာ ၇ဦးနှင့်အတူ ထိုင်းလူမျိုး (၂)ဦးလည်း အတူတူ  လိုက်ပါလာခဲ့  တာဖြစ်ပြီး အားလုံးကို ဘေးကင်းစွာကယ်ထုတ်နိုင်ခဲ့တာဖြစ်ပါတယ်။

ယနေ့ မနက် ၃နာရီခွဲခန့်မှာ ဆရီသွန်းပေ-၇ အမည်ရှိ ထိုင်းငါးဖမ်းစက်လှေတစ်စီးဟာ  ဖန်ငါးအနီး ခိုဆူရင်းကျွန်းများရဲ့ အနောက်တောင်ဘက် ရေမိုင် ၁၅ မိုင်အကွာခန့်မှာ  ဆီပြန်ဖြည့်ရင်း မီးလောင်နေတယ်လို့ ထိုင်းပင်လယ်ရေကြောင်းစိုးမိုးရေး ဒေသ၃ စစ်တိုင်းက သတင်းအချက်အလက်ရရှိခဲ့တာလို့ သတင်းများမှာဖော်ပြထားပါတယ်။

မနက် ၄နာရီခန့်မှာ အခြားသော ငါးဖမ်းစက်လှေတစ်စီးဖြစ်တဲ့ ချန်ယူဒွမ်ဆွမ်ဘက်-၁ ပေါ်က လှေသားတွေဟာ အဆိုပါ   စက်လှေမီးလောင်နေတာကို မြင်တွေ့လို့ မီးလောင်နေတဲ့ စက်လှေပေါ်က တစ်ဦးတစ်ယောက်မကျန် လှေသားအားလုံးကို သူတို့စက်လှေထဲ ကယ်ထုတ်တင်ဆောင်ပေး ခဲ့ကြတာဖြစ်ပါတယ်။

ရေတပ်ရဲ့ လေကြောင်းနှင့် ကမ်းခြေကာကွယ်ရေးတပ်ဟာ အဲဒီနေရာကို စပိတ်ဘုတ်ခ်တစ်စီး လွှတ်ပေးခဲ့ပြီး ချန်ယူ  ဒွမ်ဆွမ်ဘက်-၁ပေါ်မှာကယ်တင်ထားတဲ့ မြန်မာ(၇)ဦးနှင့်ထိုင်း(၂)ဦး တို့ကို သွားရောက်ခေါ်ဆောင်ခဲ့ပါတယ်။ အဲဒီနောက်သူတို့ကို ခုရာပူရီခရိုက် ငါးဖမ်းဆိပ်တစ်ခုကို ပို့ဆောင်ပေးခဲ့ပါတယ်။ထိခိုက်ဒဏ်ရာရရှိထားသူတွေကိုတော့ ဆေးရုံတင်ပေးခဲ့ပါတယ်လို့သိရပါတယ်။

မီးလောင်မှုကြာင့်  လှေသား(၅)ဦးဒဏ်ရာရရှိခဲ့ပါတယ်။ အဲဒီထဲက တစ်ဦးကတော့ အသက် ၅၄နှစ်အရွယ်ရှိ ထိုင်းလူမျိုး စက်ပြင်ဆရာ ပိုင်ရိုက်ပါလာဖြစ်ပြီး သူဟာ မီးလောင်ဒဏ်ရရရှိထားတယ်လို့သိရှိရပါတယ်။

@ymg/knl

#Local_News
Publicshed 28 April 2024

▪️ ညစ်ညမ်းသော တေးသီချင်းဗီဒီယိုများထုတ်လုပ်သူ၊ စီစဉ်ရိုက်ကူးသူ၊ သရုပ်ဆောင်သူများအား တည်ဆဲဥပဒေများနှင့်အညီ အရေးယူဆောင်ရွက်သွားမည်ဖြစ်ကြောင်းဧပြီ၂၇ရက်ကပြန်ကြားရေးဝန်ကြီးဌာနက  သတိပေးထုတ်ပြန်လိုက်သည်။

▪️ အဆိုပါသတိပေးချက်၌ အချို့သောတေးသီချင်းဗီဒီယို ရိုက်ကူးထုတ်လွှင့်သူများသည် ထင်ပေါ်ကျော်ကြားမှု ရရှိစေရန်အတွက် မြန်မာ့ယဉ်ကျေးမှုနှင့် ဖီလာဆန့်ကျင်ပြီး မောင်နှမသားချင်း၊ မိသားစုဝင်ချင်းအတူ ကြည့်ရှုရန်ပင် မသင့်လျော်သော၊ ဟီရိဩတ္တပ္ပ တရားကင်းမဲ့သော တေးသီချင်းဗီဒီယိုများကို လူမှုကွန်ရက်စာမျက်နှာများတွင် ရိုက်ကူးထုတ်လွှင့်နေကြသည်ကို တွေ့ရှိရကြောင်းဖော်ပြထားသည်။

▪️ ထို့ပြင် သက်ဆိုင်ရာအလိုက် ဖွဲ့စည်းထားသော အစည်းအရုံးများအနေဖြင့်လည်းလိုအပ်သလို ထိန်းကျောင်းတည့်မတ်ပေးနိုင်ရန်နှင့် လူမှုကွန်ရက်စာမျက်နှာများအပါအဝင် မြန်မာ့ယဉ်ကျေးမှုကို ဆန့်ကျင်သော၊ ညစ်ညမ်းသော အပြောအဆို၊ အပြုအမူများပါဝင်သည့် ရိုက်ကူးထုတ်လွှင့်ဖော်ပြမှုများနှင့်ပတ်သက်၍ ထုတ်လုပ်သူ၊ စီစဉ်ရိုက်ကူးသူ၊ သရုပ်ဆောင်သူများအား တည်ဆဲဥပဒေများနှင့်အညီ အရေးယူဆောင်ရွက်သွားမည်ဖြစ်ကြောင်း သိရသည်။

#YMG/NN #Yangon-Times

#Local_News
Published 28 April 2024

▪️ ယာယီဆိပ်ကမ်းအဖြစ် သတ်မှတ်လိုက်သည့် ရွှေမဲဆိပ်ကမ်းနှင့် မုတ္တမဆိပ်ကမ်းများမှ အိမ်နီးချင်းနိုင်ငံများနှင့်ကုန်သွယ်နိုင်ပြီဖြစ်ကြောင်းအကောက်ခွန်ဦးစီးဌာနမှ သိရသည်။

▪️ ရန်ကုန်တိုင်းဒေသကြီး ရွှေပြည်သာမြို့နယ်၌ တည်ဆောက်ထားသော ရွှေမဲဆိပ်ကမ်းနှင့် မုတ္တမဆိပ်ကမ်းတို့ကိုအိမ်နီးချင်းနိုင်ငံများနှင့်ကုန်သွယ်ရန် ယာယီဆိပ်ကမ်းအဖြစ်သတ်မှတ် လိုက်ပြီဖြစ်သည်။

▪️ ယင်းဆိပ်ကမ်းများအား အိမ်နီးချင်းနိုင်ငံများသို့ ကုန်တင်ပို့နိုင်သည့် အပြည်ပြည်ဆိုင်ရာကုန်တင်ကုန်ချ ယာယီဆိပ်ကမ်းအဖြစ် အကောက်ခွန်ဦးစီး ဌာနမှ ၂၀၂၄ ခုနှစ် ဧပြီ (၂၄) ရက်မှစ၍ စတင်ခွင့်ပြုခဲ့ပြီးဖြစ်ကြောင်း၊၎င်း ဆိပ်ကမ်းများမှ အိမ်နီးချင်းနိုင်ငံများသို့ border trade ပို့ကုန်လုပ်ငန်းများ ဆောင်ရွက်နိုင်ရေးအတွက် အကောက်ခွန်ဦးစီးဌာနအပါအဝင် ဌာနဆိုင်ရာ ပူးပေါင်းအဖွဲ့ (OSS) များက ဧပြီ (၂၄) ရက်မှစ၍ တာဝန်ချထားစစ်ဆေးဆောင်ရွက်ပေးလျက်ရှိရာ  လုပ်ငန်းရှင်များအနေဖြင့်  အိမ်နီးချင်းနိုင်ငံများနှင့် ပို့ကုန်လုပ်ငန်းများဆောင်ရွက်နိုင်ပြီဖြစ်ကြောင်း သိရသည်။

▪️ လက်ရှိအချိန်ထိ  နယ်စပ်ဒေသ အခြေအနေများကြောင့် အိမ်နီးချင်းနိုင်ငံများနှင့် အဓိကကုန်သွယ်မှု ဆောင်ရွက်နေသည့်  မူဆယ်ကုန်သွယ်ရေးစခန်း၊  မြဝတီကုန်သွယ်ရေးစခန်း ဘင်္ဂလားဒေ့ရှ်နယ်စပ်ကုန်သွယ်ရေးစခန်းများလည်း ကုန်သွယ်မှုလုပ်ငန်းများ ပုံမှန်မဆောင်ရွက်နိုင်သည့်အပြင် ယာယီရပ်ဆိုင်းထားရမှုများလည်း ဖြစ်ပေါ်လျှက်ရှိရာ ယခုကဲ့သို့ ယာယီဆိပ်ကမ်းများမှတဆင့်တင်ပို့နိုင်ရန် ထပ်မံခွင့်ပြုလိုက်သည့်အတွက် အဆင်ပြေကြောင်းပို့ကုန်လုပ်ငန်းရှင်များက ပြောသည်။

#YMG/ NN #Yangon-Times

#World_Health
Published 28 April 2024

▪️ ကမ္ဘာမှာ ကိုဗစ်ကပ်ရောဂါ ဖြစ်ပွားတာ ၄ နှစ်ကျော်လာပြီဖြစ်ပြီး ထိုဗိုင်းရပ်စ်ရဲ့ အကျိုးဆက်တွေကို သိပ္ပံပညာရှင်တွေ စူးစမ်းလေ့လာနေဆဲ ဖြစ်ပါတယ်။

▪️ ကိုဗစ်က အသက်ရှူလမ်းကြောင်းဆိုင်ရာ ရောဂါဖြစ်ပေမယ့် အခြားအင်္ဂါများကိုလည်း ထိခိုက်စေနိုင်တယ်လို့ အထောက်အထားများ တွေ့ရှိထားပါတယ်။

▪️ ကိုဗစ်-၁၉ က အသည်းဆဲလ်တွေကိုလည်း ထိုးဖောက်ဝင်ရောက်ကာ ထိခိုက်စေနိုင်တယ်လို့ အစာအိမ်အူလမ်းကြောင်းပညာရှင် ဒေါက်တာ ရှာရက်ဒ်မယ်လ်ဟိုထရာက ရှင်းပြသွားပါတယ်။

▪️ ကိုဗစ်လူနာတွေမှာ အသည်းအင်မ်ဇိုင်းများ မြင့်တက်နေတာကို တွေ့ရှိခဲ့ပြီး အသည်းမှာ ဒဏ်ရာဖြစ်တဲ့သဘော ဖြစ်ပါတယ်။

ယခင်ကတည်းက အသည်းပြဿနာရှိသူတွေမှာ ထိုဗိုင်းရပ်စ်ကြောင့် ပိုမိုဆိုးရွားစေပြီး ရောဂါထိန်းချုပ်မှုကို ရှုပ်ထွေးစေတယ်လို့ ဆိုပါတယ်။

▪️ အသည်းရောဂါတွေ ဖြစ်တဲ့အခါ ကိုယ်ခံအားကျဆင်းပြီး ကိုဗစ်ကို ပိုမိုဆိုးရွားစေပါတယ်။

▪️ ကိုဗစ်ဖြစ်နေတဲ့ အသည်းအစားထိုးလူနာတွေမှာ အသက်အန္တရာယ်နဲ့ အင်္ဂါလက်မခံခြင်းမျိုး ဖြစ်နိုင်ခြေများတယ်လို့ လေ့လာချက်တွေမှာ တွေ့ရှိထားပါတယ်။

▪️ ယခင်က အသည်းပြဿနာ မရှိဖူးရင်တောင် ကိုဗစ်-၁၉ကြောင့် ရေရှည်မှာ အသည်းထိခိုက်နိုင်တယ်လို့ အာရှဆေးရုံမှ အာမစ်မစ်ဂ်လာနီက ပြောပြပါတယ်။

▪️ ဒါကြောင့် အသည်းအခြေအနေကို စောင့်ကြည့်တိုင်းတာသင့်ပြီး ရောဂါရှိသူတွေကို ကုသဖို့က အရေးကြီးပါတယ်။

#Source: India Today

သင်္ကြန်ပြီးချိန်ကစလို့ မန္တလေးမှာအပူဒဏ်‌ကြောင့် သတိလစ်တဲ့ Heat Stroke လူနာတွေ (၈)ဦးလောက် ဆေးရုံပို့ခဲ့ရပြီး (၅)ဦး အသက်ဆုံးရှုံးသွားတယ်။
#Local_News
Published_ 28 April 2024
#အပူဒဏ်ကြောင့်သေဆုံး #Heat_Strokeလူနာတွေ
#tthl #Yangon_Times

#World_Health
Published 28 April 2024

▪️ ဖရဲသီးက ရေဓာတ်ကြွယ်ဝတဲ့အပြင် အာဟာရဓာတ်များနဲ့ ကျန်းမာရေး အကျိုးကျေးဇူးများစွာ ရှိနေပါတယ်။

ယခုလို နွေရာသီမှာ ဖရဲသီးစားသုံးခြင်းရဲ့ အကျိုးကျေးဇူးများကို ဖော်ပြလိုက်ပါတယ်။

 
▪️ (၁) ဖရဲသီးမှာ ရေဓာတ် ၉၂ ရာခိုင်နှုန်း ပါဝင်တာကြောင့် လုံလောက်စွာ ရေဓာတ်ပြည့်ဝစေပြီး ခန္ဓာကိုယ်လုပ်ဆောင်ချက်များကို ထိန်းညှိပေးပါတယ်။

 
▪️ (၂) ဓာတ်တိုးဆန့်ကျင်ပစ္စည်းများ ပါဝင်တာကြောင့် နာတာရှည်ရောဂါများ ကင်းဝေးစေပါတယ်။

 
▪️ (၃) လိုင်ကိုပင်း ဓာတ်တိုးဆန့်ကျင်ပစ္စည်းက ကိုလက်စ်ထရောလ် လျှော့ချပေးတာကြောင့် နှလုံးကျန်းမာရေးကို ထိန်းသိမ်းပေးပါတယ်။

 
▪️ (၄) အမျှင်ဓာတ်ပါဝင်တာကြောင့် အစာကြေလွယ်ပြီး ပုံမှန်ဝမ်းသွားစေပါတယ်။

 
▪️ (၅) ဆစ်ထရူလင်း အမိုင်နိုအက်ဆစ်က လေ့ကျင့်ခန်းလုပ်ပြီးနောက် ကြွက်သားရောင်ရမ်းခြင်းကို သက်သာစေကာ သွေးလည်ပတ်မှု ကောင်းစေပါတယ်။

 
▪️ (၆) အရေပြားကို ရေဓာတ်ဖြည့်ပေးတာကြောင့် စိုစွတ်မှုကို ထိန်းသိမ်းပေးတဲ့အပြင် နေရောင်ခြည်ဒဏ်မှ ကာကွယ်ပေးပါတယ်။

 
▪️ (၇) ဖရဲသီးက ချိုပေမယ့် ကယ်လိုရီနည်းတာကြောင့် ကိုယ်အလေးချိန် ထိန်းသိမ်းရာမှာ အထောက်အကူ ဖြစ်စေပါတယ်။

 
▪️ (၈) သူ့မှာပါတဲ့ ဗိုက်တာမင်-စီက ကိုယ်ခံအားမြှင့်တင်ပေးပြီး ရောဂါကူးစက်မှုများမှ ကာကွယ်ပေးပါတယ်။

 
▪️ (၉) လိုင်ကိုပင်းဓာတ်နဲ့ ကူကာဘီတာစင်ဓာတ်တို့က ရောင်ရမ်းခြင်းကို သက်သာစေကာ နာတာရှည်ရောဂါများမှ ကာကွယ်ပေးပါတယ်။

 
▪️ (၁၀) အသားအရေကို ရေဓာတ်ဖြည့်ပေးတာကြောင့် အရေပြားစိုစွတ်ဝင်းပစေပါတယ်။  

#Source: DoctorNDTV

ယမန်နှစ်က နိုင်ငံနဲ့ဒေသ ၅၉ နေရာမှ လူပေါင်း ၂၈၁.၆ သန်းဟာ ငတ်မွတ်ဘေးအန္တရာယ် ကျရောက်နေခဲ့ပြီး စားနပ်ရိက္ခာ မလုံလောက်တဲ့ ပြဿနာက ၅ နှစ်ဆက်တိုက် ပိုမိုဆိုးရွားလာကြောင်း ကုလသမဂ္ဂ အဖွဲ့အစည်းများက ဗုဒ္ဓဟူးနေ့မှာ သတိပေးထုတ်ပြန်လိုက်ပါတယ်။
#World_Crisis
Published 27 April 2024
#ကမ္ဘာတဝှမ်းငတ်မွတ်ခေါင်းပါးမှု #ဘေးအန္တရာယ်(၅)နှစ်ဆက်တိုက်ဖြစ်
#Yangon_Times #YMG_News #Yangon_Media_Group

#Daily_News
Published_ 27 April 2024

၁။ ပျူ၊ပုဂံ၊‌‌မြောက်ဦး ကမ္ဘာ့အမွေအနှစ်ဝင်အောင် ကူညီဆောင်ရွက်ပေးခဲ့သော အီတလီပညာရှင်ကွယ်လွန်

၂။ လုပ်သားရှားပါးမှုကြောင့် ရန်ကုန်ဆန်အဝင်နည်းပါးပြီး ဈေးမြင့်တက်

၃။ ၂၄နာရီ မီးရရှိသည့် ကွန်ဒိုအခန်းများ အငှားနှင့်အရောင်းဝယ်ဈေးကွက် ပိုဖြစ်ထွန်းလာဟုဆို

၄။ ကမ္ဘာတဝှမ်းငတ်မွတ်ခေါင်းပါးမှု ဘေးအန္တရာယ် (၅)နှစ်ဆက်တိုက်ပိုမိုဆိုးရွားလာနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group